|
|
 من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يهني سلفا؟
|
شئ مؤسف جدا أن يتم سحب بوست مكتوب بواسطتي تسألت فيه عن رفض الصادق المهدي أن يقوم بتقديم العزاء في وفاة الزعيم قرنق.
فكيف نحت تبكي على إغلاق الصحف في السودان ونفس الممارسة تتم داخل هذا الموقع؟
أنا لا يهمني كثير.
الصادق المهدي يعتبر عدوا لكل أهل الجنوب فأمره لن يهمني كثيرا, حزب الامة نفسه إذا كان أعضائه ألتزموا بأن يكونوا تحت قيادة هذا الصادق فهذا يعي بأنهم راضون عنه وعن أفعاله. أنا أريد توضيح من الشخص الذي حذف البوست.
وسوف أعود لكم بمزيد من المواضيع عن الصادق المهدي وعن مواقفه المخذية تجاه الشعب وتجاه السودان.
دينق.
|
|
 
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: محمد عادل)
|
Quote: دينق صباح الخير ياخى
منو القال ليك انو سيد صادق لم يعزى فى وفاة قرنق
ياخوى روق المنقة
يوم تشيع قرنق بعث كل من صلاح ابراهيم احمد وعبدالنبى على احمد ومريم الصادق
لجوبا تقديم واجب العزاء والمشاركة فى مراسم التشيع
وقدم التهنئة لسلفا وذهبة الية وتباحث معه فى موضوع اللاجئين المعتصمين فى مطفى محمود انذاك |
الحبيب محمد عادل
تحياتي
قمت بالتعليق على بوست دينق (المحذوق على حد تعبيره) وأوضحت له خطأ معلوماته.. ولكن دينق مصاب بلوثة عداء للصادق المهدي وحزب الأمة.. هذا رأيه وهو حر فيه ولكن عليه أن يحترم الآخرين إن أراد الإحترام.
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
Salams dear Deng
The same happened to me yesterday and after less than 10 minutes I lost my post, am not sure exactly what happened to it but I think there is a technical problem somewhere in the server, the funny thing it was so long one and I didn’t save any copy of it!!!!I tried to retrieve it but failed, please if you find a way for that let me know, and you better save anything you want to post here coz you never know ya man.
Best Regards
Ayman
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
Quote: دينق صباح الخير ياخى
منو القال ليك انو سيد صادق لم يعزى فى وفاة قرنق
ياخوى روق المنقة
يوم تشيع قرنق بعث كل من صلاح ابراهيم احمد وعبدالنبى على احمد ومريم الصادق
لجوبا تقديم واجب العزاء والمشاركة فى مراسم التشيع
وقدم التهنئة لسلفا وذهبة الية وتباحث معه فى موضوع اللاجئين المعتصمين فى مطفى محمود انذاك |
الاخوة محمد عادل وإسماعيل وراق.
كلامي كان واضح جدا.
أنا كنت بتكلم على الصادق الصديق المهدي.
أنا قاصد الصادق المهدي عدييل كده.
دينق.
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
| Quote: The same happened to me yesterday and after less than 10 minutes I lost my post, am not sure exactly what happened to it but I think there is a technical problem somewhere in the server, the funny thing it was so long one and I didn’t save any copy of it!!!!I tried to retrieve it but failed, please if you find a way for that let me know, and you better save anything you want to post here coz you never know ya man. |
الاخ أيمن الطيب.
أتمنى بأن يكون ذلك خطاء فني كما زكرت. ولقد أرتكبت أنا نفس الخطاء, لم أقوم بحفظ البوست. ولكن البوست أو مقالي لم يكن طويلا.
دينق.
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
Quote:
الاخوة محمد عادل وإسماعيل وراق.
كلامي كان واضح جدا.
أنا كنت بتكلم على الصادق الصديق المهدي.
أنا قاصد الصادق المهدي عدييل كده.
دينق. |
يا دينق .. علشان نضع النقط على الحروف..
أنا قلت ليك في بوست الذي راح في غضب الله أن السيد الصادق المهدي (حفظه الله في حله وترحاله) أول من ظهر على أجهزة الإعلام ونعى الراحل قرنق وأعلن عن إجتماع طارئ لمؤسسات الحزب في نفس اليوم وأصدرت بيان بهذا الخصوص..
قلنا لك أن السيد الصادق (حفظه الله في حله وترحاله) أوفد وفداً رفيع المستوى بقيادة الأمين العام دكتور عبد النبي على أحد إلى جوبا لتقديم واجب العزاء وحضور مراسم الدفن..
.
.
لكن بالمرة كده يا دنيق... هل يعرف سلفا كير دار حزب الأمة أو منزل الإمام الصادق المهدي..
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
1-لم يقوم الصادق المهدي بتهنئة أو زيارة القائد الراحل جون قرنق عندما أستقبل في الخرطوم في تلك الزيارة التاريخية.
2-لم يقدم الصادق المهدي واجب العزاء في وفاة الفقيد العظيم جون قرنق.
3- لم يهنيئ الصادق المهدي القائد سلفا كير بمناسبة توليه قيادة الحركة أو رئاسة حكومة الجنوب.
4- لم يقدم الصادق المهدي العزاء في وفاة رئيس الوزرا الاسبق محمد أحمد المحجوب(حزب أمة) إلا بعد إنقضاء فترة 6 أشهر.
لماذا
دينق.
| |
|
|
|
|
|
|
|
|
 Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Waly Eldin Elfakey)
|
Quote: الصادق المهدي حر ياخي يمشي ما يمشي يعزي ما يعزي يهني ما يهني
هو حر... انا القدامك ده عندي اخوي مات مع ناس الحركة
لا قرنق لا سلفاكير و لا دينق ما عزوني ... يعني شنو |
التعزية الصادرة من المدعو الصادق المهدي غير مقبول حتى!!!
الصادق ألد اعداء لكل زعيم من الجنوب كما هو معروف في فكر الانسان الجنوبي ان الصادق المهدي هو الذي دبر مؤامرة اغتيال الزعيم التاريخي وليم دينق نيال.
اذا كان السودان حوش المهدي فان الجنوب ليس جزء من هذا الحوش.
لك تحية اخي
دينق
و تحية لكل سوداني واقف ضد الظلم والطغيان الأتي من اناس مثل الصادق المهدي.
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
Quote: انت قرنق دا مات امس ؟ ..ولا سلفا عينوه امبارح ..
الكلام دا من زمان مااتكلمت فيهو مالك ؟!.. ..على العموم
شكلك عندك مزاج تفتح ليك بوست عن الصادق المهدى بس ..
لانو الناس ديل ادوك الاجابة لكن ماعايز تاخد بيها ..
وعايز تصر على موقفك ..ماعندك مشكلة واصل وافترض الحاجات
العايزها وابنى عليها الكلام العايزو ...(مش منبر والكلام
فيهو مجانى ) .. |
الاخ محمد عبد الرحمن.
أنت من اعضاء حزب الامة القلائل الذين أكن إحترام عميق لقلمك, ولم أتعود منك أن تتناول الامور بهذا البساطة يا محمد.
أنك لم توفق في ردك على بوستي تماما. أخي محمد. الصادق المهدي ليس لديه أي عزر يمنعه في الذهاب للتعزية فلماذا لم يفعل ذلك؟
ولماذا لم يعزي الصادق المهدي في وفاة محمد أحمد المحجوب إلا بعد 6 أشهر؟
دينق.
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
Quote: محمد عادل واسماعين.
كلامي واضح وضوح الشمس وتفسيره وفهمه واضح جدا.
كيف يقوم سلفا كير بزيارة الصادق المهدي الذي لم يقدم له واجب العزاء في قائده ولا يقوم بتهنئته ولا حتى حمدالله على سلامة وصولكم للخرطوم.
بعدين ده سفر شنوا وترحال شنوا يا اسماعين ده؟ أنا معلوماتي الدقيقة جدا تقول أن الصادق المهدي كان متواجدا في الخرطوم في تلك الفترة.
دينق. |
يا ديتق بطل العكلتة1قالو ليك الراجل رسل مندوبين!
انت دايرو يمشى بى نفسه ويدفع فى الكشف ولا شنو!
يا دينج من اخطاء قرنق التى لا يمكن ان يدافع عنها احد هو تجاهله للتجمع الوطنى والاحزاب فى اتفاقية نيفاشا والصادق يكفيه هنا ارسال مندوب وهذا عرف جرى التعامل معه !
تخيل الصادق ذهب بنفسه لأداء العزاء فكيف نفرق بينه وبين ود اب قبورة!
بصراحة ما عندك موضوع!
مواضيع اللوم حقت ما عزانى فى فلان وما هنانى فى فلان وما دفع فى الكشف دى اهدار للباندوث فيما لا يفيد!
جنى
1
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
Quote: التعزية الصادرة من المدعو الصادق المهدي غير مقبول حتى!!!
الصادق ألد اعداء لكل زعيم من الجنوب كما هو معروف في فكر الانسان الجنوبي ان الصادق المهدي هو الذي دبر مؤامرة اغتيال الزعيم التاريخي وليم دينق نيال.
اذا كان السودان حوش المهدي فان الجنوب ليس جزء من هذا الحوش.
لك تحية اخي
دينق
و تحية لكل سوداني واقف ضد الظلم والطغيان الأتي من اناس مثل الصادق المهدي. |
الاخ جوك.
أنا عارف الصادق المهدي ده كويس جدا وعارف طريقة تفكيره, وهو لن يتغير أبد. ولكن يجب أن نزكر الناس عن ما هو الصادق المهدي.
طالع في الفضائيات ويقول أنوا يعترض على إتفاقية الميرغني قرنق. كأننا بلها وضعيفي الذاكرة.
دينق.
| |
|
|
|
|
|
|
|
|
 Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: الصادق خليفة)
|
دينق..
بعد التحية والتقدير..
أسمعني..
الما جاملكـ ما تجاملوا حتى ولو كان السيد الصادق المهدي ذاتو..
والما عزاكـ في وفاة قرنق ما تعزيهو في وفاة عزيز لديه..
لا أراكم الله مكروهاً في عزيز لديكم..
إنطلاقاً من مبدأ المعاملة بالمثل.. [السن بالسن والبادئ أظلم]..
ولك حرية الخيارات المتاحة أمامكـ وأحسن إنو تكون أفضل منهم..
أسمعني يا جورج..
كده خلينا من السيد/ الصادق المهدي الليهو أتباع بسدو عين الشمس..
وممكن يكلفتوكـ ويطلعوكـ شيوعي غلطان وبتاع عبابير كمان..
ويمكن يطلعوكـ عدو نفسو والسودان..
زي ما عادي جون قرنق الديمقراطية المتباكى عليها الآن..
وتكون إنت جورج أناني لا يرى أبعد من أرنبة أنفه ومصلحته الذاتية..
عدو الإنسانية والإنسان..
وصل أمريكيا متسلقاً حق جثامين من طلب باسمهم حق اللجوء..
ولم يزرهم في آخر زيارة ليهو للسودان..
لا عليكـ..
المهم؛
يا دينق كده ركز لي على حكاية حذفان بكرى ابوبكر للبوستات دي..
خاصة وإنت مرة قلت إنو المنبر خاضع للقانون الأمريكي المعروفة عنها إنها بلاد الحريات..
ما تقول لي ما فهمت العلابي بتاع أنا..
وفي حالة العجز..
أستعين بزميل..
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Abdelrahman Elegeil)
|
كذلك سارة زوجة الحبيب الصادق المهدي لم تعزي ربيكا زوجة المرحوم قرنق ولم تهنئ زوجة سلفاكير
وندعو دينق بفتح بوستاً آخر بهذاالخصوص ....
| Quote: وسوف أعود لكم بمزيد من المواضيع عن الصادق المهدي وعن مواقفه المخذية تجاه الشعب وتجاه السودان. |
هو السحب بوستك ده الحبيب الصادق المهدي
يا رجل أكتب كلام عقلاني
وإيش الدخلنا في عزاني وما عزيتو
وبارك لي وما باركت ليه
هذاالمفكر أكبر من ذلك رجاء تناول قضاياه الفكرة وسيبك من أمور عجايزنا دي ..
عزاني وما عزيتو
والله ياهو الفضل من شريك المؤتمر الوطني في سلطة السودان المتناسي لكل قضايا المهمشين والمتجاهل لكل ألوان الطيف السياسية الأخرى والساعي لهضم نصف كعكة خيرات البلد وإنفصال السودان لدويلات ....
كدي إنت عزينا أولا في السودان ....
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
Quote: دينق السائل اعلم من المسئول
انت تعلم ان هناك من خاطبك بهذه العبارة في هذا المنبر اكثر من مرة فالعبد لله ليس اول من خاطبك بها ولن اكن الاخير ولقد اتيت بها هنا لان الامنجية مصادر المعلومة متوفرة لهم اكثر من العوام
لكن انت لم تجاوب على اسئلتي ثانيا انا لا سيد لي الا الله الذي خلقني ولقد اوردت اسم الصادق حاف في مداخلتي معك
ممكن تقول امامك نعم هو امامي وانا انصاري مبايع ولكنني اعلم انه غير معصوم ولا مبرا من كل عيب ولو مؤتمر الانصار القادم انتخب امام غيره سوف ابايعه |
عبد الرحمن.
دي معلومات عامة ولا تحتاج الى أمنجي لكي يحصل عليها.
إذا كانت معلوماتي غير صحيحة من حقك أن تفندها ولكن لمجرد الكتابة عن سيدكم تعتبر نوع من الامنجية فدي قصة تانية كمان.
كلامي الفوق ده صح ولا غلط؟
Quote: بس انت نجض معلوماتك ولما تريد ان تكتب ما تكبر العبار ولا تقل العيار على قول صديقك بريمة صحيح تلاتة ايام اجازة
طويلة ومملة لكن خفف الوزنة ميلر كفاية |
لمن يجي الحديث عن الصادق المهدي عبابيري كلها بتكون موزونة أنتو عبابيركم كيف؟
دينق.
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
Quote: هو السحب بوستك ده الحبيب الصادق المهدي
يا رجل أكتب كلام عقلاني
وإيش الدخلنا في عزاني وما عزيتو
وبارك لي وما باركت ليه
هذاالمفكر أكبر من ذلك رجاء تناول قضاياه الفكرة وسيبك من أمور عجايزنا دي ..
عزاني وما عزيتو
والله ياهو الفضل من شريك المؤتمر الوطني في سلطة السودان المتناسي لكل قضايا المهمشين والمتجاهل لكل ألوان الطيف السياسية الأخرى والساعي لهضم نصف كعكة خيرات البلد وإنفصال السودان لدويلات ....
كدي إنت عزينا أولا في السودان .... |
عثمان محمدين.
بناسبة القضايا الفكرية دي.
زرت موقع حزب الامة الالكتروني من قبل حوالي 5 أعوام. ولقد وجدت كل الكتب والمؤلفات الموجودة به للصادق المهدي.
يعني حزب كبير زي ده المؤلف والمفكر والمفتي شخص واحد وهو الصادق المهدي.
دينق.
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: lana mahdi)
|
Quote: عثمان محمدين.
بناسبة القضايا الفكرية دي.
زرت موقع حزب الامة الالكتروني من قبل حوالي 5 أعوام. ولقد وجدت كل الكتب والمؤلفات الموجودة به للصادق المهدي.
يعني حزب كبير زي ده المؤلف والمفكر والمفتي شخص واحد وهو الصادق المهدي. |
أولا أشكر لك إعترافك الضمني بأنه المؤلف والمفر والمفتي
وزيارتك للموقع الالكتروني يا دينق لا تعني أنه لا يوجد كتاب ومفكرون آخرون
وهل للحركة غير قرنق
وهل للأخوان المسلمون غير الترابي
وهل للشيوعيون غير نقد
وهل للإتحادي غير الميرغني
وهل وهل والقائمة تطول،،،،،،،،،،
فرق بين قيادة الحزب وكون الانسان مفكر له إجتهاداته الشخصية بعيداً عن منصبه الحزبي.
أخي دينق لاتظهر كرهك لشخص كشخص الصادق المهدي في غير موضعه فأنا أحس بأنك لا تحترم إختلافك معه بل تكتب من وازع كرهك الشخصي له، لدرجة تطرقك بأن الصادق المهدي لم يعزي في وفاة قرنق
فهل هذا هو الهدف المعني من البورد أم تريد أن تسقط كل كرهك بمناسبة ودون مناسبة
يا أخي أنسى الموضوع ده ونزل عنوان آخر منتقدا شخص السيد الصادق بصورة عقلانية تدعونا للتداخل معك بعقلانية أيها الشريك العزيز لسدة الحكم القائم الآن في السودان والساعي لـ........ ودعك من عزاني وعزيته وبارك لي وباركت ليه....
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
هاااكم المزيد يا ناس حزب الصادق أقصد حزب الامة.
زار الصادق المهدي مدينة بور في أواخر الستينيات, وفي تلك الفترة تلقى جيش الحكومة هزيمة نكراء من قوات الانيانيا في ذلك الزمان.
ولقد مات في تلك المعركة ضابط شمالي برتبة ملازم أول. سجل الصادق المهدي زيارة الى قبر ذلك الضابط الشمالي وبكا بأعلى صوته وقال" أولاد الناس بجوا بموتوا هنا ومافي زول بياخد بي حقهم" الحديث كان للصادق المهدي. بعد تلك الزيارة أرتكب جيش الحكومة فظائع ومزابح بمدينة بور راح ضحيتها عدد كبير من الابرياء.
دي حاجة سريعة كده أمشوا أسئلو عنها لغاية ما أجيب لكم قصة تانية عن كره الصادق المهدي للجنوب وللجنوبين.
خليكم جاهزين بس, الجاييكم كتير.
| |
|
|
|
|
|
|
|
|
|
Re: من الذي سحب البوست بتاعي المعنون"لماذا لم يعزي الصادق المهدي في وفاة قرنق ولماذا لم يه (Re: Deng)
|
السيد الصادق المهدي سوء الظن في برتوكولات نيفاشا ليس من حسن الفطن
دندرا علي دندرا
شعارنا للسلام ( المواضيع التي لا نتحدث عنها بصراحة هي التي تفرقنا) الدكتور فرانسيس دينق
جاء السلام بعد قتال ضاري في مفاوضات مارثونيه طويلة توقع الكثيرون انهيارها وفرح لنجاحها الكثيرين فصلوا وترنموا ورقصوا شاكرين الله علي السلام ما عدا بعض الشماليين الذين استقبلوه بفتور حسب رأي السيد الصادق وحزب الأمة في ورقتة الموسعة عن السلام.من هنا من هذا الفتور تبداء المشكلة
من هم شماليي السيد الصادق المهدي الذين استقبلوا السلام بفتور؟؟؟
لم، ولماذا، وليه، وعلشان شنوه أستقبل شماليين الصادق المهدي السلام بفتور؟؟؟
عملاً بمعيار السيد الصادق المهدي الذي قسم السودان الي شمال وجنوب, نحن الجنوبيون مرضى بداء الحرب ونفوسنا مثقلة تتألم من أعراضها ( الموت الدمار النزوح الفراق التشرد التيتم الترمل الإعاقة الجوع الفقر المرض الجهل الاتهام بالتمرد والعمالة والارتزاق للصهاينة والأمريكان الخ ..) كل تلك الأمراض الجنوبية سببها حكومات الشمال الذي يقال انه استقبل السلام بفتور وعلي رأس هذا الشمال السيد الصادق المهدي رئيس الوزراء الشرعي المنتخب لثلاث دورات.
حان الوقت لإظهار الوقائع كما هي حتى يمكن تأسيس الحقيقة علي إقرار رسمي وبصورة متفق عليها ولتكن رواية رسمية للإحداث تعلو الاعتبارات الشخصية. مقتطف من حديث السيد الصادق المهدي ( لكي يولد السودان ثانية في مهد حقوق الإنسان المستدامة)
شماليين الصادق المهدي لهم الحق في استقبال السلام بفتور لأنهم شاركوا في ذبح وتشريد الجنوبيين بداية بتصفية المثقفين الجنوبيين في جوبا يوم 9/7/1965 وفي واو يوم 11/7/1965 (ضمنهم شقيقي الأكبر دكنقو علي دندرا ) وملكال يوم 24/7/1965. في عهد رئيس الوزراء الصادق المهدي ذبح المناضل الكبير وليم دينق نيال بين منطقة التونج ورمبيك ومثل الجيش السوداني بجثته بربطها علي شجره حتى تحللت. وفي عهد الديمقراطية الأخيرة وفي العام 1987 الي 1988 استعان رئيس الوزراء السيد الصادق بسلاح الجو العراقي لضرب القرى الجنوبية وفك الحصار الذي ضربه الحركة الشعبية لتحرير السودان علي مناطق الناصر الجكو وجوبا وفي عهده أيضا تم حرق الجنوبيين إحياء في مجزرة الضعين الشهيرة أمام عيون الجيش السوداني ورفض وقتها رئيس الوزراء إجراء تحقيق رسمي في الحادث.
شماليين الصادق المهدي سلمهم الشعب السوداني مصيره ومصير أولاده ونساءه وجيوبه وشدوا الحزام علي البطون من اجل دولة تسودها السلام والاستقرار والرخاء والنماء ووعدهم السيد الصادق بالديمقراطية المستدامة ولكنه فشل فشلا زريعا في تحقيق أماني هذا الشعب الصامد بسبب عدم الإجماع . لم يبخل الشعب السوداني الطيب علي حفيد المهدي بالسلطة ومرة أخري أنتخبه الشعب رئيسا للوزراء علي أمل ان يتحصل علي ذلك الإجماع ويعمر البلد كما وعد ولكنه لم يتحصل علي الإجماع وضيع اكبر فرصة للسلام عندما أتاه مولانا الميرغني باتفاقية السلام السودانية ( اتفاقية الميرغني قرنق) التي تردد رئيس الوزراء في قبولها وظل جيئة وذهابا بين البرلمان والقصر الجمهوري بحثاً عن الإجماع حتى لحظة انقلاب الإنقاذ، معروف ان المترددين لا يصنعون الحرية والسلام والتنمية. إستلم الجيش كالعادة مرة أخري السلطة وعمل رئيس الوزراء السابق تهتدون وبسرعة شديدة تفلحون وما فلح في شئ غير الملاحظات التي كان يسجلها علي الحركة الشعبية لتحرير السودان وقائدها الدكتور جون والتجمع الوطني الديمقراطي وأخيرا اتفاقية نيفاشا التي وصفها السيد الصادق بأنها كالجبنة الهولندية مخرمة من كل الاتجاهات. إذن لماذا يفرح شماليين الصادق المهدي وهم يقولون هناك ضبابية كثيفة في الاتفاقية ؟؟. وليش يفرحوا والرؤية غير واضحة عندهم في مسالة تقسيم السلطة وبالذات تقسيم السلطة هذه ؟؟؟ وعلشان شنو يفرحوا والاتفاقية حسب رأيهم ثنائية, ولابد لهم من المشاركة في السلطة الانتقالية وده أساس السلام وحسب رأيهم الإجماع الوطني في السلطة ده السلام ذاته.
هؤلاء هم شماليين الصادق المهدي يريدون كل شئ وفق النموذج الشمالي الثقافي العربي الإسلامي, من الدولة الي الوحدة الي السلام. حتى في المعارضة الشماليين عايزين حاجة خاصة بهم وإلا فالشمال مهيأ لفصل الجنوب عوضاً عن فقدان خصوصيته العربية التي أكتسبها عبر قرون ولم يشارك الجنوب ولن يشارك في تفاعلاتها الحضارية والثقافية والدينية.
بروتوكولات نيفاشا متهم بعزل الشمال عن محيطه العربي الإسلامي حسب رأي الصادق المهدي مما نجم عن كل ذلك تعزيز الانطباع لدى الرأي العام الشمالي والأوساط العربية والإسلامية بعدم توازن وعدالة هذه الاتفاقيات ولعل هذا كان السر في الاستقبال الفاتر الذي لقيته الاتفاقيات في الشمال كما تقول ورقة حزب الأمة.
عندما قرأت هذا المقطع الأخير ( ظلم الشمال وعزله عن محيطه العربي) أصبت بحساسية شديدة ( كاروشة) في راسي وبدأت اصرخ وأقول ما هذا الهبل والتخريف ما هذه الهرطقة أين تلك الدول العربية والإسلامية في مؤتمر جوبا عام 1947 ؟؟ أين تلك الدول العربية والإسلامية في اتفاقية أديس أبابا التي مزقها النميري ؟؟ ولماذا لم يظلم الإمبراطور هيلاسلاسي الشماليين رغم غياب أهلهم العرب في اتفاقية أديس أبابا ؟؟ وأين هم العرب والمسلمين في اتفاقية الخرطوم للسلام التي تخلي عنها الرئيس البشير ولم ينصحوه بان السلام سنة الإسلام ولا يجب نقضها ومن الظلم اضطهاد الناس وتهميشهم و الرؤساء العرب معزورين لان معلوماتهم كلها من الخرطوم فقط.
يا قوم هذه الاتفاقية أعادت الحق لأصحابها المهمشين ودعني أقول لكم لا تتكدروا إذا كنتم لا تطيقون الجنوبيين وتخافونهم فالحل موجود ومضمن في الاتفاق، الجنوبيين سيقولون رأيهم في مسالة استمرار السودان موحد بعد ستة سنوات اعتماداً علي أقوالكم وأفعالكم وفي اعتقادي الستة سنوات شكلها ستة أيام فاصبروا وأكثروا الحديث عن ( ظلم الشمال وعزله من محيطه العربي الإسلامي) وقتها سيأتيكم الفرج من الجنوب وبعدها يمكنكم ان تضموا الشمال الي السعودية كواحدة من أقاليمها عندئذ لن تشعروا بالظلم وبالبعد عن المحيط العربي الإسلامي وهنيئا لكم.
نحن الجنوبيين عرفنا العرب والمسلمين معرفة جيدة من خلال أقاويل وتصرفات عرب ومسلمي السودان وهم يعرفوننا جيداً عندما تواجهنا مع الجيش السوداني يسانده تنظيم القاعدة بوجود بن لادن في معركة تلشي الشهيرة في جبال النوبة وفي معركة الميل أربعين. ونعرف إنهم يطبقون مبدأ ساند أخاك وساعده ولو كان ظالماً . هل سمعتم رئيس عربي أدان البشير لإعلانه الجهاد علي الجنوبيين وقتل اثنين مليون مواطن جنوبي في معارك سيف العبور ونهاية المطاف وبدر الكبرى وعرس الشهيد من الحور العين الخ ؟؟ الجواب كلا ثم كلا، رغم علم هؤلاء الرؤساء بصدق ومشروعية مطالب الجنوب.
هل سمعتم رئيس عربي ادن التطهير العرقي في دارفور وسياسة الأرض المحروقة ؟؟؟ كلا ثم كلا بالعكس تم مكافئة السودان بتصويت الدول العربية ضد قرار إدانة السودان بممارسة التطهير العرقي وانتهاك حقوق مواطنيه في المنظمة الدولية لحقوق الإنسان.
السيد الصادق المهدي نحن في جنوب السودان اعتمدنا علي أنفسنا في مسالة التغيير للاحسن ودفعنا فاتورة التغيير من الدكتاتورية الي الديمقراطية مرتين، مرة في اتفاقية أديس أبابا التي قسمت السودان كله الي أقاليم وأعطتها صلاحيات واسعة ولأول مرة في تاريخ سودان ما بعد الاستقلال يحكم غرب السودان واحد من أبنائه ( إبراهيم دريج)، وها هي برتوكولات نيفاشا تعطي ولأول مرة الحق لكل مناطق السودان المشاركة في السلطة والثروة بنسب محددة وواضحة ومراعاة وحقوق الإنسان الذي كرمه الرب وتجذير أسس الديمقراطية وبهذا يكون عهد التهميش قد ولي وانتهي. ألا يحق لنا بعد كل ذلك ان نكون محل ثقة واحترام أهل الشمال ؟؟ ألا يحق لنا ان ننزعج من (سوء الظن من حسن الفطن) الذي يمارسه بعض الشمال معنا حتى في مرحلة السلام؟؟؟ الم يحن وقت العمل فقط العمل من اجل ترسيخ وتجذير السلام وثقافته؟؟.
ان التشكك الذي صاحب هذه الاتفاقية من شاكلة بروتوكولات نيفاشا ستكون أندلس جديد للعرب. وإسرائيل وراء توقيع بروتوكولات نيفاشا. واتفاقية السلام القادمة ستبعد الشمال من محيطه العربي الإسلامي، كل ذلك يذكرنا نحن الجنوبيين بواقعة مهمة جدا وفاصلة في تاريخ السودان وهي ما حاق بالعبيد بعد تحريرهم. يقول الأستاذ الباحث احمد العوض سيكانجا في كتابه ( من رقيق الي عمال) تم تحرير العبيد في مطلع الحكم الثنائي حيث تحولوا الي مستودع للعمالة في القطاع الزراعي كما في خدمات المدن ( باندية). ذلك التحرير لم يكن محل رضي الطبقات المهيمنة في الشمال واكبر دليل علي ذلك هي العريضة التي رفعها
( أعيان امدرمان) الي اللورد كتشنر يستعطفونه لتعطيل تنفيذ ذلك القرار. في تلك الرسالة جاء : " إن عمارة الوطن بالسواقي والمزارع لا تتيسر لأهاليه
( أهالي السودان) إلا بمساعدة التوابع ( أي الرقيق) وبدون ذلك لا تتم الراحة في المعاش لأحد من أهالي السودان ولا تتقدم حالتهم وتتحسن حتى تبلغ سائر الأقطار. علي تلك العريضة وقع السادة 1- احمد عثمان الميرغني 2- السيد المكي 3- الشيخ إسماعيل الولي 4- الحاج عبدالله قلندر 5- عبد الحميد بك محمد 6- الشيخ محمد عمر البنا 7- السيد إدريس أبو غالب 8- الشيخ كرار بشير العبادي 9- الشيخ يوسف كورتي 10- فضل السيد تاتاي 11- عثمان مكوار 12- المكي الياس أم برير الخ ..
وجهاء الشمال كانوا يريدون لبلدهم ان يرتقي حتى يبلغ مستوي (سائرالاقطار) بعرق غيرهم لا بعرق جبينهم. (من كتاب جنوب السودان في المخيلة العربية) والآن بعض السادة في الشمال يريدون السلام والدولة والوحدة بطريقتهم الشمالية العربية الإسلامية وإلا فالسلام ناقص وجبنة هولندية مخرمة (عجبت والله)
قصة حقيقية من واقعنا المرير
بدعوة كريمة من زميل الدراسة ونائب رئيس المكتب الطلابي بحزب الأمة حضرت احتفال تكريم السيد الصادق المهدي بالفندق الكبير بطرابلس وكان محور الحديث كله يدور عن الحركة الشعبية لتحرير السودان وموقف قائدها جنرال الحرب من السلام.
في إثناء الاحتفال جائني زميلي نائب رئيس مكتب الطلاب وقال لي حضر مشاعرك يا مندوب الحركة الشعبية لمفاجئة غير سارة بعد قليل ضحكت ولم اعلق.
أعطيت فرصة الحديث لزميلي الذي القي كلمة باسم الشباب والطلاب بحزب الأمة تتعلق بهذه المناسبة فكال للحركة الشعبية لتحرير السودان جملة من التهم بداية بان الحركة الشعبية ربيبة الصهيونية وأنها تتمسك بالأجندة الحربية كخيارها الوحيد وهذا يضر بالسودان ويجره للتفتيت. ثم أعطيت الكلمة للسيد الصادق المهدي فتحدث عن مبادرة قام بها شخصيا وبمساعدة من الرئيس النيجيري ابوسانجو للجمع بين الأخ القائد الدكتور جون قرنق والرئيس عمر البشير ولكن المبادرة فشلت بسبب تعنت دكتور جون قرنق.
تحدث السيد الصادق عن المبادرة وقال أخذت تفويض من الرئيس عمر البشير لجمعه مع رئيس الحركة الشعبية الدكتور جون قرنق, ذهبت للرئيس ابوسانجو طالباً منه المساعدة بالحديث مع دكتور جون في هذا الخصوص فوعدني الرئيس ابوسانجو خيراً. لم يمضي يوميين حتى أرسل الرئيس ابوسانجو يطلبني في مكتبه ذهبت إليه وعندما دخلت المكتب كانت المفاجئة وجود الدكتور جون قرنق جالسا إليه حييتهم وطلب مني الرئيس ابوسانجو شرح مبادرتي لرئيس الحركة الشعبية مباشرة فشرحت للدكتور جون الفكرة وطلبت منه مقابلة الرئيس البشير للحديث عن السلام. ولكن دكتور جون لم يرد علي مبادرتي بالقبول أو الرفض وانفضت المقابلة بدون نتيجة ويواصل السيد الصادق قائلا ، ان موقف رئيس الحركة الشعبية من مبادرتي كموقف جحا عندما طلب منه جاره إعارته حبل غسيله فرد جحا وقال له الحبل مشغول ولا يمكن ان نعيرك إياه الآن فقال له جاره ولكن ليس في الحبل ملابس الآن ، فرد جحا قائلا يا رجل من قال لك ان الحبل مشرور فيه ملابس ،الحبل مشغول شارين فيه دقيق.
وواصل السيد الصادق نقده للحركة الشعبية وأجندتها الحربية وتفكير جنرالات حربها وقال أيضا ان مشروع السودان الجديد مشروع خطير وان هناك سودان جديد خبيث وسودان جديد حميد وان السودان الحركة الشعبية الجديد سودان خبيث يبعد السودان عن محيطه العربي الإسلامي. لم يعطوني وقتها فرصة للحديث كمندوب للحركة الشعبية لتحرير السودان للرد والتعقيب على تلك التهم. واحمد الرب كثيرا كونه أعطاني القوة علي الصبر وتحمل تلك التهم واحمده أكثر واشكره لمكافئته علي صبري كون زميلي في حزب الأمة انضم الي الحركة الشعبية لتحرير السودان وأصبح سكرتير الإعلام الخارجي للحركة الشعبية لتحرير السودان بالجماهيرية العظمي ولن انسي ما قاله لنا في أول اجتماع وأعتبره درساً لنا جميعا يجب الاستفادة منه لبناء السودان الجديد. قال زميل دراستي ونائب رئيس مكتب الطلاب في حزب الأمة سابقاً اعزروني أخوتي وسامحوني كنت زمان في حزب الأمة أري بعين واحدة والآن أري بعينين وهي نعمة الرب علينا جميعاً يجب ان نستفيد منه في قبول الآخر والثقة به وبناء السودان الجدي ولقد أصبح هذا الزميل الآن في الحركة الشعبية لتحرير السودان مصدر فخر واعتزاز لنا جميعا وبلسم شافي لأغلب أمراضنا. حان الوقت كي نبحث ونتمسك بالأشياء التي تجمعنا وننبذ ونترك جانباً الأشياء التي تفرقنا ونعتذر لبعضنا عن أخطاؤنا
حتى يعم السلام في داخل أنفسنا فالسلام الداخلي للإنسان هو بداية السلام الحقيقي علي الأرض
السيد الصادق المهدي سوء الظن لا ينفع مع برتوكولات نيفاشا للسلام ( الشغلانة واضحة ما محتاجة تفسير وملاحظات) السودان الجديد واقع لن يطول أكثر مما أخذ، فلا جديد في الثورة بقدر ما الجديد هو إصرارنا علي الحياة أحرارا، فتحية لكل من نحب من أبناء وطننا وشعبنا المسلوب الحرية القوي الإرادة، إننا ندرك (ان الخائفون لا يصنعون الحرية.. والضعفاء لا يخلقون الكرامة والمترددين لن تقوي أيديهم المرتعشة علي البناء) من أقوال جمال عبد الناصر.
فمعاً بقوة من اجل سودان جديد .
عاش كفاح شعبنا البطل
| |
|
|
|
|
|
|
| |
Deng
اساسي
ebrahim_ali
محمد عادل
إسماعيل وراق
A.Razek Althalib
امير مصطفى احمد
أيمن الطيب
Mustafa Mahmoud
زول ساكت
محمد عبدالرحمن
JOK BIONG
Mohamed E. Seliaman
jini
Adam Omer
نيازي مصطفى
hatim
Abdelrahman Elegeil
الصادق خليفة
othman mohmmadien
lana mahdi
فيس بوك
تويتر
انستقرام
يوتيوب
بنتيريست