|
Re: ناذر محمد الخليفة ممثلا ...... الله يجازى محنك ( توجد مقالب ) (Re: ناذر محمد الخليفة)
|
Quote: يا عمكـ كويس ما جاب سيرة البتاعات! |
فى الحالة دى كنت ناديت ليهو بيجو ياخد صورة معاهو
Quote: علي الحرام كان من الاول اديتو المية ألف .. كان قال ليك انا حسين ملاسي .. !! |
حميدة .. حمدا لله على السلامة
على الطلاق زولك كان صبر شوية كنت مقلبتو و شلت منو ميتين الف اصلو طلع ليهو قروش كتيرة على اساس انها ناقصة مية الف
Quote: مية ألف؟ ورقتين امات خمسين خدر...مرة واحدة... هو زاتو ببالغ...في زول بينقصن ليه مية ألف..؟؟ |
يا اخوى ناذر ده ود المصارين البيض .. ناس نمرة اتنين البغسلو الصابونة اكان قال ناقص مليون ما مبالغة
| |
|
|
|
|
|
|
Re: ناذر محمد الخليفة ممثلا ...... الله يجازى محنك ( توجد مقالب ) (Re: سيف الدولة كامل)
|
أنور ياخي مقابلتي معاك أخدت قريب النص ساعة قبل ما أوريك أنا منو ..
معقول تختصرا في (السطيرات) الفوق ديل وكمان تخفي تفاصيل تانية ؟؟!!
قلت ليك بطل الجبر بتاعك دا وإنت طلعت لي دفتر شيكات جديد لنج عشان أشوف بي عيني إنك ما إستعملتو من ما إستلمتو ..
حاولت ترسلني للمدير المالي وانا (إتيبست معاك) وقلت ليك إلا إنت بس ..!!
جا واحد من الموظفين وإنت سألتو قدامي عن أكتر واحد عندو قروش في الجريدة منو ؟؟!! وزولك ما كان ناقش وبقى يديك في أسامي وإنت تقول ليهو : وتاني !!؟ : طيب في الطابق دا منو غيرو ؟!!
قلت ليك إنت وكت مفلس قدر دا شغال صحفي علي شنو ؟؟!! قلت إنك ما صحفي وإنك مدير قسم وأخر من يصرف مرتب ..!
حكيت لي ظروفك وظروف عربيتك العندها موقف خاص برا المكتب وظروف فواتير موبايلك لمن حننتني معاك ..!
قلت ليك وكت إنت مفلس قدر دا ما ترح تلف معاي في المكاتب نشحد سوا .. إتهربت من الرد ..!
أديتك الرخصة بتاعتي كضمانة عشان تديني مية ألف وأرجعا ليك بعد كم يوم : قلت لي الرخصة أسوي بيها شنو ؟!! وانا كنت دايرك تقرا الإسم بس ..
عاينت لي هدومي : قلت ليك المظاهر خداعة وإنت ما عارف أنا أكلت شنو أو باكل شنو في بطني !! ..
بدل أحكي ليك ظروفي حكيت لي إنت ظروفك وأنا حنيت عليك ناولتك (الفيها النصيب) جوة دفتر شيكاتك وإنت أبيت تستلم ..
في النهاية قلت ليك أقنع منك ؟؟ قلت لي أيوة أقنع .. وأنا ماشي مديت يدي أسلم عليك وعصرتك شديد وإنت قلت :أحححححححححح !! براحة ما تكسر يدي ..!!
قبل ما أفك يدك المعصورة قلت ليك أنا ناذر الخليفة ..
وبعد داك المقابلة إتحولت لي إتجاه تاني ..!!
صنفرة :
غايتو فائدة المقلب دا إنو منصبك دا لو عرضوهو علي أصلو ما بقبلو يا أنور
| |
|
|
|
|
|
|
Re: ناذر محمد الخليفة ممثلا ...... الله يجازى محنك ( توجد مقالب ) (Re: انور التكينة)
|
Quote: بدل أحكي ليك ظروفي حكيت لي إنت ظروفك وأنا حنيت عليك ناولتك (الفيها النصيب) جوة دفتر شيكاتك وإنت أبيت تستلم .. |
داير تعمل فيها حاتم الطائى ؟
يمين بالله ما طلعت قروشك الا لما قلت ناقصات .
ثم الفيلم مش فى انو اديك مية الف و لا ما اديك ، الفيلم احساسى انو القصة دى وراها حكاية .... الزول الوجيه ده الا صاحب قديم ما عرفتو و لا واحد من المحتلين الظرفاء
بعدين دفتر الشيكات استعملو كيف يا فهلوى اذا كان البنك العربى السودانى فتح قبل اسبوع و حسابى فتحتو قبل يومين ؟؟؟؟ قايلك ود خرطوم مفتح صحيح ... لكن لقيتك ما ناقش حاجة
لكن اصبر البوست ده عمرو يوم واحد لكن البوست بتاع مقلب الرد حيكون بعد الارشفة
| |
|
|
|
|
|
|
Re: ناذر محمد الخليفة ممثلا ...... الله يجازى محنك ( توجد مقالب ) (Re: انور التكينة)
|
يا انور ...
Quote: ثم الفيلم مش فى انو اديك مية الف و لا ما اديك ، الفيلم احساسى انو القصة دى وراها حكاية .... الزول الوجيه ده الا صاحب قديم ما عرفتو و لا واحد من المحتلين الظرفاء
|
أها أنا لا طلعت صاحب قديم لا واحد من المحتالين الظرفاء ..
أنا بجي كل فترة هناك عشان أسلم واواصل أصحابي الفرد .. يعني ما صاحب قديم لكن ممكن تقول علي صاحب جديد مع إنو القدومية حاصلة ..
Quote: بعدين دفتر الشيكات استعملو كيف يا فهلوى اذا كان البنك العربى السودانى فتح قبل اسبوع و حسابى فتحتو قبل يومين ؟؟؟؟
|
اللخمة حصلت ومشكلتي ما قريت تاريخ الدفتر ..
Quote: قايلك ود خرطوم مفتح صحيح ... لكن لقيتك ما ناقش حاجة |
ود خرطوم أي نعم بس خفت عليك تضاربني وتنادي الحرس يطردوني ...
Quote: لكن البوست بتاع مقلب الرد حيكون بعد الارشفة |
يا مان أنا ما عندي مكتب ولا بحب القعاد في المكاتب ، أنا زول صقيعة ساي .. بتلقاني في راس عمارة بصب في خرصانة .. أو جوة شقة بركب في سيراميك أو في راس كوبري جايط مع العمال ...
مقلب اكتر من حالتي دي باقيلك في ؟!!
| |
|
|
|
|
|
|
|