|
Re: حدائق الورد .. الشيوعيون يشعلون ليل سيدني .. صور فقط !! (Re: خالد العبيد)
|
خضر يا صاحب اتمنيتك والله انت وكرفس وشادية تكونو معانا
بدرالدين سلام عليك يا زول يا جميل
شبكة تحياتي ليك وشريف لم اعرفه ارجو ان تذكر لي اسمه كاملا ومدينتو وين بجيب ليك خبرو وبشرى ياهو بتاع اونلي
حيدر سلام والله نحن اسعد ناس بي جيتك لمن تقرب تجي بالله اعمل لي ماسنجر نستقبلك ونضيفك ونفتش ليك شغل عشان تدفع للحزب !!
ابو ساندرا تحياتنا وسلام مربع ليك ومشتاقين ليك كتير شوقتني ان اتعرف على مدينق بالله اي معلومات عنو وانت عارف ليه
فيصل خليل مرحب بي طلتك وشكرا لي مرورك الجميل
| |
|
|
|
|
|
|
Re: حدائق الورد .. الشيوعيون يشعلون ليل سيدني .. صور فقط !! (Re: rani)
|
Quote:
سلام عاطف : يُعتبر ده أول { سلام} بيننا (بعد شكلتنا في كندا)! لا أعادها الله .. |
الشكلة كان ليها ظروفها يا محمد
الغريب نحن بيتنا في نفس شارع أستاذ كمال (بس نحن لي جوه شوية)
وكلما أجي مارى بالبيت لازم أعاين فيه لأني طوالي بتذكر الشكلة الغريبة والعجيبة
وأقول احتمال تكون نزلت اجازة وأشوفك عشان نحكي قصة الشكلة العجيبة
ومرة في حفلة نظمتها منظمة رد الجميل في كلية الأحفاد الجامعية لمحت عبدالمنعم
بيصور وكان مشغولا برضو اتذكرتك واتلفت يمنة ويسارا عسي ولعل أن أجدك
دون جدوى ......... أقول حاجة يازول (صافية لبن....حليب يا اشطة) !!!!
| |
|
|
|
|
|
|
Re: حدائق الورد .. الشيوعيون يشعلون ليل سيدني .. صور فقط !! (Re: خالد العبيد)
|
حبسوا الانفاس حين تغنوا بـ : من أجل صباح سميح القاسم
من اجل صباح .. من اجل صباح نشقى أيام وليال .. نحمل أحزان الأجيال نكوكب هذا الليل جراح من اجل رغيف نحمل صخرتنا في اشواك خريف نعرى .. نحفى ونجوع ننسى آنا ما عشانا ... ما عشنا فصل ربيع ننسى آنا خطوات .. خطوات ليس لهن رجوع
ووقف فالجميع مشدوهين وصفقوا طويلا ثم امطرونا غناء وطربا للحزب والشهداء فرقص الجميع وهتفوا يا لها من ليلة
| |
|
|
|
|
|
|
Re: حدائق الورد .. الشيوعيون يشعلون ليل سيدني .. صور فقط !! (Re: خالد العبيد)
|
خالد تحية طيبة
أين الاستاذة نجوى المجذوب أ فى مدينتكم أم فى مدينة أخرى ؟؟ ، تلك المرأة الجميلة التى ما زالت تحمل قلب طفل ، كانت لا تقف بين بين لأن شعبنا هداها النجدين ولم تعرف المساومة يوم الكريهة فى ميدان المقاومة .
ورفيق دربها وحياتها عبدالوهاب الهنداوى ذلك النبيل الصادق فى عشقه لبلده لدرجة التبتل .
تحياتى لهم وسلام مربع
| |
|
|
|
|
|
|
Re: حدائق الورد .. الشيوعيون يشعلون ليل سيدني .. صور فقط !! (Re: خالد العبيد)
|
الزملاء في سيدني لكم التحية وانتم تسربلون مساءات المدينة بالاحمر المكتنز بالنشيد ... شكراً لكل من ساهم في اعداد وانجاح هذا العمل الراقي .. والشكر للاستاذ/ خالد العبيد الذى نقل لنا كيف كانت أنفاس الكرنفال وإيقاعاته وتوقيعات الحضور. الاسماء كثيرة ومتألقة .. بينها توقفت عند الزميل عز الدين الجلاد له التحايا ولروح الراحل المناضل / عادل سليمان محمد الماحى ذلك الجبل الشفيف .. ارجوا ياخالد أن تبلغه منا السلام والتعازي .. وعذراً فقد اصبحت الاسافير تبكي عنا . مرة اخرى اعاود تحياتى للزملاء في سيدنى كبارأ واشبال .
| |
|
|
|
|
|
|
|