|
|
 سانتوووووس ناااااااااااوووو ...... سانتووووووس نررررررر !!!!!
|
أحد أصدقائي في حيرة بالغة من أمره !! حيث أنه ولد وترعرع في إحدى دول الخليج وأكمل تعليمه الجامعي في إحدى دول أوروبا ثم عاد للخليج ثانية وتزوج من إحدى قريباته ، ومن ثم رجع للسودان الذي فارقه وهو رضيع للإستقرار النهائي اما زوجته فلم تزر السودان مطلقاً !!
وقد رزقهما الله بطفل جميل أكمل عليهما سعادتهما وبهجتهما وملأ عليهما البيت حبوراً وسعادة .. زرته قبل يومين فوجدته وزوجته يعانيان من العثور على العبارات المنمقة لإلهاء طفلهما أو مساعدته على النوم أو حتى اللعب معه ..
ذكرت له أن ذاكرتنا الشعبية ممتلئة بالكثير من عبارات الهدهدة والأغنيات الملحنة الصغيرة التي كانت أماتنا وحبوباتنا يغنوها لنا عند النوم أو عند اللعب وأنهما بكل تاكيد قد يكونا يحفظان بعضا من هذه الجمل ، فنفيا لي حفظهما لاي من تلكم العبارت بسبب نشأتهما خارج السودان ..
تذكرت لحظتها بعضا من الجمل والأغنيات الصغيرة التي توارثتها الأجيال منذ أمد بعيد وترسخت في ذاكرة الامهات والحبوبات وجاءني خاطر مرعب عما إذا كان ذلك التراث في طريقه للإنقراض بفعل تطور الزمن وظهور المؤثرات والوسائط الاخرى التي تقوم بذات الغرض ؟!.
ماذا لو قام أحد الباحثين بجمع (عبارات وأغاني الهدهدة) هذه في كتاب ضخم على قرار كتاب (الأحاجي السودانية) والذي جمع تراث حكاياتنا الشعبية ووثق لها للأجيال القادمة ؟!!
فكرت أن نقوم جميعا في هذا البوست وخاصة الكبار سنا من الأعضاء (جدوداً وحبوبات)  بمحاولة تذكر وكتابة هذا التراث للحفظ حتى يسهل للباحث عنه إيجاده مستقبلاً ..
لنبدأ الأن ..
|
|
 
|
|
|
|
|
|
|
 Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
أذكر ان جدتي رحمها الله كانت إذا ما أرادت أن تجعلني أنام سريعاً تضعني على حجرها ومن ثم تأرجحتي بين يديها وهي تغني لي في لحن مموسق الكلمات :
النوووووم النووووم
النووووووووووووم النووووم
النووووم تعال
سكت الجهال
سكت الجهال
يا النووم تعال !!
وتستمر في ترديد تلكم المقاطع حتى أنام ..
وقد وجدت أن هذه الكلمات البسيطة تستخدمها أغلب الأمهات والحبوبات في مناحي السودان المختلفة حتى الان ..
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
نسيت أنوه أن عنوان هذا البوست عبارة عن لعبة أو ملهاة كانت تستخدمها أمهاتنا لجعل الطفل يضحك أو يخلد للنوم وذلك بأن تمرر الأم أصبعها في وجه طفلها تحديداً أنفه ثم تقول له : سانتوووووووس !! وتلقن الطفل بأن يحاكي صوت القط بان يرد على أمه بالصوت : نااااااااوووووووو !! وبعد ترديد هذه المقاطع ثلاث أو أربع مرات تلقن الأم طفلها بأن يحاكي صوت الجرو دلالة على الغضب ونفاد الصبر ، فيكون الدويتو : ساااانتووووس فيرد الطفل متصنعاً الغضب والنرفزة : نررررررررررر !! وبعد ثلاثة او أربعة ترديدت لي عبارة نررررررر .. وفجأة دون إتفاق يحاكي الطفل صوت هوهوة الجرو محاولا عض صباع أمه التي تسحب أصبعها بسرعة ثم تضم طفلها لصدرها، وهكذا دواليك حتى ينشغل الطفل بهذه اللعبة عما كان يطالب به أمه أو تريده ان تنساه فيأخذ منه التعب مبلغه فيخلد للنوم ..
هل تتذكرون هذه اللعبة التي كانو يغفلونكم بها قديماً ؟!
| |
|
|
|
|
|
|
|
|
 Re: سانتوووووس ناااااااااااوووو ...... سانتووووووس نررررررر !!!!! (Re: حسن الجيلى سعيد)
|
تييييييييييييب انت نسيت باقى القصة البقت لسه
السؤال كان زمان عندكم كسرة (نوع من الخبز) ياناس الخليج وكده ؟
عندكم مويه (دى معروفه) هسع بقت معبيه فى البلاستيك !!!
عندكم ......... عندكم ......... عندكم.................الخ
هسع يابلد السؤال بقى :
عندكم شيبسى (بطاطس مقشر ومحمر ) ياناس زمان
عندكم بيبسى (اظن ده معروف - الرصافى)
عندكم موبايل (لى شفع السودان ... عندكم شريحة)
طبعا الحاجة (الكويسة) اللحن هو زاتو ما اتغير
والله انا خايف بكرة يغنيها واحد الناس يقولوا ليك سمعت بى غنية الحقيبة الجديدة
ياناذر انت كان بنوموك بى شنو؟
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
الأستاذ كمال عوض ..
| Quote: يا قمرا اقلبي السنسنة الحمرا شوفي ابويا ليه ما جا |
وهذه أغنية شهيرة للهدهدة إن لم تكن أشهرهم على الإطلاق .. لدرجة ان بعضا من الفنانين السودانيين وفناني الطمبور أدخلوها في أغنياتهم وأشعارهم للمذيد من الحنية والعزوبية في ألحانهم مثل الفنان مصطفى سيد أحمد في أغنية (كتبت ليك) وأيضا الفنان النور الجيلاني في أغنية لست أذكرها الأن ..
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
ناقصة لكن
Quote: ضباح كسرة بملاح
دا الضبحو
ودا النجضو
ودا القسمو
ودا الاكلو
تن تن تن بيت العجوز بى وين ....تن تن تن بيت العجوز بى وين
|
بعد ما يصلو بيت العجوز في ضرب للباب والسؤال : عندكم موية ؟ الإجابة : لا لا ما عندنا .. بعد داك الأم (تكلكل) طفلها عشان يضحك وهي بتقول : ودي شنو دي شنو دي شنو
صنفرة :
كنت دايرك تشرح للقراء تفاصيل اللعبة وكيفية مسك الأم لطفلها وحسابها بأصابعه وصولا إلى أسفل إبطه حيث بيت العجوز 
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
هناك حبوبة تحاول أن تجلب النوم لي حفيدها الصغير فكانت تغني له أثناء الهدهدة :
اللوووووووول لي ود الخزين الداخرنو لي عوج السنين
اللوووووووول لي ود الخزين الداخرنو لي عوج السنين
الجنينتو في خشم البحر والشتلة بتكب الرحل
ساعي الحمير ساكت بطر وخمسين دعول داجنا بقر
اللوووووووول لي ود الخزين الداخرنو لي عوج السنين
اللوووووووول لي ود الخزين الداخرنو لي عوج السنين
قال لي كان درت حجة بحججك وفي درجة اولى بركبك
بقلع خزينتي وأشهلك ولي عن سواكن اوصلك
اللوووووووول لي ود الخزين الداخرنو لي عوج السنين
اللوووووووول لي ود الخزين الداخرنو لي عوج السنين
صنفرة :
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
صلاح واثبة ...
Quote: ناذر والله أنا ماعارف لكن لو في زرار دوسناهو حسع وطلعنا لينا نافورة
كتب حكاوي وأغاني الهدهده حنكون عايزين لينا زرار تاني عشان يطبع
لينا كتب تعليم اللغة العربية فهؤلاء من ولدوا ونشأوا في دول أجنبية
يجدوا أنفسهم أمام طلاسم لا تقل عن طلاسم اللغة الهيروغلوفية ولتكن المحطة
القبل الأخيرة من طرح هكذا إقتراح التأكيد على كل من أراد الله له أن
يعيش في تلك البلاد أن يحرص على تعليم أبناءه اللغة العربية حتى يتسنى
لهم قراءة أغاني الهدهدة .
|
أي والله .. عشان كدة انا دايما كان رايي إنو الغربة في دول أوروبا حقو يكون حدها بس لمن يصل الأولاد سن المدرسة ولازم بعد دا يرجعوهم السودان عشان يتعلموا اللغة العربية وسط أهلم ..
Quote: طبعا الكلام ده يا أبوألنيذ أنا أول من يوجه له وأحكي ليك حكاية
شهد بنتي ( خمسة عشر عاما ) عندما أحضرت مجموعة من الشرائط العربية
كان من بينها مسلسل أدمنت مشاهدته بس بقت كل مادايرة تدخل ليها
شريط تجيبوا لينا مستنجدة ده ياتو شريط يا بابا ?
وتجدر الإشارة إلى كثير من الأسر التي تغلبت على هذه المشكلة ببذل مجهود
مقدر في تعليم أبناءهم اللغة العربية فالتحية لهم .
|
والله يا صلاح الكتير من الأسر الإضطرت تقعد كتير في الغربة ساهمت بي نفسها في تعليم أبناءا التقاليد واللهجات السودانية بدون ما يعتمدو على المدارس العربية الموجودة في مدنم وأمكن دا قلل من المشكلة شوية لكن برضو غير كاف ..
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
ودى مشاركه منى يا ناذر لانو بوستك دا رهييب
جو جو رجال الليل
جو جو البشدو الحيل
جوجو البعدلو الميل
جوجو لى وليدى جو
جوجو ناس ود بلال
جوجو راكبين صهال
جوجو البعدلو المال
جو جو يغتو عليهو
جوجو ويزيلو البيهو
جوجو بى قدرة الله
*********************
البنيه مالا .. دى البنيه مالا
البنية مالا ... دى المستور حالا
البنيه مالا .. دى السمح فالا
البنيه مالا .. سدو لى مالا
البنيه مالا ... عقدو رجالا
البنيه مالا ...جاتنى بى عيالا
البنيه مالا .. ربطو حجالا
البنية مالا ... دى الوفير مالا
والبقيه تاتى ...........
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: Randa Hatim)
|
سلامات يا ناذر
سمعت بنكتة استاذة الصف بتاعت سنة اولي ولدها صغير تسوقو معاها المدرسة وجوة الفصل لمن يبكي تقعد تغني (هوها يا هوها هوها سنة اولي قولو ااا ( حرف الالف ) .
واحدة من الهوزيزات برضو
دوها يا دوها بير زمزم حفروها
والحجاج شربوها
بابا سافر بيت مكة
جاب (لهناي) حتة كعكة
والكعكة جوة المخزن والمخزن داير مفتاح
والمفتاح عند النجار والنجار عاوز قروش
والقروش عند السلطان والسلطان عاوز عروس
والعروس عاوزة المنديل
والمنديل.. الخ
الخ..
(تعبت ويدي وجعتني ونفسي اتقطع والشفع لا محال نامو......................)
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
رندة حاتم .
Quote: جو جو رجال الليل
جو جو البشدو الحيل
جوجو البعدلو الميل
جوجو لى وليدى جو
جوجو ناس ود بلال
جوجو راكبين صهال
جوجو البعدلو المال
جو جو يغتو عليهو
جوجو ويزيلو البيهو
جوجو بى قدرة الله
|
مشكورة يا ستي .. أوعي تقولي لي دي الكانو بيهدهدوك بيها زمان وحافظاها لحدي هسي ؟!
حبوبتك تهوزز فيك عشان تنومك وإنتي أضانك في الغنية تحفظي فيها معقولة بس !
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
ريهان الريح ..
Quote: سمعت بنكتة استاذة الصف بتاعت سنة اولي ولدها صغير تسوقو معاها المدرسة وجوة الفصل لمن يبكي تقعد تغني (هوها يا هوها هوها سنة اولي قولو ااا ( حرف الالف ) .
|
دي مالا قريبة للأستاذة الشايقية البتدرس شفع سنة أولى قالت ليهم أاا ألف الشفع ما قالو حاجة .. قالت ليهم تاني أاا ألف قولو بي قفاي !! كلهم قالو بي صوت واحد (بي قفاي)
Quote: دوها يا دوها بير زمزم حفروها
والحجاج شربوها
بابا سافر بيت مكة
جاب (لهناي) حتة كعكة
والكعكة جوة المخزن والمخزن داير مفتاح
والمفتاح عند النجار والنجار عاوز قروش
والقروش عند السلطان والسلطان عاوز عروس
والعروس عاوزة المنديل
والمنديل.. الخ
|
والله يا ريهان ما تتصوري لو قلت ليك من امبارح بحاول إتذكر في الكلمات الفوق دي وما قدرت ..
والفوق دي برضو من أشهر الهدهدات في جميع مناطق السودان على ما أعتقد ...
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
حبيبنا ناذر
يام احمد دقي المحلب
في توب احمد
احمد غايب في الاكايب
جانا كلب سنونو صفر
حلب الناقة الفي الشنقاقة
اولاد مسعود التسع قرود
حاحو الطير من راس العود
يا ناذر الترنيمات كثيرة وفي الزمن الحديث اصبحوا يتغنوا باناشيد الروضه وخاصه ( الحناكيش )وناس الخليج فمثلا
واحد اثنين تلاتة ابرتي الخياطة
رايح وين ( وتقول اسم الطفل ) رايح اجيب شكلاته ( شفت الزمن تغير كيف)
انت ومين يا ( اسم الطفل ) انا وبابا وماما ( بدل ابوي وامي )
بابا يصلي صلاه العيد وماما تعمل كعك العيد وانا البس الجديد
بصد ليك راجع
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
النوم النوم يالنوم النوم
النوم تعال سكت الجهال
الجهال دايره اللبن
اللبن عند البقر
البقر عايزة الحشيش
الحشيش عايز المطر
المطر عند ربنا
ربنا ياربنا
ربنا جيب المطر
***
الغريبة تذكرت اليوم عند المغرب
أغنية كانت فى مسلسل مصرى يومى أيام زمااااااان
وإستغربت السبب الذى دعانى لتذكرها!
ربما كان الجد هو بابا عبده
والجدة أو الأم هدى سلطان أو وردة(لا أذكر)
الأغنية كان فيها:ـ
توووت توووت
توووت تووت
توت تووت تووت تووت توووووووووت
,,,
..
دا أول أطر ينام فى بيوت
,,,
يلا يا أولاد شدوا الملايات و أتغطوا وناموا
واللى يغمض حايشوف فى منامو
,,
تندغوا نداغة
توت توت توووت
,,,
تاكلوا شكلاتة
توت توت تووت
..
الحكاية كانت هيصة اليوم داك والظاهر ناموا لكن من الإرهاق
وبشوية سيرش..عن تندغوا نداغة
***
Quote: معكم من عالم الطفولة المشردة خبيرة أغاني الأطفال الآنسة بسملة و حلقة خاصة جدا من برنامجكم
" في بيتنا طفل مشاغب "
وااااااااااااااااااااااااااااااااااااااااااااااااااااااااااااو
حبايبي الحلوين الأطفال السهرين أمام شاشة التليفون في الجزء التالت من السهرة
حانقدم لكم أجزاء من غنوة من التراث كانوا بيسمعوها الأطفال زماااااااااااااان أيام ما كانوا أطفال عندهم حاجة كده إسمها البراءة قبل ما يطلع الدش و النت و خلافه
توووووووووووووووت توووووووووووووت تووووووووووت توووووووووت توت توووووووووووت تووووووت تووووووووووت توووووووووت
شدوا البطاطين - " مش عارفة إزاي في الحر ده " - و اتغطوا و ناموا و اللي يغمض حايشوف في منامه جنات و أحلامه قدامه ........ مبسووووووووووط
تصبحوا على خير يا تلات قمرات
توت تو ت توت طلوا على سطوحي
يا تلات وردات على شجرة توت
تاكلوا شوكلاته توت تو ت توت
تندغوا نداغة توت توت توت
دلوقتي بقى الأطفال بتغني
" ما فيش حاجة تيجي كده " جيل 2005
أطفال 2005 إيميلات كتييييييييييير بتطلب نانسي و حكيم و حمادة هلال في أغاني العاطفة الحزينة
يا عيني عليكوا يا أطفال
دلوقتي جه ميعاد فيلم السهرة و نقدم لكل الأطفال من سن ست اشهر إلى 8 سنوات فيلم المرأة و الساطور
أسعد الأوقات على شاشة قناة المشردين
باحب أغنية توت توت جدا بس حبيت لأأهزر شوية عشان رايقة النهارده |
منقول عن
http://www.maganin.com/forum/forum_posts.asp?TID=1428
بالله شوف وديتنا وين يا أبو النييييذ
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
باش مهندس محمد كيفك ..
Quote: النوم النوم يالنوم النوم
النوم تعال سكت الجهال
الجهال دايره اللبن
اللبن عند البقر
البقر عايزة الحشيش
الحشيش عايز المطر
المطر عند ربنا
ربنا ياربنا
ربنا جيب المطر
|
تعرف الظاهر هدهودة النوم النوم دي طويلة خلاص لانو غير الكتبتو أنا والكتبتو إنت واحدة من خالاتنا سمعتني كمان قريب العشرة كوبليهات زيادة
Quote: توووت توووت
توووت تووت
توت تووت تووت تووت توووووووووت
,,,
..
دا أول أطر ينام فى بيوت
,,,
يلا يا أولاد شدوا الملايات و أتغطوا وناموا
واللى يغمض حايشوف فى منامو
,,
تندغوا نداغة
توت توت توووت
,,,
تاكلوا شكلاتة
توت توت تووت
|
أي والله من ما قريت كلامك دا طوالي إتذكرت الكليب دا والشفع الأمهم دايرة تنومهم لكن أبوهم سواق القطر مغلبم بي محاكاة القطر ..
إيداع والله يا باش مهندس كونك تتذكر لينا الأغنية المصرية دي ..
تسلم كتير .
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
جمال هباني ..
كها هو توم لمبا تايم نهي ظاهر في المنبر
Quote: يام احمد دقي المحلب
في توب احمد
احمد غايب في الاكايب
جانا كلب سنونو صفر
حلب الناقة الفي الشنقاقة
اولاد مسعود التسع قرود
حاحو الطير من راس العود
|
دي ما تبع يا طالع الشجرة ولا شنو ؟! لأني شايف سعد الدين أضاف الشنقاقة دي في يا طالع الشجرة ديك !!
Quote: واحد اثنين تلاتة ابرتي الخياطة
رايح وين ( وتقول اسم الطفل ) رايح اجيب شكلاته ( شفت الزمن تغير كيف)
انت ومين يا ( اسم الطفل ) انا وبابا وماما ( بدل ابوي وامي )
بابا يصلي صلاه العيد وماما تعمل كعك العيد وانا البس الجديد
|
دا هين إنت عارف حناكيش الزمن دا بدل (لما كنت صغير بلعب في التراب) بيقولو شنو ؟!!
لما كنت صغير بلعب في الموكيت
ماما لبستني الجزمة والتي شيرت
| |
|
|
|
|
|
|
|
|
|
Re: سانتوووووس ناااااااااااوووو ...... سانتووووووس نررررررر !!!!! (Re: ناذر محمد الخليفة)
|
الأخت خالدة البدوي ..
Quote: طبعاكل الاسماء بتكرار
والتكرار يسبب النعاس
|
وأنا أعتقد ان هذا التكرار هو ما يجعل تركيز الطفل منصبا تجاه فم من تهدهده لأنه يتوقع جملا وكلمات معينة كررتها الأم على مسامعه فعلقت بعقله وصار ينظر مترقبا ومركزا فكره ناحية فم والدته او جدته حتى يتأكد تماما انها ذات الكلمة المكررة ولو كانت الام أو الجدة لا تكرر الكلمات فغالبا ما يرهق ذلك ذهن الطفل فيشعر بالضيق ومن ثم يطير النعاس من عينه بسبب عدم قدرته على تتبع وقع الهدهودة المكركة على أذنه ..
والله اعلم ..
| |
|
|
|
|
|
|
| |
ناذر محمد الخليفة
حسن الجيلى سعيد
علوبه
saadeldin abdelrahman
Salah Waspa
يسرى معتصم
ريهان الريح الشاذلي
خالدة البدوي
فيس بوك
تويتر
انستقرام
يوتيوب
بنتيريست