|
|
|
 Re: Re:لماذا يا شركة كنار (حرام والله حرام) (Re: Nazik Eltayeb)
|
سلامات ناذر
قريت آخر خبر ؟
نقراء ونشوف بعدين غايتو
اعلنت شركة سوداتل للاتصالات تحولها الى مجموعة بعد اقرار هيكلة جديدة تم بموجبها تقسيمها الى خمس شركات، وكشفت عن خدمات جديدة تشمل «الانترنت» مجانا خلال يومى الجمعة والسبت بإيجار شهرى بواقع عشرة جنيهات لخدمة الدفع المقدم التى تنفذ لاول مرة فى الهاتف الثابت بالاضافة الى مجانية المكالمات داخل المقسم الواحد،وخدمة التلفزيون المتجول على الهاتف السيار «سوداني» والتجوال الدولي ،ورصدت مبلغ 8 ملايين دولارلهذا العام لخدمات الدعم الاجتماعى فى مجالى التعليم والمياه بالتركيز على دارفور.
وقال الرئيس التنفيذي لمجموعة «سوداتل» المهندس عماد الدين حسين فى مؤتمر صحفى امس ان الشركات الوليدة تشمل ،»شركة تراسل» التى تقدم خدماتها لكل الشركات فى السودان ،وشركة «ثابت « للهاتف الثابت التى تقدم الخدمات الضوئية والفاكس والانترنت ،وشركة «سودانى» المتخصصة فى خدمات الموبايل ، وشركة «سودا سيرفس» المتخصصة فى الاعمال الهندسية ،وشركة داتا نت فى مجال شبكات المعلومات ، بجانب « اكاديمية «سودا كات» لعلوم الاتصالات.
واوضح حسين ان مجموعة «سوداتل» تكفل 200 يتيم سنويا وقال ان ابريل المقبل سيشهد احتفال المجموعة ببلوغ مشتركى «سودانى» خمسة ملايين مشترك فى الذكرى الثالثة لبدء خدماتها، لافتا الى ان تركيز الشركة على الهاتف الثابت سيكلفها فى العام الحالي خسائر تبلغ 30 مليون دولار لكنه اعتبرها بنية مهمة واحتياطيا للطوارىء فى البلاد.
ومن جانبه اعلن ممثل المدير التنفيذى لشركة الهاتف السيار «سودانى» عاصم عبد الوهاب عن ادخال خدمة التلفزيون الجوال عبر الموبايل في الفترة المقبلة واعتبره احدث خدمة فى السودان مبينا ان «سودانى» تغطى حتى الان حوالى 80 % من السكان وتسعى للوصول الى نسبة 100 % بنهاية العام الجاري.
من جهته قال عمر طه المدير العام لشركة الهاتف الثابت «ثابت» ان الشركة مستعدة لتقديم الخدمة الى 700 ألف مشترك ،وبدأت من ولاية البحر الاحمر طرح خدمة الهاتف الثابت عبر الدفع المقدم الذي يتيح خدمة «الانترنت» مجانا يومي الجمعة والسبت والاتصالات الهاتفية مجانا داخل المقسم الواحد فى مقابل عشرة جنيها شهريا، مشيرا الى ان شركته تسعى الى العودة بالهاتف الثابت الى ريادته فى مجال الاتصالات فى السودان.
عاصم اسماعيل :الصحافة
أعلنت الشركة السودانية للاتصالات سودتل عن تدشين خدمة التلفزيون الجوال من خلال شبكة الموبايل قريباً كأحدث خدمة تقدمها الشركة في البلاد.في وقت حددت فيه الشركة مطلع أبريل المقبل سيشهد تعزيز دور الهاتف الثابت مجدداً وقال المهندس عماد حسين مدير شركة سوداتل في مؤتمر صحفي عقدته سوداتل بفندق السلام روتانا حضرته (smc) أن سوداتل قدمت خدمات فنية كأحدث شبكة استفاد منها الجميع دون الحوجة إلى تعقيدات فنية. مبيناً إن الخدمات التي تقدمها سوداتل تكمل بعضها البعض وأكد أن سوداتل ستقوم بتدشين خدمة التلفزيون الجوال كأحدث خدمة خلال الفترة القادمة مضيفاً أن الخدمة التي سيتم تقديمها للمواطن تعتبر الأول من نوعها في البلاد معتبراً أنها تعد سبق لشركة سوداتل مؤكداً أن سوداتل ستعمل على تغطية البلاد بنسبة 100% قريباً فضلاً عن احتفالها بالمليونية الخاصة خلال الشهرين القادمين.
وكشف عماد عن اتجاه لإعادة التركيز على الهاتف الثابت للمساكن منوهاً إلى أن نسبة شغل الهاتف الثابت بالبلاد تمثل (5%) من سوق الاتصالات معتبراً أنها نسبة ضئيلة سيما وأن الهاتف الثابت يمثل في الدول المتقدمة (80%) من سوق الاتصالات مؤكداً أن الخطوات العملية لإعادة الهاتف الثابت ستكون في أول أبريل المقبل مبشراً المواطنين بأن الشركة على استعداد لإسقاط الديون السابقة على الأسر إذا أقدمت على امتلاك أو إعادة الهاتف الثابت. مشيراً إلى أن الديون سترد للزبون في شكل رصيد للاستهلاك إلى جانب خدمة الاتصال المجاني للأسر ي داخل المقسم الواحد.
وكشف مهندس زين العابدين مدير شئون الدعم الاجتماعي بسوداتل عن اعتماد مبلغ (8) مليون دولار للدعم الاجتماعي للعام 2009م بإضعاف ما كانت تعتمده الشركة في السنوات الماضية وأوضح زين العابدين أن الدعم الاجتماعي يمثل الوجه الآخر لسوداتل مبيناً أن أوجه الصرف ستكون في محاور المياه والتعليم لهذا العام وأكد أن الشركة ستقوم بحفر آبار مياه في دارفور بموجب اتفاق مع مؤسسات الدولة المعنية بالتنمية في البلاد مؤكداً أن أمر التنفيذ سيؤكل إلى منظمات المجتمع المدني.
الخرطوم : (smc)
| |
 
|
|
|
|
|
|
|
|
Re: Re:لماذا يا شركة كنار (حرام والله حرام) (Re: نوفل عبد الرحيم حسن)
|
لا فاتورة في بريدي الالكتروني و الخدمة مقطوعة
ولا حجة لكم يا كنار
عليكم بمراجعة نظام حساباتكم
وهو كما اعلم مخالف حتى لقوانين السودان و الدستور اذ انه يبيع سلعة غير موجودة اصلاً
و علي الاقل لاغير معروفة القدر والشكل مقدماً
كنار عليها ان تلتزم اما بدفع مقدم لخدمة معروفة الثمن
او دفع مؤخر لاستهلاك محدد
اما الجمع بين الطريقتين لنفس المستهلك فغير مقبول اخلاقياً او قانونياُلانه
( بيع غرر
هل ياتري تستخدم الشركة الام في دولة الامارات نفس النظام المحاسبي الهجين و المعقد والذي يحتاج لكورسات اذا اراد المستهلك الحفاظ علي حقوقه او ان يقبل بالدفع فقط بدون سؤال لكل ما يطلب منه
ارجو من بورداب الامارات الاجابة
يا كنار نحن في القرن الحادي و العشرين وكل شئ حتي ميزانية المنزل يجب ان تكون بتخطيط مسبق وقريباً سيملأ المواطنين في السودان اقرارات الضريبة كما يفعل الامريكيون فماذ نكتب في خانات استهلاك الهاتف اذا كنا نتعامل دفع آجل مع شركة كنار
| |
|
|
|
|
|
|
|
|
|
Re: Re:لماذا يا شركة كنار (حرام والله حرام) (Re: نوفل عبد الرحيم حسن)
|
سلام نازك ..
حديثك أعلاه منطقي جدا .. وأنت عندما طلبتي الإنتظار حتى نهاية الشهر لتأكيد الامر ظللت أنتظر معك لأعرف ما جرى بشأن إشكاليتك .. وها أنت تفيضين بشرح ما حدث لك ..
نرجو من الأخوة في كنار المشاركين في هذا البوست توضيح او حتى تبرير ما حدث وما يحدث في فواتير الأخت نازك ونرجو أن يكون الحديث هنا في هذا البوست حتى يكون الجميع على علم بعيدا عن التسويات عبر الماسنجر والهاتف ..
فإن كان هنالك خلل محاسبي في أجهزة وكمبيوترات شركة كنار فذلك يعني أن القضية عامة وأن الألاف متضررون وليست الاخت نازك لوحدها .. وبالتالي فعلى جميع المتضررين معرفة حقوقهم وعلى الشركة ردها لهم إن ثبت ما ذكرته الاخت نازك ..
شكرا نازك ..
| |
|
|
|
|
|
|
|
|
|
الاخت الفاضلة نازك (Re: ناذر محمد الخليفة)
|
الاخت الفاضلة - نازك
شكرا لك لنشر مداخلتك فى هذا البوست القيم - وشكرا لتوضيح ماحدث لك بالتفاصيل وهذا ما يهمنا هنا بالمقام الاول.
الان تم ارسال تفاصيل حالتك وشكواك لقسم خدمات المشتركين وبه شرح واف لما حصل لك ! وفى انتظار ردهم الذى سوف يكون شافيا لكل اجاباتك وان كان هناك اى خطاء من الشركة تجاهك فسوف نقوم بتوضيح ذلك فى هذا المنبر ايضا .
صاحب البوست
الف مبروك مقدما - وتلقانا بكره معاك انشاء الله
| |
|
|
|
|
|
|
|
|
|
Re: الاخت الفاضلة نازك (Re: ناذر محمد الخليفة)
|
سلام نوفل :
Quote: سلامات ناذر
قريت آخر خبر ؟
|
قريتو يا نوفل
وضحكت حتى إستلقيت على قفاي ..
وتذكرت المقولة (من برة هلا لا ومن جوة يعلم الله) ..
ماذا فعلت الشركة لعملائها وماذا قدمت لهم من خدمات حتى تحتفي بتقديم خدمات جديدة وما يسمى بالجيل الرابع ؟!!
ما ذا قدمت لنا الشركة من خلال خدمات الجيل الثالث ؟!!
ما تقوم به شركة سوداني أو سوداتل يذكرني بالمباني الحكومية الفخمة التي تم تجليدها بالألمونيوم ومدها بالتكييف وكل وسائل الراحة ولكن ما يقدم من خدمات داخل هذه المباني للمواطنين من السوء بمكان !!
ما تقوم به الشركة من تجميل لنفسها عبارة عن ورقة توت تحاول ستر عورتها بها !!
ولا وجيع لنا ...!!
| |
|
|
|
|
|
|
|
|
|
Re: الاخت الفاضلة نازك (Re: ناذر محمد الخليفة)
|
انا لله من زين كونكت ابو 2 قيقا
امس خلصنا ال2 قيقا البندفع فيها 55 الف
عينكم ما تشوف الا النور تغذي بعشرة الف يوميا
قبل شوية رجعت من المكتب لقيته قطع
قبل ما اغذي بـ 10 الف شيكت علي الرصيد لقيته -138 ميقا، غذيت وشيكت علي الرصيدوالله لقيته -139
دي ما قريناها في الحساب
الصورة موجودة بكرة برفعها من المكتب لانو لو رفعتها من هنا احتمال اطلع مديون راب شهر لناس زين
سوداني بدأت تلتف مرة أخري ايضا حول ضحاياها بمسميات جديدة
واليوم صحف الخرطوم تحمل اعلانات لناس زين لا تخلو من غش تجاري واضح
ياحكومة السودان فكونا من الناس ديل
اكلوا مال الناس بالباطل وعينك يا تاجر
| |
|
|
|
|
|
|
|
|
|
موجودة هنا : (Re: ناذر محمد الخليفة)
|
سلام ناذر
المداخلة هنا :-
Re: شكراً كنار
Quote:
سلام ناذر وناس السودان
يا خوي سين سؤال : الموديومات ( جمع بشتنة لـ موديوم ) البتشتغل في السودان شنو ؟
والحكاية موحدة ؟ ولا كل بلد عندها نوع براهو ؟ يعني الموديوم البيشتغل في الخرطوم , بيشتغل في بورتسودان مثلاً ؟؟؟
مع الشكر . |
الغتسها هناك شنو ما عارف !! مع انو دائماً بحرص أرد على آخر مداخلة .
| |
|
|
|
|
|
|
|
|
|
Re: موجودة هنا : (Re: filan)
|
شركة سودانى للاتصالات اسوا مزود خدمة واسوأ خدمة عملاء
موظفى خدمات العملاء لا يدرزن اى شى عن الخدمة التى يقدمونها
لدينا فى المكتب خط دى اس ال هذا الخط قمنا بتركيبة من العام 2007 م منذ تركيبه وهذا الخط به مشاكلتنعدم الخدمة معظم اليوم وعند الابلاغ يحضر تيم الصيانة وترجع الخدمة وبمجرد خروجهم تنقطع
اقوم بالاتصال بخدمات المشتركين وابلغهم لااجد عندهم شى ويقولون لى سنقوم بارجاع البلاغ للصيانة ونظل على هذا الحال . مع العلم بان الشركة تاخذ قيمة فاتورتها الفابتة دون ان تعتذر او تفكر فى حل نهائى .
الشى الاخر لدى ام دى اس ال تعرض للتلف بعد سقوطه وتحطمة تماما تحت سيارة اتصلت على خدمات المشتركين والتى كان ان تسمى عذاب المشتركين بعد مجهود جبار استطعت ان اوصل للموظفة اننى اريد استبدال المودم واريد ان ارف كيف يتم ذلك . قالت لى انو هى ما عرفة لكن تعتقد انو يفترض ان اقزم بشراء واحد تانى بدل الاتعطل . الناس ديل ياربى ما بعرفو after sales services يعنى لو عندهم قسم تسويق ومبيعات وعارف دورو التام كانو حولونى ليهو والمشكلة اتعالجت بكل بساطة لانو انا مفترض اكون بالنسبة ليهم زبون ويجب المحافظة عليه .
كدى هسى ياخوانى لو فى زول عارف استبدل المودم بتاعى ده كيف وماهى الاجراءت المطلوبة ولا برضو اشترى جديد
انا المحيرنى فى الموضوع انو تدخل مكاتبهم تلاقى لوحات فيها كمية من الارشادات فى التامل مع الزبون وتجويد العمل
| |
|
|
|
|
|
|
|
|
|
Re: موجودة هنا : (Re: عبدالله الامين صالح)
|
سلام نازك ..
| Quote: ان المشكلة تتلخص في ان كنار قد احتسبت بقية يوم 29 ديسمبر و30 و 31 من الشهر شهراً كاملاً ظل يتراكم وينتقل كدين في الفاتورة من شهر الي أخر رغم ان هذه الايام كانت مدفوعة في فاتورة الفلات ريت قبل تغييري المشئوم لنوع اشتراكي |
هل هذا صحيح يا شباب كنار في البوست ؟!!
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: Nazik Eltayeb)
|
ادبياً علي الاقل
فلا اعتقد ان الجانب المادي اصبح مشكلة فكثير من الزمن ضاع بين مكاتب كنار وهو اقيم عندي من مبلغ الفاتورة
لكن المكسب الحقيقي ان شركات الخدمة وبائعي السلع قد سمعوا الصوت و يجب ان يحترموا المستهلك
فتحية مرة اخرى لك وانت تفتح كوة يخرج منها صوت المستهلك بكلمة( لا ) بعد ان كان لا يسمع غير (ادفع ادفع ادفع ادفع) رغم رداءة الخدمات و ظلمها احياناً
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
.
.
.
ناذر والآخرون
من آخرو كدي هسي نحنا نبقى على ياتو ونرمي ياتو
لانو بالجد الطشاش في بلد العمايا شوف ...
جيرانا وصلو حتى 7 سجم في السرعه بتاعت النت عندهم
لما قارنا بين التكلفتين نلقى فرق السما من الواطه
لكن نقول برضو نصبر على لالوبنا
لكن ورونا ياتو لالوب ما بجيب الاسهال في الجيب
عفواً لحظه :
يا أيها المستهلكين الموجوعين
كونو لجنه ورتبو شكايتكم ومطالبكم وامشوااقعدوا مع الناس دي
وأطلعوا منهم بي عقاد نافع مع إجراء مفاوضات وعقد مقارنات للتكلفة في الدول المجاوره
بقصد امكانية التحسين الخدمة وتخفيض تكلفتها
بدل تقعدوا تتونسو ياربي الاتحسنو ناس زين لا لا .. ناس سوداني وطنيين وما مقصرين ..
اظني ناس ام تي ان بيحسبوها بالثانية وناس حقانيين
لكن ناس كنار سرعتهم مبالغه ولما النت قطع من البلد هم براهم الكانو شغالين
وحتى نمشي للبعيد ايضاً وتشكل هجمه مرتده زي ما بقولو ناس الكوره
هذه الشركات تعلن تقديمها لخدمة انترتيت بسرعات معينه مع الزبون اللي هو انت
والتي بموجبها تدفع لها انت من حر مالك ...
هل تم التحقق من هذه الشركات تقدم ذات الخدمه المعلن عنها عملياً ...
ومتى ما ثبت عكس ذلك وهذه يمكن بي بساطة تخلي الناس بعد التحقق
انها تفتح بلاغات بتاعت غش تجاري او احتيال او تمسية قانوني لهذه الواقعه
ليييييييه الناس قاعده تحنس وتشكي قدر ده
عفواً لحظه :
اذا انتو في مرات كتيره قومتو لجان وممثلين وطلعتو بي نتيجه
هسي يعني دي غالباكم انتو ما بتشحدوا فيهم انتو اصحاب حق
ولا ما عارف ولا ياتو داك - عاملين شجرة اللالوب مزروعه في البيت وتضلل في بيت الجيران
ارجع اقول :
هم عندهم خدمتم وانتو قرشوكم في جيبكم اقعدوا معاكم كلهم ولو ما اتحلت...
طوالي على ناس الهيئة القومية للاتصالات تشوفوا لينا حل لي مشكلة الستلايت الممنوع من الصرف ده
برضو لو ما اتحلت تمشوا نيابة حماية المستهلك ومنها المحمكة الدستورية طوالي ....
كده تبقوا شركا بحق
اها قلتو شنوووووووو!!!
البصاص
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
سوداني إم دي إس إل
علي الطلاق بالتلاتة
أديتو هدية أمبارح القريييييييييييييبة دي لي زول
مشكلتو زول ما ناقش الوضع شالوا ليك و فرحان و انا عااااااااااااااارف النهاية حتكون حزينة
و دعوة المظلوم مافي بينها و بين الله حجاب
يا ربي بكون ظلمتو يا ناذر!!!!؟
تأخر تبرعي به كما نذرت لأني كنت في إنتظار عرض زين الجديد للشركات
و حقيقة زي ما قال واحد من الأخوة الفوق رهييييييييييييييييب و مافيهو كلام
أجمل حاجة فيهو إنو بوست بيد مش بري بيد
يعني
الرفِع قبل الدفِع 
مش نظرية ديلك
الدفِع قبل الرفِع 
غايتو في النت
زين عامُ جمييييييييييييييييل
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
إتقوا الله فينا يا سوداني ..!!
الخدمة مقطوعة اليوم منذ الثانية ظهرا ولم تعد حتى الان !! وأنتم إستلمتم ثمنها وقبضتوه مقدما ..!!
كيف ستساوون هذه المسألة وكيف سيتم تعويض العملاء والمشتركين عن ذلك العطل ؟!!
إتقوا الله وتذكروا اننا لن نغفر لكم أي قرش دخل جيوبكم دون مقابل خدمة حقيقي ..!!
أين وعودكم السابقة بالتعويض ؟!! وهل ستبيعون المشتركين هذه المرة وعودا سرابا خادعة أيضا ؟!!
أفلا يهمكم أمر عملائكم بعد أن أخذتم اموالهم مقدما وأدخلتموها خزائنكم ؟!!
إتقوا الله فينا ... إتقوا الله فينا ....!!
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
رسالة تقطر ألما ومرارة من الباشمهندس محمد عبد الله من شركة إف إم تكنلوجي :
Quote: الأستاذ الفاضل / ناذر محمد خليفة
تحية طيبة واحييك على الموضوع الهادف الذي تابعه الآلاف وأعني هنا
الموضوع الخاص بشركة سوداني وتحديدا خدمة الانترنت
حقيقة والله أنا محبط جدا من هذه الشركة .. وبالامس القريب حاولت جاهدا
ارسال شكوى عبر موقعهم وهي على النحو التالي
=========================================================
سلام . نشتكي من رداءة الخدمة الخاصة بسوداني mDSL في منطقة الجريف شرق ،
الشبكة ضعيفة للحد البعيد ونضطر لتغيير مكان المودم بالتحرك في المنزل من
مكان لآخر بحثاً عن الشبكة!! الاتصال بالانترنت ينقطع بصورة متكررة ونضر
لإعادة الاتصال مرة اخرى .. بالدارجي كده انا مستاء جدا وما معقول ادفع
قروش في الفاضي مع العلم اني اول ما اشتركت دفعت مقدم 3 شهور ..
ارجو الرد في اسرع فرصة واتمنى انو المشكلة تتعالج بسرعة وما معقول انا
ما قادر اخش انترنت بسبب ضعف الشبكة وانا بالقرب من برج الهيئة القومية
للإتصالات !!
=========================================================
المؤسف ان كل محاولاتي باءت بالفشل لأن فورم (اتصل بنا) الموجود في موقع
شركة سوداني لا يعمل
حاولت الاتصال عبر الهاتف دون فائدة .. ثالثة الأثافي أننا في الشركة
نعاني من سوء خدمة خط الدي اس ال واتصلنا بهم عبر الهاتف وطلبوا منا
مراجعة (الفيشة) !! تخيلوا !! أخبرناهم بأننا مهندسون متخصصون وأن
المشكلة ليست لها علاقة بأي من المعدات الداخلية لأننا سبق وأن قمنا
بفحصها .. بعثوا الينا بمهندس بعد أكثر من شهرين وحضر سعادة المهندس وقام
(بالتنظير) وفي نهاية الأمر لا جديد .. ذهبنا اليهم في مقرهم للمرة
المليون وفي آخر مرة اعترفوا بأن العطل مسئوليتهم وأنهم يتحملون رداءة
الخدمة في الثلاثة اشهر الماضية واخبرونا بأنه يتوجب علينا ملء استمارة
(تسوية) لأننا دفعنا مبالغ مالية في الفاضي .
تحسنت الخدمة لأيام لتعود سيئة مرة أخرى وأنا والله في قمة الاحباط ما
قادر استفيد من الانترنت لا في المنزل ولا في الشغل والادهى والامر في
الموضوع هي الفواتير الغالية مقابل خدمة أقل ما يمكن ان نصفها بأنها
رديئة .
بلغ السيل الزبى ووجب على الجميع ان يكونوا يدا واحدة لإيقاف هذا النهب
(المصلّح) من قبل شركة سوداني وارجو ان يتم الاتفاق على شئ يجعل هذه
الشركة تعيد النظر في تعاملها مع زبائنها قبل أن تعيد النظر في خدماتها
لك مني جزيل الشكر والتقدير يا أستاذ ناذر .. وبنقول ليك واصل في الموضوع المهم
مهندس / محمد عبدالله
مطور نظم هندسية
شركة اف ام تكنولوجي
|
سلام يا باش مهندس
حقيقة أحس بمرارتك ومعاناتك ولست وحدك .. وكل ما طرحته أنت هنا في هذه الرسالة
قيل من قبل في بوستي عن الشركة ..
وجميع المسئولين في سوداني يتابعون البوست وتواصلوا معي بطرق مختلفة سواء عن
طريق الهاتف أو رسائل البريد الالكتروني وكل ما جنيته منهم هو الوعود المتكررة
..
وما سأفعله هنا هو نقل رسالتك كاملة للبوست لانهم جميعا في الشركة يتابعون ما
يكتب هناك بإهتمام تام ..!!
ولا أريد أن أطمنك انك سنجد حلولا فورية لما تعاني منه .. ولكن أستطيع أن أضمن
لك بعض الوعود والكلمات المعسولة من جانبهم .
تسلم كتير ..
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
شكرا باش مهندس ..
Quote: بلغ السيل الزبى ووجب على الجميع ان يكونوا يدا واحدة لإيقاف هذا النهب
(المصلّح) من قبل شركة سوداني وارجو ان يتم الاتفاق على شئ يجعل هذه
الشركة تعيد النظر في تعاملها مع زبائنها قبل أن تعيد النظر في خدماتها
|
المقاطعة هي الحل ..
وستحقق نتيجة إيجابية في أقرب وقت بالمقارنة مع إستخدام أي وسيلة أخرى ..
جربنا الحوار مع مسئولي الشركة ولم نجن سوى الوعود والاكاذيب والمزيد من التضليل ..
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: فرح)
|
ناذر
بالامس جلست اكتب بوست الرد علي كنار كما وعدت مستخدمة سودانيزاولاين اديتر (عشان صور الفواتير )وبعد قرابة ساعة من العمل انفصل كيبل كهرباء الجهاز واختك ما عاملة حفظ و الاديتر ما فيه حفظ تلقائي
يكون ناس كنار استعانوا بفكي معتبر (وش ضاحك)
ساعود عند حصولي على فسحة ثانية من الوقت
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
سلام عبد اللطيف ..
| Quote: يا ناذر ورينا بترفع البوست علي بلاطة ساي كدة كيف ، لاني زهجت من الكتابة وعايز اعمل كدا! |
شوف .. داير اقول ليك حاجة ..
أي زر في الكيبورد القدامك دا بيعني حركة في إرسال امر للكمبيوتر ..
على بلاطة ساي يكفي إنك تخت ال (كيرزر) في البوست وتضغط على سبيس (مساحة) في الكيبورد وبي كدة بيكون دا حرف إنكتب حتى لو كان مساحة ..
بس تكون حريف في إستخدام (البلاطة) دي لانو وضع السيف في موضع الندى مضر كوضع (مش عارف إيه كدة) ..!!
يعني لو عملت الحركة دي في بوست عزاء بدون ما تكشح فاتحة حا يفسر زي كأنك ما عندك شعور بي معاناة التانين ..
ولو عملتهافي بوست فرح بدون ما تبارك وتقادل حا تفسر كأنك ما داير تشارك التانين فرحم ..
ولو عملتها في بوست تصويت حا يفسر دا إجماع سكوتي منك أو (السكوت علامة الرضا) على أحسن الفروض ..!
أما لو عملتها في رفع بوست من الصفحة العشرين طوالي حا يفسر دي غتاتة منك ..!!
ولو عملتها في بوست فيهو شكلة كاربة فتأكد إنك حا تصنف حجاز وحا تاخد عكاز بي كم سطر مع إنك ما كاتب ولا حرفين ..!
فخليك حريف في إستخدام الشغلانية دي يا عبد اللطيف ..!!
خليك حريف وقول يا لطيف يا عبد اللطيف ..!
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
سلام نازك ..!!
Quote:
ناذر
بالامس جلست اكتب بوست الرد علي كنار كما وعدت مستخدمة سودانيزاولاين اديتر (عشان صور الفواتير )وبعد قرابة ساعة من العمل انفصل كيبل كهرباء الجهاز واختك ما عاملة حفظ و الاديتر ما فيه حفظ تلقائي
يكون ناس كنار استعانوا بفكي معتبر (وش ضاحك)
|
سودانيز أون لاين إديتور دي شنو ويلقوها وين وبتعمل شنو ؟!!
صور الفواتير ما دايرا غير سكانر أو كاميرا ديجتال وتترفع في سيرفر الموقع او أي سيرفر مجاور والشغلة بتنتهي ..
أوعى من الفكي أبكرينا ...! 
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
نازك ..
Quote: عايزة شوية زمن لاني بعاني من جدول مزدحم .
برواقة حانزل سرد زمني منذ لحظة اشتراكي مشفوع بالفواتير و الايصالات وعشان اكون عادلة ساسرد تساولاتي وردود كنار عليها وساترك الحكم لرواد المنبر |
دا من يوم واحد مايو .. ويوم واحد يونيو جا ..!!
إستخدمي أي حاجة تانية غير الإديتور بتاع سودانيز أون لاين ..َ
| |
|
|
|
|
|
|
|
|
 Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
بالأمس إتصلت بي إحدى موظفات سوداني إم دي إس إل تقول أنها من قسم إستطلاعات العملاء أو إرضاء العملاء أو (إيه كدة العملاء ما عارف) ..
تسألني عن سبب عدم تنشيطي لجهازي الإم دي إس إل لفترة طويلة ..!!
لعلها كانت تنتظر مني أن أمتدح لها الخدمة أو أطبل لها ولشركتها من خلفها ..
دار بيننا حوار طويل ..
(إنتهى بإغلاقها الخط في وجهي !!!)
ويبدوا أني لم أحقق رغبتها بإسماعها ما كانت تتوقعه مني ...!!
خلاص يال لُخُت .. ! أنا أسف جداً إتصلي علي مرة تانية عشان أسمعك اللي نفسك تسمعيو ..!!
قال إرضاء عملاء قال ...!!
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: ناذر محمد الخليفة)
|
...
نازر ورواد البوست سلام .
فى الايام الماضية اعلنت شركة سوداني عن تخفيضات فى اسعار خدمة الام دي اس ال mdsl
..
المشكلة ان هذه التخفيضات دفعت الكثيرين الى الاشتراك .. فماذا كانت النتيجة ؟
النتيجة ان الخدمة ( التى هي اصلاً بطيئة ) اصبحت بطيئة أكثر ... وفى منتهى الرداءة والسوء .....
...
أصبحت خدمة بطيئة بمعنى الكلمة ، عشر دقائقلفتح الصفحة الرئيسية للمنبر العام لسودانيز اونلاين !
..
اما الايميل ، فاصبنا نعمل بنظام افتحو الان .. وامشي اشرب شاي وتعال تلقاهو يادوووووب فتح ..
ولو حاولت ترسل اتاشمنت بالايميل ، فانت زول حالم خالص !
..
حاولت اتصل بمركز خدمات المشتركين لتنبيههم لهذه المشكلة ، ولكنهم لم يردوا على اطلاقاً !
...
يفتحوا المواسير ... ولمن الموية تجي ، يغرقوا فيها !
....
| |
|
|
|
|
|
|
|
|
|
Re: السادة / شركة سوداني للإتصالات (خدمة الـ MDSL ) ..!! (Re: عبداللطيف حسن علي)
|
QuoteQuote: : زين في النت عالم جميل
سرعة ووضوح وشفافية
اتمنى ان يحافظوا علي جودة الخدمة ولا تتردى بزيادة عدد المشتركين
في السرعة هي سريعة لكن هنالك كذبة كبيرة في السرعة المعلنة والفعلية
وزين كخدمة تعتمد علي الباقة المستخدمة،يا ويل من يستخدم الباقة الشخصية
التي سعتها 2 قيقا |
................
الحال من بعضــو
نا زين ديـل بسيســرقوا فينا من زمن ماكانو بيشيلو مننا ( 8000 جنيه )
على شـريحة مسـبقة الدفـع ( ولو ما خصلوا قروشهم ما تقدر تتصـل أو تسـتقبل
وأخيرا سـمحوا بالاسـقبال , لكن لو ما خصموا مبلغ الـ 8000 جنيه شهـريا
ما تقدر تتصـل )و ولا حظ انهـا ما خـط بل شـريحة مسـبقة الدفـع
كل واحـد من الشـركات دي يسـرق بفـن مختلف , و ما في جهـة لحماية
للمسـتهلك , نا هيـك عـن سـوء الخدمة والشـبكة المشـغول دايما
| |
|
|
|
|
|
|
| |
Nazik Eltayeb
نوفل عبد الرحيم حسن
ناذر محمد الخليفة
الصادق اسماعيل
GamarBoBa
filan
عبدالله الامين صالح
7abib_alkul
Abdelmuhsin Said
أبو عبيدة البصاص
Deng
naeem ali
علاء الدين يوسف علي محمد
عبداللطيف حسن علي
فرح
مزمل خيرى
فيس بوك
تويتر
انستقرام
يوتيوب
بنتيريست