|
Re: الحب في زمن الكتاحة ... أو (أنا باكره أسامة داوود) (Re: kabaros)
|
مو يا حلو..
حكايتك حلوة.. وإتهنا باي لحظة تلاقها.
تعرف أوزون ده ما أجمل حتة في الخرطوم.. جربتا مشيت برلمان كافيه؟ موبااااالغة أصلو ما بيبت للسودان بصلة. وزباينه غالبيتهم سودانيين حلوين.
في مزيكا حية وتقعد تطلب من الفنان اي غنية عايزها يغنيها ليك في ثواني.. وبقى حافظني لما يبدأ فقرته لازم يغني (Imagine) ..
وما يفوتني ارسل تحية كبيرة لصديقي حسن سنادة مرشدي في الخرطوم.
| |
|
|
|
|
|
|
Re: الحب في زمن الكتاحة ... أو (أنا باكره أسامة داوود) (Re: kabaros)
|
Quote: شيزوفرينيا جيل تذكر على آخر عمره ... بعد ما خلى صياعة ما صاعها وعكّ ما عكاهو ... قرّر انو يمرّق فينا عقده النفسية ... مرة على شكل مشاريع حضارية ومرة على شكل انتفاضات شعبية وحركات تحريرية ومواثيق انقشارية ولجان معنوية ... ومرة على شكل (حارس أوزون) ...
وبعد ده كلو ... يتكلموا عن كوننا جيل فاسد وقليل أدب ... أسع بالذمة منو العينو قوية ؟؟؟ |
ينصر دينك
| |
|
|
|
|
|
|
Re: الحب في زمن الكتاحة ... أو (أنا باكره أسامة داوود) (Re: kabaros)
|
عليك الله شوف اولاد الزمن ده ؟
يقول ليك حُب !؟ شوف قوة عينهم ؟ حبيبي يابابا ! بلاي تخيل ؟ والله انا أُمكم دي ما شفتها الا في الدخلة - هي بتكون بت عمو طبعاً- قلة أدب ساي . قال حب قال ، مسخرة فاضية ، وتتلاقو في الكفتريات ومقضنها كلها مسخرة وضحك والله نحن زمان ماكنا بنضحك زاتو ؟
_______________________________
سؤال علي هامش الزعلة يامظفر : أسه -دُنيا- موقفها بكون شنو من أُسامة داؤد ؟ سؤال تقني بسيط :
Quote: الأبطال: أنا وحبيبتي و(بتاع) السيكيوريتي ... وأسامة داوود |
أُسامة ده الغائب الحاضر ولاشنو؟ يعني ممكن تنطبق عليه غنيه " الشغل بالي وساكن افكاري" ...
| |
|
|
|
|
|
|
Re: الحب في زمن الكتاحة ... أو (أنا باكره أسامة داوود) (Re: abubakr)
|
العزيز معروف ... شديدة للدين ... على ما أظن أنا ختيت كتفي تحت راسها
رجا صاحبتي ... شكرا على (التيب) الخطرة وفيه بابا كوستا برضو لذيذ وراقي (لكن برضو عندي معاهم شكلة تانية) ... المرة الجاية لما تجي فسحينا معاك ياخ !!
وييين يا سنوية ... طيب قولي ليهو يشغلني في أي دال من الدالات وأنا والله والله والله أسحب البوست ده وأعمل واحد تاني (أنا بحب أولاد داوود وبكره أولاد مالك وإيييييه) قلنا ليكم (مشتاقين ومفلسين ... عبرونا)
العزيز وليد ... كيم دايرة صحيحة ؟؟؟
صديقي ابراهيم ... وين يا ؟؟ ... دنيا - الشاغلاك دي - أماكن زي دي ذاتو ما بتدخلها غالبا حتكون راكبة في الحافلة المتجهة (للديم) وتعاين مع البعاينو لكنها سترفع صوتها (أكلوا ... اطفحوا يا أولاد الـ #@#$)
وجود السيد أسامة في القصة دي ، على راي بطلتها - الحبيبة - هو تنفيس عن حقد طبقي دفين ... شفت الزولة دي حقارة كيف ؟؟؟
العزيز المعز ... اسع في أوزون وروتانا ويونيفرسال وبابا كوستا الجديد ومومن ومحلات المصريين وهافانا و و و و وو ... قروشنا كلها ماشة موبايلات وعضة !!
العزيز أبوبكر ... أولا شكرا على المناقشة الهادئة الجميلة وأخد كلامي الذي قد يبدو هزليا على محمل الجد
زي ما أكدت ... لا شيء شخصي مع أسامة داوود أو غيره وأنا متأكد أنه ما حيمر على البوست ده ولو مرّ لن يهتم ولو كان يبهتم ما كان كوّن (الامبراطورية) دي .. لكن هو صار شخصية عامة زي الممثلين واللاعبين والسياسيين يحبوهم ويكرهوهم الناس - لأسباب منطقية أو غير منطقية - المهم دي ضريبة ما ياخدوهو من شهرة ونجومية وأموال هي في النهاية من الناس ديل .. ودي برضو معايير في كل الدنيا
أنا مشكلتي الأساسية مع المعايير دي .. أول حاجة القوانين بتكون على الكل - بغض النظر عن ستايلاتهم وشكلهم وعرباتهم الراكبنها وجنسياتهم - لكن ده ما الحاصل ، أوزون دي - كمثال بس - ما فيها زول واحد من الشغالين بيتكلم عربي (بدون مبالغة) إلا بتاع السيكيوريتي ده ... لييه ؟؟!!!
يا جماعة المطعم الصيني في شارع المشتل فيهو بار فيهو كل أنواع الخمور ... علني ... بس تكون معاك خواجة !!!
مافي معايير ولا قوانين في البلد دي ... وأكرر أن أسامة يملك من القوة والنفوذ ما يعطيه الحق أنه يضع معاييره الخاصة - التي تتناسب ورؤيته - في جزيرته الخاصة وتطبيقها على (الجميع) بطريقة راقية تتناسب مع رقي المكان ..
احنا الحكومة معتبرانا مواطنين درجة تانية... والمنظمات الأجنبية معتبرانا درجة تانية .. واسع كمان ناس البيزنس كمان يعملونا درجة تانية - يعني لو ما بقروشنا يا أبوبكر ؟؟!!
ولا شيء شخصي
لكم جميعا شكري ومودتي وتقديري
| |
|
|
|
|
|
|
Re: الحب في زمن الكتاحة ... أو (أنا باكره أسامة داوود) (Re: kabaros)
|
اكيد يا صديقي .. ليس شخصيا ...واكيد اسامة كونه رجل اعمال يخاطب باعماله كل القطاعات وفق رؤاه واوزون لمخاطبة قطاع اصلا موجود اردنا ام ابينا قطاع(لحم راس كذلك) يريد اماكن من شاكلة اوزون وبمقاييس ومعايير وخدمات ومن يخدم في اوزون وانت وانا وغيرنا ليسو منهم الا ان صارت لنا امكانياتهم .. كان يمكن ان يكون اوزون كروتانا لمستثمر اجنبي ياتي بما يريد... محصلة الامر يتجاوز وجود اماكن مثل اوزون الي خلل في ميزاننا الاجتماعي والاقتصادي حين تتسع الشقة بين من يملك ومن لا يملك وحين التقاضل بين الوافد واهل البلاد يكون لصالح الاول نتيجة لسياسات مختلة ... الموضوع رغم كل ذلك كما ذكرت يستحق المناقشة فالامر امر وطن
مودتي ابوبكر
| |
|
|
|
|
|
|
Re: الحب في زمن الكتاحة ... أو (أنا باكره أسامة داوود) (Re: kabaros)
|
ياكبروس قبل كام واربعيين سنة لما شحنونا العساكر غصب الي خشم القربة كانت معلومات كل النوبيين عن الرعد والبرق والمطر والهبوب( خللك الكتاحة) لا تتجاوز مافي الاحاجي والكتب المدرسية ..ومن حسن تدبير العسكر ذهبو باهلنا الي هناك في بداية الخريف .. ومن لم يعيش خريفا تسوناميا فليذهب الي هناك ولاول مرة راي اهلنا ان السماء ليست واحدة وانا سماؤهم التي تركوها غصب غير سماء عجيبة تهدر وترعد وتزبد وتاتي يكتاحة بتاعة الخرطوم دي هبوب ساي جنبها ...عشت كتاحات الخرطوم قبل السبعينات ( تاريخ النفي الالزامي والاختياري) وكانت كالتي اري في الصورة غير ان الخرطوم كانت اصغر ولذا الجزء المتاثر بالكتاحة اصغر وما زالت الناس حينئذ قليلة الحراك الا فيما لزم اما خرطوم اليوم-كما سمعت- فهي في سبيل ان تصير مومبي (بمباي) زحمة ولخبطة ووساخة وناس اشكال والوان وسيارات من كل نوع وابقار وجمال واغنام وبرضو محلات زي ازوون وروتانا...
| |
|
|
|
|
|
|
Re: الحب في زمن الكتاحة ... أو (أنا باكره أسامة داوود) (Re: abubakr)
|
العزيز أبوبكر .. عارف ناس (قبل كم واربعين سنة وقبل السبعينات) الزيكم بقوا بيعانوا أكتر مننا بمراحل في السودان .. بيكونوا طاشين وما واقعة ليهم الأمور نهائي ..
على عكس جيلنا ... الهو تقريبا نوعين .. نوع ذكرياتو عن السودان كلها (إنقاذ) ونوع زينا أصلا مافي ذكريات .. والاتنين عايشين (اللحظة) وبس
لكن من الجميل أن نسمع ذكرياتكم خصوصا في الأمور التي - للأسف - لا نعلم عنها الكثير (زي التهجير) .. عالأقل عشان نتعلم
والأجمل أن تستمعوا وتناقشوا وتحكوا معنا بندية واهتمام واحترام متبادل بدون اعتبار لفارق سنين العمر .. وبدون استخدام حق الفيتو المكفول لكم بحكم هذا الغارق
فشكرا لك مجددا
| |
|
|
|
|
|
|
Re: الحب في زمن الكتاحة ... أو (أنا باكره أسامة داوود) (Re: kabaros)
|
الإبن أو الأخ كاباروس.. تحية طيبة.. ما أعرفه أنا من معلومات عامة..إنو إوزون مِلك لكل أسرة داؤود عبد اللطيف..لكن يمكن عشان أسامة هو الأكبر..أرتبط المكان بإسمه.
ما أعرفه أيضاً إنو المكان أصبح هدف لمروجي المخدرات و أصابته نوع من الفوضى الأخلاقية مما حدا ب أصحابه إلى إغلاقه يوم الخميس..على الرغم من الخسائر المادية التى تترتب على ذلك.
و ما أعرفه أيضاً أنو المحل يُقدم كل ما يُقدٌم ..طازجاً..لذلك تخرج عربة نهاية كل يوم..بما تبقى من منتجات اليوم ..إلى دار الأيتام أو أطفال المايقوما..أو كفالة اليتيم و غيرها من الجهات المحتاجة.
لذلك يا كاباروس..ما تزعل..
بتاع السيكيورتي لم يقصدك أنتَ أو صديقتك الحلوة..أو جيلك بكامله كما تصورت.. لكنه ينفذ تعليمات تحفظ للمكان صورته النقية النظيفة...و..تجعل من المكان تجمٌع أسري حميم.
تحياتي و أشواقي ل حبيبتك الحلوة.
| |
|
|
|
|
|
|
Re: الحب في زمن الكتاحة ... أو (أنا باكره أسامة داوود) (Re: kabaros)
|
Quote: ما أعرفه أنا من معلومات عامة..إنو إوزون مِلك لكل أسرة داؤود عبد اللطيف..لكن يمكن عشان أسامة هو الأكبر..أرتبط المكان بإسمه. |
شكرا ممكونة للتوضيح .. وهو كذلك لاولاد المرحوم عم داؤود او شركة دال وحيث ان واقع الاشياء والارتباطات الاسرية ..الخ تضع الاكبر في الواجهة فاسامة هو الذي في الواجهة دائما ...
يا كبروس...لكل جيل مكانه ومن الخطا ان يستولي جيل علي مقعد الاخر ... انا اؤمن قاطعا بامكانات الاجيال الاصغر لتشكييل عالمها دون تدخل ممن سبقوهم بحكم السن او الخبرة ..الخ ..معطيات الاشياء تتغير مما يجعل لاجيال اليوم معرفة اكثر بمعطيات اليوم ..ولكن ربما يكون للاكبر دورا في التنبيه بخلل راه هو من قبل وما زال ولا يريد للاصغر ان يتجاوزه دون وعي حتي يصلحه .. لا اؤمن بصنمية في الفكر او السياسة .. اري بنتي وهن في نهاية العقد الثاني او بداية الثالث اقدر مني علي التعامل مع معينات الحياة وفق معطيات اليوم ...دوري نصح وتوجيه وليس فرض فكر او راي ...انا اريد عالما لبناتي وجيلهن والاصغر"ولدي" والقادم افضل من الذي عشته .. الحوار بين الاجيال مهم وهذا ربما يفسر وجود امثالي في منبر واحد مع من في عمرك واصغر او اكبر قليلا كلنا نتعلم من بعض والمعرفة كيان متحرك لا ثابت يحتاج الي تغذية ورعاية واضافة وهو ليس حكرا علي جيل دون الاخر ...دور الاكبر ليس فقط في سرد حكاوي الماضي ولكن في ايصال صوت الماضي الي الحاضر ليستفيد الحاضر ياخذ منه ما يريد ويترك ما يريد ....انها رحلة مقدرة يسافرها كل جيل وفق المركبات المتوفرة في زمنه..
لكم مودتي ابوبكر
| |
|
|
|
|
|
|
|