مقاطع هابطة أدخلت على كلمات أغنية قديمة ولحن منقرض !!، تغنيها عدة مغنيات ومغنواتية في أحياء الخرطوم هذه الأيام ، تعتمد على ذكر أسماء القبائل لتحميس الحضور وحثهم على التجاوب بالإعتماد على قبائلهم وأصولهم العرقية ..
وهنالك كلمات عنصرية بغيضة تسئ لقبائل وعرقيات بالإسم (على عينك يا تاجر وأمام الملأ) !! تنتشر في أسواق شرائط الكاسيت البيضاء إنتشار النار في الهشيم دون أن يتدخل أحد لمنع هذه المهزلة !! ، رغم أن أسماء هؤلاء المغنواتية معروفين ومشهورين وسط مجتمعات معينة ومعروفة بل وبعضهم يجد الحماية والدعم والتشجيع من شخصيات مسئولة تقع ضمن بند (سوء إستخدام النفوذ ) !!..
وقبل أن أكتب عن الأسباب التي أدت لفشل جميع الجهود التي بذلت من قبل إتحاد الفنانين وشرطة أمن المجتمع وشرطة المصنفات الفنية لإيقاف تلك المهزلة التي تسمى (غناءً) ، والأسباب التي أدت لإستمرارية محاولات (تشويه الذائقة الغنائية للأذن السودانية) عن سبق إصرار وترصد ..
أدعوكم للإستماع لهذه الأغنية العجيبة لتحكموا بأنفسكم !!..
صنفرة :
الأغنية داخل البوست على مسئولية من يسمعها .!!
08-31-2007, 10:56 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
لو سمعت كلمات الاغنية كويس حا تلقى المغنية مصرة على كلمة (الشي زاتا) بدل (الشي زاتو) .. بعدين الظاهر عليها الحفلة دي كانت مختلطة القبائل والعرقيات لحدي ما الفنانة دي راسا ضرب وما عرفت تدخل إسم يا تو قبيلة .. قامت ذكرت أسماء عدة قبائل .. لكن البيت (والله نحنا الغرابة مانحن أسياد الشي زاتا .. !!) تكرر مرتين في الأغنية !!
Quote: يا ترى ما المقصود بما تحته خط !!
ما عارف المقصود شنو .. لكن أكيد هو ما كلام والسلام ...
العريس ناذر والصحافة - إزيكم أنجدوني ينوبكم ثواب..ما قادر أسمع الأغنية. في عدد من الفيديو والأوديو ما بقدر أسمعه بظهر عندي مربع فاضي غير منشط مافيه حاجة. محتاج أنزل شنو في اللاب توب الملعون ده.؟
08-31-2007, 11:59 PM
Alsa7afa_30 Alsa7afa_30
تاريخ التسجيل: 02-06-2003
مجموع المشاركات: 6618
مرحب ناذر.. الاغنية بها تمجيد للقبلية والجهوية وتحت غطاء كثيف من مزيكة عالية عالية التطريب وبها دعوة (لجبجبة) وحت نبق قد ينسي اكثر السامعين لهذا الاغنية عداء للعنصرية ينسي هذا الامر ويهتز طربا (ودي في حد ذاتها رشوة وتضليل عجيب وغريب للجمهور الباحث عن الربة).. ... الشي الغريب انني استمعت لهذه الاغنية في احدي الحفلات بمدينة ودمدني وكانت هنالك لستة قبائل مختلفة فسمعنا زغاريد وكورايك ليها ضل ايضا.. مثل هذه الاغاني خطورتها تكمن في تعمقها في باطن العامة وتشعلل النزعة القبلية التي يجب ان تحارب ودمت يا عريس..
08-31-2007, 11:50 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: لو سمعت كلمات الاغنية كويس حا تلقى المغنية مصرة على كلمة (الشي زاتا) بدل (الشي زاتو)
العريس ناذر
لم استطع سماع الاغنية ولكن لفت نظري تصحيحك اللغوي الذي جاء علي وزن "عطاء من لا يملك لمن لا يستحق" مع بعض التحوير.. والحقيقة كلام "الخرابة" كما قال أحدهم مبني علي صياغات لغوية مختلفة لما لثقافة الوسط وهذا هو التمايز الذي يجب أن نغذيه لا أن نسمكره أجل إرضاء ثقافة الوسط.. دعوا الازهار "الغريبة" في الوسط تنمو ولا "تعيروها" وبالتالي ربما يقودنا هذا المنهج إلي إغناء لعامية السودانية في كل الربوع..ولعلك أنت الناقد الحصيف لم يفتك السماع لأحمد شارف حين يقول "الزول ما عندا ذوق..." وأذكر إنني سألت الاستاذ محيي الدين فارس عن أجمل بيت شعر عامي ورد بعد تفكير طويل وكمان سفة وراح يلقي البيت بطريقته الجميلة:
زولا سرب سربا خت الجبال غربا
..أدوني لي شربا خلوني ننقص دربا"
ولو لاحظت هناأن الشعراء الغرابة يقلبون الدال الجندري إلي عدة دلالات لأغراض الوزن والموسيقي الشعرية وربما لأغراض أخري لا ندركهاولا أدري هل هناك في الشعر العربي القديم مسائل كهذه أم لا..؟ إذا وجدت القرائن لهذا عربيافإن القريحة الشعرية لغرب السودان تكون متقدمة جماليا ومتناصة مع المركز هنا وليس بساطة المركز هنا..وحتي إن لم توجد فإن هذا ربما يدل علي فذلكة شاعرية ينبغي أن تكون محل درس قومي لناقد كبير زي مجذوب عيدروس ولذلك تجدني اقول لك دع الغرئبيات اللغوية تزدهر فربما قبضنا بها الجو عالميا بدلا عن محاولة دمجها وعدم إكسابها الغناء الإعلامي والتنوع ضمن إطار الثقافة السودانية..ولعلك تعرف إن محاولات هذا الدمج المركزي هي بعض من أسباب "الدواس" في ود بندا الآن..والله يستر يا زول يا ناذر "الشي زاتو" هو حقكم بدون الدخول في معرفة كنهه وكنه مركزكم الذي لا يقبل بسهولة معايير الآخرين الثقافية و"الشي زاتا لم يكن لينقصه دلالة المعني والتواصل بأصل مناخ الكلام في بيئة غرب السودان ــ نعم لم ينقصه في ظرف يظن الخرين أن "نقصهمو تمامو" "وذات إذ رونق".. شايف تخريجات اللغو اللي بجيب بعض المرات دم القلب.. صديقنا الشاعر محجوب الحاج كان يطربنا بقصيدته "الموية حفيانة" شايف الدلالة الجديدة تثير "ككيف" وليس كيف من الضحك..ولا أعتقد أن اليوم الذي نقول فيه "ناذر ذات كاتبلو دراسة عن سيمولوجيا مني الخير" سيكون بعيدا فصديقك عمر إحساس يقول "كلامنا لسه" وقديما قال البقارة "الماعندا قرش ما عندا راي" وأخاف أن يكون رأي بقارة الخلا أكثر وعيا من عقلنا المركزي الساهم في معمعات التدجين اللغوي لمقتضى "الفانتازيا في " .. بغير ذلك ماذا عملت مع الزبير بن العوام ..لعله الآن مدير تحرير جريدة الزول.. وأتمنى ألا يكون مثل الزول الما عندا ذوق..؟
Quote: الاغنية بها تمجيد للقبلية والجهوية وتحت غطاء كثيف من مزيكة عالية عالية التطريب وبها دعوة (لجبجبة) وحت نبق قد ينسي اكثر السامعين لهذا الاغنية عداء للعنصرية ينسي هذا الامر ويهتز طربا (ودي في حد ذاتها رشوة وتضليل عجيب وغريب للجمهور الباحث عن الربة)..
المشكلة يا كيكي إنو التمجيد للقبلية والجهوية دا مقصود بي تملق ظاهر .. تلقى الفنانة تشتغل في الشقيلاب .. تقعد تمجد في الجعليين وتدخل سيرتم في كل الأغنيات بي مناسبة ودون مناسبة .. وتاني يوم تكون الفنانة شغالة حفلة في مايو أو عد حسين تقعد تمدح في الغرابة بي دهنسة ظاهرة وتالت يوم تكون شغالة في عد بابكر وشرق التيل تقعد تمدح في البطاحين والحسانية وقلابات الرملة والخرصانة لمن إنت زااتك تحتار وتقول الفنانة دي جنسها شنو يا ربي ؟!!
Quote: مثل هذه الاغاني خطورتها تكمن في تعمقها في باطن العامة وتشعلل النزعة القبلية التي يجب ان تحارب
وأضافة لي كلامك دا .. تخريب زوق المستمع وتعويده على الغناء الهابط الملئ بعبارات عنصرية وهبوط إضطراري لا يفعل شيئا غير هوجة هستيرية وطرب مفتعل ينتهي في وقته !
شكرا يا كيكي ..
09-01-2007, 08:42 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الجديد في الموضوع إنو الغنا الهابط البيودي لي طريق بتاع تهييج قبائل بعينا والقصد منو ما التطريب بقدر زراعة العنصرية والكراهية ضد القبائل التانية رغم إنك ممكن تلقى في الأغنية كل قبائل السودان ..دايرين نوعية الغنا دا يقيف طالما أساسا ألحانو مسروقة والكلمات أقحمت إقحام على اللحن وما عندها قيمة ولا إبداع ولا بطيخ !!
Quote: نوعية الاغاني دي موجودة من زمان وبتمجد في بعض القبائل, وفي نفس الاغنية دي يا نازر الفنانة زكرت قبيلة الشايقية فلماذا أنت أخترت الغرابة بالذات؟
زي ما أنا ذكرت للصحافة فوق ...
الإشارة للغرابة وردت مرتين في الأغنية مرة في بدايتا ومرة في نهايتا ودي ما ظنيتا صدفة وأغلب الظن إنو بقية القبائل حشرت حشر في متن الأغنية لأغراض إبعاد الشبهة ..
صنفرة :
شوف يا دينق ...
بما إنك سألت عن (الجديد شنو) فحا أعمل ليك بوست منفصل يا دينق بعد ما ينتهي دا فيهو أغنية فيها مقطع بيقول (حنانا .. خوة خدم ووسخانة) .. لمن تسمعا ما اظنك حا تجي تسأل السؤال دا تاني لأنو أكيد حا تكون عرفت الجديد شنو ..
09-01-2007, 08:43 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: والحقيقة كلام "الخرابة" كما قال أحدهم مبني علي صياغات لغوية مختلفة لما لثقافة الوسط وهذا هو التمايز الذي يجب أن نغذيه لا أن نسمكره أجل إرضاء ثقافة الوسط.. دعوا الازهار "الغريبة" في الوسط تنمو ولا "تعيروها" وبالتالي ربما يقودنا هذا المنهج إلي إغناء لعامية السودانية في كل الربوع..ولعلك أنت الناقد الحصيف لم يفتك السماع لأحمد شارف حين يقول "الزول ما عندا ذوق..." وأذكر إنني سألت الاستاذ محيي الدين فارس عن أجمل بيت شعر عامي ورد بعد تفكير طويل وكمان سفة وراح يلقي البيت بطريقته الجميلة:
زولا سرب سربا خت الجبال غربا
..أدوني لي شربا خلوني ننقص دربا"
أتفهم الصياغات اللغوية المختلفة عن بقية ما تعارف عليه من قواعد اللغة العربية وما أسميته أنت بـ (ثقافة الوسط) ولكن ..
فات عليك أن كلمات مثل هذه النوعية من الاغنيات (نُجرت نجراً) وأقحمت على اللحن والكلمات علي حين غرة ، وفي هذه الحالة لا يمكننا أن نقول أن هذه الكلمات مصدرها ثقافة كردفانية أو دارفورية وغيرها،، ولذلك ليست مقيدة بالبناء اللغوي السليم لعدة أسباب يمكنني أن أذكر منها أنه جرت العادة أن من يقحم هذه الكلمات يكون مجهول الإسم والخلفية ، إذ أنها تنبت فجأة كنبت شيطاني على الكلمات الأصلية ويظل يتغنى بها جميع المغنواتية الأخرين ومنهم من جهات السودان المختلفة .. ولكن ليس الغرض من هذا الإخلال اللغوي الذي حدث علاقة بثقافات قبائل بعينها موازية لثقافة الوسط ..
أقول ذلك وأنا متأكد من حديثي لكوني كنت قريبا من ذلك الوسط في يوم من الأيام وأعلم جيدا كيف تدار الأمور وكيف تستعمل مثل هذه الكلمات الدخيلة وطرائق تفسيرها لدي العامة وأيضا الغرض منها .
Quote: ولذلك تجدني اقول لك دع الغرئبيات اللغوية تزدهر فربما قبضنا بها الجو عالميا بدلا عن محاولة دمجها وعدم إكسابها الغناء الإعلامي والتنوع ضمن إطار الثقافة السودانية..ولعلك تعرف إن محاولات هذا الدمج المركزي هي بعض من أسباب "الدواس" في ود بندا الآن..والله يستر
لا يمكن ان نعتمد على هذا الوسط الهابط للعمل لإذدهار هذه الغرائبيات يا أستاذ صلاح ..
لن نستفيد مطلقا من إدخال هذه المفردات في كلمات وألحان الأغاني الهابطة .. فهذا لن يجعلها تذدهر بقدر ما يجعلها مدعاة للتندر والسخرية والحط من شأن الأخرين ..
هذه الغرائبيات ساعد ويساعد على إنتشارها فنانين لهم وزنهم وإحترامهم في الساحة ويعملون على إذدهار تلك التعابير ونشرها مثل الفنان عمر إحساس وهاشم با بنوسة وعبد القادر سالم وغيرهما من الفنانين ممن الذين يتحلون بالمسئولية وقوة الطرح وفرض إحترامهم وثقافاتهم بين الأخرين .. أما أن يقوم بهذه المهمة صغار المغنواتية وفناني (راجل المرة حلو حلا) فهذا ما ينسف الطرح من أساسه !!
Quote: بغير ذلك ماذا عملت مع الزبير بن العوام ..لعله الآن مدير تحرير جريدة الزول.. وأتمنى ألا يكون مثل الزول الما عندا ذوق..؟
الزبير بن العوام حاشاهو من عدم الزوق وقد قابلته ورحب بي كثيرا وسأعود إليه مرة أخرى .. إنما هي مشغوليات ما بعد الزواج التي تمنعني من التحرك بالسرعة المطلوبة ..
شكرا للمداخلة المتخمة يا أستاذ شعيب ..
09-01-2007, 11:09 AM
mamkouna mamkouna
تاريخ التسجيل: 12-05-2004
مجموع المشاركات: 2246
تعليق طريف يا اخ حيدر العزيز ناذر حمد الله السلامة بعيدا عن الجو البغيض والعنصرية القبلية والطائفية التى بدأت تعود من جديد ، هذه الاغنية اذا اعتبرناها مجازا كذلك تعبير عن حالة الهبوط العام فى الذوق السائد الذى طفر فى هذه الحقبة . ولكن ارجو ان لاتحمل الكلام اكثر من ما هو مقصود نحن ناس الشئ زاتا اقتضاه حال القافية والله يدى العافية يعنى لو مشيت لى قدام حبة فى هذا الهرج بتلقاها بتقول لا قلنا ولا قالا ،ايضا فى محاولة لرص كلام وقافية واحدة والسلام اما ناس الشئ ذاتو او زاتا ما بتفرق فى المعنى وتقال على حسب الجو وعلى حسب المكان وتاخد لبوسا متعددة فى كل زمان وكل مكان زى فتاوى الترابى وشلة الانقاذ. الصديق صلاح شعيب مشتاقون وعازمك انت وناذر للتعليق وسماع اغنية جديدة بثوب اجَد قريبا والمساهمة فى حل ورطتى. مودتى ضياء ميرغنى
09-01-2007, 01:33 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
نجاة غرزة واحدة من مطربات بلادي حباها الله بصوت جميل يهبهب النفوس ويجبجب الصدور ويحرك "الشي زاتا".. نجاة غرزة ومن خلفها عازف الأورغن العملاق "الربع" صاحب أعلى دخل لعازفين الأورغن في بلادي لا تقول لي سعد الدين ولا تقول لي عمر قصاص.. "الربع" يعزف ونجاة غرزة تغني وتجي تقولوا لي "الشي زاتا" ما عرفتوها ؟ والشي بي الشي عند الله ما بروح شي .. وسجّل لي برااااااااااااااي انا سجّل لي الغرزة ..
09-01-2007, 04:15 PM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
الاغنية ذكرت قبائل كثيرة منها الشوايقة والحبش لماذا انت ركزت علي الغرابي رغم ان الغرابة ليس قبيلة بل هي موقع جغرافي وجزء من ارض السودان زي الشماليين وناس الوسط وناس الشرق وناس الجنوب وناس الخرطوم اها اذا كان الفنانة دي قالت (( والله نحنا الشمالين مانحن اسياد الشي زاتا )) تفتكر انو بيقصد منو ؟؟؟ وانت قلت في معرض حديثك بأن هناك اساءة للقبائل اذن الغرابة ما قبيلة والاغنية الهابطة ذكرت شوايقة وحبش لماذا فتحت البوست بأسم الغرابة تحديداً ؟؟؟ ما تجي تقول عشان ذكرت الغرابة مرتين ؟؟
تخريمة
انا اخشي انك تكون مؤلف الاغنية الهابطة دي وخصوصاً انك فنان اغاني هابطة
Quote: نجاة غرزة واحدة من مطربات بلادي حباها الله بصوت جميل يهبهب النفوس ويجبجب الصدور ويحرك "الشي زاتا".. نجاة غرزة ومن خلفها عازف الأورغن العملاق "الربع" صاحب أعلى دخل لعازفين الأورغن في بلادي لا تقول لي سعد الدين ولا تقول لي عمر قصاص.. "الربع" يعزف ونجاة غرزة تغني وتجي تقولوا لي "الشي زاتا" ما عرفتوها ؟ والشي بي الشي عند الله ما بروح شي .. وسجّل لي برااااااااااااااي انا سجّل لي الغرزة ..
عندي ليك غنية كاربة دايرة تحليل منك .. بتاعت واحد من الفنانين الطالعين في الكفر الأيامات دي بيغني غنية بالدلوكة وبطريقة توحيليك إنو بيغنيها وماسك دلوكتو أثناء ما هو قاعد في حفرة الدخان ..!!
نسأل الله السلامة بس ...!!
09-01-2007, 04:35 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الاغنية ذكرت قبائل كثيرة منها الشوايقة والحبش لماذا انت ركزت علي الغرابي
لأنو العنوان بتاع البوست مساحتو صغيرة وما بيستحمل أخت فيهو أسماء كل القبائل الإتذكرت .. بجانب إنو اللازمة بتاعت الأغنية (نحن أصحاب الشي زاتا) بدت بالغرابة وإتختمت بالغرابة برضو ..
Quote: دي قالت (( والله نحنا الشمالين مانحن اسياد الشي زاتا )) تفتكر انو بيقصد منو ؟؟؟
المشكلة يا بقال إنها ما قالت كدة .. لمن جات للشماليين فرتقت الجملة وذكرت الشوايقة والجعليين والمحسيين والدناقلة .. وقالت ليها قبيلة كدة أنا ما سمعت إسمها كويس ...
Quote: تخريمة
انا اخي انك تكون مؤلف الاغنية الهابطة دي وخصوصاً انك فنان اغاني هابطة
ما هو عشان أنا كنت (فنان هابط نائب) على وزن بشاشا (جلابي تائب) قررت أوضح ليكم وأفسر ليكم المقصود من العبارات دي نظام (شهد شاهد من أهلها وكدة) ..
09-01-2007, 04:45 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
طالما إنك جادّي يا ناذر وعايز تحارب الغنا الهابط .. أسة عليك الله هابطة "نحن أسياد الشي زاتا" ولّا " يا معاين من الشبّاك " ؟ تخريمة : انا جادّي جداً في المداخلة دي
09-01-2007, 06:08 PM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
العريــس .. ناذر الخليفة عوداً حميــــدا .. تعرف يوم الخميس الفات كنت معزوم في مناسبة .. ولقيته رسمية زيادة عن اللزوم .. فقررت أن أخرج من وقاري .. وأمارس الضهب في الرياض .. خصوصاً أن أصوات الساون في الإستراحات الحولي تغري أكبر مـوالانــا بالتضهب .. فدخلت أول إستراحة لقيت الفنان معز كرري .. سلمت عليهــو وين يافردة .. وحق الله بق الله وقعدته .. بعد داك عينك ماتشوف إلا ( الشئ زاتـــــا ) .. والله جضم ليك الغنية دي أحسن من غــرزة الديامية.. وأصابت الناس هستريا من الرقيص .. خلت معز كرري لفقه بي حنانه النسى أهلو مانسانا .. وتقدر تقول أنو أغنية حنانة أصبحت معلقــة حنانة .. لأنوا ذكر فيها إسم أي زول قاعد في الحفلة .. وكتر خيروا والله ذكر حتى إسم ولدي سعيد جــدو وبتي سمـــاح الكانوا في سابع نومه في البيت مع أمهم . نجي للموضوع : الحاصل في السودان وكمان في الرياض حالة من الإحباط العام .. تجعل الناس عندما تقصد الحفلات تترك زوقها السليم في المنزل وتترك وقارها كذلك .. وتصاب بالطرش الفني كما قال المرحوم ( الفكي عبد الرحمن ) مما يجعلهم في حالة بتاعت ظار ودســترة لايهمهم المضمون بل يحتــوه مايخلوا فيهــو حتـــه .. وبعد داك إنشاء الله مايفضل شئ ذاته ..
أما بخصوص تعريف الشئ ذاتـــــــــــــا .. دي حاجة بتتخته في الجبنــة .. وتخليك تتشربك شربيك .. مايحلك منهــا إلا صاحب الشئ ذاتـــــا .. عرفتوها ولا لا .. نصيحة : أعمـــــلوا حســـــابكم من الشئ ذاتـــــــــــــــــــــــــا .
مع السلامة . خالد الأرباب نحنا أسياد الضهب ذاتــــــــــــــــــا
09-01-2007, 06:22 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: الجديد في الموضوع إنو الغنا الهابط البيودي لي طريق بتاع تهييج قبائل بعينا والقصد منو ما التطريب بقدر زراعة العنصرية والكراهية ضد القبائل التانية رغم إنك ممكن تلقى في الأغنية كل قبائل السودان ..دايرين نوعية الغنا دا
ناذر العريس سلامات ومبروك تانى يا اخوى اكمال نصفك الحلو
فى البداية متفقة معاك حول حقنا فى ان نسمع غنا يستند على التسامح الاجتماعى بين الناس لكن حقنا ده لا ينفصل عن حقنا ايضا فى تغيير الظروف اللى انتجت هذه النوعية من الغناء مابتتفق معاى انو الغنا المتداول الآن انعكاس طبيعى للحاصل فى السودان؟ الارضية الموجودة الآن لاتصلح الا لنمو مزيدا من الطحالب... ده حسب راى المتواضع
09-01-2007, 06:27 PM
Deng Deng
تاريخ التسجيل: 11-28-2002
مجموع المشاركات: 52561
Quote: وقبل أن أكتب عن الأسباب التي أدت لفشل جميع الجهود التي بذلت من قبل إتحاد الفنانين وشرطة أمن المجتمع وشرطة المصنفات الفنية لإيقاف تلك المهزلة التي تسمى (غناءً) ، والأسباب التي أدت لإستمرارية محاولات (تشويه الذائقة الغنائية للأذن السودانية) عن سبق إصرار وترصد ..
يا ناذر يا اخوى الكلمة التحتها خط دى ما عارف انو تداولها هنا ممنوع اقرا البوست بتاعى اللكزس هدية ما علاقة شخصية وشوف المستوى الهابط بصاروخ عدييييل كدة تلقى نفسك بتأذن فى مالطا على الرغم من انه مالطا بنوا فيها مسجد وراجعة ليك تحياتى ام وضاح
09-01-2007, 09:54 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: وتقدر تقول أنو أغنية حنانة أصبحت معلقــة حنانة .. لأنوا ذكر فيها إسم أي زول قاعد في الحفلة .. وكتر خيروا والله ذكر حتى إسم ولدي سعيد جــدو وبتي سمـــاح الكانوا في سابع نومه في البيت مع أمهم .
أغنية حنانة دي زماااان عمر الفاروق كتب عنها وحصر أبياتا وطلع فيها ما أقل من سبعين بيت .. الكلام دا زمااااااان وهسي طبعا حا يكونو بقو خمسمية بيت عديييل ..
وبوستي البعد دا فيهو أغنية حنانا بي ثوب جديد وقشيب ..
فترقبوه !!
Quote: أما بخصوص تعريف الشئ ذاتـــــــــــــا .. دي حاجة بتتخته في الجبنــة .. وتخليك تتشربك شربيك .. مايحلك منهــا إلا صاحب الشئ ذاتـــــا .. عرفتوها ولا لا ..
حاجة زي الجنزبيل يعني ؟!!
09-01-2007, 10:30 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: لكن حقنا ده لا ينفصل عن حقنا ايضا فى تغيير الظروف اللى انتجت هذه النوعية من الغناء مابتتفق معاى انو الغنا المتداول الآن انعكاس طبيعى للحاصل فى السودان؟
طبعا بتفق معاك ميتين المية .. أنا أساسا كنت داير أكتب عن العلاقة بين إذدهار الغناء الهابط ورداءة الحالة الإقتصادية العايشين فيها الناس .. لكن قدر ما أجي أكتب ألقى في مداخلات ولازم أرد عليها ، عشان كدة قلت أخلي الكتابة في الموضوع دا للبوست الجايي بعد ما اخد امثلة وأفكار من دا ..
تسلمي كتير ..
09-01-2007, 10:41 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ولا علشان القصة زمان كانت الاغاني بتمجد قبائل معينة والان أختلفت أسماء تلك القبائل أو الجهات؟
ما في تمجيد إختفى .. أي شعراء ومغنين قبائل حا يستمرو يمجدو في قبائلن لي يوم الدين ودا ما غلط وما عيب ..
بس العيب في الأسلوب الهابط اليحصل بيهو التمجيد دا .. يعني هسي نجاة غرزة دي لمن تقول (والله نحن الجعلية ما نحن ؟أسياد الشي زااتا) .. قايلني حا أفرح ولا حا أقوم أبشر ليها عشان تديني شبال ؟!!
دا إنحطاط يا دينق وإفساد للذوق لا أكتر ولا أقل .. عندنا في السودان فنانين كتار ومحترمين وبيمجدو قبايلم وبيلاقوا الإحترام حتى من القبائل التانية زي صديق أحمد من الشمالية و يحي أدروب من الشرق و تريزا من الجنوب وعمر إحساس من الغرب ..
أما لو دخلنا لي بطون القبائل بالإسم حا نلاقى عشرات الفنانين وكلهم بيمجدو قبائلم بي إحترام وكلمات رزينة ومقبولة ..
ولا شنو ؟!!!
صنفرة :
زمان حنان بلو بلو الشمالية لمن كانت بتغني (قالو القليب حرق حرقوهو بالنار حرق يا ناس ود الغرب) ، سمعت بي زول جا إعترض ؟!!!
09-01-2007, 10:46 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
العريس العزيز ناذر .. كيفك مع الحياة الجديدة إن شاء مبسوط ومتهنئ .. ربنا يسعدك ويهنيك .. معليش دي تبريكات متأخرة خجولة ..
وطبعآ اتفق معك إلي حد ما أن الغناء إذا استثمر أجواء الاحتقان القبلي والجهوي السائدة اليوم سيكون أداة خطيرة في تمزيق الواقع الاجتماعي ..
أن الحساسية هنا ناتجة عن التوتر العنصري السائد .. وبالنسبة ليك انت كمان كعضو في هذا المنبر المتوتر أظن أن الحساسية مضروبة في ألف ..
بس برضو ياخي take it easy ـ الاغنية فيها تطريب رهيب ..
وبعدين يا عزيزنا شايف إنو الشوايقة ديل بقوا قاسم مشترك في معظم اغاني الحفلات .. الحكايي شني؟؟ .. الشي عارفينهم اسياد الشي ظاااتو ـ ما زاتها ـ واللا القصة شنو؟؟ ..
09-02-2007, 02:17 AM
bashir adam abdalla bashir adam abdalla
تاريخ التسجيل: 02-05-2006
مجموع المشاركات: 239
Quote: العريس العزيز ناذر .. كيفك مع الحياة الجديدة إن شاء مبسوط ومتهنئ .. ربنا يسعدك ويهنيك .. معليش دي تبريكات متأخرة خجولة ..
الحمد لله مبسوط ومتهني لا يعكر صفوي إلا الفنانات ناس نجاة غرزة وبقية الفنانين من أصحاب (الشي زاتا) !!
Quote: وطبعآ اتفق معك إلي حد ما أن الغناء إذا استثمر أجواء الاحتقان القبلي والجهوي السائدة اليوم سيكون أداة خطيرة في تمزيق الواقع الاجتماعي ..
أن الحساسية هنا ناتجة عن التوتر العنصري السائد .. وبالنسبة ليك انت كمان كعضو في هذا المنبر المتوتر أظن أن الحساسية مضروبة في ألف ..
والله يا منير بعد أحداث الإثنين والفظائع الشهدوها الناس بقت في حساسية شديدة جداً من ناحية القبائل والعنصريات وأقل شرارة بسيطة زي غنية هابطة عنصرية ممكن تخلي الدم يسيل انهار ..
Quote: أن الحساسية هنا ناتجة عن التوتر العنصري السائد .. وبالنسبة ليك انت كمان كعضو في هذا المنبر المتوتر أظن أن الحساسية مضروبة في ألف ..
أنا ما تخاف علي يا منير .. إتعودت المنبر كل فترة يهيج فيمي ويستعملني كبش فداء أو تغطية لبعض الأشياء البتخجل والناس بيخافو يخجلو يقولوها صراحة ...
لكن أنا بقول للعوج عوج في عينو مش زي ناس قريعتي راحت !!
Quote: وبعدين يا عزيزنا شايف إنو الشوايقة ديل بقوا قاسم مشترك في معظم اغاني الحفلات .. الحكايي شني؟؟ .. الشي عارفينهم اسياد الشي ظاااتو ـ ما زاتها ـ واللا القصة شنو؟؟ ..
09-02-2007, 08:28 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
لانو بستخرج من هجليج وأبو جابرة والمجلد وكده .. أحسنوا الظن ياناس !!
خلاص نحسن الظن ما مشكلة ...
أنا أساسا مستغرب ؟!!! القصد من البوست دا ما تفسير كلمة الشي زاتا .. لكن القصد الغنية الهابطة ككل .. لكن الصحافة 30 الله يديهو العافية عمل ليهو مداخلة عن الشي زااتا والناس إنجرت بي وراو !!
09-02-2007, 11:54 AM
Munir Munir
تاريخ التسجيل: 02-11-2002
مجموع المشاركات: 10496
تصدق ياناذر أنا من امبارح شغال بستمع للأغنية بمزاج طول وقت قعادي قدام الكمبيوتر !! .. والغريبة ان الاغاني البتجيبها وتقول عليها هابطة دائمآ بتكون جميلة جدآ .. وأنا بصراحة مرات بكون عندي هبوط واستمزج بالغناء النازل .. ما مهم الفنان يكون منو .. اذكر مرة في اجازة كنت قريب للسفر كدة عزمت الناس غدا .. وبالمساء لقيت ليك اخوي الصغير ـ وهو من شرامة الحلة ـ لملم ليك اصحابه الشرامة وفجأة اشتغلوا ليك الصيوان ومشوا ركبوا ليهو كشافات ونضفوا الشارع ورصوا ليك كمية من الكراسي .. وبعد شوية الدنيا فللت وإذا بالفنان صاحبهم ـ إسمه هيثم الخلا ـ ذاك الشباب الضرير ذو الصوت والأداء الرائع .. وبعد شوية لقيت ليك الحفلة قاجة بالساوند وتصوير الفيديو .. و انقلبت حفلة كاملة وانهرد شباب الحلة وبعد شوية جاء الضهب وانجذب من الحفلات الرسمية المجاورة .. والسر في ذلك الجذب والتطريب الجاب الضهب أن هيثم الخلا غني كوتة كبيرة من الغناء الهابط السوق .. ناس الدكاترة يا الستة ويا الشوق شاقاي شقانا وحاجات كده من قاع المجتمع .. فكانت حفلة عفوية شبابية شبه مجانية ـ ومنها اكتشفت ليك إن أخوي الاصغر ده اتاريهو بقي شخصية وليهو اصحاب يسدوا عين الشمش .. وألذ شئ كان : الغناء الهابط ـ نبض المجتمع الحقيقي ـ
يخيل لي يا ناذر أن المجتمع المكبوت بيغلي تحت السطح وداير ينطلق ولذلك تحرره هذه الايقاعات الموسيقية الساخنة والكلمات التي تأتي علي السجية وبدون تجميل وتكلف .. فالشغلانة كلها تنفيس في تنفيس ..
بعد شوية ما تستغرب تلقي الاغنية دي مدبلجة مع رقصة من رقصات الكاريبي الكاربة ديك وتلقاها مرفوعة في اليوتيوب ـ ويجوك المعلقين من كل بقاع العالم ويقولوا ليك ممكن نلقي الـCD بتاعها وين !!.. .. ..
بالنسبة لمفردة غرابة هذه فهي اصبحت حساسة لإرتباطها بتمرد دارفور والفصام الاجتماعي الذي سببته الحرب والروح العدائية الصاعدة التي ينفخ فيها ناس الحركات ضد ما يسمونهم جلابة ـ وذلك خلق جوآ من التضاد بين الغرابة والجلابة .. وذلك بدلآ عن الحال المفروض يكون طبيعي من تعايش سلمي وفخر مشترك ..
وتخيل اغنية زي دي وسط ديار الغرابة تقول نحن الجلابة ونحن اسياد الشئ ظاااطو ..
09-02-2007, 10:43 AM
ياسر الامير ابوجكة ياسر الامير ابوجكة
تاريخ التسجيل: 08-06-2007
مجموع المشاركات: 9
معروف الغناء الهابط يمتلك ناصية التطريب العالي ،،، والهدف ليس تركيب مفردات الاغنية تركيبا لغويا وانما خلق جو من التطريب يكسب الاغنية شعبية واسعة ودا الحاصل وسط الفنانات والفنانين الشباب في السنين الفايتة ،،، بالنسبة للفظة ( الشي زاتا ) الواردة في الاغنية لايفيد تفسيرها ولكن هي لفظة مستخدمة في غرب السودان بنفس تركيبتها ولاتحوير فيها ( أي أنها لاتقبل القسمة على إثنين ولاتغيير لفظها ) وربما انسجمت العبارة مع موسيقى الاغنية ودلف بها الشاعر من باب الوزن المقبول .
شكرا يا أخوي ناذر ،،،،، وحتى جديد المداخلة
ود الامير
09-02-2007, 01:11 PM
bashir adam abdalla bashir adam abdalla
تاريخ التسجيل: 02-05-2006
مجموع المشاركات: 239
Quote: اذكر مرة في اجازة كنت قريب للسفر كدة عزمت الناس غدا .. وبالمساء لقيت ليك اخوي الصغير ـ وهو من شرامة الحلة ـ لملم ليك اصحابه الشرامة وفجأة اشتغلوا ليك الصيوان ومشوا ركبوا ليهو كشافات ونضفوا الشارع ورصوا ليك كمية من الكراسي .. وبعد شوية الدنيا فللت وإذا بالفنان صاحبهم ـ إسمه هيثم الخلا ـ ذاك الشباب الضرير ذو الصوت والأداء الرائع .. وبعد شوية لقيت ليك الحفلة قاجة بالساوند وتصوير الفيديو .. و انقلبت حفلة كاملة وانهرد شباب الحلة وبعد شوية جاء الضهب وانجذب من الحفلات الرسمية المجاورة .. والسر في ذلك الجذب والتطريب الجاب الضهب أن هيثم الخلا غني كوتة كبيرة من الغناء الهابط السوق .. ناس الدكاترة يا الستة ويا الشوق شاقاي شقانا وحاجات كده من قاع المجتمع .. فكانت حفلة عفوية شبابية شبه مجانية ـ ومنها اكتشفت ليك إن أخوي الاصغر ده اتاريهو بقي شخصية وليهو اصحاب يسدوا عين الشمش .. وألذ شئ كان : الغناء الهابط ـ نبض المجتمع الحقيقي ـ
بالمناسبة دي ...
قبل فترة من الفترات كان عندي كم ساوند سيستم كدة في السوق لزوم الإيجار للحفلات فكان عندي عادة اللي هي لمن أجيب لي راس ساوند أو سماعات جديدة أو أطلع الساوند من التصليح ، طوالي بقوم برفع الساوند في أقرب حافلة وبلف على حوالي 10 فنانين وفنانات (نص تعيين وكدة) ! ونطلع طوالي على البيتش بتاع الجريف او بتاع جناين بري أو ود العقلي في الشجرة ،ونقوم نشر الساوند والاورغن في اقرب سهلة والباقين يقعدو في الفرشات ويسمعو ، شوية شوية الناس بتتلم وتكون حفلة مكتملة الدسم ..
الغرض من الطلعة دي هي التاكد إنو الساوند (حرق تش) وما فيهو مشكلة يحرجنا في مناسبة ولا حاجة عشان كدة بكون فاتحو أطول فترة وبقية الفنانين يغنو أو ما يغنو .. ما فارقة .. المهم الساون ما يتقفل لزوم التجريب وفي نفس الوكت يكون الجمهمور الإتلما فرح بي حفلة مجانية جاتو لحدي عندو ..
Quote: يخيل لي يا ناذر أن المجتمع المكبوت بيغلي تحت السطح وداير ينطلق ولذلك تحرره هذه الايقاعات الموسيقية الساخنة والكلمات التي تأتي علي السجية وبدون تجميل وتكلف .. فالشغلانة كلها تنفيس في تنفيس ..
بعد شوية ما تستغرب تلقي الاغنية دي مدبلجة مع رقصة من رقصات الكاريبي الكاربة ديك وتلقاها مرفوعة في اليوتيوب ـ ويجوك المعلقين من كل بقاع العالم ويقولوا ليك ممكن نلقي الـCD بتاعها وين !!.. ..
الشغلة فعلا تنفيس في تنفيس .. والأغاني الهابطة طروبة وموسيقاها راقصة .. لكن التنفيس دا ما ممكن يكون أحسن من كدة لو حاربنا الاغاني الهابطة دي ؟!!
Quote: وتخيل اغنية زي دي وسط ديار الغرابة تقول نحن الجلابة ونحن اسياد الشئ ظاااطو ..
ما أنا ما حا أقدر إتخيل إلا اعرف (الشي ظاااطا) مقصود بيها شنو !!
09-02-2007, 06:13 PM
Munir Munir
تاريخ التسجيل: 02-11-2002
مجموع المشاركات: 10496
Quote: والهدف ليس تركيب مفردات الاغنية تركيبا لغويا وانما خلق جو من التطريب يكسب الاغنية شعبية واسعة ودا الحاصل وسط الفنانات والفنانين الشباب في السنين الفايتة ،،،
بالضبط هو ما تركيب لغوي .. والدليل علي كدة إنو في بعض الاحايين ما في زول زاتو بيسمع الفنان بيقول شنو (الفنان او الفنانة يشيل ويرص في الكلام من عندو) !! والناس مندمجة مع إيقاع الاورغن وتنطط وتنقز ، ونهاية الحفلة يقولو ليك (يا سلااااااااام ياخ !! والله الفنان دا غناي بالجد !) ما تعرفم بيغشو في نفسهم ولا بيغشو قي الباقين !!
أغنية حنانا نسى أهلو ما نسانا قبل فترة تجاوزت أبياتا الستين بيت (دا لو صح وسميناها أبيات) !! وقبل يومين وقعت لي في غنية فيها زي سبعة أبيات جديدة لي حنانة ودي حا انزلا في البوست الجايي عشان عندي فيها شغل مختلف !!
تسلم يا ياسر ..
09-02-2007, 01:31 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
والله يا بشير انا هين وما عندي قشة مرة .. لكن البيحضرو الحفلات ديا والسمعوها من البوست دا قد يفسروها شي تاني .. وصراحة الأغنية بتحتمل كمية من التفاسير وما في زول بيقدر يلوم زول ..
تسلم
09-02-2007, 01:39 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ليه يا ناذر مزازيك الأغاني دى دائما حلوة شديد كده
بروفاتها دي بيعملوها فى ياتو زقاق
زمان في أول التسعينات قبل ما الاورغنات الحديثة دي تنتشر بالطريقة دي طارق جويلي بتاع فرقة عقد الجلاد عملو معاهو لقاء في الجرائد وحذر من خطورة دخول الاورغنات الحديثة دي للسودان وتوظيفا توظيف موسيقي ما سليم .. وما في زول أنتبه لي خطورة كلامو الوكت داك ...
وهسي الفاس وقع في الراس .. ما بين لقاء طارق في الجرائد ويوم الليلة دا البلد دخلت فيها عشرومية جهاز أورغن حديث بي إمكانيات اوركسترا كاملة !!
مزازيك الاغاني بيبرمجا العازف وبيدخل فيها جلكسات موسيقية ويسجلا في الجهاز بتاعو وفي الحفلة بيفجر إمكانيات الجهاز كلها وبتنتج لينا الموسيقى البتقول عليها حلوة دي ..
صنفرة :
حاليا الناس الفاهمين شديد ودايرين يقضو حفلة حلوة كدة بدون تكاليف مادية باهظة ، مابيفتشو لي فنان او فنانة صوتم حلو .. بيفتشو لي عازف أورغن حريف .. والفنان ما مشكلة حتى لو غنى ليهو بتاع الساوند طالما الموسيقى بتاعت الاورغن حلوة ومغطية على أي نشاذ !!
09-06-2007, 07:55 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
شايف الناس دى كلها عندها وجهات نظر متخلفه عن الموضوع!!!
ذى ماقال ليك دينق انو الاغانى دى موجوده من قمنا لدنيا دى من تمجيد لبعض القبائل على حسب قبيلة المحتفى به واقاربه وكدا!!
من خلال كلام الناس فى بعض الناس عايزه الغنى يكون كلوا ذى ود الامين و وردى!! يعنى غنى مقعدوبس...من تجاهلنا لناحية الزمنية والعمرية للمستمعين!!!
لا بد بان يكون فى غنى هابط ذى اغانى الحفلات دى..حتى يكون هناك تشكيل فى فى خارطة الاعانى السودانية ..يعنى ما من المعقول ..نكون نسمع غنى مقعد ومتزن ليوم الدين!! لزم يكون دق الباب وجانا ...وانا جريت ليهو حفيانه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناذر محمد الخليفة
Alsa7afa_30
محمد نور أحمد
عبدالكريم الامين احمد
Deng
Abdelmuhsin Said
صلاح شعيب
mamkouna
حيدر حسن ميرغني
altahir_2
هاشم نوريت
محمود ريحان
عمر الفاروق
ALGARADABI
jini
ابراهيم بقال سراج
Khalid Saeed
Ishraga Mustafa
essam&amal
Munir
bashir adam abdalla
ادم الهلباوى
.. وأنا بصراحة مرات بكون 
.. 
ياسر الامير ابوجكة
bob
فيس بوك
تويتر
انستقرام
يوتيوب
بنتيريست