Quote: وأري في هذا الحوار الدائر الان000 كم ان بداخل كل فرد سوداني ديكتاتور صغير ينمو بمرور الايام اذا اتيحت له الفرصة أو اذا أقتلع فرصة
|
Quote: لكن خبرني بالله عليك على نهج من تسير انت؟ |
Quote: لماذا لم تشحذ قلمك ضد سلوك محمود ولصوص الحياة يمصون الضوء من اعيننا ؟؟ . لماذا ياشيبه هل انت اسد فقط على محمود؟ انا الان ياشيبه بكل ثقه اتهمك بالتشهير بمحمود واساءته في رابعا واعتقد ان كلمتك هي الهوجاء التي قد ترتب لمحمود حقوق مدنيه وجنائيه في مواجهتك |
تشهير بى منو ؟؟ انت برة السودان ولا شنو الكلام البقولو ده ما سر اى شافع عارفو من الجرايد واقسام الشرطة
خلاص يا اخوانا انا غلطان ومحمود دة فنان اصلو مافى زيو دة مبدع كبيروحكاية البنقو دى والمشاكل والضرب واقسام البوليس دى حاجات عادية وكل السودانين بسكروا وبشربوا البنقو وبتشاكلوا عدى جدا .. بس ناس الحكومة هم القاصدين الولد " حودة " وناس الجرايد بس ما يشاكل زول ساكت بالهزار الا يجيبوا الخبر بالبنط العريض
وكمان فى حاجة تانية شوف بالله محمود طلع لحدى هسه فى عشرة سنة اكتر من 21 شريط وبينتج ثلاثة البومات غنائية فى السنة الواحدة شفت الحتى دى وردى زاتو البغنى من سنة ستين ما بقدر يعملها
بعدين محمود وعشان جمهوره الكبير وكلهم شباب وفيهم يمكن شفع صغار فقد غنى لهم " دنيتنا الجميلة "بتاعة جنة الاطفال ولانو بحب جمهوره العريض ونزولا على رغباتهم فقد قرر ان يغنى لهم" دجاجى يلقط الحبة " فى الالبوم القادم
بعدين محمود يعمل شنوا بى ناس حميد والقدال ويحى فضل الله ديل زاتو والله كلامهم ما مفهوم وكلو الغاز والسوق والجمهور داير حاجة جميلة زى يا مفرحة انت انت العسل يا مدهشة وحاجات من النوع ديا
بعدين الناس البيتكلمو عن سلوكو محمود كل يوم بيعمل حفل خيرى لصاح يتامى ومساكين ونادرا ما بيحصل انو يتخلف عن حفلة وكدة الا للشديد القوى ربنا يجازيهو على فعل الخير
العزيز نادوس 2000
ارى انك قد تفهمت رايى بوضوح
لك حبى وتقديرى
كنت اتمنى ان نتعامل بهدوء بعيدا عن اى انفعال او اساءات لبعضنا
والان احس ان الموضوع قد يتطور الى نقاش من نوع اخر
عليه اكتفى بما تم تناوله
وكل التوفيق لـ " حودة " .. اقصد محمود عبد العزيز فى مسيرته