|
|
|
 Re: أناشيد 25 مايو 1969 للتوثيق فقط (Re: محمد حيدر)
|
الاستاذ.محمد حيدر
والاتغير شنو جماعة مايو والمؤتمر الوطنى جنبا الى جنب فى البرلمان المعين ,مازالوا موجودين ويحكمون ورغما عن إنوفنا ...
ياعنى شنو مايو بدت يسارية وإنتهت إسلامية
الانقاذ بدت إسلامية وإتغيرت لرأسمالية تبيع لمن يدفع
كلهم نفس اللون والطعم والنكهة نكهة قذرة ومصالح شخصية وحزبية
الوطن دى شنو دا فى حاجة إسمها وطن
مع إحترامى أستاذ.محمد
| |
 
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
المحترم/ حسن الجيلي سعيد
اولا بحييك علي مداخلتك في هذا البوست رغما عن انو الزاروه فوق للمئه بس كل واحد بيحاول يبعد وينفي اي شبهة تعامل مع مايو عن نفسه حتي لو مداخلة في بوست
للمرة الثانية ده بوست توثيقي فقط
الدكتاتورية لا تتجزاء والعمل السياسي ليس عمل مرحلي او مؤقت
واللي عملوه مايو وعبود في السودان ما زلنا نعاني منه والتاريخ لا يرحم
اما النزيف المستمر (نظام الانقاذ) فده فات الكبار والقدرو
اخي حسن
الكلام كثير بس خلينا في موضوع البوست التوثيقي
من الذين تغنوا لمايو:
سيد خليفة: بالملايين
ابوداوود: نقولها نعم
شرحبيل احمد: قدم الخير
خليل اسماعيل:حباب مايو حباب عزك
البلابل: اب عاج
صلاح مصطفي: نميري قال كلام
فريد الاطرش: يا ثورة مايو نحييكي ( غناها تلفزيونيا وكان لابس جلابية)
حنان الصغيرة: من فكرك ووعيك
ميرغني المامون واحمد حسن جمعة: خليك حريص
ابوعبيدة حسن: الرقم وصل مليون طوبة
هذه اللستة لا تقلل من شأنهم انما هي حقبة لها ظروفها وقناعاتها
مع الود
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
الاخ محمد حيدر
لك جزيل الشكر وانت توثق هذة الاعمال الغنائية لفترة مايو...هى ايضا جزء من تاريخنا الحديث وتقتضى علينا الامانة التاريخية بتوثيق الناصع والحالك من تارخنا....
شخصيا استمتعت جدا بسماع ياحارسنا وهو عمل متكامل كلمات ولحن وأداء...وهو من اجمل الاناشيد التى غنيت لمايو..
خالص الود والاحترام
محمد مكى
واصل.....
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
وحاتك انت يا مايو ( اسماعيل حسب الدائم )
وحاتك ليلنا كان مظلم وشنو كدا ما عارف
تسلم مايو ( ادريس ابراهيم ) - بالطمبور
لينا ولي بلدنا
تغني منو كدا ماعارف تقول حباب جني العم
وتزغرد بالجنوب بالفرحه مريم
بلادي عازه بفخر بيك في رحاب ثورة مايو ( عبد الجليل أبوحراز ) - بالمندلين
والزلط ربط البلاد من سواكن للمجلد
مجاراة للحن الفيلم الهندي
من أجل أبنائي
خليتنا نحب شنو كدا ما عارف كل كياننا ( الثنائي الوطني أو ثنائي العاصمة ) - ما متأكد
يا مايو حبيب
زي أمي وأبوي
زي أختي وخيك
يا محمد حيدر
والله أخوك لا مايوي ولا عندو علاقة بيها
لكن نحن ناس تربية روادي واذاعة أم درمان دي شغاله 24 ساعه عندنا وننوم ونخلي الراديو فاتح ونصحي علي نفحات الصباح عشان نمشي المدرسة
الزمن داك كنا في الأبتدائي وفي كلمات ومعاني كتيره الواحد ما بفرزها لمن يسمع أناشيد مايو لكن والحق يقال الألحان كانت جميله خالص والدليل انو لحدي الأن متذكرنها رغم مرور أكثر من 20 سنه عليها.
كان اتذكرت حاجه بجيك راجع
وتحياتي ليك
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
الاستاذ.محمد,
شكرا للتوثيق وحقيقة أنا زول من جيل مايو
الجيل الهاجر خلى البلد طلايع مايو وابعاج أخوى والجزيرة نزرع قطنا..
الأغانى للحقب العسكرية هى مجبرا أخاك لابطل ,ليست لديك الحرية فى الرفض او القبول....
Quote: سيد خليفة: بالملايين
ابوداوود: نقولها نعم
شرحبيل احمد: قدم الخير
خليل اسماعيل:حباب مايو حباب عزك
البلابل: اب عاج
صلاح مصطفي: نميري قال كلام
فريد الاطرش: يا ثورة مايو نحييكي ( غناها تلفزيونيا وكان لابس جلابية)
حنان الصغيرة: من فكرك ووعيك
ميرغني المامون واحمد حسن جمعة: خليك حريص
ابوعبيدة حسن: الرقم وصل مليون طوبة |
أيام لها إقاع
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: Moawia Mohammed)
|
Quote: خليتنا نحب شنو كدا ما عارف كل كياننا ( الثنائي الوطني أو ثنائي العاصمة ) - ما متأكد
يا مايو حبيب
زي أمي وأبوي
زي أختي وخيك
|
الأخ حيدر: شكرا علي هذا الوست التوثيقي بشواهده الموسيقيّة.
الأخ معاوية: المقطع المقتبس أعلاه، والذي وردت فيه عبارات:
خليتنا نحس بالعزّة تهز كلّ كيانّا
...........................
.........................
.......................
و المقطع الجميل الاّخر:
يا مايو حبيب ذي أمّ و أبوي ، ذي أختي , و أخوي
من ألحان يوسف السمّاني، علي ما أعتقد، و أداء الثنائي الوطني, و في تقديري يعتبر هذا العمل الغنائي المتفرّد واحد و من أجمل ألأناشيد الوطنية السودانيّة علي ألإطلاق. و حرام يكون أتقال في حق نطام مظلم و دموي ذي دا، رغم ما حوته حقبته من بعض الإشراقات الوضيئة. و ينبغي أن يتّعط الشعراء، الملحنين، الموسيقيين، و المغنّين من تجربة مايو و يركّزوا أنتاجهم الادبي و الفني في حقّ الوطن بشكل عام، و ليس الأنطمة السياسيّة. مدح الأنطمة السياسية السودانيّة بمختلف أشكالها مخاطرة لا تحمد عاقبتها.
طارق الفزاري
ود زينب
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: Adil Osman)
|
الباشمهندس محمد حيدر
أحيك على هذا التوثيق .. والتاريخ يجب أن يوثق ويسجل حتى لو على المستوى الشخصي ومن هذا المنطلق أنا أعترف بأنني كنت مايوي !!!.
كنت في طلائع مايو والله !!!
أتذكر وقتها بأننا كنا فخورين بذلك الزي العسكري الأخضر الأنيق وعندما أرتديه كاملا مع الحذاء والكاب أتخيل نفسي جعفر نميري نفسه !!
أي والله كانت الأجواء وقتها عسكرية محضة وكنا جميعا نتمنى دخول الكلية الحربية لنصبح مثل نميري وأبو القاسم وزين العابدين !!
أما الكبار قليلا فكانوا أيضا في كتائب مايو والأكبر منهم يحلم بالتعيين في الهيئة العسكرية الأقتصادية !!
ألم أقل بأن الأجواء العسكرية كانت مسيطرة ؟؟
أما هذه الأناشيد فهذه حكاية أخرى .. لن تستطيع تجاوزها فمايو دخلتنا حتى صارت :
يامايو حبيب .. زي أمي وأبوي ... زي أختي وأخوي !!!
ولكني أختلف الآن مع من يقول بأن نميري قد سلب البلد .. لسبب بسيط أين هذه الثروة الآن والرجل مسكين يشحد منذ أن أقتلع من الحكم وحتى الآن ؟؟ السلب الآن شغال على عينك يا تاجر ..
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
السلام عليكم
أخي محمد حيدر
تحياتي
كنت ولا زلت من أشد المعجبين بأناشيد فترة مايو
بكل تقلباتها
شيوعيتها وإسلاميتها
وهي على كل جزء من تأريخنا بخيره وشره
شكراً لك
لطالما بحثت ‘ن أغنية يا حارسنا ويا فا رسنا لوردي
ونقولها نعم ..لأبوداود
ولم احصل علي أي منهما
وها انت تتحفنا بواحدة منهما
وعشمنا في الثانية
_______________
هنا ادريس ابراهيم
يغني لمايو بعد فشل انقلاب هاشم العطا
اضغط على تشغيل لتشغيل الأغنية
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
معظم الشعب السوداني كان مايويا في فترة من الفترات
وانا لازلت احمل الكثير لتلك الفترة التي كان السوداني فيها محترم في كل دول العالم
محمد حيدر
اشكرك على هذا البوست الرائع والذي اعادنا سنينا انا اعتبرها جميلة
عادل جبارة
| Quote: كنت في طلائع مايو والله !!! |
وانا كذلك ... واهديك هذا النشيد لعلك تذكره
وقت جينا قبل ما يحول علينا الحول وعاهدناك بتتذكر
وقت شلناك فرع زيتون بلدنا اخضر والاخضر ما بيقل لكن بكتر
وكل ما الشوق يدور يكمل يزيد الشوق
شوق اماتنا شوق ابواتنا شوق اخواتنا وحبوباتنا وكتين القطر صفر
نسمع في الجموع تهتف .. نسمع في الدموع تهدر
سلموا بس على جعفر .. سلموا بس على جعفر.. سلموا بس على جعفر
انا احفظ النشيد كاملا وعن ظهر قلب ولكن لضيق الوقت لن استطيع ان اكمله
واتذكر واحفظ كثير من اغاني طلائع مايو
وهذا النشيد اذكر ان الموسيقار عجاج هو الذي لحنه وكنا نتغنى به في قصر الشباب والاطفال
اياااااااااااام
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
الاعزاء
من الاناشيد التي توجد في الذاكرة نشيد "خطوة عديلة يا جعفر" وهو من الاناشيد التي ظهرت في اواخر اعوام مايو تحديدا في 1982، قام باداءه عبدالماجد والمجموعة واجمل حاجة في التسجيل التلفزيوني كان احد المغنيين بالكورس يغني بإنفعال شديد وحركات تمثيلية يعني بضمير (لكن ميت) وكنا نستعمل هذا النشيد في مباريات الهلال ونهتف للكابتن جعفر عبد الرازق "خطوة عديلة يا جعفر"
مع الود
| |
|
|
|
|
|
|
|
|
 Re: أناشيد 25 مايو 1969 للتوثيق فقط (Re: محمد حيدر)
|
الاخ محمد حيدر
تحياتى
وانا ايضا
ولكن الشهادة لله وكموسيقى ايضا
اقول ان اناشيد مايو هى الاجمل على الاطلاق
وحقيقة مايو فى البداية كان الاحساس تجاهها صادقا
لذلك جاءت الاناشيد بهذه الروعة التى لن تتكرر
شكرا للتوثيق الجميل
بالمناسبة النميرى على شفا لحظة من الموت الآن
ضياء الدين ميرغنى /ملحن ومغنى /هولندا
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
كتب الاخ معاوية:
بلادي عازه بفخر بيك في رحاب ثورة مايو ( عبد الجليل أبوحراز ) - بالمندلين
والزلط ربط البلاد من سواكن للمجلد
مجاراة للحن الفيلم الهندي
من أجل أبنائي
حقيقة إتذكرت الفنان (عبد الجليل أبوحراز) الوقت داك كان بيغني تبع احد مراكز الشباب واول مره لمن سجل النشيد ذو اللحن الهندي في التلفزيون عملوا معاه لقاء وحكي انه سافر للهند مخصوص وجاب الالة الموسيقية التي كانت لاول مرة تستعمل في الموسيقي السودانية لكن اعتقد انها ما المندلين انما الة زيها كده لكن لا اذكر اسمها. المهم الكلام ده كان في اوائل عام 1985 وبعدها بشهر ولا شهرين قامت الانتفاضة واتخيل لي حق التذكرة بيكون ما طلعوا.
في اوائل عام 1989 وبعد إختفاء وبيات شتوي ولزوم الناس تنسي وكده يعني، ظهر مره اخري الاخ (عبد الجليل أبوحراز) في التلفزيون بنشيد يمجد فيهو الانتفاضة وبعدها بشهر ولا شهرين قامت الجبهة بإنقلابها المشؤوم.
حالياً حقيقة تعبنا فأنا بتقدم ل الاخ (عبد الجليل أبوحراز) بطلب خاص انو يغني لناس الانقاذ عشان كلها شهر ولا شهرين ونرتاح منهم.
مع الود
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: JOK BIONG)
|
لم يكن نميرى الا عبارة عن طاغية !!!
قال فيه الشعب كلمته قبل اكثر من ٢٢ عاما !!!
فالطغاة دائما الى مزبلة التاريخ غير ماسوف عليهم مثل ( نميرى ! ) و ( شاوسيسكو ! ) و ( بينوشيه ! ) و ( صدام التكريتى ! ) و غيره و البقية تاتى ...
الموات السياسى هو احدى متلازمات الديكتاتورية ...
الطغاة ( يمينا ! ) كانوا ام ( يسارا ! ) يعمدون الى تجهيل شعوبهم و يجعلونهم ( الطبال الاكبر ! ) للدكتاتور باقامة المهرجانات و الليالى الملاح التى تسبح بحمد الواحد الاحد الذى لا يموت و لا يمرض فهو ( الخالد ! ) ( حبيب الشعب ! ) ( امام الامه ! ) ( حاميها و حراميها !! ) و لكم فى ( القذافى ! ) و ( البشير ! ) امثلة ...
الشعب السودانى لم يكن يوما ( مايويا !! ) و لم يكن كل اطفاله كذلك ( حينها كنت منهم ! ) ب ( طلائع ! ) او ( ( كتائب ! ) للنظام المايوى المتعفن كما يروج لذلك البعض ...
كنا نتظاهر فى المدارس و نردد ( نقولا نعم ؟؟؟ لا زيت لا فحم ؟؟؟ و لا عشان اولادنا تتالم !!! ) ... ( املوا الباغات ! الكهربا جات !!! هسع بتقطع !!! يا جعفر !!! )
الفترة القاحلة النميرية المايوية هى التى مهدت للنظام الحالى ! و لهذا نرى تلك الحميمية بينهم ( النظامين ! ) و ( صبيتهم ! ) و ( انتهازييهم ! ) و الحكاية معروفة و لا داعى لتكرارها !!! ... فالمطبلاتية و المغنواتية و المهرجانيتة و المهرجاتية ما اكثرهم فى فترة الدكتاتوتوريات ليثوا سموم اغانيهم كالسرطان و نافخ الكير ليمجدوا الطاغية فيتراءى لنا نعيقهم كالحان و ليس بذلك حقيقة !!!
فمحمد وردى قد تغنى بتمجيد مايو و رئيسها ...
فغفرله شعبنا كل هذا ...
و لكن !!!
IS TOO LATE !! Mr. WARDI
و العرجا لمراحا !!!
فهذه ليست باغانى او الحان لنطرب لها طالما هى كانت على اجساد الابرياء من شعبنا ...
كسرة :
مايو هى اول من ادخل طاعون الانتهازية و الطفيلية و السوق السوداء و بنوك العيش و الاتجار بارواح العباد و الدين فانجبت الانقاذ !!!
عبدالماجد
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
الاعزاء
ذكر الاخ عبد الماجد في مداخلتة:
الشعب السودانى لم يكن يوما ( مايويا !! ) و لم يكن كل اطفاله كذلك ( حينها كنت منهم ! ) ب ( طلائع ! ) او ( ( كتائب ! ) للنظام المايوى المتعفن كما يروج لذلك البعض ...
حقيقة المداخلة ما بطالة وطلع فيها دخان من المحبوس داخل الصدور
بس يا اخي عبدالماجد لو تسمح تشرح لي الفقرة التي نقلتها من مداخلتك لاني ما فهمت انت قاصد شنو بالكلام ده
مع ودي
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
الاخ محمد حيدر
تصور لى فترة اتسأل وين الواحد ممكن يسمع اغانى مايو !!
المفضلة عندى كانت "الجنيات بشروا ليك البنات زغردن تسلم تسلم يا ابوعاج اخوى يا دراج المحن"
نتمنى ان يكتمل هذا البوست كتوثيق لاغانى مايو
| |
|
|
|
|
|
|
|
|
 Re: أناشيد 25 مايو 1969 للتوثيق فقط (Re: Mohamad Shamseldin)
|
يا استاذ محمد حيدر .. واصل بقــوة ..
انا من المهتمين بي اغاني مــايو .. وياريت لو الفترة ديك كانت عندي الصلاحيات أو العمر البيتيح لي اني اكون في حكــومة مايو ..
علشان كان حسع دي اجي اكتبها هنا بالفونط العريض .. واخت تحتها خط ( انا مــــــــايوي ) ..
واصل عليك الله وما تهتم لي اي اشياء جانبية تطلعك من مسار البوست ده ..
اي حــد هنــا ليهو الحق يكتب ما يشاء .. متى ما اشاء وكيفما شــاء ..
ولي اي فرد حرية انــو يعتنق اي مذهب .. اي تنظيم.
هنا في كيزان ـ في مصلحجية ـ في واحدين فاكنها فينا وعاملين لينا فيها هم السبعة بي قرش وهم ليس إلا مجموعة بتاعت حرامية اخير منهم نميري مليون مرة .. على الاقل كان راجــل فارس وغشاهو الترابي الحسع قاعد ينطط ليكم في راسكم تسعطاشر سنة دا وما قادرين عليهو بقيتو تتشطرو في الناس التانيين .. ده كوز .. وده شيوعي .. وده جــن أحمر..
ح يجو يتشطروا ليك على اناشيد .. اتغنى بيها كل الشعب في فترة زمنية زيها وزي تاريخ اي شعب .. والآن اصبحت في طي النسيان ..
منو القادر يغير تاريخ اتكتب واتسطر واتعاش ؟؟
العايز ينظر بلاي يجي يمسح لينا تاريخ السودان من زمن المهدي وعلي عبد اللطيف ..
وينجـــر لينا حاجة من عندو
يلالا واصل وكان عندنا اي اضافات بنجيبه ليك ..
| |
|
|
|
|
|
|
|
|
 Re: أناشيد 25 مايو 1969 للتوثيق فقط (Re: محمد حيدر)
|
اخي الكريم
لقد ذكرت ان فريد الاطرش غنى اغنيته و هو لابس جلابية
هل تقصد جلابية سودانية بالعمة
ما اتذكره و انا حضرت هذه الفترة انه كان يرتدي بدلة سموكنج و نزل في فندق الجراند هوتيل
و بيناتنا و رغم اني احب فن فريد الاطرش فان الاغنية كانت ضعيفة كلمات(عبدالله قلندر ؟ ) و لحنا و لا تليق بفريدمن الناحية الفنية لا سيما انه كان في قمته و قد توفي في نفس العام و منحه نميري الجنسية السودانية
مثلا لم يحاول فريد ان يدخل لمسة من السلم الخماسي في الاغنية رغم انه فعل ذلك من قبل في اغنيته ما تقولش لحد بالتعاون مع اسماعيل عبد المعين
لاحظ انني لم اقحم نفسي في الجدل السياسي و انما اريد رأيا موسيقيا
نزار غانم - صنعاء
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
اخي الكريم
لقد ذكرت ان فريد الاطرش غنى اغنيته و هو لابس جلابية
هل تقصد جلابية سودانية بالعمة
ما اتذكره و انا حضرت هذه الفترة انه كان يرتدي بدلة سموكنج و نزل في فندق الجراند هوتيل
و بيناتنا و رغم اني احب فن فريد الاطرش فان الاغنية كانت ضعيفة كلمات(عبدالله قلندر ؟ ) و لحنا و لا تليق بفريدمن الناحية الفنية لا سيما انه كان في قمته و قد توفي في نفس العام و منحه نميري الجنسية السودانية
مثلا لم يحاول فريد ان يدخل لمسة من السلم الخماسي في الاغنية رغم انه فعل ذلك من قبل في اغنيته ما تقولش لحد بالتعاون مع اسماعيل عبد المعين
لاحظ انني لم اقحم نفسي في الجدل السياسي و انما اريد رأيا موسيقيا
نزار غانم - صنعاء
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
Quote: يا استاذ محمد حيدر .. واصل بقــوة ..
انا من المهتمين بي اغاني مــايو .. وياريت لو الفترة ديك كانت عندي الصلاحيات أو العمر البيتيح لي اني اكون في حكــومة مايو ..
علشان كان حسع دي اجي اكتبها هنا بالفونط العريض .. واخت تحتها خط ( انا مــــــــايوي ) ..
واصل عليك الله وما تهتم لي اي اشياء جانبية تطلعك من مسار البوست ده .. |
تمبس بطل الطيبة بتاعتك دي .... البوست مسارة وأغراضة هو البتسووا فيهو ده. ولو كان في مسار كان صاحبه نزل ليهو كم نشيد.
| |
|
|
|
|
|
|
|
|
 Re: أناشيد 25 مايو 1969 للتوثيق فقط (Re: محمد أبوالعزائم أبوالريش)
|
| Quote: البوست مسارة وأغراضة هو البتسووا فيهو ده. |
التحتها خط ديل منــو يا ابوالريش ..؟
طيب لو سوينا ما نسوي .. البيمنعنا شنــو ؟؟
ما كتار هنا قاعدين يسووو .. يعني عاجبك سوات القاعدين يسووو ديل ..؟
وحسع بقت على الملفات بتاعت الاناشيد دي ؟
ما ياهوندا حسع في يومنا العايشين فيهو ده .. المنبر ده مليان لي حدو .. مليون عينه ..
قدرتو عليهم خلاص وبقيتو في البنسوو فيهو دا ؟؟
..
.
واصل يا محمد حيدر
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
الأخ تمبس
قصدت القول أن ظاهر القول التناول الفني .. ولكن هناك أجنده خفية وإحياء جسد مات وتعفّن
من 1969 إلى 1985 فترة تشكلت فيها شخصية جيل بأكمله، وطبيعي أن يكون لكل واحد ذكرياته .. وسواء قصد المتداخل أو لم يقصد، فإنه يزكي هذه الأجنده الخفية، وهذا ما قصدته ب(البتسووا فيهو) وقصدت كل المتداخلين.
حاشية:
جبت الموية للعطشان .. وجبت اللقمة للجيعان .. وجبت البسمة للشقيان ........... ياخي ده كاد أن يكون صاحب الأسماء الحسنى.
مودتي
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد أبوالعزائم أبوالريش)
|
| Quote: قصدت القول أن ظاهر القول التناول الفني .. ولكن هناك أجنده خفية وإحياء جسد مات وتعفّن |
.. | Quote: من 1969 إلى 1985 فترة تشكلت فيها شخصية جيل بأكمله، وطبيعي أن يكون لكل واحد ذكرياته .. وسواء قصد المتداخل أو لم يقصد، فإنه يزكي هذه الأجنده الخفية، وهذا ما قصدته ب(البتسووا فيهو) وقصدت كل المتداخلين. |
يا ابو الريش .. مايو دي عشنا فيها فترة طفولة جميلة .. كانت مميزة اكتر من الآن على الاقل الواحد في المدرسة كان حاجاتو كلها بتصل ليهو زي ما هي .. اقلامك ـ محبرتك ،، جلادك وكرسيك وكنبتك .. ده الشئ البتذكرو عن المدرسة ، أما الآن لو في طريقة تجيب معاك مدرستك من البيت بيكون رحموك .. لانو اي حاجة مطالب انك تجيبه ..
ما اتذكره عن انشطة في مايو .. انعدمت نهائي خاصة فيما يتعلق بالشباب والاطفال .. يعني الجيل البناهو نميري في فترة مايو .. جيل قدم وخدم الوطن كتير بصرف النظر عن مايويتو .. وريني الان جيل الانقاذ ده بي تسعطاشر سنتو دي .. عمل لينا شنو غير الاحباط وانا ذاتي من ضمنهم ..
خمسة وتمنين دي الفترة الكانت حاسمه والسنوات القليلة القبليها..
على العموم انا ما ح اقدر اتكلم ليك كتير عن مايو كلام تخصصي .. لاني ما عايشت الفترة بي وعي كامل ... لكن بسجل اعجابي بي حاجات لحدي الان وراسخه في ذهني مع مقارنته بالحاصل الان .. كفة الترجيح واضحة بالنسبة لي ..
| Quote: جبت الموية للعطشان .. وجبت اللقمة للجيعان .. وجبت البسمة للشقيان ........... ياخي ده كاد أن يكون صاحب الأسماء الحسنى. |
.. لما اتقالت الوكت داك يا ابو الريش اعتقد انو كان بيستحقها .. والا رايك شنـــو ..؟
بعدين ياخي إنت لو معانا في التنظيم خليك واضح وخلي الزول ده يجيب لينا باقي الحاجات دي 
للحفـــــــــظ:
| |
|
|
|
|
|
|
|
|
|
Re: أناشيد 25 مايو 1969 للتوثيق فقط (Re: محمد حيدر)
|
غايتو يا تمبس كل ما أجي أزعل منك ... إتذكر إنك راجل فنان .. وانا ما بقدر أزعل من الفنانين. لكن كلامك يحمل الرد عليهو بداخله. يعني النعيم الطفولي الإنت وغيرك عشتوهو (وأنا منهم)، ما أوجدتو مايو، بل كان إرث وجدته، وأعملت فيهو معاول التحطيم 16 سنة. ياخي كفاية إنو مايو جات لقت الجنيه السوداني يساوي 33.3 دولار. "شفت ليك إنجاز أكتر من كدة"
تمبس ... عليك الله ما تشكر لي الراكوبة في الخريف.
| |
|
|
|
|
|
|
| |
محمد حيدر
حسن الجيلى سعيد
محمد مكى محمد
Moawia Mohammed
wedzayneb
Adil Osman
الزوول
ابو تميم
altahir_2
JOK BIONG
Mohamad Shamseldin
tmbis
محمد أبوالعزائم أبوالريش
Faisal Al Zubeir
زول ساكت
فيس بوك
تويتر
انستقرام
يوتيوب
بنتيريست