|
|
|
 Re: تعال يا دينق أسمع الغنية دي عشان تاني ما تسألني : الجديد شنو ؟!! (Re: ناذر محمد الخليفة)
|
دينق بيسأل :
Quote: يا جماعة.
الجديد شنو في الموضوع ده؟
نوعية الاغاني دي موجودة من زمان وبتمجد في بعض القبائل, وفي نفس الاغنية دي يا نازر الفنانة زكرت قبيلة الشايقية فلماذا أنت أخترت الغرابة بالذات؟
دينق. |
ناذر خليفة :
Quote: الجديد في الموضوع إنو الغنا الهابط البيودي لي طريق بتاع تهييج قبائل بعينا والقصد منو ما التطريب بقدر زراعة العنصرية والكراهية ضد القبائل التانية رغم إنك ممكن تلقى في الأغنية كل قبائل السودان ..دايرين نوعية الغنا دا يقيف طالما أساسا ألحانو مسروقة والكلمات أقحمت إقحام على اللحن وما عندها قيمة ولا إبداع ولا بطيخ !!
|
من هنا :
والله نحنا الغرابة مانحن أسياد الشي زاتا .. !!
| |
 
|
|
|
|
|
|
|
|
Re: تعال يا دينق أسمع الغنية دي عشان تاني ما تسألني : الجديد شنو ؟!! (Re: ناذر محمد الخليفة)
|
Quote: مقاطع هابطة أدخلت على كلمات أغنية قديمة ولحن منقرض !!، تغنيها عدة مغنيات ومغنواتية في أحياء الخرطوم هذه الأيام ، تعتمد على ذكر أسماء القبائل لتحميس الحضور وحثهم على التجاوب بالإعتماد على قبائلهم وأصولهم العرقية ..
وهنالك كلمات عنصرية بغيضة تسئ لقبائل وعرقيات بالإسم (على عينك يا تاجر وأمام الملأ) !! تنتشر في أسواق شرائط الكاسيت البيضاء إنتشار النار في الهشيم دون أن يتدخل أحد لمنع هذه المهزلة !! ، رغم أن أسماء هؤلاء المغنواتية معروفين ومشهورين وسط مجتمعات معينة ومعروفة بل وبعضهم يجد الحماية والدعم والتشجيع من شخصيات مسئولة تقع ضمن بند (سوء إستخدام النفوذ ) !!..
وقبل أن أكتب عن الأسباب التي أدت لفشل جميع الجهود التي بذلت من قبل إتحاد الفنانين وشرطة أمن المجتمع وشرطة المصنفات الفنية لإيقاف تلك المهزلة التي تسمى (غناءً) ، والأسباب التي أدت لإستمرارية محاولات (تشويه الذائقة الغنائية للأذن السودانية) عن سبق إصرار وترصد ..
أدعوكم للإستماع لهذه الأغنية العجيبة لتحكموا بأنفسكم !!..
|
| |
|
|
|
|
|
|
|
|
|
Re: تعال يا دينق أسمع الغنية دي عشان تاني ما تسألني : الجديد شنو ؟!! (Re: ناذر محمد الخليفة)
|
دينق ...
Quote: أنا كنت بتناقش معك في الاغنية المعنية بذلك البوست ولقد زكرت لك ما هو الجديد في غنا البنات الذي يمدح القبائل؟
تقوم تمشي تجيب لك أغنية تانية لا علاقة لها بالموضوع أصلا؟
|
دا نظام كب زوغة ولا شنو ؟!!
طيب وكت قلت كدي ..
ما في جديد في غنا البنات البيمدح القبائل ..
الجديد في غنا البنات البيهجو ويسئ للقبائل زي النموذج العندنا دا ..
بعدين يا دينق إنت ما متابع أحسن تسمع كلامي دا كويس ..
في غنا اليومين دي ما في حاجة إسمها مدح قبيلة بدون ما يصاحبا إساءة عنصرية أو تلميحات قبيحة لي قبيلة تانية ..
صنفرة :
لكن في أكتر الأحايين بتجي إساءة بدون أي مناسبة وبدون أي سبب زي النموذج العندنا في البوست دا .
شفت كيف ؟!!
| |
|
|
|
|
|
|
|
|
|
Re: تعال يا دينق أسمع الغنية دي عشان تاني ما تسألني : الجديد شنو ؟!! (Re: ناذر محمد الخليفة)
|
تقول كلمات الأغنية الهابطة :
دي الخاينة جاجيتا جاجيتا جاجيتا
يا ريتني لو دقيتا أنا بالجزمة ساويتا
عقدو ليو ورجع جانا !!
الريدو ما بتخلى عقدو ما بتتحلى
قتي تبقي لي ضرة بفرج فوقك خلق الله
غرزة لناس فلانة !!
ست الشاي وروها ما عارفة حقيقة روحا
ما عارفة حقيقة روحا بتحب في مقام أبوها
ما صبرنا والله ادانا !!
جهولة يا أم سكاسك يا السبسبتي راسك
ما تحترمي نفسك ما نحن قدر بناتك
دي القاصداني غبيانة !!
العجوزة الخرفانة تتمسح بالديانة
تتمسح بالديانة والوش حالتو تعبانة ..
غرزة !! !!
يا توبي الهلالي هلالي وتمنو غالي
ما بسيب الجمفاري لو أخرب بيت حلالي
دي القاصداني غبيانة !!
حنانة خوة خدم ووسخانة !!
حنانة الخوة عامة تعبانة !!
حنانة خوة في جدة وسخانة !!
حنانة دي الريدة بقت خيانة !!
حنانة والريدة بقت عفانة !!
والصفقة ويييييييييييييييييييين ؟؟؟؟!!
صنفرة :
ما في زول يجي يسألني عن الشاعر والملحن بتاع الغنية دي ..
| |
|
|
|
|
|
|
|
|
|
Re: تعال يا دينق أسمع الغنية دي عشان تاني ما تسألني : الجديد شنو ؟!! (Re: ناذر محمد الخليفة)
|
ناذر
صباح الخير و سلامات و خارج النص الاصلى بعد كريم إذنك!
اليوم لقيت هنا ناس بتتكلم عن ممدوح طاهر فريد ..و بعض الذين كانوا يحاولون فى الاغانى السودانية كما حاول ناصر المزداودى فى الاغنية العربية فى السبعينات .. قدموا الكثير فى جلسات استماع ، و الحفلات و التسجيلات و المئات من الالحان امتدت من ممدوح الى الازهرى مرورا بهادية طلسم (المريود) .. و شاكر والموصلى و اندريه رايدر(وردى) وود الامين و عبدالقادر سالم و ابو عركى و قبلهم عمالقة كعثمان حسين و أبو داؤد و الكاشف و احمد المصطفى و الكابلى ..و.... كلهم قدموا ما جعلنا نشعر بأن لنا إرثا فنيا موسيقيا.. جميلا !
كان يمكن لاجهزة الاعلام المختلفة أن تجعله اداة أرتقاء بالذوق العام لولا .. (الله يجازى الكان السبب) !!
لكن..
هذا الذى نسمعه و نراه ينتشر ..
نتيجة حتمية للأسف
و كما يقول المصريون ( هذا زمان شارع محمد على)
لك الود أبدا
| |
|
|
|
|
|
|
|
|
|
Re: تعال يا دينق أسمع الغنية دي عشان تاني ما تسألني : الجديد شنو ؟!! (Re: ناذر محمد الخليفة)
|
سلام ياأستاذ أسعد ..
صباح النو ر
Quote: صباح الخير و سلامات و خارج النص الاصلى بعد كريم إذنك!
اليوم لقيت هنا ناس بتتكلم عن ممدوح طاهر فريد ..و بعض الذين كانوا يحاولون فى الاغانى السودانية كما حاول ناصر المزداودى فى الاغنية العربية فى السبعينات .. قدموا الكثير فى جلسات استماع ، و الحفلات و التسجيلات و المئات من الالحان امتدت من ممدوح الى الازهرى مرورا بهادية طلسم (المريود) .. و شاكر والموصلى و اندريه رايدر(وردى) وود الامين و عبدالقادر سالم و ابو عركى و قبلهم عمالقة كعثمان حسين و أبو داؤد و الكاشف و احمد المصطفى و الكابلى ..و.... كلهم قدموا ما جعلنا نشعر بأن لنا إرثا فنيا موسيقيا.. جميلا !
كان يمكن لاجهزة الاعلام المختلفة أن تجعله اداة أرتقاء بالذوق العام لولا .. (الله يجازى الكان السبب) !!
|
للأسف إرثنا الفني والذي تم صنعه بعرق وجهد هؤلاء العمالقة موجود في أدراج مؤسساتنا القومية لعدة أغراض .. البعض يحتفظ به دون أن يداوم على بثه حتى يجد هذا الإنحطاط الشائع الأن في الشارع الغنائي فرصته للتمكن أكثر وأكثر ..
والبعض يحتفظ به لنفسه كي يستمع إليه ويجتر ذكريات ذلك الزمن الأصيل يعد أن سيطر الغناء الهابط على جميع مخارج الكلم والموسيقى في ليالي السودان وأفراحها البهية ..
أنا مقتنع تماما أن لنا إرثا موسيقيا عظيما .. ولكن كيف نعود به مرة أخرى للريادة ونطرد من أساءوا وشوهو الفن السوداني وسيطروا على أذن الشارع السوداني ؟!!
Quote: هذا الذى نسمعه و نراه ينتشر ..
نتيجة حتمية للأسف
و كما يقول المصريون ( هذا زمان شارع محمد على)
|
نتيجة حتمية نعم ... ولكن لا بد من تغييرها لتعود الأمور إلى نصابها ..
شكرا للمداخلة الثرة أستاذ أسعد ..
| |
|
|
|
|
|
|
| |
ناذر محمد الخليفة
Munir
طارق جبريل
Deng
ahmed khidir
Albino Akoon Ibrahim Akoon
اسعد الريفى
على محمد على بشير
محمد الطيب حسن
bob
حسن الجيلى سعيد
فيس بوك
تويتر
انستقرام
يوتيوب
بنتيريست