نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 كتاحه في الخرطوم من النوع (أبو كديس) - بالصور
|
والمغرب داخل علينا ...
قلت أصل البيت سريع ، عشان الأولاد يلحقوا برنامج
الحديقة مع أولاد خالتهم ..
قال الحديقة قال!!!!!!!!!!!!!!
وأنا في شارع السيد عبد الرحمن (جنب فول أبو العباس)
ودا لزوم الجوعة – طبعاً الغداء بعد المغرب – حسب
العرف السوداني الجديد.
وهاك يا الكتاحه
قال الحديقة قال !!!!!!!!!!
كدي شوفوا الصور
وبعدين بجيكم
قالوا شنو قالوا ماشين الحدائق
إسماعيل حميم
.
|
|
 
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: أبو ساندرا)
|
Quote: غايتو الكتاحة دي بتكون طيرت نادية السر لغاية أنجمينا
لكن مابتكون أثرت على إنعام حيمورة
وفي رواية أخرى ، على عبير خيري
عشان ديل ثابتات في الأرض
ماشاء الله تبارك الله |
أبو ساندرا يا حبيب
والله ضحكت لمن سنوني المليان
سفاية ديك ظهرت
Quote: أها يا سماعين ح م
الجبونات كيف ؟
أوع تكون طارت
هي الأخرى ؟ |
بعد أقل من دقيقة جات ضلمة
تجلي فيها خشمك
تقول لي شنو ما عارف وكيف 
غايتو بس ربك يحفظ
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
إبن العم حميم..
أولا حمد لله على السلامة وبركة الجات سليمة..
تعرف لما جيت السودان السنة الفاتت قلت اصلو ما حأخاف من الكتاحة ولا المطرة.. وأول مطرة صبًت في نيالا وقفت تحتها لغاية ما إنتهت ورقدت بعدها عيانة شهر كده..
لكن تاني مطرة والكتاحات الجو.. قطعو قلبي وكنت لا بعرف أنوم ولا شئ، أفضل مصنقرة لغاية الصباح وأقول يا البرجعني لأمي..
كانت المطرة لما تجي شديدة ومدتها طويلة أقول بصوت عالي: خلاص كفاية.. زملائي كانو بيضحكو علي ويقولو: حتى المطرة رجا عايزاها بنظام..
ربي يغطي عليكم.. وعلى الناس البيوتها ورق وقش.. قلبي معاهم
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: Raja)
|
بت العم رجاء
سلمك الله من كل شر
بيني وبينك الكتاحه الزي دي بتخوف
لكن أنا ممن يستمتعون بالمطر الكثيف
| Quote: ربي يغطي عليكم.. وعلى الناس البيوتها ورق وقش.. قلبي معاهم |
هذه دعوة يحتاجها معظم أهل السودان
آمييين وقلوبنا مع الجميع
شوق أكوام
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
اسماعيل حميم
ازيك وسلامات لكل ناس السودان
اقول ليك حاجه
نفس قصة الحديقة بتاعتك دي حصلت في المملكه الاسبوع
الفات وفي مدينة الرياض بالذات
يوم الخميس الفات وقبلها الاربعاء وديل
اهم يومين للعيال هنا في السعوديه
لكن من المغرب عينك ما تشوف الا النور
كتاحه من النوع ابو حصحاص مش ابو كديس
يا سيدي الكتاحه ياها الكتاحه في كل مكان
بس الفرق انه هنا الكهرباء ما قطعت لكن العيال
باظت مشروعاتهم والاباء طبعا سعيدين بذلك ودوروا كشاتين
وبرضو وطني السودان احبا بكان
يا سودانية 2000
تحياتي
اسماء الامين
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
| Quote: سلامة الجميع .. كتاحة تفوت ولا حد يموت على كلام اهلنا المصريين |
الكتاحه دي كان بتكتل باقي ليك السودان
دا كان فضل فيه زول يا طارق يا أخوي
Quote: ضربت تلفون لصديق فى بحرى قال لي الكهرباء قاطعه وقاعد
حسه جنبه بنته الصغيره وشايفها طشاش طشاش .. |
طشاش والله زولك دا محظوظ خلاس
يا أخي أنا قربت أنزل من العربية أتبّن شارع الظلط!!
بس ربك ستر
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
اها المساء سمعت تحذير فى اذاعة خرطوم اف ام .. المذيع قال الناس تلزم بيوتها وما تطلع الا للضروره وقال لانه الكتاحه لونها اسود وحاتنعدم الرؤيه لانها كتاحه سوداء شايله تراب البطانه ( مع الاعتذار طبعا ) تعرفوا مفروض نقترح على الحكومه انشاء جهاز للانذار للكتاحات قبل وقوعها .. على الاقل الناس تعرف تتصرف ..
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: اسماء الأمين)
|
أسماء
مرحب بيك
يعني برنامجكم طرشق زينا (وهنالك فرق)
Quote: كتاحه من النوع ابو حصحاص مش ابو كديس
يا سيدي الكتاحه ياها الكتاحه في كل مكان |
بس سؤال !!
هسع عليك الله النرويج بتجي
فيها كتاحه ساكت خلي زي دي؟؟؟
| Quote: بس الفرق انه هنا الكهرباء ما قطعت لكن العيال |
دي نحنا إلا بعد مروي وكاجبار ودال وأعلي عطبرة
الله في
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
هذه ظاهره طبيعية ...
زيها و زى الزلازل و البراكين !!!
بعضها مناخى يحدث بمختلف الاشكال و القوة حسب موقع المنطقة على خارطة الكرة الارضية !! سوى ان كان فى شكل زحف رملى صحراوى ( كما نرى الان ! ) او جليد او تورنيدو او فيضانات او اعاصير مداريه مثل اعصار ( كاترينا !!! ) و لا علاقة لها بدين و تدين المنطقة و لا بموقف ( حكومات ! ) تلك المناطق من السياسة الدولية !!! كما يروج لذلك البعض من تجار الدين و الهوس و ائمة البلاط السلطانى ( عبدالجليل النذير الكارورى و غيره مثالا !!! ) !!!!!!!!!
كسرة :
عشان كدى الليله ما قدرت اتصل باهلى فى السودان و ربنا اقشع ( الغمة ! ) الانقاذية قبال المناخية !!!
عبدالماجد
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: محمد فرح)
|
Quote: دي تعتبر أكبر كتاحه جات السودان على الأقل من 18 سنه ...
الدنيا أظلمت تماماً بعد قدوم الكتاحه ... |
محمد فرح
سـلامات
بتكون في حالة زي دي غالباً في أوائل (أو بدايات) فصل الخريف
قبل ثبات الأرض بالأمطار.
أنا شاهدت مثلها عدة مرات فهي كظاهرة ليست غير طبيعية
ومتكررة ( بس يبدو لم تصادفها أنت)
Quote: الله يكون في عون ربات البيوت لأنو راجيهم جنس نضافه
وجنس قش ...أقترح على الأزواج المساعده لأن الموضوع سيكون
مرهق جداً حتى بوجود خادمه . |
أثني على هذا الإقتراح
فكميات الأتربة لا يمكن إزالتها من أول عملية نظافة
لابد من تكرار النظافة عدة مرات علّ وعسى يكون البيت
(وسخان بالتراب وليس مدفون)
الله يعينهم
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: أبو الحسين)
|
Quote: حمداً لله على السلامة صديقي حميم...
وبركة الوصلتو البيت طيبين... |
أبو الحسـين
يا حبيب
سلمك الله والجميع من كل شر
والله كانت جنس زرة بس ربك لطف
مطبات في الشوارع
وناس متهورين في الحركة
ومتهورين في السواقة
وسط دا كلو وإنت ما شايف
مجبور تمشي
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: Manar Mahsoub)
|
الاخ اسماعين
الكتاحة دى مهمة علشان الزراعة واللقاح وكده
وبالمناسبة الكتاحة والامطار فرصة طيبة للدعاء المستجاب
ياريت تكونوا دعوتم الله ان يصلح حال السودان ويوحد كلمة اهله
واما دعاء الريح " اللهم إني أسألك خيرها ، و أعوذ بك من شرها ".
" اللهم إني أسألك خيرها ، و خير ما فيها ، و خير ما أرسلت به
و أعوذ بك من شرها ، و شر ما فيها ، وشر ما أرسلت به ".
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: nazar hussien)
|
Quote: باقي لك يا سيف الدين اخوي الكتاحة دي كان
لمت في مركبك دي دعاك دا بتظكرو؟ |
لا يتأتى إلا للصابرين عند الإبتلاءات
اللهم أجعلنا وإياكم منهم.
نزار ســلامات ومرحب بيك
Quote: اسماعيل حميم...صور كتاحتك دي...فتنت فيني البنية
الصغيرة قالت الا اجيب ليها حلاوة قطن.
وقدر ما اقول ليها دي كتاحة...تقول لي...انت بس جيبا. |
والله أنا بين وبينك أنا زاتي شفتها كدي
لكن كدي سـؤال
دي بنتك ولا مختار ولدي؟
والله عكليت عكلتة
الله يحفظهم .. قول آميين
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: سيف الدين حسن العوض)
|
Quote: الاخ اسماعين
الكتاحة دى مهمة علشان الزراعة واللقاح وكده
وبالمناسبة الكتاحة والامطار فرصة طيبة للدعاء المستجاب
ياريت تكونوا دعوتم الله ان يصلح حال السودان ويوحد كلمة اهله
واما دعاء الريح " اللهم إني أسألك خيرها ، و أعوذ بك من شرها ".
" اللهم إني أسألك خيرها ، و خير ما فيها ، و خير ما أرسلت به
و أعوذ بك من شرها ، و شر ما فيها ، وشر ما أرسلت به ". |
سيف الدين حسـن
لم يترك لنا رسولنا الكريم عليه أفضل الصلاة والتسليم
أمراً خيراً كان أو إبتلاءً إلا وبيّن لنا دعاءه وما نقول فيه
ولا يتأتى هذا إلا لمن رحم ربي من الصابرين عند الإبتلاءات
اللهم أحعلنا وإياك منهم.
شكراً أخي على الدعاء وتقبل الله منك
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: Manar Mahsoub)
|
Quote: غايتو عريس امبارح ده كان ماكل فى برميل عديييييل كده ..
مش حله .. ده جاب للناس جبال ترابية مش كتاحة ... |
ســلامات يا Manar
برميل مقطوع بالطول كمان وملحوم
زي بتاع البقر داك!!
والله عرسو دا مفروض يعمل ليهو إعادة
وقالوا في ناس جايبين نوال الزغبي
قولوا ليهو يودي العروس العفريتة
يعملوا ليها كوافير عربات (إمكن تصلح للإستعمال)
{ما يجي واحدين ناطين أنا بضحك}
ربك يعين
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: عاصم ابوبكر حامد)
|
Quote: الاخ حميم
لك التحية
ربنا يستر على اهلنا فى السودان
الحمدلله انا برة الخرطوم ...
شكرا |
عاصم أبو بكر
مراحب
كيف أخبارك ربنا يجمع
قلت لي بره الخرطوم والله دي شكلها كتلحة
إقليمية ( يعني تأثيرها على منطقة إقليم مناخي كامل)
مش جاية من الاقاليم
سلمت وترجع بالسلامة
أبقى نشوفك
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
سلامات حميم
اها انا يادااااب قدر اخارج نفسي من تبعاتها
طبعا انتو (يالرجال) الفالح فيكم فتح طرف الدولاب شال هيدماتو واتخارج
ومشى (اتسنجك) في المكتب والله قال بي قول البتتأخر (وش غضبان غضب شديد)...
وحاة الله إلا نحن نتقطع ولا نشتغل حاوي
والموية قاطعة والكهرباء قاطعة
والراس اشتغل ...
أو الراس عايز غسيل
والغسيل عايز مطر
والمطر عند ربنا
ربنا جيب المطر
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
السلام لكل المشاركين .. احكي ليكم قصة سمعتها من والدى يرحمه الله وهي قصة حقيقية .. قال
.. فى وحده من اليونان كانت ساكنه جنبنا زمان وقررت العودة لوطنها اليونان ولما رجعت وبعد السلام من اهلها سئلت كيف كانت حياتها السابقة فى السودان .. قالت .. السودانيين من اطيب الناس يعني ممكن الاقي وحده فى الشارع تسلم علي وبعد شوية تكون صديقة وتعزمني فى بيتها بس السودانيين عندهم حاجه كعبه .. قالوا ليها شنو .. قالت .. ساعات يقوموا يهيجوا ويثورو دون سبب وكمان عندهم كتاحه ما شفتها الا فى السودان الدنيا تنقلب والسماء تبقي سوداء ويجيك احساس انه فى كارثه حصلت وبعد شوية الدنيا تهدا وكانه مافي شىء حصل وبيفضل من كل ده غير شوية تراب يدخل للواحد حتى فى اضاته .. اها الكتاحه دى زى الشعب السودان يقوم ويفور ويهدأ دون شىء ..
نسأل الله العفو والعافية
طارق
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: طارق أحمد أبوبكر)
|
Quote: ساعات يقوموا يهيجوا ويثورو دون سبب وكمان عندهم كتاحه
ما شفتها الا فى السودان الدنيا تنقلب والسماء تبقي سوداء
ويجيك احساس انه فى كارثه حصلت وبعد شوية الدنيا تهدا
وكانه مافي شىء حصل وبيفضل من كل ده غير شوية تراب يدخل
للواحد حتى فى اضاته .. اها الكتاحه دى زى الشعب السودان
يقوم ويفور ويهدأ دون شىء ..نسأل الله العفو والعافية
طارق |
طارق سـلامات ومراحب
يونانيتك دي خريجة الأحفاد علم نفس
ولا شنو!!
والله جضمتنا ليك جضيم
أياهو ذاااااتنا
وكتاحتنا ياها
اللهم أرحم والدينا رحمة تدخلهم بها فردوسك الاعلى
آمييين
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: ملكة سبأ)
|
| Quote: اها انا يادااااب قدر اخارج نفسي من تبعاتها |
Quote: طبعا انتو (يالرجال) الفالح فيكم فتح طرف الدولاب شال
هيدماتو واتخارج ومشى (اتسنجك) في المكتب والله قال بي قول
البتتأخر (وش غضبان غضب شديد)... |
سـلامات يا ملكة
أشواق أكوام ليك وحشة والله
ياآآآآهو زااااتو والله كتلتينا كتلة
Quote: وحاة الله إلا نحن نتقطع ولا نشتغل حاوي
والموية قاطعة والكهرباء قاطعة
والراس اشتغل ... |
إشتعل
شيباً .. وغباراً .. ابو رمليييي ترررا
حتى الآن الموية قاطعة عندنا
والمدام رفعت الراية عدييييل
Quote: أو الراس عايز غسيل
والغسيل عايز مطر
والمطر عند ربنا
ربنا جيب المطر |
دوها يا دوها
بالزمزم رشّـوها
كدي شوفي لينا مفتاح المخزن وين
الباقي هين
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
كنت في بحري ووصلت البيت بالعافية بس ما ركبت امجاد قلت تطير بي ركبت هايس ...
ما تقول نادية السر يا ابو ساندرا كانت في الالماني ..
لكن الغريب في الامر في حلتنا نزلت طائرة هلكوبتر حط بها الكابتن خوفا من هذه الكتاحة واتصرف صاح علا ناس البوليسة جوا حاصروا الطيارة وكانت هيلمانة كبيرة جدا ...
يكون فاكرين فيها متفجرات ولا شنو ؟ !!!!!!
الحمد لله على السلامة لكن سخانة الـ 52 درجة دي ما بتجيبها عليكم الله ...
بس بردت الجو اليوم ...
حميم.. بت اختي جبناها بالعافية من منتزه الرياض ...
الخميس قرب عوضهم ...
مشتاقييين
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: انعام حيمورة)
|
Quote: كنت في بحري ووصلت البيت بالعافية بس ما ركبت امجاد قلت
تطير بي ركبت هايس ... |
إنعام ســلامات
ومرحب بيك أكوام أكوام
اليوم داك كل الناس خافت من الأمجاد
التقول كانو فارزين هو في زول شايف حاجة!!!
| Quote: ما تقول نادية السر يا ابو ساندرا كانت في الالماني .. |
هي الزولة دي في؟؟؟
Quote: حميم.. بت اختي جبناها بالعافية من منتزه الرياض ...
الخميس قرب عوضهم ... |
هسع عليك الله باقي ليك كان لي خميس السنة الجاية
الترايب دي بتمرق .. إلا اكان تجي مطرة تغسلها
والعجب أنا
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: ALGARADABI)
|
ابو السباع يا صديق الصبا مشتاق ليك شديد و الله
ياخ انت صورك كلها من محل واحد؟ ما تتحرك شوية، ولا الكبر دخل و الحركة بقت بالبركة؟
بهظر معاك ساكت و عارف كان فضحتك بفضح روحي معاك ..
تحياتي لك و للصغار و امهم و خالص مودتي ..
الله يغطيكم من كتتاتيح السودان من السماء كانت او من الأرض ..
الصاوي
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: elsawi)
|
| Quote: ابو السباع يا صديق الصبا مشتاق ليك شديد و الله |
أبو الصيو يا حبيب
والله مشتاقين للأيام الحلوة النقية المليئة نغم وطرب
ألف رحمه ونور عليك يا مجدي
Quote: ياخ انت صورك كلها من محل واحد؟ ما تتحرك شوية،
ولا الكبر دخل و الحركة بقت بالبركة؟ |
تعرف يا الصاوي كل الصور دي أنا صورتها في أقل من دقيقتين
ما ممكن تتخيل مسابقتي للكتاحة دي جاية بي اكتر من 80
كيلو في الساعة لو ما الكاميرا قريبة ما كان لحقت فيها
إلا السواد
| Quote: بهظر معاك ساكت و عارف كان فضحتك بفضح روحي معاك .. |
يا عم الصاوي الكبر تهرب منو وين يا أخوي
متوسط العمر قالوا 65 سنة
أي حاجة كمل منها ثلثين خلاص منو العوض فوقها.
Quote: تحياتي لك و للصغار و امهم و خالص مودتي ..
الله يغطيكم من كتتاتيح السودان من السماء كانت او
من الأرض .. |
الله يخليك لي أولادك
بس المرة الجاية لمن ترجع السودان ادينا خبر من بدري
عشان ما نلاقيك في المطار وإنت راجع زي الفاتت
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: ALGARADABI)
|
Quote: العزيز حميم
والله مشتاقيين
والله الواحد نفسو فى كتاحة زي دى |
القرضابي
والله جنس كضب
إلا نلعب في الهلال ولا شنو!!!
الشوق مفاريك مفاريك
وأظنها من حديد ما زي حقات أماتنا شجر ساكت
Quote: بي سموم وسوافي
وحر سيافى
وكلمة مافي
وتسأل شن الحبب فيهو
ده الوطن الحر
أب لحما مر
الفعلو بسر
ما الحب في ذاتو مبرر كافي |
شكراً لإراد النص المعبر جداُ
Quote: قلتا لي كيف؟؟
حديقة؟؟
لكن مفارييكك عينة |
أنا ولا إنت الما بتتكلم إلا في الكورة دا
كلمها قول ليها الجكس زاتو بقي يتابع الكورة
مودتي
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
قلنا نكلمكم عشان الماشى الحدائق يعمل حسابو
توقعات بأتربة وأمطار في أجزاء واسعة من البلاد اليوم
الصحافة
توقع مركز التوقعات الجوية بمطار الخرطوم ان تتأثر اجزاء واسعة من البلاد اليوم الثلاثاء بالاتربة وهطول الامطار نتيجة لتقدم الفاصل المدارى شمال كريمة وابوحمد وشمال الولايات الغربية، وتقدم حزام السحب المتوسطة والمنخفضة شمالا، ومن المتوقع ان تصل درجات الحرارة فى ولاية الخرطوم في اعلاها الى 43 درجة مئويه وادناها 28 درجة مئويه مع نشاط رياح جنوبية الى جنوبية غربية مثيرة للغبار.
ويسود طقس حار نهارا ومعتدل ليلا جنوب البلاد مع نشاط رياح جنوبية خفيفة ومتغيرة الاتجاه والسرعة.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: ابوبكر على)
|
بت خالتى رسلت لى الايميل دا
سلامات يابكري كيف حالك عايزة احكي ايك عن اكبر مقلب لكن الغريب انو كان لذيذ جدا واتمنى انو يتكرر تاني الحصل انو زملائي ...عزموني حفلة ليالي النغم بالتومات في صالة سندباد في بحري &&&
التسجيل يوم الاحد وعرض الحلقة يوم الخميس & المهم كلمت... ووافق يمشي معاي والتذاكر جاهزة ونحن جاهزين & ونحن آخر قشرة وماشين هبت العاصفة الرهيبة وخلت الدنيا فوق تحت في ظرف اقل من دقيقتين والكهربا ضربت وحركة المرور توقفت تماما وبقينا في خبر كان في لحظة شبكات الموبايل كلها قطعت *ده كلو ونحن في المواصلات في لحظة حسيت اني ماحأرجع تاني ولحظة رعب شديدة المضحك انو العازمننا خايفين اكتر مني وعندنا زميلنا جاي مخصوص للحفلة ده كلنا قلنا ليو انت اكبر عارض وفكروا يحرمو من العشا لحدي ما يسافر اهلو
انا و... كل واحد فينا كان شكلو مضحك اكتر من التاني ورجعنا البيت وانتهت المغامرة
قالو لي بدل التومات يغنوا *الغرام قدري* نحن حنغني بدلهم**الغبار قدري.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: ابوبكر على)
|
Quote: اسماعيل حميم
تحياتى
غايتو انتو ياناس الخرتوم عليكم جنس محن
خوافين ساكت |
أخو بكري
أفففففففوووو
ها زول هييي
نحنا ما ناس خرتوم .. أمدرمان ساكت
ناس حر وتراب ماك عارفنا ساي
والباقي بتلقاه بالدرب 
بس أبقى قريب
Quote: نحن هناك بنسميها (الكبتة)
انا غايتو كنت مابقوم من سريرى لامن تصبح
بلقى نفسى مرسوم فى اللحاف |
باقي لي بتدمدم خوفه ساكت
قال انحنا قال!!
Quote: كانو بقولولنا قولو (يالنبى نوح)
لانها بتجى معاها دوابى |
يا أخي دي كتاحه ولا د. محمد عبدالله الريح!!
مودتي وشوق بحر ابوروف
إسماعيل حميم
.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: ALI KHAIR)
|
Quote: قلنا نكلمكم عشان الماشى الحدائق يعمل حسابو
توقعات بأتربة وأمطار في أجزاء واسعة من البلاد اليوم |
حدائق وين هو فضل فيها حدائق يا على يا أخوي
بس ربك يلطف من المويه والكهرباء وخلافه
Quote: الصحافة
توقع مركز التوقعات الجوية بمطار الخرطوم ان تتأثر اجزاء
واسعة من البلاد اليوم الثلاثاء بالاتربة وهطول الامطار نتيجة
لتقدم الفاصل المدارى شمال كريمة وابوحمد وشمال الولايات
الغربية، وتقدم حزام السحب المتوسطة والمنخفضة شمالا، ومن
المتوقع ان تصل درجات الحرارة فى ولاية الخرطوم في اعلاها
الى 43 درجة مئويه وادناها 28 درجة مئويه مع نشاط رياح
جنوبية الى جنوبية غربية مثيرة للغبار.
ويسود طقس حار نهارا ومعتدل ليلا جنوب البلاد مع نشاط رياح
جنوبية خفيفة ومتغيرة الاتجاه والسرعة. |
شكراً درمان كافي
على النشرة الجوية دي
بي زيارتك بيتنا نور
مودتي
إسماعيل حميم.
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: إسماعيل حميم)
|
اسماعيل يا حميم والله بقيتو حناكيش ساكت...على زمنا كتاحه زى دى بنثيرا
برانا فى دافورى وبنتكتح بى قدر دى تلاتة مرات فى شليل وينو والرمة وحراسا
يعنى البلاى استيشن بتاعنا كتاحتو زى دى...تجوا تقولو كتاحة تسونامى وشنو ماعارف
بالله دى حكومة دى؟؟
تسلموا من كل كتاحه،،،،
| |
|
|
|
|
|
|
|
|
|
Re: كتاحه في الخرطوم من النوع (أبو كديس) - بالصور (Re: صديق الموج)
|
أخوي ود الموج
دفعة النصري أمين دفعتي
شفت التقارب دا نفس الملامح والشبه
والله شرفت الدار ...
بس
كل جيل بي زمنه
هسع عليك الله شفت ليك كرة شـراب قريب دا
لمن تجيب لينا سيرة الدافوري في الحلة وعجاجته
| Quote: بالله دى حكومة دى؟؟ |
لكن دي فنانه جداً .. كيفتني عديييل
مودتي
إسماعيل حميم
.
| |
|
|
|
|
|
|
| |
إسماعيل حميم
waleed500
الملك
أبو ساندرا
Raja
محمد الطيب حسن
غادة عبدالعزيز خالد
طارق أحمد أبوبكر
اسماء الأمين
معتصم دفع الله
فيصل محمد خليل
محمد فرح
أبو الحسين
سيف الدين حسن العوض
nazar hussien
عاصم ابوبكر حامد
ملكة سبأ
انعام حيمورة
ALGARADABI
elsawi
ALI KHAIR
صديق الموج
فيس بوك
تويتر
انستقرام
يوتيوب
بنتيريست