يا صباحك–د.طلال دفع الله–عندماغناهامصطفىأيقنت برحيله قريبا-إهداء لـ السمندل

مرحبا Guest
اخر زيارك لك: 04-29-2024, 08:21 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الفنان الراحل مصطفى سيد احمد
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
05-18-2003, 05:40 AM

sheba
<asheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا صباحك–د.طلال دفع الله–عندماغناهامصطفىأيقنت برحيله قريبا-إهداء لـ الس (Re: sheba)




    الاعزاء

    السمندل

    دالى



    عبد الله


    تحياتى



    واليكم نص الاغنيتن الاخريتين اللتين غناهما مصطفى للشاعر طلال دفع الله

    وهما " صحوة " و " رحال


    وانشاء الله سنقوم بانزالهما لكم فى القريب


    *******************
    صحــــــــوة
    د.طلال دفع الله عبد العزيز
    غناء مصطفى سيد احمد
    ******************

    لما اتلامس بينى وبينك
    شبق المطرة وشوق الصحرة
    زلزل روح السد الواقف
    بين الرؤية الفجر الاخضر
    بين الليل الجرح النازف
    لقيتك تغزلى فى احزانك
    نار اسطورتك معبد مجدك
    معبد مجدك فرح اكوانك
    لقيتك تغزلى فى احزانك
    اتعافيت من خدر الغفوة
    صحيت ناديتك انا انسانك
    فى جواك شهقت هواك
    زفرت سموم الجفوة
    جيتك منك جيتك
    من تحبال مرساك
    انا حطمت قواقعى الرخوة
    انسليت من جرحى عشانك
    ذاتك تلمى كمال البيعة
    يلا استلى سيوف اتخبت
    تحت اجفانك
    حضنى عليك الترعة الواقف
    زى بس حبك هو الباقى
    من بركانك نبض اعرانى
    غصنى بفرهد بين احضانك
    يلا ادينا خريطة السكة
    تمتمى لينا نشيد الغضبة
    حنـبدا معاك الخطوة الصعبة
    نحى الفرح الجاى زمانك








    ****************************


    رحــال
    د.طلال دفع الله عبد العزيز
    غناء مصطفى سيد احمد
    *****************

    وصاحت جذوة الترحال
    نضج بالشوق مسام صدرك
    فيا رحال..
    فتح زمن الخرافة عليك
    بكا الاوتار .....
    وغلب قمرك شقا الاحزان
    من شجو الكلام المر
    فتلت حبال شمس غابت
    وغنيت آه ..
    على وجع الوتر تبريح
    غنا الاشجان
    سالت الريح :-
    علام الضل صبح مغلول
    يصارع صبرو فى الاحزان
    ويا ضل الفضا المشلول
    الام الخوف يشتت
    كل شعاعا بان
    فيا ريتك تفردى رضاك
    على افاق معاك تحلم
    ظلامة يزول
    وترجع روعة الازمان
    عى ولدا بريدك
    انتى يا الطوفان
    على بلدا وراك
    فى الليل صبح غرقان
    ويا شمس الغد الفتح لاحضانك
    حضن اشواق
    ترك كحمامة فى صدرك
    بعد ما فاض هلام الليل
    مسك فجرك
    سالنا عليك عيون الموج
    قبل ما تروح
    حواجب الدهشة فتحت قوس
    وكنت لينا غير ما تبوح
    ( بحر الريد ملان اسرار
    وخطواتك كتب قدرك
    عليها الحيرة يا انسان)
    قفلنا القوس
    ويا فارس المدى المجروح
    وراها ركبت متن الريح
    تفتش فى الهوا الضايع
    هوى الوجدان
    تشوفو ظلال
    يلوح فى الافق كفك
    يسابق فى اصابع اللهفة
    ليها حنان
    وواقع الحال ينهنه
    صبرك الجواك
    وتصرخ جذوة الترحال ..



    *********************





    (عدل بواسطة sheba on 05-18-2003, 05:41 AM)
                  

العنوان الكاتب Date
يا صباحك–د.طلال دفع الله–عندماغناهامصطفىأيقنت برحيله قريبا-إهداء لـ السمندل sheba05-17-03, 05:57 PM
  Re: يا صباحك–د.طلال دفع الله–عندماغناهامصطفىأيقنت برحيله قريبا-إهداء لـ الس السمندل05-17-03, 06:16 PM
  Re: يا صباحك–د.طلال دفع الله–عندماغناهامصطفىأيقنت برحيله قريبا-إهداء لـ الس dalihabboub05-17-03, 07:27 PM
  Re: يا صباحك–د.طلال دفع الله–عندماغناهامصطفىأيقنت برحيله قريبا-إهداء لـ الس Abdalla Gaafar05-17-03, 07:35 PM
  Re: يا صباحك–د.طلال دفع الله–عندماغناهامصطفىأيقنت برحيله قريبا-إهداء لـ الس sheba05-18-03, 05:40 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de