|
|
 بشرى سارة للمصلعين والمصلعات في المنبر !!
|
Quote: في هذا الاستطلاع الذي قدم ضمن برنامج " شواهد النوابغ " بتلفزيون السودان ، يتحدث الدكتور محمد الأمين سنهوري ( دكتوراه في الكيمياء الحيوية ) عن الدواء الذي اكتشفه لعلاج الصلع معالجة نهائية وكاملة ثبت نجاحها في جميع انواع الصلع بما فيها الصلع الوراثي بنسبة 90% ، كما يتحدث بعض الذين استفادوا من هذا العلاج عن تجاربهم مع الدواء . تم تسجييل براءة اختراع الدواء في سويسرا كاول عقار عربي يسجل في سويسرا كما يتم تصنيعه في داخل السودان وفي اليابان للتوزيع في البلدان الآسيوية .
تحية لدكتور سنهوري ونأمل ان يستفيد كل اصحاب الصلع والذين يعانون من تساقط الشعر من هذا العلاج |
|
|
 
|
|
|
|
|
|
|
 Re: بشرى سارة للمصلعين والمصلعات في المنبر !! (Re: ناذر محمد الخليفة)
|
شوشتا ..
Quote: المشكلة ما في العلاج
كم السعر.......؟؟
|
دا إتخايلي بيكون على حسب نوعية صلعتك وحجمها ..
في نوع من الصلع بيبدأ من نص الوش وفي نوع تاني بيكون عامل زي المايوه صلعة بالجنبات بس ، وفي نوع كدة ما بتعرفو زاتو بادي من وين أو منتهي وين !!
Quote:
افيدونا طيارة المجرم دا الساعة كم
تلفونو مغلق.....
|
ما عندي فكرة لكن بوريك بعدين !!
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
الله ينصر دينك يا ناذر
والله انامن زمن الجامعة الجماعة بيقولوا لى اكان ما قريبك دكتور سنهورى كان صلعتك دى عملتا ليها شنو؟ مع انو الدكتور دة والله ما قريبى ولا من بعيد ولا من قريب؟ هو من حتة ونحن من حتة؟
لكن انا من بكرة دة دربى عليهو عديل والواحد يرتاح من حكاية الطاقية دى !!
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
علاء الدين (أبو صلعة) 
| Quote: لكن بجاملك يا ناذر ولمدة 15 يوم بس قام قام ما قام اخير لي صلعني دي .. |
الشغلة داير أكتر من خمسطاشر يوم هو أصلو داير يقوم ليك فيها جرجير !!
غايتو لو مستعجل في الخمسطاشر يوم دي خليهو يشتغل ليك في مكان الشنب ، إتخايل لي المدة دي كافية معاو
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
كمال ..
Quote: أجمل خبر سمعته حتى الآن ، لأني أشعر أن عوامل التعرية قد بدأت تدق نواقيس الخطر في مقدمة الراس
شكراً على هذه المعلومة وأخيراً بدأ الشباب يعود |
شنو حكاية الشباب يعود دي !!
يا زول قلنا سنهوري دا حا يقوم ليك الصلعة ما حاجة تانية !!
الشباب دا غايتو عشان يعود عليك تمشي الصيدلية لي دوا (ما بلدي)
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
هوي يا ناذر عليك الله كان الكلام دا صحي وريني كيف أتحصل علي العقار وامكانية انو ترسلو لي هنا وما يهمك من التكاليف لانو دايرو لي صاحبي عشان خطيبتو خلتو عشان قامت ليهو علصه* وقالت أبوصلعه أريتو بالزلعه وفي روايه أخري أريتو بالفلعه لانو كان شغال في الاحتياطي المركزي , فعليك الله يا أبوالنيذ أنا جادي جدا ورسل لي التفاصيل بالايميل أو المسنجر الداخلي.
يا أبوصلعه رسل دواء الصلعه ونحن حانرسل ليك أبوصلعه .
حاشيه: العلصه هي اسم دلع للصلعه
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: أحمد الشايقي)
|
Quote: شنو حكاية الشباب يعود دي !!
يا زول قلنا سنهوري دا حا يقوم ليك الصلعة ما حاجة تانية !!
الشباب دا غايتو عشان يعود عليك تمشي الصيدلية لي دوا (ما بلدي) |
الله يجازي شيطانك يا ناذر ما بتريح كلو كلو .
تعرف يا ناذر الدواء ده أي كلام ، أنا عندي صديقي وجاري في السودان ومتزوج من شندي وهو ساكن الخرطوم كان شفقان و ......... عائز ينزل لزوجته بأي طريقة لأنو طول منها وجننا ليك جن المرة المرة قالت لي تعال المرة قالت لي ....... ، المهم صاحبي ده نزل السودان وأول ما سمع بالدواء في أول أيام راح ليك الخرطوم وخلى المرة براها في شندي والإجازة كلها قضاها من سنهوري ده كل يوم جلسة وكل يوم علاج ومساج ومسح وكل يوم يعاين ليك للصلعة في المراية لحدي ما قربت تجيهو ليك نفسيات ، كان عائز يرجع للمرة في شندي خنفس المهم خلصت الإجازة وصاحبنا لا لمى في المرة ولا في الشعر وجاء السعودية شائل معاه إجزخانه عديل كل يوم يمسح في الصلعة ولا حس ولا خبر أخيراً صاحبي راح جاب ليك مكبر وأداهو لي أخوه وقال ليهو عليك الله كده عاين بيهو في الصعلة دي شوف ليك في شعرايه واحده إن كان قامت تدينا أمل ....
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
معاوية ..
| Quote: انو ترسلو لي هنا وما يهمك من التكاليف لانو دايرو لي صاحبي عشان خطيبتو خلتو عشان قامت ليهو علصه* |
من هسي داير تكضب تشبكنا لي صاحبك وما ليك ؟!
كدي أرفع الطاقية اللابسا دي شوية عشان نقتنع !!
Quote: فعليك الله يا أبوالنيذ أنا جادي جدا ورسل لي التفاصيل بالايميل أو المسنجر الداخلي.
|
التفاصيل الأنا عارفا يا ماو إنو الدكتور سنهوري مكتبو موجود في فندق المريديان وهناك بيحدد ليك مواعيد الجلسات لكن والله ما في تفاصيل زيادة إلا تديني فرصة أسأل ليك !!
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
عماد كيفك ..
| Quote: المهم صاحبي ده نزل السودان وأول ما سمع بالدواء في أول أيام راح ليك الخرطوم وخلى المرة براها في شندي والإجازة كلها قضاها من سنهوري ده كل يوم جلسة وكل يوم علاج ومساج ومسح وكل يوم يعاين ليك للصلعة في المراية لحدي ما قربت تجيهو ليك نفسيات ، كان عائز يرجع للمرة في شندي خنفس المهم خلصت الإجازة وصاحبنا لا لمى في المرة ولا في الشعر وجاء السعودية شائل معاه إجزخانه عديل كل يوم يمسح في الصلعة ولا حس ولا خبر أخيراً صاحبي راح جاب ليك مكبر وأداهو لي أخوه وقال ليهو عليك الله كده عاين بيهو في الصعلة دي شوف ليك في شعرايه واحده إن كان قامت تدينا أمل |
تعرف يا عماد أديك كلام مهم ..
زي ما سمعت كلام سنهوري فوق الدوا دا نسبة نجاحو تسعين في المية وفي الناس العندهم امراض معينة زي الحساسية أو السكري ما بينفع معاهم ..
أديك كلام غريب ..
مرة في الهند ظهر مشعوذ كدة قال بيعالج الصلع .. الناس دي كلها متلمية قدام بيتو عشان يتعالجو طبعا السودانيين ما شغالين بالموضوع كتير لحدي ما في واحد منهم (النوع الصلعتو عاملة زي صلعة كولينا) قال يجرب وهو أساسا ما خسران حاجة .. مشى للمشعوذ دا وبدا في الجلسات .. بعد أسابيع بسيطة الزول دا بقى زي القرد ... الشعر قام ليهو في أي حتة في جسمو راسو خنفس عديل والوش والحواجب (بقى عامل زي السحار) وكمان قام ليهو الشعر جوة (نخرينو وإضنينو وتحت أباطو) وبقى يطلع لي برة لمن بقى يتضايق منو ومنظرو بقى مقرف.. شفت كيف !!
واحد تاني من أصحابنا لمن شاف داك طوالي قام جاري للمشعوذ وبدأ معاهو العلاج لكن وحاتك ما قامت ليهو ولا (صوفة) .. كمان العكس .. باقي الشعر الكان بيستر عورتـ (قصدي صلعتو) إتحت حت الصفق الناشف وهسي بقت شغلتو إنو يتابع مجلات الموضة عشان يشوف أخر موضات الطواقي والسايد كاب عشان يشتريها وفي نفس الوكت صاحبنا الخنفس بقى يتابع نفس المجلات عشان يشوف أخر إستايل الحلاقات العالمية عشان يحلقا وكل تلاتة ؟اربعة يوم عندو جلسة (حلاقة) !!
يعني الشغلة ما في الدوا الشغلة في الزول زاتو !!
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: gamal elsadig)
|
جمال الصادق ...
قلت لي جدك من أبو صلوع
أم بارح راجعت البوست داك والله الضحك شرطني والليل كلو ما نمت من الأزمة الهاجت علي
Quote: انت الدواء ده في منو (حقن) ؟؟...
لانو بيقولو (الحقن) اسرع من (المراهم) و(الحبوب) في العلاج ..
ولو في (حقن) (بيطعنوها) في (الصلعة) ؟؟ |
غايتو تأكد لو في منو حقن وبيطعنوها في الصلعة مباشرة.. الشعر حا يقوم حا يقوم ..
بس حا يقوم بي تحت الفروة ولمن تجي تمشي عشان تعرس تعمل ليك صورة أشعة مقطعية للراس تشيلا معاك للعروس عشان تقنعا إنك مؤهل وما عندك صلعة
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
.
ناذر :
| Quote: أم بارح راجعت البوست داك والله الضحك شرطني والليل كلو ما نمت من الأزمة الهاجت علي |
انت عارف ياابوالنيز انا متمسك بقول انو الصلعة بقت مامشكلة في العرس و البنات
الشعر بقى مامهم خالص عندهم ....
بس انت هسع موضوع الازمة بتاعتك دي مصرح بيهو هنا مالك ....
وكمان (اقل ضحكة) بتهيجا عليك ... اها هسع الازمة دي (الصايد كاب) بتاعا كيف ؟؟؟
معناتا انت داير ليك (بخاخ) قدر (طفاية الحريق) ولا (الضحك حيشرطك جد جد)
..................
المنبر ده وفي هذا (الخريف) انهمرت فيهو كمية كبيرة من الصلع فاقت معدلات
سنة 46 و 88
جعلها الله (اصلاع) خير وبركة ....
..
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
Quote: المصلعين ديل عرفناهم ، اهو زى ناس عبد المنعم ... المصلعات ديل كمان شنو؟؟
غايتو انت ؟؟
بتاع محن ..!! |
الله يجازي محنك يا الطاهر يا اخوي...
يعني كان دقس في التعبير ماب تقيلوهو؟؟؟!!!
ديل أُمات جلحات يا عني أنا...
أنا غايتو برررررررررررررررررة!!!
قواسيب مودتي صديقي ناذر...
ورداً على سؤالك يا ناذر يا اخوي...
أنا أبو الحســـــــــــين الناطق الرسمي بإسم الأُوف لاين بي ذاااااااتو وصفاتو...
أبو الحســــــــــــين...
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
جمال ..
Quote: معناتا انت داير ليك (بخاخ) قدر (طفاية الحريق) ولا (الضحك حيشرطك جد جد)
..................
المنبر ده وفي هذا (الخريف) انهمرت فيهو كمية كبيرة من الصلع فاقت معدلات
سنة 46 و 88
جعلها الله (اصلاع) خير وبركة ....
|
غايتو معاك إنت الأزمة دي ما أظن تختاني بي أخوي واخوك
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
أبو الحسين ..
Quote: يعني كان دقس في التعبير ماب تقيلوهو؟؟؟!!!
ديل أُمات جلحات يا عني أنا...
أنا غايتو برررررررررررررررررة!!!
|
والله برضو بيكون قصدي أمات صلع !!
Quote: أنا أبو الحســـــــــــين الناطق الرسمي بإسم الأُوف لاين بي ذاااااااتو وصفاتو...
|
مرحب بيك كتير وعقبال الناطق الرسمي بي إسم البورد دا
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
كيفك يا محمد الأمين موسى !!
| Quote: يا ناذر أيه البشارة المهببة دي؟ أنت نسيت أنو الصلعة دي دليل وهمي على العبقرية ولا شنو؟؟ |
دا حنك قديم يا دكتور
قال ليك في واحد عندو صلعة (يمين قالو لو قشاها بي ليفة ساكت الليفة بتنزلق) !! أها هو كان متعقد من الصلعة شديد وداير ينتحر .. لقى ليهو واحد صحبو بتاع حنك دقسو وأقنعوا إنو الصلعة دي للعباقرة وربنا ما بديها لي أي زول : قال ليو كدي أخد ليك لفة في السوق العربي دا وأسأل أي زول عندو صلعة حا تلقاهو زول عظيم ..
صاحبنا قال يجرب مشى السوق العربي سأل ليهو أول زول قابلو : الأخ شغال وين ؟ قال ليهو أنا محاضر في جامعة الخرطوم .. صاحبنا إتكيف ومشى لي قدام قابل واحد مصلع تاني قال ليو : الأخ مؤهلاتك شنو : قال ليهو أنا دكتور وعندي مستشفى خاص ..
المهم صاحينا سأل ليهو كم واحد مصلع ولقاهم ناس كبار في المجتمع قام إقتنع وفرح والعقدة راحت .. لمن هو راجع قابل واحد مصلع قام سألو الأخ شغال شنو : داك قال ليهو أنا بكتب في سودانيز أون لاين !! صاحبنا حمبك وعقدوا رجعت ليهو تاني رفع يدو (وصاج) خبت داك في صلعتو وقال ليهو بي زعل : دي هسي شغلة دايرا ليها صلعة !!
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
عبد المنعم ..
Quote: صلعتنا بعرفا الطاهر ما صلعه من الله دي
بنحلقه برانا من الحلاق يعني ..
|
نحنا ما حا نقدر نعرف غنك حالقا براك إلا لمن تخليها تقوم شوية عشان نقدر نقيس أبعادا وإمتداداتا !!
لكن إنت (حاكيها) كدة زي لمبة العمود المقابلة الشمس نعرفا ليك كيف صلعة أصلية ولا مصنوعة
ما تتشنج وخليك طبيعي
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
| Quote: لمن هو راجع قابل واحد مصلع قام سألو الأخ شغال شنو : داك قال ليهو أنا بكتب في سودانيز أون لاين !! صاحبنا حمبك وعقدوا رجعت ليهو تاني رفع يدو (وصاج) خبت داك في صلعتو وقال ليهو بي زعل : دي هسي شغلة دايرا ليها صلعة !! |
أها أيه رأيك يا ناذر قوقل زاتو محتاج لصلعة! وإنت بنفسك شفت عبقرية القوقلة شغلتك قدر شنو؟؟ وما تنسى جماتعك البيضحكوا وعينيهم بتدمع (Smiles Library) كلهم مصلعين!
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
أيس أوف لا يبرتي !!
والله بقيت لمن أجي أرد عليك أخد هم من كتابة إسمك دا !!
Quote: لكن يا ناذر موضوع الجكس انو بصلع اول مرة اسمع بيهو
انا عارف مشكلت الجكس وطل الشعر لكن صلعة عديل كده!!! |
كييييف يا خ !! في جكس مصلع .. أمال إنت داير تشوف ليك جكسوية ما مصلعة وحايمة بدون طرحة !!
قطع شك بيكون تحت الطرح دواهي مرات !!
Quote: الواحد بعدا يرفع الطرحة قبل الزواج
|
برضو أحسن مما تقرا بوست الختان داك وترفع حاجة تانية !!
يا زول العرس دا زي (الكرتلة) إنت أقطع وخش والبيجيبو ليك ربنا أرضى بيهو !!
على شنو ياخ !!!!! عادي والله !!!
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
معاوية ..
Quote: الزول دا ما قلنا ليك وديهو المريديان , قلنا ليك رسل ليهو الدواء هنا عشان يعرف يكب
المريديان.
|
هي الشغلة قالولك هملة ساااااكت كدي !!
ما الدكتور لازم يكشف على صلعة صحبك دا ويشوفا من النوع البترفض العلاج ولا من النوع (الحلوف) البتقبلو !! بعدين يا خي دا كشف علمي .. لو قام الدكتور رسل ليك الدواء وصحبك باعو لي واحدة من معامل هيوستن المطرفة ديك وأنتجتو .. أها بعد دا الشغلة كيفنها بتكون ؟!!
خلاص خليهو ينتظر سنتين ستة كدة لحدي ما الشركات اليابانية تنتجو بعد داك خليهو يستعملوا !!
إحتمال أثناء إنتظاروا صلعتو تقوم براها بدون عقار .. ربنا قادر .. ولا ما كدي !!
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
| Quote: والله بقيت لمن أجي أرد عليك أخد هم من كتابة إسمك دا !! |
اكتب عيون الحرية و كما دلعا بي جباره
شباب البورد لما يقروا كلمة عيون بفتكروها عيون المها....
نحن السودانين طايرا لينا العيون دي
بوست الختان ........لاحوله دي علمنه ما بعدها علمنه
حيرتنا مواضيع البورد....هسي دي مواضيع رجال ولا مشاطات
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
جمال الصادق ..
Quote: وطبعا (المعزوفات ) بتكون حسب نوع الشعر الدايرو الزبون ..يعني لو في واحد
داير (شعر سبيبي) تعزف ليهو على ايقاع (التمتم الهندي) وممكن تجرب ايقاع (الدليب)
قبل ما تسخدمة لانو إحتمال يكون عندو( اثار جانبية ) ويخلي ليك الراس (دليبة)
|
تعرف يا جمال تباري لي الزول البيعزف في الصفارة دي والله ما يقوم ليك ولا صوفة ديل دجالين ساكت .. أسألني أنا
أنا الحمد لله ما بعزف على غيقاع الدليب عشان ما في زول يتهمني بي حاجة
Quote: بالنسبة (للمصلعات) من النساء ممكن تعزف ليهم اغنية (سال من شعرها الذهب)
|
ذهب شنو !! .. يا خ ما تبالغ إنت كمان .. قول (سال من شعرها الودك) ممكن المهم إنو يقوم يعد داك خليهو اليسيل بي راحتو وبي إختيارو
Quote: انت بلاد الهند دي فيها سناهير ؟؟
|
أي والله فيها سناهير أخوك قبل كدة واقع ضحية لي زول (متسنهر) ومتلبط في الشغلة عدمني الصوفاية بس الحمد لله انا قطعت العلاج منو ومشيت لي واحد سنهوري أصلي ماركة (أبو حصان) حتين عدل الشغلة وجابت حقها
لكن صحبك الكضاب أبو جضوم دا :
يمين ترفع طاثيتو اللابسة دي تلقى تحتا علصة هندية لمن تخلعك !!
تقول لي هندي برضو
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
..
ناذر
| Quote: تعرف يا جمال تباري لي الزول البيعزف في الصفارة دي والله ما يقوم ليك ولا صوفة ديل دجالين ساكت .. أسألني أنا |
عارفك خبير ومجرب .. وعارف برضو انو (الامشاط) و(الخلالات) وكريمات الشعر ليس من ضمن هواياتك
واهتماماتك.
| Quote: أنا الحمد لله ما بعزف على غيقاع الدليب عشان ما في زول يتهمني بي حاجة |
ايقاع الدليب برضو افضل بكتير من ايقاع (البطيخ) الروثمان .
| Quote: يمين ترفع طاثيتو اللابسة دي تلقى تحتا علصة هندية لمن تخلعك !! |
يعني راس النجار اقصد (الدجال ) مصلع ؟؟
..
| |
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
جمال يا اخوي ..
Quote: يعني راس النجار اقصد (الدجال ) مصلع ؟؟
|
أسمع نصيحتي دي ..
باب النجار مخلع دي بتنفع في أي مهنة إلى مهنة (قوام الشعر) دي !!
يعني ممكن تلقى ساعاتي وفي يدو ساعة ما عندو وممكن تلقى جذار ويومو كلو بياكل دكوة بالطماطم ، لكن شوف هنا ..
لمن تجي لي مهنة (زراع الشعر) دي .. أول حاجة تتاكد إنو الزول البيقول كدة شعرو قافل من نهاية عنقرتو لحدي حواجبينو (دا بالنسبة للطول) ، ومن الحتة البيضربو فيها الزول كف في الشمال لحدي نفس الحتة باليمين .. (دا بالنسبة للعرض) .. لا زم تتأكد انو الحتة دي قافلة شعر وما فيها ولا (قوبة) !! حتين بعد داك تبدا الجلسات مع الزول !!
صنفرة :
أما قصة راس الزراع مصلع .. فدا ما بينفع هنا !!
| |
|
|
|
|
|
|
|
|
|
|
Re: بشرى سارة للمصلعين والمصلعات في المنبر !! (Re: ناذر محمد الخليفة)
|
.
ناذر :
سلام ...نورت المنتدى (بصلعتك) ...اقصد طلتك
تبش تبش عجـــــور الصعلة تولع نــور ....
صورتك الجديدة دي (ام صلعة منورة) أعادتني الى (اهازيج) و(هتافات) الطفولة
المنسية والتي تغولت عليها الهتافات من نوع (الطاغية الامريكان ليكم(تصلعنا))
زمن الدفاع الشعبي الكان اول ما(يجزو) شعر المجندين صلعة يبقوا خلاص جاهزين
لمحاربة الامريكان ...
| |
|
|
|
|
|
|
|
| |
ناذر محمد الخليفة
الطاهر ساتي
عبدالكريم الامين احمد
khaleel
Sobajo
محمد احمد سنهورى
علاء الدين حيموره
shazaly gafar
تولوس
Moawia Mohammed
أحمد الشايقي
gamal elsadig
أبو الحسين
عبد المنعم سليمان
عاصم ابوبكر حامد
doma
محمد الأمين موسى
طارق جبريل
Ahmed Abdallah
الفاتح يوسف جبرا
فيس بوك
تويتر
انستقرام
يوتيوب
بنتيريست