عشت ، و لا أزال، معظم عمري خارخ السودان. خمسا و عشرون عاما بحالها. تعرّفت علي فنّانين سودانيين كثر، و للمرّة الأولي، عبر منتدي سودانيزاونلاين. لفت أنتباهي من جملة أولئك الفنانين الذي شغلوا الساحة الغنائيّة السودانيّة في غيابي قلّة منهم تعدّ بأصابع اليد الواحدة. من بين تلك القلّة المتميّزة: الفنّان المتمكّنك حمزة سليمان. في تقديري أن الاغنية أعلي: " بحبّك حب شديد بلحيل " تعتبر من أجمل ما إستمتع له من الغناء السوداني في الأونة الأخيرة. اّمل أن يطّلع الأستاذ حمزة سليمان علي هذا البوست.
تداخلت في خيط سايبيري إفترعته الصحافيّة المتمكّنة أيضا: نادية عثمان مختار. و أبديت في ثنايا ذلك البوست إنتقادا سلبيّا لكلمات النشيد الوطني السوداني " نحن جند الله، جند الوطن " فالمعروف أنّ هذا النشيد كتبه الشاعر السوداني المعروف: أحمد محمد صالح في حق الجيش السوداني. و كلمات النشيد تشيئ بذلك المضمون. و بين المطالبة بالأستقلال و الحصول عليه لم يكن ثمة متّسع كبير من الزمن. كان من المنتظر أن تجري منافسة لأختيار كلمات تصلح كنشيد وطني لودولة السودان الوليدة. و لضيفق الزمن، أقترح عميد ال الكلمات الصحافيين السودانيين و صاحب جريدة السودان الجديد المستقلة و الذائعة الصيت اّنذاك: أحمد يوسف هاشم: الكلمات الملحّنة التي كانت تؤدّيها فرقة الجيش السوداني: " نحن جند الله، ...." كنشيد وطني للبلاد الحديثة الإستقلال، تحت إسم : نشيد العلم، لعلي أن يجري تعديل وجيز في نهايتها يحمل ذلك المعني هو: " يا بني السودان هذا رمزكم ( المقصود بالرمز هنا: علك السودان )........." كنت و لا أزال أري أن نشيد " نحن جند الله لا تتّلإق كلماته مع القيم و المقاصد التي تحفل بها الأناشيد الوطنية لجميع أمم الأرضز و طالبت بتغييره, و اقترحت كبديل جاهو نشيد: أمّة الأمجاد ". ثم أنّي مضيت أبعد من ذلك و طالبت أن يغير أسم البلاد : " السودان " , هو أسم أطلقه الغير علينا إستنادا علي لون سحناتنا. لذا أراه إسما غير مناسب كرمز وطني يعبّر عن مجدنا التليد و الحاضر و طالبت بتغييره. و اقترحت بديلا مناسبااّخر هو : سنّار. و كنشيد و طني يوافق هذا الإختيار ، اقترحت أن يقوم ملحّن سوداني متمكّن بتلحين مقطع مناسب من القصيدة الديوانيّة: : " العودة الي سنّار " للدكتور: محمد عبد الحي لهذا الغرض. يبقي السؤال الملح: من يملك المؤهّلا ت الفنية للقيام بهذا الوطني الكبير خير قيام؟ في تقديري ان: الاستاذ حمزة سليمان أهل لهذه المسئوليةّة العظيمة. فهل نطمع أن يقوم الأستاذ حمزة سليمان بالنظر في كلمات قصيدة : " للعودة الي سنّار - و ألتي سيجدها في هذا المنبر إذا استعمل خاصيّة البحث و كتب إسم بيان، أعني د. نجاة محمود أو : wedzayneb ، حيث أنّي شاركت في بوست أفترعته بيان موضوعه: قصيدة: " العودة الي سنّار "، و قمت بإلصاق القصيدة كاملة في واحد من خيوط ذلك البوست القيّم - و ينتقي مقطعا مناسبا من تلك القصيدة الخريدة و يقوم بتلحينه. أنا لا أتوةقّع أن يحدث تبديل للإسم الذي يرمز لدولتنا الراهنة في المستقبل القريب، و رب!ّما المنظور. لكنّي في جميع الأحوال أري أن تلحين مقطع مناسب ما من قصيدة: " العودة الي سنّار " يعتبر لفتة بارعة و إحتفال مقدّر بهذه القصيدة السودانية الخالدة: " العودة الي سنّار ". فهل يجد إقتراحي هذا القبول من الأستاذ حمزة سليمان أو أي ملحّن سواني مقتدر أّخر؟
طارق الفزاري
ود زينب
01-02-2007, 05:47 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
شكرا دينمو البورد و نوّارته: الفناّن ناذر الخليفة و أنت تتحفنا بروائع فنّان اّخر: حمزة سليمان، و تهيئ خيطك السايبيري هذا لمعالجة موضوع جانبي خاطبت عبره فنّاننا المبدع: حمزة سليمان ليدلو بدلوه فيه. و أسعدني كثيرا تهيئتك للنص الكامل للقصيدة الديوانيّة الخالدة: " العودة الي سنّار " ليعيد النظر فيها الأستاذ حمزة سليمان و فنّانون اّخرون أمثالكم. في تقديري أنّ نص " العودة الي سنّار يحوي مقاطع مقفّية تصلح للإنشاد. و بأمكان الفنّان و الملحّن المتمكّن إنتقاء كلمات من هنا و هناك من نص القصيدة، دون الإخلال بمضمونها، أو إختيار نص لا تتوفّر فيه قافية و يستطيع بما أوتي من موهبة خلاّقة أن يلحّن هذا المقطع المنتخب بشكل بديع. و أكاد أجزم أنّ القصيدة جميعا، أو جلّها، إذا توفّر لها الفنان ا لملهم سيستطيع أن يستلهم من نصّها لحنا عظيما خالدا، يكون أشبه بملحمة ود الأمين. اّمل ألا يطول إنتظارنا للفنّان حمزة سليمان و فنّانين اّخرين بالبورد؟
طارق الفزاري ود زينب
01-03-2007, 06:54 AM
تماضر الخنساء حمزه
تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: ساحاول الحصول على الاغنية كاملة بس اديني فرصة فهي موجودة عندي على كاسيت باصوات عدد من المطربين التراثيين
منتظرك وأخد راحتك ويا ريت لو في طريقة انزل لينا نماذج للغنية بالأصوات التانية .. حا تكون حاجة جميلة جدا لمقارنة بين القديم والحديث في طريقة إداء الغنية دي ..
01-04-2007, 00:51 AM
ahmed khidir
ahmed khidir
تاريخ التسجيل: 03-20-2003
مجموع المشاركات: 1004
ناذر الخليفه كل سنه وانت طيب دى اجمل عيديه حمزه سليمان لحان لحان لحااااااااااااااااااااااااااااااااااااااااااااان حمزه سليمان فنان متميز. واقول ليك سر الموفشار ضمن اغنيات البوم عمر بانقا الجديد عما قريب باذن الله والتحيه للمبدع الاصيل حمزه سليمان
عمك احمــد خضــر
01-04-2007, 09:26 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: واقول ليك سر الموفشار ضمن اغنيات البوم عمر بانقا الجديد عما قريب باذن الله
من هسي أمانة في زمتك لو عندك أغاني الألبوم كاملة أجدعا لي عشان نسمع معاكم وخاصة المو فشار دي .. وصدقني إتخيلتها كلها وسمعتها في خيالي بي صوت عمر بانقا ..
في إنتظارك
01-08-2007, 01:04 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
يا ناذر سلامات وكل عام وأنت بخير هذه من الأغاني التراثية المعروفة في مناطق الجعليين وقيلت مدحا لمختار ود رحمة زعيم الجعليين في مناطق بربر والعبيدية كانت ترددها حميرا رحمها الله ورددها حسين شندي وفنانون آخرون. هناك عدد من المقاطع لم ترد في تسجيل الفنان حمزة سليمان منها:
يا الماسِك الدِريب طلّش ديل ناس (رحمة) ما تِنغش وما تازن الحديد بالقش لي المو فشّار.. سمحة القدلة فوق مختار.
لك الشكر والتقدير
01-08-2007, 06:36 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: هناك عدد من المقاطع لم ترد في تسجيل الفنان حمزة سليمان منها:
يا الماسِك الدِريب طلّش ديل ناس (رحمة) ما تِنغش وما تازن الحديد بالقش لي المو فشّار.. سمحة القدلة فوق مختار.
تسلم على المعلومة .. بس يا ريت لو عندك الأغنية كاملة لأنو في بعض الكلمات فلتت مني أثناء الإستماع وهسي إنت كمان جبت لينا مقاطع إضافية من الأغنية ما واردة في صوت همزة سليمان ..
01-10-2007, 03:30 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
العزيز زيزو سلام ينبغي عليك ان تتخذ شخصا ما مرجعا لك في الحياة.أنا شخصيا اذا اشكل على اي امر ارجع الى صديقي بدر الدين مصطفى وهو محاسب يعمل في جده ويعرف حاجات كتيرة في الدنيا. يقول بدر الدين في شان مختار ما يلي:-
القصة كما يتداولها الأهالي هناك: أولاً : مختار هو مختار ود رحمة ناظر الميرفاب، بالعبيدية، مختار دا مضرب مثل في الكرم من ضمن قصصه الكثيرة إنو مرة جاء ضيف ولقى باب الديوان مقفول، نام برة جنب الباب وفي الصباح لمان مختار صحى ولقاهو، سألو ليه نايم في الشارع : قال ليهو جيت متأخر ولقيت باب الديوان مقفول، فأمر بأن تزال جميع الأبواب ما عدا بيبان الحريم، وكانت أبوابو مشرعة للكل.. ومن ضمن صفاتو إنو بيكرم أي زول كبير ولا صغير، راجل ولا مرا لو لاقوه شافع في الشارع وقال ليهو أدني جلابيتك دي بيديها ليهو ويمشي عريان... المهم العبيدية دي زي ماك عارف شمال بربر، شرق الباوقة، وهي محطة أساسية للقطر ومعقل الميرفاب والرباطاب (الطريفاب)... والكرم هناك ما بتعرفو هظار ولا كتال... إن لاقاك زول في الشارع وقال ليك إتفضل ما تقاوموا لأنك ما بتنجح... واختصر كلامك ووكتك... الحصل إنو الرحمة دي وهي شاعرة مغنية في المنطقة ديك زي حميراء في ديار الجعليين، المنظر الشافتو المرا دي في القطر كالآتي: مرا تتهم مختار ود رحمة بأنو سرق قروشها، المرا دي ما بتعرف مختار سمعت بيهو بس، قالت للعسكري الزول السرق قروشي هو الراجل دا ... وأشارت إلى مختار ود رحمة: قال ليها: قروشك كم؟ وحددت المبلغ ، طلع المبلغ ودفعو ليها مضاعف وقال ليها أسكتي ساااااكت... الرحمة بتعاين في الموقف دا، وعارفة مختار قامت عملت الغنوة دي... والغنوة بتقول: عرش دود مراقد السار ليهو المو فشار خايلة الملكة فوق مختار
عرش متل أبوك يا دود وأحسب للتمانية جدود عند ساعة الضرب والعود ضربو الجلة والبارود
الماسك الدريب طلّش ديل ناس رحمة ما تنغش ما تسوولنا شغل الغش وما توازنو الحديد بالقش
القنديل جا يتقنت من شوفتو الرجال صنت عرش فوقن إتعنت وما تخيب رجا الغنت
قالت الرحمة جيد ليا بي ناظر العبيدية دابي وراسي في اللية وخالف للرجال كية
ما اتنضر وقال أديت وما اتفشر وقال سويت القنديل سراج البيت حمد الله السلامة الجيت
وشرح القصيدة كالآتي: مو فشّار : أي لا يمن بعمله، يعمل الخير فقط بدون أي انتظار لعائده الدود : هو التمساح ، راسي في اللية: يعني كامن عند منعطف النهر خالف للرجال كية: أي قاهرهم ، خلف الكية فوق الكية: يعني يصيبهم مرات متتالية الماسك الدريب طلّش: أصلها طلشت أي خاب مسعاك عرش فوقن إتعنت: كن أميراً أو حاكماً صعباً عليهم وهاك النكتة دي زيادة خير: من ضمن قصص القوم الكرام : في واحد مشهور بأنو بحلف طلاق طوالي، علي الطلاق تتفضلوا ، تفطروا، على الطلاق تشربوا الشاي، علي الطلاق تتغدوا، يعني بودر لك يومك دا طلاق بس، في جماعة ماشين ودربهن فوقوا، قالوا يا جماعة والله إن مرينا فوق الزول دا وما غشيناهو بيلومنا، وإن غشيناهو بمسكنا اليوم كلو، واحد فيهم قال لهن : نغشاهو لكن أنا بتصرف معاهو لمان جوهو قبال ما يسلموا عليهو الزول القال بتصرف قال ليه: علي الطلاق جينا نسلم عليك ساكت وعلي الطلاق فاطرين وعلي الطلاق شاربين الشاي ... قال ليهو : علي الطلاق تستحموا ...
أنوي طلب عضوية المنبر لصديقي بدر الدين اتمنى ان تدعمني يا زيزو.
01-10-2007, 08:51 PM
ابو ساجدة
ابو ساجدة
تاريخ التسجيل: 05-17-2003
مجموع المشاركات: 112
الاخوة ناذر ومعاذ لكم التجلة لو سمحتو عندى ملاحظة صغيرة على الرواية مختار كان عمدة العبيدية ثم( ناظر خط) رئيس عمد من نهر عطبرة الى منطقة الكاسنجر فى العهد الانجليزى وكان مسافر فى القطار آنذاك من العبيدية الى الخرطوم فصادف ان لص قد سرق رجل يجلس بجوار مختار وقد راته المرأة الشاعرة ولكنها لم تتكلم . بعد لحظات تسس المسروق جزلانه وصاح (ياجماعة انا اسرقت) والتفت الى مختار بجواره ونظر اليه نظرة اتهام وهو لايعرف من يكون فبادره مختار كم قروشك؟ فقال الرجل خمسة جنيهات . فاخرج مختار خمسة جنيهات واعطاها الرجل دون ان يتكلملانه اراد ان لايضع نفسه موضع التهمة والاشاعة . عندها توجهت المرأة رافعة صوتها الى الرجل المسروق وقالت ياخوى دأ ماسرق قروشك الذى سرقك هو ذاك واشارت الى اللص .عندها امسك الركاب باللص واخذوا منه الفروش . حينها شعر صاحب المال بالحرج من الرجل الذى اتهمه زورا فصار يعتزر ورد المبلغ ولكن العمدة قبل الاعتذار ورفض ان يقبل المال قائلا (والله انا البتطلع من جيبى مابتدخل تانى .كان ماك دايراهن اعطيهن لهذه المرأة التى دلتنا على اللص فعندها سألت المرأة عن ماهية الرجل وغنت له على التو. طبعا الخمس جنيه فى زمن الانجليز مبلغ ضخم
01-10-2007, 10:45 PM
HAMZA SULIMAN
HAMZA SULIMAN
تاريخ التسجيل: 04-20-2002
مجموع المشاركات: 3278
مشكور شديد يا ناذر وحقيقى كنت غايب شوية لهموم كتيييرة
وبشكر الاخ طارق ود زينب على كلماتة الطيبة وحقيقى قصيدة العودة الى سنار كتير من الاصدقاء دلونى عليها واحدهم احضرها ..... بشكرك كتير ياخ طارق وان شاء الله انزل لك اغنية الشاعر الكبير محجوب شريف احبك حب شديد بالحيل
قصيدة الموفشار سجلتها عام 1997 وهذا التسجيل قايد كان وحقيقى اختلفت مع المنتج وذهب المجهود كله الى ادراج الرياح ولم يرى النور الشريط .... والقصيدة من الحانى وكلماتها من التراث ومشكورين الاخوة لمعلوماتهم الثرة عن الاغنية
هذه القصيدة بهذا اللحن سيغنيها الاخ عمر بانقا ضمن اغنيات شريطة الجديد وانا والاخ عمر واحد ...
التحية لكل الاخوة المتداخلين وشكر ليك تانى يا ناذر يا رايع
01-11-2007, 06:19 AM
ahmed khidir
ahmed khidir
تاريخ التسجيل: 03-20-2003
مجموع المشاركات: 1004
شكرا أخي ناذر لأتاحتك لنا الفرصة لنلتقي بالفنّان المبدع حمزة سليمان عبر بوستك هذا.
الأغنية التراثيّة المنشورة أعلاه: " سمحة القعدو لي مختار المو فشّار " رائعة و تحمل الككثير من المضامين الجميلة و القيم الخلقيّّة اللرفيعة. و كعادة الأخ الفنّان حزة سليمان كان أداؤه لها علي قدر كبير مكن الروعة. و والله إنت و د حلال، أخي حمزة. كنت علي زشك أن أبعث لك ماسيجر داخلي أنبهك فيه بهذا البوست.
أغنيتك المتكاملة لحنا، كلمات، و أداء:" بحبّك حب شديد بلحيل " موجودة في رابط ألحقته بمداخلتي الأولي بهذا الخيط السابيري الجاري. و قد إستمعت لها مرّات عديدة. و كلّ مرّة أستمع لها أكتشف فيها دررا جديدة.
و جدّ سعيد لتوارد، أخي حمزة لتوارد الخواطر الذي حصل بيني و صديقك الذي نبّهك للقيم الفنيّة السامية في القصيدة الديوانيّة الخريدة للدكتور: محمّد عبد الحي: " العودة الي سنّار ". أنت سيد العارفين. نترك لك حقّ التقييم لإمكانيّة إستخلاص عمل فنّي خلاق من قصيدة " العودة الي سنّار ". بشكل عام أنا أري أن قصيدة " العودة الي سنّار " تستحق أن تخلّد غنائيّا في شكل عمل فنّي غنائي يلفت أنظار الأجيال الجديدة إليها ليستوعبوا مضامينها الرفيعة و ما تحملة من رسالة وطنيّة سامية. و نحن نتطلّع للحن يضاهي ملحمة الفنّان السوداني الكبير: محمّد الأمين. و لابد من توجيه الشكر في هذه العجالة للأخت الدكتورة نجاة محمود لفك طلاسم هذا العمل الأدبي الخالد، لفت الأنتباه إليه، و تيسير فهمه لعامة الناس.
و الله من وراء القصد.
طارق الفزاري ود زينب
01-11-2007, 03:28 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ينبغي عليك ان تتخذ شخصا ما مرجعا لك في الحياة.أنا شخصيا اذا اشكل على اي امر ارجع الى صديقي بدر الدين مصطفى وهو محاسب يعمل في جده ويعرف حاجات كتيرة في الدنيا.
أها بما إنو بدر الدين دا مرجعك في الحياة وإنت مقتنع بيهو وما اظن حا تفرط فيهو فأنا من الليلة حا إتخذك إنت مرجعا لي في الحياة ولو في شي غلبك ممكن تستعين بي بدر الدين .. يعني تكون نظام وسيط روحاني وكدة
Quote: الحصل إنو الرحمة دي وهي شاعرة مغنية في المنطقة ديك زي حميراء في ديار الجعليين، المنظر الشافتو المرا دي في القطر كالآتي: مرا تتهم مختار ود رحمة بأنو سرق قروشها، المرا دي ما بتعرف مختار سمعت بيهو بس، قالت للعسكري الزول السرق قروشي هو الراجل دا ... وأشارت إلى مختار ود رحمة: قال ليها: قروشك كم؟ وحددت المبلغ ، طلع المبلغ ودفعو ليها مضاعف وقال ليها أسكتي ساااااكت... الرحمة بتعاين في الموقف دا، وعارفة مختار قامت عملت الغنوة دي...
تعرف يا معاذ دي الرواية الرابعة أنا أقراها عن الغنية دي .. تلاتة من الروايات فوق ولقيت رواية رابعة في منتدى أبناء بربر لمن كنت بكابس في القوقل في شان الغنية دي !!
أما الغنية نفسها :
Quote: عرش دود مراقد السار ليهو المو فشار خايلة الملكة فوق مختار
عرش متل أبوك يا دود وأحسب للتمانية جدود عند ساعة الضرب والعود ضربو الجلة والبارود
الماسك الدريب طلّش ديل ناس رحمة ما تنغش ما تسوولنا شغل الغش وما توازنو الحديد بالقش
القنديل جا يتقنت من شوفتو الرجال صنت عرش فوقن إتعنت وما تخيب رجا الغنت
قالت الرحمة جيد ليا بي ناظر العبيدية دابي وراسي في اللية وخالف للرجال كية
ما اتنضر وقال أديت وما اتفشر وقال سويت القنديل سراج البيت حمد الله السلامة الجيت
فأشكرك عليها جدا رغم إنو مطلع الغنية (عرش دود مراكب السار) مختلف عن مطلع تاني لقيتو في منتدى تاني ..
تسلم كتير يا معاذ ..
01-11-2007, 03:30 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: مختار كان عمدة العبيدية ثم( ناظر خط) رئيس عمد من نهر عطبرة الى منطقة الكاسنجر فى العهد الانجليزى وكان مسافر فى القطار آنذاك من العبيدية الى الخرطوم فصادف ان لص قد سرق رجل يجلس بجوار مختار وقد راته المرأة الشاعرة ولكنها لم تتكلم . بعد لحظات تسس المسروق جزلانه وصاح (ياجماعة انا اسرقت) والتفت الى مختار بجواره ونظر اليه نظرة اتهام وهو لايعرف من يكون فبادره مختار كم قروشك؟ فقال الرجل خمسة جنيهات . فاخرج مختار خمسة جنيهات واعطاها الرجل دون ان يتكلملانه اراد ان لايضع نفسه موضع التهمة والاشاعة . عندها توجهت المرأة رافعة صوتها الى الرجل المسروق وقالت ياخوى دأ ماسرق قروشك الذى سرقك هو ذاك واشارت الى اللص .عندها امسك الركاب باللص واخذوا منه الفروش . حينها شعر صاحب المال بالحرج من الرجل الذى اتهمه زورا فصار يعتزر ورد المبلغ ولكن العمدة قبل الاعتذار ورفض ان يقبل المال قائلا (والله انا البتطلع من جيبى مابتدخل تانى .كان ماك دايراهن اعطيهن لهذه المرأة التى دلتنا على اللص فعندها سألت المرأة عن ماهية الرجل وغنت له على التو. طبعا الخمس جنيه فى زمن الانجليز مبلغ ضخم
تسلم كتير على رواية الواقعة ولكن كما ترى فهنالك عدة روايات ولكن جميعها تتفق في كرم ود مختار المو فشار ..
تسلم كتير
01-11-2007, 03:37 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: قصيدة الموفشار سجلتها عام 1997 وهذا التسجيل قايد كان وحقيقى اختلفت مع المنتج وذهب المجهود كله الى ادراج الرياح ولم يرى النور الشريط .... والقصيدة من الحانى وكلماتها من التراث ومشكورين الاخوة لمعلوماتهم الثرة عن الاغنية
صراحة أغنية رائعة جدا وإداء خرافي وليته ود مختار كان موجودا ليشهد تخليده بصوتك وإدائك الفريد ..
بالمناسبة يا همزة ..
أغنية (عالجني يا عبدين شرف .. سا محني يا ستاد الهلال) أيضا لا تقل جمالا عن ود مختار وأعتقد أن هتين الأغنيتين من أجما ما سمعت من اغانيك وألحانك ..
مودتي وتقديري ..
01-11-2007, 03:38 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ناذر الخليفة ســـــلامات مشكور الخليت حمزه يطل علينا. حمزه سليمان بركة الطله وعقبال الشوفه. ده بعد اذنك يا ناذر.
انا عارف همزة سليمان مشغول شديد لكن كان لازم أشرك ليهو بالطريقة دي عشان يطل علينا والحمد لله الواحد طلع بمعلومات جديدة حول الأغنية من المشاركين في البوست ..
01-11-2007, 03:44 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
ناذر الخليفة تحياتى تانى حمزه سليمان ياخى بالغته عديل ... بحبك حب شديد بالحيل ...ابداع ابداع وياريت لو نزلته عالجنى ياعبدين شرف كلمات محمد محمد خير والحان حمزه سليمان دائما بسال عن الغربه اللعينه واثره على الفنان ومابين الجرى وراء لقمة العيش والابداع لكن والحمدلله حمزه سليمان وعينى بارده ورغم هموم الغربه ومشغلويات الاسره مواصل الابداع والتواصل وحاتشوف عما قريب مجموعه من الحانه فى شريط عمر بانقا الجديد . وجميل منك ياناذر يارائع من خلالك يطل علينا حمزه سليمان ولك كل الود يا ابو اواب ومزيدا من الابداع .
احمــد خضــر
01-11-2007, 05:23 PM
ابو ساجدة
ابو ساجدة
تاريخ التسجيل: 05-17-2003
مجموع المشاركات: 112
الاخ ناذر تحية الرواية التى رويتها لك هى الاصلية مع احترامى لجهود الاخرين فانا من اببنا العبيدية باحث فى تراث وتاريخ الميرفاب و(العبيدية)( بفتح العين وليس كسرها كما يرر الفنان
التحية ليك ياناذر والقابلة عريس ومعاك ستة وليدات !! والتحية عبرك للموسيقار الفنان الرائع حمزة سليمان وبالمناسبة دى اذكره انى طالباه لحن من زمن كنت فى ابو ظبى !!
01-12-2007, 01:02 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: وياريت لو نزلته عالجنى ياعبدين شرف كلمات محمد محمد خير والحان حمزه سليمان
والله أنا زااتي كايس لي تسجيل للغنية دي لانو ما عندي .. سمعتها لايف من همزة سليمان في جية من جياتو للسودان في منتدى جريدة الصحافة وكانت قمة في الإبداع والله ..
يا ريت لو حمزة إتكرم ونزلا لينا ..
تسلم ..
01-12-2007, 01:05 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الاخ ناذر تحية الرواية التى رويتها لك هى الاصلية مع احترامى لجهود الاخرين فانا من اببنا العبيدية باحث فى تراث وتاريخ الميرفاب و(العبيدية)( بفتح العين وليس كسرها كما يرر الفنان
قطعت قول كل خطيب
وعليه تكون رواية الاخ أبو ساجدة هي الصحيحة ويرجى الأخذ بها حتى لا تختلط الروايات :
Quote: مختار كان عمدة العبيدية ثم( ناظر خط) رئيس عمد من نهر عطبرة الى منطقة الكاسنجر فى العهد الانجليزى وكان مسافر فى القطار آنذاك من العبيدية الى الخرطوم فصادف ان لص قد سرق رجل يجلس بجوار مختار وقد راته المرأة الشاعرة ولكنها لم تتكلم . بعد لحظات تسس المسروق جزلانه وصاح (ياجماعة انا اسرقت) والتفت الى مختار بجواره ونظر اليه نظرة اتهام وهو لايعرف من يكون فبادره مختار كم قروشك؟ فقال الرجل خمسة جنيهات . فاخرج مختار خمسة جنيهات واعطاها الرجل دون ان يتكلملانه اراد ان لايضع نفسه موضع التهمة والاشاعة . عندها توجهت المرأة رافعة صوتها الى الرجل المسروق وقالت ياخوى دأ ماسرق قروشك الذى سرقك هو ذاك واشارت الى اللص .عندها امسك الركاب باللص واخذوا منه الفروش . حينها شعر صاحب المال بالحرج من الرجل الذى اتهمه زورا فصار يعتزر ورد المبلغ ولكن العمدة قبل الاعتذار ورفض ان يقبل المال قائلا (والله انا البتطلع من جيبى مابتدخل تانى .كان ماك دايراهن اعطيهن لهذه المرأة التى دلتنا على اللص فعندها سألت المرأة عن ماهية الرجل وغنت له على التو. طبعا الخمس جنيه فى زمن الانجليز مبلغ ضخم
01-12-2007, 01:07 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
اعجبني تماما الحديث عن الاغنية .. وبالذات الرجوع الى الروايات التي تحكي قصتها .. ففي إختلاف الروايات حولها رحمة .. طالما هو حديث عن التراث الشعبي الذي يتم تناقله شفاهياً ..
ودعما للموضوع ..سأوافيكم بها بصوت حبوبتنا "حِميرا" عليها رحمة الله ..
وبالطبع حِميرا اضافت لها بعض الكلمات التي تنصب في الشكر والمدح أيضاً ..
والسمع "باقي لي" بقطع الشك تب ..
قريباً سأنزلها بصوت حِميرا ..
أقعدوا عافية ..
01-14-2007, 01:32 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: * واتمنى ان اكون قد كتبتها صحيحاً .."ياخي هي دلوكة حميرا دي بتخلي الواحد يقيف عشان يسمع بتقول في شنو؟؟!!!".. فالاصل -عندي- في اغانيها هو "الإيقاع".. ثم الكلمة ..ودا بيرجع لي حالة الطرب التي تدخلها فيني أغنايها..!!
gessan الف تحية
يا راجل انت عارف ((دودو)) ما أظن فى واحد يجيد الإيقاع زيو فى أوائل الثمانينات جابت رابطة أبنا النيل حميراء((وفرقتها الجود والنعاها))
لما دورت حميراء وأجاد ((دودو)) كما لم يجيد من قبل ما أظن فضل طالب من أبناء المنطقة ما أتجلد.
يا ناذر والله عاد مختار القدلة سمحة فوقو
((بس انت ما شايف أنو الأغنية تعبر عن ثقافة جلابية مستعلواتية لا تتماشا مع حضارتنا الكوشية العظيمة التى نسعى لإحيائها: razz2:
01-15-2007, 12:35 PM
JAD
JAD
تاريخ التسجيل: 02-05-2002
مجموع المشاركات: 4768
Quote: يا ناذر سلامات وكل عام وأنت بخير هذه من الأغاني التراثية المعروفة في مناطق الجعليين وقيلت مدحا لمختار ود رحمة زعيم الجعليين في مناطق بربر والعبيدية كانت ترددها حميرا رحمها الله ورددها حسين شندي وفنانون آخرون. هناك عدد من المقاطع لم ترد في تسجيل الفنان حمزة سليمان منها:
يا الماسِك الدِريب طلّش ديل ناس (رحمة) ما تِنغش وما تازن الحديد بالقش لي المو فشّار.. سمحة القدلة فوق مختار.
شكراً يا أخي عبدالله عقيد ..
وشكر يا أخي ناذر الخليفة ..
وكل عام وأنتم بخير ..
نعم المقصود هو العمدة مختار ودحمة عمدة العابدية ..
والرحماب أهل والدتي لوالدها .. الفكي أحمد محمد بالمعروف بـ(ود آمنة) ..
ولهذه القصيدة قصة أعرفها تماماً ..
وشكراً للفنان المرهف حمزة سليمان ..
جاد
01-15-2007, 04:33 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
عرَّش ود ملوك الدار الليل مو فشّــار خايلة وسمحة فوق مختار وإيدك ما بتشيل التال وأيدك تحقِب الغدّار عمك سيد نسَمة وسيد مسّار سيد اللحمر الصهّال وسيد اللبيض القرقار يا سيد البِيِرغا وسيد الدار الليلة مو فشّـار خايلة الليلة للمختار
داير أغنيلو يا بنية فِرحَت خالتُو.. جِيد ليّا عمّك ضابط العبيدية وكت دخل المديرية ومو سايق العمودية الليلة مو فشّــار خايلة الليلة فوق مختار
تسلم كتير على الغنية .. ويا ريت لو همزة سليمان أو أستاذ الموصلي يحلل لينا لحن الغنية دي ومقاربتو بي اللحن بتاع همزة سليمان ومدى إستفادتو من الأصل ..
طبعا دا بإعتبار إنو دا اللحن الأصلي وإنو اللحن ماخوذ منو ..
01-15-2007, 04:35 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الاخ ناذر شكرا للبوست انا ايضا من ابناء بربر .. واعتقد ان اكثر الروايات دقة حول قصة الاغنية تلك التي اوردها الاخ ابو ساجدة فهي القصة التي سمعنا اباءنا وامهاتنا واجدادنا يتناقلوها شفاهة .. وسمعناها كثيرا لدرجة ان معظم ابناء مناطق بربر والعبيدية يحفظونها عن ظهر قلب .. ايضا القصص التي رواها الاخ معاذ حسن عن كرم مختار سمعناها كثيرا عنه ويتناقلها اهل المنطقة كلما جاءت سيرة مختار ود رحمة.. وشكرا كثيرا للاخ عبد الله عقيد فقد قدم ايضا توضيحات مهمة حول تاريخ الاغنية وصاحبها والذين تغنوا بها وهم كثر باعتبارها واحدة من اغنيات التراث الرائجة في مناطق الجعليين والميرفاب.
01-16-2007, 10:03 AM
JAD
JAD
تاريخ التسجيل: 02-05-2002
مجموع المشاركات: 4768
Quote: انا ايضا من ابناء بربر .. واعتقد ان اكثر الروايات دقة حول قصة الاغنية تلك التي اوردها الاخ ابو ساجدة فهي القصة التي سمعنا اباءنا وامهاتنا واجدادنا يتناقلوها شفاهة .. وسمعناها كثيرا لدرجة ان معظم ابناء مناطق بربر والعبيدية يحفظونها عن ظهر قلب .. ايضا القصص التي رواها الاخ معاذ حسن عن كرم مختار سمعناها كثيرا عنه ويتناقلها اهل المنطقة كلما جاءت سيرة مختار ود رحمة.. وشكرا كثيرا للاخ عبد الله عقيد فقد قدم ايضا توضيحات مهمة حول تاريخ الاغنية وصاحبها والذين تغنوا بها وهم كثر باعتبارها واحدة من اغنيات التراث الرائجة في مناطق الجعليين والميرفاب.
مشكور على الحضور والإضافة ..
01-16-2007, 02:00 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
كم هو رائع هذا التداعى حول هذه الاغنية وحقيقى دليل عافية .. والحمد لله المجهود لقى حظ وافر من النقاش ... وارى دائما الاهتمام هنا فى سودانيز اون لاين دوت كم بتفاصيل الاغنية ... واشكر كل الذين قدموا معلومات ثرة عن هذه الاغنية وحقيقى معلومات جيدة جدا لنا ..... ويا سلام عليك يا ناذر يا سلام عليك ....
حقيقى الاغنية دى لما لحنتها كتب لى النص فى سيارة وعلى ما اعتقد كتب لى النص الشاعر بادى ( الشايقى ) وحكى لى قصة عنها وحقيقى الان والله مابذكر القصة... (من 97 الى 2007 عشرة سنة) وللتاريخ لم اسمع اللحن الاساسى فى وقتها الا بعد زمن بعيد من احد المغنين ......
وحقيقى ببارك للاخ عمر بانقا الاغنية وحقيقى بذل مجهود فيها كبير هو والاخ الاستاذ الموصلى ....
(وسمحة القدلة فوق بشار)
01-16-2007, 11:47 PM
tmbis
tmbis
تاريخ التسجيل: 10-19-2002
مجموع المشاركات: 24862
والله ياقيســان ما سبقك عليها زول ... ياخي ما تبطل الخيانــات دي .. واطلع بالحاجات العجيبة دي .. والا نجي ونجيب ( سوطنــا ) ونهمبت ؟؟ .. نــاذر .. للحقيقة أول مرة استمع للعمل ده مع اني متابع للكثير من اعمال حمزة سليمان .. طبعا اللونية دي من اغاني الحماسة اشتهر بيها الاستاذ الهادي ود الجبل وابدع فيها لحد بعيد جدا .. وكان حضرت ليك حفلة في الجبل ياناذر للهادي .. إلا تمشي مردف .. يا ضارب ليك حاجة كويسة .. يا ( بنج ).. بالمناسبة .. عليك الله فتش لي على اغنية لي حمزة سليمان بتاعت ( عابدين شرف واستاد الهلال ) كان نزل عنها ملاسي بوست قبل كدا .. ياريت تخدمني فيها..
حمزة سليمان.. اعجب كثير لبعض الالحان المتميزة البتقدمه المتوافقه مع صوتك الجميل.. فياريت لو تكتر من اللونية التراثية دي..
01-17-2007, 04:43 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: حقيقى الاغنية دى لما لحنتها كتب لى النص فى سيارة وعلى ما اعتقد كتب لى النص الشاعر بادى ( الشايقى ) وحكى لى قصة عنها وحقيقى الان والله مابذكر القصة... (من 97 الى 2007 عشرة سنة) وللتاريخ لم اسمع اللحن الاساسى فى وقتها الا بعد زمن بعيد من احد المغنين ......
حقيقة دائما أحب أن أستمع للقصص الحقيقية للأغاني التراثية التي يقوم بعض الموسيقيين بإعادة تلحينها وتوزيعها ..
أنا لم أستمع لهذه الأغنية قبل أن يأت بها الأخ قيسان بصوت حميرا رغم أن أحدهم أخبرني أن الأمين البنا قد تغنى قبل فترة طويلة ولا يزال ..
أغاني التراث هي مسئوليتنا جميعا .. فلنقم بحفظها وتوثيق قصصها والسياق التي أتت منه حتى لا يفيق أحفادنا في زمان بعيد ليجدونا بلا مرجعية فنية تراثية ويعتقدون ان مثل اغنية ود مختار أول من تغنى بها همزة سليمان أو أغنية (دخلوها وصقيرا حام) تخص الأستاذة سمية حسن ..
وانا حقيقة راض تماما عن هذا البوست الذي أظهر أشياء كثيرت كانت خافية علي وعلى الكثير من القراء وبما أن مكانه هو مكتبة المنبر ليكون مرجعا للأجيال القادمة فلا خوف على مثل تلكم الأعمال الرائعة أن تفقد خواصها ورائحتها التراثية المميزة ..
شكرا حمزة ..
01-17-2007, 05:03 PM
رأفت ميلاد
رأفت ميلاد
تاريخ التسجيل: 04-03-2006
مجموع المشاركات: 7655
Quote: نــاذر .. للحقيقة أول مرة استمع للعمل ده مع اني متابع للكثير من اعمال حمزة سليمان ..
أما أنا فقد فوجئت بهذه الأغنية تقبع في ركن قصي من جهازي الكومبيوتر ولم أنتبه لها قبل ذلك ولا أعرف حتى ما الذي أتى بها لجهازي !! ولم أراها وأسمعها إلا بالصدفة !!
Quote: بالمناسبة .. عليك الله فتش لي على اغنية لي حمزة سليمان بتاعت ( عابدين شرف واستاد الهلال ) كان نزل عنها ملاسي بوست قبل كدا .. ياريت تخدمني فيها..
كما ذكرت أعلاه فأنا لا أمتلك تسجيلا لهذه الأغنية .. فقد سمعتها في منتدى صحيفة الصحافة لايف من همزة سليمان ومرة أخرى من التلفزيون ..
أقبض في همزة دا قوي لأنو بكل تأكيد بيكون عندو التسجيل النضيف للغنية ..
01-18-2007, 07:08 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
أسعدني الحظ أمس عصرا بالإستماع إلى هذه الأغنية بصوت فنان الدلوكة عمر الحواري حين ذهبت لزواج أحد أقربائنا الجعليين ، وقد أرهفت سمعي في كلمات الاغنية ومسارات لحنها المعقد نوعا ما ..
حيث أن الاغنية كان مطلعها كما ذكر أعلاه (عرش دود مراقد السار) ولكن كان المقطع الذي يليه هو (خايلة القدلة فوق مختار) بدلا عن (سمحة القدلة) ..
الأغنية كانت على إيقاع (الشتم) المعروف في مناطق قبائل الجعليين .. والحق يقال أن الاغنية بذلك الإيقاع كانت مع كلمات الأغنية ذات نكهة خاصة مع الإداء المتميز للفنان عمر الحواري ، ولكن الاغنية نفسها كانت اكثر حماسية بحيث أن العديدين من مدمني البطان (الجلد بالسياط) خلعوا ملابسهم وعروا ظهورهم وعمل فيهم السوط ما عمل من أوشام وعلامات ..
أيضا لفت نظري أن هنالك أبيات مستحدثة لم أسمعها في التسجيل الذي جلبه غسان لـ حميراء ولا عند الأستاذ همزة سليمان ولكني أرجح أن تلكم الكلمات مستحدثة وليست من شاعرتها الأصلية وقد تكون أستنبطت أو أضيفت للكلمات الأصلية بعد أن ذاع صيت هذه الأغنية وإنتقلت لتغنى بواسطة مغنيين كثيرين في عدد من القرى والبلدات ومن ثم أضافو إليها كلمات لتلائم وضع المكان الذي تغنت فيه ..
كما أن إيقاع الأغنية بصوت عمر الحواري كان إيقاعها أبطأ نسبيا من حيث السرعة من الإيقاع الذي تغنت عليه حميراء كعادة الجعليين في الغناء على الشتم حتى يكون اكثر تأثيراً وحماسية ..
تعود معرفتى الوثيقة بالمرحومة حميرا واغنياتها..الى زمن الطفولة حيث كنا نسافر لحضور افراح الأهل بشندى وقد شهدتها وانا طلفة وهى تغنى بالقرب من ام عريض بشندى كذلك جلست معها وفرقتها بمنزل جدى المرحوم كرار ود الرضى ..والعمدة ود الشين ..واشهد على سلامة حسها الوطنى والذوقى العالى ..وقد تغنت بمحاسن ومكرام الرجال الفرسان فى زمان سابق لزمننا أمثال العمدة ود مختار ..كذلك تغنت للكثيرين..لمعاصريها ممن لمست فيهم الشهامة والصدق والفروسية.وساتيكم ببعض ابيات واغانى حميرا المسجلة لدى الأسرة بعد الرجوع لجدتى فى هذا الشأن فى تحفظ اغنياتها جميعا....وتحتفظ ببعض الأشرطة التى نتمنى ان تساعدنا التكنولوجيا الحديثة فى انزلها فى الشبكة الإلكترونية ليستطيع هواة اغانى التراث الإستمتاع بهذه الدرر الجود ...رفيقة درب حميرا كانت تتغنى مع مجموعة اخرى من الفرقة من بنات كبوشية وجميعهن يتميزن بالأصوات الجميلة...التى تجعل الشابان امثال اخوانا السمانى ود القوز وخليفة عبدالرحمن حمزة يجلدون وتسيل دمائهم وهم فى قمة الفرح والنشوة..ويرقدون بعدها شهورا على بطونهم نسبة للالم الشديد والجروح التى تخلفها السيطان على ظهورهم.....ساتى لكم بمايتوافر لدينا من هذا الفن والتراث الجميل
والى ذلكم الحين
تحيتى فى هذا المقام للمرحومة الحاجة "حميرا" واختها "الجود" وابن عما ود "دودى" ضارب الشتم الشهير.. ولاالذى يبز اقرانه فى هذا المضمار
وكم وددت ان اشاركم حفلكم هنا بانزال اغنية قديمة لحميرا هى "سيد محكر الديوان ..ثابت يابوقلب"...التى هى من الأغانى المحببة لجدى المرحوم ود الرضى والتى كانت تخصه بها عند زيارتها للمسكيتاب...كما ان الأسرة تحتفظ ببعض الصور القديمة لحميرا املى ان يساعدنا فى هذا الشان عمنا ود البشرى وهو عضو بسودانيز اون لاين فى انزالها.
التراث الجميل يجمع الناس والمعانى السامية توحدهم ....حشدكم ...هنا جميل...وحميرا ذات المكان القا
وعقبان ماتتجمعوا ياحبان لتصلحوا من شان الوطن الكبير....والذى تم استغلال تراث فيه الجعليين الجميل المتماسك فيه لتاجيج الصراع ضد المساكين فصار التراث الجميل عندنا هو لحن الأستعداء لدى الأخرين وصارت المعانى الجميلة التى صيغت فى فرسان الرجال أمثال العمدة ود مختار اعمدة سيتظل بها الظلمة بعد التى تمت سرقتها بليل فى صراع القوى على الضعيف فى بلادنا......
اسفة لكلامى الحار ده لكنى عارفكم ياعيال جعل ...قلبكم حار ولابتقبلوا الظلم ولاسرقة تراثكم لابتزاز الضعفاء فى بلادنا....وقد زعلنا جدا عندما تم استغلال اغانى وتراث الجعليين فى هجمة الإنقاذ على بقية اهل السودان .....
وعليه فمن واجبنا هنا عكس مثل المعانى الأخلاقية والوطنية فى هذا التراث تحقيق التالف بين ابناء الوطن الواحد رتق الشرخ فى النسيج الإجتماعى لبلادنا
شكرا يانادر...على هذه الدررالتراثية التى توثق لتراث ومرحلة ورموز سودانيةاسهمت فلى ترسيخ النبيل من المعانى السامية فى وجدان اهل السودان
Quote: وساتيكم ببعض ابيات واغانى حميرا المسجلة لدى الأسرة بعد الرجوع لجدتى فى هذا الشأن فى تحفظ اغنياتها جميعا....وتحتفظ ببعض الأشرطة التى نتمنى ان تساعدنا التكنولوجيا الحديثة فى انزلها فى الشبكة الإلكترونية ليستطيع هواة اغانى التراث الإستمتاع بهذه الدرر
يا ريت والله .. منتظرنك ..
Quote: تحيتى فى هذا المقام للمرحومة الحاجة "حميرا" واختها "الجود" وابن عما ود "دودى" ضارب الشتم الشهير.. ولاالذى يبز اقرانه فى هذا المضمار
التحية لهم جميعا ...
Quote: وعقبان ماتتجمعوا ياحبان لتصلحوا من شان الوطن الكبير....والذى تم استغلال تراث فيه الجعليين الجميل المتماسك فيه لتاجيج الصراع ضد المساكين فصار التراث الجميل عندنا هو لحن الأستعداء لدى الأخرين وصارت المعانى الجميلة التى صيغت فى فرسان الرجال أمثال العمدة ود مختار اعمدة سيتظل بها الظلمة بعد التى تمت سرقتها بليل فى صراع القوى على الضعيف فى بلادنا......
اسفة لكلامى الحار ده لكنى عارفكم ياعيال جعل ...قلبكم حار ولابتقبلوا الظلم ولاسرقة تراثكم لابتزاز الضعفاء فى بلادنا....وقد زعلنا جدا عندما تم استغلال اغانى وتراث الجعليين فى هجمة الإنقاذ على بقية اهل السودان .....
ربط الإنقاذ بأغنيات حماسة الجعليين محاولة فاشلة من بعض المتعصبين إنقاذيا وقد حزنت جدا أنه حتى هذا اليوم إرتبطت أغنية عمر البنا الشهيرة (المدفع الرزام) بتجمعات وزيارات الرئيس ..رغم أنها ليست من تراث الجعليين ولكن إستغلالها على هذا النحو لهو جدير بالتأسف ..
Quote: شكرا يانادر...على هذه الدررالتراثية التى توثق لتراث ومرحلة ورموز سودانيةاسهمت فلى ترسيخ النبيل من المعانى السامية فى وجدان اهل السودان
والشكر ليك إنتي يا عائشة على المداخلة الصافية النبيلة البتدل على سموك ونبل أخلاقك ..
وفي إنتظارك ..
01-20-2007, 03:17 PM
JAD
JAD
تاريخ التسجيل: 02-05-2002
مجموع المشاركات: 4768
Quote: أسعدني الحظ أمس عصرا بالإستماع إلى هذه الأغنية بصوت فنان الدلوكة عمر الحواري حين ذهبت لزواج أحد أقربائنا الجعليين ، وقد أرهفت سمعي في كلمات الاغنية ومسارات لحنها المعقد نوعا ما ..
قرات لك من قبل في مداخلة ما ..أنك من المحمية او لك علاقة بالمحمية وسقادي تحديداً .. فعليه هذه الأغنية..تغنو بها فناني سقادي ..واهل سقادي عرفتهم أهل طرب ..منهم فنانهم عبد المنعم فضل المولى .. والجميل في غناء عبد المنعم انه بمصاحبة الطمبور ..وهي آلة لم تجد حظها عند الجعليين كما وجدته عند الآخرين الذين يتغنون بها ..فعبد المنعم يتغنى بالطمبور على طريقة فنان الباوقة الراحل عبد الكريم الحوري .. إذن هي دعوة لك للبحث عنها بصوت عبدالمنعم ..ربما تجد بعض الإختلاف أيضاً في كلماتها..
ولك وللجميع التحايا ..
01-20-2007, 04:40 PM
علوبه
علوبه
تاريخ التسجيل: 07-27-2002
مجموع المشاركات: 1069
Quote: قرات لك من قبل في مداخلة ما ..أنك من المحمية او لك علاقة بالمحمية وسقادي تحديداً .. فعليه هذه الأغنية..تغنو بها فناني سقادي ..واهل سقادي عرفتهم أهل طرب ..منهم فنانهم عبد المنعم فضل المولى .. والجميل في غناء عبد المنعم انه بمصاحبة الطمبور ..وهي آلة لم تجد حظها عند الجعليين كما وجدته عند الآخرين الذين يتغنون بها ..فعبد المنعم يتغنى بالطمبور على طريقة فنان الباوقة الراحل عبد الكريم الحوري .. إذن هي دعوة لك للبحث عنها بصوت عبدالمنعم ..ربما تجد بعض الإختلاف أيضاً في كلماتها..
سقادي هي منطقتنا الأصل إلا انه لم يتح لي العيش فيها وإن كنت أزورها من وقت لأخر بغرض تفقد الأهل ولزوم المجاملات الإجتماعية ..
أذكر أنه في إحدى المناسسبات قبل فترة في سقادي تغنى أحد الفناني بالة اطنبور ولما سألت قالو أن إسمه هو عبد المنعم وأعتقد أنه هو المقصود لتميزه بالفعل بصوت جميل وطروب ..
صنفرة :
Quote: وهي آلة لم تجد حظها عند الجعليين كما وجدته عند الآخرين الذين يتغنون بها
أصلو الجعليين ديل حمقى خلاص أبو الطنبور دا عشان (الآخرين الذين يتغنون بها) ديلاك !!
01-21-2007, 02:16 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
انا اقترح تكون خلفية فى المنبر حتى نسمع غناء تانى زى ده
يا اخى كم حاجة زى دى اضمن ليك اضانة ترتاح وترجع تسمع زى زمان
الجعلية اهلى ديل كان قاموا على جنهم غناء ورجالة وحمرة عين بفصلوا المتمة زاتها
من السودان ويعملوا ليهم بلد براهم
يا زول الحمد لله الغنية بسطتك بالطريقة دي بس أوعك تعمل زي معاذ حسن لمن سمع غنية زي دي مشابهة عرض ونقز وقلع قميصو وحلف إلا ينجلد بالحزام وبعد ما جلدوهو جلد نضيف وهو متشنج تلاتة يوم لي قدام راقد على بطنو
Quote: انت الدينكا ديل مش جعلية برضو
جعلية نعم .. بس ما أظن بيقدرو على البطان
01-21-2007, 02:48 PM
JAD
JAD
تاريخ التسجيل: 02-05-2002
مجموع المشاركات: 4768
ومضى القطار .. وخلال نفس الرحلة .. قبض بوليس القطار على أحد اللصوص أثناء سرقته لمسافر آخر وعند تفتيشة عثر معه على محفظة نسائية .. فجاء بها إلى السيدة وقال ليها دي محفظتك .. قالت بلحيل .. قال ليها لقينا مع الحرامي القبضنا عليهو ..
فبهرت تلك المرأة من حسن سمت الرجل وعلو قدره وسمو مكانه وعظم مرؤءته..
فقالت فيه تلك القصيدة ..
هذه القصة مأخوذة من أحفاد العمدة مختار رحمه الله تعالى .. انتهت ..
((القصة تقيلة نجي نشيل معاك ولا شنو !!))
إنت رأيك شنو بالله ؟؟ ()
لو ما تقيلة .. لا أعتقد أن صدور الرجال تحتمل هذا الحلم الكبير الذي حمله صدر طيب الذكر العمدة مختار عليه رحمة الله ..
تحياتي،،
جاد
01-22-2007, 01:54 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
ومضى القطار .. وخلال نفس الرحلة .. قبض بوليس القطار على أحد اللصوص أثناء سرقته لمسافر آخر وعند تفتيشة عثر معه على محفظة نسائية .. فجاء بها إلى السيدة وقال ليها دي محفظتك .. قالت بلحيل .. قال ليها لقينا مع الحرامي القبضنا عليهو ..
فبهرت تلك المرأة من حسن سمت الرجل وعلو قدره وسمو مكانه وعظم مرؤءته..
فقالت فيه تلك القصيدة ..
رغم الإختلاف في بعض جوانب القصة من الأخريات إلا أن جميع القصص تتفق في التأكيد على مكان وقوعها وهو القطار .. ولكن لفت نظري هذه :
Quote: هذه القصة مأخوذة من أحفاد العمدة مختار رحمه الله تعالى
رواة القصة أحفاد مختار أعطى للرواية قوة بحكم أنهم بالتأكيد نشروها على أوسع نطاق ..
ويمكن الجمع بين رواية أحفاد مختار والرواية التي جاء بها قيسان ..
فالإختلافات طفيفة ولا أظنها تمثل فارقا أو تعارضا ..
تسلم جاد ..
01-22-2007, 03:35 PM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
Quote: وكم وددت ان اشارككم حفلكم هنا بانزال اغنية قديمة لحميرا هى "سيد محكر الديوان ..ثابت يابوقلب"...التى هى من الأغانى المحببة لجدى المرحوم ود الرضى والتى كانت تخصه بها عند زيارتها للمسكيتاب...كما ان الأسرة تحتفظ ببعض الصور القديمة لحميرا املى ان يساعدنا فى هذا الشان عمنا ود البشرى وهو عضو بسودانيز اون لاين فى انزالها.
ولسيد محكر الديوان قصص أعجب من التي سردت هنا...والديوان زاتو موجود...وفي حاله القديم...
شكلكم كدا حا تجرونا معاكم يا ناذر...لمزيد من الذكريات والحكي
01-22-2007, 06:43 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الاخ ناذر صباح الخير كيف انشاء الله تكون مبسوط الرساله وصلتنى وبذاكر فيها 00 ات عارف عرضت عرضه لمن نفسى قام000 لك التحيه يانجم البورد 2007 وشكرا 000خالد المحرب
02-04-2007, 03:52 PM
عبد الله عقيد
عبد الله عقيد
تاريخ التسجيل: 09-20-2005
مجموع المشاركات: 3728
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة