بدر الدين أو قمر الدين (حق السماء، وحق رمضان) والإتنين ده أحلى من ده
وإنت بدر السما فى صفاك، غامر الناس بى بهاك، وبسعد البنضم معاك، ويتمنى يهجس فى حواك
فى البدء كان الكلمة يا بدر، وكلمة طيبة وزينة واحدة والله، ممكن تخلق حياة كاملة، وكلمة شينة فرت واحدة برضه، ممكن تخرب بلد
عشان كده يا بدر حقه الناس تعصر على السماح والسماحة وطيب الدواخل، عشان الشمس تشرق كل يوم فى مواعيدها، والأرواح تشرق من جوه فى نفس المواعيد، وتتلاقى الأشعة، من هنا ومن هناك، ويعم الضوء والخير والمحبة، وتبتسم الأيام، صدقنى يا بدر، أهم شئ بسمة الأيام، لأنها لو بسمت، كل الأشياء حتبتسم، وما أدراك بالإبتسام، عنوان ومعنى الوئام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة