|
|
|
 Re: السادة / شركة سوداني للإتصالات (خدمة الـ MDSL ) ..!! (Re: معتصم محمد صالح)
|
جدعناه بدري وشفنا اللي بعده....
والله يجيب عواقب البعده سليمة برضو
بالامس طرقت كل ابواب الاتصالات ابحث عن خدمة الـ Toll-Free No
تخيل مافي!!!
الهمبتة البتحصل للمواطن في حال اتصاله من شبكة لاخري وعدم السماح للعميل بان يستخدم بعض التقنيات الا من داخل الشبكة نفسها مثل (البلك مسجس عند زين مثالا) ايضا احتكار سيء وممل ويجب للدولة ان تتدخل فيها لصالح المواطن.
اسوأ شيء بعد الحروب في السودان اكل اموال المواطن لعدم معرفته بالتقنية.
تحياتي..
| |
 
|
|
|
|
|
|
|
|
g (Re: ناذر محمد الخليفة)
|
سلام هشام ..
المشكلة ما في القروش الكتيرة ..!
المشكلة في الخدمة نفسها ..!!
تدفع قروش وما تلقى خدمة جيدة في المقابل ..!
| |
|
|
|
|
|
|
|
|
|
Re: g (Re: ناذر محمد الخليفة)
|
ياناذر
يوم اتلاقينا
قلت الكلام دا انو الخدمة بتقطع
قاعد الملك
قال لي انتي ما بتعرفي تشتغلي بيهو
قلت ليهو هو الشغل دا شنو هو
لكن ان بقيت جاهلة انا ونت سوداني كويس
بركة الصبرت ونلت
وطلع كلامي صاح
القروش هينة كعب القطيع دا
| |
|
|
|
|
|
|
|
|
|
Re: g (Re: ناذر محمد الخليفة)
|
| Quote: تدفع قروش وما تلقى خدمة جيدة في المقابل ..! |
دي اسمها سياسة الجودة الشاملة سوداايزو 2001
عقبال ما نصل سوداايزو 2009
| |
|
|
|
|
|
|
|
|
|
f (Re: ناذر محمد الخليفة)
|
أبو نون ..
Quote: الخدمة بتقطع ليها اكثر من شهر ..
|
الجديد تواصل تحصيل المبالغ في ظل تدهور الخدمة ..
بدلا عن الإعتذار عن سوء ورداءة وأحيانا إنعدام الخدمة ..
| |
|
|
|
|
|
|
|
|
|
Re: f (Re: ناذر محمد الخليفة)
|
الاخ ناذر
سلام
والله فعلا الخدمه رديئه جدا
رجعت الخدمه اليوم وتفجأت بالزياده في السعر
الرساله موجهة الي ادارة سوداني لمعالجة الموضوع
وتجويد الخدمه.
| |
|
|
|
|
|
|
|
|
|
J (Re: ناذر محمد الخليفة)
|
قمر بوبا ..
Quote: جدعناه بدري وشفنا اللي بعده....
والله يجيب عواقب البعده سليمة برضو
|
ونحن اللاحقون بإذن الله ..
| |
|
|
|
|
|
|
|
|
|
Re: J (Re: ناذر محمد الخليفة)
|
الخدمة سيئة جدا الايام دي بس بشارة
الخير غالبا ما يعملو تخفيضات الاسبوع
الاول من فبراير كل عام..كان صدقوا...
| |
|
|
|
|
|
|
|
|
|
j (Re: ناذر محمد الخليفة)
|
الكباشي ..
Quote: الرساله موجهة الي ادارة سوداني لمعالجة الموضوع
وتجويد الخدمه. |
أضان الحامل طرشا ..!
| |
|
|
|
|
|
|
|
|
|
h (Re: ناذر محمد الخليفة)
|
عبد الله ..
Quote: بس بشارة
الخير غالبا ما يعملو تخفيضات الاسبوع
الاول من فبراير كل عام..كان صدقوا... |
التخفيضات في الأسعار دائما يقابلها تخفيض في مستوى جودة الخدمة ..
لا فائدة من تخفيض الأسعار والخدمة في غاية السوء ..!!
| |
|
|
|
|
|
|
|
|
|
Re: h (Re: ناذر محمد الخليفة)
|
ناذر
اذا مافى Value for your money !!!
يجب مقاطعة خدماتهم فوراً..
عشان يتعلمو احترام الزبون والذى من جيبة يقتاتون..
يلا نشن عليهم حملة
| |
|
|
|
|
|
|
|
|
|
Re: h (Re: Hassan Makkawi)
|
شركة سوداني كما والدتها سوداتل لا تحترم المشترك مطلقاً
انقطع الدي اس ال من المنزل بدون سبب قبل عدة اشهر سالت وبعد متابعات و الكثير من التلفونات مرة يردو و مرة طناش قالوا انو الحرامية سحبو الكيبل المدفون من الارض
انا: سحبو الكيبل عديل كده
سوداتل: ايوه سحبو بالليل
انا: طيب انتو وين و البوليس وين
(الامر تكرر عدة مرات و الصحف نشرت ان الكيبلات تسرق باليات سحب للاستفادة من النحاس)
سوداتل: لا رد
انا: حترجع الخدمة متين
سوداتل: ما معروف لكن بنعمل ليكم تسوية للفواتير
انا: طيب اعمل شنو انا معتمدة علي النت جداً في الشغل( وفي سودانيز اونلاين بس دي ما قلتها)
سوداتل: امشي الرئاسة اذا اقتنعوا بكلامك يمكن ادوك (ام دي اس ال)
انا: مجاناً
سوداتل: ايوه اذا قدرتي تقنعيهم في ناس ادوهم
و ذهبت للرئاسة مبني فخم من الخارج خاوي من الداخل و عدد كبير من ناس الهدف قاعدين ورا الكاونتر كان ثلاثة كان اربعة
انا: عايزة اقابل ناس النت
ناس الهدف (طبعاً مافي استقبال): ادخلي بهناا اخر مكتب انتظري هناك
جلست في غرفة مليئة بالكراس و تربيزة مكتب واحد شاغرة
في اثنين منتظرين
وطال الانتظار اللهم طولك ياروح
اخيرأ هل هلال العيد ظهر واحد سلم فواتير لواحد من منظمة دولية
اما التاني تمت معاملته باحترام شديد و كان له علاقة بتصديق لجهة سيادية
وجاء دوري
الموظف: نعم اي خدمة؟
انا: انا كنت موصلة اي دي اس ال في البيت و بعدين قطع و ناس المقسم و الاستعلامات قالوا الكيبل اتسرق و انكم حتساعدوني في حل مشكلة النت وانا محتاجة للنت شديد الشغل بالذات
الموظف : اتسرق ؟
انا : دا القالوا ناسكم
اجرى الموظف عدد من المكالمات ثم اخذ معلوماتي الاولية وطوالي فتح الهستري و اتفرج علي كل المواقع القاعدة اخشها ( عشان عقلكم ما يروح لبيعيد كلها مواقع علمية و عملية ما عدا سودانيز اوتلاين ونيو سودان وكدا) و تحول لشخص آخر
نظر لي بلا مبالاة منقطعة النظير
انا: الحل شنو
الموظف: اشتركي في ام دي اس ال
انا: انتو حتساعدوني في الاشتراك
الموظف : ادفعي 240 جنيه في المكتب المجاور
انا: طيب ما في تقسيط و لا اي حاجة
الموظف: لا
انا: لكن سبب انقطاع الخدمة منكم
عودة للتجاهل و لا توجد كلمة اعتذار
خرجت مباشرة من مبني سوداتل و ذهبت لرئاسة كنار و اشتريت اشتراك بالام دي اس ال كنار بمبلغ مقارب لكني عزمت علي قطع علاقتي بسوداتل و اشباهها
بعد شهر عملت زين كونكت ( مابقي مافي ثقة)
رسلت كمية من الايميلات لناس الانترنت بالستلايت
عثرت علي عنوان وكيل في السودان لكنه رسل لي ايميل قال فيهو انو خدمتهم موقوفة بقرار حكومي
ولا زلت اسعي لشبكة انترنت موثوق بهافبعد11 عام من الاستخدام المتواصل للانترنت اصبحت لا اتخيل حياتي بدون الانترنت و الهتميل و حبيبي قوقل.
هل من حلول فالجماعة( كنار و زين كونكت) ديل حيحصلوا الام دي اس ال بتاع سوداني
| |
|
|
|
|
|
|
|
|
|
Re: h (Re: Nazik Eltayeb)
|
ناذر كامل تضامني
أنا قلتة ليك الكلام دة قبل أيام لو تتذكر
الليلة قفلت معاي إتصلت على رقمهم و قلت للموظف ياخ أنا إشتكيت و بكيت و هسي ما عايز إشتكي عايزك زي الم الرد الآلي بقول (سيتم تسجيل هذه المكالمة لأغراض الجودة) تودي كلامي دة للمسئولين انا عارفك موظف لا إيدك لا كُراعك ، قول ليهم من أخذ الأُجرة حاسبه الله بالعمل.
و نِتّكم دة ما عايزنو آخر شهر
و ما تصلِّحوهو لي لأنو أنا قِنعتة تب
| |
|
|
|
|
|
|
|
|
|
Re: h (Re: ناذر محمد الخليفة)
|
Quote: و نِتّكم دة ما عايزنو آخر شهر
و ما تصلِّحوهو لي لأنو أنا قِنعتة تب |
البرود نعمل معاهو شنو ، اتفق مع المقاطعة
| |
|
|
|
|
|
|
|
|
|
Re: h (Re: Tabaldina)
|
ناذر سلام
وقول عيب تاني كمان ,,,
وهو انها في فترات كثيره يقطع النت فيها ,, ولا يقطع في باقي الشبكات ,,,
فكونا يااااااااااخ من الجماعه ديل اذا دي طريقتهم ,,,,
| |
|
|
|
|
|
|
|
|
|
Re: h (Re: العوض المسلمي)
|
يا تبلدينا ...
يعلم الله قبل ما إتورط مع الجماعة ديل جيتكم بي هناك وسألت عن ال يو إس بي ، والوكت داك ما كنتو جبتوهو لسع ، وأنا أساسا كان عندي الداتا كارت في اللاب توب القديم ، والجديد ما بيشتغل بي الداتا بتاعتكم دي ..
فكنت قدام خيارين .. يا ما أغير اللاب توب يا أشوف خدمة تانية ..
صنفرة :
ويا ريتني لو كنت ما غيرت اللاب توب !!
| |
|
|
|
|
|
|
|
|
|
Re: h (Re: ناذر محمد الخليفة)
|
حسن مكاوي ..
Quote: يجب مقاطعة خدماتهم فوراً..
عشان يتعلمو احترام الزبون والذى من جيبة يقتاتون..
يلا نشن عليهم حملة |
يمكن ذلك وقد دخلنا في تجربة مشابهة مع شركة إتصالات شبيهة وقد تحسنت الامور بعدها ..!
| |
|
|
|
|
|
|
|
|
|
Re: h (Re: ناذر محمد الخليفة)
|
نازك ...
Quote:
انقطع الدي اس ال من المنزل بدون سبب قبل عدة اشهر سالت وبعد متابعات و الكثير من التلفونات مرة يردو و مرة طناش قالوا انو الحرامية سحبو الكيبل المدفون من الارض
انا: سحبو الكيبل عديل كده
سوداتل: ايوه سحبو بالليل
انا: طيب انتو وين و البوليس وين
(الامر تكرر عدة مرات و الصحف نشرت ان الكيبلات تسرق باليات سحب للاستفادة من النحاس)
سوداتل: لا رد
انا: حترجع الخدمة متين
سوداتل: ما معروف لكن بنعمل ليكم تسوية للفواتير
انا: طيب اعمل شنو انا معتمدة علي النت جداً في الشغل( وفي سودانيز اونلاين بس دي ما قلتها)
سوداتل: امشي الرئاسة اذا اقتنعوا بكلامك يمكن ادوك (ام دي اس ال)
انا: مجاناً
سوداتل: ايوه اذا قدرتي تقنعيهم في ناس ادوهم
و ذهبت للرئاسة مبني فخم من الخارج خاوي من الداخل و عدد كبير من ناس الهدف قاعدين ورا الكاونتر كان ثلاثة كان اربعة
انا: عايزة اقابل ناس النت
ناس الهدف (طبعاً مافي استقبال): ادخلي بهناا اخر مكتب انتظري هناك
جلست في غرفة مليئة بالكراس و تربيزة مكتب واحد شاغرة
في اثنين منتظرين
وطال الانتظار اللهم طولك ياروح
اخيرأ هل هلال العيد ظهر واحد سلم فواتير لواحد من منظمة دولية
اما التاني تمت معاملته باحترام شديد و كان له علاقة بتصديق لجهة سيادية
وجاء دوري
الموظف: نعم اي خدمة؟
انا: انا كنت موصلة اي دي اس ال في البيت و بعدين قطع و ناس المقسم و الاستعلامات قالوا الكيبل اتسرق و انكم حتساعدوني في حل مشكلة النت وانا محتاجة للنت شديد الشغل بالذات
الموظف : اتسرق ؟
انا : دا القالوا ناسكم
اجرى الموظف عدد من المكالمات ثم اخذ معلوماتي الاولية وطوالي فتح الهستري و اتفرج علي كل المواقع القاعدة اخشها ( عشان عقلكم ما يروح لبيعيد كلها مواقع علمية و عملية ما عدا سودانيز اوتلاين ونيو سودان وكدا) و تحول لشخص آخر
نظر لي بلا مبالاة منقطعة النظير
انا: الحل شنو
الموظف: اشتركي في ام دي اس ال
انا: انتو حتساعدوني في الاشتراك
الموظف : ادفعي 240 جنيه في المكتب المجاور
انا: طيب ما في تقسيط و لا اي حاجة
الموظف: لا
انا: لكن سبب انقطاع الخدمة منكم
عودة للتجاهل و لا توجد كلمة اعتذار
خرجت مباشرة من مبني سوداتل و ذهبت لرئاسة كنار و اشتريت اشتراك بالام دي اس ال كنار بمبلغ مقارب لكني عزمت علي قطع علاقتي بسوداتل و اشباهها
بعد شهر عملت زين كونكت ( مابقي مافي ثقة)
رسلت كمية من الايميلات لناس الانترنت بالستلايت
عثرت علي عنوان وكيل في السودان لكنه رسل لي ايميل قال فيهو انو خدمتهم موقوفة بقرار حكومي
ولا زلت اسعي لشبكة انترنت موثوق بهافبعد11 عام من الاستخدام المتواصل للانترنت اصبحت لا اتخيل حياتي بدون الانترنت و الهتميل و حبيبي قوقل.
هل من حلول فالجماعة( كنار و زين كونكت) ديل حيحصلوا الام دي اس ال بتاع سوداني
|
والله إنتي محتاجة جملة تضامن عديييل كدة !!
أما ناس الدي إس إل في المنطقة التي أتبع لها فأسكتي ساكت ..!!
يقطعوا مني الخدمة ستة يوم ويرجعوهو في اليوم السابع عشان أدفع الفاتورة !!
والمشكلة ما في حتة ولا جهة تشتكي ليها ..!
| |
|
|
|
|
|
|
|
|
|
Re: h (Re: ناذر محمد الخليفة)
|
علاء الدين ..
Quote: ناذر كامل تضامني
أنا قلتة ليك الكلام دة قبل أيام لو تتذكر
الليلة قفلت معاي إتصلت على رقمهم و قلت للموظف ياخ أنا إشتكيت و بكيت و هسي ما عايز إشتكي عايزك زي الم الرد الآلي بقول (سيتم تسجيل هذه المكالمة لأغراض الجودة) تودي كلامي دة للمسئولين انا عارفك موظف لا إيدك لا كُراعك ، قول ليهم من أخذ الأُجرة حاسبه الله بالعمل.
و نِتّكم دة ما عايزنو آخر شهر
و ما تصلِّحوهو لي لأنو أنا قِنعتة تب
|
بعد نهاية الشهر دا بإذن الله حا أدي جهاز الإم دي إس إل بتاع سوداني لي أول عابر سبيل ألقاو في طريقي !!
أريتو لو يرضى ويشيلو !!!!
| |
|
|
|
|
|
|
|
|
|
Re: h (Re: ناذر محمد الخليفة)
|
عبد اللطيف ..
| Quote: البرود نعمل معاهو شنو ، اتفق مع المقاطعة |
المقاطعة هي الحل الوحيد ..
هم يقرأون ما نكتبه هنا ..
والمشكلة ما في جهة تمشي ليها ولا جهة تشتكي ليها .. كل البيعرفوهو إنو يقطعو الخدمة عنك في في مواعيدا بالثانية والدقيقة ، وكل الدايرنو إنك بس تدفع .. تدفع .. تدفع .. لا تشتكي لا تتكلم لا تفتح خشمك ..!!
جرب خش خدمة المشتركين في موقعم في النيت المفترض فيه تلقى الشكاوي وأكتب رسالتك في المكان المخصص وأعمل ليها إرسال ..
صدق ما شغالة ليها أكتر من تلاتة شهور !!
الشكبة لغير الله مزلة !!
| |
|
|
|
|
|
|
|
|
 Re: h (Re: ناذر محمد الخليفة)
|
| Quote: ويا ريتني لو كنت ما غيرت اللاب توب !! |
عشان أقول ليكـ أصبر ما داير تصبر
_
كفارة ياخ .. و هسي أمشي لتبلديكم يعمل ليكـ تخفيض
| |
|
|
|
|
|
|
|
|
|
Re: h (Re: ناذر محمد الخليفة)
|
العوض ..
Quote: وهو انها في فترات كثيره يقطع النت فيها ,, ولا يقطع في باقي الشبكات ,,,
|
ودا أكتر شي يحير ..!!
والمشكلة زي ما قلت ..! ما في زول تشتكي ليهو ولا في زول جايب خبرك زاتو .!.!!
| |
|
|
|
|
|
|
|
|
|
Re: h (Re: ناذر محمد الخليفة)
|
تلقيت نهار هذا اليوم إتصالا من الاستاذ محمد عثمان مدير تسويق خدمة إم دي إس إل سوداني وتبادلنا حديثا طويلا وتناقشنا حول الكثير مما دار هنا في هذا البوست ..
سأعود لتلخيص ما دار بيننا وما تحدثنا حوله لاحقا ..
| |
|
|
|
|
|
|
|
|
|
Re: h (Re: محمد عكاشة)
|
| Quote: سأعود لتلخيص ما دار بيننا وما تحدثنا حوله لاحقا .. |
في الانتظار...
| |
|
|
|
|
|
|
|
|
|
سؤالRe: h (Re: GamarBoBa)
|
ابو النيذ مدير التسويق ده
ما وراك (الفلسفه) شنو من عدم عمل الرقم
الخاص بخدمات المشتركين
وامكانية تغذيه الحساب بالنت (غير مفعله)
وكم سؤال كده..؟؟
| |
|
|
|
|
|
|
|
|
|
Re: سؤالRe: h (Re: naeem ali)
|
سأضع ملخصا وافيا لما جرى من حديث بيني وبين الاخ محمد عثمان مسئول تسويق خدمة إم دي إس إل في سوداني :
*أرسل رسالة أنهم متابعين هذا البوست وعقدواإجتماع بخصوص الإختناق في الخدمة .
*ذكر أنه خلال هذا الاسبوع ستكون الخدمة في تحسن مستمر وستنفرج أزمة الإختناق .
* ذكر أنه في مناطق أركويت والطائف والرياض والمنشية يستمتع المشتركين الان بتحسن الخدمة وإنفراج الازمة .
*هنالك مشكلة في الخرطوم وسط ولكن في سبيلها للحل .
*أنهم في سوداني يتابعون كل الحوارات بشأن مستوى الخدمة وأنهم يتقبلونها بصدر رحب .
*أن الامور ستتحسن في نهاية هذا الأسبوع وأنهم يعدون بذلك بالنظر لما يجري حالية من توسعة وصيانات.
*سألته عن العطل في موقع self care على النيت فذكر انه لم يعرف هذه المعلومة إلا من خلال البوست وأن المسألة برمتها مسألة تحويل بين *السيرفرات والمعدات وأن العطل حدث في تلك الفترة .
*أخبرته أن نافذة الشكاوي في موقعهم الألكتروني لم تعمل منذ شهور فسألني إن كنت قد قدمت شكوى ؟!
*ذكرت له أن في سوداني لا يمكن أن تشتكي لاي شخص ولا تجد حتى من تشتكي إليه وأن جميع موظفيهم عبارة عن محصلوا فواتير وعلاقات عامة ولا *يساعدون في أدنى حل للمشكل التقنية التي تواجه العملاء ..
*يقول ان السيلف كير قد تعطل منذ شهر أكتوبر ولكتي أخبرته بخطا معلوماته .
*يقول ان المشكلة حدثت بعد العطل الذي ضرب الكوابل في البحر الأبيض ولكني أكدت له أن العطل قبل ذلك .
* يقول ان الجميع يشتكي وانه بنهاية هذا اليوم (أمس) ستحدث عملية توسعة وستتحسن الخدمة ..
* يقول أن جميع المشاكل في طريقها للحل .
**سألته لم لم يقدموا إعتذارا او حتى تنويها للعملاء بشأن العطل ؟ فذكر أنهم في إجتماع الشركة قرروا منح تعويضا لجميع العملاء بالتزامن مع قيام معرض الخرطوم الدولي ..
*وعدني أنه ستتحسن جميع الخدمات خلال هذا الاسبوع وأن جميع النقاشات هنا قد قريت على مستوى جميع مدراء شركة سوداني+
*ذكرت له أن جميع موظفيهم اليفترض بهم خدمة الجمهور وإجابة تساؤلاتهم ليسوا بتقنيين ولا يفقون شيئا ضاربا المثل بفرعهم في عفراء والذين حين تذهب إليهم لأي مشورة تقنية لا يساعدون في شي ولا يقدمون رأياً تقنيا قاطعا ..
*طلبت منه ان يكتب لي ما يريده من توضيحات ويرسله على بريدي الإلكتروني كي أنشره هنا وقد رحب بذلك ..
*أقر بعدم وجود خدمة عملاء جيدة في شركة سوداني ويبرر ذلك بأن السودانيين لا يحبون خدمة IPR والتي تطلب أليا الضغط على أرقام معينة حين يودون الإستفسار عن خدمات بعينها!!
*يقول أنهم لمسوا رضا عن تحسن الخدمة من الجمهور فسألته كيف تيقن من ذلك ؟ ومن من الجماهير أستطاع الوصول إليهم ليخبركم بتحسن الخدمة من عدمها في ظل إنعدام نوافذ الشكوى لديهم ؟! فذكر أنه عرف المعلومة من أحد موظفيهم والذي يعمل بثلاث خطوط وأنه أخبره بتحسن الخدمة !!
*ذكرت له أن ذلك يعتبر لا معنى له طالما أنه أحد الموظفين وأن ذلك أشبه بالمجاملة ولكن المواطن العادي لا يستطيع أن يعبر عن هذه الخدمة ولا يجد المنفذ لذلك وقد أقر بذلك مستخدما المثل (مشوار الألف ميل يبدأ بخطوة) أو شيئا من هذا القبيل ..
*أنتهت المكالمة بان طلب مني تقبل فائق إحتراماته وقد تقبلتها ..
| |
|
|
|
|
|
|
|
|
|
Re: سؤالRe: h (Re: ناذر محمد الخليفة)
|
ما يحيرني هو هذه النقطة :
Quote: **سألته لم لم يقدموا إعتذارا او حتى تنويها للعملاء بشأن العطل ؟ فذكر أنهم في إجتماع الشركة قرروا منح تعويضا لجميع العملاء بالتزامن مع قيام معرض الخرطوم الدولي ..
|
من المعلوم أن جميع الشركات تقدم عروضا لعملائها في أثناء المعرض وذلك ليس مرتبطا باي تعويض أخر !!
فهل هو إنتهاز للفرصة ومحاولة التأثير على العملاء بزعم أن العروض التي ستقدم في أثناء المعرض من قبل الشركة هو بمثابة تعويض لهم لما صاحب الخدمة من سوء وعطل قبل ذلك ؟!!
وإن لم يكن كذلك ؟ لماذا إذا يتم منح المشتركين الجدد الذين سيشتركون في الخدمة هذا التعويض طالما أنهم لم يتضرروا أصلا من الخدمة قبل ذلك لعدم إشتراكهم فيها ؟!!
!!!!!!!!!!!!!!!
أم سيكون هنالك تعويضاً مضاعفاً للمشتركين القدامى ؟!!!
نقطة تحتاج لتوضيح ...!
| |
|
|
|
|
|
|
|
|
|
Re: سؤالRe: h (Re: ناذر محمد الخليفة)
|
| Quote: *يقول أنهم لمسوا رضا عن تحسن الخدمة من الجمهور فسألته كيف تيقن من ذلك ؟ ومن من الجماهير أستطاع الوصول إليهم ليخبركم بتحسن الخدمة من عدمها في ظل إنعدام نوافذ الشكوى لديهم ؟! فذكر أنه عرف المعلومة من أحد موظفيهم والذي يعمل بثلاث خطوط وأنه أخبره بتحسن الخدمة !! |
بوست ناجح يا ناذر ، لك الشكر..
لكن برضو خلي البوست دخري وقريب عند الفزعة وارجو الا نحتاج لذلك!
| |
|
|
|
|
|
|
|
|
|
Re: سؤالRe: h (Re: ناذر محمد الخليفة)
|
ناذر تحياتي...
ارجو ان يكون السيد محمد عثمان متابعا لهذا البوست وانقل له هذه التساؤلات عله يرد مرة أخري مع خالص شكرنا لسعة صدره وتقبله النقد لما فيه من مصلحة لتجويد الاداء المؤسسي.
شخصيا اصابني بعض الاحباط فوق مما كنت محبط من الخدمة من حديث السيد مدير تسويق سوداني ام دي اس ال لكثرة ما لمسته من وعود متمثلة في كلمة (ستتحسن)
لم ألمس اي نوع الحقائق العلمية التي تقنعني بأن هنالك كانت مشكلة بالمقام الاول فنية وستزول بزوال واحد او انثين او ثلاثة من المشاكل
1.كل الكلام ينصب في انهم سوف يحلون الاختناق ولم نعرف ماسبب الاختناق...هل يتم توزيع اجهزة للمواطنين دون دراسة للـ(load) الذي قد يحدث مثلا؟؟
2.الموقع يعمل وتعطلت خدمة السلف كير منذ فترة وهو لا لايعلم...كيف يتواصل مع عملاؤه اذن الذين كانوا يستخدمون السلف كير الم يفتقدهم اليست هنالك Daily transactions توضح هذه الاشياء.؟؟
3.لم المس ان هنالك علاقة بالسلف كير ومشكلة الكوابل الاخيرة
3.Quote: أقر بعدم وجود خدمة عملاء جيدة في شركة سوداني ويبرر ذلك بأن السودانيين لا يحبون خدمة IPR والتي تطلب أليا الضغط على أرقام معينة حين يودون الإستفسار عن خدمات بعينها!!
|
ماذا يقصد بالـ IPR ؟؟
هل يقصد: IVR=Interactive Voice Response
الذي اعرفه ان الاي في ار وسيلة من وسائل اخري كثيرة تستخدم في خدمات العملاء وهي مستخدمة اصلا لديهم ويعملون بها فكيف لا يحب السودانيين ,مع العلم انهم من كبريات الشركات التي يجب ان تغير سلوك المستهلك والارتقاء به وهذا دور منوط بالشركات الكبري لضمان جودة وسرعة العمل.
ختاما للمهاتما غاندي حديث يجب ان تقرأه هذه الشركات جيدا وتعيه لتحسين أداءها للافضل تقول:
A customer is the most important visitor on our premises, he is not dependent on us. We are dependent on him. He is not an interruption in our work. He is the purpose of it. He is not an outsider in our business. He is part of it. We are not doing him a favor by serving him. He is doing us a favor by giving us an opportunity to do so."
Mahatma Gandhi
لكم الشكر ناذر والسيد محمد عثمان
| |
|
|
|
|
|
|
|
|
 Re: سؤالRe: h (Re: ناذر محمد الخليفة)
|
ود الخليفة يا صاحب
إنشالله طيب ياخ؟
السيد محمد عثمان ده إنشالله اديتو بريدك الإلكترونى عشان (إحتمال) يجاوب على الاسئلة مباشرة بواسطتك من خلال البوست ده طالما هو متابع؟
الرجاء اكتب ليهو الإيميل بتاعك فى البروفايل او بتبرع ليك بى إيميلى عشان يرسل فيهو عن إجاباتو من شان يوصلو للمشترك الكريم البيتساءل هنا ده.
ده إيميلى:
[email protected]
فائق حبى وتقديرى وكن بخير يا ناذر وإلى الملتقى
شول اشوانق دينق
___________________
ملاحظات:
1- تلفونى وقع يا صاحب وعملت تلفون جديد ... اجدع لى رسالة فى الإيميل الفوق وبديك ليهو لغاية ما اطلع البدل فاقد
2- كنت ناوى اشترك فى خدمة سودانى ... بس التساؤلات بتاع الجماعة (اليجاوبو عليهو ناس MDSL جواب شافى)
| |
|
|
|
|
|
|
|
|
 Re: سؤالRe: h (Re: GamarBoBa)
|
ســـــــؤال :- في طريقةلاعادة الخدمة قبل ما تقطع من موقع سوداني
وعن طريق البريد الكتروني??
هل ممكن ذلك ؟
مساء الخير ياناذر والسيد محمد عثمان
| |
|
|
|
|
|
|
|
|
|
K (Re: ناذر محمد الخليفة)
|
الاخ قمر بوبا :
| Quote: ارجو ان يكون السيد محمد عثمان متابعا لهذا البوست |
نعم هو وجميع المسئولين يتابعون هذا البوست ..
Quote: لم ألمس اي نوع الحقائق العلمية التي تقنعني بأن هنالك كانت مشكلة بالمقام الاول فنية وستزول بزوال واحد او انثين او ثلاثة من المشاكل
|
ما فهمته من الاستاذ محمد عثمان .. أن أكثر من تسعون بالمائة من عملاء سوداني إم دي إس إل يتركزون في ولاية الخرطوم وفي وسطها تحديدا مما سبب ذلك الإختناق الغير معلن ..
Quote: .كل الكلام ينصب في انهم سوف يحلون الاختناق ولم نعرف ماسبب الاختناق...هل يتم توزيع اجهزة للمواطنين دون دراسة للـ(load) الذي قد يحدث مثلا؟؟
|
أعتقد ان هذا ما حدث ..
Quote: .الموقع يعمل وتعطلت خدمة السلف كير منذ فترة وهو لا لايعلم...كيف يتواصل مع عملاؤه اذن الذين كانوا يستخدمون السلف كير الم يفتقدهم اليست هنالك Daily transactions توضح هذه الاشياء.؟؟
|
لقد نبهته لهذه النقطة تحديدا وبذات المضمون .. كما نبهته أيضا بعمل إحصاء لمعرفة عدد الذين تركوا الخدمة ولم يغذوا أجهزتهم مجددا وقد أخبرته أيضا أنني واثق أنه سيجد عددا كبيرا قد ترك التعامل مع الخدمة نهائيا بسبب هذه الإشكاليات وإتجه لمزودي خدمة أخرين ..
Quote: ماذا يقصد بالـ IPR ؟؟
هل يقصد: IVR=Interactive Voice Response
|
أعتقد أنه يقصد ذلك .. ويبدوا انني من من غير في شكل الحروف الإنجليزية ..
ونحن في إنتظار رد الأستاذ ..
تسلم ..
| |
|
|
|
|
|
|
|
|
|
Re: K (Re: ناذر محمد الخليفة)
|
ناذرالخليفة
سلامات
عارف يا ناذر انا اكثر حاجة مزعلانى شنو؟
كل مرة امشى ادفع قروش النت بعد انتهاء دوامى حوالى الساعة 4 القى ناس خدمات العملاء فى وقت الزروة مقفلين
الباب بالجنزير ولامن تحاول تتكلم معاهم وتوريهم انة ما مفروض تقفلوا ساعة الزروة مافى زول بيسمع ليك وكلهم مبرمجين
وبيرددوا تعال الساعة 5:30 يعنى انا اضيع وقتى واقيف انتظر ساعة ونص علشان هم فى فترة الراحة (ناس خدمة العملاء) عليك الله دى خدمة؟
مرة جيت داخل وقلتا ادفع القروش اعمامك جرو الجنزير وقفلوا الباب فى وشى ووالله زى 8 عملاء كان فيهم 3 مسافرين الابيض بعد ساعة وتخيل
اللعنات والسباب اللحق سودانى ؟
عارف ونحنا منتظرين جا زى 20 عميل منهم بتاعين اليو ان وبتاعين البز نس وكان فيهم واحد كدة شكلة وااصل اتكلم معاهم ومافى
زول اشتغل بية ولامن كورك جا طالع المدير وقام قال ليهو يا استاذ لو ما قادر تنتظر لامن نفتح امشى ادفع بالنت عمك بتاع البزنس
قال ليهو وهو مغيوظظظ ادفع بالنت كيف يا حيوان وانا ما عندى نت اصلا يا غبى وهنا وحاتك انا ومعاى اتنين ضحكنا لامن قربنا نموت
وبينى وبينك الضحكة فشتنا وفشت مغصتنا وعرفنا فعلا انة القائمين على الامر غير مؤهلين.
ادارة كاملة لخدمة العملاء وميزانية وزى ومكاتب وثيرة والله وتا لله لا تفقة شى.
كان الله فى عون مستخدمى النت الباهظ الثمن اصلا وكان الله فى دولة فيها ناس زى ناس سودانى .
دى اس ال فى امريكا اسرع من لمحة البصر ب19 دولار فى الشهر ودى اس ال فى السودانى زى السلحفاة ب60 دولار فى الشهر
دى مش سرقة عليك الله واستهتار
ارقد عافية
| |
|
|
|
|
|
|
|
|
 Re: K (Re: ناذر محمد الخليفة)
|
إيميل من السيد/ محمد عثمان
Quote: Mohammed Osman Mohammed Ahmed to me
show details 8:47 AM (1 hour ago) Reply
الإخوة الكرام
السلام عليكم ورحمة الله وبركاته
أود تسجيل شكر خاص لكل مشتركينا وأؤكد لهم أن أبوابنا مفتوحة لهم في كافة المنابر والنوافذ للنقد البناء في سبيل تجويدخدماتنا علي المستوي الذي يرضي جميع عملاءنا وأود أن توضيح الآتي :
· كل الشكاوي الخاصة بكل خدمات شبكة سوداني يتم تلقيها عبر مركز خدمات المشتركين(Callcenter) عبر الرقم المجاني (120120120) من أي شبكة ومن شبكة سوداني (120).
· يوجد في مركز خدمات المشتركين (Callcenter) مجموعة خاصة ببلاغات خدمات البيانات في شبكة سوداني mDSL تقوم بتسجيل البلاغات وإرسالها مباشرة للإخوة الفنيين لسرعة حلها.
· كل الإجراءات الخاصة بتسجيل هذه البلاغات تتم عبر نظام إستقبال المكالمات الصوتية المسجلة (IVR) (Inter Active Voice Response).
· بالنسبة لصفحة خدمات المشتركين الآلية علي الإنترنت (Self Care) فهي www.sudani.sd/selfcare ويتم تلقي البلاغات عبرها والرد عبر مجموعة تتولي الرد بل والإتصال علي المشترك للتأكيد علي حل المشكلة.
· بالنسبة لشحن وإعادة الخدمة فيمكن للمشترك بعدة طرق دون الوصول لخدمات المشتركين:
1- عن طريق صفحة خدمات المشتركين الآلية علي الإنترنت (Self Care) www.sudani.sd/selfcare حتي و لو كان المشترك مقطوع من الخدمة فيمكنه الوصول للصفحة عن طريق واجهة التطبيق للمستخم للخدمة بالخطوات الآتية :
· تغيير إسم المستخدم من sudani إلي [email protected]
· تغيير كلمة المرور من sudani إلي mdsl
· عمل إتصال وفتح المتصفح وكتابة عنوان الصفحة www.sudani.sd/selfcare
· إدخال رقم الخدمة وكلمة المرور الخاصة بالمشترك (التي تم إعطاؤها له في مركز البيع).
· شحن رقم الخدمة بواسطة كروت شحن سوداني وإختيار الباقة.
· قطع الإتصال
· إرجاع إسم المستخدم ل sudani
· إرجاع كلمة المرور ل sudani
بعد تطبيق كل هذه الخطوات يتم إرجاع الخدمة مباشرة , وكل هذه الإجراءات موجودة ومطبوعة في مطبقات ومجهزة في أسطوانات يتم توزيعها علي عملاءنا في مراكز بيع سوداني.
ارجو إنتهاز هذه الفرصة لكي أدعوكم لزيارتنا بمكتبنا ببرج سوداتل بالخرطوم بالطابق السابع إدارة التسويق وترتيب زيارة لمركز خدمات المشتركين (Callcenter) وطريقة إستقبال البلاغات والشكاوي من المشتركين وتسجيلها ومتابعتها مع الإخوة الفنيين وأيضانطلعكم علي إدارة صفحة خدمات المشتركين الآلية علي الإنترنت (Self Care) www.sudani.sd/selfcare وعلي الوضع الحالي للخدمة والجهود المبذولة لتجويدها وأرجو قبول هذه الدعوة في أي وقت ونحن علي اتم الإسعداد لتلقي مكالماتكم عبر الهاتف والبريد الإلكتروني الداخلي المسجل بالأسفل.
وأؤكد لكم أننا تقبل كل الآراء والتي من شأنها تجويد الخدمة وخلق علاقة طيبة مع العملاء بكل رحابة صدر وسعة أفق
وتقبلوا منا فائق الإحترام والتقير
Mohammed Osman Mohammed Ahmed
Marketing and Business Development Dep.
Sudani
Mobile : +249(0)120120311
[email protected] |
شول اشوانق دينق
| |
|
|
|
|
|
|
|
|
|
Re: K (Re: شول اشوانق دينق)
|
خطوة ممتازة .. ونحيي الاخوة في سوداني ..
واود ان الفت انتباه الاخ محمد الى ان رقم خدمة المشتركين الموضح اعلاه لا يمكن الوصول اليه بسهولة وعند الوصول اليه بصعوبة يوصلك بخدمات سوداني (الهاتف ) وليس الانترنت وبكل ضيق اخلاق (كما فعلت احداهن من قبل ) تقول لك الموظفة تابع التعليمات وعند متابعة التعليمات تكون نهايتك صفرا كبيرا ..
نرحب بالزيارة ونقترح الاسبوع القادم موعداً لها ..
| |
|
|
|
|
|
|
|
|
|
Re: اللهم لا شماته (Re: Tabaldina)
|
شكرا السيد محمد عثمان
شكرا شول لايراد الايميل (هو عبارة عن مانوال للاستخدام ولا يفي غرض البوست في رأيي).
شكرا صاحب البوست ناذر...
لازالت اسئلتي معلقة وان كان الاخ ناذر قد اوضح فيها بعض الجوانب
بالنسبة للزيارة شخصيا اعتذر(إن كنت ضمن الدعوة) اذ ان الغرض الاساسي للبوست هو الوقوف علي/و تحسين الخدمة والنقاش حول تحسين الخدمة اما زيارتنا للبرج لا اعتقد انها ستحل المشاكل الفنية التي تواجه مشتركي هذه الخدمة..قد يكون هنالك مزيد الشرح والحديث اغلبه سكون ذو طابع تسويقي.
خالص شكري وتقدير...
| |
|
|
|
|
|
|
|
|
|
Re: اللهم لا شماته (Re: محمد الكاب)
|
اشكر الأستاذ/ محمد عثمان على الإيميل الذى ارسله إلى واتمنى مواصلة هذا الجهد والمحاولة على الإجابة على الاسئلة فى البوست ... لفائدة مشتركى او من يريدون الإشتراك فى خدمة MDSL التابع لسودانى.
طيب...
http://http//www.sudani.sd/selfcare
الصفحة أعلاه يا استاذ/ محمد عثمان ... دخول فقط للناس المشتركة فى سودانى ولّ ممكن من أى إنترنت غير السودانى؟
انا الآن مستخدم ADSL وبالجد الرابط رفض تماماً يفتح معاى!
.
.
.
| Quote: نرحب بالزيارة ونقترح الاسبوع القادم موعداً لها .. |
إنشالله طيب يا معتصم يا صديقى .. والله إقتراح ما بطال.
Quote: شكرا السيد محمد عثمان
شكرا شول لايراد الايميل (هو عبارة عن مانوال للاستخدام ولا يفي غرض البوست في رأيي).
شكرا صاحب البوست ناذر...
لازالت اسئلتي معلقة وان كان الاخ ناذر قد اوضح فيها بعض الجوانب
بالنسبة للزيارة شخصيا اعتذر(إن كنت ضمن الدعوة) اذ ان الغرض الاساسي للبوست هو الوقوف علي/و تحسين الخدمة والنقاش حول تحسين الخدمة اما زيارتنا للبرج لا اعتقد انها ستحل المشاكل الفنية التي تواجه مشتركي هذه الخدمة..قد يكون هنالك مزيد الشرح والحديث اغلبه سكون ذو طابع تسويقي. |
قمر بوبا ... الف شكر ونتمنى فعلاً أستاذ/ محمد يجاوبك على تساؤلاتك
شول اشوانق دينق
_________________
تبلدينا ... إنشالله تمام ههههههههههه
| |
|
|
|
|
|
|
|
|
|
Re: اللهم لا شماته (Re: Tabaldina)
|
.
| Quote: قال ليهو وهو مغيوظظظ ادفع بالنت كيف يا حيوان وانا ما عندى نت اصلا يا غبى وهنا وحاتك انا ومعاى اتنين ضحكنا لامن قربنا نموت |
و الغباء الأكبر إنو صفحتم دي
www.sudani.sd/selfcare
ما بتفتح إلا تكون داخل النت عن طريق سوداني
عالم متخلف
| |
|
|
|
|
|
|
|
|
|
تحتاج لتوضيح (Re: ناذر محمد الخليفة)
|
شكرا شول
شكرا محمد عثمان
شكرا قمر بويا
شكرا تبلدينا
شكرا محمد الكاب ..
سأعود مرة أخرى .. فلا زالت هنالك بعض النقاط تحتاج لتوضيح ..
| |
|
|
|
|
|
|
|
|
|
Re: تحتاج لتوضيح (Re: ناذر محمد الخليفة)
|
الاستاذ/ محمد عثمان مشكوراً يرد على الإقتباس ادناه:
Quote: http://http//www.sudani.sd/selfcare
الصفحة أعلاه يا استاذ/ محمد عثمان ... دخول فقط للناس المشتركة فى سودانى ولّ ممكن من أى إنترنت غير السودانى؟
انا الآن مستخدم ADSL وبالجد الرابط رفض تماماً يفتح معاى! |
بالإيميل ادناه
Quote: Mohammed Osman Mohammed Ahmed to me
show details 4:22 PM (2 hours ago) Reply
الأخ شول
السلام عليكم ورحمة الله
يمكنك الدخول علي الرابط من أي إنترنت غير السوداني وذلك بالدخول علي الرابط:www.sudani.sd وإختيار حسابي
خالص الشكر والتقدير
Mohammed Osman Mohammed Ahmed
Marketing and Business Development Dep.
Sudani
Mobile : +249(0)120120311
[email protected] |
الف شكر استاذ محمد عثمان
شول اشوانق دينق
______________________
إنشالله ترد على بقية الشباب إن امكن
| |
|
|
|
|
|
|
|
|
|
Re: تحتاج لتوضيح (Re: ناذر محمد الخليفة)
|
زرت جناح سوداني بمعرض الخرطوم الدولي مساء امس وطرحت عليهم المشكلة وبعد نقاش مستفيض كرروا الدعوة لبورداب الخرطوم لزيارة الشركة .
اقترح يوم الاثنين الساعةالحادية عشر صباحاً ..
| |
|
|
|
|
|
|
|
|
|
Re: تحتاج لتوضيح (Re: معتصم محمد صالح)
|
Quote: قمر بوبا ... الف شكر ونتمنى فعلاً أستاذ/ محمد يجاوبك على تساؤلاتك
|
الاخ شول..
لا اعتقد انه سيجيب علي الاسئلة الخاصة بي تحت بند الحكمة المصرية (مبروم علي مبروم ما يلفش)
تحياتي
| |
|
|
|
|
|
|
|
|
|
h (Re: ناذر محمد الخليفة)
|
قمر بوبا ..
Quote: لا اعتقد انه سيجيب علي الاسئلة الخاصة بي تحت بند الحكمة المصرية (مبروم علي مبروم ما يلفش)
|
دي يعادلا بالسوداني أبو القدح يعرف محل يعضي أخوهو ؟
| |
|
|
|
|
|
|
|
|
|
Re: البرج طلع سودانى (Re: Tabaldina)
|
| Quote: دي يعادلا بالسوداني أبو القدح يعرف محل يعضي أخوهو |
والله يا ناذر ضحكتني
تخيل كنت راجيه والاسئلة ديك كانت فتح شهية لانو شوية انا كنت حدخل ليه في عده محاور منها:
1. لماذا فشلت تقنية CDMA في السودان مع انهاآخر جيل واقوي تقنية.
2.مشاكل التصنيع الرخيص لاجهزة الويرلس الخاصة بـ الام دي اس ال
3. IVR كـ وسيلة يمكن تطويرها لحل مشاكل العملاء بما فيها الفواتير وغيرها
4. مفهوم الماركت سقمنت لخدمة الويرلس سوداني وعلي ماذا اعتمدت وفيما فشلت
أخيرا نكرر الشكر اخونا ناذر علي البوست الهادف الذي لامس وجع ناس كتار
وشكرا للسيد محمد عثمان
شكرا عبد العزيز لتأكيد ما ذهبنا اليه
شكرا شول
شكرا للجميع
مع خالص تحياتي
دوموا بخير
| |
|
|
|
|
|
|
|
|
|
Re: البرج طلع سودانى (Re: ناذر محمد الخليفة)
|
افشل انترنت بالسودان ولا امل في علاج ، كلام في كلام ...
الغايظني ، ما انو انا خسرت ، المشكلة اني وجهت ناس كتار بالشراء وورطتهم معاي
وانا زيهم بشكي والشكية لغير الله مذله!
صفر كبير يستمر لفترات طويلة وتقطعات تثير الاعصاب ...بالله ماعيب عليكم!
| |
|
|
|
|
|
|
|
|
|
Re: البرج طلع سودانى (Re: ناذر محمد الخليفة)
|
افشل انترنت بالسودان ولا امل في علاج ، كلام في كلام ...
الغايظني ، ما انو انا خسرت ، المشكلة اني وجهت ناس كتار بالشراء وورطتهم معاي
وانا زيهم بشكي والشكية لغير الله مذله!
صفر كبير يستمر لفترات طويلة وتقطعات تثير الاعصاب ...بالله ماعيب عليكم!
| |
|
|
|
|
|
|
|
|
|
أنتظروا وستقرأوا العجب العجيب ..!! (Re: ناذر محمد الخليفة)
|
زرت اليوم معرض الخرطوم الدولي ..
ومررت على (جناح) خدمة سوداني ..
أو هي شريحة صغيرة من أرض المعرض ، مقارنة بشركة إتصالات أخرى شغلت مساحة ما يمكننا أن نطلق عليه فعلاً مسمى جناح ..!!
المهم هو الحوار العجيب الذي دار بيني وبين موظفي خدمة سوداني بالمعرض ..!!
أنتظروا وستقرأوا العجب العجيب ..!!
| |
|
|
|
|
|
|
|
|
|
Re: أنتظروا وستقرأوا العجب العجيب ..!! (Re: ناذر محمد الخليفة)
|
منتظرين
تعال فتهم هنا ده
مع انو الايام عندي مغص من ناس زين
تخلص الـ 2 قيقا بعد داك كل ميقا بالف ميتين جنية...ليه سارقنها القروش دي نحن
الميقا دي لو خشيت بوست ولقيت غنية شغالة اتوماتيتك معناه حقك راح يعني لو دقست ممكن تدفع عشرة الف في غنية
برضو جايينكم ياناس زين
يا الناس دي تستعدل يا نحن نخلي الاترنت مافي حل تاني
| |
|
|
|
|
|
|
|
|
|
هل هنالك برنامج تدريبي لهم ؟ (Re: ناذر محمد الخليفة)
|
لا أدري كيف يتم تعيين الموظفين والموظفات المنوط بهم التعامل مع الجمهور في شركة سوداني !!
هل هنالك برنامج تدريبي لهم ؟ أو شي من هذا القبيل ؟!!
لا أظن ذلك ، فمن قابلتهم اليوم في المعرض كانوا ابعد ما يكون عن التدريب وعن كيفية التعامل مع جمهور عريض كجمهور سوداني وبعيدون كل البعد عن الإقناع ولو حتى بقدر ضئيل ..
بالنظر للوعد الذي قطعه الأستاذ محمد عثمان بتحسن مستوى الخدمة حتى يوم الخميس (أمس) ولم يطرأ هذا التحسن ، سألت إحدى موظفات سوداني في المعرض عن التدهور في الخدمة وعن الأعطال المتكررة التي تصيبها ، فنظرت إلي بإندهاش حقيقي ومن ردها إكتشفت أنها لم تكن تعرف أن هنالك أعطال إطلاقاً ؟!!
قلت لها ما فائدة هذا الجناح الذي تقيمونه في المعرض إذا كان مستوى الخدمة متدهورا ولا يبشر بالخير مستقبلاً ؟ وماذا عن التعويض الذي وعدتم بتقديمه لجمهوركم في ظل هذا التدهور في الخدمة ؟.. ولماذا تهتمون أكثر بتحصيل الاموال وحصدها من مشتركيكم ولا تبذلون أقل جهد لتحسين صورتكم في أذهان الجمهور ؟!
فسألتني بكل برود : هل تعني أنك لم تستفد من الخدمة ؟!
فما كان مني إلا وان رددت عليها : نعم إستفدت بما يساوي خمسة عشر جنيها وأنتم تطالبوننني والجمهور بمائة وعشرين جنيها .. فهل ستقبلون بما سأدفعه لكم ؟!
ويبدوا انها لم تستطع مواصلة الحوار معي بهذه الطريقة فاحالتني إلى موظف أخر بجوارها فتحدث معي عن تحسن مستوى الخدمة وسألني من أين أستخدم الخدمة وأجبته ، وفتح صفحة خدمات المشنركين وأخبرته أنها لا تعمل فجربها أمامي ..!
أما أسئلتي التقنية فلم يستطع الإجابة عليها وإكتفى بإجابات عائمة من نوع (إنشاء الله) و (مستقبلاً) وما شابه ..!
لا أدري كيف لم تنتهز الشركة فرصة هذا المعرض وتضع في جناحها موظفين تقنيين حقيقيين يمتلكون القدرة على الإقناع وإجابة أسئلة الجمهور ؟!! ، فالشركة تتعامل مع أجهزة تقنية ومن المفترض أن تعرف كيف تتعامل مع ما يثار حولها من أسئلة ..
أما وضع موظفي مبيعات وعلاقات عامة فهذا لا يفي بالغرض ..
و دليل حديثي السابق أن الشركة فقط تهتم باكيفية جني المال وإهتمامها بجيب مشتركيها أكثر من إهتمامها بتحسن مستوى ما تقدمه من خدمات أنني لاحظت في باحة المعرض أكثر من موقع ومكان لبيع أجهزة الشركة المختلفة ولمحت سيارة واحدة على الأقل تحمل شعار سوداني وتضع الملصقات وتسوق للخدمة والبيع المباشر ..
أما داخل الصالة فجناح سوداني المفترض أن يكون واجهة للتعامل مع الجمهور وواجهة للشركة ذات نفسها فهو صغير وإمكانيات موظفيه اقل من متواضعة ولا يملكون أدنى إجابة لأسئلة الجمهور ..
وسأعود للمقارنة بما وجدته داخل جناح الشركة المنافس لسوداني وتقدم ذات الخدمات ..!!
صنفرة :
من يبيع اي شي للزبون من المفترض عليه معرفة كل صغيرة وكبيرة بما يبيعه .!
هذه من أبسط قواعد التجارة العادية ..
عند خروجي من المعرض هن لي شراء بطيخة من بائع يفترش بها الأرض .! وقفت بقربه وتحادثت معه حول البطيخ ؟ وكيف يضمن حلاوته وجودة طعمه!! .. فاعطاني محاضرة طويلة عن بطيخ فصل الشتاء وطريقة زرعه وحصده وأن بطيخ الشتاء تحديدا يكون عالي السكرية ولذاذة الطعم وأنه في الأصل مزارعاً قبل أن يكون بائعا ويعرف سر ما يبيعه ..!!
حينها إشتريت منه ما أريد وإلتفت لمرافقي وقلت له (ليت المسئولين في سوداني يتعلمون من هذا البائع البسيط مقدرته الفذة على تسويق بضاعته ، وأهمية إمتلاكهم لمعلومات وافية وكافية تساعد على إقناع زبائنهم وإشباع أسئلتهم ) ..!!
| |
|
|
|
|
|
|
|
|
|
Re: هل هنالك برنامج تدريبي لهم ؟ (Re: ناذر محمد الخليفة)
|
المشكلة يا ناذر ليست في الشخص الواقف علي كاونتر خدمة العملاء او في المعرض
المشكله في المؤسسات نفسها يعني الموظف لا يرفض ان يتم تدريبه وتأهيله..بل ان المؤسسة نفسها لا تؤمن بكلمة تدريب وان آمنت ودربت لن تدرب عند جهات مختصة
المضحك المبكي ان هذه الشركة لديها مركز تدريب اكبر القصر الجمهوري بالقرب من حديقة القرشي
المشكلة الاكبر اين دور الدولة في حماية المستهلك الذي يدفع في كل 100 عشرين كقيمة مضافة
هنالك دول تحترم مواطنيها والشركات تحترم عملاؤها لكي لا يتسربوا منها لمنافس آخر
كثير من الدول تستعمل كونكتر واحد للدخول من شبكات اخري...هنا لا
تدفع تلمية خمسين اول حاجة سعر الجهاز
تدفع قروش الخدمة اول عشان يوروك الويل
تشتكي لمنو
المسالة تعدت رداءة الخدمة ودخلت في اكل اموال الناس بالباطل كما اسلفنا ...منو المفروض يرجع للناس دي حقوقها
خالص التحايا وجمعة مباركة
| |
|
|
|
|
|
|
|
|
|
Re: هل هنالك برنامج تدريبي لهم ؟ (Re: ناذر محمد الخليفة)
|
غايتو يا قمر بوبا فقعتنا بالضحك!!
Quote: الميقا دي لو خشيت بوست ولقيت غنية شغالة اتوماتيتك معناه حقك راح يعني لو دقست ممكن تدفع عشرة الف في غنية
برضو جايينكم ياناس زين
يا الناس دي تستعدل يا نحن نخلي الاترنت مافي حل تاني |
انت ما سمعت بخطة الجداده فقعت !
دي ما الحكاية ذاااااتا
تتذكر لما الموبايلات ظهرت جديدة اسعارها كانت كيف والشرائح كيف ، لمو فيها
السودانيين بخطة الجداده فقعت لما بقت الشريحة بكوز موية..
اصبر شوف الانترنت دا حيحصل ليهو شنو بعد شوية بالخطة ذاااااتا!!!
| |
|
|
|
|
|
|
|
|
|
هربت مبتعداً (Re: ناذر محمد الخليفة)
|
بعد أن هربت مبتعداً عن ما يمكننا ان نطلق عليه بالكاد (جناح سوداني) :
دخلت إلى ما يمكننا ان نطلق عليه بالفعل مسمى جناح في شركة الإتصالات الاخرى ..
صالة كبيرة واسعة ومتسعة تتسم بالنشاط بين موظفيها وجميع من يتحرك داخلها .
من النظرة الاولى والإنطباع الاولي ادركت أي نوعية من الموظفين هم ..
وجدت إجابات شافية ووافية دون تردد من كل من سألتهم في شئون الشركة وخدماتها التي تقدمها للجمهور ..
وجدت شروحات وافية مدعمة بالأمثلة لكل إستفساراتي ..
لم يتذمر أحد حتى وأنا انتقد بعض أوجه القصور التي عايشتها ورأيتها لديهم ..
هم يعلمون تماما أن الزبون دائما على حق ومهمتهم تقتصر على إرضائه بصبر وأنية طالما هو من يدفع من حر ماله وجيبه مرتباتهم وإمتيازاتهم ..
لم يسألني أحد ببرود مستفز (يعني إنت ما إستفدت من الخدمة) مثلما فعلت موظفة سوداني ..!!
| |
|
|
|
|
|
|
|
|
|
j (Re: ناذر محمد الخليفة)
|
الاخ محمد عثمان .
إذا كنت ولا زلت مقتنعا بأهمية الحوار حول هذا الامر فعليك بإرسال تعليقك وتعقيبك على ما أثير هنا على بريد الاخ شول الألكتروني أو على بريدي الموجود في البروفايل ..
أما وإن تغير مفهومك للحوار بعد مداخلاتي ومداخلات الزملاء هنا فيمكنك بكل بساطة الإمتناع عن التعليق وحتى قراءة ما يكتب هنا ولسان حالك يقول (خليهم يضربوا راسم في الحيطة) ..!!
ولك الشكر والتقدير في الحالتين ..
| |
|
|
|
|
|
|
|
|
|
Re: j (Re: ناذر محمد الخليفة)
|
عند خروجي من المعرض هن لي شراء بطيخة من بائع يفترش بها الأرض .! وقفت بقربه وتحادثت معه حول البطيخ ؟ وكيف يضمن حلاوته وجودة طعمه!! .. فاعطاني محاضرة طويلة عن بطيخ فصل الشتاء وطريقة زرعه وحصده وأن بطيخ الشتاء تحديدا يكون عالي السكرية ولذاذة الطعم وأنه في الأصل مزارعاً قبل أن يكون بائعا ويعرف سر ما يبيعه ..!!
حينها إشتريت منه ما أريد وإلتفت لمرافقي وقلت له (ليت المسئولين في سوداني يتعلمون من هذا البائع البسيط مقدرته الفذة على تسويق بضاعته ، وأهمية إمتلاكهم لمعلومات وافية وكافية تساعد على إقناع زبائنهم وإشباع أسئلتهم ) ..!!
نازر
والله بتبالغ
ههههههههههههههههههههههههههههههه
| |
|
|
|
|
|
|
|
|
|
Re: j (Re: ناذر محمد الخليفة)
|
Quote: إذا كنت ولا زلت مقتنعا بأهمية الحوار حول هذا الامر فعليك بإرسال تعليقك وتعقيبك على ما أثير هنا على بريد الاخ شول الألكتروني أو على بريدي الموجود في البروفايل ..
أما وإن تغير مفهومك للحوار بعد مداخلاتي ومداخلات الزملاء هنا فيمكنك بكل بساطة الإمتناع عن التعليق وحتى قراءة ما يكتب هنا ولسان حالك يقول (خليهم يضربوا راسم في الحيطة) ..!!
|
وليه نضرب رأسنا بالحيطة يا ناذر...
نحن قاعدين
شخصيا عندي استعداد اسكن البوست ده وارفع كل يوم عشان يكون قاعد في الصفحة الاول حتي نجد اجابات مقنعة للتساؤلات الموضوعية التي طرحت في البوست.
لو كان البوست موجه لشركة غير سوداني ...اقصد اي شركة لها شريك اجنبي كنا شحنا ليهم البوست ده في ايملاتهم وكان سمعنا رد من المدير العام ذاتو لكن في وضعية سوداني دي بس خلوا البوست ده قاعد فوق كدة.عسي ولعل يقراه ذات يوم مسئول في الدولة يتولي حقوق الناس دي
| |
|
|
|
|
|
|
| |
ناذر محمد الخليفة
معتصم محمد صالح
GamarBoBa
salah awad allah
humida
ذواليد سليمان مصطفى
SHIBKA
Dr. Haitham Mekkawi
abdalla osman
Hassan Makkawi
Nazik Eltayeb
علاء الدين يوسف علي محمد
عبداللطيف حسن علي
العوض المسلمي
فيصل نوبي
محمد عكاشة
صلاح أبودية
naeem ali
شول اشوانق دينق
محمد الكاب
Hisham Amin
معاوية كرفس
عبدالعزيز الفاضلابى
فيس بوك
تويتر
انستقرام
يوتيوب
بنتيريست