عوض أحمودي !! عَلِمَنَا كيف نجعل اعوادنا تغني وتبكي وتجادل !!

Quote: يا سلام يا ناذر الأستاذ أحمودى مبدع متميز وليت "بيت العود السودانى" يصير حقيقة واقعة.

Quote: ناذر يا ود الخليفة .. كعادتي مشاتراً وشايت ضفاري ..

Quote: تعرف عوض احمودي عزاف مافيها كلام لكن في كتير من الأحيان اعتبر إنو عزفو من النوع المزعج !!! لأنو في غالبية عزف احمودي مع الفنانين تجده يكثر من اللعب على اوتار العود والضغط عليها بشدة فتجده يطغى حتى على صوت المغني وحتى في الفرقة الموسيقية تجد احمودي يحاول إظهار عزفه اكثر من باقي الالات ولا ادري ما السبب..

نحن العوادين ديل بنعرف السبب يا عمر ..

أنا كنت داير البوست دا يكون بوست اكاديمي تحليلي مع استصحاب راي المستمعين والمهتمين يعني زي ما تقول كدي نظام جلسة إستماع ومناقشة .. وأنا كنت عارفك حا تجي ناطي لكن ما قايلك حا تجي قريب كدي

أول حاجة موضوع انو عود يطغى على صوت المغني دي في نظري (لو حصلت) حاجة جميلة جدا خاصة لو جات من فنان مبدع زي عوض دا ..

Quote: عوض احمودي لديه عيب اخر وهو إصراره على المشاركة في الغناء مع كل فنان تتم إستضافته هذا إن لم يطلب احمودي من مقدم البرنامج ان يغني اغنية كاملة بنفسه ..

هسي عيوب صوتو دا ما شغلنا هنا ، وبالمناسبة يا عمر عوض دا اول ما انا شفتو كان قبل اكتر من عشرة سنوات في حلقة تلفزيونية وكان بيقلد طريقة عزف وغناء الموسيقار محمد الامين وبالجد صوتو ما بالشي البيخليك تقول إنو فيهو عيب ..

Quote: نعم العزف والخروج عن اللحن أو اللعب بي العود حاجة جميلة ومطلوبة في العزف حتى تخرجنا من رتابة اللحن لكن للأسف احمود يكثر منها حتى يكاد يفقد اللحن الأساسي رونقه .. تعرف يا ناذر انا بحب جداً عزف الكردفاني على الة العود لأنو عزف واقعي وما مزعج في كثير من الأحيان ( ما عارف حا تفهم لي مزعج دي انا قاصد بيها شنو ولا لأ ) ..

يا عمر ..
دي اجمل حاجة في العود .. ولو بتلاحظ في فرق كبير جدا لمن ود الامين يغني غنية بالعود ويغني نفس الغنية بالاوركسترا لإنو في حالة الأوركسترا إنت بتكون ملزم بي خط معين ونوتة معينة لكن لمن تكون براك إنت بتكون ملزم بي احاسيسك ومشاعرك تجاه الالة بس .. لاحظ إنو احمودي ما بيكرر اللازمة الموسيقية زاتا مرتين حتى لو كان في لحن دائري وإذا ما كان شغال مع اوركسترا وطلع من اللحن الاساسي فدي بيسموها حاجة تانية ..

صنفرة :

ممكن باقي الزملاء يجو يشرحوا ليك الأمور دي بصورة أعمق من كدة من ناحية اكاديمية !!

Quote: عوض حمودي مبدع من بلاد النيلين اتى به للمنبر فنان شاب ناذر ان يخرجنا من رتابة السياسة.. واصل واصل,و اين مقطوعاتك الجميلة..

Quote: أها دي المرة التانية في حياتك تقول كلام معقول. بقيت تباري المستنيرين و لا شنو?

Quote: ومشكلتي بكون متطرف لما تعجبني حاجة .. ورأيي في الاستاذ عوض أحمودي من الآراء المتطرفة ... باختصار بعتبرو (أمهر) من عزف آلة العود في السودان على الإطلاق ...ولا يلغي ذلك اعجابي الشديد بالعمالقة : أبو اللمين ، برعي ، بشير عباس... واكتر حاجة محيراني صراحة هي الطريقة البيمسك بيها الريشة..

Quote: عوض احمودي في كتير من الاحيان يغييب الحنية والحزن من الة العود ليثبت مدى كفاءته في العزف والتي لا يختلف عليها اثنان فلماذا دوماً يتلاعب بالاوتار؟؟؟

Quote: روعة العود لمن تستخدم الأرباع والانصاص ..

Quote: دي فيها مشكله هل استمعت أو رايت عادل الصديق المقيم بالسعودية جده؟؟؟ هذا هو (تمبعلو العود) لانه لايخضع لقانون الخوف لبيمول لb او دييز #

Quote: الأخ نادر طبعا حكاية ( تطرفي ) في الرأي الفني كان القصد منها (المبالغة) ليس إلا ، لكن في الواقع انا من أشد المقتنعين بحكاية الأذواق واختلافها بين الناس ، والحمد لله في كل مجالات الحياة لا انتهج التطرف وانحو للوسطية ..

وتسلم كتير على الجمال دا ..

Quote: يا ناذر الملاحظة عجيبة. شكل الريشة في يد هذا المبدع لوحة في غاية الجمال. حنان و عطف واصرار على الامساك و حكاية ودنيا..

Quote: اعرف تحيزك وحبك لالة العود وده البيخليك تفكر في موضوع بيت العود ده وإن كان برضو كلامك عن التلحين فيهو شي من المنطق بس ما كل المنطق البيخلينا نعمل ليهو بيت عدييييل في ظل غلاء الإيجارات (دي اسة خلوها شقة

حال العزف وترقية إداء السودانيين حا ينصلح كتير لإنو هسي في كتير من الاخطاء وعن فنانين كبار ومحترفين ..

Quote: يعني أسة يا ناذر عايز تقنعني إنو بشير عباس واحمودي والراحل برعي والكردفاني ديل كلهم بيمسكوا العود غلط !!!!

أنا ما قلت غلط يا عمر !!!
مالك داير تورطني في كلام انا ما قلتو !!

Quote: ديالمعلومة العايز اسمعها من ناذر لكن ناذر بيزوغ منها بي مبررات تانية !!

أنا ما زغت منها لكن في تباين واضح وأنا حا اوريك الفرق لي قدام ..

Quote: لو اتصلحت معاي ممكن اديكـ مليون تسجيل لي عادل الصديق لمن امسخ ليكـ احمودي - مع تقديري الشديد للاخ احمودي و عزفه الراقي

Quote: انا جاي تاااااني بالمناسبه شهر 12

أووووووووووووووووووووووووووووو

راجنك على احر من الجمر ومن هسي حلتنا حا (تجقجق)

Quote: شكرا ياناذر ونحن نحيي كل هؤلاء المبدعين ونتمني ألا يتوقفوا عن الممارسة والتمرين فالوقوف كارثة ونتمنى أن نسمع مؤلفات عوض الموسيقية السقيد واحدة من أنعم الريشات التي سمعتها في حياتي مع تحياتي لكل المساهمين هنا

Quote: اخى ناذر شكرا كتير لانزالك هذا البوست لانو عوض احمودى هو من كسر قاعدة الديناصورات الامير و القدير و الخطير و اخطر خطير اشهد بأنى موسيقى متخصص و اقولها بكل قوة عازف بمهارة عوض احمودى على آلة العود لم يظهر فى الساحة السودانية حتى الآن هو بس البشبه نفسو مع فائق التقدير

Quote: ولاحظت فيك انت الصراحه دي وهسع عند هشام كمال برغم علمي آنه لو سمع عادل الصديق خريج قسم التآليف لاصيب بدهشة كبيرة لبراعته النادرة

Quote: آما الاستاذ الزميل فقد آجحف في حق نفسه وحق الجمهور وحق شروق آيضا لانها لابد من آن تعرف بعض الارا للموسيقيين (المتخصصين)

صدقني ستعذر الرجل إذا ما إستمعت لاسبابه ومبرراته .. رغم إقتناعي التام بالضرر الذي سيسببه تصريحه للعامة إذا ما كتب إسمه وكما اسلفت نعاني في السودان وفي الوسط الفني من عدم شفافية وخلط العام بالخاص ..

وعلى كل حال فشروق يهمها ان تعرف راي المختصين وقد قرأت راي هذا الاستاذ وليس مهما ان تعرف من هو خاصة وان شهادنته غير مجروحة لانه مختص بحق ..

Quote: ناذر نحن برضو متخصصين

العفو يا موصلي
أنا صراحة اعجبت بالوضوح بتاع هشام كمال وانا زي ما انت عارف بحب الوضوح في الطرح ، ودا ما بينفي إنك كنت واضح وعندك رأي برضو كمختص إنو عادل الصديق ابرع من أحمودي رغم إني وللأمانة ما سمعت بي عادل دا ألا في البوست هنا ..

إحترامي الشديد ليو وليك .

Quote: عايزك تقارن بين تكنيك محمد الامين وعوض احمودي وعايز اجابه دوغري

Quote: بالرغم من إنك بتصر على انك تتمنى ان تكون موعود بي صولو مع احمودي إلا إنو انا حاسي عندك عليهو ملاحظات بس ما عايز تحبط ناذر فيها ولا شنو ؟؟؟

Quote: سلامات.. دعوة للإستماع وردي/عوض أحمودي : أول غـرام

Quote: ما اظنك قريت الكلام ده ياناذر