|
|
 أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب "
|
أول لقاء يجمع البشير ، الترابي ، المهدي ،ونقد بدار سوار الدهب
الخرطوم : عادل الباز
افلحت جهود لجنة جمع الصف الوطنى فى جمع الرئيس عمر البشير واقطااب المعارضة الرئيسية فى البلاد على عشاء فى منزل الرئيس الاسبق المشير عبد احمن سوار الدهب رئيس لجنة جمع اصف الوطنى مساء امس.
وشهد اللقاء بجانب البشير زعماء احزاب الامة الصادق المهدى والمؤتمر الشعبى الدكتور حسن الترابى والشيوعى محمد ابرهيم نقد والبعث على الريح السنهورى ونائب رئيس الحزب الاتحادى احمد الميرغنى ورئيس جماعة انصار السنة الشيخ الهدية.
وقال المتحدث باسم لجنة جمع الصف الوطنى اللواء "م" عثمان عبد الله لـ "الصحافة" ان اللقاء جاء فى ختام لقاءاتهم مع القوى السياسية التى استمرت شهورا موضحا ان اللجنة بدأت بلقاءات منفصلة مع زعماء الاحزاب وانتهت بلقائهم مجتمعين.
واضاف ان اللجنة طرحت على البشير وزعماء المعارضة حصيلة جهودها خلال المرحلة السابقة ووصف اللقاء بانه كان وديا ومثمرا، مشيرا الى ان الترابى اعرب عن امله فى ان يكون لهذا اللقاء ما بعده.
تغاصيل أوفي غداً
__________________________________
الصحافة
|
|
 
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
أجتماع يخلو من أحزاب الجنوب,الشرق والغرب.
يعني بصريح العبارة أجتماع جلابي صرف. وزول زي نقد ده من المفترض أن يخجل من نفسه وهو يحضر أجتماع قام بتنظيمة سوار الدهب وغثمان عبد الله.
دي مشكلة السودان الاساسية. بعد وفاة القائد العظيم جون قرنق لم يبقى لنا سوى هولاء القادة الفاشلون. وديل الضيعو البلد. أنا ما عارف تاني في شنو ممكن يقموموا بتخريبه في السودان. يعني المجتمعين ليها شنو أصلا؟
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
دينق تحياتى
إجتماع الجلابة جاء لأن المصائب يجمعن المصابينا والحركة الشعبية إتخارجت من ركاكة الدولة الدينية وتركت الشمال يأكل ناره مع بلاهه الإنقاذ.جيوش الحركة الشعبية يتم تحديثها بمساعدة أمريكية و معظم أموال الجنوب محصصة للدفاع كما قال باقان أموم. حكومة الجنوب بدأت استخراج البترول بعيدآ عن نفوذ حكومة الخرطوم.المجتمع الدولى سيفرض عقوبات على السودان وسيستثنى الجنوب. يعنى بإختصار الجلابة فى محنة و إجتماع الجلاليب والعمم دة لن يضيف جديد وعدم دعوتكم له لن يضيركم فى أى شئ و المتضرر الوحيد هو من يحب السودان الديمقرطى العلمانى الموحد.هؤلاء للأسف قلة وستظل حتى تقرر الحركة الشعبية الرهان على وحدة السودان ووضع كل بيضعها فى سلة القوى الديمقراطية وقوى الهامش ودعم خيار الوحدة عمليا على الأرض. هذا يعنى وقف التخطيط الإستراتيجى للإنفصال وإعادة النظر فى تحالفها مع المؤتمر الوطنى لأن الأخير لايسعى لوحدة السودان وإن كان يحاول توحيد آبار البترول لذيادة النهب.عادل
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: أجتماع يخلو من أحزاب الجنوب,الشرق والغرب.
يعني بصريح العبارة أجتماع جلابي صرف. وزول زي نقد ده من المفترض أن يخجل من نفسه وهو يحضر أجتماع قام بتنظيمة سوار الدهب وغثمان عبد الله.
دي مشكلة السودان الاساسية. بعد وفاة القائد العظيم جون قرنق لم يبقى لنا سوى هولاء القادة الفاشلون. وديل الضيعو البلد. أنا ما عارف تاني في شنو ممكن يقموموا بتخريبه في السودان. يعني المجتمعين ليها شنو أصلا؟
|
الاخ دينق لك التحية والاحترام.
ودي اصل الحكاية الضيعت السودان منذ ما عرف بالاستقلال, فانا لا اري الخيط الرفيع الذي الذي يميز البشير وسوار الذهب ونقد
وغيرهم من زعماء الجلابة...لانهم يتدافعون لنصرة بعضهم البعض عند الزنقة, ويتناسون اي خلافات بينهم وهي خلافات لا توجد اصلآ وإن وجدت فهي شكلية وليست مبدئية او جوهرية. وهذا هو سر هذه التقلبات الغريبة والتحالفات اللاعقلانية التي تتم بين الاجنحة المختلفة داخل البيت الجلابي بين وقت
وآخر; وإلا فليقولوا لنا كيف يتسني لمن يتحدث عن "جمع الصف الوطني" ان يسعي عمليأ لعزل قوي الهامش المتواجدة في الخرطوم ناهيك عن تلك التي ما زالت تحمل السلاح..
هذا اللقاء الذي وصفه البعض بانه نادر, ليس هو بنادر ولا يحزنون. فهو الاصل في هذه اللعبة المملة, وحليمة دائمآ ترجع لقديمها وقد فعلها حزب الامة يوم ان احس بان برنامج السودان الجديد الذي كان تقوده الحركة الشعبية علي وشك النجاج فسارع بتوقيع ما سمي بإتفاق "نداء الوطن" في جيبوتي وقاد بعدها زعيم الحزب حملة شعواء للتشكيك والتخويف من برنامج السودان الجديد الامر الذي ادي في النهاية الي تشرذم احزاب التجمع الشمالية وتحولها الي قطعة شطرنج تحركها حكومةالبشير كيفما ووقتما شاءت . وما بين إتفاق "نداء الوطن" وهيئة "جمع الصف" يتجلي حجم التواطؤ بين هذه الاجسام الكرتونية ,وتتبدي صورة السودان القديم بكل اشكاله القبيحة.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: تاج الدين عبدالله آدم)
|
دينق في زول منع الحركات المسلحة من الإجتماع..؟
يا دينق وبعدين شوف جنس ده..
| Quote: ووضع كل بيضعها فى سلة القوى الديمقراطية وقوى الهامش ودعم خيار الوحدة عمليا على الأرض. |
غايتو عدو نفسو ده فيهو جنس بلاهة لامن تحير..
يا عادل..
ما كفاكـ ولغ في دم أهل دينق ولهاثكـ الجاي يهوهو مثل الكلب وراء دينق..
الغبيان ده لو ما جبتو أجل الجنوبيين كلهم ما بيرتاح..
وبعدين العيب ما فيكـ..
العيب في الغبيان دينق المباريك..
إنت يا دينق عامل فيها حضاري خالص خالص ومترفع عن حال أهلكـ الما بيسر لا حبيب لا عدو..
والبسببهم بقيت أمريكي..
وغاضي بصركـ وجاي تهوهو لسيادكـ ديل إنكـ بتناضل ليهم بأهلكـ..
يا لعاركـ..
يا دينق..
داير أهلكـ يبقو عربون تصفية حسابات لمساحات الصراعات السياسية الما عندهم فيها لا ناقة ولا جمل..
ياخي متين توعى وتعيش في سلام مع ذاتكـ ومع الآخرين..
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: دينق تحياتى
إجتماع الجلابة جاء لأن المصائب يجمعن المصابينا والحركة الشعبية إتخارجت من ركاكة الدولة الدينية وتركت الشمال يأكل ناره مع بلاهه الإنقاذ.جيوش الحركة الشعبية يتم تحديثها بمساعدة أمريكية و معظم أموال الجنوب محصصة للدفاع كما قال باقان أموم. حكومة الجنوب بدأت استخراج البترول بعيدآ عن نفوذ حكومة الخرطوم.المجتمع الدولى سيفرض عقوبات على السودان وسيستثنى الجنوب. يعنى بإختصار الجلابة فى محنة و إجتماع الجلاليب والعمم دة لن يضيف جديد وعدم دعوتكم له لن يضيركم فى أى شئ و المتضرر الوحيد هو من يحب السودان الديمقرطى العلمانى الموحد.هؤلاء للأسف قلة وستظل حتى تقرر الحركة الشعبية الرهان على وحدة السودان ووضع كل بيضعها فى سلة القوى الديمقراطية وقوى الهامش ودعم خيار الوحدة عمليا على الأرض. هذا يعنى وقف التخطيط الإستراتيجى للإنفصال وإعادة النظر فى تحالفها مع المؤتمر الوطنى لأن الأخير لايسعى لوحدة السودان وإن كان يحاول توحيد آبار البترول لذيادة النهب.عادل |
الاخ عادل.
لا يمكن لأهل الجنوب بعد كل الذي حل بهم بواسطة ساسة الشمال الغير مسئولين لا يمكن لهم أن يعملوا من أجل وحدة لا يؤمن بها الساسة الشماليين أصلا. الاخ عادل أنظر الى الموقف السياسي اليوم, أين يقف الصادق المهدي,الميرغني ومحمد إبراهيم نقد؟ هل م مع سودان جديد حر ديمقراطي يتمتع به الجميع بنفس الحقوق والواجبات؟ هل هم مع قيام دستور علماني يحفظ وحدة البلاد؟ فلماذا تنتظر حكومة الجنوب من هولاء الساسة الفاشلون لكي يبثوا في أمرهم من جديد؟ ونفس الحال سوف ينطبق في دارفور وشرق وأقصى شمال البلاد. لم يعد في أنتظار الناس في الانتظار.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: الاخ دينق لك التحية والاحترام.
ودي اصل الحكاية الضيعت السودان منذ ما عرف بالاستقلال, فانا لا اري الخيط الرفيع الذي الذي يميز البشير وسوار الذهب ونقد
وغيرهم من زعماء الجلابة...لانهم يتدافعون لنصرة بعضهم البعض عند الزنقة, ويتناسون اي خلافات بينهم وهي خلافات لا توجد اصلآ وإن وجدت فهي شكلية وليست مبدئية او جوهرية. وهذا هو سر هذه التقلبات الغريبة والتحالفات اللاعقلانية التي تتم بين الاجنحة المختلفة داخل البيت الجلابي بين وقت
وآخر; وإلا فليقولوا لنا كيف يتسني لمن يتحدث عن "جمع الصف الوطني" ان يسعي عمليأ لعزل قوي الهامش المتواجدة في الخرطوم ناهيك عن تلك التي ما زالت تحمل السلاح..
هذا اللقاء الذي وصفه البعض بانه نادر, ليس هو بنادر ولا يحزنون. فهو الاصل في هذه اللعبة المملة, وحليمة دائمآ ترجع لقديمها وقد فعلها حزب الامة يوم ان احس بان برنامج السودان الجديد الذي كان تقوده الحركة الشعبية علي وشك النجاج فسارع بتوقيع ما سمي بإتفاق "نداء الوطن" في جيبوتي وقاد بعدها زعيم الحزب حملة شعواء للتشكيك والتخويف من برنامج السودان الجديد الامر الذي ادي في النهاية الي تشرذم احزاب التجمع الشمالية وتحولها الي قطعة شطرنج تحركها حكومةالبشير كيفما ووقتما شاءت . وما بين إتفاق "نداء الوطن" وهيئة "جمع الصف" يتجلي حجم التواطؤ بين هذه الاجسام الكرتونية ,وتتبدي صورة السودان القديم بكل اشكاله القبيحة. |
الاخ تاج الدين.
في عام 1993 وقف القائد جون لوك قائد بالجيش الشعبي لتحرير السودان في جلسة أستماع بمجلس الشيوخ الامريكي وقال" لا يوجد فرق كبير بين الاحزاب الشمالية فهم في نهاية الامر يتفقون على قمع الجنوبين وهضم حقوق المهمشين" ولقد كنت أنا من ضمن الحضور وصفقت له كثيرا لأنني أشاركه نفس الرأي. واضح جدا يا أخ تاج الدين أن الاحزاب الموجودة اليوم لا تستطيع أن تقود الشعب والبلاد بهذا الوسائل العقيمة مثل أستخدام القوة لقمع ثورات المهمشين الذين يطالبون بحقوقهم, أمس الجنوب واليوم دارفور والشرق.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: دينق في زول منع الحركات المسلحة من الإجتماع..؟
يا دينق وبعدين شوف جنس ده..
Quote: ووضع كل بيضعها فى سلة القوى الديمقراطية وقوى الهامش ودعم خيار الوحدة عمليا على الأرض.
غايتو عدو نفسو ده فيهو جنس بلاهة لامن تحير..
يا عادل..
ما كفاكـ ولغ في دم أهل دينق ولهاثكـ الجاي يهوهو مثل الكلب وراء دينق..
الغبيان ده لو ما جبتو أجل الجنوبيين كلهم ما بيرتاح..
وبعدين العيب ما فيكـ..
العيب في الغبيان دينق المباريك..
إنت يا دينق عامل فيها حضاري خالص خالص ومترفع عن حال أهلكـ الما بيسر لا حبيب لا عدو..
والبسببهم بقيت أمريكي..
وغاضي بصركـ وجاي تهوهو لسيادكـ ديل إنكـ بتناضل ليهم بأهلكـ..
يا لعاركـ..
يا دينق..
داير أهلكـ يبقو عربون تصفية حسابات لمساحات الصراعات السياسية الما عندهم فيها لا ناقة ولا جمل..
ياخي متين توعى وتعيش في سلام مع ذاتكـ ومع الآخرين.. |
أبو رزقة.
شوف أنا قضايا الجنوب دي لا أجامل بها أبدا, ورأي معروف للجميع وكل من يعرفني ويقراء كتاباتي يعرف جيدا أين أقف ومن هو أنا.
أما الذين يتنكرون لأهلهم ولأصولهم العرقية من أمثالك فلا يستحقون الرد والنقاش أصلا.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: shahto)
|
بالله يا دينق نورنا
أين يقف الأستاذ محمد إبراهيم نقد ان لم يكن مع سودان حر ديمقراطي يتمتع به الجميع بنفس الحقوق والواجبات؟
هل تستطيع ان توثق له الموافقة على حكم ديني بالشمال الجغرافي أو حتى بالسودان؟
هل تقف الحركة مع سودان موحد ديمقراطي يتمتع به الجميع بنفس الحقوق والواجبات؟ أم هناك أسبقيات وخطة (أ) وخطة (ب)؟
هل المطلوب من الجميع الفرجة لحين الفراغ من الفترة الانتقالية وحق تقرير المصير - ام لديكم برنامج أخر؟
بعدين يا أخ أنت عمر البشير ده مش يا هو زاتو عمر بتاع نيفاشا؟ وبتاع مجلس الرئاسة؟ وبعدين من الذي قال للشمال ان يأخذ حصته من نصيب المؤتمر الوطني .....إلخ أنت نسيت ولا شنو؟
والله الكلام ده عيب منك والظاهر عليك ما فهمت كلام عادل اسحق ده كويس!!
ملاحظة: خفف من حكاية جلابى دى لانها أصبحت بلا معنى في منبرنا هذا
= = == =
السودان لكل السودانيين
المجد لشعب السودان ... المجد لأمة السودان
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: sultan)
|
ملاحظة: خفف من حكاية جلابى دى لانها أصبحت بلا معنى في منبرنا هذا
مأخوذه من مداخلة الاخ سلطان
وما تخدم سياسات الجبهة فى تحويل الصراع الى صراع جهوى وما تخلى الناس تنفتح عليك عموما كلنا سودانيين
ومافي داعي لمصطلحات العنصرية دى ..جلابي وغرابى وعبد ...الخ دي ما بتفيدنا
واعلق ليك علي عدم وجود الجنوبيين لانهم جزء من الحكومة وصراعنا نحن مع المؤتمر الوطنى لا الجنوبيين
التى تسيطر علي مقاليد الحكم
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: هجو الأقرع)
|
| Quote: وشهد اللقاء بجانب البشير زعماء احزاب الامة الصادق المهدى والمؤتمر الشعبى الدكتور حسن الترابى والشيوعى محمد ابرهيم نقد والبعث على الريح السنهورى ونائب رئيس الحزب الاتحادى احمد الميرغنى ورئيس جماعة انصار السنة الشيخ الهدية. |
الأخ دينق
لك التحية و الغحترام
كان الإجتماع ( عشاء ) أقامه سواؤر الدهب بمنزله ...
و هو حقا سيكون ( العشاء الاخير ) لأقطاب الجلابة ... The last supper
ربما عشاء الوداع ...
لأن البعض غير متأكد ماذا ستحمل له رياح لاهاي يوم غد ... أو ما هي الخطوة التالية من مجلس الأمن ...
و أتفق مع تحليل الأخوان عادل إسحق و تاج الدين عبدالله ...
و أهذي لهؤلاء الجلابة أغنية وردي ... بعد إيه ..
.
.
.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: سوار الدهب وعثمان عبدالله يتحملان الجزء الاكبر مما حل بهذا الوطن من بلاء وهاهما يعودان لدق المسمار الاخير فى تابوت الوطن!
جنى |
الاخ جني.
بالاضافة لهم. أحمد عبد الرحمن, محمد يوسف,الفاتح عبدون ودفع الله الحاج يوسف.
دي قائمة كيزانية من الذين يعملون في السوق لجمع الاموال بالطرق الغير شريفة مع أبنائهم ووقت الزنقة يتم أستخدامهم لمثل هذا الوساطات السخيفة. وأنا لا أستغرب لوجود الجلابة بتاعين الحزب الاتحادي ,الامة والشيوعي.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: اخوي دينق
الكلام ده مايو ? و لا انا نسيت كلام عمي الشهيد البطل جون قرنق
و قديما قالوا السكين ما بتبرا عودا
نشوف كتير كتير المهم نفتح عيوننا و الله يهدي البقية |
الاخ العزيز شحتوا.
مشتاقين لك شديد.
القائد العظيم جون قرنق أصلوا ما غلطان عندما وصف الحكم العسكري الانتقالي بقيادة سوار الدهب بي مايو2, القائد قرنق كانت له نظرة عميقة للاشياء. أحتج الساسة الشمالين على حديث قرنق أنذاك ولكنهم رجعوا وأتهموا سوار الزفت نفس الاتهامات.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
العزيز دينق..
سلام وتحية..
أوافق تماما هذا الحديث لعادل إسحق:
| Quote: إجتماع الجلابة جاء لأن المصائب يجمعن المصابينا والحركة الشعبية إتخارجت من ركاكة الدولة الدينية وتركت الشمال يأكل ناره مع بلاهه الإنقاذ.جيوش الحركة الشعبية يتم تحديثها بمساعدة أمريكية و معظم أموال الجنوب محصصة للدفاع كما قال باقان أموم. حكومة الجنوب بدأت استخراج البترول بعيدآ عن نفوذ حكومة الخرطوم.المجتمع الدولى سيفرض عقوبات على السودان وسيستثنى الجنوب. يعنى بإختصار الجلابة فى محنة. |
لغاية ما أرجع برواقة للمزيد..
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: بالله يا دينق نورنا
أين يقف الأستاذ محمد إبراهيم نقد ان لم يكن مع سودان حر ديمقراطي يتمتع به الجميع بنفس الحقوق والواجبات؟
هل تستطيع ان توثق له الموافقة على حكم ديني بالشمال الجغرافي أو حتى بالسودان؟
هل تقف الحركة مع سودان موحد ديمقراطي يتمتع به الجميع بنفس الحقوق والواجبات؟ أم هناك أسبقيات وخطة (أ) وخطة (ب)؟
هل المطلوب من الجميع الفرجة لحين الفراغ من الفترة الانتقالية وحق تقرير المصير - ام لديكم برنامج أخر؟
بعدين يا أخ أنت عمر البشير ده مش يا هو زاتو عمر بتاع نيفاشا؟ وبتاع مجلس الرئاسة؟ وبعدين من الذي قال للشمال ان يأخذ حصته من نصيب المؤتمر الوطني .....إلخ أنت نسيت ولا شنو؟
والله الكلام ده عيب منك والظاهر عليك ما فهمت كلام عادل اسحق ده كويس!!
ملاحظة: خفف من حكاية جلابى دى لانها أصبحت بلا معنى في منبرنا هذا |
سلطان.
أنور بي شنو وحزبكم الشيوعي صامت حيال القضايا الرئيسية في البلاد, خصوصا قضية الدين والدولة.
متين أخر مرة سمعنا الحزب الشيوعي السودان ينتقد القوانين الدينية في السودان ويطالب بكل صراحة بدستور علماني يفصل بين الدين والدولة؟
يا سلطان. لا يعقل أن تتركو أهل الجنوب يتحدثون عن فصل الدين من الدولة بالنيابة عنكم. من ماذا تخافون أصلا؟ ومنذ متى صار الحزب الشيوعي السوداني يجامل في مثل هكذا أمور؟ ولا خايفين من الجماعات التكفيرية الحايمة اليومين ديل في الخرطوم؟
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: ملاحظة: خفف من حكاية جلابى دى لانها أصبحت بلا معنى في منبرنا هذا
مأخوذه من مداخلة الاخ سلطان
وما تخدم سياسات الجبهة فى تحويل الصراع الى صراع جهوى وما تخلى الناس تنفتح عليك عموما كلنا سودانيين
ومافي داعي لمصطلحات العنصرية دى ..جلابي وغرابى وعبد ...الخ دي ما بتفيدنا
واعلق ليك علي عدم وجود الجنوبيين لانهم جزء من الحكومة وصراعنا نحن مع المؤتمر الوطنى لا الجنوبيين
التى تسيطر علي مقاليد الحكم |
الجبلابي.
مؤتمر وطني جبهة أسلامية, أخوان مسلمين, حزب أمة جناح الصادق,جناح مبارك الى أخر القائمة.
يا عزيزي الصراع الدائر في السودان هو صراع بين أبناء الهامش وبعض المثقفاتية الشمالين الذين يتحكمون بمقاليد الامور في السودان منذ الاستقلال وحتى يومنا هذا. فهم مجرد بضاعة مستوردة من الاتحاد السوفيتي السابق(في حالة الحزب الشيوعي) وبضاعة مصرية(الحزب الاتحادي) وبضاعة إنجليزية(حزب الامة) وأخيرا البضاعة السعودية التي تتمثل في الجبهة الاسلامية. أما أبناء الهامش من المفترض عليهم أن ينضموا لتلك الاحزاب المستوردة. أنضم بعض من أبناء الهامش لتلك الاحزاب ولم يحصدو سوى الهشيم, والان أبناء الهامش ينظمون نفسهم لمجابهة هذه الفئة الضالة من الجلابة. هذا الصراع لن ينتهي في يوم أو في جيل قادم, سوف يبقى هذا الصراع موجود لعدة أجيال قادمة وعلى أبناء الهامش الاستعداد التام لذلك. مثل هذا الاجتماع الذي يجمع بين الذين خربوا السودان لا يمثل لي سوى أجتماع جلابي يريد المحافظة على مصالح أجتماعية,ثقافية وأقتصادية معينة حصلوا عليها في غفلة من الزمن.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
جناح مبارك الى أخر القائمة
تعرف مبارك دا من اكثر الناس المقربين للراحل قرنق
ومبارك دا هو الجاب قرنق للتجمع
طبعا موضوع جلابي دى انا ما بتزعلنى وانا ذاتو داير اعرف معناها ممكن توريتى ليه
عموما هي ما نبذة ولابتقلل من شان الانسان.لكنى ارفضها لانها لاتقدمنا وما بتنفعنا عصبية القبيلة
وانا قلت ليك الخط دا بيخدم سياسات الجبهة الاسلاميةلانها عندما سقط وعاءها الفكرى بعد قرارات رمضان
حبت تستند علي ركيزة تحميها من السقوط فلذا عملت في إظهار الجانب دا انو نحنا حكومة شمال (طبعا الكلام دا مابقولوه)
لكن بينتهجو ليه سياسات يخلو الناس ينجرو ليه عشان كده لما في ناس بقولوا ليك انت مؤتمر وطنى فمن المنطلق
دا فالموضوع لما يبقى عنصرية بيتلما الشيوعي مع الكوز عشان يواجهوك فعشان كده بتلقي في بعض اليساريين
مثلا بيتحدوا مع الكيزان لما يكون في موضوع عنصرية فدا بتستفيد منه الجبهة.
عموما انا عندى راي كتير في الكلام دا لكن الليلة الاحد ذى ماعارف وبكره حنرجع للشغل المقرف دا فالواحد
الاتنين عندو ذي سبت المدارس
وبضاعة إنجليزية(حزب الامة)
انا ما عارف انت قريت التاريخ دامن وين والا الحكاهو ليك منو عموما الانجليز ديل كانو في السودان واخرجو
عن طريق واحد اسمه محمد احمد المهدى هو والد مؤسس حزب الامة فعليك الله ما تسمع كلام وتجى تنقلو
اخى دينق نحن كلنا سودانيين او ممكن تقول قدرا جمعا وطن واحد وعشان ننهض بالوطن دا لو كنت حريص عليه يجب
ان نجتمع لاان نتفرق ان نتفق لاان نختلف وارجو ان تصحح وتراجع نفسك فى الخط الانت ماشى فيه دا
ولك فايق التقديروالود
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
| Quote: دينق يا اخوى كيفك عساك مرتاح ، بعدين مين قال ليك اهل الجنوب والغرب مش ممثلين فى اجتماع ( الجلابة) انت نسيت ان البشير يمثل نائبه الاول السيد سلفاكير ومستشاره الشاب منى اركو مناوى ، وجماعة الشرق لسه ما ختلو كراعن سمح ، يا اخوى من نسى قديمو تاه ، الترابى شيخ البشير ، والصادق خال اولاد الترابى ، ونقد مجامل اهلو الجلابة! |
لن يمثل أهل الجنوب أي واحد من هولاء المجتمعين, الذين كان لهم الفضل في ألحاق الضرر بالسودان خصوصا الجنوب فليذهبوا غير مأسوف عليهم جميعا.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: الأخ دينق
لك التحية و الغحترام
كان الإجتماع ( عشاء ) أقامه سواؤر الدهب بمنزله ...
و هو حقا سيكون ( العشاء الاخير ) لأقطاب الجلابة ... The last supper
ربما عشاء الوداع ...
لأن البعض غير متأكد ماذا ستحمل له رياح لاهاي يوم غد ... أو ما هي الخطوة التالية من مجلس الأمن ...
و أتفق مع تحليل الأخوان عادل إسحق و تاج الدين عبدالله ...
و أهذي لهؤلاء الجلابة أغنية وردي ... بعد إيه .. |
الاخ محمد سليمان.
هولاء الجلابة نفدت حيلهم لم يبقى لهم شء بجعبتهم.
نفس الوجوه القديمة ونفس الخساسة تجتمع مرة أخرى.
فليكن هذا العشاء الاخير.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: العزيز دينق..
سلام وتحية..
أوافق تماما هذا الحديث لعادل إسحق:
Quote: إجتماع الجلابة جاء لأن المصائب يجمعن المصابينا والحركة الشعبية إتخارجت من ركاكة الدولة الدينية وتركت الشمال يأكل ناره مع بلاهه الإنقاذ.جيوش الحركة الشعبية يتم تحديثها بمساعدة أمريكية و معظم أموال الجنوب محصصة للدفاع كما قال باقان أموم. حكومة الجنوب بدأت استخراج البترول بعيدآ عن نفوذ حكومة الخرطوم.المجتمع الدولى سيفرض عقوبات على السودان وسيستثنى الجنوب. يعنى بإختصار الجلابة فى محنة.
لغاية ما أرجع برواقة للمزيد.. |
الغالية رجاء.
لا يوجد هناك مؤشر واحد يدل على جدية الاحزاب الشمالية فيما يختص بموضوع الوحدة. أنهملا يعملون من أجله فمن الطبيعي أن تهتم حكوممة الجنوب بجنوب السودان وتعمل لتطوريه وللاستعداد للدولة الجديدة.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: ومبارك دا هو الجاب قرنق للتجمع
طبعا موضوع جلابي دى انا ما بتزعلنى وانا ذاتو داير اعرف معناها ممكن توريتى ليه
عموما هي ما نبذة ولابتقلل من شان الانسان.لكنى ارفضها لانها لاتقدمنا وما بتنفعنا عصبية القبيلة
وانا قلت ليك الخط دا بيخدم سياسات الجبهة الاسلاميةلانها عندما سقط وعاءها الفكرى بعد قرارات رمضان
حبت تستند علي ركيزة تحميها من السقوط فلذا عملت في إظهار الجانب دا انو نحنا حكومة شمال (طبعا الكلام دا مابقولوه)
لكن بينتهجو ليه سياسات يخلو الناس ينجرو ليه عشان كده لما في ناس بقولوا ليك انت مؤتمر وطنى فمن المنطلق
دا فالموضوع لما يبقى عنصرية بيتلما الشيوعي مع الكوز عشان يواجهوك فعشان كده بتلقي في بعض اليساريين
مثلا بيتحدوا مع الكيزان لما يكون في موضوع عنصرية فدا بتستفيد منه الجبهة.
عموما انا عندى راي كتير في الكلام دا لكن الليلة الاحد ذى ماعارف وبكره حنرجع للشغل المقرف دا فالواحد
الاتنين عندو ذي سبت المدارس |
الاخ الجبلابي.
ليس الجبهة الاسلامية وحدها التي أستعملت كرت الهوية والعنصرية, لقد أستعملها من قبل حزب الامة والحزب الاتحادي عندما كانوا يتسلمون مقاليد الامور, ودي واحدة من مشكلنا في السودان, فابلتالي لا توجد أي مشكلة عندما نتحث عن الهوية وعن التفرقة العنصلرية بالبلاد ويجب أن نتحدث بكل صراحة. هذا إذا كنا فعلا جادين.
Quote: وبضاعة إنجليزية(حزب الامة)
انا ما عارف انت قريت التاريخ دامن وين والا الحكاهو ليك منو عموما الانجليز ديل كانو في السودان واخرجو
عن طريق واحد اسمه محمد احمد المهدى هو والد مؤسس حزب الامة فعليك الله ما تسمع كلام وتجى تنقلو
اخى دينق نحن كلنا سودانيين او ممكن تقول قدرا جمعا وطن واحد وعشان ننهض بالوطن دا لو كنت حريص عليه يجب
ان نجتمع لاان نتفرق ان نتفق لاان نختلف وارجو ان تصحح وتراجع نفسك فى الخط الانت ماشى فيه دا
ولك فايق التقديروالود |
أنا قرأئت تاريخ السودان كويس, حتى المحرف منه. وقرأئت أيضا عن التاريخ المسكوت عنه وعن "دائرة المهدي" وكيف حصل أل المهدي على تلك الامتيازات. وعن "سفر الولاء" أيضا.
دينق.
| |
|
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: jini)
|
كتب أبو رزقة ينصح الأخ دينق :
| Quote: ياخي متين توعى وتعيش في سلام مع ذاتكـ ومع الآخرين.. |
ألا تعتقد أن هذه النصيحة أنت أهل بها من غيرك ؟؟!!!
عبدالرازق ... متي تعي و تدرك ما يدور حولك ؟؟!!
هؤلاء الجلابة ... دايرين يتعشوا بالزيك !!
هل هناك في هذا الإجتماع أي بطل من أبطال مذابح دارفور ؟؟؟ .. كاشا و الفريق آدم حامد موسي و الفريق عبدالله علي صافي النور و موسي هلال و كوشيب و أحمد هارون ؟؟!!!!
أكيد عندما إنفردوا في هذها العشوة ببعضهم البعض ... هل تعتقد أنهم أوصوا البشير بتسليم نافع أو صلاح قوش أو علي عثمان ؟؟!!!
ستري في مقبل الأيام من الذي تعشوا به ليلة البارحة .... و يقدمونه علي طبق من ذهب للسيد أوكامبو ....
و زي ما يقول عزيزنا بشاشا : By The BOOK
.
.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: jini)
|
Quote:
بالله يا دينق نورنا
أين يقف الأستاذ محمد إبراهيم نقد ان لم يكن مع سودان حر ديمقراطي يتمتع به الجميع بنفس الحقوق والواجبات؟
هل تستطيع ان توثق له الموافقة على حكم ديني بالشمال الجغرافي أو حتى بالسودان؟
هل تقف الحركة مع سودان موحد ديمقراطي يتمتع به الجميع بنفس الحقوق والواجبات؟ أم هناك أسبقيات وخطة (أ) وخطة (ب)؟
هل المطلوب من الجميع الفرجة لحين الفراغ من الفترة الانتقالية وحق تقرير المصير - ام لديكم برنامج أخر؟
بعدين يا أخ أنت عمر البشير ده مش يا هو زاتو عمر بتاع نيفاشا؟ وبتاع مجلس الرئاسة؟ وبعدين من الذي قال للشمال ان يأخذ حصته من نصيب المؤتمر الوطني .....إلخ أنت نسيت ولا شنو؟
......
|
دينق
سلامة النظر والفهم!!
المهم – اترك عنك المخاتلة ووثق لاتهاماتك!
وعشان تفحمنا بالمرة كمان عرج على ما تبقى من أسئلة(الاقتباس) - المطلوب إجابة على قدر كل سؤال!!
مع شكر
= = = = = = = =
السودان لكل السودانيين
المجد لشعب السودان ... المجد لأمة السودان
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: sultan)
|
Quote: يا عادل..
ما كفاكـ ولغ في دم أهل دينق ولهاثكـ الجاي يهوهو مثل الكلب وراء دينق.. |
أبورزقة القوقلى:
أربأ بك من الدفاع عن عشاء لن يسمح (بضم الياء)لك بأن تغسل فيه صحنا(موضة الخرطوم الرسالية اليومين ديل فليبينين ساكت ).و أبقى فى عوارتك الأزلية والنباج لأسيادك من الإعراب ولن يسمعك أحد ولو أذنت فى مزرعة الجنادرية كأول مؤذن لأن الآذان الحقيقى لأسيادك من الإعراب يأتى من واشنطون.تصبح عل مزيد من الجهل
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
الاخ دينق الان لا فرق بين جميع المجتمعين يسار ويمين برنامجهم واحد
هو تمزيق وضياع السودان انظر الي التعيس سوار الدهب بعد ان اضاع هبة الشعب السوداني في مارس ابريل الان يجرجر اذيال خيبته لزيادة الفرقة والشتات
هل السودان ليس به فصيل للمراة لكي تحضر الاجتماع وهل الحركات التي تمثل شرقنا وغربنا والجنوب الا يجدر بهولاء الاقزام ان يدعوها الي هذه الكعكة المسوسة لعل السم يسري في جميع الاجساد
وا خوفي علي وطن يتربع في قيادته هؤلاء
واتفق مع عادل اسحق ان الدولة الدينية يجب ان نحاربها وندعو لفصل الدين عن الدولة لان لو استمر الحال هكذا لن نجد دولة لكي تجد دين سيحمل اي فرد دينه ويرحل الي جهات غير معروفة
لابد من كشف سوار الدهب ربيب الجبهة الاسلامية ومن والاه الي يوم الدين
نحو فضح لجنة عثمان عبد الله وسوار الدهب ومن كان خلفها
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: الإجابة على الأسئلة يا دينق أفضل من صرف الكلام العاطل!!
نقاط الخلاف محددة بما ورد سابقا.
بعدين يا أخي من الذي دافع عن اللقاء؟ |
سلطان.
أسئلة شنوا يا راجل؟
أنا لا أحتاج أن أسئلك أسئلة, أنا عارف الحزب الشيوعي بعمل في شنوا وما يقوم به في "الخفاء" فهذا لا يعنيني.
موقف الحزب الشيوعي السوداني من القضايا الرئيسية هزيل جدا, ويبدوا لي أن الحزب الشيوعي صار يعمل جنبا لجنب مع حزب الامة جناح الصادق المهدي.
أين هي تصريحات قادة الحزب حول القضايا المصيرية؟ لماذا صارت الحركة الشعبية هي الوحيدة التي تتحدث عن دستور علماني للسودان الجديد؟
الحزب الشيوعي صار حزب تأئه وبدون دماء جديدة تدفع العمل للامام, لقد حان موعد تكريم القيادة الحالية ونزولها للمعاش. لا يعقل أن يكون محمد إبراهيم نقد سكرتيرا عام للحزب لأكثر من 40 عاما, فعن أي ديمقراطية وتعددية تتحدثون؟
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
| Quote: ملاحظة: خفف من حكاية جلابى دى لانها أصبحت بلا معنى في منبرنا هذا |
الاخ معتصم مصطفي الجبلابي
احييك علي كلامك داواثنيك عليه
الاخ جوك اتمني انك تتطلع علي الكلمات الجميله دي احتمال تغير رايك
في استخدام العبارات العنصريه دي لانو بالجد كده بايخه
Quote: اتقولين اسود؟؟؟
اتقولين اسود؟؟؟وكل من يزور الكعبة يقبل لونى بانحناء
السواد صندوق سر رحلات القضاء
السواد بترول هو مبدل صحاريك لواحة خضراء
لولا السواد ما سطع نجم ولاظهر بدر فى السماء
السواد هو لون بلال مؤذن لخير الانبياء
لولا السواد لاسكون وسكينة بل تعب وابتلاءاتقولين اسود
اتقولين اسودوالسواد فيه التهجد والقيام والسجود والرجاء
فيه الركوع والخشوع والتضرع لاستجابة الدعاء
فيه ذهاب نبينا من مكة للاقصى ليلة الاسراء
لو ضاع السواد علينا ان نستغفر ونجهش بالبكاءعزيزتى:-
تاملى الزرع والضرع وسر حياتنا فى سحابة سوداء
اسمعينى والله انتى مريضة بداء الكبرياء
انصتى الى نصيحتى ياامراة والى وصفة الدواء
عليك بحبة مباركة من لونى مع جرعة ماء
انالست مازحا وستنعمين والله بالصحة والشفاء
سامحينى يا مغرورة لكل حرف جاء وكلمة هجاء
وكل ماذكرت هو حلم فى عقدة ليل اسود او مساء
لااسود ولاابيض بيننا فى شرعنا سواء
كلنا من خلق الله الواحد من يعود الى ادم وامنا |
ولاممكن تخش البوست
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: الاخ دينق الان لا فرق بين جميع المجتمعين يسار ويمين برنامجهم واحد
هو تمزيق وضياع السودان انظر الي التعيس سوار الدهب بعد ان اضاع هبة الشعب السوداني في مارس ابريل الان يجرجر اذيال خيبته لزيادة الفرقة والشتات
هل السودان ليس به فصيل للمراة لكي تحضر الاجتماع وهل الحركات التي تمثل شرقنا وغربنا والجنوب الا يجدر بهولاء الاقزام ان يدعوها الي هذه الكعكة المسوسة لعل السم يسري في جميع الاجساد
وا خوفي علي وطن يتربع في قيادته هؤلاء
واتفق مع عادل اسحق ان الدولة الدينية يجب ان نحاربها وندعو لفصل الدين عن الدولة لان لو استمر الحال هكذا لن نجد دولة لكي تجد دين سيحمل اي فرد دينه ويرحل الي جهات غير معروفة
لابد من كشف سوار الدهب ربيب الجبهة الاسلامية ومن والاه الي يوم الدين
نحو فضح لجنة عثمان عبد الله وسوار الدهب ومن كان خلفها |
الاخ صبري.
يجب مواجهة مثل هذا الاجتماع بكل حزم, خصوصا مشاركة الجلابي محمد إبراهيم نقد يجب تعريته ويجب فضح توجه الحزب الشيوعي السوداني.
أما أخونا سلطان العاوز يتحدث لي عن كتابات ومواثيق قديمة فهي لا تعني لنا شئ والبيان بالعمل.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: ابراهيم على ابراهيم المحامى)
|
دينق
يا اخى هناك فرق بين التعليق (خارج السياق هنا في حالتك بكل أسف) و تقديم إجابات مباشرة لأسئلة محددة حول موضوع معروف!!
لولا مخاتلتك وعقلك المريض لسلكت أسهل الطرق لنقد هذا اللقاء – مثلا .. الكل يعلم ان الإنقاذ لا أجندة لها غير الاستحواذ والانفراد – مبادرة سوار الدهب أو غيره مشروع علاقات عامة للإنقاذ ...الخ
أو يمكنك الاستعانة بمثل هذا:
الأستاذ محجوب محمد صالح: بعيداً عن الطرح العاطفي
بعدين المشكلة في شنو؟ أنت زول عايز انفصال وترفض اى تحرك سياسي قد يؤدى في تصورك (القاصر) لتقويض ما تبقى من اتفاقية السلام الشامل. أنت ضد اى تحرك حتى لو كان في شكل مسيرة سلمية ضد الغلاء!!! قول الكلام ده بوضوح شديد! لزوم الاستهبال والجمبزة شنو؟
المشكلة الأساس هنا يا دينق.. أنك تعمدت الكذب والإصرار على المكابرة – ده بكل أسف سلوك معيب، ودى مشكلة الأخ صبرى الشريف ما حيقدر يحلك منها!!
Quote:
..... يتحدث لي عن كتابات ومواثيق قديمة فهي لا تعني لنا شئ والبيان بالعمل
|
مرة أخرى مثل هذا الكلام عاطل لا يحتاج منا لرد ... فقط تذكر
يـا أيُّها الرَّجُـلُ المُعَلـِّمُ غَيْرَهُ ......
لا تـَنْهَ عَنْ خُلـُقٍ وَ تأتي مِثلـَهُ ..................... عارٌ عَليْـكَ إذا فَعَلتَ عَظيمُ
= = = = = = = = =
السودان لكل السودانيين
المجد لشعب السودان ... المجد لأمة السودان
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: الاخ معتصم مصطفي الجبلابي
احييك علي كلامك داواثنيك عليه
الاخ جوك اتمني انك تتطلع علي الكلمات الجميله دي احتمال تغير رايك
في استخدام العبارات العنصريه دي لانو بالجد كده بايخه |
الاخت فدوة الشريف.
الكلام الناقلاهوا لي ده أصلا موجه لأحد الجلابة السودانين الذين يدعون أستعلاء عرقي زائف ولقد وجد ذلك الجلابي عدالة ألهية نبهته الى العنصرية في بلده السودان فهل أنتي مستعدة لكي تتعايشي مع العناصر السودانية الاخرى في السودان يا فدوة ولا ده كلام مثقافاتية ساكت؟
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
اخونا دينق
المعادلة الاصلية مقلوبه هنا.. واللمه دي مناسبة صوره Photo opp بالنسبة للبشير ليس الا ، وحسب عقلية اهل الانقاذ بتساعد في خلق انطباع لدى الشارع العام انه فى توجه (صادق) من قبل الحكومة للتحول الديمقراطي .. لكسب قليل من الوقت ؟؟
وده مفهوم لكل متابع ..
لكن المامفهوم مشاركة (الاحزاب العربوسلامية) في هذه المسرحية؟؟؟ لو احسن الذى بعضه اثم ؟؟ الفائده منو للوطن شنو ؟؟ اما فائدة احزابهم فهذه لا شان لنا بها ؟؟
المعادلة المطلوبه ان الصف الوطنى يجب ان يشبه السودان بكل ما تحمل الكلمة من معنى .. ولكن جاءت لجنة جمع الصف فجمعت فى راي غلط .. وكان حصيلة جمعها انها شافت الناس البتشبها والذين يرجى منهم تحسين الصورة؟؟
اتفق معك في انعدام الحاسية السياسية والاجتماعية لدى المجتمعين غيبت عنهم ضرورة المناداة بان يضم العشاء (الصف الوطنى) في معناه الاشمل .. والمعذرة لهم لانهم هم الصف الوطنى المجموع .. ما عليك .. فالصف الوطنى لا يحتاج لعشاء لكى يحلى وجه الانقاذ القبيح .. والصف الوطنى الحقيقى متشابكه فيه ارواح ودماء السودانيين من الجنوب والشرق والغرب والشمال والوسط ..
والاسم الحقيقى للجنة هذا السوار هى تمزيق الصف الوطنى .
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: اخونا دينق
المعادلة الاصلية مقلوبه هنا.. واللمه دي مناسبة صوره Photo opp بالنسبة للبشير ليس الا ، وحسب عقلية اهل الانقاذ بتساعد في خلق انطباع لدى الشارع العام انه فى توجه (صادق) من قبل الحكومة للتحول الديمقراطي .. لكسب قليل من الوقت ؟؟
وده مفهوم لكل متابع ..
لكن المامفهوم مشاركة (الاحزاب العربوسلامية) في هذه المسرحية؟؟؟ لو احسن الذى بعضه اثم ؟؟ الفائده منو للوطن شنو ؟؟ اما فائدة احزابهم فهذه لا شان لنا بها ؟؟
المعادلة المطلوبه ان الصف الوطنى يجب ان يشبه السودان بكل ما تحمل الكلمة من معنى .. ولكن جاءت لجنة جمع الصف فجمعت فى راي غلط .. وكان حصيلة جمعها انها شافت الناس البتشبها والذين يرجى منهم تحسين الصورة؟؟
اتفق معك في انعدام الحاسية السياسية والاجتماعية لدى المجتمعين غيبت عنهم ضرورة المناداة بان يضم العشاء (الصف الوطنى) في معناه الاشمل .. والمعذرة لهم لانهم هم الصف الوطنى المجموع .. ما عليك .. فالصف الوطنى لا يحتاج لعشاء لكى يحلى وجه الانقاذ القبيح .. والصف الوطنى الحقيقى متشابكه فيه ارواح ودماء السودانيين من الجنوب والشرق والغرب والشمال والوسط ..
والاسم الحقيقى للجنة هذا السوار هى تمزيق الصف الوطنى . |
الاخ عادل صالح.
الرسالة واضحة جدا.
الدعوة خاصة لأحزاب الشمال, الاحزاب التي خربت البلاد وتريد أن تستمر في نفس النهج التخريبي.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: sultan)
|
الاخ سلطان
حسب ما فهمت من كلام دينق انه يقول ان الحزب الشيوعي صامت عن قضية الدين والدولة
وان موقف الشيوعي وهذه الاحزاب يتلاعب بقضية الوحدة وانها تتعامل كلها كاحزاب شمالية - جلابية - .
وانك تحاول ان تنفي هذا وتصبغ عليه صفة الجهل ..
في هذا الاختلاف دينق على حق فموقف حزبكم من قضية الدين والدولة مائع ومضطرب
وكذلك هو يصنف نفسه كحزب شمالي - او نقد على الاقل يصنفه هكذا - ولا ارى له اى مجهودات لدعم عملية الوحدة
وهذا الاجتماع الاخير يعزز مناخ عدم الثقة ولا يصب في مصلحة الوحدة ويعزز كل كلام دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
| Quote: A person who lies and then refuses to entertain any correction and perpetually changes the subject is hardly a person who can be shown much beyond his contemptible ways, which unsurprisingly he has declined to challenge or protest in any way |
Sultan
Using big words and vocabulary will not going make you a good English writer, when you changed your simple words to a big words automatically you will lose the meaning. And the readers will not understand your intend. This is my advice to you.
| Quote: نصيحة - لو كنت في محلك لغادرت خيط ابوساندرا على الفور لان الزول ده عنده مشاكل ومطالب كثيرة .. مفصولين.. وحريات .. قوانين ديمقراطية .. محاربة الغلاء... ويؤيد المظاهرات السلمية ويهتم بكل جزء من قطر اسمه "السودان" وأنت يا عزيزنا ما عندك غير التهريج والإسفاف والتقول على الغير بما ليس فيهم والمراوغة ... والحكاية التانية!! |
سلطان.
الحوار هو نفس الحوار لم يتغير به أي شئ. أنا مازالت عند رأي, الحزب الشيوعي السوداني ينتهج الان نهج جلابي واضح. فهل من الممكن أن تشرح لي ما هو سبب وجود محمد إبراهيم نقد في مثل هذا التجمع الجلابي ولا النسى قديموا تاه؟ واضح جدا أن الحزب الشيوعي يتبع سياسات تخبطية كبيرة ولا يدري في أي أتجاه يسير, وبصمات الصادق المهدي في الحزب الشيوعي بدأت تظهر يا سلطان ألحقوا.
بعدين أنا عندي لك سؤال.
أنت كواحد من أبناء الهامش(غرب السودان) أين دورك في المحارق التي تدور في غرب السودان؟ لم يفتح الله لك فما يا سلطان, ها هذا هو خط ونهج الحزب الشيوعي السوداني وأنت عليك أن تطيع خط الحزب أم أنت ما عندك رغبة أصلا تتكلم عن غرب السودان؟
ينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
الأخ عادل
أصل الإشكال بالنسبة لى هنا لا علاقة له بموقف محدد من اللجنة أو العشاء أو التعرض للأستاذ نقد بما فيه – أنا اعترضت على ما كتبة دينق هنا:
Quote:
الاخ عادل أنظر الى الموقف السياسي اليوم, أين يقف الصادق المهدي,الميرغني ومحمد إبراهيم نقد؟ هل م مع سودان جديد حر ديمقراطي يتمتع به الجميع بنفس الحقوق والواجبات؟ هل هم مع قيام دستور علماني يحفظ وحدة البلاد؟ |
هل فعلا يعارض الأستاذ نقد "قيام دستور علماني" كمدخل للمحافظة على وحدة البلاد؟ وهل هو فعلا ضد التعددية السياسية في السودان ومع التفرقة بين أبناء الوطن الواحد؟ ام كل هذا كان مجرد ابتذال وكذب متعمد من قبل دينق!؟
استهجنت ان يصدر مثل هذا القول المغرض من شخص يؤيد مخرجات التفاوض المنفرد في الغرف المغلقة مع البشير وأركان نظامه – طالما ذلك يخدم قضيته - ويوافق على الحلول الجزئية للازمة السودانية ويوافق ويدافع عن تقسيم السودان إلى شمال مسلم وجنوب غير مسلم ويعارض بانتهازية فاضحة خروج المظاهرات السلمية – باختصار استهجنت ان يصدر مثل هذا القول المغرض من شخص يريد بقاء الأمور على ما هى عليه الان لتكون النتيجة الحتمية لمسلسل العبث هذا هي الانفصال.
= = = = =
السودان لكل السودانيين
المجد لشعب السودان ... المجد لأمة السودان
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: sultan)
|
دينق
قد تكون أنت في "دار الندوة" وتخاطب "الملأ" من ابناء الهامش، أما أنا فيكفيني فهمك أنت لما أقول!!
يا أخينا الزول "البكشف" ده يحتاج لقدر معتبر من الصدقية والموضوعية – وأنت مهرج بدرجة فارس!
دارفور: للمرة الثالثة نذكرك بترك الكلام العاطل - ما لا علم لك به لا يعني انه غير موجود!!
بعدين هل أنت بالفعل مؤهل لاستنطاق الغير!!!؟
= = = = = = = = = = =
السودان لكل السودانيين
المجد لشعب السودان ... المجد لأمة السودان
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
Quote: الأخ عادل
أصل الإشكال بالنسبة لى هنا لا علاقة له بموقف محدد من اللجنة أو العشاء أو التعرض للأستاذ نقد بما فيه – أنا اعترضت على ما كتبة دينق هنا:
Quote:
الاخ عادل أنظر الى الموقف السياسي اليوم, أين يقف الصادق المهدي,الميرغني ومحمد إبراهيم نقد؟ هل م مع سودان جديد حر ديمقراطي يتمتع به الجميع بنفس الحقوق والواجبات؟ هل هم مع قيام دستور علماني يحفظ وحدة البلاد؟
هل فعلا يعارض الأستاذ نقد "قيام دستور علماني" كمدخل للمحافظة على وحدة البلاد؟ وهل هو فعلا ضد التعددية السياسية في السودان ومع التفرقة بين أبناء الوطن الواحد؟ ام كل هذا كان مجرد ابتذال وكذب متعمد من قبل دينق!؟
استهجنت ان يصدر مثل هذا القول المغرض من شخص يؤيد مخرجات التفاوض المنفرد في الغرف المغلقة مع البشير وأركان نظامه – طالما ذلك يخدم قضيته - ويوافق على الحلول الجزئية للازمة السودانية ويوافق ويدافع عن تقسيم السودان إلى شمال مسلم وجنوب غير مسلم ويعارض بانتهازية فاضحة خروج المظاهرات السلمية – باختصار استهجنت ان يصدر مثل هذا القول المغرض من شخص يريد بقاء الأمور على ما هى عليه الان لتكون النتيجة الحتمية لمسلسل العبث هذا هي الانفصال. |
سلطان.
أرجوا منك أن لا تنيب لي كلام لم أكتبه.
أين زكرت أنا كلمتي ضد أو يعارض. أنا أتسأل عن موقف الحزب الشيوعي اليوم من تلك القضايا الهامة التي سوف يتوقف عليها مستقبل ووحدة البلاد.
فقط أنظر لنفسك لا تستطيع أن تأتيني لتصريحات قيادي شيوعي واحد خلال الشهريين السابقين عن تك الامور. أما حديثك عن تغير الوضع والنظام, لقد كان التجمع يقود العمل المعارض لأكثر من 15 عام لماذا فشل أن يقتلع نظام الجبهة بالقوة ولماذا كان الكفاح المسلح يقع عاتقه على أبناء الجنوب وحدهم؟ إذا كنت تريد فتح تلك الملفات أنا مستعد لك.
دينق.
| |
|
|
|
|
|
|
|
|
|
Re: أجتماع الجلابة" لقاء يجمع البشير ، الترابي ، المهدي ،ونقد بدار سوار الدهب " (Re: Deng)
|
جمع الصف الوطنى .... مهمة تخص الشماليين فقط ؟
رمضان محمد عبدالله
محاضر بجامعة بحر الغزال
[email protected]
كثر الحديث هذه الأيام عن جمع الصف الوطنى و أنشئى لها هيئة كاملة بقيادة المشير سوار الدهب و أخرين و إستمر عملها قرابة تسعة أشهر و إلتقت بعدد من القوى السياسية و ليس كل القوى السياسية فى البلاد . و السؤال الذى يجب أن يطرح هو ماهو الدواعى من إنشاء هذه الهيئة ؟ و ما هو المقصود بجمع الصف الوطنى ؟ و ماهو الصف الوطنى ؟ سنحاول فى هذا المقال التطرق لهذه القضية الهامة .
هل هنالك مشكلة تحتاج لجمع الصف أم لا ؟ . القضية فى تقديرى متعلقة بأذمة تداول السلطة فى البلاد فالمؤتمر الوطنى وفقآ لإتفاقية السلام الشامل تحوز على 52% من السلطة على المستويين التنفيذى و التشريعى ( حكومة الوحدة الوطنية ، المجلس الوطنى ) و هنالك قوى تتحدث بأنها أبعدت و لم تحظى بنسب ملائمة لحجمها لكى تشارك .
هنالك مجهودات بذلت لإجراء حوار بين الحزب الحاكم قبل التوقيع على نيفاشا و القوى السياسية فى البلاد ، فالمؤتمر الوطنى وقع على إتفاقية مع حزب الأمة فى جيبوتى و بموجبه إنتهت الأزمة بين قيادة حزب الأمة مع المؤتمر الوطنى و لكن عند تنفيذ الإتفاق إختلف الطرفين حول كيفية تنفيذ الإتفاقية و حول كيفية مشاركة حزب الأمة فى أجهزة الدولة مما أدى إلى حدوث تأزم فى صفوف حزب الأمة فالبعض قبل المشاركة و البعض الأخر رفض المشاركة و أدى إلى حدوث إنقسام و خروج عدد من قيادات حزب الأمة و مشاركتها فى الحكومة و البعض منها لايزال يشارك حتى الأن فى حكومة الوحدة الوطنية ، و بعد ذلك وقعت الحركة الشعبية على إتفاقية السلام مع المؤتمر الوطنى فى 2005 بنيروبى و التجمع الوطنى الديمقراطى وقع مع المؤتمر على إتفاقية القاهرة و ثم تم التوقيع على إتفاقية أبوجا للسلام و إتفاقية الشرق إذن ما هو المشكلة ؟ فجميع القوى السياسية وقعت على إتفاقيات مع المؤتمر الوطنى عدا عدد من القوى الرافضة لابوجا .
المطلوب من القوى السياسية الإلتزام بالعهود و المواثيق و العمل بمضامينها و إنذالها على أرض الواقع . طرحنا فى بداية هذا الموضوع عدد من الأسئلة منها ماهو الدواعى من إنشاء هذه الهيئة . فى تقديرى أن الدواعى تخص المؤتمر الوطنى لانها فى حالة عداء مع المجتمع الدولى ، فالفكرة تعود للموتمر الوطنى فهى من بنات أفكارها لانها إرتكبت جرائم فى دارفور وتريد أن يتحمل الجميع النتائج . ومهمة هذه الهيئة ليس هو جمع الصف بل هو إشراك الأخرين فى تحمل الجرائم التى أرتكبت فى حق إنسان دارفور ، فالنتيجة التى تتمناها المؤتمر من هذه الهيئة هو الوقوف معها فى حربها ضد المجتمع الدولى .
من خلال عمل هذه اللجنة تجد أنها تهتم بالأحزاب الشمالية فقط وفى الشمال لم تلتقى هذه الهيئة مع أحزاب شمالية أخرى كحركة تحرير السودان ( جناح منى ) و الحزب القومى السودانى بأعتبارهم أحزاب شمالية ، بل كان هم الهيئة الإلتقاء مع أحزاب الوسط النيلى ( من كوستى حتى حلفا ) فالهيئة غير معنية بالجنوبيين و الشرقيين و أبناء الغرب . و يمكن أن يوصف الحوار الذى يجرى عبر هذه الهيئة بأعتباره حوار بين الشماليين فى وسط السودان ( الحوار الشمالى الشمالى ) ، و الصف الوطنى عندهم ينتهى عند ( البشير – نقد – الصادق – الترابى – أحمد المرغني) ولا يشمل ( سلفا كير – مبارك مبروك – منى – عبدالواحد – احمد عبدالشافع – دريج – خليل – جوزيف أوكيل – وحتى بونا ملوال و جوزيف مالوال ) ، فهل المقصود هو جمع المجموعة الأولى ضد الثانية ، و هو سؤال تحتاج للإجابة من قبل هذه الهيئة المسماة وطنية .
أذا إجتمعت المجموعة الأولى و إتفقت هل سيحل كل مشاكل السودان ؟ . فى تقديرى هذا هو الأزمة لان السودان عند البعض يبداء فى كوستى و ينتهى فى حلفا فإذا حلت مشاكل التى تواجه الناس فى مثلث حمدى حلت مشاكل السودان ، أما القتل و التشريد و الإغتصاب فى دارفور فهى قضايا لاتهم هؤلا . و ما يؤكد ما ذاهبنا إليه هو أن هذه الهيئة وزعت مقترحات لأحزاب معينة ولم توزع لأحزاب المهمشين .
من الصعب فى أى بلد فى الدنيا أن يتفق كل القوى السياسية على مجمل القضايا المطروحة و لكن يمكن الإتفاق على عدد منها فمن القضايا التى يمكن الإتفاق عليها قضية النظام الإنتخابى و قانون الإنتخابات و على جميع القوى السياسية إنتظار الإنتخابات و عليها أن تعد العدة للإنتخابات و التنظيم الذى سيفوذ سنبارك له فوذه أما الحديث عن جمع الصف الوطنى فهو حديث لايثمن و لايغنى من جوع
| |
|
|
|
|
|
|
|
| |
Deng
Adil Isaac
تاج الدين عبدالله آدم
A.Razek Althalib
jini
shahto
sultan
معتصم مصطفي الجبلابي
هجو الأقرع
Mohamed Suleiman
Raja
Mustafa Mahmoud
MAHJOOP ALI
Abdel Aati
عبد الوهاب المحسى
فدوى الشريف
فيس بوك
تويتر
انستقرام
يوتيوب
بنتيريست