|
|
|
 Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: ناذر محمد الخليفة)
|
Quote: الموصلي وعمر الفاروق ..
اثريتم البوست بي نقاش جدي جدا ويمتاز بالصراحة الشديدة وعدم المجاملة وطولة النفس ..
ما قصرتم والله وأنا فضلت أكون قارئ بمداخلاتكم ..
واصلوا في هذا الإطار .. |
تعرف ياناذر
عمر الفاروق مهما اختلف معه
فان ذلك لايؤثر ابدا على تقديري له
لذا فانني في حواري معه شديد الوضوح
ولا استحي ابدا معه واحس بان لديه نفس الشعور
تجاهي
حقيقة اخرى
عمر لديه قدرة ممتازة لتهييج ذاكرتي الفنية والاكاديمية
| |
 
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
استاذنا الموصلي:
تحياتي وشكرا للاهتمام والردود الدقيقة على كل صغيرة وكبيرة في المداخلات ..
بس يا موصلي في حتة كده كلامك فيها متناقض وإن كنت سلفا متوقع تبريرك وردك عن التناقض ده لكن حا اقولوا ..
Quote: وبرغم ذلك فالشريطين الذين سجلا اعلي الدخول لاشرطة سودانية بمصر
هما وفقا لشركة عالم الفن وصاحبها محسن جابر
امطرت لؤلؤا للكابلي والمجموعة
وشوق الهوي لشخصي الضعيف |
Quote: حبيبي هنالك سببان
الاول هو أن القوة الشرائية السودانية ضعيفة بشكل عام
والناس يادوبك على الرغيف وما حيبدلوه بي شريط |
مع إني متأكد تمااااااااااااااما إنو الإشتروا الشرايط في مصر ديل معظمهم سودانيين ده اذا ما كلهم لانو لو القوة الشرائية البتتكلم عنها غير السودانيين من العرب فمحمد عبده قطع شك حا يتفوق وبالقاضية كمان ..
نجي للوتر البتعزفو عليهو طواااالي وحكاية القروش والامكانات والفنان صاحب رسالة والذي منو ..
الفنان ده انا شايفو زيو وزي باقي شرائح المجتمع وعليه تنطبق فيهو كل الحاجات البتنطبق على الجماعة ديل..
الدكتور صاحب رسالة والمهندس صاحب رسالة وووو..طيب لييه انا جبت السيرة والمقارنة دي..؟
لانو يا موصلي في دكتور راتبه ضعيف وبياخد 300 الف وليهو عشرومية سنة طبيب عمومي وفي دكتور كشفه لايومي للمريض بي 100 الف ودخله الشهري 100 مليون وعندو عيادات خمسة نجوم ..
في مهندس ما لاقي شغل وفي مهندس عندو شركات مقاولات بداها من الصفر ..
نجي للفنانين ..اكتر من فنان الحفلة الواحدة ليهو بي ملايين !!!!
وردي بيطلع بي 15 مليون ترباس بيطلع بي 10 مليون وحسب لون العباية ود اللمين بيغني ليك في التخريج اربعة اغنيات وبيشيل 8 مليون ولا عشرة ما عارف ..
باقي الفنانين بيجيك من 9 ونص لي حداشر في ساعة بيشيل منك 5 مليون !!!
القروش دي بتودوها وين ؟؟؟؟
والله ما غلطنا نحن إنو الفنانين ما عايزين يجازفو ويستثمرو في مجالهم وخلو الحاجات دي للناس الما بتفهم وبقت شركات الانتاج رهينة متسلقين ..
والله الموصلي بدل ما يكون قاعد في امريكا وشغال وت ايفر من الشغل يجي يجازف ويبد بي شركة انتاج وتسجيل ووو ويبدا يعمل فكرتو ..
مع إنو ولو ما خانتني الزاكرة حكيت وبي طريقة غير مباشرة ما عانيته انت مع شركة حصاد وكيف اخدوك لحم ورموك كوم عضم (ده تعبير مني انا فهمته وقتها بس لانك ما كنت حابي تجرح صاحب الشركة غلفتها بي عبارة رايقة )..
لسة في باقي كلام بس معليش حا انشغل ومضطر اقطع المداخلة يا حبوب..
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: عمر الفاروق)
|
هذا البوست هديه لك
اقراهو كويس
Re: كلية الموسيقى والدراما بين مطرقة الإدارة وسندان الإتحاد!
Quote: استاذنا الموصلي:
تحياتي وشكرا للاهتمام والردود الدقيقة على كل صغيرة وكبيرة في المداخلات ..
بس يا موصلي في حتة كده كلامك فيها متناقض وإن كنت سلفا متوقع تبريرك وردك عن التناقض ده لكن حا اقولوا .. |
يعمر ياخي حكايتك شنو انت زول لماح وفهام
عذرناك في موضوع الاغنيه انك بعد وقت نقشت فيها حاجه باعترافك
لكن ما توقعتك ماتنقش الكلام
ياخي شركة عالم الفن دي بتبيع بطريقة مدروسه
واسمها ذاتو ليهو تاثير لانها شركة جل اهتمامها تجاري ولكن للفن الرفيع غالبا
وبتبيع في العالم العربي كلو
اهدينا ليك البوست الفوق ده اقراهو وفكر كويس
انا عارف انو قلبك علينا
ولكن بالنسبة لي بلادنا
فنحن مثلنل مثل قلبي علي جناي وقلب جناي علي حجر
كيف تريد فنا متطورا وعزفا متطورا
في ظل الظروف
الحاتشوفها في البوست ذلك
وجهنا ليك فيهو رساله
عسي ولعل
ترعوي هاها ها ها
طبعا عارفني بهظر في العبارة الاخيرة
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
استاذنا الموصلي:
معليش الردود بتطلع فوق لمشكلة في جهازي..
ومعليش للمرة التانية وعشان اكون معاك صريح انا مقل في قراءة البوستات الاخرى ونادراً ما اهابش اللينكات المرفقة فلك العتبى ولو لقيت طريقة يا ريت تجيب المداخلات بي جاي عشان اقدر اقراها ..
| Quote: بالعربي كده نحن ارخص فنانين في العالم |
لأنكم بي العربي كده أكتر فنانين ما محترفين الغناء ..
وبالعربي كده لانكم اكتر فنانين ما بتدو فنكم ده حقو ..
وبي العربي كده لانكم فنانين غير مواكبين ..
والله ووالله يا موصلي ود اللمين بي جلالة قدره ولمدة اربع سنوات كلية الرياضيات بجامعة السودان بتعمل بيهو حفلات التخريج مشيت الاربعة مرات دي خلال الاربعة السنوات وود اللمين يغني ليهم نفففففس الاغاني !!!!
الفنان تلقاهو بي الصباح شغال موظف في الحكومة وبالعصر قاعد في اتحاد الفنانين في تربيزة يتونس ويضحك ويقطع في داك ويعلق على ده ويتخاسس على داك ..
تجي الساعة 9 ونص يركبو الحافلة بتاعت العازفين يمشو الحفلة يعمل ليهو اربعة اغنيات فيها تلاتة صولات الناس تهجج مع الساكس يشيل قروشو ويشتت..
نحن دول عالم تالت يا موصلي ما تشطح لي وتقارن لي مؤسسية حقوق الملكية والنسخ والذي منو في دول العالم الاول مع بلد فقير زي السودان ..
كلللللللل دول العالم العربي النسخ فيها بي الكوم ومع ذلك الفنانين ديل ماشيين ومجددين وبيقدمو فن متطور..
بالمناسبة يا مصلي اسأل اي زول هنا قول ليهو بقيت تنسخ ليك شريط ماستر لي فنان سوداني؟؟؟؟
الاجابة قطعا لا كل الشرايط المنسوخة بتكون لي حفلات خاصة وقعدات واعراس لكن الماستر بيشتريهو شراء لانو التسجيل فيهو بيكون ما حبابو ..
عن نفسي كللللللللللللللللللل الشرايط المسجلة في الاستديوهات عندي ماااستر وكلللللل المنسوخ عبارة عن حفلات خاصة واعراس وهجيج وجلسات استماع ..
بعجين يا موصلي خليييينا من فنانين السودان القاعدين في الخرطوم وتعبانين وفقرانين ديل إنتو البرة ديل كم فناااااااااااااان ؟؟
كم عاااازف؟؟؟؟
كم ملحن ؟؟؟
كم شاعر؟؟؟
ياخ كلللللللكم كده اتلمو وطلعوا لينا فنان بي مواصفات عالمية في ظل الامكانات المتوفرة ليكم دي وخلونا من ماضيكم بتاع المعاناة في السودان وابدو من الصفر وين المشكلة ؟؟
تحياتي..
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: عمر الفاروق)
|
Quote: وبي العربي كده لانكم فنانين غير مواكبين ..
والله ووالله يا موصلي ود اللمين بي جلالة قدره ولمدة اربع سنوات كلية الرياضيات بجامعة السودان بتعمل
بيهو حفلات التخريج مشيت الاربعة مرات دي خلال الاربعة السنوات وود اللمين يغني ليهم نفففففس الاغاني !!!! |
ليهو حق
والعازفين ليهم حق
يقعدو يتمرنو ويبروفو عشان تجيهم حفله بعد شهر ولا شهرين
طيب اولادهم ياكلو شنو
والله الا ياكلو النيم
مشكلة الفنانين السودانيين
انهم سودانيين
شعبهم فقير ماليا وهذا ليس بعيب
ساسته يرفلون في الثروة بينما الشعب يتضور جوعا
ولايستطيع ان يعطي فنانيه غير الحب
وليس بالحب وحده يحيا الانسان
جبنا ليك بوست تقراه واعتقد انك قريتو بتاع كلية الموسيقي بس
فطيتو لانو ما بمشي مع وجهة نظرك القاسية تجها الفنان السوداني المسكين المغلوب علي امره
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
الموسيقار الموصلي:
معليش فتلت ليكم رصة البوست بس دي الحتة الوحيدة البقدر ارد منها زي ما قلت ليك فمعليش غايتو ..
Quote: ليهو حق
والعازفين ليهم حق
يقعدو يتمرنو ويبروفو عشان تجيهم حفله بعد شهر ولا شهرين
طيب اولادهم ياكلو شنو
والله الا ياكلو النيم |
طيب ياخ ده كلام جميييل ما قلنا حاجة بس ما يجي فنان يشكي ويبكي ويتكلم عن الرسالة والفن قيم ومعاني وانا اطور فيالفن وانا احاول ان اقدم وانا وانا وانا ..
يعيش زيييو وزي باقي المجتمع يكابس في الحياة والمعاناة ويمتهن الفن زيو وزي اي مهنة تانية طبيب مهندس بتاع اورنيش غسال عربات خباز استاذ مبرمج اييييييييي فرج من افراد المجتمع ..
Quote: مشكلة الفنانين السودانيين
انهم سودانيين
شعبهم فقير ماليا وهذا ليس بعيب
ساسته يرفلون في الثروة بينما الشعب يتضور جوعا
ولايستطيع ان يعطي فنانيه غير الحب
وليس بالحب وحده يحيا الانسان |
يا موصلي افقر الشعب السوداني ولا المصري؟؟
المصريين ما لاقين ياكلو وعايشين ليهم على شريط نيل ما بيجي قدر الفتيحاب وما لاقين شغل ومعصورين زييتهم طالع وأهو عننندهم فنانين ..
مااااا تقول لي اعلام وما ادراك ما الاعلام ده موضوع تااااني انا بتكلم عن المتريال بتاعت الفنانين ولاشهرة اللي لقوها والتجديد الشغالين بيهو ..
سميرة سعيد عمرها قرررب يلحق عمر حبوبتي ولحدددي اسة بتطلع في شرايط وقبل شهرين بس رفضت كللل شركات الانتاج انها ترعى شريطها بافتراض انو صفقة خاسرة والزولة كبرت وماف زول بيسمعا فقررت تنتج الكاسيت من جيبها الخاص وموت موت حياة حياة ..
يا موصلي انتو عايزين تبقو زييي النعامة جري وطيران ما عايزين تدفعو وعايزين قروش وما عايزين تطوروا روحكم وعايزين تقولوا انتو احسن ناس بيعرفو غنا ما عايزين تنتجو وعايزين الناس تقول انتو احسن ناس ..
Quote: جبنا ليك بوست تقراه واعتقد انك قريتو بتاع كلية الموسيقي بس
فطيتو لانو ما بمشي مع وجهة نظرك القاسية تجها الفنان السوداني المسكين المغلوب علي امره |
لا قريتو وانت الصادق ..
وما فيهو جديد نفس الملامح والشبه والمعاناة اللي قدددونا بيها زمااااااااان المعاناة تولد الابداع والفنان يولد من صلب المعاناة ..اها خممو وصررو بضاعتكم ردت اليكم ..
بالمناسبة اللي صوروا ليكم معتز ده انا عيشتو وشوفتو شوووف تصدق يا موصلي كنت شغال مساعد التدريس في جامعة الودان ومن قوولة تيت تم تعييني رئيس لقسم الحاسوب الكان جديد وقتها ومقترح في كلية الفنون الجميلة مع تدريس طلاب كلية الموسيقى والدراما؟؟
عارفو كلو وعايشو وبجيك ليهو ..
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
حبيبنا ابراهيم
معليش ما انتبهت لي ردك التحتاني ده
لكن نحن كبرنا علي الراب والراب ذاتو كبر
اما اوباما ده
ممكن ولد ولدي ولا بتي يجتهد زيو ويبقي زيو
اما نحن
اه يالله حسن الختام!!!!
Quote: خوى ما تريح رقبتك وأعمل ليك فرقة راب ولا هيب هوب أمريكية
بتجيب ليك قروش كتيررررة وكمان فكر تكون خليفة اوباما أحسن ليك كتير من المستمعين السودانيين ديل بجيبوا ليك وجع قلب ساكت وأقله سكرى هههه
إبراهيم عبد الحليم |
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
الاغنيه ياصديقي متوفره ليها عناصر النجاح
حتكون مشكلتها
الدعاية والاعلام اللازمين لها
وده معناهو القروش
البث التلفزويني مع فيديو كليب
وده معناهو قروش
دخول عنصر الكمنجات الاصلي
وده معناهو قروش
وجود الفنان في المحيط السماعي الاصلي
الا وهو السودان للتواصل مع الجمهور بالمسارح
للتغني بالاغنية
وده ذاتو معناهو قروش
اها شفت القروش مهمه كيف
-------------------------------------------------------------------------------------------------------
حاشيل من البوست اعلاه بعض الجمل الايجابيه لانها بتمثل الحل:
1-الاغنية متوفره ليها عناصر النجاح
2-الدعاية الاعلان الازمين لها
3-البث التلفزيوني مع فيديو كليب
4-دخول عنصر الكمنجات الاصلي
5-وجود الفنان في المحيط السماعي الاصلي
في السودان للتواصل مع الجمهور بالمسرح.
---------------------------------------------------------------------------------------------------
الاحساس بعدم وجود القروش هو الاشكاليه وليس القروش(حاول تفهمني كويس)لانو الموجود هو الاحساس (بعدم) وجود القروش
حسب القانون الفيزيائي like dissolve the like and/like attract the like the like>
اذن الاحساس بعدم وجود التمويل حسب القانون اعلاه ح يزيد من ويؤكد عدم وجود التمويل....العامل المشترك في المعادله هو الاحساس(اذا كان الاحساس عندو المقدرة انو يجمع كلمات كلمة السر ولحنهايبقي من الممكن الاحساس بوجود التمويل حيجمع التمويل من مصادره من غير شك)
عيايزك تقلب احساسك تجاه التمويل للغنية: حتكون اللغة بقت كالاتي:
1-اغنية كلمة الس اغنية ناجحة توفرت لها كل عناصر النجاح وتوفر لها البث التلفزيوني والفيديو كليب
2-توفر دخول عنصر الكمنجات الاصلي
3-تمكن المغني من الدخول في المحيط السماعي الاصلي في السودان وتواصل مع الجمهور في المسرح.
-----------------------------------------------------------------------------------------------------------------
في التعامل مع المخ يجب ان نستقل مقدرته في الخلق الاول (الخيال) لخلق الاحساس المطلوب اولا اذ ان الخ لا يفرق بين الواقع والخيال(اثبت علميا)عندما يتوفر الاحساس بوجود التمويل سيتوفر التمويل علي مستوي الواقع كما خرجت كلمة السر من عالم الخيال الي الواقع المسموع...
ولو قريت الكلام الفوق دي جهز حالك للسفر للسودان لانو الموضوع دا نجض يا استاذ...ومن هنا لي قدام حتظهر ليك كل الاسباب والتمويل واي حاجة عشان الموضوع يتم وقد تم.
لانو كلمة السر مافي زول غناها وطلب ليها تمويل الا انت ......استعد..لو عندك اي سؤال ارسل لي تلفونك بل email ,وانا ح اتصل بيك
الان.
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
عندما كنت في المدرسة التقيت بالكثير من الموسيقيين و المغنيين السودانيين في ابوظبي الزوار و المقيمين الذين ادركوا الموهبة التي حباني اياها الله آن ذاك و شجعوني كثيراً على احتراف الفن. فكرت ملياً عند انتهائي من الثانوية بالالتحاق بمعهد الموسيقى ولكني نظرت حولي ووجدت احوال الموسيقيين السودانيين لا تسر. صرفت النظر عندها عن الموضوع و قررت ان ادرس شيء اخر استطيع من خلالة ان اصرف واستثمر في تطوير نفسي فنياً.
للاسف لا توجد صناعة احترافية للفن عندنا تضمن للمبدع الحياة الكريمة مع الاستمرار و التفرغ للفن.
فلينظر كل منا الى مكتبتة الموسيقية السودانية و يحسب كم نسبة النسخ الاصلية المدفوعة منها مقابل النسخ غير الاصلية!!!!! ماذا تستنتج؟
بكل الود؛
آسامة علي
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: اسامة على)
|
Quote: عندما كنت في المدرسة التقيت بالكثير من الموسيقيين و المغنيين السودانيين في ابوظبي الزوار و المقيمين الذين ادركوا الموهبة التي حباني
اياها الله آن ذاك و شجعوني كثيراً على احتراف الفن. فكرت ملياً عند انتهائي من الثانوية بالالتحاق بمعهد الموسيقى ولكني
نظرت حولي ووجدت احوال الموسيقيين السودانيين لا تسر. صرفت النظر عندها عن الموضوع و قررت ان ادرس شيء اخر استطيع من خلالة ان اصرف واستثمر في تطوير نفسي فنياً.
للاسف لا توجد صناعة احترافية للفن عندنا تضمن للمبدع الحياة الكريمة مع الاستمرار و التفرغ للفن.
فلينظر كل منا الى مكتبتة الموسيقية السودانية و يحسب كم نسبة النسخ الاصلية المدفوعة منها مقابل النسخ غير الاصلية!!!!! ماذا تستنتج؟
بكل الود؛
آسامة علي
|
لافض فوك يا آ سامه
اها الاجابه شنو
ياعمر
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
عن صحيفة الأحداث الصادرة لهذا اليوم :
Quote: (كلمة السر) ما بين الموصلي وبشرى سليمان ..!
كلمة السر
شعر بشرى سليمان
الحان وغناء يوسف الموصلي
التوزيع والتنفيذ الموسيقي اسامه علي
=======================
كلمة السر
الي في عينيك مقيلا
شايله في جواها
احزانا النبيله
++++++++
والبعاني انا وبفتش
لي معانيها السنين
حاجه عن
دنيانا غايبه
حاجه تدسه وتبين
جوه في اعماقي تايهه
بحه في الصوت الحزين
++++++++
مهما ضاعت
في دروب سفري
الملامح
عارفو خاطرك
لي مسمح
لاببدل لابغيير
لا هواك من عيني
رايح
هو نوع غريب من التحالف الفني ما بين الموسيقار يوسف الموصلي والشاعر الفذ بشرى سليمان ، تحالف وتناغم في الصوت والكلمة والاداء والتوزيع الراقي لارواء عطش المستمعين للكلمة الجميلة والأداء العذب المبني على أكبر درجات العلمية الموسيقية ..
كلمة السر ظلت حبيسة في صدور وُمسطرات من صاغوها وساهموا في ولادتها زمنا طويلا ولم تجد حظها من الإنتشار والذيوع لعدة أسباب ربما أولها هو هجرة من إبتكروا هذا العمل لخارج البلاد سنينا طويلة كان لها من التأثير الوجداني السلبي أبلغ الاثر في منع الكثير من الاعمال الموسيقية عالية الجودة والتنفيذ من ان ترى النور وتنتشر في مساحات واسعة ، فكان مصير معظم هذه الاعمال هو الذيوع في مساحات ضيقة في مرافي الغربة حيث تقل المنتديات الفنية وجلسات الإستماع التي كانت ولا زالت هي من يقيم العمل الفني أو الأدبي قبل إنتشاره الفعلي وسط الجمهور عبر الوسائط المتعددة الكثيرة ..
كلمة السر إنتشرت في مساحات واسعة بفعل الأستاذ عبد اللطيف عبد الغني (وردي الصغير) ، والذي دأب على التغني بها في المحافل المختلفة وساهم في إنتشارها النسبي غير الموثق .
حاليا يقوم الموسيقار الموصلي بإعادة توزيع الكثير من أغنياته القديمة التي يرى الجمهور أنها قمة في النجاح والطرب الأصيل والكلمات الرنانة ، ورغم ذلك لم تنتشر بالوسائل التي تتيح لها الخلود والإستمرارية وسلاسة الإنتقال من جيل لجيل ينتظر أن يقف على تجارب من سبقوه والإستفادة منها .
وبشرى سليمان من الشعراء الأفذاذ الذين لا يكتبون الشعر إلا للغناء إن صحت الكلمة ، ولديه الكثير من الاعمال الغنائية الشعرية وقبل كلمة السر قام الموصلي بغناء قصيدته (صدفة صوتك لما جاني) من ألحان الدكتور صلاح محمد الحسن .. ومن ألحان الموصلي أيضا تغنى لبشرى (يا مواسم) ، والإثنين من الاعمال المهملة التي لم تر النور إلا لماما رغم الجماليات الشعرية والموسيقية التي تذخر بهما ..
كتبنا كثيرا عن ضرورة تهيئة الاجواء لعودة موسيقينا المنتشرين على كل بلاد العالم وذلك كي تعود للموسيقى السودانية عافيتها ، العشرات من الموسيقيين المحترفين مبعثرون في بلاد الشتات لأسباب مختلفة تتراوح بين موسيقي وأخر ، ولو أن هؤلاء وجدوا فرصة العودة للسودان ولقمة العيش الكريم فبكل تأكيد سيكون المردود الموسيقي الفني كبيرا على الساحة الفنية ولربما خرجت من عثرتها في سنوات معدودة بدلا من هذه الفوضى التي تحدث الأن في الساحة .. موسيقيين في الشتات أمثال الموصلي و أسامة علي وضياء الدين ميرغني ويا سر مبيوع وطارق أبو عبيدة وأحمد ساطور و ابراهيم عبد الحليم وفاضلابي وعادل الصديق وكثيرون غيرهم ممن تشهد لهم الساحات المختلفة بالعطاء الذاخر حتى قبل هجرتهم من السودان ،،بكل تأكيد فإن في عودتهم للساحة الموسيقية السودانية بقوة ستكون ذا مردود إيجابي عليها ، ويبدو أننا بحاجة لتكوين لجنة ذو صلاحيات واسعة للبحث والتقصي في إمكانية عودتهم بأعجل مما تيسر وتذليل كافة العقبات التي تعترض طريق عودتهم ..
فمن يتصدى لهذا العمل ؟!!!
ناذر محمد الخليفة
|
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
Quote: لا قريتو وانت الصادق ..
وما فيهو جديد نفس الملامح والشبه والمعاناة اللي قدددونا بيها زمااااااااان المعاناة تولد الابداع والفنان يولد من صلب المعاناة ..اها خممو وصررو بضاعتكم ردت اليكم ..
بالمناسبة اللي صوروا ليكم معتز ده انا عيشتو وشوفتو شوووف تصدق يا موصلي كنت شغال مساعد التدريس
في جامعة الودان ومن قوولة تيت تم تعييني رئيس لقسم الحاسوب الكان جديد وقتها ومقترح في كلية الفنون الجميلة مع تدريس طلاب كلية الموسيقى والدراما؟؟
عارفو كلو وعايشو وبجيك ليهو |
وبعد ده كلو حاقر بينا
اخخخخخخخخخخخخخخخخخخخخ
نحن لينا الله وجرايد السوق
| |
|
|
|
|
|
|
|
|
 Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
| Quote: والله ووالله يا موصلي ود اللمين بي جلالة قدره ولمدة اربع سنوات كلية الرياضيات بجامعة السودان بتعمل بيهو حفلات التخريج مشيت الاربعة مرات دي خلال الاربعة السنوات وود اللمين يغني ليهم نفففففس الاغاني !!!! |
كلامو صاح يا موصلى
صاح هناك بعض الكسل| Quote: بالمناسبة يا مصلي اسأل اي زول هنا قول ليهو بقيت تنسخ ليك شريط ماستر لي فنان سوداني؟؟؟؟ |
مافية Mafia النسخ موجودة ياعمر وبكثرة هاك ديل بس من الأنترنت وصدقنى أسأل أى فنان لو أدو حقوق مالية
sudani.ws
sudanese.net
sudanesesongs
sudan-dj
أنت نفسك عمر ده جبت فيديو بوست هالة دهب وزرياب - عزاز علينا من هذا الموقع
sudan-dj
صاح؟؟؟
تعرف يا موصلى بثت لى إذاعة المانية أغنية حقتى جديدة لمدة تلات دقائق ونصف تعرف يا عمر حولوا لى كم فى حسابى بعد أسبوعين مبلغ 105 يورو بعد خصم الضرائب ورسوم منظمة الملكية الفكرية فقط 3 دقائق ونصف.
إبراهيم عبد الحليم
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: إبراهيم عبد الحليم)
|
Quote: مافية Mafia النسخ موجودة ياعمر وبكثرة هاك ديل بس من الأنترنت وصدقنى أسأل أى فنان لو أدو حقوق مالية
sudani.ws
sudanese.net
sudanesesongs
sudan-dj
أنت نفسك عمر ده جبت فيديو بوست هالة دهب وزرياب - عزاز علينا من هذا الموقع
sudan-dj
صاح؟؟؟
تعرف يا موصلى بثت لى إذاعة المانية أغنية حقتى جديدة لمدة تلات دقائق ونصف تعرف يا عمر
حولوا لى كم فى حسابى بعد أسبوعين مبلغ 105 يورو بعد خصم الضرائب ورسوم منظمة الملكية الفكرية فقط 3 دقائق ونصف.
إبراهيم عبد الحليم |
لكن عمر نكر الكلام ده كلو كلو
==============
شوية هظار
ياعمر
نكر صوتك صداك
وغالطني الزمن فيك
=====================
يا ابراهومه يخيل انت كنت حريف في الكوره
ذكرتني سميك واعظم لاعب خط وسط في تاريخ السودان
ابراهيم محمد علي (ابراهومه سيد الاسم)
وهو بلعب في خانة
Deep Center Forward
ونحن كنا بنقول ديب سنترفرود بكسر الواو
تحياتي لكما
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: اسامة على)
|
سلام طارق ..
Quote:
الغزيز ناذر
اعتقد توزيع اسامة لكلمة السر جيد بعدين زول استاذو الموصلى ما بتجيهو عوجة انشاء اللة
ولا انتا رايك شنو |
طبعا التوزيع ما فيهو كلام ودا سبب إحتفائي بيها في الصحف والمواقع الأخرى ..
بالرغم من إنو حسب العرفتو إنو لسع ناقص شوية مزك ..
والظاهر أنا عصرت الموصلي حبتين ..
كلمة السر وعرفناها يا أسامة يلا منتظرين منك جفل الرعد
صنفرة :
يا أخوانا ما تقنعوا بكري دا يرجع أكواد المنبر ..!!
جني وجن بوستات الموسيقى الخالية من المزيكا ..!!
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: اسامة على)
|
عارفك غرقان لي شوشتك
ربنا يوفقك دايما يا اسامه
ونحن نفس واحد وهم واحد
الذ حاجه في تلك الايام انو كنا بنساهر في بيتكم
واظنها كانت زره حاره ليك
اذكر اننا عندما ادينا عملنا سويا
هناك
فان موسيقيين بحترمهم وباعتز بهم في مدينة العين
قد اعجبوا اعجابا شديدا بالكلام القالو عنك وطريقة المعالجة العملناها ليها
وهما
التاج مكي الفنان والزميل المشهور
ثم الموسيقار عمر الخزين رد الله غربته
فقد كان من احسن خريجي التآليف ولم يستفد منه السودان بفضل السياسة
قاتلها الله
اضف لهم شاعرنا الكبير اسحق الحلنقي وقد ابدو اعجابا كبيرا بك
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: ناذر محمد الخليفة)
|
استاذي العزيز.... هذه شهادة اعتز بها، مظلوم هو "الاورغن" عندنا..... على الرغم من ان الكيبورد آلتي الاساسية؛ لكن عشقي دائماً كان للآلات الحية مع لمسة من الموسيقى الالكترونية... هذا دفعني الى محاولة فهم امكانيات كل آله، مواضع الجمال فيها، تكنيك عزف تلك الآلات و محاولة توظيفها وفقاً لانواع الموسيقى المختلفه و دمجها مع الآلات الآخرى. الكيبورد ليس الا وسيله و اداة في يد من يستخدمها... اضف الى ذلك الامكانات المهولة التي وفرتها تكنولوجيا الكومبيوتر و التسجيلات الرقمية المتعددة التراكات فنجد اننا ما زلنا نقف بعيداً على الشاطىء
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: اسامة على)
|
| Quote: الكيبورد ليس الا وسيله و اداة في يد من يستخدمها... اضف الى ذلك الامكانات المهولة التي وفرتها تكنولوجيا الكومبيوتر و التسجيلات الرقمية المتعددة التراكات فنجد اننا ما زلنا نقف بعيداً على الشاطىء |
الموصلى واسامة
بالنسبة للحفلات الحية هل التوزيع فيها بكون بنفس مستوى الاستديو ام ان هناك عوامل اخرى تقلل من جودة توزيع الحفلات
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: طارق زروق)
|
على الرغم من اننا لم ندخل هذه التكنولوجيا بعد في الحفلات الحية لكن يمكن ذلك ان توفرت الامكانيات الماديه و الفنية. العمل الحي يحتاج بالاضافة الى جودة الموسيقى ايضاً الى شروط اخرى مثل المعالجة الصوتية للمكان، الكهرباء، المكس الحي، الاكوستكس و كل واحدة من هذة و غيرها علم و فن قائم بذاته.
يمكننا ان نلمس بوضوح تطبيق كل هذا عندما نحضر او نشاهد الحفلات الحيه للفرق الموسيقية الغربية و في بعض الاحيان الشرقية.
| |
|
|
|
|
|
|
|
|
 Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
الاستاذ الموصلي
لك التحية ولكل الصدقاء
مستوي راقي من النقاش وربنا يحفظكم..لا ادري ان كنت من المؤهلين للنقاش في هذه الامور...لكن بعض الملاحظات قد نستفيد منها جميعا:
1-الموسيقي في السودان بالرغم من الكم الهائل من المصادر للايحاء والانتاج والذي وفرته لنا طبيعة السودان الا ان الانتاج قليل...وهذا لا يعني عدد الفنانين بل عدد الاغنيات والملاحظ ان الكم من المغنين مازالت تستهلك طاقاتهم وزمنهم الاغنيات القديمة...اعتقد ان المخرج من هذه الورطة هو تكوين نظام او جسم لتشجيع المنتجين...اذكر ان الدورة المدرسية قد اخرجت الينا زيدان ابرهيم..ووردي الصغير والاستاذ حلاب الغيم مصطفي سيد احمد والموصلي وسيف الجامعة وحنان النيل ومجموعة من الاصوات الجميلة....
من الكم في الانتاج تظهر الجودة...هذا علي كل المستويات علي اطار العالمية تاخذ معايير القياس شكلا اخر فتسقط اللغة المحلية وتصبح قيدا لاجمل الاحان من ان تصل الي الكم الهائل من المستمعين في العالم...وعلي مستوي اخر تسقط اللغة الجهوية والعرقية ايضا....لقد اصبحت اغنيات امنويل جال تغني في كل انحاء العالم عندما لم يكن له ال خيار اللغة الانجليزية...وهو الان في الثلاثين من عمره وهو من السودان ومن جنوبه المهمش.....
علي مستوي اخر سوف تسقط جميع اللغات من معايير القياس عندما تعزف الالحان فقط ...وما زال العالم يستمع الي بيتهوفن الذي كان يعجز عن سماع نفسة......ربما كان ما قلت علي اطار واسع .. ونحن بحبنا للسودان ننسي احيانا ان نتحمل مسئولية الانتاج علي جميع المستويات من الفن والابداع...وما اري هنا في هذا المنبر شعلة قد بدات في الاتقاد فالتحية لكم جميعا اصدقائي...
هذا ايضا من السودان ...ااين تلفزيون السودان من هؤلاء...بل اين الاذاعة والمسرح...اين السودان منهم احبتي...المعاناة تخلق الابداع
ولكن لا احد يود السير في حقول الالغام ....هنا اصبحت اللغة العربية معيار ظالم اصدقائي....معذرة..فان في دواخلي كل السودان ...
<object width="425" height="344"><param name="movie" value="http://www.youtube.com/v/ekigsvTDJXo&color1=0xb1b1b1&co...;/param><param name="allowFullScreen" value="true"></param><embed src="http://www.youtube.com/v/ekigsvTDJXo&color1=0xb1b1b1&co...r_embedded&fs=1"; type="application/x-shockwave-flash" allowfullscreen="true" width="425" height="344"></embed></object>
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: salah ismail)
|
Quote: [هذا ايضا من السودان ...ااين تلفزيون السودان من هؤلاء...بل اين الاذاعة والمسرح...اين السودان منهم احبتي...المعاناة تخلق الابداع
ولكن لا احد يود السير في حقول الالغام ....هنا اصبحت اللغة العربية معيار ظالم اصدقائي....معذرة..فان في دواخلي كل السودان ... |
يابو صلاح انت (أدها وأدود)
الاذاعة والتلفزيون برغم انهما اطلا على العالم ولكن لازال الوجه هو الوجه
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: ناذر محمد الخليفة)
|
| Quote: علي مستوي اخر سوف تسقط جميع اللغات من معايير القياس عندما تعزف الالحان فقط ...وما زال العالم يستمع الي بيتهوفن الذي كان يعجز عن سماع نفسة......ربما كان ما قلت علي اطار واسع .. ونحن بحبنا للسودان ننسي احيانا ان نتحمل مسئولية الانتاج علي جميع المستويات من الفن والابداع...وما اري هنا في هذا المنبر شعلة قد بدات في الاتقاد فالتحية لكم جميعا اصدقائي... |
ده
كلام صاح
يا ابا صلاح
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
عادة زميلي في الدراسة المتفوق عمر الخزين
رجل صارم في تذوقه وجاد
ولا يناحز الا الي الجاد من الموسيقيين
وحينما ابدي لي اعجابه الشديد
بتنفيذ اسامه وعزفه
للاغنيات بمصاحبتي
خصوصا الكلام القالو عنك
صدق حدسي حول اسامة وتآكد تماما
فالتحية لهما واتمني ان التقي الفنان عمر الخزين
خريج التاليف بمعهد الموسيقي واحد احسن الذين تخرحو فيه
راتمني ان تكون جرسومة النزعة التاليفية لا زالت كامنة في جسده
وفي عقله وان يخرج لنا رقليلا مما خبآ
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: Elmosley)
|
Quote: (كلمة السر) ما بين الموصلي وبشرى سليمان ..!
كلمة السر
شعر بشرى سليمان
الحان وغناء يوسف الموصلي
التوزيع والتنفيذ الموسيقي اسامه علي
=======================
كلمة السر
الي في عينيك مقيلا
شايله في جواها
احزانا النبيله
++++++++
والبعاني انا وبفتش
لي معانيها السنين
حاجه عن
دنيانا غايبه
حاجه تدسه وتبين
جوه في اعماقي تايهه
بحه في الصوت الحزين
++++++++
مهما ضاعت
في دروب سفري
الملامح
عارفو خاطرك
لي مسمح
لاببدل لابغيير
لا هواك من عيني
رايح
هو نوع غريب من التحالف الفني ما بين الموسيقار يوسف الموصلي والشاعر الفذ بشرى سليمان ، تحالف وتناغم في الصوت والكلمة والاداء والتوزيع الراقي لارواء عطش المستمعين للكلمة الجميلة والأداء العذب المبني على أكبر درجات العلمية الموسيقية ..
كلمة السر ظلت حبيسة في صدور وُمسطرات من صاغوها وساهموا في ولادتها زمنا طويلا ولم تجد حظها من الإنتشار والذيوع لعدة أسباب ربما أولها هو هجرة من إبتكروا هذا العمل لخارج البلاد سنينا طويلة كان لها من التأثير الوجداني السلبي أبلغ الاثر في منع الكثير من الاعمال الموسيقية عالية الجودة والتنفيذ من ان ترى النور وتنتشر في مساحات واسعة ، فكان مصير معظم هذه الاعمال هو الذيوع في مساحات ضيقة في مرافي الغربة حيث تقل المنتديات الفنية وجلسات الإستماع التي كانت ولا زالت هي من يقيم العمل الفني أو الأدبي قبل إنتشاره الفعلي وسط الجمهور عبر الوسائط المتعددة الكثيرة ..
كلمة السر إنتشرت في مساحات واسعة بفعل الأستاذ عبد اللطيف عبد الغني (وردي الصغير) ، والذي دأب على التغني بها في المحافل المختلفة وساهم في إنتشارها النسبي غير الموثق .
حاليا يقوم الموسيقار الموصلي بإعادة توزيع الكثير من أغنياته القديمة التي يرى الجمهور أنها قمة في النجاح والطرب الأصيل والكلمات الرنانة ، ورغم ذلك لم تنتشر بالوسائل التي تتيح لها الخلود والإستمرارية وسلاسة الإنتقال من جيل لجيل ينتظر أن يقف على تجارب من سبقوه والإستفادة منها .
وبشرى سليمان من الشعراء الأفذاذ الذين لا يكتبون الشعر إلا للغناء إن صحت الكلمة ، ولديه الكثير من الاعمال الغنائية الشعرية وقبل كلمة السر قام الموصلي بغناء قصيدته (صدفة صوتك لما جاني) من ألحان الدكتور صلاح محمد الحسن .. ومن ألحان الموصلي أيضا تغنى لبشرى (يا مواسم) ، والإثنين من الاعمال المهملة التي لم تر النور إلا لماما رغم الجماليات الشعرية والموسيقية التي تذخر بهما ..
كتبنا كثيرا عن ضرورة تهيئة الاجواء لعودة موسيقينا المنتشرين على كل بلاد العالم وذلك كي تعود للموسيقى السودانية عافيتها ، العشرات من الموسيقيين المحترفين مبعثرون في بلاد الشتات لأسباب مختلفة تتراوح بين موسيقي وأخر ، ولو أن هؤلاء وجدوا فرصة العودة للسودان ولقمة العيش الكريم فبكل تأكيد سيكون المردود الموسيقي الفني كبيرا على الساحة الفنية ولربما خرجت من عثرتها في سنوات معدودة بدلا من هذه الفوضى التي تحدث الأن في الساحة .. موسيقيين في الشتات أمثال الموصلي و أسامة علي وضياء الدين ميرغني ويا سر مبيوع وطارق أبو عبيدة وأحمد ساطور و ابراهيم عبد الحليم وفاضلابي وعادل الصديق وكثيرون غيرهم ممن تشهد لهم الساحات المختلفة بالعطاء الذاخر حتى قبل هجرتهم من السودان ،،بكل تأكيد فإن في عودتهم للساحة الموسيقية السودانية بقوة ستكون ذا مردود إيجابي عليها ، ويبدو أننا بحاجة لتكوين لجنة ذو صلاحيات واسعة للبحث والتقصي في إمكانية عودتهم بأعجل مما تيسر وتذليل كافة العقبات التي تعترض طريق عودتهم ..
فمن يتصدى لهذا العمل ؟!!!
ناذر محمد الخليفة
| |
|
|
|
|
|
|
|
|
|
Re: يا سلام عليك يا يوسف الموصلي .. دا الشغل ولا بلاش ..(10-10) ,, (Re: bent awad el kareem)
|
Quote: (كلمة السر) ما بين الموصلي وبشرى سليمان ..!
كلمة السر
شعر بشرى سليمان
الحان وغناء يوسف الموصلي
التوزيع والتنفيذ الموسيقي اسامه علي
=======================
كلمة السر
الي في عينيك مقيلا
شايله في جواها
احزانا النبيله
++++++++
والبعاني انا وبفتش
لي معانيها السنين
حاجه عن
دنيانا غايبه
حاجه تدسه وتبين
جوه في اعماقي تايهه
بحه في الصوت الحزين
++++++++
مهما ضاعت
في دروب سفري
الملامح
عارفو خاطرك
لي مسمح
لاببدل لابغيير
لا هواك من عيني
رايح
هو نوع غريب من التحالف الفني ما بين الموسيقار يوسف الموصلي والشاعر الفذ بشرى سليمان ، تحالف وتناغم في الصوت والكلمة والاداء والتوزيع الراقي لارواء عطش المستمعين للكلمة الجميلة والأداء العذب المبني على أكبر درجات العلمية الموسيقية ..
كلمة السر ظلت حبيسة في صدور وُمسطرات من صاغوها وساهموا في ولادتها زمنا طويلا ولم تجد حظها من الإنتشار والذيوع لعدة أسباب ربما أولها هو هجرة من إبتكروا هذا العمل لخارج البلاد سنينا طويلة كان لها من التأثير الوجداني السلبي أبلغ الاثر في منع الكثير من الاعمال الموسيقية عالية الجودة والتنفيذ من ان ترى النور وتنتشر في مساحات واسعة ، فكان مصير معظم هذه الاعمال هو الذيوع في مساحات ضيقة في مرافي الغربة حيث تقل المنتديات الفنية وجلسات الإستماع التي كانت ولا زالت هي من يقيم العمل الفني أو الأدبي قبل إنتشاره الفعلي وسط الجمهور عبر الوسائط المتعددة الكثيرة ..
كلمة السر إنتشرت في مساحات واسعة بفعل الأستاذ عبد اللطيف عبد الغني (وردي الصغير) ، والذي دأب على التغني بها في المحافل المختلفة وساهم في إنتشارها النسبي غير الموثق .
حاليا يقوم الموسيقار الموصلي بإعادة توزيع الكثير من أغنياته القديمة التي يرى الجمهور أنها قمة في النجاح والطرب الأصيل والكلمات الرنانة ، ورغم ذلك لم تنتشر بالوسائل التي تتيح لها الخلود والإستمرارية وسلاسة الإنتقال من جيل لجيل ينتظر أن يقف على تجارب من سبقوه والإستفادة منها .
وبشرى سليمان من الشعراء الأفذاذ الذين لا يكتبون الشعر إلا للغناء إن صحت الكلمة ، ولديه الكثير من الاعمال الغنائية الشعرية وقبل كلمة السر قام الموصلي بغناء قصيدته (صدفة صوتك لما جاني) من ألحان الدكتور صلاح محمد الحسن .. ومن ألحان الموصلي أيضا تغنى لبشرى (يا مواسم) ، والإثنين من الاعمال المهملة التي لم تر النور إلا لماما رغم الجماليات الشعرية والموسيقية التي تذخر بهما ..
كتبنا كثيرا عن ضرورة تهيئة الاجواء لعودة موسيقينا المنتشرين على كل بلاد العالم وذلك كي تعود للموسيقى السودانية عافيتها ، العشرات من الموسيقيين المحترفين مبعثرون في بلاد الشتات لأسباب مختلفة تتراوح بين موسيقي وأخر ، ولو أن هؤلاء وجدوا فرصة العودة للسودان ولقمة العيش الكريم فبكل تأكيد سيكون المردود الموسيقي الفني كبيرا على الساحة الفنية ولربما خرجت من عثرتها في سنوات معدودة بدلا من هذه الفوضى التي تحدث الأن في الساحة .. موسيقيين في الشتات أمثال الموصلي و أسامة علي وضياء الدين ميرغني ويا سر مبيوع وطارق أبو عبيدة وأحمد ساطور و ابراهيم عبد الحليم وفاضلابي وعادل الصديق وكثيرون غيرهم ممن تشهد لهم الساحات المختلفة بالعطاء الذاخر حتى قبل هجرتهم من السودان ،،بكل تأكيد فإن في عودتهم للساحة الموسيقية السودانية بقوة ستكون ذا مردود إيجابي عليها ، ويبدو أننا بحاجة لتكوين لجنة ذو صلاحيات واسعة للبحث والتقصي في إمكانية عودتهم بأعجل مما تيسر وتذليل كافة العقبات التي تعترض طريق عودتهم ..
فمن يتصدى لهذا العمل ؟!!!
ناذر محمد الخليفة
----------------------------------------------------------------------------------------
(((((( كفيت ووفيت - شكراً ناذر - شكراً استاذنا الموصلي - الدهب لا يصدا ))))))))))
| |
|
|
|
|
|
|
| |
Elmosley
ناذر محمد الخليفة
إبراهيم عبد الحليم
عمر الفاروق
salah ismail
اسامة على
طارق زروق
bent awad el kareem
فيس بوك
تويتر
انستقرام
يوتيوب
بنتيريست