هو أنا متين لحقت أشد اللجام عشان أنزل من الحصان !!!
شمومة هي ولا ديمومة !!!
إتخيل أنا لي فترة طويلة قاشر البورداب بتاعين الخرطوم هنا .. زمان كان أي زول بيتكلم معاي كنت بقول ليهو .. شايفني قدرك !! أها من الموضوع داك بدأ بقيت أقول للزول .. شايفني من عصرك !!.. طبعا أخوك شايف نفسو براهو الفضل من العصور ديك رغم إنو القادرابي كان داير يقشر بي ويزاحمني فيها ..
صنفرة :
هيع !!!! عافي منك والله يا خالد دافنشي .. أفسدت لي متعتي
09-13-2005, 08:40 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
والله العظيم انا هسي متكيف منك وبضحك للأضنين عارف لييه !!!
لإنك فعلا زول حربف وبتعرف تلعبا كويس ..
شايفك إتسديت موضوع عادل فضل المولى هنا !!
لا والله حريف جدا رغم إني كنت داير الموناليزا هي التتسداها ما إنتا !!
لكن أهو !!! جات على كدة والبتقع من السما تتلقاها ا لواط ة .. نعمل شنو عاد !!!
بس والله أنا متكيف منك لإنو كدة بقينا فاهمين بعض كويس مع إني تعبتك بالإيميلات والتلفونات الرسلتها لي تراجي بسبب الموضوع دا .. وغايتو هي زولة طيبة وصدقتك طوالي رغم إنك جبت ليها الموضوع من الأخر يعني طلعتني أنا الغلطان وانا والله ما بلوما .. إصلو هي الايامات دي ما فاضية من المؤتمرات والمسيرات وما داير أشغل بالا كتير في قضايا زي دي (دي اللي هي قضايانا أنا وإنت) !!
خلاصة الموضوع أنا والله متكيف منك شديد يا دافنشي وزمان أهلنا في دارفور قالوا أبو القدح بيعرف وين يعضي رفيقو .. وطبعا ممكن نعمل قياس ونلاءم الشغلة دي على الفنانين بس المشكلة أنا فنان وما شايف المثلا دا حا يجيب حقو لو ختيناك في المقارنة ... لكن بما إني (فارس عصور خلت سابق) ممكن نقول الحصان بيعرف وين يعضي رفـ .. هي قصدي بيعرف وين يعضير أبو القدح .!!
وإنتا والله لعبتها صاح المرة دي وأديتني صفة تانية ماكنت قايلا في عند الفنانين التجريديين ...
صنفرة :
بما أنني قد تركت تأليف القصائد الأوتومسفيرية عن شهرة نلتها بسبب أخر قصيدة ألفتها لك .. فأنت موعود معي ببوست أوتومسفيري مطول عن تخصصك إنت بالذات !!!
ومواصلة لحوارنا حول الفنون الذي بدأناه في بوست القصيدة ذاك والذي تحدثنا فيه عن القصائد والأغاني والرقص ومناقشة عصور الإنحطاط (مفردتك المفضلة) ..
أها البوست الجايي أنا حا أتناقش معاك فيهو عن الفن التجريدي ذاااااتو مع نماذج كثيرة عن رسومات أحد فناني المنبر الأوتومسفيريين !!!!!
إنت بس نووووووووووم وأرقد قفا لحدي ما أجيك ..
09-13-2005, 09:08 AM
عادل فضل المولى
عادل فضل المولى
تاريخ التسجيل: 11-28-2004
مجموع المشاركات: 2165
ياخ والله إنتا زول مبروك لإنك لو عاينت فوق ليك في المداخلة الفاتت أكيد حا تلقى شي بيهمك ..
Quote: لا وانت الصادق ...
فرسان الواردة في بوست تراجي مقصود بيها انك الفرس (وليس الفارس) القطعت بيهو
مرحلة( ذات الحتة الضيقة الدخلت فيها) وكدا كدا انت راجع لي حظيرتك ..
غايتو قسمتنا يا ناذر نعمل شنو ... العرجة لي مراحها ..
بس عاجباني شعيرات النضال القامن ليك في صورتك دي .
عارف يا صحبي الفويرس زي تراجي دي من مصلحة نضالها انه علاقتها بيك ما تفوت الحد دا
الا وبعد دا بيعاد النظر في سيرة نضالها كيف تهادن واحد ظلامي زيك كدا ..
Quote: عارف يا صحبي الفويرس زي تراجي دي من مصلحة نضالها انه علاقتها بيك ما تفوت الحد دا
الا وبعد دا بيعاد النظر في سيرة نضالها كيف تهادن واحد ظلامي زيك كدا ..
قلت كدي !!
تراجي مصطفى ..
أول حاجة أشكرك كتير على الفسحة الأديتيني ليها على حصان العصر داك .. المهم كدي النخش في الموضوع ..
ظالمة انت وظالمة في حكمك على الامور (وفي نزيلي من الحصان برضو) !! أراهن انك لا تعرفين أصل المشكلة إبتدأ ولا تعرفين حتى تطوراتها بيني وبين دافنشي .. وإلا (كنتي وين إنتي لمن بدت الحكاية من زمان) !!!
لا تهمني علاقتك به كما لم تهمني أيضا علاقة (ديك به) فدافنشي هو من إبتدأ وعليه تحمل النهايات غير السعيدة بغض النظر عن العلاقات ..
صنفرة :
يعني معقولة بوستي بتاع القصيدة داك ما وقع في عينك إلا هسي لمن وراك ليهو !!؟؟ يا أخوانا ما تاكلونا (أوانطة) ساكت ..
09-13-2005, 09:06 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
تعرف يا ود عكر يا اخوي .. إكتشفت إنو المشكلة كلها في الحصان بتاع العصر داك ما مني انا ..
تراهو ناس العصر داك كانوا متقلين بالحديد والدروع والبلاوي البيلبسوها ديك لمن يطلعوا ليهم غزوة ولا حاجة زي دي .. أها تراها تراجي إختارت لي حصانا مااااااكن وكان قايل الفارس الفوق ضهروا مااااكن زيو .. وانا تراني ضعيفوني ومعصعص (والغنماية تاكل عشاي) والحصان داك أخد اللفة الأولى والتانية ومنتظر القشة الفوق ضهروا دي تتقل ليها بي حاجة أها لمن غلبوا الصبر ولقى ناس العصور دي (اللي أنا واحد منهم) ضعاااااف كدة وما مكان . قام (فنجط) بي في نص المسافة ..!!
تتصور يا ود عكر مع الفنجطة ديك وانا طرت من العصر داك وجيت واقع (دردلب) في البوست دا في العصر دا !! ...
صتفرة :
وهذا ما يثبت أن الذنب لم يكن في تراجي التي أحسنت التصرف !!!
Quote: اها وانا فى الحالة دى مصير الديوان بتاعى شنو ؟!!!
اوعا يكون لسسسسسسة فى الدولاب ؟!!
هو بالمناسبة فى ياتو دولاب تحديدا ؟!!
ما تميت ليك القصة ....
أها مع الفنجيطة بتاعت الحصان ديك طارت معاي كل متعلقاتي الكانت في الخرتاية الشايلا معاي ومن ضمنها ديوانك .. وطبعا تكوني مستغربة الودا ديوانك معاي للعصر داك شنو !!
ما انا أساسا لو قريتي البروفايل بتاعي حاتلقي شغلتي هي مدير مبيعات ... أهااااا لقيت الجماعة هنا كاوشوا السوق كلو وحتى الناس الما إشترت منهم لقيتا عندها وعد إنها تشتري منهم ما مني !!!!
أها في اللحظة ديك قامت صحبتك تراجي ركبتني الحصان وفووووووووو للعصر داك أنا قلتا يا أبو النيز دي فرصة أشيل معاي ديوانك وأفتح بيهو (آفاق جديدة) .. (لاحظي حلاوة الكلمة) .. ولقيتا فرصة وأنا حايم في العصر داك أقوم أبيع ليك الديوان في سوق سكان وادي أبو لبط وسوق قبيلة نقاشيين سوق السجانة في العصر داك ..
أها طبعا قبل ما أشر البضاعة كويس في السهلة تراجي إتخذت قرار بناء على توجيهات خالد دافنشي بإنزالي وإرجاعي على وجه السرعة ... أهااااا مع الفنجطة ديك طارت جميع نسخ الديوان وضاعت بين العصرين .. لكن زي ما بيقولوا إنتي برضو زولتا مبروكة !!!
قبل ما الحصان يرجع لقيت واحد من سكان وادي أب لبط المثقفين مع إنو زول راعي غنم ساكت في الخلا قاااعد مرطططططططب قدام مضارب قبيلتو .. غايتو بعد إقناع شديد وافق إنو يشيل ديوان واحد لكن المشكلة إنهم في مضارب قبيلتم ما بتعاملوا بالقروش !! .. ومن جاي لي جاي وبعد تعب هو رضى إنو أديهو الديوان مقابل سخل (عنبلوق) صغنتوتي كدا والحمد لله ما جاتو عوجة مع الفنجطة وحا ارسلوا ليك القاهرة في أقرب كارقو ..
صدقيني العنبلوق حلااااااتو ... وياهو المال تلتو ولا كتلتو
صنفرة :
بس يا ندوية وحاتك إكتشفت إنو مافي فرق بين ركوب حصان تراجي وركوب التونسية
Quote: أها في اللحظة ديك قامت صحبتك تراجي ركبتني الحصان وفووووووووو للعصر داك أنا قلتا يا أبو النيز دي فرصة أشيل معاي ديوانك وأفتح بيهو (آفاق جديدة) .. (لاحظي حلاوة الكلمة) .. ولقيتا فرصة وأنا حايم في العصر داك أقوم أبيع ليك الديوان في سوق سكان وادي أبو لبط وسوق قبيلة نقاشيين سوق السجانة في العصر داك ..
ناذر ود أمى خلاص الفيك اتعرفت
اكتب لى تلفونك فى بوست العصر ده زاتو وبرسل ليك اخوى يجى يشيل الكتب وماكان عشمى فيك ياناذر بالجد !!
أها قبل ما امشي اخد لي نومة كدي !!!! النتكلم مع تراجي شوية بعد ان فرغت من ضيوف البوست ...
Quote: ما لم افهمه كيف يكون الفجور في الخصومه الي هذا الحد؟؟؟؟؟؟؟؟؟
وكيف تستقيل من ذلك المنبر لاجل اسائتهم الي وتفعل هذا
بالاستاذ خالد كودي؟؟؟؟؟؟؟
يا تو حد قصدك !!! ويا تو فجورة ... عهي قصدي ياتو خصومة أنا فجرت فيها !!
أنا ودافنشي إتكلمنا في الفن والقصائد وحاجات تانية حامياني .. ودا كان موضوع البوست من أولو اي أخرو حتى ختمت البوست بي أغنية جميلة جدا .. فيها حاجة دي !!!
إستقلت من أجل إساتهم لك !!!
!!!!!!!!!!!!!!!!!!!!!!!!!!!!!!!!!!!
Quote: ارجوك ليس لاجلي بل لاجل نفسك
ماذا ستقول لنقسك يوما ما عندما تقرا كلماتك هذه لنفسك
الحا اقولوا لي نفسي بيخصني براي يا تراجي .. (إنتي أطلعي منها بس) ..أقول هذا بعد أن إستمعت لمن وشى بي عند جنابك (بائعة وهم خيل العصور ديك) .. بغض النظر عن علاقتك به ..
Quote: الفجور في الخصومه من سمات المنافق.
ارجوك لا تجعل نفسك من المنافقيين.
كان من الممكن ان أكون منافقا إذا ما صمت عما حدث ... ولكن قدري وحده هو الذي ساقني إلى بوست هاشن نوريت في ذلك اليوم المشؤوم والأن ندمت أشد الندم على عدم نفاقي حينذاك !!
صنفرة :
ومن نزلت بساحته المنايا فلا ارض تقيه ولا سماء وأرض الله واسعة ولكن إذا نزل القضا ضاق الفضاء
ناذر الشليق والله ليك وحشة ومبروك الباروووووكة جايا تمام التمام وحاول تظهر وتخلي الزوقة العاملة دي أنا لي زمن ما داير معاكم في المنبر عامل فيها محبط .. لكن والله محبط جد ياخي البسوو فيهو العجايز ده ما يقرف خليهو يحبط الشوية دي .. النشوفهم حا يقبلوا بالعطية ولا يثبتوا ويجددوا لينا الأمل من تاني .. لكن ما أظن والله .. تبا لهم جميعا كما يقول الصديق بهاء الدين كلب الجزارة
وتعال هنا ..
إنت ياذول بتجقلب كده مالك مش أحسن ليك نذلوك من الحصان ده .. تاني أمشي أتشالق
المرة الجاية بركبوك التونسية ..
09-13-2005, 12:19 PM
Agab
Agab
تاريخ التسجيل: 10-03-2002
مجموع المشاركات: 1185
Quote: هذا كان مجرد راي لانسان اعتقدت قد نبدأ صفحه جديده
من التعامل, لكن ولايهمك ان لم ترغب فانا لست بوصية عليك.
وعلي كدا يا صحبي ( شوفوني) بتقول ليك دق راسك في اعرض حيطة فقد انتهت مهمتك بعد ان اُكلت (جوكي) واترميت عضم يلا يا نيزو نزلوك من الحصان شوف ليك اقرب (ملح) يوصلك لمراحك .. . ؟ والبقية في نضلة قادمة
09-13-2005, 05:06 PM
EXORCIST7
EXORCIST7
تاريخ التسجيل: 02-05-2002
مجموع المشاركات: 1103
اها ده بقى كلام غير منطقى ولا بدخل فوق الراس اللهم الا كان راس عتود.... يتكلمون عن اخلاق المسلم هنا ويحاربون فى المسلم والاسلام و القوانين الاسلاميه هناك.....ركاب سرجين وقيع
09-13-2005, 09:37 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
كيف ما بعرف الحكامات وقدامي واحدة انترناشيونال لكن علي الاقل حكامات دارفور والبقارة يحرضن من اجل قضايا عادلة ولا يرجون من خلف ذلك سوي رد المظالم والحياة بعزة وليس المتاجرة بقضايا المسحوقين من اجل مكاسب شخصية وشوفونية انترناشيونال عالمية
انت بعدين ما عاملة صايمة من الكلام المباح علي ردودي الخلاك تفكي اخرك وتفلسي امام الجميع كدا شنو .
09-14-2005, 03:46 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
كدي يا شباب انا جيت .. وروقوا المنقة شوية .. طبعا أسف على التأخير براكم عارفين أزمة المواصلات مع إنعدام الجازولين في البلد دي .. ووسيلة المواصلات المتوافرة كانت حصان تراجي (العصري) داك .. أها بعد ما فنقلوني منو .. إضطريت أجي كداري والبركة في المفنقلاتي خالد دافنشي ..
بالمناسبة ما شايفو هنا !!! لا هو .. لا الموناليزا
إنشالله خير بس ...
أها النبدا لا....
عثمان الزبير وعجب ..
شرفتوني والله في بيت البكا دا
الحصان مع الفنقلة راح في حق الله والبركة في سلامتي وسلامة العنبلوق بتاع نادية
نأتي الأن لأكبر زارفة دموع تماسيح في هذا العصر ...
تراجي مصطفى !!!!!!!!!!!!!!!
Quote: ناذر
يا اخوي
انا ماركبتك الحصان ركبك موقفك الجميل.
وما انا البنزلك بتنزلك مواقفك ايضا.
كيف يعني !!!! كدي أخديني على قدر عقلي عشان أفهم براحة براحة !!
يعني أنا نزلت من الحصان بأثر رجعي ولا شنو !!!
ما أنا ما عبيط يا تراجي والمتابعين البورد دا إنفطموا زمان من البزازات . وأنا قلت يعني موضوع خالد دافنشي كان قبل شهر شهرين كدة وأنا ركبت حصانك بعد داك بي فترة طويلة !! يعني معقول مواقفي نزلتني والموقف البتقولي عليهو دا حصل قبل (الركوب) ولا كيف يعني !!!!!
Quote: صدقني لاتسيئ الظن باحد
انا كنت متابعه لكن زي ماقلت لك ما كان عندي عربي.
كلمه كلمتين بكتبهم بالمواس
وانا ماعندي صبر لجنس ده.
وصدقني عندك روح فكاهه حلوه لي ما تكتب حاجات بعيد عن الخصومات.
تقديري لك , ولازلت اثمن موقفك, تجاهي.
هذا كان مجرد راي لانسان اعتقدت قد نبدأ صفحه جديده
من التعامل, لكن ولايهمك ان لم ترغب فانا لست بوصية عليك.
واشكرك مره اخري.
تراجي.
تراجي .... تراجي !!!!!!!!!!!!!!!!!
من الذي أساء الظن بالأخر بالله عليك !!!!! طيب وكت كنتي متابعة وما عندك عربي ما تكتبي بللنقليزي ّّ!!!! قالولك نحنا ما بنخبرو ولا شنو !!!! ما هو ناس كوستاوي وزول بن زول وكتاااااااار بيكتبو باتنقليذي في حد قال مافاهم !!
دا كلو خليهو يا تراجي !!
العلاقة شنو بين ركوبي لي حصانك والعربي الوقع ليك في كيبوردك (فجأة كدي) !!! طيب رايك شنو .. تحبي ألف ليك شوية في المنبر وأجيب ليك المساهمات الإنتي كتبتيها في أثناء الأزمة مع دافنشي وبعدا في البورد دا ومكتوبة بالعربي ولا ما في داعي ؟؟؟!!!
تدمنين الكذب يا تراجي ونحن لسنا بأطفال
Quote: وصدقني عندك روح فكاهه حلوه لي ما تكتب حاجات بعيد عن الخصومات.
ما فهمت روح فكاهة دي المقصود بيها شنو ؟؟؟
دي بوهية جدبدة ولا ورنيش مهوقني يا تراجي ؟!!!
ما كفاية الحصل لي في العصر داك مع حصانك داك !!!
Quote: تقديري لك , ولازلت اثمن موقفك, تجاهي.
هذا كان مجرد راي لانسان اعتقدت قد نبدأ صفحه جديده
من التعامل, لكن ولايهمك ان لم ترغب فانا لست بوصية عليك.
واشكرك مره اخري.
بلا تثمين بلا بطيخ يا تراجي ..!!!
أتساءل إن كان إسلوبك الثعباني النمري الثعلبي الزرافي الذئبي الحصاني (وقائمة الحيوانات تطول) هو ذات الإسلوب الذي تتعاملين به مع قضية دارفور وأبناء دارفور الذين فروا من دارفور وإحتموا في كندا . ووجدوك ملازا وصرت (تاكلي بي عقلم حلاوة) بأسلوبك هذا !!!!
قضي الأمر يا تراجي كذبك وتدليسك ومرائك واضح وضوح الشمس للجميع .. ولسوء حظك فأنا لست من أبناء دارفور حتى أخدع بحديثك هذا !!!
صنفرة :
تعجبت بمن يأتي في نصف الليل ويكتب كلمات في المنبر وما أن يأتي نهار الغد وتأتي الفكرة حتي يتراجع و(ينط) من كل ما كتبه !!! ترى هل كان الهندي عز الدين محقا عندما ذكر في هجومه على سودانيز أون لاين أن (بعض) من أعضاء المنبر يكتبون تحت تأثير بيئة معينة وأشياء ذكرها بالإسم !!!!
09-14-2005, 03:57 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
لم ارى عالم تهوى الصيد في الماء العكر مثل هؤلاء الكيزان.
خاصه كيزان البورد.
لك تقديري ناذر.
أما أنا فقد كان لي شرف أن أرى عالم يهوى الصيد في الماء العكر !!!
عالم حصان عصرك ذاك يا تراجي .!!!!
صنفرة :
حكمي عقلك يا تراجي فهؤلاء الكيزان كما تسميهم لا أظن أنهم يصطادون في المياه العكرة .. ولكنهم خبروا فقط أسباب تعكر المياه ويريدون أن يعطوني خبرتهم .. وأنت من عكرت المياه يا تراجي وأنا غني عن تنقيتها !!!!
09-14-2005, 04:10 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
انا من زمان حذرتك من ركوب الدواب ...مجاراة العامه... و لعب السورو.. فهوبرئ في هيئته مؤذي في محتواه... هو مثله مثل الالعاب الاخرى تتم صناعته باياد سودانية غتيتة....
لكن ميييين يسمع....
ومن يبلغ الديك عني بما قالته الدجاجه...
بلمناسبه في كم تابوت فضو... يمكنك استعمالهم اذا استدعي الامر...
هرطقه: تعرف ناس كتير عرضت علي شباشب فاسكوفتش...و شباطه مصحوبه ب انستركشن مانيوال.. و جزم من قلب سيسيلي... لاستعيض بهم عن سفنجتي ... لكن اختك سبتت و ماجرت ورا الشرقرق... و ذي ما قال الفار ذات مزاج... " الحس الموووس و انوم متهني "
شوق.. .... T 14
سعاااااااااااد... طرشتي؟؟؟ تجيك المن الله قولي اميييين
09-14-2005, 09:30 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
كدي يا اخوانا واحد واحد عشان الشغلة ما تجوط !!! هي براها جايطة ومطينة ما تبلوها زيادة
ناجي الملك ...
Quote: ناذر صديقى الاتوماسفيرى أقترح ان يكون لغة التخاطب فى هذا البوست
عبارة عن أوجه
من موقع الاوجه
دي اللغة المسمارية ولا شنو !!!!
أها شفت انا قيل ما إتفنقل من الحصان حسب القصة الهيروغلوفية الفي جدارياتك دي .. مريت بأقوام في عصر حصان تراجي ذاك ووجدتهم يتحدثون بذات اللغة المرسومة .. وقد تندهش إذا قلت لك انني قابلت احد العرافين من قبائل ذلك العصر .. وطلب مني أن أعطيه يدي ليقرأ طالعي (ونازلي) !! المهم يا ناجي أنا كنت حايم ساكت بلا شغلة في الوادي بي هناك فوجدت أنه (لن تفرق معي) إذا ما أعطيته يدي ..
ولكنه ما ان أمسكها حتى إرتجف رعبا وخوفا فسحيت يدي سريعا وتحسست سيفي الذي أعطتني إياه تراجي مع متعلقات الحصان (طلع في النهاية سيف من قصدير !!) وإستليته بسرعة وشهرته في وجه العراف وصحت فيه (سجمك يا رجل !!! ما ذا يقول طالعي) !! فتردد العراف عن رهبة و (عمل فيها مجنون وما بعرف عربي) !! ولكني وضعت سن السيف في عنقرته وصحت مهددا (ثكلتك أمك يا هذا .. خبرني ماذا هناك .. لا أركبتك تراجي حصانها) !! فخاف وفزع ورجع إليه عربيه وصاح (ما هو المشكلة في حصان تراجي ذاااتو يا فردة الراكبو دا..) ثم أعطاني خريطة أوتومسفيرية بها ذات الرسوم الإيضاحية التي وضعتها هنا يا ناجي (بس ما كانت من نفس الموقع.. كانت من موقع روماني وصاحبه طشقندي لاذ من بطش الرومان وحصل على حق اللجوء السياسي في دولة العنج وصار مناضلا من هنالك من أجل قضيته وتكسب منها الكثير) ..
المهم انا ضحكت ضحكا شديدا حتى (بانت نواجذي وأسناني وظهرت بقايا آخر دومة كديتا وانا على ظهر الحصان متجولا) .. وقلت للعراف من بين قهقهاتي (الله يخربك يا رجل !! كيف بلغت بك الجرأة أن تشكك في تراجي وحصانها الذي أركبه الان!!) فإغتاظ العراف وصاح في جادا (الله واحد لو ما سمعت كلامي تكون دقستا .. ألحق نفسك سريع!!) ...
طبعا لم أكترث للرجل وأكملت نزهتي متبخترا. وعرجت على عيزومة فطور كاربة أقامها لي صديقي معتز بلوفشيستي بمناسبي زيارتي لعصرهم ذاك وركوبي الحصان .. وما ان (بلعت أخر لقمة وقفت في حلقومي) وركبت الحصان .. حتى حدثت الفنقلة (الليلاء) وإنتهى كل شي ووجدت بعدها (ألا حصان ولا يحزنون) ....
صنفرة :
أه لو أقابل ذلك العراف مرة أخرى الأن لرصعته بالدر والجواهر نظير محاولته تحذيري ولكمني لم أستمع ..
09-14-2005, 09:36 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
انا من زمان حذرتك من ركوب الدواب ...مجاراة العامه... و لعب السورو.. فهوبرئ في هيئته مؤذي في محتواه... هو مثله مثل الالعاب الاخرى تتم صناعته باياد سودانية غتيتة....
لكن ميييين يسمع....
ومن يبلغ الديك عني بما قالته الدجاجه...
بلمناسبه في كم تابوت فضو... يمكنك استعمالهم اذا استدعي الامر...
هرطقه: تعرف ناس كتير عرضت علي شباشب فاسكوفتش...و شباطه مصحوبه ب انستركشن مانيوال.. و جزم من قلب سيسيلي... لاستعيض بهم عن سفنجتي ... لكن اختك سبتت و ماجرت ورا الشرقرق... و ذي ما قال الفار ذات مزاج... " الحس الموووس و انوم متهني "
والله يا شايننق ما عارف اقول ليك شنو !!!!! اللغة الأوتومسفيرية دي ما ممكن تخففيها شوية عشان نقدر نفهم معاك ..!! باقيلك حصان تراجي الكنت راكبو دا خلى فيني فهم ولا راي ولا إستنتاج !!
إنشالله إستعملي اللغة المسمارية الصورية دي الطرحا ناجي الملك .
غايتو كدي النحاول نستنتج ونرد والله يجيب العواقب سليمة .
Quote: انا من زمان حذرتك من ركوب الدواب
حذرتيني والله .. لكن ما كنت قايل دابة تراجي ذي باقي الدواب
Quote: بلمناسبه في كم تابوت فضو... يمكنك استعمالهم اذا استدعي الامر...
توقفنا عن إستعمال التوابيت لأسباب غير منطقية لا اريد الإفصاح عنها ولكن ..
سنلجأ لوسيلة ركيب الدواب للمخالفين الرأي والمناضلين ومن تبعهم
موضوع شباشبك الما إشتريتيها دي ما وقع لي في صنقورتي .. علا موضوع الفار ولحس الموس والنوم متهني دي وقعت لي تب .. والمرة الجاية نعمل بي كدة ...
صنفرة :
وصفتك جميلة وروشتتك مقبولة مع غنها جات بعد فوات الاوان..
لكن ما مشكلة المرة الجاية نشوف القصة واصلة لي وين .. وزي ما بيقول المثل البيدخل يدو في جحر العقرب ... أأأأ .. مصيرو يلف ويجي يدخلا تاني في نفس الجحر ..
واي جحر هذا (دي ما تبع المثل .. دي تبعي أنا)
09-14-2005, 10:26 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
.. . الفاتحة ،،،يا جماعة الخير .. المات منو ؟؟ ان شاء الله البركة فى الحصان ولاعزاء فى العصور البالية
Quote: بل تروتسكي بلا بطيخ معاك !!! هسي دا وكتو !!!!
تروتسكي بقى بطيخ ..!! والله نزيلتك من صهوة الجواد دى حرقتك .. ما قلتو نوبة اها العصيدة كيف ؟؟ تاني تعال افطر فى بيت خالتى
تــراجى ،،، والله نصيحة لله لازم تقتنعى انو اى زول هنا بقدر يوضح رايه ويدافع عن قناعاتو وسياسة الشلليات دى كن ما ضرتك ما بتفعك وشلة رودا مردا ابعدى منها .. اسمعى كلام اخوك الصغير والكبير هنا ..
09-14-2005, 10:55 AM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
صديقة الزمن الصعب ،، لك ان تزوى ندى فى دار خالد ولكن لى طلب لا تصلي رودا مردا وهنا فزورة فارينى كيف تحليها ان وعدت ..
Quote: غايتو رودا مردا ما كانت مشاءة ..
يا صديقي قول كلام غير دا والله انها اسواء من منحها بكري عضوية لا تقارن >> بين هذه وتلك وليس دفاعاً فأنت وانا وهم نعلم من هى رودا!! وماذا كتبت وبماذا تؤمن !! ام نسأل الصديق احمد حنين ..
تحياتي وتقديري لك ولتراجي.
09-14-2005, 03:06 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
هسي بعد تلتلة ولأني زولا مبروك لقيت المداخلة دي فوق يا تراجي !!
Quote: ناذر
انت زول غريب
اولا هنالك اولويات انت فاكر ماعندي شغله غير سك المعارك المفتعله.
شكرا لك على كل حال.
معذره لن اعود لهذا البوست.
المحيرني إنتي شانقاها فوق كدة زي السفة مالك !!! وانا والله لا زول غريب ولا حاجة .. عارف اولوياتك وعارفك مناضلة وعندك امور كتيرة بتعملي فيها .. وعارف انو الأيامات دي المنبر دا ما من أولوياتك .. منبر القرية المجاورة هو البقى من اولوياتك وطواااااالي فاتحاهو ومتابعة البيحصل فيهو و (مقللللقة) من الكلام البهناك .. وبعد دا جيتي راجعة تاني للبوست وإشتبكتي مع أساسي .. وغايتو نقول شنو !!!
بس إنتي فايتة عليك حاجة مهمة يا تراجي ....
بما إنو أسئلتي الفوق ديك إنتي زغتي منها وما دايرة تجاوبيها .. بس بحب أوضح ليك حاجة إنو البوست دا اساسا أنا ما عاملو عشانك .. أنا عاملو عشان الناس الفي البورد دا يفهموا إنتي منو .. وإسلوب تعاملك مع الناس كيف .. والعقلية البتديري بيها أمورك وأنا أظن اني ماشي كويس في التوضيح دا ..
يعني لو ماشة ولا قاعدة ما فارقة .. أهو الناس الانا امرهم بيهمني هم بيقروا في البوست بينما انا أنزع عنك ورق التوت (صفقة... صفقة ... حتة... حتة ) !!!!
هسي إنتي ما لاحظتي حاجة يا إمرأة بحجم الوطن !!!
وين ناس الشجب والإدانة والإستهجان والإستفراغ الكانوا بيظهروا في الاوقات دي لو انا فعلا كلامي ما صاح والبعمل فيهو دا غلط !!!!!!!!
وين الناس ديل ولييه ما ظهروا في بوست قصيدتي لي خالد دافنشي عشان يقولوا لي كلامك دا غلط .. !!!
ودا معناهو شي واحد يا إنتي !!!
ناس البورد ما بيتورطوا في الدفاع عن قضايا خاسرة .. وهم عارفين إنك وخالد دافنشي غلطانين معاي .. وما داير أعيد واقول لييه .. لإنو الكلام واضح !!
ووين خالد البسوس ذاتو هسي !!!
لييه ما جاء عشان يدافع عنك هنا ؟؟!!
لسبب بسيط إنو المتعوس وخايب الرجا ما بيتلموا يا تراجي .. ولمن يتلموا مع بعض الناس بتندهش وبتقول (إتلما المتعوس على خايب الرجا) ودي ما بتحصل إلا نادرا .. ونادرا دي ليست أحد أسماء هذا البورد ..
ترى هل تيقنت بكمية المساحات التي خسرتيها من جراء إنتهازيتك ام لا !!!
قد كنت بحجم الوطن كما قال أحدهم عندما خرج من النص (على قول احمد الريح) !! والان هل علمتي بحجمك بعد الإنكماش !!!!
بما انني في الوطن الذي انت بحجمه .. أعلمك فقط أنني صحيت امس من نومي وأردت الدخول للحمام (الله يكرم السامعين) والذي هو ملحق بالغرفة .. وعندما فتحت بابه فوجئت بأنني توغلت في أراضي دولة مجاورة وصرت خارج الحدود !!!
تصوري .. !! هذا هو حجم الوطن الذي تماثليه بعد إنكماشك المزري الأخير !!!
وأخشى إذا ما تواصل إنكماش حجم الوطن بهذه الصورة ألا أجد حتى حماما أذهب إليه وساعتها يا تراجي (إلا أقضي حاجتي في السرير)!!!! !!!!!! صنفرة :
أحمد الله على على ان سيناريو الفلم الهندي الذي تنبأ به أحمد الريح في بوستك ذاك لم يتم وإلا لحدث أبغض الحلال بعد كتب الكتاب مباشرة وعلى أيدي ذات المأذون !!
09-15-2005, 06:57 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
فلقد أبقيت على بعضا من ريشات تستر فضيحتها لنزعها في الوقت المناسب ..
وأتمنى ان تكون قد وعت الدرس جيدا هذه المرة برغم ان خبراتي معها تؤكد لي أنها لا تعي أي درس بسهولة !!!!
صنفرة :
بالمناسبة أنا لا أبغي منها إعتذارا .. بل أبغي منها فقط ان تحكم ضميرها (إن وجد) وتراجع وتقيم كل ما إقترفته .. ليس بحقي .. أبدا والله ... بل بحق الوطن السودان أولا .. وحق أبناء دارفور المخدوعين بها ثانيا !!
يا زول انت قصتك شنو مع أمنا الغولة - ركبوك الحصان و نزلوك من الحصان و حا يركبوك الحمار و ينزلوك من الحمار غايتو اعمل حسابك من الجمال - عالية و بتقع منها تكسر ليك اِيد و لا ظهر و لا رجل
اسمع دى : قالوا واحد خواجة مشى مصر و قال يركب جمل يتفسح بيهو حول الأهرامات المصرى قال ليهو ركوب الجمل بى 2 دولار - الخواجة انبسط و قال دى رخيصة و راح راكب فى الجمل و الراجل ماشى بيهو يتفسح و يتفرج ساكت لمن زهج - اها لمن زهج شديد قال لى بتاع الجمل نزلنى خلاص انا ماشى الراجل قال ليهو النزول بى ميه دولار و كان ما عجبك نط من فوق
فنصيحتى يا أخونا انك تعمل حسابك كلو يهون اِلا النوق و الجمال حتى موسى هلال زاتو ما بحلك - و قد أعذر من أنزر
والله نحنا الحناكيش ديل ما بريحونا تب إلا نتدخل ونوضح بدويتنا يعني؟ ما تخلونا نتخبأ في ثوب الحناكيش شوية؟
الأخت نادية.. حتى لا يذهب بك الخيال بعيدا في انتظار الرد من ناذر الذي لا تزال (الشنقلة) مؤثرة في رأسه.. سأشرح لك معنى كلمة عنبلوق أو (عنبلوك)..
هو قال ليك إنو في العصور الكان فيها دي أدوهو عنبلوك مقابل الديوان.. والعنبلوك هو (ولد الغنماية) يعني (السخل) أو العتود فولد الغنماية عندما يكون صغيرا يسمى (سخل) والأنثى منه تسمى سخلة أو (سخيلة)، وعندما يكبر شوية يسمى (عتود) والأنثى تسمى عناق، والعتود عندما يكبر يسمى (عنبلوك) وهو في هذه المرلحة السنية يكون لحمه حلو المذاق إذا تم تحميره بطريقة جيدة، وتكون عظامه مقرشة. ولكن بعد ذلك يكبر ويصبح (تيس) أما العناق فتصبح (غنماية)..
يعني عنبلوق دي ما فيها شتيمة وحشة ولا حاجة.. هو بس قاصد أنو أدوه عنبلوك مقابل الديوان وسيرسل لك العنبلوك في أول (كارقو)
أنا طوّلت الشرِح مش كدا؟؟!! كويس، لأنو الود دا جايي من (العصور التي مضت) راسو دايش ومخو متلخبط شوية وما حا يقدر يشرح يعني..
عرموس:
إنت يا ناذر لقيت طريقة غنيت للجماعة بتاعين العصور التي مضت ديل؟؟ وهل هناك (طماطم).. ؟؟!
09-16-2005, 10:30 AM
Naji A.Moniem
Naji A.Moniem
تاريخ التسجيل: 12-12-2004
مجموع المشاركات: 321
Quote: بالمناسبة أنا أحملك مسئولية كل ما يحدث معي في هذا البورد !! وإنت عارف لييه
انت كان تكون حريف وتمشى بالحصان (داك) تزور الارشيف (داك) كنت عرفت انك حتتفنقل الفنقيلة (دى)..اها دى دقستك انت
سمعت انك من شدة ما كنت فرحان بالحصان العصرى داك مشيت الحفلة الاخيرة بالحصان..وطلعت المسرح وبدل ما تغنى خطبت وناس ود عكر والشباب الحلوين ديك خلو الشيل وبقوا يهتفوا .. كان احسن ليك تسمع الكلام من الاول وما تفرح شديد وكل مرة ترفع البوست داك اها ده الجاب ليك الهواء.. اها يا ود عكر ناذر ده حرق خلاص لا حيرجع فنان ولا حيقدر يواصل فارس عشان اتفنقل خلاص.. خليك حريص واعمل حسابك من الحصين الاسفيرية..
هسي جبت لي الشبهة .. ما قريت تراجي فوق قالت شنو ..!!!
ولا يا ربي تراجي قاعدة في الجذء الفرنسي من كندا وما بتعرف إنقليزي !!
Quote: سلام - تحية فرسانية من فارس لم يترجل بعد
يا زول انت قصتك شنو مع أمنا الغولة - ركبوك الحصان و نزلوك من الحصان و حا يركبوك الحمار و ينزلوك من الحمار غايتو اعمل حسابك من الجمال - عالية و بتقع منها تكسر ليك اِيد و لا ظهر و لا رجل
اسمع دى : قالوا واحد خواجة مشى مصر و قال يركب جمل يتفسح بيهو حول الأهرامات المصرى قال ليهو ركوب الجمل بى 2 دولار - الخواجة انبسط و قال دى رخيصة و راح راكب فى الجمل و الراجل ماشى بيهو يتفسح و يتفرج ساكت لمن زهج - اها لمن زهج شديد قال لى بتاع الجمل نزلنى خلاص انا ماشى الراجل قال ليهو النزول بى ميه دولار و كان ما عجبك نط من فوق
فنصيحتى يا أخونا انك تعمل حسابك كلو يهون اِلا النوق و الجمال حتى موسى هلال زاتو ما بحلك - و قد أعذر من أنزر
وشكرا
شايفك دخلت ليك كم حيوان بتاع ركوب في مداخلتك دي
!.. وعن الجمال أحدثكم ..
يقال أن ملكة من ملوك قبائل (قريعتي راحت) كلفت أحد رعاياها بالقيام بمهمة ما تتعلق بتبييض وجهها (المتجلبط) أمام الرعية ووعدته بالكثير من الهبات والهدايا .. فطاف ذلك (الراحت قريعته) على جميع مضارب القبيلة مستعملا حصانا ملكيا ولف على الناس ديك واحد واحد .. .. رغم إتساع حجم مضارب قبيلة تلك الملكة وكبر حجمها (حجم الوطن ما حجمها هي) رغم أن أحد شعراء المملكة قال شعرا فيها يمدحها ويقول ..
وإن حجمك يا إمرأة قدر الوطن وحجم الوطن قدرك أنتي يا إمراة ..
ولكن كان مصير ذلك الشاعر أن إعتزل قول الشعر وهو في ريعان شبابه (شباب الشعر ما شباب الشاعر) بسبب أن بعض النقاد أعابوا عليه إستعمال كلمة (قدر) الدارجية التي هي من صميم مفردات سكان وادي ابو لبط القادرياب ..
ما علينا نرجع لي موضوع المبعوث داك ..
أهااااااااا ..
بعد ان أتم المبعوث ورنشة وش الملكة ونقاشته باللون الأبيض عاد من مهمته بعد أربعة شهور قمرية بالتمام والكمال (ما قلنا حجم الوطن كبير) فأثنت عليه الملكة وأعطته كل ما يتمنى من هدايا وقصور ولكن !!!!
وأه من لكن وطمع المبعوثين قال ذلك الراحت قريعته للملكة (والله يا ست الدار ما قصرتي معاي تب وتاريني هسي متكيييييف منك وعاااافي والله بس لي طلب صغمبروتي كدة) فإندهشت الملكة وسألته (داير شنو يا راجل إنتا !!!! ما تراكا هسي عندك كل حاجة وماك محتاج !! حركات الديامة ليك شنو !!!) فخاف المبعوث وإرتعب وقال بسرعة .. (لا لا .. كدي قولي بسم الله وما تفهميني غلط !! أنا بس مغروض لي في حاجة في القصر دا !!) .. فتعجبت اللكة وسألته .. حاجة زي شنو يعني قول أفتح خشمك دا .. تراني ما فاضية ليك وعندي إجتماع مع ناس جوني لا جئين من قبيلة (راحت قريعتي) .. إتكلم بسرعة .!!
فقال المبعوث (والله أنا كان لي عظيم الشرف بأن إستخدم أحد حصينك الملكية ديك .. وريحني والله في سفرتي وماقصر معاي لكن..) !!!!
فزجرته الملكة . (لكن شنو .. إنت إتطرطشتا ولا شنو) ؟؟!!
فقال المبعوث بعد ان بلع ريقو (لا لا والله لكن إنتي عارفة إنو مملكتك واسعة وكبيرة وأنا بعد الرحلة دي قررت إنو أكون رحال .. أها ... الحصين دي ما زولتا للسفر في مضارب المملكة وأنا قلتا يا ريت لو اديتيني جمل ملكي من زريبتك إستعملو في ترحالي لإنو تبييض وشك لسة فيهو مراحل تانية وإحتمال وش تاني للصنفرة) ...
فضحكت الملكة وسقطت على ظهرها حتى بانت ........... نواجذها للمبعوث الذي لم يفهم سر الضحك !!!
وبعد برهة تمالكت الملكة (نواجذها) وقالت للمبعوث ..
إنتا والله مشوطن !!! ومن جبيل خجلان مالك ..!!!! ما تراها الجمال الملكية راااااقدة أمش طير من وشي وشيل ليك واحد آآ الخمجان ..
ففرح (الخمجان) وصاحبنا .. جري صوف للزرايب الورانية وإختار ليهو أجمل جمال الملكة وسرعتة (كراهو) في السهلة الملكية و( نوخو في ا##########) وتلبت ركب في الجمل .. لمن الجمل زااااتو قال (الجمل دا مالو!!) .. وعندما قام الجمل من نوخته وصاحبنا متكيف في الاعالي وتحرك بإتجاه المضارب مربع 15 نظام : شوفوني يا ناس !! وبعد ان أكمل عددا من الساعات معتليا حدث له (الله يكرم السامعين) زنقة (نظام داير يستعمل المستراح وكدة) .. وهنا إكتشف الحقيقة المش مرة بس .. الحنضل عديييل كدة ..
حاول الرجل إناخة الجمل .. فرفض الجمل الإستجابة .. حاول القفز ... ولكنه وجد الارض دي (بعيدة بعد السما) !!! بكى للجمل عديييل كدة وقال ليهو (والله العظيم مزنوق .. ياخي الننزل خمسة دقايق بس!!) والجمل بيلوك في لبانتو وعمل فيها مجنون وما سامع !! الشغلة جاطت وناس القبيلة إتلمو وقعدوا يقولوا ليهو (أي خيبان هذا !! إذا لم تكن تقدر على إناخة الجمل فلماذا ركبته من الأساس) !! والشغلة بقت ملطشة وصاحبنا ما إتمالك نفسو و (قضى حاجته على ظهر الجمل) ... والجمل واااقف وما شغال بيهو الشغلة وأخذ صاحبنا يبكي ويولول والناس تضحك وتكب في الشمارات ...
في تلك اللحظة جاء موكب الملة عابرا في طريقه للذهاب إلى إجتماع للمنشقين عن قبيلة مجاورة (دقوا جرس وأبو يرجعو لي قبيلتم الأصلية عشان الملكة أدت كل واحد فيهم خيمة وجمل وشوية حاجات كدة يكونوا بيها نفسهم وهم كانو في قبيلتم الأصلية مقطعين ساي ومهمشين بي هناك) .. المهم الملكة توقفت وسألت المبعوث ما ذا يحدث ...
فقال المبعوث من وسط دموعه وفضلاته (عليك أمان الله نزليني من الجمل دل ورجعي لي الحصان داك . وتاني ما داير أي حاجة) .. فضحكت الملكة ملء نواجذها وقالت له :
ركوب الجمل ما زي نزولو يا الخمجان ..
فصارت مثلا يسير بين القبائل وحتى هذا اليوم لم يستطع الخمجان النزول من على ظهر الجمل الغتيت وفي انتظار من ينزله ..
صنفرة :
النكتة في السلك يا زول .. بس حاول نزل الخمجان داك بي أي تمن ..
09-17-2005, 07:51 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
يعني دايرة توريني إنك ما بتعرفي العنبلوق !!! دي علي أنا يا نادية !!! العنبلوق دا بالذات إنتي بتكوني بتعرفيهو وجريتي وراهو ولعبتي بيهو لمن كنتي صغيرة .. ولا كمان حا تقولي لي ما كنتي صغيرة
غايتو أسئت الظن فيني (للمرة السابعة في البورد دا) و أستاذنا عقيد ما قصر معاك في الشرح وأنا زاتي لو في محلو ما كنت حا اقدر أشرح ليك بالطريقة دي كنت حا أقول ليك (العنبلوق أخو العتود) وأقرض علي كدة ..
أهاااااااااا بتعرفي العتود ولا كنتي حا تقولي لي العتود هو زاتو شنو !!!
صنفرة :
موضوع الديوان أصبري لي شوية كدي
09-17-2005, 07:59 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: انت كان تكون حريف وتمشى بالحصان (داك) تزور الارشيف (داك) كنت عرفت انك حتتفنقل الفنقيلة (دى)..اها دى دقستك انت
سمعت انك من شدة ما كنت فرحان بالحصان العصرى داك مشيت الحفلة الاخيرة بالحصان..وطلعت المسرح وبدل ما تغنى خطبت وناس ود عكر والشباب الحلوين ديك خلو الشيل وبقوا يهتفوا .. كان احسن ليك تسمع الكلام من الاول وما تفرح شديد وكل مرة ترفع البوست داك اها ده الجاب ليك الهواء.. اها يا ود عكر ناذر ده حرق خلاص لا حيرجع فنان ولا حيقدر يواصل فارس عشان اتفنقل خلاص.. خليك حريص واعمل حسابك من الحصين الاسفيرية..
والله يا ناجي برضو منطق ...
تتصور مشيت الحفلة بالحصان وقدام ناس ناصر وود عكر وكمية من الناس الركبو الحصين قبليي بلد ما اغني قلت ليهم (أيها الناس أسمعوا واعوا) وهاك من خطب ناس بني قينقاع ديلك .. الجماعة ما عرفوا يبشروا ولا يشيلبوا سيفي يسننوهو
صنفرة :
كنا في سيرتك بالأمس ومعي أصحابك خالد ومعتز وود الجبل
09-17-2005, 08:12 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
يا راجل إنتا زول حبيب وبتاع حاجات حلوة مالك ومال الحمير والجمال والعنابليق
صدق يا مان انا كان المفروض أكون زيك كدة لكن مشكلتي الوحيدة اني سكيت الشغلة الفارغة الإسمها النضال دي !!! غير وجع القلب ما جابت لينا حاجة لكن بس نقول شنو .. دا ياهو قدري كدا
حمير شنو يا روميو !! الحمير العندنا هنا ما مكفينك ! كمان داير ليك صورة حمار بالغتا والله لكن
صنفرة :
العنبلوق الشحنتو وصل لي نادية في القاهرة خليها تصوروا وترسل ليك صورة هدية
يا اخوي انا والله لسة مطشش من الفنقلة براحة علي شوية بعدين حيرتني بي شرحك للعنبلوق .. تتصور العنبلوق دا أنا اول مرة أسمع بيهو كان في مسرحية المهرج بتاعت فرقة الأصدقاء لمن محمد المهدي نبذ الخواجة قال ليهو يا عنبلوق قام الخواجة إحتار وسألو WHAT IS ANBALOUG? أها واحد من الممثلين داير يطفي الشغلة قال للخواجة ANBALOUG IS SAKHALA BTOTHER
Quote: إنت يا ناذر لقيت طريقة غنيت للجماعة بتاعين العصور التي مضت ديل؟؟ وهل هناك (طماطم).. ؟؟!
بتاعين العصور ديلك ناس صعبين خلاص الغنا ما بيعرفوهو وما فاضين ليهو .. اليوم كلو يضربوا في البيرة في بلكونات خيمم ويطلعوا لصيد حصين الوحش وعنابليق الوادي
مافي طماطم يا ود عقيد وما بيستعملوهو هناك ..
تتصور بيستعملو الخيار والفجل والجذر !!
صنفرة :
تتصور هناك خرمت لي لي سلطة دكوة بدل الطماطم جابوا لي آآآآ بنجر
09-18-2005, 12:22 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
تراجي مصطفى .... والله بختك هاك الخبر السعيد دا !!!
أمبارح كدي بعد ما قعدت قدام الكمبيوتر وبديت أشرج ليك الدخل موضوع تشريح القعونجات بتاعين ملاسي في موضوع حصانك شنو .. وبعد ما أسهبببببببت في الشرح وقريحتي إستهلكتها إستهلاك ما عادي في الشغلة دي ..
يقووووم كدي يجيني تلفون من وراء البحار من زول بعزو جدا جدا وما برفض ليهو اي طلب وحلفني وقال لي لازم توقف عملية السلخ الانت بتعمل فيها دي .. داير أشرح ليهو القصة قال لي هو فااهم الحاصل كلو وقال لي لو بتعزني سيب تراجي في حالا وهي براها الفيها مكفيها ..
لقيت الزول مصر وأنا يا تراجي بعزو جدا وما بقدر أرد ليهو طلب .. قلت ليهو خلاص ما عندك مشكلة .. بس انا كتبت (all ready) شرح للتشريح بتاع القعونجات ديلك أنزلو ونقفل الملف دا .. قال لي بلا قعونجات بلا عنبلوقات .. والله العظيم لو ما وقفت الشغلة دي لا بيني لا بينك !!!
طبعا إتختيت في حتة ضيقة يا تراجي لكن قلت ما مشكلة عشان خاطر عين آآآآ بنسوي أي شي وبس حبايبنا يرضو عننا ..
أها يا تراجي بختك والله وطلعتي زولتا مبروكة زيك وزي دافنشي واحد وبعد دا نووومي قفا وقشششششة ما تعتر ليك .....
صنفرة :
تحياتي وتقديري لكل من ساهم في هذا البوست ومن لم يساهم وإكتفى بالمتابعة ..
09-18-2005, 01:33 PM
الملك
الملك
تاريخ التسجيل: 01-02-2005
مجموع المشاركات: 5756
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة