|
في بادرة استثنائية هاتفية من بكري ابو بكر تم وضع النقاط علي الحروف
|
الشكر الجميل لي بكري ابو بكر علي المكالمة التلفونية ..التفاهمية والتي من خلال الحديث (جزافا) صوت لي صوت تم التفاهم علي الاحداث المؤسفة التي جرت خلال هذا اليوم ... كانت البداية من بكري : اساسي الكارثة ازيك اساسي الوديع : مرحب بيك وبعد التعارف والفصلة التاريخية (وش خجلان) بكري: ياخي دايرين نوثق للاجيال الجاية حديث يشرفك بعد عشرين سنة تتشرف انك كتبتو اساسي : ما يزال خجلان بكري: تصدق انا من قبيل بضحك علي الحاصل دا ورغم حذف البوستات الا انه كانت حاجة مضحكة بالنسبة لي..واستدرك انت يازول شارب شنو؟ اساسي : بعد جهد واستدراك لشجاعته الادبية الغائبة والله تقول شنو يا بكري بس حذف البوست فاجاني من الصباح ما كنت بعتقد انه فيهو حاجة تستدعي الحذف . بكري: ياحبيب انسي الحصل دا ونمشي لي قدام ..شوية كسير تلج..انت من الناس المهمين في المنبر دا لحفظ التوازن البيذخر بيهو السودان ومهم جدا لتوثيق المرحلة الانحنا فيها للاجيال ...... جاني احساس كبير باني انيس منصور ... اساسي: بعد لبستني الحالة جدجد ان شاء الله يا بكري ونتمني انه نقدر نقدم ما يفيد البلد ويرفع راسنا بكرة بكري: عندك كتابات كويسة ...مواصلا في كسير التلج.. يا اريت تركز عليها وتكتر منها بترفع مستوي الحوار والبورد وبتساهم في جدية التوثيق اساسي : جميل وان شاء الله الواحد يبذل جهد مقدر في الكتابة الجادة اكتر من كدا ونسات عامة وخاصة وتسلم يا حبيب وتسلم يا حبيب في امان الله
اول قرار اتخذته اني اقاطع الناس الماجادين زي هشام يازول ودكين وغيرهم
|
|
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: اساسي)
|
Quote: الاخ دكين
اتمني ان اسمع منك المفيد كما وارجو عدم تضيع جهدك في الهاب نار قد خمدت وبدا دخانها يخبو
معا من اجل سودان العزة والكرامة |
يازول عزة شنو وبطيخ شنو؟؟ هسي السودان دخلو شنو بي حذف بوستاتك انتا والمهبب التاني نوبي؟؟
اصلو الزول ده اتصل بيكي تلفون ولا دخلك حصة بتاعة نشيد وطني
اصحى لي اللون ياحبيب
سودان العزة والكرامة والبتنجان ده هناك في اخبار الساعة تسعة..
هنا في بوستات اتحذفت وعايزين تبرير بربرو لينا هنا ليه اتحذفت البوستات موش تجي تقول لي عزة وكرامة وتخلي تراجي والمايشتري يجي يتفرج..
انتو مواهيم ولا بتستوهمو العزة والكرامة بي الفوضى والقليع والهبتلي البتسووا فيهو ده؟؟
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: DKEEN)
|
الاخ الكريم دكين
من الواضح جدا من خلال طرحي اعلاه ان الالتفات الي سفاسف الامور من حذف بوستات غير ذات اهمية بل تدعوا الي الفرقة والشتات (كتبناها في مرحلة سابقة ) بوستات لا تفيد الحوار كثيرا بل تعميق في الجرح وفتق نسيج الاتفاق الوطني .. لذا وبما اننا دخلنا الي مرحلة جديدة وانتقلنا بافكارنا واطروحاتنا نقلة نوعية كبيرة لذا لا نعير مثل هذه الامور غير ذات البال لا نعيرها التفاتا ولا نضيع زمانا كثيرا في التباحث ودراسة ما ال اليه حالها اي البوستات المحذوفة . اتمني ان نستدرك جيدا انه توفرت لنا فرصة كبيرة للكتابة في هذا البورد والمساهمة في صنع واقع افضل لابنائنا واحفادنا لسودان يسع الجميع في وئام واتفاق ...لذا اخي ارجو الانتقال خطوة الي الامام وعدم الانشغال بما قد مضي والذي لن يفعل شيئا سوي نكأ الجراح وفتح ما اندمل منها
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: اساسي)
|
Quote: ومهم جدا لتوثيق المرحلة الانحنا فيها للاجيال .... |
Quote: وتكتر منها بترفع مستوي الحوار والبورد وبتساهم في جدية التوثيق |
Quote: ان المرحلة الحساسة التي تمر بها بلادنا اكبر من تضيع وقت العباد والبلاد في مناقشة كل ما هو غير جدي وما لا يفيد . لذا لم نتطرق الي هوامش وسفاسف الامور بل كان الهم الاكبر وهو السودان هو ما جمعنا علي صعيد صف واحد وهو الوطن |
Quote: اقدر لك دعمك لكل ما هو يصب في المصلحة العامة واقدر جدا دخولك ودعمك للاتفاق |
Quote: اتمني ان اسمع منك المفيد كما وارجو عدم تضيع جهدك في الهاب نار قد خمدت وبدا دخانها يخبو معا من اجل سودان العزة والكرامة |
........................................... ................................................. مشروع لسياسي سوداني جديد ........
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: DKEEN)
|
أساسى لك التقدير وأجزله وقديما قيل: (ان أهمية عقل الإنسان تأتى من خلال المواضيع التى يتحدث فيها)
همسة: أساسى ومن هو المسؤل عن علاج متعز القريش تركته يكلم نفسة ويقول أساسى المتراخى رمتني ... ونسلت وما رميت لكن الله رمانى فى درب اساسى فياخى كلم بكرى لعل يكون لديه العلاج ونحن خيارنا الوحيد هنا هو مستشفى (الرميلة) يعنى التجانى الماحى بالقطري
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: بدر الدين الأمير)
|
الاخ الفاضل بدر الدين الامير
عاجل الشفاء لاخونا الفاضل معتز القريش فهو من الاعمدة والركائز الاساسية التي نعول عليها كثيرا في هذا المنبر لادارة دفة حوارات طويلة وصادقة ضاربة في عمق الازمات التي تتوالي علي شعبنا ,والاخ معتز القريش من المشهود لهم بالكفاءة العالية في الحفاظ علي خيوط ادارة حوار بحنكة ودراية ويمثل رايا ثانيا مهما جدا كل ذلك باذن الله يصب في المصلحة العليا
تحياتي وتقديري
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: اساسي)
|
Quote: اتمني ان نعي جميعا حساسية المرحلة القادم عليها تاريخ السودان والذي تأتت لنا ظروف المساهمة في صنع هذا التاريخ |
وروني كــدى تاريخ السودان ده متين ما كان في مرحلة حساسة وحرجة؟؟
ياخي من عبدالله جماع دافر مع الفونجاوية سوبا والبلد دي في مرحلة حرجة ومنعطف خطير جو التركية لي سنار والبلد في منعطف حرج المك نمر حرق الترك والبلد في منعطف حرج المهدي عمل ثورة والبلد في منعطف حرج.. كتشنر فتح الخرطوم والبلد في منعطف حرج.. الاستقلال والبلد في منعطف حرج ثورة الكتيبة 55 والبلد دخلت في منعطف حرج ثورة اكتوبر خروج من منعطف حرج اتفاقية اديس وهي في منعطف حرج.. انتفاضة ابريل والبلد لسع في منعرج حرج.. القوات الاممية والبلد في منعطف حرج..
ياخي البلد دي في منعطفات من يوم خلقوها.. انا قبل فترة لميت جرايد قديمة وجديدة بس عشان امرق تواريخ المنعطفات الحرجة الكتبوها الصحفيين في الجرايد ..كنوع من الخمة العاطفية السياسية .. لقيت انو البلد من اول جريدة صدرت ولحدي يوم الليلة يوميا بتكتب في صفحاتها البلد في منعطف حرج .. البلد تنعطف وتنعطف وتنعطف وتنعطف على مدى 50 سنة خلت.. لامن بقت لافة في مكانها من كترة المنعطفات ..
انتو غير المفردات دي ماعندكم؟؟ الرومانسية السياسية دي ما ولدتونا بيها ..
Quote: المساهمة في صنع هذا التاريخ |
لوووووووووووووووووووووووووولوز تصنع تاريخ عديل كده؟؟ تلفون واحد وبقيت عايز تصنع التاريخ امال لو لاقاك كان صنعتا شنو؟؟ بيتزا هت؟؟
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: DKEEN)
|
الاخ الفاضل دكين
حتي تهكمك علي اللفظ يخرج لنا حديثا شيقا احفظ لك هذا الضرب من المقدرة الفائقة في توظيف اللغة وتطويعها والاستدراك بحسك الوطني النظيف ان المنعرجات والمنعطافات كتعابير سياسية ضاربة في عمق ارثنا الثقافي السياسي الحديث اعتقد انه حان الوقت للفكاك منها وهذه اضافة جيدة جدا تحسب لك في هذه الملاحظة الذكية ان قاموسنا الادبي السوداناوي يحتمل الكثير من المفردات التي قد تساهم في عكس روح الاهداف العظمي التي نضمرها لسودان الغد نتمني ان يكون بيدنا معول التغير فمشوار المليون ميل يبدأ بخطوة
اشكر لك اضافتك النوعية الممتازة للحوار
ودم بخير
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: اساسي)
|
أولا .. مرحبا بعودة الأخت راوية اعباسى
أساســى:
Quote: والمساهمة في صنع واقع افضل لابنائنا واحفادنا لسودان يسع الجميع في وئام واتفاق |
خلاص البنية غيّرت مفرداتك اللغوية و بقيت تتحدث عن "أبنائنا" .. يعنى لو جبتا تيمان كان تفلقنا بواقع أفضل لأمة المجد
دكين:
Quote: البلد تنعطف وتنعطف وتنعطف وتنعطف على مدى 50 سنة خلت.. |
البلد يقتلها الأنعطاف .. و دكين تقتله العاطفة
نوبى .. شنو مجهجهنا .. أنا أصلى زول دايش .. شفنا الصورة .. و قلتا بكرى الحصل ليهم شنو .. يخاطب عامة الناس أمثال أساسى! .. و يتكلم لغة عامة أهل البورد
تعرف يا أساسى شردتى عن البورد "الأستثنائية" خلتى لا أعرف من حذف؟ و ما حذف؟
أساسى:
Quote: معا من اجل سودان العزة والكرامة |
تعرف يا أسئس "كما نطقها الوغد" .. لو الناس فكرّت بعقلانية و ركّزت فيما يفيد "الهم الاكبر وهو السودان" .. أكان مشينا خطوات لى قدّام لى "صنع سودان يسعنا جميعا" ..
وفى الختام و ليس الخاتمة " كما كنّا نقول فى رسائل غرامنا الأولى" .. بس قرّط على كدا و ما بتجيك عوجة
و كلام أخير للوغد دكين:Quote: سودان العزة والكرامة والبتنجان ده هناك في اخبار الساعة تسعة.. |
يا دكين .. ما عادت أخبار الساعة تسعة تتحدت عن " العزة والكرامة والبتنجان" .. كما لم تعد العواطف "الحديث منها" تختزن أخبار " المين" و "الكدرو" و "النوّار" .. إنتا زول قديم بشكل ..
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: Ali Alhalawi)
|
إلى بورداب العالم ... ترغبوا .. التشكيل الوزاري الجديد .. الريس ......... بكري أبوبكري النائب الأول .....أســــــاسي ..
جماهير البورداب تثمن هذه الخطوه المباركة للريس ..التي أتت في هذه المرحلة الحساسة من تاريخ الوطن .. وحتماً سوف تثمن له الأجيال القادمة هذه المبادرة للم الشمل .. كما تدعوا جماهير بورداب الرياض لإحتفال كبير بمناسبة تولي السيد/ أساســــي لهذا المنصب المشرف ونتمنى له التوفيق والسداد وهو يوثق لأجيالنا القادمة .. وسوف تتم البيعة في إستراحة البورداب بإذن الله ... وسوف نوفد وفد إلى القصر البوردابي لحضور حفل التنصيب .. وأداء العمرة .. وجلب ماء زمزم للأعضاء .. الله أكبر .. والعزة للبورداب ... خالد الأرباب وزير مالية بورداب الرياض توضيح لابد منـــه : الحمد لله فهمت حاجة أنا من الصباح شايف صور الريس بكري في بروفايل الشباب .. والله كنت قايلـــــــــوا فصلـــوه من المنبر العـــام .. وربك ستر كنت داير أنزل لي بوست تضامن معاهــــو .. كان إنفضحنا في تلك المرحلة الحرجة في تاريخ الوطن ..
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: Ali Alhalawi)
|
Quote: تعرف يا أسئس "كما نطقها الوغد" .. لو الناس فكرّت بعقلانية و ركّزت فيما يفيد "الهم الاكبر وهو السودان" .. أكان مشينا خطوات لى قدّام لى "صنع سودان يسعنا جميعا" ..
وفى الختام و ليس الخاتمة " كما كنّا نقول فى رسائل غرامنا الأولى" .. بس قرّط على كدا و ما بتجيك عوجة |
الاخ العزيز علي الحلاوي
الشكر اجزله علي هذه المداخلة الضافية الرصينة والتي نزلت علي قلوبنا بردا وسلاما
تحياتي وكن دائما بخير
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: اساسي)
|
Quote: ان المرحلة الحساسة التي تمر بها بلادنا اكبر من تضيع وقت العباد والبلاد في مناقشة كل ما هو غير جدي وما لا يفيد . لذا لم نتطرق الي هوامش وسفاسف الامور بل كان الهم الاكبر وهو السودان هو ما جمعنا علي صعيد صف واحد وهو الوطن |
Quote: اتمني ان نلتزم بما يفيد من حوارات وعدم استخدام تلميحات غير كريمة فالمقام مقام جدى
|
Quote: اقدر لك دعمك لكل ما هو يصب في المصلحة العامة واقدر جدا دخولك ودعمك للاتفاق |
Quote: الاخ المفضال فيصل نوبي
اتمني ان نعي جميعا حساسية المرحلة القادم عليها تاريخ السودان والذي تأتت لنا ظروف المساهمة في صنع هذا التاريخ .. لذا ليكون شعارنا في المرحلة المقبل كما يقول العسكرين (ارضا سلاح) لنوحد جهودنا ونضع اسلحتنا ونتضامن جميعا رغم اختلاف مشاربنا وبيئاتنا الي صنع سودان يسعنا جميعا |
جميل منك يااساسي قبل الكراسي فعلا سلوك جميل وعجبني للاخر تحياتي لك
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: doma)
|
الاستاذة الكريمة دوما
تحية وتقدير
حقيقة هذا موضوع مثير للاهتمام جدا وهو من المواضيع التي تساهم بقدر كبير في تشكيل توزيع القوى العالمية بعد تفرد اليانكي الامريكي بقيادة دفه العالم بعد الانهيار الشهير للقوي العظمي التي كانت تحفظ التوازن العالمي . موضوع الطاقة النووية للبلدان النامية وضلوع ايران في الدخول الي هذا النادي العالمي للدول النووية الكبري هو ما يشغل بال العالم هذه الايام تكالب الدول العظمي علي ايران من اجل الحوؤل من امتلاكها للطاقة النووية من الاسباب الرئيسية التي حركت الجيوش الامريكية نحو العراق من اجل وجود ترسانة كبري في مواجهة المد الشيعي النووي ..خوف الدول الكبري علي مشاركة ما تفردت به من طاقة نووية مع الدول النامية يخلط عليها حسابات كثيرة وخطط استراتيجية لسنوات قادمات من اجل الاستفادة الاحادية من موارد تلك الدول لمصلحتها مع المحافظة علي ابقاء تلك الدول نامية بالرغم من مواردها العظيمة . الموضوع جدا شائك واتمني ان تفتحي خيط منفصل للتداول حول هذا الموضوع المهم
واشكر ك مرورك استاذة دوما
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: اساسي)
|
ان كلام فخامة الاخ الرئيس في حواره الهاتفي مع سعادة العضو أساسي جاء منسجماً مع سياق مناسبة سحب بعض البوستات من المنتدي والعمل على توحيد الجهود لجعل المنتدي مكاناً ينطلق منه نضال أبناء الوطن الواحد. تناول فخامته من خلال محادثته الهاتفية الضافية القضايا الوطنية العامة الراهنة والمستقبلية وطبيعة التحديات التي يجابهها الوطن في تداخلاتها وارتباطاتها الداخلية والخارجية المؤثرة سلباً على التوجهات الوطنية الاقتصادية والتنموية التي تشكل هموماً كبيرة تعني بدرجة رئيسية الشباب كالبطالة التي توجب العمل باتجاه تنمية واستثمار يخلق فرصاً جديدة تستوعب الشباب بالقدر الذي يجعلهم يسهمون بفعالية في بناء وطنهم وتحقيق متطلبات حاضره واستحقاقات مستقبل اجياله القادمة. وبصفتي أحد الذين شرفهم الله بعضوية منتداكم هذا فتعقيبي على هذا المقال هو استجابة لمتطلبات واستحقاقات هذه التوجهات ، مؤكداً في ذات الوقت ان الوطن يسير في الطريق الصحيح لانجاز المهام الملحه (بيني وبينكم قلت الجاب الملح شنو كمان في البوست) التي تفرض احساساً عالياً بالمسؤولية نحو الوطن وابنائه، أما اولئك الذين يراهنون على المزايدة والمكايدة فإنه لا نجاة لهم من الوقوع في المصير الذي ينتظرهم سوى بإعلان الولاء والانتماء الصادق والعمل على ترسيخ وحدة الوطن وتشمير السواعد والانخراط باخلاص وجدية في العمل من أجل تقدم الوطن ورقيه وازدهاره. ولا نامت أعين الجبناء
تكبير: اللـــــــــــــــــــــــــــــــــــــــــــــــه أكبر تهليل: هلا هلا (ناس قريتنا جوهم الجماعة وفي واحد فنجاط من المنتفعين وقف زي الماسيترو قدامهم وقال ليهم تكبير رددوا الله أكبر لمن قال ليهم تهليل خذلوهو وخذلوا النائب الثاني للرئيس والوفد المرافق لسيادته بأن قالوا هلا هلا ، وما يحمد لهم أنهم لم يقولوا هلا لي هلالو ظهر بان لي الليلة على إعتبار إنهم شهيناب وأقرب للمريخاب من السروراب والحكاية قربت تجيب ليها دلوكه وبطان وجلد سيطان) تحويل: والأخيرة تخص المغتربين والمبتعثين من قبل الدولةوهو شقين إلزامي وعادي == أيها الأعضاء الشرفاء واحد ينزل لينا نشيد الملحمة ، إن شاء الله ملحمة البرديسي ببحري ودي أكيد فخامة الرئيس بكري إشتري منها كوارع ذات مرة أصلها على مشارف الحلفايا شمال الشارع يا بكري وإنت جاي من بحري.
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: اساسي)
|
اساسي لك التحية يا اخوي ماقولنا ليك انت البيجمعك مع بكري اكثر مما يفرقك وبس انت روق شوية لكن ما سمعت كلامنا وفتحت النار في كل الاتجاهات علي العموم حمدلله السلامة و نحن اولاد اليوم لكن قول لاخونا بكري انا مازلت علي الخط في انتظار اسباب حذف بوستات الخاص بي انا وقول ليهو يطمئن انا ما حافتح فيه النار بس يورينا الاسباب
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: عماد محمود علي)
|
دكين
لماذا اتحذفت؟؟؟؟
ملفات قضيية تبيض الاموال بوساطة وزير العدل ووقوف السودانى وحبس صاحبها وصاحب الموضوع الم يكن هنالك وجه شبه بينها وبوستات اساسى مع انو لا افهم فى السياسة شىء لكن تلكم الخاطرة قصيدة نثرية راودنى الهامها
سوال برىء لاساسى؟؟؟ هل يصلح بكرى ان يكون فنانا ما دام سمعت صوته هاتفيا....
تفقيه لاساسى:- انت ظاتك بتكتب بوستات مصيرها الحذف ياخى مالك والجماعة الواصلون, خليك زينا كدا تلبد مع صوت الرعد وتبشر لما العريس يجى وما تحوم على سايد البنات
طيب مع السلامة,,,ما تنسى تشيل معاك بامبر للبنية اخر الدوام
| |
|
|
|
|
|
|
Re: في بادرة استثنائية هاتفية من بكري ابو بكر تم وضع النقاط علي الحروف (Re: اساسي)
|
Quote: ان قاموسنا الادبي السوداناوي يحتمل الكثير من المفردات التي قد تساهم في عكس روح الاهداف العظمي |
طيب ما أهو انت كويس وكدا يعني !!! أساسي صدقني من يوم ملاقاتنا ديك ومعانا ود العمدة وأنا في سعي لملاقاتك تاني إلا أن ظروف الروتيين تحول دون ذلك بس بعد التعيين من القواعد وبمثل هذه الديمقراطية والشفافية بقى فرض عين والله كيف... لك مودتي .
| |
|
|
|
|
|
|
|