لن يكتمل السلام ما لن يبصم عليه هاشم صديق وحميد والقدال !!

مرحبا Guest
اخر زيارك لك: 03-29-2024, 04:48 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة ناذر محمد الخليفة(ناذر محمد الخليفة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-22-2005, 09:48 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
لن يكتمل السلام ما لن يبصم عليه هاشم صديق وحميد والقدال !!

    قبل عدة أشهر كنت قد حضرت ندوة بمقر صحيفة الصحافة تحدث فيها الأستاذ هاشم صديق بمناسبة طرح مجموعته الجديدة (كلام للحلوة) للجمهور .. وكعادته كان الأستاذ هاشم صريحا وواضحا وهو يتحدث حول مختلف القضايا في الساحة خاصة موضوع حقوق الشعراء ثم عرج الموضوع للحديث عن الساحة السياسية بصورة عامة خاصة وان تلك الايام كانت تشهد سخونة شديدة وشد وجذب على موائد المفاوضات في كينيا .. وعند هذه النقطة علق الاستاذ هاشم بقوله (لن يكتمل السلام ما لن بيصم عليه الشعراء الذين يعبرون عن نبض الجماهير مثل حميد وهاشم والقدال ومحجوب شريف وغيرهم) ..
    وحينما ينطق الاستاذ هاشم بتلك الجملة ويضعها بذكاء شديد امام الصحفيين المجتمعين فإنه يقصد بذلك إيصال رسالة معينة مفادها ان تطلعات واماني الجماهير لا تخرج ولا تنبع من موائد المفاوضات المغلقة بل من الشعراء الذين يعبرون عن نبض الجماهير وأشواقها وتطلعاتها ..

    وهاشم صديق هو صاحب إنتاج غزير من القصائد والتي تتميز عن أشعار الباقين في انها تأتي في ميقاتها تماما لتنبيه الغافلين والذين يحلمون ويهيمون بالأمال فتكون قصائده بمثابة صفعة جميلة على خد الشعب حتى لا يركن وينخدع بالكلام المعسول والاماني التي لا تاتي .. واخر هذه الصفعات هي :

    ياتو ظلما إتنسى
    بس عشان مكا ضحك ..
    أو عشان سيدا عفى ؟؟!!

    ولعلنا لا ذلنا نذكر قصيدته الرائعة (قرنتية) والتي هي بحق أعظم مرثية على مر التاريخ يتم فيها تخليد لحيوان بحري بهذه الصورة ولما أحدثته من صدى ولفت للجموع لمجزرة حديقة الحيوان والتي تمت إذالتها والدفع بحيواناتها للماء وللبرية وللسماء !!.. وحلت محلها الان غابة الإسمنت المتهم الاول.. ويكفي أن نعلم ان المجموعة التي تحتوى على هذه المرثية لا زالت تقبع خارج الحدود ولم يسمح لها بالدخول للبلاد !!..
    كنا صغارا يأخذنا اهلونا لجنينة الحيوانات لنرى هذا ال (أا) أسد و ال (ناا) نمر وال (تاا) تمساح ، والان بعد إذالة الجنينة لا يشاهد صغارنا سوى ال (حاا) حمار .. وذلك هو حمار اللبن الذي يأتي للمنازل صباحا !!!!
    هاشم صديق هو شاعر كل الأجيال فهو البطل الحقيقي لملاحم الإكتوبريات.. أطرب جيل السبعينات والثمانينات بأشعاره الصادقة وهو الذي لم ينحن لنظام ولم يداهن او ينافق في شعره كغيره من الإنتهازيين وراكبوا موجة المدح للأسياد ..
    هاشم صديق يطربني حتى النخاع بشعره .. كنت في فترة من الفترات مفرغ نفسي تماما للذهاب إلى أي ندوة شعرية او جلسة إستماع لشعر يكون هو بطلها وكنت أطوف بذلك المدن الثلاث وضواحيها ..
    لدي إعتراف هنا أحب أن أقر به ...
    قد يذكر البعض تلك المعركة التلاسنية التي حدثت بين هاشم صديق واحد الشعراء الذين لا يسوون حرفا من كلمة يخطها هاشم صديق .. حيث كان من الواضح للجميع أن الهدف منها هو إغتياله معنويا بحيث يتم إخراس صوته .. ووجدت نفسي أميل بالطبع لصالح الأستاذ هاشم صاحب الإلهام الحقيقي لجيلي هذا بأكمله ولأجيال سابقة وقادمة اذا ما إمتد بنا العمر حيث دفعت بمقال لصحيفة الخرطوم والتي كانت ساحة المعركة طالبت فيها محبي هاشم صدبق بتكوين رابطة او لجنة مهمتها التصدي وكشف المؤامرات التي تنسج في الظلام بهدف إسكات صوته ..
    في تلك الايام جئت وإستمعت لندوة شعرية أقامها بمركة دبورة الإعلامي .. جئت ومعي مجموعة من طلبة الجامعات المثقفين والذين يحبون ويذوبون في شعر الأستاذ هاشم صديق .. وجئنا ونحن في شدة الغضب من محاولات الإغتيال المعنوي التي يقوم بها ذاك الشخص النكرة بحق أستاذنا .. وكعادته الهمنا هاشم صديق واثار فينا روحا لم نالفها عندما تلا قصائده (قرنتية) و (صالح عام) و (الزمن والرحلة) وأخريات غيرها وعند نهاية الندوة اتجهت ناحية الأستاذ هاشم وإستفسرته عن اخر مآلات الصراع بينه وبين ذاك النكرة . وبتواضعه الجم شرح لي الكثير من التفاصيل فقلت له إن أبناء هذا الجيل لا يرضون أن يرون مثلهم الاعلى يُغتال أمام اعينهم بهذه الطريقة وسط ذاك الصمت المريب من بقية قبيلة الشعراء وعلى إستعداد لفعل أي شي للحيلولة دون حدوث ذلك ، وبما ان الأمر صار إغتيالا معنويا لشخصك .. فسيكونون معك في قلب المعركة حتى لو تطلب الامر منهم إغتيال ذاك النكرة بحق وحقيقة !!!!
    وحقيقة فقد كنت في أشد الغضب لما يحدث .. وفي إحدى المقالات له بصحيفة الخرطوم أوضح الأستاذ هاشم أن هنالك تهديدا حقيقيا بإغتيال الطرف الأخر .. وساعتها سخر خصومه من هذا الحديث في عدة مقالات صحفية وإعتبروا ان هاشم صديق يريد تضخيم ذاته بإختلاق تلك الاحاديث ... ولكن ولحسن الحظ فقد أصدرت صحيفة الخرطوم قرارا بإيقاف جميع المقالات التي تتحدث عن هذا الخلاف وأغلقت هذا الملف نهائيا ..
    نعم علينا ان نعي جيدا بأن هذا السلام لن بكتمل ولن يصل لمبتغاه ما دام لم يبصم عليه هاشم صديق والقدال وحميد والكتيابي ومحجوب شريف و الفاضلابي وعثمان بشرى وعاصم الحزين وكثيرين غيرهم هم معظم من كتبوا قصائد المرحوم مصطفى سيد احمد والتي فعلت ولا زالت تفعل فعل السحر في نفوس هذا الجيل عند غنائها ..

    وتبقى الحقيقة في هذه الصفعات المنبهة :

    Quote: ياتو ورقاً
    اتمضا
    وكان دوانا
    من الأذى؟!
    ياتو ظُلماً
    اتنسى
    بس عشان
    مكَّاً ضحك
    أو عشان
    سِيِداً عفا؟!


    Quote: وياتو تلفاز
    ياتو رادي
    ياتو راوي
    ياتو زينه
    لَبسّت عريانّاتوب
    وبدّلت طعم(السخينه)؟!
    وياتو حلماً
    في عصورنا
    ما صبح باللّت عجينه؟!


    Quote: ياتو مسرح
    ابتدا
    واسيادنا
    ماكانوا الفوارس
    ونحنا كومبارْس
    الحوادث؟!
    وياتو والي
    في المنابر
    ما خطب فينا
    ونَهَر
    مليون شهر
    ونحنا قاعدين
    في البنابر
    قدامو
    زي شُفَع مدارس؟!


    Quote: وياتو دستور
    ما صِبِح في راسنا
    قمبور
    وياتو اعلان
    أو بيان
    ما انْغرس
    في حلوقنا أحزان


    Quote: وياتو رُتبه
    وياتو قُبه
    ما بقت
    في اللفّه كُبه


    Quote: سِيِداً مرق
    سيداً رجع
    مكَّاً دخل
    مكَّاً طلع.
    شيخاً لَبَد
    شيخاً نَبَل.
    سيفاً ضِحِك
    كشّر كَتَل.
    ورقاً جبل
    ورقاً سَهَل.
    صِدْقَاً أَفَل
    كِضباً لمع.
    صنماً وقف
    صنماً وقع.
    كفاً عصر
    كفاً قلع.


    Quote: الشعب وين
    يا مؤمنين
    ودستورو
    في حَله انسلق؟!
    و (القسمه)
    في ثروة منو
    والشعب
    بي جوعو انشرق؟
    و(النسبه)
    في سُلطة منو
    و(سُكرنا زاد)
    (بالنسبه)
    في الدم انطلق.


    Quote: انتو الفوارس
    والمكوك.
    الدايْر يبيع
    تدوهو
    (في جاهكم يلوك)
    واللسّه
    ماسك في الجَمُر
    ياريتو بس
    يلقى النبق
    والجوع يقَطِّع
    في الحشا
    ألفين سنه.
    أدونا بس
    حق الصَبُر
    خلونا
    من غش الكلام
    وعد الرخا
    وليلة القَدُر.
    خلونا
    من كضب
    البشاير
    في القصايد
    والجرايد.
    أدونا بس
    حق الفطور
    أعفونا
    من حق (العوايد)
    و (النفايات)
    والدوا
    وكفايه
    (فك عكس الهوا)


    Quote: يامؤمنين
    الشعب وين؟
    تاكلو الثمر
    والشعب تدوهو
    النوا؟!


    Quote: ورونا كيف
    ننسى الكوارث
    يا فوارس؟
    الإنكسار
    الإنشطار
    الإنحسار
    الذِلّه لي ناساً
    كِرام
    موت العُروض
    دك الفروض
    بلْع الحرام.
    ورونا كيف
    بس لينا يوم
    (بعتوا الترام)؟!


    Quote: خلونا
    من جنس التخاريف
    في الثقافه
    ومهرجانات السخافه
    أدونا بس
    حبة (كُنافه)


    Quote: الشعب وين
    في السُلطه
    يا أُمة محمد
    ويا يسوع؟!
    (القسمه)
    في المال والحُكُم
    ولاّ المظالم
    والدموع؟!


    Quote: **************
    يا شراكه
    يا تحالف
    يا (تخالف)
    يا شياكه
    يا قِباب
    يا رهاب
    يا خطابه
    يا شيوخ
    يا شلوخ
    يا مهابه :
    - انتو الفوارس
    في المسارح
    ونحنا كومبارْس
    الغلابه.
    انتو أبطال
    القصص
    نحنا التلاميذ
    في الحصص
    انتو الأكابر
    في المنابر
    ونحنا
    حُراس المقابر


    Quote: بِتْصَدِقوا
    أو تضحكوا؟!
    قسماً عديل
    يا نبقى
    نحنا الساده
    والحق والقياده
    وانتو خُدامنا
    وزياده
    نطلع نكون
    نحنا المنابر
    والإمامه
    أو تقوم بينّا
    القيامه.
    الشعب ما ضحكه
    وقمامه
    والصَنّه
    ما بر السلامه.


    Quote: يا (مبيور)
    ويا (جَلاّبه)
    انحنا الشعب
    سَدْرَنا ولّع
    وكَرْكَرْ تَب.
    حتفاوضونا؟!
    ولاّ نولِّع
    ونبدا حرابه
    نَخُش الغابه؟!


    ويبقى السؤال قائما إلى ما لا نهاية :

    Quote: ياتو ورقاً
    اتمضا
    وكان دوانا
    من الأذى؟!
    وياتو ظُلماً
    اتنسى
    بس عشان
    مكَّاً ضحك
    أو عشان سِيِداً عفا؟!


    التحية للرائع هاشم صديق وكل شعراء بلادي الذين لا يتوانون عن قول كلمة الحق ..


                  

07-22-2005, 11:47 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    نسيت ان أذكر ان الاستاذ هاشم صديق هو صاحب اكبر إصدارات شعرية بين معاصريه .. إذ وصل عدد مجموعاته الشعرية التي أصدرها إلى 15 مجموعة هذا غير التي لم تنشر حتى الأن ..

    كما أضيف أيضا ان هاشم صديق ثروة قومية أيضا تجب الحفاظ عليه ..
    مثله وعثمان النو والبترول وعثمان حسين ..
                  

07-22-2005, 03:54 PM

صلاح شعيب
<aصلاح شعيب
تاريخ التسجيل: 04-24-2005
مجموع المشاركات: 2954

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    العزيز ناذر

    حمدالله علي السلامة, وكيف كان اللقاء البوردابي, كم تمنيت ان أكون بينكم

    لاتعرف علي اشخاصكم الكريمة,

    عموما ً ما سطرته عن هاشم صديق حقيقة واقعة وذلك من فضلك وجميل إحسانك,

    أفتقد هاشم كثيرا ً, فهو أخي الكبير وأستاذي, ولكم ضمتنا مئات الجلسات المسائية تحت

    نيمته الظليلةالتي شهدت دررا ً من ثقافته العالية, وبهذه المناسبة أتذكر كيف ان الراحل

    محجوب محمد أحمد وعبدالباقي خالد عبيد والزبير سعيد والصادق الرضي وعثمان شنقر ود. طلال دفع الله

    ومحجوب شريف وعثمان جمال الدين وسعد يوسف وعادل سعد وآخرين كانوا أعضاء متواصلين

    بالحضور في منزل هاشم للاستزادة وشحذ الهمم, وأشهد ان كل مايقال عن هاشم من سلب القول

    ليس سوي محض إفتراء.

    ولنسأل كل هؤلاء عن هاشم وستجدون الاجابة إنه أكثر المبدعين تواضعا وكرما ً وإنسانية ,

    وكان منزله منتدي لكل أهل الادب والشعر وفي جلساتنا تلك تفتحت عقولنا وإستمع لنا وشد من

    أزرنا, ويا عزبزي ناذر ان معرفتك بهاشم لن تكتمل مالم تزره ولتعرف كم هو إنسان رقيق

    وقابض علي الجمر وشهم وحسن الخلق ..إلخ تلك الصفات النادرة, وشكرا ً لك وشكرا ً لهاشم .
                  

07-23-2005, 06:10 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: صلاح شعيب)

    الاخ العزيز صلاح ...

    حقيقة تمنيت ان تكون معنا بالامس حيث انني سعدت كثيرا بان إلتقيت مجموعة من قبيلة الفنانين والمبدعين في بلادي مثل الاستاذ الباشا والدكتور معز عمر والفنان همزة سليمان وكثيرين غيرهم ..

    ربما معرفتي بالاستاذ هاشم قد تكون سطحية رغم اننا إلتقينا كثيرا في ندواته التي كان يقيمها ولا زال .. كما أؤكد أن الأستاذ متواضع جدا من خلال عدة شواهد ..

    إتصلت به ذات مرة بتكليف من نادي أبناء ديم سليمان بالحلة الجديدة من اجل ان أخذ رأيه في أن يمنحنا بعضا من زمنه لإحياء ليلة ثقافية تقام بالنادي .. وكنت قبلها قد أخذت رقم تلفونه من الصديق الصحفي الزبير سعيد .. وحقيقة كنت متخوفا .. فأين لي من محادثة عملاق في قامة هاشم صديق .. !!

    ولكني فوجئت من خلال المحادثة برجل عظيم الخلق والأدب إلى أقصى حد!! به صفات الشعراء حقيقة لا مجازا .. تحدث معي وكأنه يعرفني منذ سنين ...

    توجست خيفة رغم إرتياحي وقلت له في هدوء حذر أننا نريده لليلة شعرية في نادي ديم سليمان !!

    لم يتردد الرجل ولو للحظة بل رحب بالفكرة ووافق فورا فقط طلب دعوة مكتوبة بها المكان والزمان لتكون بمثابة إلتزام ... فالرجل يحب الإلتزام جدا .. ولم يطلب شئ أخر ..

    تصور إذا لم يكن ذلك هو هاشم صديق وكان شخصا غيره !!!!

    وحضر هاشم وتحدث في الندوة كافضل ما يكون وأطربنا وأطرب أبناء المنطقة ..

    ومثل هاشم صديق أخي وأستاذي صلاح توجب منا الحفاظ عليه ضد المؤامرات والدسائس التي تستهدفه من حين لأخر رغم ان الرجل يمتلك صمودا يحسد عليه في المواجهة والمصادمة ولكن دورنا لن يكون المكوث مكتوفي الأيدي .. فبمثل ما وهبنا من قصائد وامال علينا أن نعطيه حبا وحماية ونبادله بأقصى ما نستطيع ..

    ولو كان الأمر بيدي لنصبت له تمثالا في أرقى شوارع الخرطوم !!!

    ولكن عذرا ما ذا نفعل مع الشمولية وضيقوا الأفق الذين لا يروا في هاشم إلا صوتا نشاذا يهدد كراسيهم وسطوتهم ويجب إسكاته !!!!

    التحية لك أخي صلاح والحديث عن هاشم صديق يطول ويطول ..
                  

07-24-2005, 07:50 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    >>>>>>>>>>
                  

08-04-2005, 06:16 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    أرفع هذا البوست لما لموضوعه من علاقة بأحداث الخرطوم الاخيرة..
                  

08-11-2005, 10:41 AM

MOHAMED ABDALLA SHERIEF


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    بوست رائع

    شكرا ناذر
    ياريت استاذنا صلاح شعيب لو واصل لجعل هذا البوست اكثر

    روعه وايجابيه مع الاخ ناذر .
                  

08-10-2005, 06:55 AM

almohndis
<aalmohndis
تاريخ التسجيل: 05-05-2002
مجموع المشاركات: 2663

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    Quote: قرنتية) ما انتفاضة شعبية

    (قرنتية) ما انتفاضة شعبية
    ما مرضانة بالسارس
    ولا فشلت تجيب الكأس
    ولا كابوى جاي من تكساس
    قرنتية
    باين عليك ضهبانة
    جيتى زمن القبلية والجهوية
    زمن التهميش والعنجهية العنصرية
    قرنتية
    كان بس تقولى :-
    شايقية
    او جعلية
    او دنقلاوية
    ما كان اعتقلوك جبرية
    ولا غدروا بيك المزارعية
    ولا وزعت لحمك
    المحلات التجارية
    وكان عالجوك
    فى المانيا الاتحادية
    او الاردن الملكية
    قرنتية
    باين عليك نسيتى
    اصدقاء الطفولة
    القرد والزراف
    وصاحبتنا القميرية
    ما فاكره زمان لعب
    الطفولة فى العصرية
    طفلا صامت الدهرية
    قدر الزمن
    بقى اهم
    زول فى الجمهورية
    وكان كتب ليك
    وريقة بس
    يجيك برسيم من
    امريكا اللاتينية
    ويوظفوك فى الخارجية
    ويبعثوك كندا او امريكا الشمالية
    قرنتية
    (قرنتية ) ما انتفاضة شعبية
    ما مرضانة بالسارس
    ولافشلت تجيب الكأس
    ولا كابوى جاي من تكساس
    قرنتية
    ما حكمت الناس بالجور
    ولا قفلت سودان مونتور
    ولا دمرت اقليم دارفور
    ولا حرقت لحاكم بخور
    ولا بدلت الدين بالكجور
    قرنتية
    ماقتلت طلاب العيلفون
    ولاغشت الناس بالدقون
    ولاسحقت المهمشين بالمنون
    ولا كذبها صار
    ضرب من الفنون
    قرنتية
    (قرنتية) ما تبقى عندية
    وصلى على الحبيب (ص)
    انت اصلوا
    ما ودوا ولدك
    خدمة الزامية
    ولا جاك خبر
    ولدك شهيد
    وعرس ليه حورية
    وزغردة امه ضهرية
    قرنتية
    ولا جاك شيخ الجماعة
    بعد حداشر سنة
    يقول :-
    ولدك مات فطيس
    واكلته البراغيث
    ومدفون مع المطاميس
    قرنتية
    ما تبقى عندية
    انت اصلك ما عارفه
    الجبهجية
    وما جاتك فواتير كمية
    ناس الزكاة
    وناس الضرائب
    اشكال وانواع
    مرة شباب الوطن
    مره الشريعة
    ومره الجهادية
    قرنتية
    عفوا
    انا ما غلطان
    ولا بهاجر من السودان
    ولا بخاف من اللمان
    ولا بكتب استرحام للكيزان
    ولامسئول عن دم
    قميص عثمان
    والله اعلم
    كم حزنت كمان كمان
    قرنتية
                  

08-10-2005, 01:30 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: almohndis)

    الأخ المهندس ..

    شكرا جميلا على هذه الإضافة ..
    وأتساءل إن كان لديك قصيدة صالح عام !!
    أرجو منك إنزالها هنا إن توافرت لديك ..

    لك التحية ..
                  

08-10-2005, 01:31 PM

محمد حامد جمعه
<aمحمد حامد جمعه
تاريخ التسجيل: 11-26-2004
مجموع المشاركات: 6807

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    وانا المديت شراع افكارى فى بحر الزمان تهت
                  

08-11-2005, 06:55 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: محمد حامد جمعه)

    محمد حامد !!!

    يا خي ما تتم القصيدة الرائعة دي ..

    ولا أاااااااا !!!!!!

    شايفك ما فاضي الليلة
                  

08-11-2005, 02:58 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الاخ محمد عبد الله ...

    Quote: شكرا ناذر
    ياريت استاذنا صلاح شعيب لو واصل لجعل هذا البوست اكثر


    شكرا للمرور والتعقيب ...
    وانا مثلك في إنتظار الاستاذ شعيب
                  

11-27-2005, 02:08 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    أرفع هذا البوست وأنا في قمة النشوة والإنفعال تاهبا لإستقبال القصيدة الرائعة التي ستنشر غدا للشاعر الكبير العظيم هاشم صديق ..

    وهي كما أسلفت القول في هذا البوست إنتباهة اخرى في زمن الغفلة ..

    صنفرة :

    لا أستطع الصبر حتى شروق شمس الغد لقراءة القصيدة !!
                  

11-27-2005, 02:42 PM

الأمين عثمان صديق محمد

تاريخ التسجيل: 10-25-2005
مجموع المشاركات: 1340

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    انا ما قلت ليك يا ناذر
    الولد وقت يبقى قوي يبقى صاروخ ارض جوي











    فوق
                  

11-27-2005, 02:48 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: الأمين عثمان صديق محمد)

    الأخ الامين ..

    سبحن الله !! كنا قبل أقل من ساعة نتحدث عنك ومعي أخي الاكبر بكل خير والله !!
    وقد طلب مني أن أغريك سلامه وأشواقه ..

    وترقب معي غدا قصيدة الأستاذ هاشم صديق !!
                  

11-27-2005, 03:17 PM

الأمين عثمان صديق محمد

تاريخ التسجيل: 10-25-2005
مجموع المشاركات: 1340

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    Quote: سبحن الله !! كنا قبل أقل من ساعة نتحدث عنك ومعي أخي الاكبر بكل خير والله !!
    وقد طلب مني أن أغريك سلامه وأشواقه ..

    تحياتي الماتوصف ليهو
    تصدق الناس دائما تتلخبط فينا وياما نادوني بي اسمه
    قول ليهو وحشتنا ونستك الراقية يا زينة شباب البلد
    السودان دا عجيب امره ياناذر كل ما تبعد عنو كل ما تقرب منو

    غدا ألقاك
                  

11-27-2005, 03:34 PM

عبدالله ادريس محمد

تاريخ التسجيل: 10-28-2005
مجموع المشاركات: 298

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الاخ الرايع جدا جدا ناذر لك كمية من الاشواق وبالطن كمان ( ما تقوم تقول كسير تلج)
    شكرا جميلا وانت تتحفنا بابداعات شاعرنا هاشم صديق ذالك الهرم الاعملاق؛؛؛
    وشكرا ليك كتير جملة وقطاعى
    (( حاجة فيك زى نقر الاصابع لما ترتااااااااااااااااح للموسيقى))
    خالص معزتى

    والتحية للشعراء هاشم وحميد والقدال
                  

11-27-2005, 04:55 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    ناذر العزيز ..اوافقك الراى..فالابداع لايكون الا تحت ظلال الحرية والسلام..فالاقلام

    الرشيقة لا تظلها السيوف..واليك رائعة حميد السرة:


    السرة بت عوض الكريم

    جات داخلة .. زي مرقة غضب من جوف حليم .. في زمن صعب
    رمت السلام .. زي شنطة من كتف المسافر .. بي تعب
    زي رُدخة رب .. الله يا رب
    قعدت على طرف العنيقريب المحازي ا##########
    ضايرت التراب ، كسر العويش الفوقو .. شالت باصبعا وشختت شخيت
    الله يا رب
    عايننا فيها نكوس سبب .. للكفرنة وفورة الزهج .. من دروة البال الوهيط
    ما عودتنا تدس عوج .. تكتم فرح .. زي حالة الزول البسيط
    صنقعنا في قعدتنا .. راجعت الوشوش ..
    دنقرنا عن رفعة وشيها المتعب الجاد الرحيم
    الطيب السمح المعافى .. رهاب رهاب ينشاف وسيم
    إنوهطت فوق العنيقريب القديم
    من تاني ضايرت التراب ، كسر العويش الفوقو شالت باصبعا وشختت شخيت
    وقالت : تصدقو آ ولادي بقيت
    أبيت الليل أفكر في التميرات القدر فوق راسا ما خمّت صبيط
    غلبا الجرورة الفوق ضهرنا تنزلا ..
    تطلق وشينا مع الجماعة ..
    شن دهانا دي كم سنين والحال وقف قطّ وحلف ما فيهو لو نقاط بسيط
    كان بوشنا في حش التمور .. الليلي دوشنا مع اللقيط
    أي لا حكت دي ولا بقت .. ما كنا قايلين في حياتنا يجينا أقسى من المضى
    ساعة مروق الإنجليز قلنا الظلم فات وانقضى
    تاريهو كمتر .. وقام دقون .. حلفا وعشر .. معيوقة نال
    دمسيس ... ضريسا .... وشوك جمال
    الله يا رب كربك كرب
    عاولى التمور .. الارض بور .. الناس حطب
    بابور شهور غلبان يدور .. مافيش مطور .. ويجيك بعد ده علم طلب
    الله يا رب العالمين
    الما جحدنا نعمتو في الشوف والسمع راحة الولادة ولا قلوبنا قسن ولا غيرنا دين
    في الجابو ما قصر حمد .. في الشالو ما قلنالو وين ماشيبو وين
    عدلت نعال مقلوبة في الجيهة اليمين .. حدرت شمال
    زمناً مو دا الحيكومة كانت بت حلال
    بي حالا .. بي حرب الجنوب ..
    بي قلة المال في الجيوب
    كانت رخية العيشي .. إلا ترا العوين الكبرو .. كبرو مليسين
    علمن يطير .. إن كان هو ما فدّر عوج ..
    ما فادنا شيء ومحق القبيل لمينا هين .. في هين .. في هين
    يا حليل رجالاً سكتن غدراً غشاهن بالقفا .. ولي الليلة سيفن في الجراب يهرج سنين
    دا زمن قواسي .. زمن ضلالة .. اوانطجية .. زمن حقارة .... زمن مهين
    لاقين هواكن ضروا .. ضر .. يا عسكرياً ما انتعظ .. كتل الرقاب بيودي وين
    ضر .. يا جلاليباً رهاف .. ذمماً خفاف .. ضر يا ضرر .. ضر .. يا دقين
    منصلبطين عرق النبي .. وبالنار بتلعبوا يا عوين
    لي الحول قريب .. درب السلامة .. تخوجوا بي درب الحرب
    غتي قلب واللا الحرب .. بقرة حلب .. والأرض صين
    ما كان عمل .. ما كان دا دين
    يا أرزقية تخمجوا دم .. والدم مو موية .. ومانا طين
    منصلطين في الناس دحين .. لامن يجي اليوم الفصل والحق يبين
    وين تمشوا وين تنسلوا .. وين
    كان طال وكان قصر الزمان .. الحين بحين
    كب يا رجالاً سكتن غدراً غشاهن بالقفا .. ولي الليلة سيفن في الجراب يهرج سنين
    وإنأوهت .. وحسيت بأعماق الشوارع والتواريخ المجيدة إنأوهت .. وأدتني عين
    صنت شويتين .. كوركت .. هيى يا بنيه وكتنا راح .. يا بت شمشنا إدهدهت ..
    شوفيلي شافع ود فطين جاء من الطحين
    الله فترنا من الطحين
    وكان الوقت زالف عصر .. عين الشمش مشغوله بي دوشة سحاب
    عرق المراكبية البعاد راحل مع ريحة التساب
    ما تدري مارقي من البيوت الحلة .. واللا من التراب
    الناس تقول مدقوقة طالعة على الحقاب
    مفلوقة بي حجر الصعاب المرة .. نازلة على البحر مشروقة بي موية السراب
    الفرة .. مشنوقة عقاب .. بالمرة من كتر العذاب
    الحرة في طايوقه داب
    يا المرة كيف بقت الرقاب مسيوقة بي قيد السلاب
    منشرة من نشر الحجاب في عروقا .. وإشتد الخراب
    من بعدما انبلج الفرج من ضيقا .. خدعوها بي حيلة كتاب
    رفعوه فوق سن الحراب
    ودهت الهزائم خلقتا
    فالناس بدل عن نقتا
    التلقى فكة ريقتا
    وبدل القصور الفي خيال .. التبقى ماهلة كريقتا
    وما جاتا راحة طلقتا .. إلا التعمر طلقتا
    بي بندقيتاً حقتا .. بي ها الشوارع وبقتا
    تنسدا منك دقتا .. ودم فلقتا .. ومر شرقتا .. ونار شنقتا
    يا دقن دينك سرقتا
    قطعت وضوها انشرقت .. مسحت وشيها إنشهقت
    قال نست ما تاكت العوضة التحت .. عن مرقتا
    دارت تقوم .. مسك العنيقريب الحنين طرقتا
    رجفت بشيش عن نتقتا
    رجفت بشيش من الغضب واللا التعب .. فتر السنين ..
    واللا الكبر دا الما قدر يمسح سماحة خلقتا
    زي نيتا البيضة الشعر .. وزي موج بحر كان الجبين
    مديت يميني أساعدا ..
    ردت يسارا تباعدا
    وقالت لي : أبوي وفر ضراعك للبلد
    وادخر مروتك آ ولد
    لي يوم بحين
    احفض كرامتك تحفضك .. الموت ولا العيش المهين
    الموت نفاد الما نفد .. الموت حياة الميتين
    أختاها جنة مع الفقر .. وادخل جحيم المتعبين
    وإن ما قدرت على دا أبوي .. رب لك دقين
    وصنت .. رب لك دقين
    وضحكت .. حمدنا الله الحنون .. جيداً خلقنا بلا دقون
    وضحكنا زين
    ساقت حديثا .. على الخراب الشوفتو ما دايرالا عين عقب متاقانا الرياح
    رفعت قران شوك الصنط .. ساسوية جاية من المراح ..
    يا خيري ودي المستراح
    والشوكة تحت الدوكة .. يا داك الركين
    الشوك بمرق الشوك .. شوكاً فينا شين
    مراقو رب العزة .. شعباً ما بيلين
    الجاي حيكومتنا .. لكن الزمن دبوية .. داير النهمة .. وينكم يا الخزين
    ما قلّ حاشى صبرنا .. لكن لا متين
    دعكت عيونا وصنقعت .. كان الغيوم إنجمعت تقلت على الريح النصيح
    كان المطور شو ترعت .. زي باكي فوق دم الحسين
    لكن ده وين .. والتاني وين
    وإنلوعت .. معقول في ناساً ما وعت لي الليلي بالم .. بين بين
    وكيف وإنتو نوحنا من الدعت .. مومنا من جحر الدقون الكاكي يلدغ مرتين
    والتالتة قرصة أبو الحصين
    حسيت بأنها دمعت .. وشهقت عيونا الدمعتين
    حسيت بأني متل حجر .. جدعوهو في نص البحر .. قام البحر بنى فوقو طين
    حسيت بأعماق الشوارع .. التواريخ البعيدة إنأوهت .. وأدتني عين
    الجاي حيكزمتنا .. كيف .. ومتين .. ووين ؟
    ومرقت متل دخلة غضب .. صدر المسامح والحليم
    في أيام عجاف
    دي السرة بت عوض الكريم
    مرة ما بتلاوز .. لا بتخاف .. زي الضفاف
    الما بتهاب ضنب التماسيح والكلاب .. قومة البحر واللا الجفاف
    مرة من قديم .. مرة بت قبائل .. قالوا لا .. وإختارو في الحق الجحيم
    من رفقة الفسل الخلا .. وكانت نعم تدي النعيم
    مرة من صميم ضهر الغلابة الما بتنكس راسا .. غير ساعة الصلا
    أو ترمي تيراب في التراب .. أو تستشف وجه السديم
    السرة بت عوض الكريم
    ما فيها من عادة الحريم .. غير السماحة القدمت قدم الضهب حافضنو في حقاً قديم
    في أقصي كيم
    ما فيها من طبع الرجال .. غير الأيادي الخشنة زي قولة النصيحة وقت يكدب في الصميم
    ساعة يكون الحكم ضيم
    تسعين سنة .. ويا السرة بت عوض الكريم
    بصرك بصير .. سمعك سميع .. نضمك نضيم
    بالك محلو صبي وسليم
    تسعين سنة .. عودك أمداً ما انحنى .. شامخ بلا البان القديم
    تسعين سنة .. ومن فتنتك .. استغفر الله العظيم
    جوك الرجال يا السرة بت عوض الكريم من وين وين
    لا الكلو طين أغراك .. لا السمح الوسيم
    آ السرة صددتي المشايخ والعمد .. مرسالا ليك ..
    ضيعت بي أنفه البشارة عليهو ... كيف قلبك صمد يا بت قصاد المغريات ..
    الجان يجن والهام يهيم
    والبشروك بالجنة من فقرا البلد .. أسقوك بالغفلة المحايات .. ما نفع
    رتباً كبار .. قلتيلا .. لا
    شعراء ومغنين .. خت فيك دوداي غناهو .. ما شفع
    الجان يجن والهام يهيم
    والإنجليزي أسلم في شان خاطر هواك .. ساعة طلعتي تجيبي عود السيسبان
    إتصيدك آ السرة بت عوض الكريم ... مرقنو كرعين الحصان
    والجاكي ناط .. كتفتي بالليل في اللمين .. مع الفجر طلبك عفو وسترة
    وعفيت وسترتي .. يا السرة القوية .. بقتلو توبة سوية من هتك العرض
    يا بت ها كيف بعد الحسن .. ما تاورك قلبك على زول في الأرض
    ستين سنة ..
    ويا بت بلا النيل وحدك واقفاها .. و النيل إنحنى
    ستين سنة
    ما جهجك فقد الحسن .. لا يفقهك فجع الجنا
    فجع الجنا الويحيد تحت خيل ميجر السجم الرماد
    الإنجليزي وقت مرورو على العباد
    وجناكي ناش عين الحصان بالنبلة .. ناش طربوشو
    قيح العسكري إنحم .. وحم بالسوط جناك في إطن المسيمح ما اتلفت
    والهاشم الواقف وقع .. والدم هدر ..
    وكان زي محمر في الكجر
    بي إيدو قابض نبلتو .. وفي التانية غامت للحجر
    صرخت صليحة وشكعت فوق قيحة .. كلْبينا الزرق ومن يوما داك ما شافتن
    صيحة البطان قيح البقل .. نهمت غنا غضب البنات عن زفتن
    فس .. يا كديس الإنجليز .. كلب الترك يطفر من الفارة وينيص
    يا مكري .. صبرك .. يا رخيص
    الفافنوس .. البوص .. لحاية الهردبيس
    تمر البلد شال شيلا جد إلا الحصا تبل مارقة صيص
    كوسلك بلد .. بلدك واباك .. رفسك رفيس
    نفضك نفض .. بلدك تضادي .. ولا مغيث
    قلبت عليك بطن الرجال .. شقيش تقبل .. يا خسيس
    يا قيحة .. حظك في الحياة وفي الميتة مافي .. وموت تعيس
    عفنت كرشتك دون ترب .. منفوخة للغربان فطيس
    وفوق سكة الماظ الصعب .. هاشم - حلالي - قدل عريس
    هيلة آ رجالاً عرستن .. شمش المشارق ليها ميس
    هيلة آ رجال .. هتفت نفيسة وحرّقت توبا الوحيد
    عقدت شديد .. قرقابا حافيي ودون قميص
    جرت الكرارق زي برق .. لفحت من السحارة لي هاشم حريرة وقرمصيص
    وكان الفريق إنخم ما فضل بشر ..
    ما هزا زلزال الفجيعة المرة .. والدماع طفر
    دايرات يولولن الحريم .. صنت وقت صوتك نهر
    وكيفن زفتي وشيي ونعلت قفاهو .. شيخ الحلة عن قال لك قدر
    ولميتي هاشمك ونبلتو .. وفي إيدو الحجر
    صبغ الحريرة .. القرمصيص .. الدم ملاك ..
    لميتي زي لمة ملاك ..
    آخر عمل خير في البشر
    جاك الصبر من وين .. ولا قلبك رجف .. لا آهة .. لا دمعاً طفر
    رشرشتي بي إبريق أبو .. وبي دمو نبلتو والحجر
    خيط الحريرة القرمصيص .. كفنتي بي رفت القماش ..
    الساكوبيس الخاتا لي يوم الطهورة ..
    مرقتي لاقوكي الرجال بين الغلب إنقلبو
    ومتحزمين زي يوم أبو
    دمع الرجال هزاكي
    آه خارت قواكي
    طفرت دموعك والحريم كسرن عليك
    قلدوك رجالات الفريق فوقك ضي الشمش إتكا
    وبعض المراضى المقرفين قلدوكي لي شي بلا البكا
    وكانت دي أول مرة يتبكي في الفريق ..
    وبي حرقة زي كل الرجال الخيرين ..
    درفون ضرب بالنبلة طربوش إنجليز ..
    عور حصان الإنجليز ..
    لا انزح لا زاغ لا جرى
    وكانت دي أول مرة شافع في الفريق بي حرقة .. ذي كل الرجال
    الناس تشقلو ود لحد في مقبرة
    سبلتي ما انقطع الدرب .. دفقتي بي قرعو الطشت .. فنيتي في البير النحاس
    جا طشت جديد .. وقرع جديد .. ونحاس جديد .. وما انترو ناس
    ناساً تقلب الدنيا.. لو لاقية راس
    دور والمعاك ما انفرقو ..
    وين وشك الصعب الصلب .. إن صر في الريح بعذقو
    وإن صر في الموج غرقو
    يا بت كضب ..
    معروفة ما من قوة تحمي الفرح واللا الترح حين إندلاقو على القلب
    لي دور حديث المنغلين ما إندل من فورتو وهبد
    دماً صعد من ها الترب .. لا بد من ينزل مطر .. رحمة وسعد
    ما بروح سراب .. هاشم نجمة الفنجرة .. نشهد على إنك ولد
    طمنت بي فعلك بلد .. من إولها ولي آخرها
    رجعت أبوك من القبر .. قصرت لسنات الكتر .. سكت خشم المسخرة
    هزيت رجال جوغة غريق ..
    بس كيف نضيق ضيقاً عميق
    يبقى الحجر فلخة جبل .. والنبلة تصبح منجنيق
    أو بندقية معمرة
    ساق نخلة في الطين الطري نازف تشق المقبرة
    وقصب التواريخ ينبري ودمك عمار المحبرة
    نشهد على إنك ولد .. بركان جسارة وفنجرة
    زي ما شهدنا على أبوك .. فرسان قبيلتك من ورا
    ويا السرة بت عوض الكريم .. إنك مره
    ولدك جدع ما بندبوا ..
    حي في وليداتنا .. الدشر لعبن .. طعيم النوم أبو
    ولدك بخيت .. ما دام رقد في صدر أبو
    ولدك شفيعنا مع النبي .. ولدك يمين يكفينا كلنا مغفرة
    وهنا دا الدرب .. حرة قلب.. صرة وشي
    ولدك وعدنا بكل شي
    وما في إيدنا حاجة نخسرا
    يا السرة بت عوض الكريم ..
    مع إنو كم سنوات ولا بحراً طمح .. لا سمانا كانت ممطرة
    كان كل ما نحفر .. يلاقينا الترا
    عن جينا لي دفن الترب .. حسينا كم ملك إندفن
    جات غيمة من دون الوقت .. جات نسمة هبهبت الكفن
    بي دمو نبلتو والحجر .. خيط الحريرة .. القرمصيص
    دخرينا نام آ السرة .. في صدر الحسن
    فاتونا بي قدم الصلاح .. سبقوك على جنة عدن
    وسابوكي نخلة وسط رياح .. بين الزمن
    لكن ضراعك هو الضراع .. على رغم أقداراً قسن
    ماسكي الشباطين في الصراع .. لا بودة لا سوس لا وهن
    تعبر قليبك زي شعاع .. ما غيرت لونو المحن
    ضلك متل بالك وهيط ..
    عبرت مراكبك بي شراع صبر إحتمالك كم محيط
    ورونا في الزمن العبيط .. يا تربة .. يا كل الوطن
    مافيش وسيط إلا الصراط المستقيم
    السرة بت عوض الكريم
    الله .. أيا مره من قديم
    سلطان وعن ساعة الفزع مملوك نشيط
    عادية زي قولة سلام .. حلوة لسان .. لكن إذا تغضب سليط
    مره ما بتفرط في الزمن .. وفيها الزمن لحظاتو أبن
    ساعة مروق الإنجليز .. ضبحت غنيماية اللبن
    طلعت على ناس القبور ..
    كشحت ورا طرف القبب عيشا المجودا للطيور ..
    ومن زمزميتا والدموع .. رشت قبر هاشم عقب قبر الحسن
    والباقي لي كل القبور
    في توبا صرت هين من القبرين بعد ما انبركت ..
    بركة عشق .. بركة شكر .. بركة وفا
    غيبة الشمش جبرت خطاها على الرجوع .. والقلب من شوق ما اكتفى
    ولسع في غيمة من الدموع تبراها لي طرف الفريق ..
    شيلة نفس تطلع مطر .. ختة نفس تطفي الحريق
    آ السرة يا دوب يندمل بين الضلوع جرحاً غريق
    فاتو إنجليز فوق دمها .. وعين إنجليز
    مبروك وحمديل السلامة يذكرك ليلة الحسن سار لك عريس
    أو من ضراوتو يذكرك كتل المنيحيس التعيس
    ناس تملا في الأزيار .. وناس في كل كيم واقدالا نار
    ناس نازلة في الحيشان تقش ..
    ناساً ترجع في المضى .. والجايي سودانية مش
    السرة ليلها قلب نهار .. ا########## غبشة الناس غبش
    والروح خدار من حلتها .. النوم فر طار
    باكر دغش شدت على ضنب الحمار
    حموها للميجر تخش
    عقبت على بيتو العصر .. قصرت مع بتو الحديث
    دهت المشايخ والعمد .. سفهت عمايل الإنجليز
    ظلم الحكم ياهو الحكم .. كان من جوامع كان كنيس
    يبرا السما ..وتبرا آمحمد سيدي .. ويبرا المسيح
    ورجعت بلا الموية الروت .. حيضانها لي جدول فسيح
    لي دور معلقة للبخور في بيتها عامر بالمديح
    لي دور تزغرد ما انقرش يا السرة .. حسها كيف نصيح
    لي دور مع الشاي والزلابية مع الضبيح ..
    الجوكي بالخرفان سمان .. والجار له تور
    لي دور كوبيقاتك تدور
    ما قصر الطمباري .. جاك ملك الدليب
    رحلت بروش الزاوية عندك في الفريق
    آ السرة ما فضى عنقريب
    آ السرة بينات الخلوق .. مراتاً الليل آ بحوق
    لي دور علي كتف الفرح .. تتعب عيونك وتستريح
    لي دور تكلك قاح تكية .. آ السرة دارك ماج ضريح
    ويومين بعد سقت الخدار بي إيدا .. جيهت العقاب
    قامت معاها تسع رجال .. بي نوبة فوق ضهر البخار
    قالت عليها نذر قديم .. واقع عليها نذر عزيز
    إن حية في الدنيا ونصيحي .. إن كان تشوف بي عينا فوت الإنجليز
    إن كان تطق زغرودة في ضل العلم ..
    خلوها تدخل للختم .. حرموها يكفيها الضريح
    شوف عين تشوف الأزهري .. وبي ما يكون .. صح النذر .. ما راح وهم
    دماعا رقرق في العيون .. عن ساعة المحجوب نضم
    وإنشر عِن زروق بزم
    ما كان تكون آ قيحي حي .. وأنا أفش مغستي وأصفي دم
    من تاني يا رخم الوخم
    ما دام حرتناها الأرض .. سندنا .. تيربنا .. بوغنا .. ومسحنا قمحنا .. هسع في وحم
    هاشم ولا أسفاً عليك .. وعلي رفاقتك لا ندم
    ما دام بقينا أسياد بلد .. ما فتو يوم أبداً قسم
    والفوتك يا الإنجليز .. يعقب علي باقي السجم
    آفاتن أولاد الحرام .. أكبر من آفات العجم
    دي السرة بت عوض الكريم .. سرة عقاب
    سرة تواصل بيننا بين رحم التراب
    والجاية في الزمن الرحيم
    مره من قديم
    ما فيها علقنة الرجال .. ما فيها دلقنة الحريم
    مره بت قبائل .. قالوا لا .. واختاروا في الحق الجحيم
    ومن رفقة الفسل الخلا .. وكانت نعم تدي النعيم
    مره من صميم ضهر الغلابة الما بتنكس راسا غير ساعة الصلا
    أو ترمي تيراب في التراب .. أو تستشف وجه السديم
    جات داخلي زي مرقة غضب من جوف حليم .. في زمن صعب
    ومرقت متل دخلة غضب ..
    يا السرة ليم ..
    آ السرة ليم
    آ السرة ليم

    (عدل بواسطة صديق الموج on 11-27-2005, 05:17 PM)

                  

11-28-2005, 01:11 AM

nashaat elemam
<anashaat elemam
تاريخ التسجيل: 12-12-2004
مجموع المشاركات: 1108

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    اخي ناذر ..
    جميل أنت يا صاحب.. وقمة المتعة وأنا أتابع هذا الممنوع.. المرغوب حد البحث في قصاصات الصحف القديمة.. ونفض الغبار من غباش الذاكرة

    بس هاشم ده لو كان اتذكر لينا معاهو الكتيابي.. كان اخوك تم ليك الناقصة وانداح للنهاية.. لكن البركة في جمالك انت وضيوفك..
                  

11-28-2005, 02:48 AM

الأمين عثمان صديق محمد

تاريخ التسجيل: 10-25-2005
مجموع المشاركات: 1340

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    يا نكهة الزمن الرحل
    يا بهجة الزمن الوصل
    يا فرحة.. الزمن البجي

    انت وين
    منتظرنك
    انت وين منتظرنك ديل ما ابيات من القصيدة ديل صنفرة بس
                  

11-28-2005, 05:47 AM

A.Razek Althalib
<aA.Razek Althalib
تاريخ التسجيل: 12-12-2004
مجموع المشاركات: 11818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: الأمين عثمان صديق محمد)

    ناذر..
    تحياتي يا فارس...
    في زمن عز فيه فرسان الزمن الغابر..
    وأنت تطرق على حجر أصم...
    فلا زلنا في إنتظار..
    البصمة...
    ليكتمل السلام..
    وبنكهة شواعرنا... هاشم صديق وحميد والقدال....
    ليعلى الهتاف على أرض الواقع...

    والشارع قال...
    هزمنا الليل..
    وعهد الظلم المرا...
    حتى لا نقول على خلاف ذلك..
    ولا القصائد دي..
    فالشاعر هو مرآة شعبه..
    حتى لا نلج من باب.. الغواية ونمرق ساآآآآكت..
    بلا قيمة أدبية أعني..
    وتطلع المسألة رص كلام.. وشعارات زائفة..
    لا تعبر إلا عن خواء فكري وروحي...


    من باب القول .. الما بيتبعو فعل..
    ولا تقدم ولا تجيب..
    ولا تسوى حتى ثمن المداد الذي كتبت به...

    موش برضو دي بيسموهو الأوتمفسريين..



    هتاف الشاعر قال..
                  

11-28-2005, 06:20 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الأعزاء المتداخلين جميعا ..

    سأعود للتعقيب عليكم فرا فردا ولكن ..

    أسمحوا لي أولا أن تتمتعوا معي بأخر قصيدة للأستاذ هاشم صديق ..

    هـــــذا لا يكــــفـــــي يا بَـــشّــار

    شعرهاشم صديق


    وكأنك تعلمُ
    أن سيقول لكَ
    السفهاءُ
    - هذا لا يكفي
    يا بشار
    .........
    لماذا ضحكتَ
    حين تجرأت
    وقلت :
    - سيقولون لنا
    هذا لا يكفي؟!
    تلك الضحكةُ
    يا بشار
    سوف تحللُ
    في أجهزةِ (البنتاغون)
    سيجتمعون
    ويقولون
    - تلك الضحكةُ
    شفرةْ
    - لا بل هي
    ما خلف الأكمةْ
    وسيُرفعُ تقريرٌ
    من قائِد
    سلك الاستخبار
    يوضحُ أن الضحكةَ
    ساعة صفرٍ للارهاب
    وللأشرار.
    - استخفافٌ
    بالامم المتحدة
    وبالمجتمع الدولي
    .........
    سبحان الله
    وأين هو
    (المجتمعُ العربي)
    هل نحن تداولنا
    فَتَدولْنَا
    في وضحِ نهارْ
    وانَخْنَا الجمل العربي
    على الأسوار؟!
    ما بالك تتحدث
    لغةً عربيةَ
    يا بشار
    والعالمُ أصبح
    يمضغُ لغة (اليانكي)
    وعَلكةَ تفخيمِ
    الفُجارْ.
    ويعظُم بورصةَ
    أسعار التجار؟!
    .........
    أخي بشار
    كأنك تعلم
    من يحكم
    هذي الكُرةَ الأرضيةْ .
    قل أنت
    - ولأنك عربيٌ مسلم -
    - يحكم بعد الله
    وسيقول لك السفهاءُ
    وفي غمرتهم
    - قبل الله
    .........
    فالبيتُ الأبيض
    صار الكعبةَ
    واللغةُ العربيةُ
    صارت عاقرةً
    من حرف (اللا)
    سبحان الله
    كنا نظنُ
    أن الليث الأبيض
    من أفلام (الكارتون)
    وظن
    يظن
    وظنوا
    مَحضَ (ظنون)
    لكن الظن تطاير
    شرراً
    من فوهة
    (مصباح علاء)
    - عجباً -
    هو لا يأتمر
    بكلمة صاحبه
    بل بوكالات الأنباء .
    ليس هنالك
    من يصدر فينا
    صوتاً
    في وجه الليث
    الأبيض
    إلا كان (المجنون).
    (عبلةُ) صارت
    غربية يا بشار
    (وعنترةُ)
    غدا مخصياً
    في حقل الزيتون
    .........
    كيف يكون الحب
    بلا فحلٍ عربي
    ينتصبُ بكف
    (العصر) الغربي
    .........
    سامحني الله
    لكني أسرفت
    بلا وعيٍ
    في نهل (الأدب) العربي
    وهجرتُ السيفَ
    وأفعالَ الخلفاء
    وغدوتُ (رقيقاً)
    ومطيعاً
    (أرجلُ مني
    سيدتي الخنساء).
    لا أعرف
    ماذا تعني الحميةَ
    إلا في أدب
    التخسيس
    ( بفعل السُمنةِ
    من أكل بقالات
    الغرب
    على كل الأنحاء).
    لا أدري
    كيف يكون ركوبُ
    الريح الشهباء
    أو ماذا تعني
    (سيرة خالد)
    وأسياف الأنباء.
    سيقولون لك
    أخي بشار
    هذا عصر الأزرار
    أزرارُ حضارةِ
    ما بين النهدين
    وليس النهرين
    وأزرار عجائب
    أسلحة الأعداء.
    سيقولون
    - وماذا يجدي
    السيف العربي؟
    وماذا تعني
    الخيل الصهباء
    في وجه
    دهاة (البنتاغون)
    وذكاء الأسلحةِ
    الملساء
    وأنت تجرجرُ
    يا بشار
    أسلحةً شمطاء
    على أرضٍ حدباء؟!
    .........
    سبحان الله
    حتى الجملُ العربي
    غدا جملاً
    يُخلُقُ من انبوبٍ
    غربي
    والحريةُ صارت تشحن
    للأرض العربية
    جواً
    بحراً
    براً
    من أقصى الغربِ
    لأقصى العربِ
    لإسقاط الخلفاء.
    قالوا
    نحن شياهٌ
    لا نعرف فعلَ الثورةِ
    إلا في شعر الأدباء
    لذا نصبنا
    الليث الأبيض
    رباً
    ( يحمينا من بأس
    قبيلتنا
    لنسلم قبلتنا
    لحذاء الحلفاء)
    .........
    سبحان الله
    سيقول لك السفهاءُ
    - هذا لا يكفي
    يا بشار
    - أغلق
    - أفتح
    - أسجن
    ـ أطلق
    - أذبح
    - أفصِح
    - أشرح
    - لفِّق
    - سوِّق
    - حاصر
    - طوِّق
    - ألغي الضاد
    من القاموس
    - أكسر
    رأس السهم
    ومزق
    أوتار القوس
    - أصدر مرسوماً
    يلغي السِيّر
    العربية.
    يحذر من لبس
    (الكوفية)
    - عانق شارون
    ونصبه
    أميراً للجولان
    - خَفِّض آيات
    المصحف
    عدِّل توقيت
    الآذان
    .........
    وكأنك تعلم
    أخي بشار
    من يحكم
    هذي الكرة الآن.
    لن يُسقط أمرٌ
    من قائمةِ
    الليث الأبيض
    ما دمنا نُحركُ
    مثل الشطرنج
    على طاولةِ
    الإذعان.
    ما دمنا نفهم
    أن المنطق
    أن نتجنب
    بطش الليث الأبيض
    قدر الإمكان.
    .........
    ويزرع فينا ا لذُعرَ
    بعض الزعماء
    والحكماء
    من أُمتنا العربية
    يقولون لنا
    - خافوا الله
    لا تتحدوا (الامبريالية)
    ستُدمر أُمتنا
    سنفقد
    (بنيتنا التحتية)
    ........
    سبحان الله
    تضحكني كثيراً
    (بنيتُنا التحتية)
    حين تجئ
    على بعضِ الألسنةِ
    الرسميةْ.
    بنيتهم
    هي من خط (السُرةِ)
    حتى أعلى
    ما بين الفخذين
    هي ليست بالطبع
    حضارة
    ما بين النهرين.
    كنا يا ربي
    نقول
    - عروبتنا
    - فحولتنا
    كنا ننتصبُ قوياً
    في وجه
    غزاة الأوطان
    وننتصبُ
    على أسنة غُرِف
    النوم
    من بعد صلاة
    عشاء
    وحتى الفجر
    وإيماء الآذان.
    والآن
    يغزونا الليثُ الأبيض
    ويأمرنا
    لنقبلَ أحذيةَ الشيطان
    أما أمجادُ فحولتِنا
    فغدت تاريخاً
    في ذات زمان.
    نلتمس إغاثةَ
    إعجاز الغربِ
    لأرض العربِ
    حبوباً زرقاء
    وسمراء
    وحمراء
    وشقراء.
    أنقذَنَا
    الكرمُ الغربي
    (فانتصب) الشأنُ
    العربي.
    عَبَدْنا (الحبةَ)
    حتى اوصلناها
    إعلان التلفاز
    وهتفنا
    بحياةِ (الامبريالية)
    والإعجاز.
    سبحان الله
    جاري أسمى
    ابنته الصغري
    (فياغرا)
    جاءت بعد بياتٍ
    شتوي
    حتى جاء العونُ
    من (الأمم المتحدة)
    في صندوق
    يحوي إغاثة عام
    من حبات زرقاء.
    ما أعمق أشكال
    هدايا الخلصاء.
    سيقول لنا السفهاءُ
    - لو قام الغربُ
    بنجدتنا
    في غرف النوم
    هذا يكفي
    دع حتى قيامتنا
    تقوم
    .........
    ما أبأس
    نخوتنا وكرامتنا
    ونحن نُفَجِّرُ
    قِبْلَتَنا
    لنبع دماء.
    أصبحنا أُمةَ إرهابٍ
    في كل وكالات الأنباء
    مجنونٌ من يرفع
    منا الأُصبعَ
    بكلمة لا
    في وجهِ غُزاةِ
    الأنحاء
    لأن الحريةَ
    مِنَّةَ هذا العصر
    الغربي.
    هي ليست
    من عند الله
    سبحان الله .
    حتى (الضاد)
    صارت غانيةً
    (تتمرصع) للغرباء .
    آهٍ يا (بن رواحة)
    يا (حسان)
    يا قِلة غلبت
    عدد الرمل
    على الصحراء.
    مَن لي بجوادٍ
    لا يكبو
    في عصفِ الزحفِ
    إيقاعُ حوافرهِ
    أفصحُ
    من كل غثاء الزعماء.
    يا (حمزة)
    أُخرج من قبرِك
    عانقني
    لم يتبقى لي
    غير التاريخ
    وهذا السيف
    الأثري
    وشُربة ماءٍ
    في جوف (السَعنِ)
    لم تتلوث
    ببصاق الحلفاء
    وهذا الجمل الأعجف
    كالمعتوه يحدقُ
    في قلب الصحراء
    يجترُ هوى
    ناقته الجرباء.
    .........
    وا خجلاه
    أوصانا اللهُ
    بستر العورة.
    لا أذكر أني
    قد شاهدتُ
    وحتى في كابوس
    النوم
    - دعك من التلفاز -
    مؤخرةً عربيةَ
    في الأضواء
    حتى جاء الفتحُ
    بسيف الأمم
    الغربية
    فَخجِلنا
    حتى خجِل الخجلُ
    من الأشياء.
    وبلعنا العار
    كبلع النار
    لدى أبطال السيرك
    البلهاء
    وضحكنا ضحكاتٍ
    خرساء
    ونحن نشاهد
    فوق المسرح
    ملهاةً سوداء.
    أخي بشار
    كأنك تعلم
    من يحكم
    هذه الكرة الأرضيةْ!
    قل أنت
    - ولأنك عربيٌ مسلم -
    - يحكم بعد الله
    وسيقولُ لك السفهاء
    وفي غمرتهم
    - قبل الله
    فالبيت الأبيض
    صار الكعبةَ
    واللغةُ العربية
    صارت عاقرةً
    من حرف «اللا»
    كنا نظن
    أنَ الليث الأبيض
    من أفلام الكارتون
    وأن الشورى
    صنو الحرية
    حتى صححنا
    (البنتاغون).
    .........
    سبحان الله
    (هاملت)
    ظل يفكر
    في مأساة الذات
    ثم تَخصص
    في مأساة الكون
    ومضغنا جُملَتهُ
    وخَزَنَّاها
    مثل (القات)
    بصوت الذات
    لم نفهم أبداً
    كلمة (نحن)
    وكيف (نكون)
    حتى نَصَّبنا
    الليث الأبيض
    رباً
    لم يخرج
    من فيلم الكارتون
    بل (البنتاغون)
    .........
    سيقول لنا السفهاءُ
    دعوهُ (يخربش)
    وجه الكون
    (ولنعلب نحنُ
    على المضمون)
    ...........
    سيقول لنا
    بعضُ الزعماء
    في رعب هامس
    - خافوا الله
    على أُمتنا العربية
    و (بنيتنا التحتية)
    فالعاقلُ
    ليس كما المجنون
    .........
    والآن
    أخي بشار
    هل ستصبح
    (مسرح رجلٍ واحدْ)
    يكابُد تحت القبضةِ
    والألغام
    أم تصرخُ
    - وا عرباه
    وتقفز
    فوق جوادٍ
    وتعطي الضوء
    لذيل الليث
    يعربد فوق الشام
    ............
    تلك هي المعضلةُ
    تلك هي المعضلةُ
    .........
    دع (هاملت)
    يخرج من سجن
    الذات
    لسجن الكون
    ونحن (الكورس)
    فوق المسرح
    نولول
    في جللٍ
    - نكون ... نكون
    نكون ... نكون
    - الليث الأبيض
    ليس الله
    - سنعيدُ الروحَ
    لحرف (اللا)
    - اللهُ الواحدُ
    رب الكون
    - ذاك هو (المضمون)
    ذاك هو المضمون
    .........
    ويصرخ في وجهي
    صوتٌ
    - صه يا شاعر
    هذا يكفي
    حتى الآن.
    حَدِّق
    استرقَ النظرَ
    لما يجري
    علي إيران
    وبالسودان
    فذاكَ
    هو الفيلم القادم
    قد بدأ الإعلان
    ..........
    ثم يعود الصوتُ
    (لِيشَفطَ) في صخبٍ
    دمَ (النارجيلةِ)
    ثم يعاقر
    في (الكُنكان)
    ومن أقرب
    مِئذنةٍ
    يسري التكبيرُ
    من الآذان
    ( وينبهه صاحبه
    لصلاةٍ حاضرةٍ
    لكن الصوت يعارض
    وهو يلوحُ
    في ضيقٍ
    - ليس الآن
    - ياخي ليس الآن)
    هاشم صديق
    19/11/2005م
                  

11-29-2005, 03:51 AM

nashaat elemam
<anashaat elemam
تاريخ التسجيل: 12-12-2004
مجموع المشاركات: 1108

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    يا سلام يا ناذر.. ويا سلام علي هاشم
    شكراً جميلاً يا ناذر
                  

11-28-2005, 06:59 AM

ayman haroun
<aayman haroun
تاريخ التسجيل: 10-10-2005
مجموع المشاركات: 1409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    DEAR nazer

    up now , but iwill come back


    ayman haroun
                  

11-29-2005, 03:25 AM

A.Razek Althalib
<aA.Razek Althalib
تاريخ التسجيل: 12-12-2004
مجموع المشاركات: 11818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ayman haroun)

    ناذر....
    أمتعك الله بالصحة العافية..
    Quote: أسمحوا لي أولا أن تتمتعوا معي بأخر قصيدة للأستاذ هاشم صديق ..


    إنما الأمم الأخلاق ما بقيت..











    في الإنتظار...
                  

11-29-2005, 05:07 AM

الزوول
<aالزوول
تاريخ التسجيل: 05-14-2003
مجموع المشاركات: 2463

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)


    السلام عليكم
    الأخ صاحب البوست والأخوة المتداخلين
    بما إننا في الانتظار
    فاسمحوا لي بإيراد هذا اللينك للبوست الذي أظنه يصب في خانة الإجابة لتساؤل الأخ ناذر عن بصمة حميد

    بصمة حميّد / محمد النصري أغنية للسلام




    وما الناس إلا هالك وأبن هالك *** وذو نسب في الهالكين عريق
                  

11-29-2005, 05:28 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الأعزاء جميعا ..

    أشكر وبإسمك الأستاذ حسام دفع الله الذي أرسل لي قصيدة (صالح عام) للأستاذ هاشم صديق ..

    وأعتقد أن تمتعنا سيطول بهذه القصيدة ..


    العصور الشمولية
    صالح عام 00 للشاعر / هاشم صديق

    هديمك يا وليد
    مقدود
    وصابحنا الفقر
    و الجوع
    صبح جلد البطن
    مشدود
    * *
    شن بتسو
    و اخيك
    من شهر مرفود
    قالو .. صالح عام
    عشان قال
    العُوج في العود
    حمدّ يارب
    اخير من قول
    هديك البغلة
    في الإبريق
    كان ودوهو
    بيت الأشباح
    و كان دوقو
    زول هلفوت
    * *
    هديمك يا وليد
    مقدود
    و صابحنا الفقر
    و الجوع
    صبح باب التكل
    مسدود
    كمل حتي الملح
    في البيت
    وشن همّ
    الملح في البيت
    وكت ملح
    الدموع موجود؟!
    دحين يا وليد
    هو ديل
    موُ قالوا ناس
    إنجاز ؟!!
    وشن سّولنا
    مما جونا
    غير حرقو
    الفضل بالجاز ؟
    كّل شيتا
    صعب في السوق
    من الكبريتة
    للطايوق
    و كان جانا
    البخت تموين
    رطيل سكر
    و صابونتين
    نجيب من وين ؟
    و اخوك مرفود
    و عدمان الشهر
    ملين ؟
    أمس زازيت
    اكوس الدين
    مشيت لسمية
    بت مامون
    لقيت جابولها
    تلفزيون

    سمح بالحيل
    تشوف الصورة
    بى كم لون
    وكت في نشرة
    ألأخبار
    ظهر مك البلد
    يضحك
    جضومو كبار
    مزرر الكرش
    بزرار
    لا مهموم
    لا مغموم
    لا زعلان
    و شيهو
    يراري بالألوان..
    وقّد في حشايا
    تباق نار
    طريت رفد
    الوليد و الجوع
    و سال
    دمع الغبينة الحار

    * *

    اريتك يا ملك
    فد يوم
    يخلى الجوع
    عينيك ما تنوم
    أريتك يا ملك
    فد يوم
    تحس بي غصة المظلوم


    دحين يا وليد
    هو ديل ما لهم
    و مال الدين
    وكت قولهم
    كلام الله
    و فعالهم
    ما فعال صالحين
    كتير فيهم
    عديل حقار
    و بالقرآن
    كمان تجار
    و كضابين
    أكان بنزين
    عدم .. أو جاز
    وتعبوُ الناس
    و ضاقو خلاص
    صفوف واقفين
    يقولولك
    إرادة الله
    وكان عدم الرخيص
    و الغالى
    في التموين
    يقولولك
    ده . غضب الله
    و كان الموية
    صبحت طين
    يقولولك
    ده من امريكا
    والعملا
    حمونا الشب
    ولاد الكلب

    عشان الشعب
    يحرن تب
    يقبّل
    من صراط الدين
    دحين يا وليد
    هو ديل
    ما لهم
    و مال الدين
    أكان كنزو
    الدهب و المال
    بلايينهم
    تسوى جبال
    وعرباتهم تخطف
    العين
    و بنياتهم قصور
    في قصور
    وحاة الله
    و كتاب الله
    أكان ادونا
    طوب فد سور
    كان سوينا
    الف أويضة
    لي مسكين
    فترنا من الخطب
    يا وليد
    و من طيش العقيد
    و عميد
    و من قل القرش
    في الايد
    و من تعب الوقوف
    في الصف

    ومن غبن الرصع
    بالكف
    و من حفر الدروب
    و اللف
    و من خت
    الحلم في الرف
    كل يوماَ
    نقيحنا يزيد
    دحين يا وليد
    هو كم دغشاَ
    عشان نلقاهو
    دافرنا
    و تعبنا شديد؟
    و كم حولا
    صيامنا صبر
    عشان يشرق
    هلال العيد ؟!
    اح ح يا وليد
    لا حتى الخبيز
    إنضاق
    و لا هدما
    كسنا جديد
    و شوف المغسة
    يا وليد
    سموُ شقانا
    صالح عام
    و كل دمعاَ
    نزل من عين
    و كل جوعاَ
    سكت بالدين
    و كل زيناَ

    محاهو الشين
    ختو وقعيتو
    في الإسلام
    حرامهم يا وليدي
    حلال
    وا نحنا حلالنا
    كلو حرام
    يقلبو الدين
    نصّل سكين
    و ناسين
    الحساب قدام
    اخر زمن
    يا وليد
    نشوف كل البشاتن
    لون
    يفوت هولاكو
    دوب نرتاح
    ينط في الكرسي
    نابليون
    * *
    اريتك يا أمير
    حالي
    جعيص في الكرسي
    في الخرتوم
    و ساويلك
    الف والي
    نبايعك للظلم و الجوع
    نبايعك
    وكل ضيم مشروع
    نبايعك
    و جيتنا جيش

    و دروع
    نبايعك و الحكم
    مقلوع
    نبايعك
    و القسم مخدوع
    نبايعك
    من سجن عالى
    أخر زمن يا وليد
    حصيف العين
    يلاقى و يشوف
    زمان
    ظلم السلف
    بالسيف
    و حسه السيف
    كلاشينكوف
    غير زمن
    الهوان و الجوع
    كمان طالع
    زمان الخوف
    ديل ما برتو
    لى إنسان
    كم ولداَ
    وقع نشفان
    وكم زهراَ
    كِتل و اتحت
    في رمضان
    لا شهراَ حرام
    إتصان
    لا كفنا ستر صبيان
    لا شاهد
    قبر معروف

    لا اماَ
    برد نارها
    سكت و إرتاح
    نزيف الجوف
    دحين يا وليد
    أ كان حسع
    ده ديش مصعب
    و أكان بيرق
    علي الكرار
    منو الكفار ؟!!!
    منو القاصدينو
    بالتكبير
    و بالتهليل
    و ضرب النار؟!
    * *
    اخاف نحنا
    و أكان نحنا
    أخير نضحك
    كتير سبب
    الضحك بخته
    شوف المغسة
    يا وليدي
    ديل ما حسه
    ناس حُقار؟
    ده ذى دق الطبول
    للموت
    وذي وقد البلد
    بالنار
    * *
    إلا نشوف
    أ كان ساهرين
    معاك يا جوع

    و أ كان ضيقنا
    إتحفر في ضلوع
    و أ كان صابرين
    علي الفجار
    وحاة الله
    و كتاب الله
    وكت نغلي
    و نكوس التار
    لا سوراَ
    بقيف في وش
    و لا لهب الغبن
    بترش
    و لا صفاَ
    يميل بالقش
    كل ظالماَ
    يقع و يندش
    و سيل دمع البلد
    ينقش
    لا بحبس حلقنا
    الخوف
    و لا بترجع
    ا كان لعلع
    كلاشينكوف
    هديمك يا وليد
    مقدود
    و صابحنا الفقر
    و الجوع
    صبح جلد البطن
    مشدود
    شن بتسو
    و أخيك

    من شهر مرفود
    قالو صالح عام
    عشان قال
    العوج في العود
    * *
    نان ما يقول
    أريت يقول
    عديل يا زول
    هديك
    البغلة في الابريق
    ما هامينا
    -صالح عام-
    وديش مصعب
    و لا الحجاج
    و لا بكتل
    قلبنا الجوع
    و موت منقذنا
    ولا الضاج
    خلي الضيق
    يزيد يا وليد
    بكرة الضيق
    يخلى الناس
    تبقى عُصّار
    علي الحقار
    و تبقي حريق
    * *
    قريب يا وليد
    صيامنا يتم
    و يهل و يشرق
    هلال العيد
    نحس طعم الخبيز
    و يتبدل هدمنا
    جديد
                  

11-29-2005, 06:06 AM

Al Sunda
<aAl Sunda
تاريخ التسجيل: 01-18-2005
مجموع المشاركات: 1854

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    مقدمتك حلوة للموضوع يا ناذر
    وتقديري ايضا للشعراء الثلاث
    وفي اكتمال السلام قال من قال
    انه لن يقتنع بالسلام المكتمل
    الا اذا تم الغاء دمغة الجريح
                  

11-29-2005, 06:17 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    تحياتي السندة

    Quote: الا اذا تم الغاء دمغة الجريح



    سيتم إستبدالها بدمغة تسمى دعم السلام وبذات القيمة !!
                  

11-30-2005, 08:40 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    سأعود للتعليق على الزملاء ..
                  

12-03-2005, 07:16 AM

امير عبد الماجد
<aامير عبد الماجد
تاريخ التسجيل: 06-25-2005
مجموع المشاركات: 318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    هاانذا استجيب لدعوة اخي الحبيب ناذر
    في بوست اخر
    واقول اخي
    هناك رابط ما بين ياتوا ورقااتمضي ورسالته لبشار وان كانت الاخيرة اذكي في تقديري نجح هاشم من خلالها في الاستفادة من تجربته العريضة لبث صوره الشعرية من داخل اخيلتنا بحيث بدت كاننا من رسمها
    لذا كانتاثيرها كبيرا ربما اكبر من القصيدة السابقة رغم انها -اي السابقة - اكثر عمقا واخصب خيالا ووقدرة علي المزاوجةبين هذا الخيال والواقع المعاش
                  

01-02-2006, 11:09 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الأخوة محبي الاستاذ هاشم صديق ..
    خجل أنا من تقصيري معكم في هذا البوست واعلم ان هنالك الكثير من الردود التي يتوجب علي كتابتها ..

    على كل حال سأعود بعد قليل للمواصلة ولفتح الشهية إستعدادا لإستقبال قصيدة هاشم صديق الجديدة والتي بعنوان .....[/B] !!!
                  

01-03-2006, 10:27 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الأخ محمد عبد الله إدريس

    Quote: الاخ الرايع جدا جدا ناذر لك كمية من الاشواق وبالطن كمان ( ما تقوم تقول كسير تلج)
    شكرا جميلا وانت تتحفنا بابداعات شاعرنا هاشم صديق ذالك الهرم الاعملاق؛؛؛
    وشكرا ليك كتير جملة وقطاعى
    (( حاجة فيك زى نقر الاصابع لما ترتااااااااااااااااح للموسيقى))
    خالص معزتى

    والتحية للشعراء هاشم وحميد والقدال


    هاشم صديق هو بكل تأكيد رقم يستحيل تجاوزه منضمن أسماء أخرى نادرة وقليلة أخذت على عاتقها هم تنويرنا ورفع درجة معينا ولا قت في سبيل ذلك ما لاقت من عنت وتعزيب وتشريد .

    شكرا للحضور ..
                  

01-04-2006, 08:25 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    قبل ان أواصل في بقية الردود دعون أخبركم شيئا عن قصيدة هاشم صديق الجديدة والتي ستنشر غدا على صفحات جريدة الصحافة ..

    يقول الإعلان الموجود بالجريدة ان القصيدة بعنوان (ورد النزيف الجميل) وجاءت الابيات القليلة التالية من أجل التشويق ..

    سدر الغباين فاض ملا
    كل يوم نبارز في البلا
    حتى الصعاليك والمطاليق
    دايرين يطالعوك الخلا !!

    صنفرة :

    لم تصدر صحيفة الصحافة هذا اليوم ولم يعرف أحد الأسباب وأخشى أن يكون السبب هو بلاغ جهاز الامن الوطني ضد الصحيفة !! وأخشى ألا نتمكن من متابعة بقية القصيدة غدا إذا ما إستمر حجب الصحيفة عن الصدور يوما أخر !!
                  

01-04-2006, 02:41 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الخال ود الموج ..

    Quote: ناذر العزيز ..اوافقك الراى..فالابداع لايكون الا تحت ظلال الحرية والسلام..فالاقلام

    الرشيقة لا تظلها السيوف..واليك رائعة حميد السرة:


    السرة بت عوض الكريم

    جات داخلة .. زي مرقة غضب من جوف حليم .. في زمن صعب
    رمت السلام .. زي شنطة من كتف المسافر .. بي تعب
    زي رُدخة رب .. الله يا رب
    قعدت على طرف العنيقريب المحازي ا##########
    ضايرت التراب ، كسر العويش الفوقو .. شالت باصبعا وشختت شخيت
    الله يا رب
    عايننا فيها نكوس سبب .. للكفرنة وفورة الزهج .. من دروة البال الوهيط
    ما عودتنا تدس عوج .. تكتم فرح .. زي حالة الزول البسيط
    صنقعنا في قعدتنا .. راجعت الوشوش ..
    دنقرنا عن رفعة وشيها المتعب الجاد الرحيم
    الطيب السمح المعافى .. رهاب رهاب ينشاف وسيم
    إنوهطت فوق العنيقريب القديم
    من تاني ضايرت التراب ، كسر العويش الفوقو شالت باصبعا وشختت شخيت
    وقالت : تصدقو آ ولادي بقيت
    أبيت الليل أفكر في التميرات القدر فوق راسا ما خمّت صبيط
    غلبا الجرورة الفوق ضهرنا تنزلا ..
    تطلق وشينا مع الجماعة ..
    شن دهانا دي كم سنين والحال وقف قطّ وحلف ما فيهو لو نقاط بسيط
    كان بوشنا في حش التمور .. الليلي دوشنا مع اللقيط
    أي لا حكت دي ولا بقت .. ما كنا قايلين في حياتنا يجينا أقسى من المضى
    ساعة مروق الإنجليز قلنا الظلم فات وانقضى
    تاريهو كمتر .. وقام دقون .. حلفا وعشر .. معيوقة نال
    دمسيس ... ضريسا .... وشوك جمال
    الله يا رب كربك كرب
    عاولى التمور .. الارض بور .. الناس حطب
    بابور شهور غلبان يدور .. مافيش مطور .. ويجيك بعد ده علم طلب
    الله يا رب العالمين
    الما جحدنا نعمتو في الشوف والسمع راحة الولادة ولا قلوبنا قسن ولا غيرنا دين
    في الجابو ما قصر حمد .. في الشالو ما قلنالو وين ماشيبو وين
    عدلت نعال مقلوبة في الجيهة اليمين .. حدرت شمال
    زمناً مو دا الحيكومة كانت بت حلال
    بي حالا .. بي حرب الجنوب ..
    بي قلة المال في الجيوب
    كانت رخية العيشي .. إلا ترا العوين الكبرو .. كبرو مليسين
    علمن يطير .. إن كان هو ما فدّر عوج ..
    ما فادنا شيء ومحق القبيل لمينا هين .. في هين .. في هين
    يا حليل رجالاً سكتن غدراً غشاهن بالقفا .. ولي الليلة سيفن في الجراب يهرج سنين
    دا زمن قواسي .. زمن ضلالة .. اوانطجية .. زمن حقارة .... زمن مهين
    لاقين هواكن ضروا .. ضر .. يا عسكرياً ما انتعظ .. كتل الرقاب بيودي وين
    ضر .. يا جلاليباً رهاف .. ذمماً خفاف .. ضر يا ضرر .. ضر .. يا دقين
    منصلبطين عرق النبي .. وبالنار بتلعبوا يا عوين
    لي الحول قريب .. درب السلامة .. تخوجوا بي درب الحرب
    غتي قلب واللا الحرب .. بقرة حلب .. والأرض صين
    ما كان عمل .. ما كان دا دين
    يا أرزقية تخمجوا دم .. والدم مو موية .. ومانا طين
    منصلطين في الناس دحين .. لامن يجي اليوم الفصل والحق يبين
    وين تمشوا وين تنسلوا .. وين
    كان طال وكان قصر الزمان .. الحين بحين
    كب يا رجالاً سكتن غدراً غشاهن بالقفا .. ولي الليلة سيفن في الجراب يهرج سنين
    وإنأوهت .. وحسيت بأعماق الشوارع والتواريخ المجيدة إنأوهت .. وأدتني عين
    صنت شويتين .. كوركت .. هيى يا بنيه وكتنا راح .. يا بت شمشنا إدهدهت ..
    شوفيلي شافع ود فطين جاء من الطحين
    الله فترنا من الطحين
    وكان الوقت زالف عصر .. عين الشمش مشغوله بي دوشة سحاب
    عرق المراكبية البعاد راحل مع ريحة التساب
    ما تدري مارقي من البيوت الحلة .. واللا من التراب
    الناس تقول مدقوقة طالعة على الحقاب
    مفلوقة بي حجر الصعاب المرة .. نازلة على البحر مشروقة بي موية السراب
    الفرة .. مشنوقة عقاب .. بالمرة من كتر العذاب
    الحرة في طايوقه داب
    يا المرة كيف بقت الرقاب مسيوقة بي قيد السلاب
    منشرة من نشر الحجاب في عروقا .. وإشتد الخراب
    من بعدما انبلج الفرج من ضيقا .. خدعوها بي حيلة كتاب
    رفعوه فوق سن الحراب
    ودهت الهزائم خلقتا
    فالناس بدل عن نقتا
    التلقى فكة ريقتا
    وبدل القصور الفي خيال .. التبقى ماهلة كريقتا
    وما جاتا راحة طلقتا .. إلا التعمر طلقتا
    بي بندقيتاً حقتا .. بي ها الشوارع وبقتا
    تنسدا منك دقتا .. ودم فلقتا .. ومر شرقتا .. ونار شنقتا
    يا دقن دينك سرقتا
    قطعت وضوها انشرقت .. مسحت وشيها إنشهقت
    قال نست ما تاكت العوضة التحت .. عن مرقتا
    دارت تقوم .. مسك العنيقريب الحنين طرقتا
    رجفت بشيش عن نتقتا
    رجفت بشيش من الغضب واللا التعب .. فتر السنين ..
    واللا الكبر دا الما قدر يمسح سماحة خلقتا
    زي نيتا البيضة الشعر .. وزي موج بحر كان الجبين
    مديت يميني أساعدا ..
    ردت يسارا تباعدا
    وقالت لي : أبوي وفر ضراعك للبلد
    وادخر مروتك آ ولد
    لي يوم بحين
    احفض كرامتك تحفضك .. الموت ولا العيش المهين
    الموت نفاد الما نفد .. الموت حياة الميتين
    أختاها جنة مع الفقر .. وادخل جحيم المتعبين
    وإن ما قدرت على دا أبوي .. رب لك دقين
    وصنت .. رب لك دقين
    وضحكت .. حمدنا الله الحنون .. جيداً خلقنا بلا دقون
    وضحكنا زين
    ساقت حديثا .. على الخراب الشوفتو ما دايرالا عين عقب متاقانا الرياح
    رفعت قران شوك الصنط .. ساسوية جاية من المراح ..
    يا خيري ودي المستراح
    والشوكة تحت الدوكة .. يا داك الركين
    الشوك بمرق الشوك .. شوكاً فينا شين
    مراقو رب العزة .. شعباً ما بيلين
    الجاي حيكومتنا .. لكن الزمن دبوية .. داير النهمة .. وينكم يا الخزين
    ما قلّ حاشى صبرنا .. لكن لا متين
    دعكت عيونا وصنقعت .. كان الغيوم إنجمعت تقلت على الريح النصيح
    كان المطور شو ترعت .. زي باكي فوق دم الحسين
    لكن ده وين .. والتاني وين
    وإنلوعت .. معقول في ناساً ما وعت لي الليلي بالم .. بين بين
    وكيف وإنتو نوحنا من الدعت .. مومنا من جحر الدقون الكاكي يلدغ مرتين
    والتالتة قرصة أبو الحصين
    حسيت بأنها دمعت .. وشهقت عيونا الدمعتين
    حسيت بأني متل حجر .. جدعوهو في نص البحر .. قام البحر بنى فوقو طين
    حسيت بأعماق الشوارع .. التواريخ البعيدة إنأوهت .. وأدتني عين
    الجاي حيكزمتنا .. كيف .. ومتين .. ووين ؟
    ومرقت متل دخلة غضب .. صدر المسامح والحليم
    في أيام عجاف
    دي السرة بت عوض الكريم
    مرة ما بتلاوز .. لا بتخاف .. زي الضفاف
    الما بتهاب ضنب التماسيح والكلاب .. قومة البحر واللا الجفاف
    مرة من قديم .. مرة بت قبائل .. قالوا لا .. وإختارو في الحق الجحيم
    من رفقة الفسل الخلا .. وكانت نعم تدي النعيم
    مرة من صميم ضهر الغلابة الما بتنكس راسا .. غير ساعة الصلا
    أو ترمي تيراب في التراب .. أو تستشف وجه السديم
    السرة بت عوض الكريم
    ما فيها من عادة الحريم .. غير السماحة القدمت قدم الضهب حافضنو في حقاً قديم
    في أقصي كيم
    ما فيها من طبع الرجال .. غير الأيادي الخشنة زي قولة النصيحة وقت يكدب في الصميم
    ساعة يكون الحكم ضيم
    تسعين سنة .. ويا السرة بت عوض الكريم
    بصرك بصير .. سمعك سميع .. نضمك نضيم
    بالك محلو صبي وسليم
    تسعين سنة .. عودك أمداً ما انحنى .. شامخ بلا البان القديم
    تسعين سنة .. ومن فتنتك .. استغفر الله العظيم
    جوك الرجال يا السرة بت عوض الكريم من وين وين
    لا الكلو طين أغراك .. لا السمح الوسيم
    آ السرة صددتي المشايخ والعمد .. مرسالا ليك ..
    ضيعت بي أنفه البشارة عليهو ... كيف قلبك صمد يا بت قصاد المغريات ..
    الجان يجن والهام يهيم
    والبشروك بالجنة من فقرا البلد .. أسقوك بالغفلة المحايات .. ما نفع
    رتباً كبار .. قلتيلا .. لا
    شعراء ومغنين .. خت فيك دوداي غناهو .. ما شفع
    الجان يجن والهام يهيم
    والإنجليزي أسلم في شان خاطر هواك .. ساعة طلعتي تجيبي عود السيسبان
    إتصيدك آ السرة بت عوض الكريم ... مرقنو كرعين الحصان
    والجاكي ناط .. كتفتي بالليل في اللمين .. مع الفجر طلبك عفو وسترة
    وعفيت وسترتي .. يا السرة القوية .. بقتلو توبة سوية من هتك العرض
    يا بت ها كيف بعد الحسن .. ما تاورك قلبك على زول في الأرض
    ستين سنة ..
    ويا بت بلا النيل وحدك واقفاها .. و النيل إنحنى
    ستين سنة
    ما جهجك فقد الحسن .. لا يفقهك فجع الجنا
    فجع الجنا الويحيد تحت خيل ميجر السجم الرماد
    الإنجليزي وقت مرورو على العباد
    وجناكي ناش عين الحصان بالنبلة .. ناش طربوشو
    قيح العسكري إنحم .. وحم بالسوط جناك في إطن المسيمح ما اتلفت
    والهاشم الواقف وقع .. والدم هدر ..
    وكان زي محمر في الكجر
    بي إيدو قابض نبلتو .. وفي التانية غامت للحجر
    صرخت صليحة وشكعت فوق قيحة .. كلْبينا الزرق ومن يوما داك ما شافتن
    صيحة البطان قيح البقل .. نهمت غنا غضب البنات عن زفتن
    فس .. يا كديس الإنجليز .. كلب الترك يطفر من الفارة وينيص
    يا مكري .. صبرك .. يا رخيص
    الفافنوس .. البوص .. لحاية الهردبيس
    تمر البلد شال شيلا جد إلا الحصا تبل مارقة صيص
    كوسلك بلد .. بلدك واباك .. رفسك رفيس
    نفضك نفض .. بلدك تضادي .. ولا مغيث
    قلبت عليك بطن الرجال .. شقيش تقبل .. يا خسيس
    يا قيحة .. حظك في الحياة وفي الميتة مافي .. وموت تعيس
    عفنت كرشتك دون ترب .. منفوخة للغربان فطيس
    وفوق سكة الماظ الصعب .. هاشم - حلالي - قدل عريس
    هيلة آ رجالاً عرستن .. شمش المشارق ليها ميس
    هيلة آ رجال .. هتفت نفيسة وحرّقت توبا الوحيد
    عقدت شديد .. قرقابا حافيي ودون قميص
    جرت الكرارق زي برق .. لفحت من السحارة لي هاشم حريرة وقرمصيص
    وكان الفريق إنخم ما فضل بشر ..
    ما هزا زلزال الفجيعة المرة .. والدماع طفر
    دايرات يولولن الحريم .. صنت وقت صوتك نهر
    وكيفن زفتي وشيي ونعلت قفاهو .. شيخ الحلة عن قال لك قدر
    ولميتي هاشمك ونبلتو .. وفي إيدو الحجر
    صبغ الحريرة .. القرمصيص .. الدم ملاك ..
    لميتي زي لمة ملاك ..
    آخر عمل خير في البشر
    جاك الصبر من وين .. ولا قلبك رجف .. لا آهة .. لا دمعاً طفر
    رشرشتي بي إبريق أبو .. وبي دمو نبلتو والحجر
    خيط الحريرة القرمصيص .. كفنتي بي رفت القماش ..
    الساكوبيس الخاتا لي يوم الطهورة ..
    مرقتي لاقوكي الرجال بين الغلب إنقلبو
    ومتحزمين زي يوم أبو
    دمع الرجال هزاكي
    آه خارت قواكي
    طفرت دموعك والحريم كسرن عليك
    قلدوك رجالات الفريق فوقك ضي الشمش إتكا
    وبعض المراضى المقرفين قلدوكي لي شي بلا البكا
    وكانت دي أول مرة يتبكي في الفريق ..
    وبي حرقة زي كل الرجال الخيرين ..
    درفون ضرب بالنبلة طربوش إنجليز ..
    عور حصان الإنجليز ..
    لا انزح لا زاغ لا جرى
    وكانت دي أول مرة شافع في الفريق بي حرقة .. ذي كل الرجال
    الناس تشقلو ود لحد في مقبرة
    سبلتي ما انقطع الدرب .. دفقتي بي قرعو الطشت .. فنيتي في البير النحاس
    جا طشت جديد .. وقرع جديد .. ونحاس جديد .. وما انترو ناس
    ناساً تقلب الدنيا.. لو لاقية راس
    دور والمعاك ما انفرقو ..
    وين وشك الصعب الصلب .. إن صر في الريح بعذقو
    وإن صر في الموج غرقو
    يا بت كضب ..
    معروفة ما من قوة تحمي الفرح واللا الترح حين إندلاقو على القلب
    لي دور حديث المنغلين ما إندل من فورتو وهبد
    دماً صعد من ها الترب .. لا بد من ينزل مطر .. رحمة وسعد
    ما بروح سراب .. هاشم نجمة الفنجرة .. نشهد على إنك ولد
    طمنت بي فعلك بلد .. من إولها ولي آخرها
    رجعت أبوك من القبر .. قصرت لسنات الكتر .. سكت خشم المسخرة
    هزيت رجال جوغة غريق ..
    بس كيف نضيق ضيقاً عميق
    يبقى الحجر فلخة جبل .. والنبلة تصبح منجنيق
    أو بندقية معمرة
    ساق نخلة في الطين الطري نازف تشق المقبرة
    وقصب التواريخ ينبري ودمك عمار المحبرة
    نشهد على إنك ولد .. بركان جسارة وفنجرة
    زي ما شهدنا على أبوك .. فرسان قبيلتك من ورا
    ويا السرة بت عوض الكريم .. إنك مره
    ولدك جدع ما بندبوا ..
    حي في وليداتنا .. الدشر لعبن .. طعيم النوم أبو
    ولدك بخيت .. ما دام رقد في صدر أبو
    ولدك شفيعنا مع النبي .. ولدك يمين يكفينا كلنا مغفرة
    وهنا دا الدرب .. حرة قلب.. صرة وشي
    ولدك وعدنا بكل شي
    وما في إيدنا حاجة نخسرا
    يا السرة بت عوض الكريم ..
    مع إنو كم سنوات ولا بحراً طمح .. لا سمانا كانت ممطرة
    كان كل ما نحفر .. يلاقينا الترا
    عن جينا لي دفن الترب .. حسينا كم ملك إندفن
    جات غيمة من دون الوقت .. جات نسمة هبهبت الكفن
    بي دمو نبلتو والحجر .. خيط الحريرة .. القرمصيص
    دخرينا نام آ السرة .. في صدر الحسن
    فاتونا بي قدم الصلاح .. سبقوك على جنة عدن
    وسابوكي نخلة وسط رياح .. بين الزمن
    لكن ضراعك هو الضراع .. على رغم أقداراً قسن
    ماسكي الشباطين في الصراع .. لا بودة لا سوس لا وهن
    تعبر قليبك زي شعاع .. ما غيرت لونو المحن
    ضلك متل بالك وهيط ..
    عبرت مراكبك بي شراع صبر إحتمالك كم محيط
    ورونا في الزمن العبيط .. يا تربة .. يا كل الوطن
    مافيش وسيط إلا الصراط المستقيم
    السرة بت عوض الكريم
    الله .. أيا مره من قديم
    سلطان وعن ساعة الفزع مملوك نشيط
    عادية زي قولة سلام .. حلوة لسان .. لكن إذا تغضب سليط
    مره ما بتفرط في الزمن .. وفيها الزمن لحظاتو أبن
    ساعة مروق الإنجليز .. ضبحت غنيماية اللبن
    طلعت على ناس القبور ..
    كشحت ورا طرف القبب عيشا المجودا للطيور ..
    ومن زمزميتا والدموع .. رشت قبر هاشم عقب قبر الحسن
    والباقي لي كل القبور
    في توبا صرت هين من القبرين بعد ما انبركت ..
    بركة عشق .. بركة شكر .. بركة وفا
    غيبة الشمش جبرت خطاها على الرجوع .. والقلب من شوق ما اكتفى
    ولسع في غيمة من الدموع تبراها لي طرف الفريق ..
    شيلة نفس تطلع مطر .. ختة نفس تطفي الحريق
    آ السرة يا دوب يندمل بين الضلوع جرحاً غريق
    فاتو إنجليز فوق دمها .. وعين إنجليز
    مبروك وحمديل السلامة يذكرك ليلة الحسن سار لك عريس
    أو من ضراوتو يذكرك كتل المنيحيس التعيس
    ناس تملا في الأزيار .. وناس في كل كيم واقدالا نار
    ناس نازلة في الحيشان تقش ..
    ناساً ترجع في المضى .. والجايي سودانية مش
    السرة ليلها قلب نهار .. ا########## غبشة الناس غبش
    والروح خدار من حلتها .. النوم فر طار
    باكر دغش شدت على ضنب الحمار
    حموها للميجر تخش
    عقبت على بيتو العصر .. قصرت مع بتو الحديث
    دهت المشايخ والعمد .. سفهت عمايل الإنجليز
    ظلم الحكم ياهو الحكم .. كان من جوامع كان كنيس
    يبرا السما ..وتبرا آمحمد سيدي .. ويبرا المسيح
    ورجعت بلا الموية الروت .. حيضانها لي جدول فسيح
    لي دور معلقة للبخور في بيتها عامر بالمديح
    لي دور تزغرد ما انقرش يا السرة .. حسها كيف نصيح
    لي دور مع الشاي والزلابية مع الضبيح ..
    الجوكي بالخرفان سمان .. والجار له تور
    لي دور كوبيقاتك تدور
    ما قصر الطمباري .. جاك ملك الدليب
    رحلت بروش الزاوية عندك في الفريق
    آ السرة ما فضى عنقريب
    آ السرة بينات الخلوق .. مراتاً الليل آ بحوق
    لي دور علي كتف الفرح .. تتعب عيونك وتستريح
    لي دور تكلك قاح تكية .. آ السرة دارك ماج ضريح
    ويومين بعد سقت الخدار بي إيدا .. جيهت العقاب
    قامت معاها تسع رجال .. بي نوبة فوق ضهر البخار
    قالت عليها نذر قديم .. واقع عليها نذر عزيز
    إن حية في الدنيا ونصيحي .. إن كان تشوف بي عينا فوت الإنجليز
    إن كان تطق زغرودة في ضل العلم ..
    خلوها تدخل للختم .. حرموها يكفيها الضريح
    شوف عين تشوف الأزهري .. وبي ما يكون .. صح النذر .. ما راح وهم
    دماعا رقرق في العيون .. عن ساعة المحجوب نضم
    وإنشر عِن زروق بزم
    ما كان تكون آ قيحي حي .. وأنا أفش مغستي وأصفي دم
    من تاني يا رخم الوخم
    ما دام حرتناها الأرض .. سندنا .. تيربنا .. بوغنا .. ومسحنا قمحنا .. هسع في وحم
    هاشم ولا أسفاً عليك .. وعلي رفاقتك لا ندم
    ما دام بقينا أسياد بلد .. ما فتو يوم أبداً قسم
    والفوتك يا الإنجليز .. يعقب علي باقي السجم
    آفاتن أولاد الحرام .. أكبر من آفات العجم
    دي السرة بت عوض الكريم .. سرة عقاب
    سرة تواصل بيننا بين رحم التراب
    والجاية في الزمن الرحيم
    مره من قديم
    ما فيها علقنة الرجال .. ما فيها دلقنة الحريم
    مره بت قبائل .. قالوا لا .. واختاروا في الحق الجحيم
    ومن رفقة الفسل الخلا .. وكانت نعم تدي النعيم
    مره من صميم ضهر الغلابة الما بتنكس راسا غير ساعة الصلا
    أو ترمي تيراب في التراب .. أو تستشف وجه السديم
    جات داخلي زي مرقة غضب من جوف حليم .. في زمن صعب
    ومرقت متل دخلة غضب ..
    يا السرة ليم ..
    آ السرة ليم
    آ السرة ليم


    الرائعة اعلاه أنا شخصيا ادمنها جدا لا لسبب إلا أنها تجعلني أحس بإنتمائي وهويتي .. والرائع حميد سيظل مثله مثل هاشم صديق والقدال وأزهري وكثيرين غيرهم لم يرتضوا إلا ان يضحوا بالكحثير من اجل بعث الوعي والحقيقة فينا رغم انف من ارادوا قتلها ووأدها ...

    وليتك يا خال تكتب لنا هنا رائعة حميد (مصابيح السما التامن طشيش) والتي كانت عندي في الكومبيوتر ولكني فقدتها فيلحظة هجوم فيروسي غادر !!
                  

01-04-2006, 03:09 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الصديق العزيز جدا نشأت ..

    Quote: بس هاشم ده لو كان اتذكر لينا معاهو الكتيابي.. كان اخوك تم ليك الناقصة وانداح للنهاية.. لكن البركة في جمالك انت وضيوفك..


    معذرة لك وللاستاذ الكبير الكتيابي والذي يسير حتى الان (على كيفه) أحيانا يرقعها واحيانا (يخليها سااادة كيتا على الحسادة) . وانا عندما ذكرت ما ذكرت لم اقصد إلا اخذ نماذج وإلا اذا ماأسهبت في السرد فقد أذكر أسماء لأفذاذ وكتاب وشعراء لم يسمع بهما احد في هذا البورد !!!

    أرجو منك أن (تتم الناقصة) وان تنداح كما تشاء يا عزيزي نشأت ..
                  

01-04-2006, 03:23 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)


    المحترم جدا الامين ..

    Quote: يا نكهة الزمن الرحل
    يا بهجة الزمن الوصل
    يا فرحة.. الزمن البجي

    انت وين
    منتظرنك
    انت وين منتظرنك ديل ما ابيات من القصيدة ديل صنفرة بس


    إفتقدتك والله هذه الأيام في البورد !!
    ترى أين انت وكيف حالك وحال الاسرة ؟!


    أرجو ان توافيني بأحوالك وسلامي لك وللجميع ..
                  

01-04-2006, 03:30 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الفارس المفحم المدحض .. المحبط (للغير) المفرح (للكثيرين) .. فقاع مرارة (الغير) .. عبد الرازق الطالب ..

    Quote: ناذر..
    تحياتي يا فارس...
    في زمن عز فيه فرسان الزمن الغابر..
    وأنت تطرق على حجر أصم...
    فلا زلنا في إنتظار..
    البصمة...
    ليكتمل السلام..
    وبنكهة شواعرنا... هاشم صديق وحميد والقدال....
    ليعلى الهتاف على أرض الواقع...

    والشارع قال...
    هزمنا الليل..
    وعهد الظلم المرا...
    حتى لا نقول على خلاف ذلك..
    ولا القصائد دي..
    فالشاعر هو مرآة شعبه..
    حتى لا نلج من باب.. الغواية ونمرق ساآآآآكت..
    بلا قيمة أدبية أعني..
    وتطلع المسألة رص كلام.. وشعارات زائفة..
    لا تعبر إلا عن خواء فكري وروحي...


    من باب القول .. الما بيتبعو فعل..
    ولا تقدم ولا تجيب..
    ولا تسوى حتى ثمن المداد الذي كتبت به...

    موش برضو دي بيسموهو الأوتمفسريين..



    هتاف الشاعر قال..


    شكحرا للحضور لبوستي هذا وأرجو ان تتخذه منتجعا للإستجمام والراحة من غبار المعارك الأوتومسفيرية التي تدور بالخارج والتي لا ارى لها اي مهزوم معترف بهزيمته في القريب المنظور ..

    لذا فلتستجم قليلا في دوحة الشعر وفي محراب أستاذنا هاشم ..
    فقط عليك بأن تضع سيفك ودرعك وحرابك خارجا قبل الدخول
                  

01-06-2006, 03:46 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الأخ الزول

    Quote: السلام عليكم
    الأخ صاحب البوست والأخوة المتداخلين
    بما إننا في الانتظار
    فاسمحوا لي بإيراد هذا اللينك للبوست الذي أظنه يصب في خانة الإجابة لتساؤل الأخ ناذر عن بصمة حميد

    بصمة حميّد / محمد النصري أغنية للسلام


    شكرا جزيلا لإيراد لنك البوست وقد تمتعت حقيقة بالتجوال فيه ..
                  

01-06-2006, 04:15 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    الأستاذ أمير ..

    شرفت البوست والله وارحب بك رغم تأخيري ..

    Quote: هاانذا استجيب لدعوة اخي الحبيب ناذر
    في بوست اخر
    واقول اخي
    هناك رابط ما بين ياتوا ورقااتمضي ورسالته لبشار وان كانت الاخيرة اذكي في تقديري نجح هاشم من خلالها في الاستفادة من تجربته العريضة لبث صوره الشعرية من داخل اخيلتنا بحيث بدت كاننا من رسمها
    لذا كانتاثيرها كبيرا ربما اكبر من القصيدة السابقة رغم انها -اي السابقة - اكثر عمقا واخصب خيالا ووقدرة علي المزاوجةبين هذا الخيال والواقع المعاش


    أوافقك بكل تاكيد فيما ذهبت إليه ، فمن يقرأ قصيدة رسالة إلى بشار للمرة الأولى يظن أنها قد لا تعنيه في شئ أو انها لا تمس الواقع المعيشي الإجتماعي الذي تعودنا على أن يكون حاضرا في قصائد الأستاذ هاشم ..

    أنا شخصيا قرأت رسالة إلى بشار أكثر من مرة ووجدت انها فعلا تعبر عن ما يدور بأذهاننا بالضبط إذاء عدة قضاية كثيرة ومرتبطة بحياتنا اليومية وبصورة قد نكتمها داخل أذهاننا ولكن عبقرية هاشم صديق المعهودة نجحت في إخراج ما نكتمه في خيالاتنا غصبا عنا ..

    ولكن تبقى (يا تو ورقا إتمضى) هي الأكثر تعبيرا عما يدور في ذهن محمد أحمد العادي لمباشرتها الواضحة وعدم ميلها نحو الرمزية ..
                  

01-06-2006, 05:04 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    بحثت في كل المواقع السودانية والمنتديات التي على الشبكة وأيضا موقع صحيفة الصخافة ولم اجد اثرا لقصيدة ورد النزيف الجميل الاخيرة !!

    أرجو من تتوفر لديه ان يقوم بنشرها هنا ..
                  

02-12-2006, 07:42 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لن يكتمل السلام ما لن يبصم عليه هاشم صديق وحميد والقدال !! (Re: ناذر محمد الخليفة)

    يستعد الأستاذ العملاق هاشم صديق لتدشين قصيدته الجديدة والتي بعنوان (أنفلونزا الصدور) يوم الخميس القادم وسأعود مساء لكتابة ابيات منها !!

    صنفرة :

    لا زلت ابحث عن قصيدة (ورد النزيف الجميل) !!
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de