|
|
|
 Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
فعلا يا معروف سحب البوست لا يعني باي حال من الاحوال التوقف عن السرد ..
ويا ناذر فتحت الباب امام عدة تساؤلات في حق اشخاص نكن لهم كل الاحترام ..
...
فقط سؤال يا ناذر ..
هل الموضوع يتعلق بنزاهة وامانة احد منهم (شباب الامل) ...؟
..
افضل سيناريو رسمتو في ذهني بعد ما قريت البوست والله (كارثة)
وعلي الصعيد الشخصي بالذات وانت تعلم جيدا يا حبيب ماذا اقصد ...؟؟؟
..
.
.
سلام
مع كامل امنياتي للعزيزة (غادة نوري) بالشفاء العاجل ..
| |
 
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
اسئلة بسيطة:
شنو مشكلتنا احنا السودانيين مع الجمال ؟؟؟
ليه دائما بنحاول نشوه حاجاتنا الجميلة ؟؟؟
ليه دائما بنجيب مقص صدئ ونقطع بيهو رقعة من توب الفرح؟؟؟
ليه بنعمم الخاص وبنخصص العام ؟؟؟
شنو مشكلتنا احنا السودانيين مع النضافة ؟؟؟
ليه بنحب ننشر الوسخ ونخفي السطح البراق ؟؟
ليه لمن نشوف قطعة قماش بيضا بتجينا رغبة ننثر عليها الطين ؟؟؟
ليه بنحب المستنقعات بمويتها الراكدة وتماسيحها ... وبنتفادى الانهار الجارية بحلاوتهاونقاوتها ؟؟؟
شنو مشكلتنا احنا السودانيين مع الفرح ؟؟؟
ليه قبل ما فرحتنا تتم بنحاول نغتالها ؟؟؟
ليه قبل ما ضحكتنا تطلع بنطلق عليها الرصاص ؟؟؟
ليه وقت الزغرودة ببدا النواح ؟؟؟
طيب على الاقل كنا نخلي الشابة الحلوة الطلعت احسن ما فينا تسافر ...
وبعدين يبدا فتح الدفاتر وتصفية الحسابات ...
عشان تسافر وهي لسة فرحانة وفخورة ومطمئنة ...
ليه قبل ما تسافر بيوم عاوزين نهز ايمانا بكل شئ .. حتى بالامل ؟؟؟
احيييييي منكم يا ناس بلدي ... شتر في اي شئ ...
والله كرهتونا حتى في الفرح زاتو ...
تمشي وتجي بالسلامة يا غادة ...
وانشاء الله ما تقري الكلام دة قبل ما تسافري ...
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: خالد العبيد)
|
يا جماعة عاااااااااااادي
وسودانيز اون لاين ما يوتبيا
ولا هو مدينة فاضل
في كل التجمعات فيزيائية او اسفيرة فيها الصالح والطالح
واي مشروع فيه احتمال غش بنسبة معينة
والا نكون بنحمل ولا في مجتمع خيالي
فما تحملوا الموضوع اكبر من حقه
ولا تبحتو وراه
المهم المحصلة والمجموع
المحصلة انو حملة غادة نوري
ما اتكررت في البلد دي من زمن
عجبوني الليلة جو
ترسوا البحر .... الخ
وتقريبا ( والله اعلم ) ده اقل مشروع سوداني في هامش خيانة او اختلاس
فما تكبروا الموضوع
لانو لو كلام ناذر صاح وسكيتو الموضوع حا تمسخو الجهد المبزول وحا تعملوا تركيز على الخيانة الحا تكون حا ما تذكر
ولو كان كلامو ما صاح حا تمسخوا لينا الفرح الفرحناه بالموضوع ده
فما تقدونا عليكم الله
وغادة هسع في الصين
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: وليد محمد المبارك)
|
| Quote: وغادة هسع في الصين |
وليد
"تصحيح معلومة ليس إلا غادة لم تسافر بعد الصين
ولن تسافر غداُ لأسباب قالت عنها :إجرآات تتعلق بالمركز الذى ستسافر إليه "
..
موضوع كلام ناذر الخليفة ما حاقدر اذيد فيهو اكتر من القلتو والقالوا الناس الفى البوست ده
ويا ناذر تعال للجميع بمن فيهم إنت "قول الكنتا داير تقولوا" لخاطر ذمتك
زى ما قلت لى فى البوست أياهو
...
...
ـــــ
عارف يا معروف حمدين
أنا خايف من حاجة واحدة بس تحصل ,,!!!
حاجة بعيدة عن موضوع المصداقية والتشكيك ,,,الخ
..
..
بس الله يدينا "امل" ما تحصل
فهمتنى
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
ناذر الخليفة
في ذلك البوست الغير متوفر الان لظروف بكريه غامضة
انا كنت اهديت ليك جذء من معلقة زهير بن ابي سلمى
وَمَنْ لم يُصانِعْ في أْمُورٍ كَثِيرَةٍ يُضَرَّسْ بِأَنْيَابٍ وَيُوطَأْ بِمَنْسِمِ
وَمَنْ يَجْعلِ المعْروفَ مِن دُونِ عِرْضِهِ يَفِرْهُ وَمَنْ لا يَتَّقِ الشَّتْمَ يُشْتَمِ
الى
لسانُ الفَتَى نِصْفٌ وَنِصْفٌ فؤَادُهُ فلَمْ يَبْقَ إِلا صورَةُ اللَّحْمِ والدَّمِ
وَإِنَّ سَفَاهَ الْشَّيْخِ لا حِلْمَ بَعْدَهُ وَإِنَّ الْفَتَى بَعْدَ الْسَّفَاهَةِ يَحْلُمِ
سأَلْنا فَأَعْطَيْتُمْ وَعُدْنَا فَعُدْتُمْ وَمَنْ أَكْثَرَ التّسآلَ يَوماً سَيُحْرَمِ
وانت قلت لن تصانع
اذاً فلماذا التأخير
ناصر موسى
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
.
Quote: إعتزارك ما بيفيدك
و عزراً لي ( وردي ) إني أستلف مقطع منو
في الوضع ( المعفن ) دا .
يا نازر إتهاماتك ( الغبية ) طالتني و مجموعة من الشباب
أنا ما لاقيت أنبل منهم .
لكن السودانيين قالوا ( الما بتلحقو )
يا نازر بالرغم من إني بعرف نفسي كويس
و بالرغم من إني بصر إني أعرف كل البتعامل معاهم
و خصوصاً في العمل العام و السياسي
لكن البوست الكتبتو إنت دخلني في أجواء صعبة شديد
وزي ما قالت سناء جعفر أنا سعيت بي شدة إنو غادة نوري ما تقراهو .
لكن سعيت إني أماسك روحي بي إنو البوست دا هو
إنعكاس لي روحك ( الكعبة ) .
نصيحتي ليك
أقعد مع روحك و هذبها و صالحها .
أنا ما عافي منك لا دنيا و لا آخرة في حقي
ولا ود ولا أي حاجة بيناتنا
م.كرفس
|
Re: إعتذار ...
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معاوية كرفس)
|
يا جماعة الحاصل شنو؟؟؟؟؟؟؟؟
انا ماقريت البوست الانتو بتتكلموا عنه دا..!
لكن حسب ما فهمت. نازر بيطلق في اتهامات باطلة...
وانا بقول باطلة لاني ما محتاجة اثبات لامانة وتفاني كل
الناس الاشتركت في حملة الامل..
وللاسف نازر ما كان ضمنهم..لانه راجي يعزموهو!
عايز يرسلو ليهو مرسال خاص كل اسبوع عشان يتكرم ويشارك..
وبعد دا كله جايي يشكك الناس في امانة المجموعة
الكانت بتسعي ليل ونهار لمساعدة غادة..
ابتداء من زيارتها والتخفيف عنها..
مرورا بقراية القرآن في بيتها والدعاء ليها..
وختاما بالجهود الجبارة البزلوها عشان يجمعوا القروش
ويعملوا الحفلة...
مافي زول حيخلي البوست دا مالم نازر يعترف بكذبه وتلفيقه..
وانا شخصيا بطالبك يا نازر بالرد في البوست دا بوضوح تام ..
ولو سمرية وخالد ماسا وعبد المنعم وانعام حيمورة وكرفس وكل الناس العرقها
ساح في حر الخرطوم عشان يحصلو اجتماع او يلموا قرش لغادة سامحوك..
انا ما بسامحك..وربنا يوم الحق ما بيسامحك..
حسبي الله ونعم الوكيل..
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: A.Razek Althalib)
|
يا عبد الرازق
دايره اقول ليك كلام وبالواضح كدا
الإجتماع دا دعوتو كانت في البوست بتاع وليد دارفور
وناذر دا كونو ما دخل البوست ما مشكلة الناس الإجتمعوا
لأنو الناس عرفو من البوست وفاتو الألماني على عجل عشان يحصلو
وفي ناس كانو قاعدين في الألماني دخلو الإجتماع
والإجتماعات دي مفتوحة وما مقفولة على ناس بعينهم
وعلى فكرة عرفت من عصام عبد الحفيظ
انو ناذر من اوائل الناس الكانو في الحملة دي
السؤال هنا ليه ناذر ما تابع وسأل عن الحملة واجتماعاتها
دي بالذات ما بيتم ليها دعوات
دي الزول بجي براااااااااااااهو وبقول ممكن اعمل ليكم شنو؟
او انا بقدر اعمل كذا وكذا
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
طـــــق خاااااص
الوريف معروف حمدين
الساده المتداخلون ..
سلام هي حتي مطلع البحر ..
اما قبل ..
- بلغني ما قام به المدعو ناذر الخليفة وهو ليس غريبا علية كما بلغني بان
المدعو " ناذر " بمحكمتة بلاهاي قد امهل الاخوه المتهمين او الذين يدخلون حسب
لائحة اتهامة في دائرة الاتهام مدة زمنية محددة قدرها هو ب 24 ساعة لاصدار امر توقيف بعد ذلك
الي هنا وقلنا 24 ساعه ما بعيده .. باعتبار ان مثل هذا الكلام لا يحتمل مغامرات اسفيرية
فلم اكتب او اعلق ..
- والان وقد اكتملت المهلة الممنوحه " للساده المتهمين" نحن في انتظار مذكرات التوقيف
والبينة علي من ادعي ...
هامش ...
- وهذا للقراء .. بالامس قمت انا والاخ عبد المنعم سليمان والاخ بكري ابوبكر بمقابلة المدعو ناذر
بمنزلهم ..
وبحضور المذكورين .." سالت سؤال واضح وصريح :
ناذر اذا انت بتتكلم استنادا علي معلومة مؤكده تشير بالاتهام لشخص ما ذو علاقة بالعمل تصبح المعلومة ليست ملكا لك فقك فيبقي من حقنا ان نعرفها ليس من باب العلم بالشئ وانما لاجل الاتي :
- المسائل المالية لا يحق لاي منا العفو او السكوت فيها لان المال له صاحب وحده الذي يحق له ان يعفو
ويسامح ...
- توجية الاتهام بهذا التعميم فية تجريح لنزاهة مجموع من الناس لا نقبل باي حال من الاحوال ان يطالها كائنا من كان .
- قال ناذر : " بعد ان بحث شيء في "قوقل" لم اعرفة ولم يعرفة الحضور ايضا " :
بانة لا يملك معلومة حتي الان يثبت بها دعواه وكل ما رد به هو يري ان هنالك " همس" في المدينة"
وهذا بحضور المذكورين ايضا .
ولانني لست الان بصدد الرد علي ما قام به " فكل شيء باوانه .. والجزاء من جنس العمل " ننتظر نحن
المدعو ناذر و " قوقل" حتي ياخذ كل شيء مكانة .
طق خصوصي ..
- كان ناذر وكصاحب حق في هذا المنتدي قد تقدم هو" بنفسة" بطلب سحب البوست الاول لادارة المنتدي .
ولي عوده اكيده ...
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: خالد ماسا)
|
طق خاااااص جدا ....
سلام هى حتى مشرق الحق ....
ياربى هو الطعن فى نزاهة الناس واخلاقهم امر ساهل بالشكل دا ... يعنى مجرد كلام حايم فى المدينة تشيلو انت يا ناذر وتختو فى الاسافير وتضرب بيهو امانة ونزاهة عدد من الناس !!!!!!!!
والغريب انو ناذر موجود فى المنبر وقاعد يكتب فى بوستات انصرافية ومتجاهل الرد على الموضوع الاساسى .....
تجاهل الرد على الناس ليس حلا ... وانما تاكيدا لعدم تقييمك للناس والاشياء والمواقف .. فالامر ليس بيديك لتبداه متى شئت وتنهيه انى تريد ... كما امهلت المتهمين 24 ساعه للدخول لبوستك المسحوب "بناءا على رغبتك" وتقديم كشف حساب وتبرئة ذممهم .. انت مطالب ايضا بالرد وعدم التجاهل واخماد نار الفتنه التى اشعلتها ....
من اللحظه دى يا ناذر الخليفه ولغاية ما تتكرم بتوضيح الموقف كاملا انا وعدد من البورداب ما ح يكون عندنا شغله فى المنبر دا غير رفع البوستين ديل وفتح بوستات جديده فى حالة الحذف ..
ومحل رهيفه التنقد ان شاء الله ما تتلتق ....
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
كلمــة حق لناس ( حماية الأمل العام )
الناس الحلوين ..
المساكين .. الفقـــراء فى المال ..
الأغنياء بعقولهم .. وبسواعدهم ..
الواقفين علي جمر القضية ..
العفيفين .. السمحين ..
المهمومين بقضايا الوطن ..
وبأمر أبناء الوطن ..
قابلتكم هناك ..
كنت أستحي من النظر أليكم ..
أري فى العيون بريق من ضياء ..
وسحنة من عفاف ..
وجوه ما أنضرها .. فيكم شىء من سماحة الصوفية
وزهد الأتقياء ..
وقتكم ملك لغيركم ..
أياديكم لاحقة
البجي..
والبمشي ..
سمحين طبع وخصال ..
أخوان بنات
وبنات بقامة بنات بلدي ..
حلوات وعفيفات ..
وخدومات ..
كلام شنو .. البشبهكم أنتو !!!
وصيتي ليكم ..
عليكم بغادة نوري .. وأخوات غادة نوري
أبناء الوطن ..
وهموم البلد 00
أمانة فى رقابكم السمحة دي ..
ما عملتوه بصراحة اشبه بالخرافة
بس أنتم أصحاب المعجزات
وأكبر منها كمان ..
عارفين ليه بحبكم ..
لأنكم أخلاق !!!
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
يامعروف ...
تحياتى ...
ثقتنا فيكم لاتحدها حدود ..وان كتب الف بوست لن يؤثر
فى الامر ..وتظل الثقة كما الجبال العواتى التى
تهزم صرصر الرياح برسوخها وثباتها ..اخشى مااخشى
ان يأتى البوست الذى كتب خصما على اقبالكم على
عمل الخير ..اتمنى ان لايحدث ذلك ..واعلموا ان
الطريق الى الخير والعمل الانسانى صعب وقاسى ..ولاتحفه
الورود والازاهير ..وهذه هى الضريبة فتحملوهاونقاسمكم
من هنا (الاذى المعنوى) الذى طال الجميع ...
محبتى لكم جميعا ...
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: Nesta)
|
| Quote: كل من يتولى شأناً عاماً في السودان فهو متهم ولو صمتا وخصوصا اذا كان الشأن خيرياً وناذر ليس هنديا ويقع في اطار السودانوية .. فقط واصل يا ناذر لوضع الامور في نصابها لك وعليك .. |
الاتهام صمتا يقع فى شان الاثم الذى يحيك بالنفس و تكره ان يطلع عليه الناس
و اما اتهام من اختص بقضاء حوائج الناس و السعى بالخير بينهم ليس الا فعل من خلا قلبه من الخير و لم يحدثه بفعله و عميت بصيرته ان يرى الخير و ان يخالط اهله
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معاوية كرفس)
|
كثيرون افرحهم عوده النفير
وقيم النجده وسنده الملهوف
والتكاتف ضد المرض والجهل والفقر
هي قيم وممارسه مشروعه
من حقنا جميعا ان نفرح بها
ونتمناها ان تسود
وكنت قد التقيت وسمعت وقرأت ورأيت
مجموعه الامل النضره
رايتهم يلهثون ويعرقون ويبكون
حتي حققو ما حققو
زاروالمكاتب والبيوت ودخلوالمستشفيات
التقو بالكتاب والصحفيين
فعلو كل ما بمقدورهم
اليس حرام ان نسدد لمثل هذه المبادرات
طعنات مجهوله الهويه والاسباب
ما هي المصلحه في ذلك
الاتهامات ادت غرضها
لاتبخسو الناس اعمالهم
قل ماعندك او اصمت [لسنا علي استعداد
لاغلاق ابواب الامل المفتوح
لان فتحها لم يكن هينا
ولانها ملك للجميع
/B]
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
Quote: تمنياتنا لغادة نوري
بالصحة والعافية
وبنهاية لهذه الاحزان ... |
الأخوة الأعزاء،،
من أجل غادة ،،
من أجل أن تكون قيم الخير هي الراسخة،،
==
قمتم بعمل جبار ، وبواعث الخير فيكم
لابد أن تمتص هذه الهفوة في شموخ،،
==
من كانت نفسه مفعمة بكل ذلك الجمال فلا يكترث لما يقال،،
والروح الخيرة لا تتجزأ وتلف معها نقيضها،،
لذا إخوتي وأخواتي،،
من أصابه قول الأخ ناذر فليحتسب أمره لله فهذا فعل خير،،
الروح العدائية ستفسد عليكم الروح الجميلة التي صاحبت
العمل من أجل غادة ،،
من أجل تركيز الدعاء لأجل علاجها وحتى لا تفسدوا عليها فرحتها
بالجميع ، أرجو صادقاً تجاوز الأمر ووضعه في خانة التضحيات
الكبيرة التي أثمرت هذه الخطوة الإنسانية الرائعة،،
الأخ ناذر أعتذر ، مهما كان الذنب فهو أعتذر وهذا
يكفي ،، فهو أخ وحبيب للجميع ،، ومن مبدأ الخير وفعله
الذي نفخر به جميعاً،،
من أجل غادة ، :
((احبب حبيبك هوناً ما عله يكون عدوك يوما ما
ابغض عدوك هوناً ما عله يكون حبيبك يوما ما))
ولكم التحية والتقدير،،
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
Quote:
فاهمكـ يا ملكـ بس برضو تكتب هنا المشكلة شنو ؟؟؟
فى النهاية أتهامات .. ولكل منا حديث ما فارقة بالعربــي !!! |
...
خايف من انو باب الأمل
ينقفل بمثل ما يحدث ,,!! فمهتنى يا معروف
البوستات لا تكفى لرد الإعتبار للذين قاموا وساهموا فى عمل طوعى ,,
وولن ترجع دموع غادة نورى ,,,والبنات يوم امس ,,,ولا شعور الخزئ الذى إمتلانا به ,,
ولا ذلك التشكيك الذى ساور كل من قرأ...ثم ينجلى الامر "فى أنه قد سمع فلان عن فلان"
ويطالبك أحدهم بالعفو والعافية
!!
ــ
بى من الضيق ما يكفى لأناس كثيرين لمدى الحياة
حسبى الله ونعم الوكيل
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
.
السيد/ عبد اللطيف بكري أحمد
هسع أنا لو قلت ليك أمشي يا حرامي
و جيت تاني و قلت ليك ياخي معليش
بتقبلا مني دي .
تعرف أنا لمان قلت:
Quote:
يا نازر بالرغم من إني بعرف نفسي كويس
و بالرغم من إني بصر إني أعرف كل البتعامل معاهم
و خصوصاً في العمل العام و السياسي
|
كنت بعني الكلام دا تماماً .
أنا زمان في الجامعة كنت بقول
انو نحن ما عندنا غير سمعتنا الطيبة نراهن عليها
فلمان يجي زول زي دا ويهبش سمعتنا ما بنرحمو
ولا يمكن أن نغفر ليهو أبداً .
Quote:
الأخ ناذر أعتذر ، مهما كان الذنب فهو أعتذر وهذا
يكفي ،، فهو أخ وحبيب للجميع ،، ومن مبدأ الخير وفعله
الذي نفخر به جميعاً،،
|
لكل ما ذكرته عاليه
فهو لا أخ ولا حبيب
.
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
الفاضل معروف وحرًاس الأمل..
سلام ومحبة..
دي مشاركتي في البوست التاني:الجميع الأعزاء..
صباحكم زين..
أمبارح لما قريت بوست: ليه ما عزمتوني... الإتوجهت فيه الإتهامات (البلًوشي).. ما دخل ذمتي بي (نكلة) زي ما بيقول أهلنا المصريين.. للأسباب التالية:
1 - معرفتي بالشابات والشباب القايمين بالحملة والواضح تماما من تواجدهم في المنبر (للغاشي والماشي) إنهم ما ناس (شوفوني).
2 - بدأ البوست أو (تعنون) بشئ ولما جاءت الإجابة رد على سؤال عدم العزومة لإجتماع النادي الألماني، تحول (بقدرة قادر) لمناقشة الشئ التاني وهو الإتهامات في حملة الأمل.. حتى إني لأول مرة أشوف العزيز عصام عبدالحفيظ يفقد هدوءه وهو يلح على كاتب البوست بأن يحدد ويفصح (بالعربي).
3 - الإتهامات نفسها كانت (جخ ساكت) أو (في الهجايص) - برضو زي ما بيقول المصريين - ومافي أي جملة أو كلمة مفيدة تقول إنه في (عضم) للعربي البيتكتب ده..
..
تأكدت اليوم عندما قرأت مداخلة العزيز ماسا: (أنظر)
Quote: هامش ...
- وهذا للقراء .. بالامس قمت انا والاخ عبد المنعم سليمان والاخ بكري ابوبكر بمقابلة المدعو ناذر
بمنزلهم ..
وبحضور المذكورين .." سالت سؤال واضح وصريح :
ناذر اذا انت بتتكلم استنادا علي معلومة مؤكده تشير بالاتهام لشخص ما ذو علاقة بالعمل تصبح المعلومة ليست ملكا لك فقك فيبقي من حقنا ان نعرفها ليس من باب العلم بالشئ وانما لاجل الاتي :
- المسائل المالية لا يحق لاي منا العفو او السكوت فيها لان المال له صاحب وحده الذي يحق له ان يعفو
ويسامح ...
- توجية الاتهام بهذا التعميم فية تجريح لنزاهة مجموع من الناس لا نقبل باي حال من الاحوال ان يطالها كائنا من كان .
- قال ناذر : " بعد ان بحث شيء في "قوقل" لم اعرفة ولم يعرفة الحضور ايضا " :
بانة لا يملك معلومة حتي الان يثبت بها دعواه وكل ما رد به هو يري ان هنالك " همس" في المدينة"
وهذا بحضور المذكورين ايضا .
Re: السيد/ ناذر خليفة .. سحب البوست لا يعني التوقف عن سرد ما تبقي !!!!!
|
يعني ببساطة الموضوع (قوالة) حايمة.. كان الأفضل إنه يتأكد منها قبل ما (يلفحها) ويخت الجميع في قفص الإتهام في جريمة تتعلق (بمد اليد) و(دناوة النفس).
النتيجة الخلصت ليها:
أصبح هذا المنبر خطر للغاية..
يمكن ببساطة زول يجي (يرمي بلاهو) عليك ويطلع منها زي (الشعرة من العجين).. حصلت لي شخصيا، وحصلت لبشاشة وبتحصل دلوقتي مع المشاركين في حملة الأمل..
ولا يمكن (زخرفة) الأمر وتصويره إنه (عادي في الزبادي).. لأ
ده شئ ما عادي..
ولازم الناس تقيف بجد لمرة واحدة (على باب التغيير) ويحاسبوا الزول البيبهت الناس بدون دليل.. ولا حتى لـ (روحو) هو ما إتأكد..
لا نقبل أنه يجينا أي زول بهلوسة أو قوالة أمبارح سمعها ويختها هنا ويتوقع إنه ما يتحمل مسئوليتها..
الأحباب في حملة الأمل ووليد دارفور..
أتمنى إنه (حفر) زي دي ما تعطًل المسيرة البدأت هنا.. والأستمرار هو الرد الأمثل على أي شخص قاعد يتفرج وينظًر..
ودمتم..
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
Quote: بهذا أعلن إعتذاري لكل من مستهم حروفي وكلماتي بخصوص موضوع غادة نوري ..
وليعلم الجميع أن حرصي فقط على سلامة الامر برمته هو سبب فتحي لذاك البوست .. |
معروف.... الزول دا سحب البوست وأعتذر
دقانا واتعذر لينا.... مش خلاص؟؟؟؟
| Quote: البوست دا ما معروف بعمر ولا لا .. |
مع إنه قال الكلام دا...
يعني الولد خائف المتهمين يمسحوا البوست ويضيعوا القضية... شفت كيف؟؟؟
لكن زي ما قال حسين ملاسي
Quote: ناذر – يا جماعة – لو كان عندو حاجة
كان قالها في بوستو داك قبال ينشطب |
مع إنه البوست ما مشى الخور ... البوست إتحذف بناء على طلب صاحبه
| |
|
|
|
|
|
|
|
|
 Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: Tabaldina)
|
الاخ الكريم معاوية
الاخوة الكرام هنا
لا اعتقد ان الامر يشبه الامل
وليست هو سواء ابتلاء اخر لكم
لكم يحزنني ذلك ويشوه كل الجمال فينا
تشويه اللوحات من الفنانين
امر غريب و مستهجن ومدان .. الامل لوحة اعادت
لنا بريق الحياة التي دفنت في السودان
الخاص يسعكم اما العام فهو يشوه الجميع
لما يا ناذر تود ان تكون من يصيب القوم بجهالة
ولما لا تأتي ببينة علي حديثكم هذا والبينة ع من أدعي
المادة 159 من القانون الجنائي تسمي تشويه السمعة تسع هذا الامر ايضا
هل تدري انك طعنتنا أجمعين في مقتل
هداك الله
ولكم يا حملة الامل و صانعيه اقول
هذا ابتلاء
واياكم من خلوها مستورة
حسبي الله ونعم الوكيل
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
الأخ معروف و بقية الإخوة و الأخوات السلام عليكم و رحمة الله و بركاته ....
أولاً يا جماعة أنا ما عارف ناذر "هبب شنو" ... زي ما قال تبلدينا ...
و بحكم إنه زول زميلنا و أخونا في المنبر و لهذا أردت أن ألفت إنتباهه على هذا الموضوع
لكن لمن علمت بأن الموضوع فيهو ريحة عدم أمانة و إتهام تجاه هؤلاء النفر الخيريين من أخواننا و أخواتنا من حملة الأمل و في هذا الوقت بالذات و دون إظهار أي دليل محسوس حتى اللحظة تضايقت جداً و نسبة لعلمي بأخلاق هؤلاء و إن كان لم أقابلهم بل إتصلت ببعض منهم و كنت متابع من خلال المنبر و بالرغم من أن خالد ماسا جاء الإمارات و لم أستطيع أن أقابله و لظروفه و ظروفي لكن كانت هنالك إتصالات بيننا و تناقشنا بخصوص هذا الموضوع بالتلفون انا و هو و فيصل نوبي و حقيقة لمست من ماسا الجدية ... و كنت على يقين بأن الأمل سوف يكتمل...
فيا أخي ناذر ((إن الإسراع في اتهام الناس وتلويث سمعتهم ليس دينا، و الحكمة في معالجة الأخطاء مطلوبة وفي الحديث "إن الله بحب الرفق في الأمر كله") و قول الرسول صلى الله عليه وسلم قال : ( رب كلمة يقولها الشخص ، تهوي به في النار سبعين خريفا)..... يعني كان من باب أولى أن تلم الموضوع مع أعضاء حملة الأمل في الحوش الأرضي و ليس الإسفيري... على العموم حتى لو إقتنعت بأنك تسرعت و أخطأت تجاه هؤلاء النفر و أنت متأكد من شخص بعينه متورط بهذا الموضوع و عشان تُبرئ ذمتك و ذمة الأخوان و الأخوات ديل حاول أن تفصح عنه و بوجودكم جميعاً حتى تدرأ هذا الذنب العظيم عن نفسك ... و أخذ العفو و العافية من هؤلاء النفر قبل الخروج من هذه الدنيا الفانية حيث لا يذهب معاك إلا عملك.... و الله يٌهــدئ النفــوس ...
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
Quote: السيد/ عبد اللطيف بكري أحمد
هسع أنا لو قلت ليك أمشي يا حرامي
و جيت تاني و قلت ليك ياخي معليش
بتقبلا مني دي |
الأخ العزيز معاوية كرفس،،
لك التحايا والتقدير ،،
بالنسبة إلى سؤالك طبعاً بكل تأكيد لا أحد يقبل
إتهاما كهذا ، ولكن عليه أن يتوقعه طالما أنبرى
للعمل الخيري والطوعي في بلادنا المشاترة،،
أخي معاوية:
أنا مثلك يطالني هذا التعميم لأني قمت بحملة لجمع
تبرعات من أخوة أعزاء بالرياض ، وماكنت أود الكتابة
عن هذا الموضوع ولكني خشيت أن يقرأوا هذا البوست
وينتابهم قلق على مصير أموالهم ويحوم الشك حولي
بأني لم أقم بتوصيل أموالهم،،
إنفعالنا لايجب أن يكون بهذه الضراوة للرد على فرد واحد هو
ناذر وبهذه الحملة الشرسة وقد تلقينا من الإشادة مايزن أطناناً
من الورق وأنهار أحبار زينت جيد هذا المنبر لوقت طويل،،
هب الناس للمساعدة في علاج غادة لأنها حالة إنسانية أحسنتم تسويقها
كفريق وآليتم على أنفسكم إتمام ذلك وسعدنا بالأمس لقرب سفرها للعلاج،
ألا تظنون أن تناول الأمر بهذا الشكل فيه مساس بنفسيتها قبل العلاج؟
هل أنتم في حاجة لأن يعرف الناس صدق نواياكم وقد أخلصتموها للمولى
عز وجل؟
لن يشك فيكم أحد، وإن كان قصدكم من وراء هذه الردود إظهار البراءة،
فأنتم تنشغلون عن الموضوع الرئيسي وهو علاج غادة ،،
نسأل الله لها العافية ولكم خير الجزاء على صنيعكم ورجاء من الأخ
ناذر توخي الحذر في إثارة مثل هذه المواضيع التي فعلاً تطيح بأسهمه
كرجل تم أختياره بشبه إجماع في إستفتاء سابق على ما أذكر،،
والله من وراء القصد،،
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
كتب هيثم
| Quote: يعني كان من باب أولى أن تلم الموضوع مع أعضاء حملة الأمل في الحوش الأرضي و ليس الإسفيري... على العموم حتى لو إقتنعت بأنك تسرعت و أخطأت تجاه هؤلاء النفر و أنت متأكد من شخص بعينه متورط بهذا الموضوع و عشان تُبرئ ذمتك و ذمة الأخوان و الأخوات ديل حاول أن تفصح عنه و بوجودكم جميعاً حتى تدرأ هذا الذنب العظيم عن نفسك . |
أتمني أن أكون قد كتبت الأسم صحيحاً..
للمعلومة ناذر من أثار الموضوع فى بوست أستمر يوما كاملا ..
الظاهر أنك ما كنت متابع .. وأعذرك فى ذلك ..
ثم بعدها طلب بسحب الموضوع .. تابع مداخلتي هنالك مقتطفات مما كتب
كنت أتمني مثلك لو نوقش الأمر من الداخل ..
هو من أراد ذلك .. بما أنني أحد هؤلاء المتهمين ..
فالآن جاء دور كشف كل شىء هنا .. مهما كلف الأمر
لك التحية..
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
يا معروف أولاً ما تنفعل ساكت و شوف أنا بديت كلامي كيف أولاً بالسلام و ياهو دة تحت :
Quote:
الأخ معروف و بقية الإخوة و الأخوات السلام عليكم و رحمة الله و بركاته ....
أولاً يا جماعة أنا ما عارف ناذر "هبب شنو" ... زي ما قال تبلدينا ... |
و إنت جيت منفعل و شايت ضفاري و لا سلام و لا كلام و دة كلامك و هو بثبت صحة كلامي فوق:
| Quote: الظاهر أنك ما كنت متابع .. وأعذرك فى ذلك .. |
و بعدين شوف القطعة دي بادية بإسم منو:
| Quote: فياأخي ناذر (إن الإسراع في اتهام الناس وتلويث سمعتهم ليس دينا، و الحكمة في معالجة الأخطاء مطلوبة وفي الحديث "إن الله بحب الرفق في الأمر كله") و قول الرسول صلى الله عليه وسلم قال : ( رب كلمة يقولها الشخص ، تهوي به في النار سبعين خريفا)..... يعني كان من باب أولى أن تلم الموضوع مع أعضاء حملة الأمل في الحوش الأرضي و ليس الإسفيري... |
هل أنت المقصود أعــلاه ... و هل أنا جبت سيرتك و لا إتهمتك ادناه؟؟؟؟
| Quote: هو من أراد ذلك .. بما أنني أحد هؤلاء المتهمين .. |
على العموم إذا كان مداخلتي غير مرغوبة فأنا آســف و لا رجعــة ... القصد إنو أنبه أخي ناذر بحكم علاقتي معه و قول الحق....
سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك .....
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
الإنتقام من الآخرين لمجرد أنك ظننت بأنهم قد قاموا بإقصائك من الإجتماع
ولم يدعوك , الإنتقام منهم بهذه الطريقة شيء يفوق الوصف , ويدعونا جميعا للوقوف أمام التعدي الشخصي بهذا الشكل
تخيل بس يا ناذر لو أن أحد منهم فعل أكثر من الإقصاء الذي ظننته و اختلف معاك !!
ياربي كنت عملت شنو أكتر من كدا , أكثر من التعرض لذمم الناس والتشهير بهم ؟؟!!
يا ناذر ليس أمامك سوى الإعتراف بالخطأ
تعترف بأنك إتبليت على أناس شرفاء وهبوا وقتهم وجهدهم علشان عمل الخير لا استنوا مقابل ولا أشتكوا في يوم
تعترف بخطئك وتطلب منهم يغفروا ليك ويسامحوك إذا استطاعوا. ..
يمكن وقتها تخلي الناس ( أعضاء و قراء ) يحترموك تاني وينسوا العملته
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: نهال كرار)
|
| Quote: كل من يتولى شأناً عاماً في السودان فهو متهم ولو صمتا وخصوصا اذا كان الشأن خيرياً وناذر ليس هنديا ويقع في اطار السودانوية .. فقط واصل يا ناذر لوضع الامور في نصابها لك وعليك .. |
الاخ / معتصم ... سلام
لم يكن غريبا ان اقرأ اول مداخلة لك في هذا البورد بهذه الطريقة ..
فقد تعودنا منك مثل هذا الكلام ...
عشان ما تحرق روحك سريع ... فقط عليك بمتابعة الاخبار ووظيفة (مراسل صحفي) والشمارات الصباحية
يناسبك تماما هنا ... اما لو فاهم انك حتجي تفلقنا وتدوش راسنا بي جنس كلامك الاعوج (دبربليل) تبقي واهم ...
يا(ابو النون) ُرب كلمة قالت لصاحبها دعني ...
مااتغير فيك حاجة ...
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
سلامات
وعوافي
علي الصعيد الشخصي
هذا الشهر اضحى شؤما عليً ..
ان تنهزم في اعتقادك بمن حولك .. مصيبة ..
ان تبني ودك وحبك لمن حولك في وادي من الرمال المتحركة .. مصيبة ..
علي الصعيد العام
ان تعتقد في كثير من الناس .. ثم ياتي شخص بجرة قلم محاولا نسف اعتقاداتك بفرية او شائعة..مصيبة ..
ان تنسي "هذه المصائب" فهذا في حد ذاته "المصيبة بام عينها" ..
...
فلماذا يا ناذر .. لماذا فعلت ذلك ..
شخصيا مؤمن بجدية الاصدقاء في باب الامل ولن تاتي "حادثة" في هذا الكون "لتبدل" رايي فيهم ..
هؤلاء شباب بذلوا من وقتهم الثمين "لخدمة الانسان" ..فلا الخيانة تشبههم ولا الفساد ..
اذا لماذا فعلت ذلك ..؟
من اجل ماذا؟
وهل كرامة الناس واخلاقهم وقيمهم يمكن ان تداس وبهذه البساطة ؟!!
انت يا ناذر ارتكبت جرم "لا يغتفر" اللهم الا اذا "انزل الله علي قلوبنا عظيم السلوى او يسعد بعظامنا الرمس" ..
ومثلك هم كثيرون يا ناذر للاسف الشديد ..
وكل يوم سينهد جدار من المعزة بيننا وبين الاخرين "لنبنى في مكانه جدار اكثر لطفا لاناس اكثر لطفا في ظروف اكثر لطفا" ولتبقي الانسانية هي "الرسول بيننا" ..
تقدموا يا شباب الامل ..
فما ضاع حق وراءه مطالب ..
| |
|
|
|
|
|
|
|
|
 Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: معروف حمدين)
|
Quote:
ياخي فعلاً فهمت كلامكـ خطأ .. بعد مراجعتي لمداخلتك ولك أعتذاري الرقيق |
و أنا قبلت إعتـذارك يا معروف و قـد سبقتني بالأجـر ... و ربنا يوفقكم جميعاً ...
لكن يا معروف البوست أدناه ما بشبهكم و لا بشبه ناس الأمل ... يعني هل هذا بمثل رأي الجميع في هذا البوست؟ ... و راجع مداخلتي فيهو... فمعنى هذا البوست ليس هنالك أمل ... و أن الله غفور رحيم فما بال العبـد الضعيف ... أعرف و أشعر بمرارة الألم الذي يعتصركم جميعاً بل و أحس بالشرر الذي يحرق كبرياؤكم لكن .. قدر الله و ما شاء الله فعل ... و أنا واحد من الناس العافي منكم كلكم و واثق مما تقومون به و عشان الأخت غادة نوري يجب أن نتناسي هذا الموضوع بقدر الإمكان فليصبح من الماضي .. و خير الخطأوون التوابون...
مـا يجيـــنا زول يطالبنــا بي مسـامحـة نـاذر الخ...عفـي الله عمـا سـلف
و لك كل الشكـر..
| |
|
|
|
|
|
|
|
|
يعني الفيلم مدور من فترة
وكل ساعة تذداد حيرتي
وما قادر اصدق انو ناذر هو الشخصية الانتو بتتكلمو عنها
ولم ولن اصدق شئ في ناس خالد ماسا
بين هذا وذاك اين نجد الحل
ودي
ناصر موسى
| |
|
|
|
|
|
|
|
|
|
Re: السيد/ ناذر خليفة .. سحب البوست لا يعني التوقف عن سرد ما تبقي !!!!! (Re: Randa Hatim)
|
Quote:
.
هسع إنتا منعم و لا Nasser Mousa
و لو كنت منعم و رينا انت منعم منو و جيت من وين
عشان نعرف نرد ليك بالبشيهك
Quote: توقع
اتوقع ان يقوم احد الاعضاء/وات بكتابة بوست ي/تسهدف فية احدنا
قد اكون انا !! او غيري .. البوست المتوقع ظاهرة ادعاء التهذيب والاصلاح
ودفعا للعمل الخيري والانساني ولن اتبرع بما يبطنة فسيفضح
البوست نفسة ويفضح نوايا العضو/ة
المؤشرات !! تدل ع ذلك والاستعدادات والتهيئة تكون دائما بالماسنجرات
توقع
مجرد توقع
يهمني جدا ان اقول بانني لن ارد علي اي بوست بهذا الخصوص
في هذه الفترة لو كنت المستهدف !! وسارد عمليا
فقط عمليا
ولاعداء / وات القلة والحمد الله .. اقول دعونا نتنافس في الاعمال
الانسانية الكبيرة ففيها خيرا للوطن وللناس وللمنبر
اكرر للمنبر
محبتي للجميع الا من ابي
منعم
يا أخوي إتوقع زي ما إنت عايز
دا كلو ما بيغطي عورة صاحبكم
الشغالين من قبيل تغطغطوا فيها دي
لأنها كبيرة شديد و ما بتنستر ليكم بالساهل
أحسن ليكم أخجلوا بس .
و كمان ما أخيب ظنك يا منعم ولا Nasser Mousa
أنا من دربي دا ماشي أفتح بوست جديد
أها خمو و صرو و لموهو مع الصراهو صاحبكم داك .
عالم مقرف |
اعلن تعاطفي وايماني الكامل بالعمل الرائع لمجموعه الخرطوم ، وهذا يكتب لكم دنيا وآخرة
معاوية
ناصر موسي كل العملو جاب كلام كتبوا عبدالمنعم سليمان في بوست (عيون الحرية ) الزمااان ، هل تزكره ، واعتقد انه يريد ان يقول (فعلا كلام عبدالمنعم صحيح ) ،، احس بان درجة الغبن الذي تحسونه -ولكم حق في هذا - قد جعلتكم اكثر انفعالا ،،،
وتلاحظ ان منعم سليمان لم يتداخل في البوستين ربما لانه تنبأ بهذا ، وثتب موقفه مسبقا بانه لن يلتفت لاي ترهات مثل التي كتبها ناذر .
اعتقد انك ظلمت ناصر يا معاوية ....
لك ولمجموعة الامل في الخرطوم الف تحية ، واقول لهم جميعا (عندما اري ما فعلتوه لغادة ، تجعلوننا نحس بالضآله) ولي قدام ، فمهما حصل تذكروا ان هناك اناس خلقوا لقضاء حوائج الناس .
| |
|
|
|
|
|
|
|
معروف حمدين
Deng
انعام عبد الحفيظ
ملكة سبأ
أبو عبيدة البصاص
Zeinab
خالد العبيد
Hussein Mallasi
وليد محمد المبارك
الملك
معاوية كرفس
bayan
Samer Osman
A.Razek Althalib
رشا سالم
خالد ماسا
محمد عبدالرحمن
نهال الطيب
Raja
Ishraga Haimoura
Kostawi
Haytham Abdulaziz
ودرملية
نصار
رقم صفر
محمد حامد جمعه
فيس بوك
تويتر
انستقرام
يوتيوب
بنتيريست