|
ممكن ابقي زيكم ؟
|
الليله يا داب حسيت بالغربه فجاة اتذكرت اني ما هناك وناس كتار كانو هناك بقو هسه ما هنا ولا النضم الكبار كبار داك بقيت اسمعو لافي نوم فى الحوش الوسيع وضربة الشمس الصباح لافي زول بناضمك ساكت لافي كيف قيلتو ولا اصبحتو كيف.لافي حاجه فلانه عيانه امشو شوفوها وتعالو نخت الغداء.لابتسمع اولاد المرحوم ديل شيلو الصينيه واتغدو معاهم ولافي مرحوم زاتو تمشي تبكيهو يا ربي الزمن مالو بقي مسيخ اتذكرت اصحابي الكتار امام وحمدالنيل وحنفي معتصم ود الجمام وعادل نيلز و منعم ناس كتااار ياريتني لو بقيت رسام زي الفاضلابي وعصام عبد الحفيظ وخالد عباس ياريتني لو بقيت زي الصادق الرضي الون واكتب حروف جميله خلاس او ابقي عازف ماهر كلما ازهج امسك النغمات وادندن تم ترم تم تمزي الموصلي او اكون زي عكاشه ارص الكلام البليغ واعبر عن حاجات كتيرة مفيده حاجت كتيرة مافيشه هسه لا الاذاعه ولا التلفزيون لا شجرة الفنانين لا سيد صوصل لا يحي فضل الله ولا الرشيد احمد عيسي لا السر السيد ولا امفريب الناس دي مشت وين ؟احساس غريب احساس غريب
|
|
|
|
|
|
|
|
Re: ممكن ابقي زيكم ؟ (Re: Mohamed Ahmaed Olyesh)
|
كلنا لا نخلو من تداعيات نحو من نحب ولكن العيب فينا ان لم نقل او نعبر ساكتب كلما احس به تجاه من احب واشتاق ساكتب واكتب ساكتب لكل من يهمه الامر او لا يهمه الامر عسي ان اكون مثل هؤلاء الذين لهم القدرة الابداعيه علي التعبير فلماذا لا نكتب؟ لنا تجارب عميقه وجميله فلماذا لاندونها ساعود
| |
|
|
|
|
|
|
Re: ممكن ابقي زيكم ؟ (Re: Mohamed Ahmaed Olyesh)
|
أخي المبدع محمد عليش
Quote: ولا النضم الكبار كبار داك بقيت اسمعو لافي نوم فى الحوش الوسيع وضربة الشمس الصباح لافي زول بناضمك ساكت لافي كيف قيلتو ولا اصبحتو كيف.لافي حاجه فلانه عيانه امشو شوفوها وتعالو نخت الغداء.لابتسمع اولاد المرحوم ديل شيلو الصينيه واتغدو معاهم ولافي مرحوم زاتو تمشي تبكيهو يا ربي الزمن مالو بقي مسيخ اتذكرت اصحابي الكتار |
وأين حبيبنا عبدالعظيم حمدنالله؟! حسبته أنيسك في تلك البلاد..(كان الله في عوننا- في هذه البلاد!)
... ... مشتاقين والله يا محمد شديد وأنت الكاتب المسرحي، والممثل المجيد، والمخرج المسرحي البارع، وأنا أعرف أنك مغني أيضا (ربما بدرجة أرفع من فنان حيرة درجة أولى..
فـ ممكن نبقى زيك؟!
| |
|
|
|
|
|
|
Re: ممكن ابقي زيكم ؟ (Re: Alsadig Alraady)
|
يا سلامــــــــــــــــــــــــــــــ الليله الرضي بي حالو جانا بي هنا يا سلام والله الحزن لا يتخير الدمع ثيابا كي يسمي بالقواميس بكاء انت قايل الكلام ده انا ما متذكرو والله متذكرو خاااااااااااااالس ونفسي اعرف كتبت شنو؟ورسمت شنو جديد؟وفى الجريده بتكتب كلو كم يوم؟سولات كتيرات يا ود الرضي وليك الف تحيه ولي عثمان شنقر لو عندك اخبارو\عبد العظيم هذا الفتي صياد الخنازير اليهوديه يتعارك الان بقاهرة المعز مع الفنانيين حتي يجد مكانه يثبت فيها ان الممثل والمخرج والكاتب السودني له القدره على الخلق والابداع لو لا وجود الاشكالات التي تقف امامه هو الان بالقاهرة يت صديق اشتاقه كما اشتاق اليكم جميعا. والله يا الصادق عزفت بالعود ما عزفت كتبت من الذكريات ما يبكيني تغنيت باجمل اغاني الكاشف ومحمد وردي وابراهيم عوض تغنيت بكل اغاني شمت محمد نور الظهرت والماظهرت (اغاني الاحفاد طبعا واسبوع المرأة) عملت كل شيئ ولكن مازال هناك ما افتقده مع محبتي عليش
| |
|
|
|
|
|
|
Re: ممكن ابقي زيكم ؟ (Re: Mohamed Ahmaed Olyesh)
|
الاخ عليش كن كما انت، اغسل الغسق بالكتابة، وازرع تيراب الحضور في بيداء الوهم، وحاحي طير الوهم عن حقول قمحك، وانسج الاماني على فراغات الرتابة، وخليك مدمن ابتسامات، وثق في ربك اولا ثم نفسك ثانيا، ما حك جيبك غير دولارك، صل اهلك بتلفون او مس كول، تنجو من الدوامة، وتصبح على وطن.
فاضلابي وينا صورت مدينة؟؟؟؟
| |
|
|
|
|
|
|
Re: ممكن ابقي زيكم ؟ (Re: محمود الدقم)
|
محمد الدقم هذا الكلام ما يشرح الصدر اعجب انا بهذه البلاغه والرصانه كلامك تب طيب وهميم مرحب بيك فى تداعياتي دي وما اجيك فى شين و ابقي داخل لي جوة الديوان فاتح عربون محبه وخوة عليش
| |
|
|
|
|
|
|
Re: ممكن ابقي زيكم ؟ (Re: Mohamed Ahmaed Olyesh)
|
سيد عبدالله صوصل هو احد شخصيات الكاتب صمويل بيكيت العبثي هذا الشخص احبه جدا كم افتقده كم اتذكر رحلت معنا الي القضارف والشوك عندما كان يمثل مع الفرقه الجمام(محمد حنفي-عادل على الحسن مالك-عبد المنعم محجوب-حمد النيل خليفه-معتصم سيداحمد-هشام صلا الدين-جمال سليمان-عماد محي الدين ببو-انتصار محجوب بيرين-محمد عليش)كم اتذكر كيف يخلق العرض فهو يذهب معنا الى مكان العرض دون فكرة محدده ولكن فجأة عندما نقدمه يبدا عرضا مدهشا لمده تطول عرض مترابط تحسب ان كتبه منذ شهورفنان بحق نشيط وانسان له القدره على مساندة كل من يحتاج المسانده.صوصل او كرناف اسمه الشهير فى مسلسل سكه الخطر فنانين اصدقاء نفتقدهم وافتقدهم وانا اشتم عبيرهم هل سيحظي هؤلا الفنانيين بالتكريم من قبل هذه الدوله؟هذا ما يقلقني تماما له التحيه ولكل من يعرفه او يلتقيه يبلغه حبي له
| |
|
|
|
|
|
|
Re: ممكن ابقي زيكم ؟ (Re: Mohamed Ahmaed Olyesh)
|
صديقي كفش نحن كلنا اصلا زي بعض... البرة والجوة كلنا جوة ورطة يا صديقي دي جية سريعة وحاجيك احكي ليك بالمسرح القومي وشجرة الـ.. بالمناسبة نادي الزهاجا اتصادر ولو متذكر سؤالي عن الدبابة؟ قاليك ودوها وين؟ الدبابة سكنت تحت الشجرة مباشرة ولم يعد هناك زهاجا الكل مبسوط ومهجج احكي ليك عن المعهد وحمد البقا ابو وولدو باسل عيد ميلادو الليلة وحاجات يا حبيب.. ويا فاضلابي انا قاعد لكن ماتضمن حكاية احرس ليك مركزك دي . الزمن بقا صعب ممكن اجازفو ليك عادي وتلقاني بغادي لهولندا .. وزي ما قالت حبوبتي ربنا يجمع الشمل ويحقق الاماني حنفي
| |
|
|
|
|
|
|
Re: ممكن ابقي زيكم ؟ (Re: محمد حنفي)
|
يا سلام عليـــــــــــــــــــــــــــــــك يا حنفي اشتم فيك رائحه الحكي اما اذا دار محور السؤال عن الدبابه فكلنا نعرف انها سوف تستوطن المكان لاشك والحمد لله الناس انبسطت وهذا يدل على موسم الفرحه هناك افتقك ياحنفي وافتقد حكاويك اللذيذه احكي لي عن الدبابه ام بوزا برة والعسكري اب سفنجه خضرا يتجول صاااري وشو للفنانيين موعد ومهددا بانه سوف يحتل المكان قريب وهذا ما حصل انتصر العسكرى علينا بسفنجته الخضرا كل سنه وابن حمد النيل معافي(بيكون دربو على الجلبقه هسه) احكي لي عن المدرسه(الكليه)عفوا المعهد المسرح القومي ممنوع الاقتراب والتصوير(النادي سابقا) احكي واسترسل عليش التوب الغالي.......القرمصيص التمنو الغالي.............القرمصيص وجاي ليه من بيتكم يا سلام يا حنفي العبرة العبرة
| |
|
|
|
|
|
|
|