مكتبة ناذر محمد الخليفة

ماذا تتوقعون من انتخابات مخجوجة

ما هو الرقم الحقيقي الذي فشل السودان في استخدامه من مياه النيل؟

النداء الاخير للسودانيين بانتويرب

إنعقاد الجمعية العمومية لبورداب وبوردابيات الرياض

تمنيت لو عرفت سبب عدم السماح لتوريد سيارات خاصة للسودان شنو وليه الجمارك

المنبر العام

آراء و مقالات ابحث

منتدى الانترنت

تحديث المنتدى

المتواجدون الآن

English Forum

تحميل الصور اكتب بالعربى

دليل الخريجين

اجتماعيات

الاخبار

أرشيف المنبرللنصف الثانى05 مكتبةالدراسات الجندرية الارشيف والمكتبات مواضيع توثيقية ومتميزة قوانيين و لوائح المنبر
مرحبا Guest [دخول]
أخر زيارة لك: 25-11-2014, 08:25 PM الرئيسية

مكتبة ناذر محمد الخليفة(ناذر محمد الخليفة)كـلاب الكـبـابـيـش !!
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
أقرا احدث/اخر مداخلة فى هذا الموضوع »
23-01-2008, 10:38 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



كـلاب الكـبـابـيـش !!

    ألف مليون مبروك لقبيلة الكبابيش وكلابها الأوفياء الذين شرفونا ورفعوا راسنا أمام الأمم ، حيث جاء بالأخبار أن كلاب الكبابيش لدي تدريبها للعمل مع الشرطة والمباحث الجنائية تفوقت على مثيلاتها الألمانية وأظهرن نبوغاً وذكاء وسرعة إستجابة أكثر من المتوقع ..

    شنكل:

    أتوقع أن تذدهر تجارة كلاب الكبابيش عالمياً بعد أن يتم تصدير كميات منها بواسطة أبناء القبيلة أنفسهم مما ينعكس إيجاباً على تطور منطقتهم وتنمية مقدراتهم ..!
                   Subscribe on YouTube |Articles |News |مقالات |اخبار

23-01-2008, 10:42 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    Quote:

    رئيس مجلس الإدارة:
    طه علي البشير

    المدير العام:
    هاشم سهل

    رئيس التحرير :
    النور أحمد النور

    مستشار التحرير:
    حيدر المكاشفي

    مستشار هيئة التحرير:
    أمال عباس

    مدير التحرير:
    حسن البطري

    كلاب الكبابيش .. استثمار التجارب السودانية
    هل يملك السودانيون ثقافة تناسب عصرهم؟ سؤال حاضر غائب في مجمل حركة الوعي التي تلامس مشاريع التغيير الساعية لفك الأزمات التي تملأ حياتنا.
    لكن ما هو المصدر الثقافي للخلافات والأحن، بمعنى هل يملك السودانيون معارف تؤهلهم لفهم العالم الواسع والتعاطي معه بنجاح يستغل أفضل أمكانيات البلاد ومورثاتها لصالح تطوير التجارب والخبرات السودانية؟
    لا يسع المجال للاستطراد أو الإجابة لكن الإدارة العامة للمباحث والتحقيقات الجنائية عبر تجربة ممتدة لأكثر من 30 عاما في مجال استخدام الكلاب الشرطية في كشف غموض الجرائم، استطاعت تطوير تجربة سودانية نفذتها قبائل الكبابيش في استخدام الكلاب في الحراسة ورعاية قطعان الثروة الحيوانية.
    وبلغة أهل الثقافة، فإن هذه التجربة تصب في نسق الاستفادة من الموروث المحلي في تطوير الحياة. لكن اللواء عابدين الطاهر مدير الإدارة العامة للمباحث والتحقيقات الجنائية، يتواضع ويعتبر التجربة استثمارا في التجارب السودانية يتمنى أن يعمم في كافة أنحاء الوطن العربي، وإلى تفاصيل التجربة.
    ذكاء الكلاب
    يعود اللواء عابدين الطاهر مدير الإدارة العامة للمباحث والتحقيقات الجنائية، إلى بدايات تأسيس وحدة الكلاب الشرطية في عام 1967، حيث ظلت هذه الوحدة تؤدي عملا فنيا يتمثل في تدريب الكلاب الشرطية للاستفادة من ذكائها في كشف طلاسم بعض الجرائم. واستخدمت هذه الوحدة الكلاب الألمانية من فصيلة (الولوف). واستمرت هذه الوحدة تؤدي عملها باتقان وتحقق النجاح تلو النجاح، نظرا لتتمتع الكلاب الألمانية بنسبة عالية من الذكاء.
    تراكم الخبرة
    يتابع اللواء الطاهر: مع تراكم التجربة والخبرة لفترة طويلة في استخدام الكلاب الشرطية، ومع البحوث المستمرة من القائمين على أمر هذه الوحدة، تمكنوا من الوصول إلى بعض الفصائل من الكلاب السودانية التي تستخدمها بعض القبائل، خاصة الكبابيس الذين يستخدمون الكلاب في عمليات الحراسة ورعاية الأبل.
    ولفت هذا الأمر اهتمام الباحثين في وحدة الكلاب الشرطية، وشرعوا في دراسة تجربة الكباييش لمعرفة مدي الذكاء الذي تتمتع به هذه الكلاب. وبالفعل نجحت هذه التجربة وتمكنوا من تطوير هذه الكلاب وتدريبها واستخدامها نفس الاستخدام الذي تقوم به الكلاب الألمانية.
    تجربة فريدة
    يستطرد اللواء الطاهر أن هذه التجربة تجربة فريدة وتستحق الدراسة المستمرة، وبالفعل شرع الأخوة في وحدة الكلاب الشرطية في دراسات علمية عن التجربة بالتعاون مع بعض الجامعات العالمية. وتقف في مقدمة إيجابيات هذه التجربة تفادي سلبيات الكلاب الألمانية التي تعودت على العيش في درجات حرارة معينة ووجبات غذائية مختلفة، خلافا لكلاب الكبابيش التي تعودت على البيئة السودانية الجافة الحارة، ولا تتطلب الكثير من العناية والرعاية وتعيش على الأطعمة العادية في السودان.
    وقفة تأمل
    يصل اللواء الطاهر إلى أن هذه التجربة ناجحة وتستحق الوقوف عندها بتأمل، فالإدارة العامة للمباحثات والتحقيقات الجنائية تقدمها كتجربة فريدة في استثمار التجارب الشعبية السودانية، أنجزها رجال قطعوا شوطا كبيرا في مجال تدريب الكلاب الشرطية. وهناك دراسة مقارنة لهذه التجربة السودانية بتجربة الكلاب الألمانية، لتعكس محاسن وإيجابيات هذه التجربة، بغية أن نعمم هذه التجرية في جميع أنحاء الوطن العربي.
    كلاب الرعي
    يفسر النقيب شرطة عمار محمد الباقر من إدارة الكلاب الشرطية، أن فكرة الاستعانة بكلاب الكبابيش نبعت من كلاب الولوف الألمانية تنتمي إلى فصيلة يمكن ترجمتها باللغة العربية كلاب الراعي الألماني، وهي كلاب تقوم برعاية قطعان الضان والماشية في شمال أوروبا. ومن هذه الترجمة نشأت فكرة الاستعانة بكلاب الكبابيش لأنها تقوم بنفس الدور، حيث ترعى القطعان المختلفة وتقوم بكافة أدوار الحماية للقطعان. وهنا برز سؤال لماذا لا نستخدم كلاب الرعي التي تعمل في السودان، في العمل الشرطي طالما تعارف عليه عالميا أن كلاب الرعي من أفضل الكلاب التي تصلح للعمل في الحقل الشرطي.
    قبائل الكبابيش
    تقطن قبائل الكبابيش في أقصى المناطق الشمالية من شمال كردفان. وتمتد ( دار الكبابيش ) من حدود ولاية الخرطوم شرقا وحتى حدود شمال دار فور غربا.
    وتشتهر قبائل الكبابيش بتربية ورعي الابل والضأن، حيث الخروف الكباشي هو المفضل بين الخراف يليه الخروف الحمري الذي تربيه قبائل الحمر. وكعادة البدو الرعاة يربي الكبابيش الكلاب لأغراض الحراسة والصيد. (صيد الغزلان والأرانب).
    وتهتم قبائل الكبابيش بالسلالات الجيدة من الكلاب ويبحثون عنها في كل مكان.
    وتربية الكلاب ليست ترفا عند قبائل الكبابيش، إذ هي ضرورة حياة، فهي تساعد أصحابها في قص الأثر إذا ما ضلت بهائمهم طريقها أو اختفت بفعل اللصوص أو قطاع الطرق. وتتحسس الكلاب لأصحابها التحركات الغريبة والمشبوهة، وهم في الخلاء أو بين الأودية. وتشبع الكلاب لمربيها هواية الصيد. وكل نوع من هذه الكلاب يحظى بالتربية والرعاية والتدريب والحفاظ على السلالة.
    ويتناقل الناس أخبار الكلاب الناجحة في مجالاتها وإنجازاتها، حيث يعرف الناس (كلاب ناس فلان)، هي من سلالة ممتازة، ولعل أشهرها كلاب محمد المر علي التوم وكيل ناظر الكبايش في حمرة الشيخ.



    نقلاً عن الصحافة ..
                   Subscribe on YouTube |Articles |News |مقالات |اخبار

23-01-2008, 10:59 AM

العوض المسلمي

تاريخ التسجيل: 27-11-2007
مجموع المشاركات: 14069
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    الاخ ناذر محمد
    تحياتي وتقديري

    Quote: يتابع اللواء الطاهر: مع تراكم التجربة والخبرة لفترة طويلة في استخدام الكلاب الشرطية، ومع البحوث المستمرة من القائمين على أمر هذه الوحدة، تمكنوا من الوصول إلى بعض الفصائل من الكلاب السودانية التي تستخدمها بعض القبائل، خاصة الكبابيس الذين يستخدمون الكلاب في عمليات الحراسة ورعاية الأبل.ولفت هذا الأمر اهتمام الباحثين في وحدة الكلاب الشرطية، وشرعوا في دراسة تجربة الكباييش لمعرفة مدي الذكاء الذي تتمتع به هذه الكلاب. وبالفعل نجحت هذه التجربة وتمكنوا من تطوير هذه الكلاب وتدريبها واستخدامها نفس الاستخدام الذي تقوم به الكلاب الألمانية


    شايف اخوي
    خليك دقيق في طرحك للموضوع فالفقره تقول (خاصة الكبابيش الذين الكلاب في عمليات الحراسه ورعاية الابل
    وليس اسمها كلاب الكبابيش ..................


    طية، وشرعوا في دراسة تجربة الكباييش لمعرفة مدي الذكاء الذي تتمتع به هذه الكلاب.

    تجربة الكبابيش يستفيدوا منها
    وليس هناك كلاب كبابيش

    ودمتم بخير
                   Subscribe on YouTube |Articles |News |مقالات |اخبار

23-01-2008, 10:43 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    Quote:

    رئيس مجلس الإدارة:
    طه علي البشير

    المدير العام:
    هاشم سهل

    رئيس التحرير :
    النور أحمد النور

    مستشار التحرير:
    حيدر المكاشفي

    مستشار هيئة التحرير:
    أمال عباس

    مدير التحرير:
    حسن البطري

    أغنى وأغلى الكلاب في السودان
    الكلاب التي استأنسها ود ابن آدم من زمان تجد في الدول الغربية عناية خاصة من الكلبة لايكا الطلعت القمرة الى كلاب الرئيس الامريكي بوش التي تسكن في الهلتون وعندها رتب عسكرية من جنرال الى ملازم ونسمع عن عروض لأزياء كلاب في انجلترا ومستشفيات خاصة فهل كلابنا في بلدنا مظلومة واللا مرتاحة.. وهل نحن بنقابل وفاء الكلب واخلاصه بالاحسان ولا بالضرب والإبادة.. اختصرنا البحث في ثلاثة انواع هي كلاب البيوت والكلاب البوليسية وكلاب الصيد فكانت هذه النتائج...

    «1» كلاب الحلة جرقاس واخوانه..
    ü الحاجة علوية امرأة كبيرة في السن مات زوجها واولادها فقامت بتربية الكلاب مشينا ليها زيارة في منطقة الحتانة وتمتلك عددا كبيرا من الكلاب حتى سمي شارعها بشارع الكلاب تقوم بإعداد حلة الفطور والغداء وعند كلابها اسماء، والعجيب انها تحميها من الحرامية ولا تغادر حيطة الشارع والبيت وتتزاوج مع بعض، واذكر في زيارة سابقة ان الحاجة انخرطت في بكاء وعويل عندما قتلوا بعض اولادها الكلاب في حملات لمكافحة الكلاب الضالة الكلاب تسمع الاوامر ولا تفارق علوية وتحرسها بالليل والنهار ولا يدخل منزلها جار ولا بعيد اإلا بعد جهد وتصريح خاص منها.
    ü الحاج عبد العزيز محمود ذكر أن كلبته بعد ما قنع منها لولاداتها المتكررة وضعها في شوال ورماها خارج العاصمة الا انها رجعت ثاني للبيت في كامل لياقتها..
    ü سألنا كندي جيمس عن اهمية الكلاب في جنوب السودان رد تستعمل عند رعي الابقار وفي القرى للحراسة من هجمات الحيوانات الوحشية.
    ü ياسر حمد النيل من اولاد ام بدة تحدث لركاب الحافلة عن كلبه الذي اشتراه من اولاد الحلة بي مبلغ 5 آلاف جنيه وباعوه للصينيين.. وقال الخرطوم ح تفضى من الكلاب لأن العمال الصينيين جنَّهم اكل كلاب.
    ü حكايات كثيرة عن كلاب انقذت اصحابها من الثعابين وقبضت اعتى الحرامية واهلنا عموماً بفضلوا تربية الكلاب المحلية..
    ü وائل مرسال دخل مجال تربية الكلاب من السلالات العالمية وهي موضة جديدة وسط الشباب وغالبية الكلاب تأتي من دولة مصر من الوولف وهنا يباع الكلب بي 500 ألف الى مليون جنيه للجريو، ويعتني بها باعطائها أكلات معينة ومعالجتها الدورية خاصة من القراد..
    ü الكلاب البلجيكية أخذت تحل محل الكلاب المحلية في البيوت للحراسة وقلَّ اهتمام الناس خاصة في المدن بالكلاب، كما قلَّ اهتمام السلطات الصحية بمكافحة الكلاب الضالة واعطاء شهادات تطعيم زي زمان، ونسمع قليلاً فلان عضاه كلب مع غلاء سعر المصل حتى اهتمام الاطفال باللعب معها وتربيتها قلَّ..
    «2» الكلاب البوليسية
    ü وانا داخل لحوش وحدة الكلاب البوليسية التابعة للمباحث المركزية الجنائية رغم انني ما ارتكبت اي جريمة يعاقب عليها القانون الا انني (شعرت الرعشة من صوف رأسي لي كرعي) رغم فرايحية المكان والزهور والورد إلا ان احجام الكلاب وضخامتها فهي من سلالة الراعي الالماني واصوات النباح العالية المخيفة تخليك تلاوز فكرت اشيل نعلاتي وارقد صوف الا انني نعلت ابليس وواصلت..
    ü الكلاب تعيش في نعيم تحت اشراف أكفأ المدربين عندها اقفاص خاصة ووجبات غذائية مفيدة تصنع داخل الوحدة.
    ü ومعها مدربون نالوا دورات آخرها في السودان بمشاركة دول من شرق افريقيا، فالكلاب متخصصة في مكافحة المخدرات حيث ضبط كلب 10 قناديل بنقو في ولاية الجزيرة داخل زير اضافة لحكاوى كثيرة وانجازات اخرى سمعناها.
    ü للكلاب اسماء معينة وهي مع ضخامتها مطيعة للمدرب شديدة مع اللصوص حيث كشفت في مطار الخرطوم شحنة قرود مجمدة في طريقها لفرنسا.
    ü اضافة لعملها الشاق في مكافحة ومنع السرقات الليلية تعمل في كشف المتفجرات والالغام وضبط مخالفات المخابز وحماية الشخصيات .
    ü النقيب د. عمار محمد الباقر نال درجات علمية في ابحاثه عن الكلاب حيث كشف ان كلاب الكبابيش السودانية افضل من المستوردة في كشف المخدرات والعمل البوليسي.
    ü المهم أن الكلاب تعيش في راحة وتحت مراقبة واشراف طبي حيث توجد وحدة علاجية بها احدث اجهزة الفحوصات من صور الاشعة الى الموجات الصوتية إضافة للعمليات الجراحية.
    ü وترد الكلاب الجميل حيث تقدم تضحيات وخدمات وانجازات ولها قصص ومواقف ممتعة وجميلة.
    «3» كلاب الصيد
    ü من المهتمين بكلاب الصيد الفنان الشاعر العائد بعد غربة وشوق بعد الغياب لحظيرة الوطن الفرجوني رجع معه كلاب صيد من اميركا وله قصة طريفة مع كلب من كلابه زمان قتله سواق لوري ولحقه الزينين فرثاه وقال..
    «ما دوامة يا تمام كيوف الشارع اصلوا الدنيا معدا والمعيشة شوارع
    بعدما كت سبات يمينك ضارع كتلت الليلة وادردقت فوق الشارع».
    ü وشتم سواق اللورى الدقش الكلب وقال:
    «وضربك لوري عاد ينشل يمين السايقو
    وينحصر النفس تعدم عليه طرايقو
    مثل ما تف زورك قندراني يضايقو
    يتفو تفيق ملاح ما يلقا زولاً يلا يقو).
    ü ومشى من ام درمان لديار الكبابيش يبحث عن كلب وقال للشيخ المر...
    (جيتك وعندي فيك املاً سمح يالمر بدور كلباً من الغنم المعادي يجر مرخرخ شاكله لين ارساق واسع وقد باهي وريدو منيع ليحان وفي عرقوبه لون وقصر رقيق نايبه ابيض لونو مثل الدر شدوقه طوال ومثل الجمر عينيه حمر)..
    في بيت البنا
    ü الفنان الكابتن محمد حسن الشهير بالجقر استقبلنا بكرم وترحاب في داره بود البنا وهو -ما شاء الله- موسوعة له معرفة بما يتعلق بالكلاب كلاب القنص اوردها في كتابه الممتع ادب الصيد والقنص في السودان.
    ü وهو يعمل الآن في تدريب الشرطة الامنية واتحاد المصارف ويحمل شهادات في رفع الاثقال ويعمل استاذا للتربية الرياضية العسكرية.
    ü سألناه عن كراهية بعض اهلنا للكلاب رد وقرأ الآية يسألونك ماذا احل لهم قل احل لكم الطيبات ما علمتم من الجوارح مكلبين تعلمونهن مما علمكم الله فكلوا مما امسكن عليكم واذكروا اسم الله عليه واتقوا الله ان الله سريع الحساب)، ورفض تنجيس الكلاب فربنا ذكرها وحلل ما تمسكه من صيد اضافة لمتابعة الكلب لأهل الكهف ونومه معهم.. كذلك الرسول صلى الله عليه وسلم اكل لحم الارنب والصحابة قنصوا وحمزة كان صيادا والصيد او القنص مهنة الملوك.
    ü عن اصل الكلاب هي كلاب سلوقية من قرية سلوق في اليمن في السودان موجودة في دار الريح في الغرب وعند الكبابيش وعند الزغاوة يسمى الكلب (الكتيوي) وعبد الرحمن شبيكة وعبد الله كرمان من رواد مجال تحسين نسل الكلاب في السودان مع الكلاب الانجليزية.
    ü مهنة القنص نحن ورثناها من عمنا عمر البنا ربينا الكلاب هجناهم عرفنا نسبهم من كلب فلان وكلابنا من افضل الكلاب في العالم لأننا هجناهم مع كلاب امراء الخليج كانوا يقنصوا عندنا وولَّدنا من كلابهم سلالات ممتازة حتى الملك فيصل جاء قنص دفع لينا كلاب والفرجوني مريض بالكلاب يوضع مبالغ كبيرة جداً نستفيد منها وهي مهنة مكلفة جداً ندفع عشرات الالوف لعلاج واطعام الكلاب.
    ü عن مكانة كلاب القنص قال العرب تعاملت مع الكلاب كشي كريم العربي تديه كلب ما تديه ناقة وعملوا كتب اشعار في الكلاب وبيقولوا الكلاب قبل السلاح العربي لو ما اكرمت كلبو يسوق جملو ويفوت والكلب حيوان ولوف وكمان ضرب الكلب قدام سيدو حقارة مهما عمل والكلب وفي المثل جوِّع كلبك يتبعك عندنا زمان حكاية عن كلب عبدالجليل واخلاصه والكلب الاصيل اقتناؤه ما ساهل والفرجوني سافر من ام درمان لدار الكبابيش لكلب حر مثلما سافر عنتر لبلاد النعمان بن المنذر للنياق الحمر ونحن نفتخر بي الكلاب هي علامة لإكرام الضيف وانا نهرت لي كلب لي هسع زعلان عليه وحالياً في شباب دخلوا مجال تربية كلاب القنص.
    ü عن مواصفات الكلب القناص قال الاصيل بلون سمني لون الاسود والسرعة الشديدة ما مطلوبة ما بتنفع تهجنو مع السلوق يعطي جينات سرعة وقوة وصبر والذكر يبلغ في عمر 9-10 شهور والانثى تلد بعد 60 يوماً في بطن امه الجرو يسمى بهم يجري بعد 8 شهور وما بنخلي الانثى تحمل إلا من كلب معروف عشان ما تجيب (دشر) اصلو ما معروف كنا بنولد الدوبرمان مع الكتيوي والكلب بالفطرة بعد التدريب يعرف يقنص الصيد بدون ما يأكله..
    ü أسماء الكلاب نحن نسمي زي العرب ما بتسمي أولادها صخر جلمود وابن سن مثلاً جملو اسمه السحار وعمنا البنا عندو كلاب باسم بارم ايدو والدابو لقو ومن الاسماء التمام اسم روينة وملقومة ونحلة للبخت والزيفة والصاقعة ورعد وبرق للعنكد اسماء حركة يعني ما مكن تسمي ابو القدح، وفي الضرب يسموا الكلب حاج ابراهيم اثناء تأدية اورادي اكتشفت ان الاسم هو حاج ابراهيم بمعنى جادل وليس ابراهيم بمعنى ابو الانبياء وحاج من الحج اعظم اركان الاسلام وهذا اكتشاف اعجب الاستاذ الطيب محمد الطيب في واحدة من الندوات فأهل الغرب اهل دين ما ممكن يقولوا اضرب حاج ابراهيم..
    ü وقال نهتم بإطعام الكلاب في الشتاء والصيف يختلف الطعام.. اللبن وهو خشم بيوت نفضل لكلاب القنص لبن الماعز لأنو دهنو اقل واللحم ما مرغوب لأنه يردم الكلب لكن نديه كبدة في ايام القنص كحافز وخير ما تطعم الكلب هو الضلافين او الكوارع لان بها مادة في الشعر تخرج مع الدوت مثل بعض انواع النجيلة التي تخرجها الكلاب تعمل كحرجل او جردقة علاج بالفطرة وصنفوه للمعدة ونعطيها برضو الخبز الجاف او عصيدة الدخن والفتريتة (عصيدة) (بني كربو) نعوسها في الخلا عكس (لقمة) البيوت..
    ü سألنا الجقر عن مكان القنص قال في الستينات الصيد كان يهاجر لمنطقة البطانة حالياً مافي صيد في ارانب بس وحبار وكنا نصيد في دار السلام ام درمان وكبري شمبات هسع الا نمشي بالعربات بعد مدني او عطبرة وما في كلب يلحق الصيد الا في الرملة لما يفرز او ينزل في شهر ستة في فترة يمرض بي دودة القذ (مرض جلدي) الكلب يلحقوا وعلمنا المهنة دي علي الفضل وعبدالجبار ابو عاجة وعندنا من الكلاب الوديع البيجيب الارنب حية او الشرس البمسك الكديس والبعشوم ونحن (بنشرع) واحد واحد عشان ما تتعارك الكلاب دي من آداب الصيد وأنا في عداء مع ناس الصيد بالبنادق والكشافات دا عدم تكافؤ نحن نصيد لنقضي لحظات جميلة في البادية اسعد لحظات لما تكون 10 كيلو ساكي ليك ارنب ونمشي للخلا معانا الخرفان ما عشان تأكل من الصيد بس عشان نسعد ونعمل شهر في القنص.. البهدد الثروة القومية ديل ناس البنادق.
    ü مهنة الصيد مهنة رجالية ما مهنة نسوان وما مهنة ساهلة المرأة ممكن تصطاد سمك والافندي ممكن يصطاد بالبندقية لكن ما قناص القنص محتاج لمعرفة جغرافيا والرياح وقمة سعادة القناص لما كلبو يسبق، مثلاً الفنان الامين البنا كلبه سبق الكلاب ضبح كبشين... والكلبة ما يسبق يبقى مضحكة وملطشة المهم عالم القنص عالم ممتع جداً فالأرانب تجيد التمويه..
    ü سألنا عن القنص والصيد في الاغنية السودانية الحقيبة قال كثير منه عبدالرحمن الريح (لي في المسالمة غزال)، وهو خلاف (ظبي المسالمة في الخمائل حالمة، ومن الاغاني (الشادن الكاتلني ريدو) سيد عبدالعزيز في (يا جدية الصيد ما شفنا خلافك صيد) ومنها (عيون الصيد الناعسات عيوني) و (غزال البر يا راحل) عبيد عبدالرحمن واغنية عمر البنا (غزال يا غزال جيب تعال) وحكى قصة اغنية في الضواحي (قومو خلو الضيق في الجناين شوفو عز الصيد في الحساين يلى نقنص نطرد نعاين النهار ان حد الكمائن) وفي اشارة لخيانة المستعمر قال (كلبي يا جمجوم اصلو خائن شوفو كيفن يبدا اللاين هب شاله وكشح المداح)..
    - ودعنا الفنان الجقر ونحن نعرف ان كلاب السودان في امان..!

                   Subscribe on YouTube |Articles |News |مقالات |اخبار

23-01-2008, 10:45 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    ومن منتديات رفاعة ..هاكمو هذه الفقرة من مرثية كلب الفرجوني لما له من علاقة بالكبابيش :

    Quote: أمس وأنا أشاهد الفضائية السودانية وفي برنامج ما بعرف يبدو إنه إسمه دنيا ، كان من ضمن فقرات البرنامج قصيدة رائعة للفنان الرائع أحمد الفرجوني وهي في شكل مرثية لكلبه الذي ما بسبب صدمة لوري يقول في القصيدة :

    ما دوامة يا تمام كيوف الشارع
    اصلو الدنيا معدا والمعيشة شوارع
    بعد ما كت سباحا يمينك ضارع
    كتلت الليلة واتدردقت فوق الشارع
    ضربك لوري عاد ينشل يمين السايقو
    وينعصر النفس تعدم عليهو طرايقو
    مثل ما تف زورك قندراني يضايقو
    يتفو تفيف ملاح ما يلقا زولا يلايقو

    والفرجوني بعد موت كلبه ذهب لزعيم الكبابيش في كردفان وطلب منه كلب يحل محل كلبه القتيل وبدأ بوصفه :

    جيت من غادي يا فارس الشوارف الغر
    جيت من غادي يا صافي الحناضل المر
    جيتك وعندي فيك أملا كبير يا المر
    بدور كلبا من الغنم المعادي يجر

    مرخرخ شاتلو لين ارساغ وواسع غر
    باهي وريد منيع ليمان وفي عرقوبو لون وقصر
    رقيق قدوم طوال اضنيهو ماهن صر
    رهيفا جلدو زي توب السواكني الحر
    مرخرخ شاتلو لين ارساغ وواسع غر
    باهي وريد منيع ليمان وفي عرقوبو لون وقصر
    رقيق قدوم طوال اضنيهو ماهن صر
    رهيفا جلدو زي توب السواكني الحر
                   Subscribe on YouTube |Articles |News |مقالات |اخبار

23-01-2008, 11:00 AM

انعام عبد الحفيظ

تاريخ التسجيل: 07-12-2005
مجموع المشاركات: 8738
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    ناذر سلامات

    على كدا يا ناذر الواحد لو لاقاهو كلب شرطة

    يعرف انو من كلاب الكبابيش

    اها الكلاب التانية يعرفوها من كلاب وين يا ربي
                   Subscribe on YouTube |Articles |News |مقالات |اخبار

23-01-2008, 11:10 AM

Sabah Hussein

تاريخ التسجيل: 05-09-2006
مجموع المشاركات: 2024
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: انعام عبد الحفيظ)

    ناذر

    سلامات.

    دى كلاب الكبابيش كدا وحالتها مهمشة. طيب كلاب الكيزان كيف. وكمان كلاب مركز

    وخصوصا كلاب الامن منهم يكونوا ابلد كلاب فى الدنيا.

    مش لو بقوا من المركز وحكموا البلد . فى النهاية

    الكلب كلب ولو طالت لحيتة.

    مع فائق تقديرى واحترامى للكلاب.
    .
                   Subscribe on YouTube |Articles |News |مقالات |اخبار

23-01-2008, 11:23 AM

العوض المسلمي

تاريخ التسجيل: 27-11-2007
مجموع المشاركات: 14069
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: انعام عبد الحفيظ)

    الاخت انعام

    على كدا يا ناذر الواحد لو لاقاهو كلب شرطة

    يعرف انو من كلاب الكبابيش


    الكبابيش ما عندهم كلاب خاصه بهم
    ولكن كلاب حراسه تتبع لهم ولابلهم

    وتسلمي
                   Subscribe on YouTube |Articles |News |مقالات |اخبار

23-01-2008, 12:54 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    العوض المسلمي ..


    قلت :

    Quote: خليك دقيق في طرحك للموضوع فالفقره تقول (خاصة الكبابيش الذين الكلاب في عمليات الحراسه ورعاية الابل
    وليس اسمها كلاب الكبابيش ..................


    وأنا دقيق وبقول إسمها كلاب الكبابيش لأنها بتعيش في رحاب قبيلة الكبابيش ..

    أقرأ معاي :


    Quote: وكعادة البدو الرعاة يربي الكبابيش الكلاب لأغراض الحراسة والصيد. (صيد الغزلان والأرانب).
    وتهتم قبائل الكبابيش بالسلالات الجيدة من الكلاب ويبحثون عنها في كل مكان.
    وتربية الكلاب ليست ترفا عند قبائل الكبابيش،


    إنت رديت علي إنعام :

    Quote: الكبابيش ما عندهم كلاب خاصه بهم
    ولكن كلاب حراسه تتبع لهم ولابلهم


    كلاب حراسة تتبع لهم مش حقتم برضو ولا مأجرنها من قبيلة مجاورة ؟!!

    لمن نقول (حصان يتبع للعوض) ..

    دي مش معناتا (حصان العوض) ؟!!
                   Subscribe on YouTube |Articles |News |مقالات |اخبار

23-01-2008, 01:07 PM

العوض المسلمي

تاريخ التسجيل: 27-11-2007
مجموع المشاركات: 14069
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    تحياتي اخي ناذر

    عندما تتحدث عن قبيله غير ان تتحدث عن فرد او شخص بعينه
    فاذا قلت العوض جبان جاز ذلك في حق الشخص الواحد
    اما ان تقول القبيله الفلانيه جبانه فلا يحق ذلك علي المجموعه

    ثانيا : القول بكلاب الكبابيش فالحديث فيه نوع من الاستخفاف فالكبابيش شهرتهم لاتقوم علي الكلاب
    ودونك في ذلك جهادهم وقوتهم وصلابتهم
    وان كنت لاتدري فليس عيبا السؤال
    فالارث التاريخي لا يسقطه ان قاموا بتربية الكلاب
    وكما تعلم يقال كلاب المانيه وروسيه وهكذا
    اما ان توظف الكلاب قبيليا فلم يقل بذلك الا انت عزيزي الكريم

    ارجوا ان تنظر للامر من زاويا اخري

    اعدلوا هو اقرب للتقوي

    ودي وتقديري اخي ناذر
                   Subscribe on YouTube |Articles |News |مقالات |اخبار

23-01-2008, 12:58 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    سلامات يا إنعام ..

    Quote: ناذر سلامات

    على كدا يا ناذر الواحد لو لاقاهو كلب شرطة

    يعرف انو من كلاب الكبابيش


    وبما إنو كلاب الكبابيش بتعرف ريحة أسيادا فإحتمال كبير لو جابوهو عشان يتعرف على واحد منهم الكلب يعمل غتيت ويتغابى فيهو العرفة وناس البوليس ياخدو بمبة ..

    Quote: اها الكلاب التانية يعرفوها من كلاب وين يا ربي


    لو مشلخة T أو H أو منقطة في جبهتا أو شعرا كتير وفيهو خلال ممكن تتعرف بسهولة ..!
                   Subscribe on YouTube |Articles |News |مقالات |اخبار

23-01-2008, 01:00 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    صباح حسين ..

    Quote: ناذر

    سلامات.

    دى كلاب الكبابيش كدا وحالتها مهمشة. طيب كلاب الكيزان كيف. وكمان كلاب مركز


    الكيزان عملوا ليهم قبيلة في البلد ولا شنو ؟!!
                   Subscribe on YouTube |Articles |News |مقالات |اخبار

23-01-2008, 01:15 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    العوض المسلمي ..

    وجهة نظرك وصلتني ..

    وما نحمل موضوع البوست أكتر مما يتحمله المعنى الظاهر ..


    مشكور وفي إنتظار إيميلك !!
                   Subscribe on YouTube |Articles |News |مقالات |اخبار

23-01-2008, 01:22 PM

العوض المسلمي

تاريخ التسجيل: 27-11-2007
مجموع المشاركات: 14069
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    مشكور اخي ناذر علي فهم وجهة نظري
    وكمان هدفنا كلنا واحد انه من خلال المنبر والمنتديات
    نخدم بما نقدر علي وطننا الذي تزداد حوجته لجهودنا الموحده



    وايميلي هو :
    musalamicars@yahoo.com
    musalamicars@hotmail.com

    وتسلم يا غالي
                   Subscribe on YouTube |Articles |News |مقالات |اخبار

23-01-2008, 01:22 PM

Sabah Hussein

تاريخ التسجيل: 05-09-2006
مجموع المشاركات: 2024
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    Quote: الكيزان عملوا ليهم قبيلة في البلد ولا شنو ؟!!


    ياناذر ياعنصرى.

    حتى الكلاب عايز تعنصرهم.

    بعدين فرقت كتير يعنى قبيلة ولاكيمان ولا شلليات.

    كلو عند العرب صابون.
                   Subscribe on YouTube |Articles |News |مقالات |اخبار

23-01-2008, 01:28 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: Sabah Hussein)

    صباح ..

    Quote: بعدين فرقت كتير يعنى قبيلة ولاكيمان ولا شلليات.


    أيوة فرقت كتير ..

    والدليل مداخلات أخونا العوض
                   Subscribe on YouTube |Articles |News |مقالات |اخبار

23-01-2008, 01:35 PM

Sabah Hussein

تاريخ التسجيل: 05-09-2006
مجموع المشاركات: 2024
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    ناذر

    عارفاك مفلس ومقحط كملت القريشات فى العرس.

    لو مكدن ليك قرشين من المدام على جنب .

    تعال ادخل معانا فى الصندوق.

    وبديك الصرفة التانية.

    والعوض صاحبنا حجز الصرفة الاخيرة[/
    B]
                   Subscribe on YouTube |Articles |News |مقالات |اخبار

23-01-2008, 01:38 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: Sabah Hussein)

    المشكلة البلد القاعد فيها أنا فيها مشكلة بتاعت إستقبال التحاويل !!

    لو ما كدة بكون معاكم علا خايف تاكلوني ساكت ..!
                   Subscribe on YouTube |Articles |News |مقالات |اخبار

23-01-2008, 02:31 PM

معاذ حسن

تاريخ التسجيل: 14-11-2006
مجموع المشاركات: 3295
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    ناذر سلام يا حبيب
    هذه خطوة في الاتجاه الصحيح
    اليوم حققنا الاكتفاء الذاتي من الكلاب وقبلهابحمد الله وتوفيقه حققنا اكتفاءا ذاتيا من التماسيح والبقر والحمير وبنات آوى .
    شكرا على نقل الخبر
    تعرف بحسدك على الاخبار القزقزة دي ماعارف بتجيبها من وين!!
                   Subscribe on YouTube |Articles |News |مقالات |اخبار

23-01-2008, 02:53 PM

معاذ حسن

تاريخ التسجيل: 14-11-2006
مجموع المشاركات: 3295
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: معاذ حسن)

    أتمنى وامثالي ان نحقق اكتفاءا ذاتيا من الابل (كيف خلقت)
                   Subscribe on YouTube |Articles |News |مقالات |اخبار

23-01-2008, 03:14 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    معاذ ..

    كيفك يا حبيب ..

    Quote: ناذر سلام يا حبيب
    هذه خطوة في الاتجاه الصحيح
    اليوم حققنا الاكتفاء الذاتي من الكلاب وقبلهابحمد الله وتوفيقه حققنا اكتفاءا ذاتيا من التماسيح والبقر والحمير وبنات آوى .


    وفي أنواع تانية حققنا منها إكتفاء بتلقاها مذكورة في بوستات الكورة بكثرة الايامات دي ..

    Quote: أتمنى وامثالي ان نحقق اكتفاءا ذاتيا من الابل (كيف خلقت)


    إذا أردت وأمثالك أن تحققوا الإكتفاء منها فعليكم بالزواج ..!
                   Subscribe on YouTube |Articles |News |مقالات |اخبار

23-01-2008, 03:17 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    Quote: تعرف بحسدك على الاخبار القزقزة دي ماعارف بتجيبها من وين!!


    بتكون موجودة في الصحف كخبر صغير والناس تمر فيهو مرور الكرام ،، إنت بس كيف تكون حريف وتسلخ الخبر الصغير من الشحم الحواليو وتعمل ليو صياغة تانية لا تخل بالصدقية وتجي تلصقوا هنا ..

    صنفرة :

    أخبار العربية شنو ؟!!
                   Subscribe on YouTube |Articles |News |مقالات |اخبار

23-01-2008, 03:24 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    وبمناسبة الإكتفاء الذاتي من الكلاب ..

    ما هو الاجدى إقتصادياً ...

    تمزيق فاتورة الكلاب الـ وولف الألمانية والإستعاضة عنها بالمحلية ؟! أم تجهيز الكلاب المحلية كـ لحوم جاهزة وبيعها للصينيين في السودان الذين يذداد طلبهم يوماً بعد يوم للحومهم المفضلة ولا يجدونها إلا عبر وسطاء ومشردين يجويون الاحياء الشعبية في الخرطوم وأمدرمان لسرقة الكلاب وذبحها وبيعها للصينيين بأثمان باهظة كما ذكرت قبلاً في هذا البوست :

    تجهيز لحوم الكلاب في السودان للصينيين بين الحقيقة والخيال !!

    شنكل :

    أخشى في الحالة الثانية أن يلجأ الحاقدون وأعداء النجاح لإطلاق إشاعة إجتياح مرض (ناسور الكلاب) للبلاد لإخافة الصينيين من أكل لحومها وذبحها !!
                   Subscribe on YouTube |Articles |News |مقالات |اخبار

24-01-2008, 06:10 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    Quote: يفسر النقيب شرطة عمار محمد الباقر من إدارة الكلاب الشرطية، أن فكرة الاستعانة بكلاب الكبابيش نبعت من كلاب الولوف الألمانية تنتمي إلى فصيلة يمكن ترجمتها باللغة العربية كلاب الراعي الألماني، وهي كلاب تقوم برعاية قطعان الضان والماشية في شمال أوروبا. ومن هذه الترجمة نشأت فكرة الاستعانة بكلاب الكبابيش لأنها تقوم بنفس الدور، حيث ترعى القطعان المختلفة وتقوم بكافة أدوار الحماية للقطعان. وهنا برز سؤال لماذا لا نستخدم كلاب الرعي التي تعمل في السودان، في العمل الشرطي طالما تعارف عليه عالميا أن كلاب الرعي من أفضل الكلاب التي تصلح للعمل في الحقل الشرطي.
                   Subscribe on YouTube |Articles |News |مقالات |اخبار

24-01-2008, 12:21 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    فوق عشان صحبي العوض يقرا تاني !!!
                   Subscribe on YouTube |Articles |News |مقالات |اخبار

24-01-2008, 01:03 PM

Biraima M Adam

تاريخ التسجيل: 04-07-2005
مجموع المشاركات: 9454
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)


    ناذر

    يا أخى أنت متواطئ مع الكبابيش .. نحن البقارة من أكثر من يربى كلاب الحراسة والصيد، هل أختبروا كلابنا أم سقطت سهواً .. وأنا أفتكر لا يكون أجروا أى أختبار على ذكاء كلاب البقارة لأنها مهمشة مثل أهلها .. الله لى كلابنا!

    تخيل يا ناذر، عشمى أن يجروا تجارب على كلابنا، كلاب البقارة لأن الخطوة سوف تقودهم لأجراء تجارب فى محاولة تعليم المرأة البقارية التى تعانى أمية تصل 99.9999% وهى ذكية ربما أشد من كلاب الكبابيش.


    ححححححححححححى المغسة!

    بريمة
                   Subscribe on YouTube |Articles |News |مقالات |اخبار

24-01-2008, 02:36 PM

عبدالله داش

تاريخ التسجيل: 17-02-2007
مجموع المشاركات: 1451
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    أم سنطه

    سلالة كلاب شيخ المُرَ غنيه عن التعريف فى بادية الكبابيش

    إشتهرت بالإختلاف عن ما هو موجود فى كل البلاد










    المسلمى
    والله إنت شايت فى إتجاه معاكس ( خالس )

    ناذر ..

    سلام وتحيه
                   Subscribe on YouTube |Articles |News |مقالات |اخبار

24-01-2008, 03:56 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    بريمة ..

    مشتاقين يا زول !! وين الحي بيك ..!!؟

    Quote: تخيل يا ناذر، عشمى أن يجروا تجارب على كلابنا، كلاب البقارة لأن الخطوة سوف تقودهم لأجراء تجارب فى محاولة تعليم المرأة البقارية التى تعانى أمية تصل 99.9999% وهى ذكية ربما أشد من كلاب الكبابيش.


    والله يا بريمة هسي لو قلنا (كلاب البقارة) يجيني زول ناطي في قلبي يقول لي أسئت للقبيلة وبطيخ !! لكن والله إنت زول فاهم وواعي للمسئلة والقصد ..

    بعدين للأسف الفرصة ضاعت عليكم موضوع الكلاب طلع ما عند البقارة فيهو قسمة ونصيب يبقى في إطار توزيع الثروة الحيوانية ممكن نتكلم عن (بقر البقارة) ومنها نعرج على مستوى تعليم المرأة البقارية ..

    صنفرة :

    وفي ذات الإطار (تقسيم الثروة وكدة) حا نجي في بوستات تانية نتكلم عن (حمير الفور) و (كدايس البني عامر) و (دبايب الفلاتة) و(عقارب الشايقية) و (ثعالب الدناقلة) وكمان ما ننسى نتكلم برضو عن (صقور الجعليين) !!
                   Subscribe on YouTube |Articles |News |مقالات |اخبار

24-01-2008, 03:58 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    عبد الله داش ..

    كيفك يا وجيه ...

    Quote:
    أم سنطه

    سلالة كلاب شيخ المُرَ غنيه عن التعريف فى بادية الكبابيش

    إشتهرت بالإختلاف عن ما هو موجود فى كل البلاد


    أيوة زي قصة كلاب الفرجوني الفوق ديك ..

    وما ننسى معانا كدايس سواكن وبرضو مختلفة عن كل كدايس البلد ..
                   Subscribe on YouTube |Articles |News |مقالات |اخبار

25-01-2008, 07:22 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    Quote: جيت من غادي يا فارس الشوارف الغر
    جيت من غادي يا صافي الحناضل المر
    جيتك وعندي فيك أملا كبير يا المر
    بدور كلبا من الغنم المعادي يجر

    مرخرخ شاتلو لين ارساغ وواسع غر
    باهي وريد منيع ليمان وفي عرقوبو لون وقصر
    رقيق قدوم طوال اضنيهو ماهن صر
    رهيفا جلدو زي توب السواكني الحر
    مرخرخ شاتلو لين ارساغ وواسع غر
    باهي وريد منيع ليمان وفي عرقوبو لون وقصر
    رقيق قدوم طوال اضنيهو ماهن صر
    رهيفا جلدو زي توب السواكني الحر
                   Subscribe on YouTube |Articles |News |مقالات |اخبار

25-01-2008, 01:15 PM

Biraima M Adam

تاريخ التسجيل: 04-07-2005
مجموع المشاركات: 9454
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)


    ناذر أخووى

    Quote: في بوستات تانية نتكلم عن (حمير الفور) و (كدايس البني عامر) و (دبايب الفلاتة)


    كدى أقدر يا ناذر أتكلم عن دبايب الفلاته ..!! لكن ممكن تتكلم عن donkeys ride النزهة الحميرية للفور .. شايف من حسع أنا دخلت فى أشكال اللغة .. لو سميتها نزهة حمير الفور ما بتجى لأن الحمير لا تتنزه براها .. أنا أفضل تسميها النزهة الحمارية للفور أو النزهة الأستحمارية للفور .. والتجى من السماء الأرض تحملها ..

    بريمة
                   Subscribe on YouTube |Articles |News |مقالات |اخبار

25-01-2008, 01:57 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    بريمة ..

    Quote: لو سميتها نزهة حمير الفور ما بتجى لأن الحمير لا تتنزه براها .. أنا أفضل تسميها النزهة الحمارية للفور أو النزهة الأستحمارية للفور .. والتجى من السماء الأرض تحملها ..


    والله لو سميتا كدة يا دوبك جبت المشاكل لي نفسك

    إتخايل لي (النزهة الحمارية) هي أقرب الترجمات ..

    بمناسبة حمير الفور ..

    إتذكر واحدة من الجرائد قبل فترة عملت تحقيق في منطقة الحاج يوسف حول معاملة السكان هناك للحمير البيعتمدو عليها في معيشتم اليومية .. فطلعت النتيجة إنو ملاك الحمير الفور بيعتنو بي حميرم إعتناء بالغ وبيكرموها وبيحرصو على إستحماما وبيعلقوا ليها العليقة في مواعيدا ، بعكس قبيلة تانية ساكنة في نفس المنطقة ذكر التقرير أنهم بيسيئو معاملة حميرم وما بيهتمو بالعناية بيها وبالرغم من دا (دارشنها) درش السنين في الشغل ..
                   Subscribe on YouTube |Articles |News |مقالات |اخبار

26-01-2008, 12:24 PM

Biraima M Adam

تاريخ التسجيل: 04-07-2005
مجموع المشاركات: 9454
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)


    ناذر
    تصدق فى الغرب هنا، الكلب لازم تفسحه كل يوم أقل شيئ مدة عشرين دقيقة .. ودا قانون فى دفاتر القضاء الأمريكى! ولو الكلب نبح 5 دقائق متواصلة، إن صحت ذاكرتى .. هذا يعنى سوء معاملة .. ويأتى البوليس ليتحرى عن سبب نباح الكلب! ..

    وسوء تغذية الحيوان أو سوء معاملته جريمة يحاسب عليها القانون بالغرامة أو السجن والحرمان من تربية الحيوان!


    --------------------------------------------------------------------------------------
    وللعلم يا ناذر الحمار هو الحيوان الوحيد عند البقارة لا يمكن التنازل عن ديته حتى لشقيقك .. يعنى زول لو قتل أخوك أو أبوك ممكن تترك حتى ديته .. لكن الحمار أبداً .. وما تسألنى ما السبب، لا أعرفه.
    وعند البقارة لو أستأجرت حمارك لزول وشيله شحنة بتاعت قطر كامل ومات الحمار من التعب لا ديه على الشخص .. لأن الحمار يموت تحت حمولته (يقول المثل: الحمار يموت تحت قراته .. والقرات هو الفرش على ظهر الحمار ومقصود به الحموله على ظهره .. قوانين ما أنزل الله بها من سلطان.

    بريمة
                   Subscribe on YouTube |Articles |News |مقالات |اخبار

26-01-2008, 07:02 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: Biraima M Adam)

    معلوماتك مفيدة يا بريمة ..

    جاييك ..
                   Subscribe on YouTube |Articles |News |مقالات |اخبار

26-01-2008, 10:13 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    !!!
    Quote: تصدق فى الغرب هنا، الكلب لازم تفسحه كل يوم أقل شيئ مدة عشرين دقيقة ..


    والله يا بريمة نحن ناس الشمال البيقولو علينا جلابة ومستعواتية ومش عارف إيه ما قاعدين نتفسح في زات روحنا 20 دقيقة !!

    Quote: وللعلم يا ناذر الحمار هو الحيوان الوحيد عند البقارة لا يمكن التنازل عن ديته حتى لشقيقك .. يعنى زول لو قتل أخوك أو أبوك ممكن تترك حتى ديته .. لكن الحمار أبداً .. وما تسألنى ما السبب، لا أعرفه.


    كلام عجيب ..!!

    Quote: وعند البقارة لو أستأجرت حمارك لزول وشيله شحنة بتاعت قطر كامل ومات الحمار من التعب لا ديه على الشخص .. لأن الحمار يموت تحت حمولته (يقول المثل: الحمار يموت تحت قراته ..


    مرة حاضر لي مشهد في سوق الجمعة واحد عربجي محمل الكارو أب لستكين بتاعو كمية من دواليب الحديد لحدي ما الحمار المسكين نخ في الواطة وما قادر يقوم ، وسيد الحمار قعد يجلد في الحمار بالخرطوش بي كل قوتو في راسو والمنظر دا إستفز الناس المارين البيعرفو يعاملو الحمير جد جد ، قامو إتلمو على العربجي وقلعو منو الخرطوش ومحطوهو بيهو عشان يتعلم تاني يتعامل مع حمارو كويس ..

    وحكاية إنو الحمار يموت تحت حمولته لو عرفو بيها ناس العالم الاول ومنظمات حقوق الحيوان طوالي بيطلبو عمل منطقة حظر تجول حميري في ديار البقارة
                   Subscribe on YouTube |Articles |News |مقالات |اخبار

26-01-2008, 10:55 PM

الجيلى أحمد

تاريخ التسجيل: 27-03-2006
مجموع المشاركات: 3231
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    سلامات ياناذر

    هذا عنوان مستفز,
    ومضمون خيطك لايتصل مباشرة مع حمولة عنوانه..
    بالطبع أنت حر فى إختيار مادتك, ولكن باعد بينك
    وبين الإساءة للآخر,..

    إن تناول المجموعات البشرية بهذه السخرية المفرغة من
    المضمون (كما فى عنوانك) لاينم عن حس إنسانى سليم تجاه
    المجتمع..

    ترفق يارجل بالكلمة ففيها إسقاط , يصلب
    الذات متعرية دون حياء..
                   Subscribe on YouTube |Articles |News |مقالات |اخبار

26-01-2008, 11:10 PM

Biraima M Adam

تاريخ التسجيل: 04-07-2005
مجموع المشاركات: 9454
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: الجيلى أحمد)


    ناذر
    Quote: بعكس قبيلة تانية ساكنة في نفس المنطقة ذكر التقرير أنهم بيسيئو معاملة حميرم وما بيهتمو بالعناية بيها وبالرغم من دا (دارشنها) درش السنين في الشغل ..

    وديل منو السجمانين ديل .. !!
    أهلنا البقارة الهبانية فى دارفور قالوا عنهم كثيرى الغلاط والمشاكل .. ومن فرط مشاكلهم .. ذات يوم دحس سواق عربة حماراً لأحد ناس الحلة .. ذهب الهبانى لصاحب الحمار الميت قال ليهو نشترى منك حمارك الميت! أستغرب الرجل قال ليه هل أهلك بأكلوا الحمار قال لا؟ قال له ماذا تريد بالحمار الميت؟ قال عشان نشتكى السواق ونشيل دية الحمار!


    شفت يا ناذر ناس الغرب وبلاويهم ..

    بريمة
                   Subscribe on YouTube |Articles |News |مقالات |اخبار

26-01-2008, 11:22 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    أوكي الجيلي ..

    برغم إني كررت وقلت البوست ما للإساءة لكن نقول ما مشكلة ..

    الاخ بكري أبو بكر ..

    الرجاء تعديل عنوان هذا البوست ليصبح :

    ]كلاب الرعي لدي قبيلة الكبابيش تتفوق على الوولف الألمانية !!

    صافي يا لبن ؟!!
                   Subscribe on YouTube |Articles |News |مقالات |اخبار

27-01-2008, 05:23 PM

الجيلى أحمد

تاريخ التسجيل: 27-03-2006
مجموع المشاركات: 3231
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    Quote: الاخ بكري أبو بكر ..

    الرجاء تعديل عنوان هذا البوست ليصبح :

    ]كلاب الرعي لدي قبيلة الكبابيش تتفوق على الوولف الألمانية !!




    يازول ياراقى
    thanx brother
                   Subscribe on YouTube |Articles |News |مقالات |اخبار

27-01-2008, 01:41 PM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    بريمة ..

    Quote: وديل منو السجمانين ديل .. !!


    والله في الجريدة ذكروهم بالإسم لكن أنا كان قلتهم هنا حا تجيني مصيبة وإتهامات بالعنصرية هسي أنا ما بقدر عليعا في الصقط دا ..!

    Quote: ذات يوم دحس سواق عربة حماراً لأحد ناس الحلة .. ذهب الهبانى لصاحب الحمار الميت قال ليهو نشترى منك حمارك الميت! أستغرب الرجل قال ليه هل أهلك بأكلوا الحمار قال لا؟ قال له ماذا تريد بالحمار الميت؟ قال عشان نشتكى السواق ونشيل دية الحمار!


    والله ناسك ديل متلقين حجج ساكت .. D
                   Subscribe on YouTube |Articles |News |مقالات |اخبار

27-01-2008, 01:58 PM

السنجك

تاريخ التسجيل: 27-05-2002
مجموع المشاركات: 2695
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    الكبابيش ديل كلابهم ذكيه كده!!امال هم كيف؟؟


    طيب ديل مانستعين بيهم حكام يحلونا من ورطة السودان دى الليها اكثر من 50 سنه




    السنجك
                   Subscribe on YouTube |Articles |News |مقالات |اخبار

28-01-2008, 00:14 AM

وجدي الكردي

تاريخ التسجيل: 28-07-2005
مجموع المشاركات: 581
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: السنجك)

    سلام
    انا قبل كده عملت فيلم تسجيلي عن الكلاب البوليسية لاقيت ضابط عامل ماجستير عن كلاب الكبابيش وكان بيحضر لنيل الدكتوراه في ذات الموضوع..


    الطريف لقيت كلبة المانية عندها دبلوم شغالة (ولادة) في وحدة الكلاب البوليسية..!

    ولادة بتشديد اللام.. زي ولادة بنت المستكفي كدة..!

                   Subscribe on YouTube |Articles |News |مقالات |اخبار

28-01-2008, 07:12 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    الجيلي ..

    Quote:
    يازول ياراقى
    thanx brother


    علي شنو ياخ !

    حاجة بسيطة والله ..
                   Subscribe on YouTube |Articles |News |مقالات |اخبار

28-01-2008, 07:14 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    السنجك ..

    Quote: الكبابيش ديل كلابهم ذكيه كده!!امال هم كيف؟؟


    طيب ديل مانستعين بيهم حكام يحلونا من ورطة السودان دى الليها اكثر من 50 سنه


    هم كدا

    Quote: طيب ديل مانستعين بيهم حكام يحلونا من ورطة السودان دى الليها اكثر من 50 سنه


    ورطة السودان يا باشا ما دايرة حكام أذكياء .. دايرة أكتر وأكبر من كدة ..
                   Subscribe on YouTube |Articles |News |مقالات |اخبار

28-01-2008, 07:20 AM

ناذر محمد الخليفة

تاريخ التسجيل: 28-01-2005
مجموع المشاركات: 28074
للتواصل معنا
FaceBook
تويتر Twitter
YouTube



Re: كـلاب الكـبـابـيـش !! (Re: ناذر محمد الخليفة)

    وجدي الكردي ..

    كيفك وكيف حكاياتك .!

    Quote: انا قبل كده عملت فيلم تسجيلي عن الكلاب البوليسية لاقيت ضابط عامل ماجستير عن كلاب الكبابيش وكان بيحضر لنيل الدكتوراه في ذات الموضوع..


    يمكن دا نفسو النقيب صاحب الكلام الفوق دا ..

    Quote: الطريف لقيت كلبة المانية عندها دبلوم شغالة (ولادة) في وحدة الكلاب البوليسية..!

    ولادة بتشديد اللام.. زي ولادة بنت المستكفي كدة..!


    دي مبالغة

    كويس المالقيت ليك كلبة خريجة الدايات الألمانية بتغير في (الحفاضات)

    شنكل :

    الكلاب الالمانية بيدوها درجات جامعية من زمان !! طيب كلاب الكبابيش الأذكى من الألمانية ,, والله لو دخلو ليها المنهج بتاع الخواجات دا كان هسي أقل كلب منهم عندو (دبلوم صنايع) !!
                   Subscribe on YouTube |Articles |News |مقالات |اخبار

[رد على الموضوع] صفحة 1 من 2:   <<  1 2  >>

تعليقات قراء سودانيزاونلاين دوت كم على هذا الموضوع:

كـلاب الكـبـابـيـش !! فى FaceBook

· دخول · أبحث · ملفك ·




الصفحة الاولى
  المنبر العام
مدخل أرشيف الربع الرابع للعام 2013م
مدخل أرشيف الربع الثالث للعام 2013م
 مدخل أرشيف الربع الثانى للعام 2013م
 مدخل أرشيف الربع الاول للعام 2013م
مدخل أرشيف الربع الرابع للعام 2012م
مدخل أرشيف الربع الثالث للعام 2012م
 مدخل أرشيف الربع الثاني للعام 2012
مدخل أرشيف الربع الاول للعام 2012م
مدخل أرشيف الربع الرابع للعام 2011م
مدخل أرشيف الربع الثالث للعام 2011م
مدخل أرشيف الربع الثاني للعام 2011
 مدخل أرشيف الربع الاول للعام 2011م
 نمدخل أرشيف الربع الرابع للعام 2010م
 مدخل أرشيف الربع الثالث للعام 2010م
أمدخل أرشيف الربع الثاني للعام 2010م
 مدخل أرشيف الربع الاول للعام 2010م
مدخل أرشيف الربع الرابع للعام 2009م
 مدخل أرشيف الربع الثالث للعام 2009م
 مدخل أرشيف الربع الثاني للعام 2009م
 مدخل أرشيف الربع الاول للعام 2009م
مدخل أرشيف الربع الرابع للعام 2008م
مدخل أرشيف الربع الثالث للعام 2008م
مدخل أرشيف العام (2003م
 مدخل أرشيف العام (2002م
مدخل أرشيف العام (2001م
مكتبة البروفسير على المك
 مكتبة د.جون قرنق
مكتبة الفساد
 مكتبة ضحايا التعذيب
 مكتبة الراحل الاستاذ الخاتم عدلان
مكتبة دارفور
مكتبة الدراسات الجندرية
مكتبة العالم البروفسيراسامة عبد الرحمن النور
مواضيع توثيقية متميِّزة
 مكتبة قضية سد كجبار
 مكتبة حادثة يوم الاثنين الدامي
 مكتبة مجزرة اللاجئين السودانيين في القاهرة بتاريخ 30 ديسمبر 2005م
مكتبة الموسيقار هاشم مرغنى(Hashim Merghani)
مكتبة عبد الخالق محجوب
 مكتبة الشهيد محمد طه محمد احمد
مكتبة مركز الخاتم عدلان للأستنارة والتنمية البشرية
مكتبة الراحل الاستاذ الخاتم عدلان
 مكتبة سودانيز أون لاين دوت كم
مكتبة تنادينا,الامل العام,نفيرنا
مكتبة الفنان الراحل مجدى النور محمد
مكتبة العلامة عبد الله الطيب
مكتبة احداث امدرمان 10 مايو 2008
 مكتبة الشهيدة سهام عبد الرحمن
منبر اليوم الحار لخريجى كلية الهندسة و المعمار بجامعة الخرطوم
مكتبة الراحل المقيم الطيب صالح
مكتبة انتهاكات شرطة النظام العام السودانية
مكتبة من اقوالهم
مكتبة الاستاذ أبوذر على الأمين ياسين
 منبر الشعبية
منبر ناس الزقازيق
مكتبة تهراقا الفن الدكتور محمد عثمان حسن صالح وردى
اخر الاخبار من السودان2004
جرائد سودانية
اجتماعيات سودانية
دليل الاصدقاء السودانى
مكتبة الراحل المقيم الاستاذ الخاتم عدلان
الارشيف والمكتبات
اراء حرة و مقالات سودانية
 مواقع سودانية
 اغاني سودانية 
 مكتبة الراحل مصطفى سيد احمد
دليل الخريجيين السودانيين
 الاخبار اليومية عن السودان بالعربى













|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

© Copyright 2001-02
Sudanese Online
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de