نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
اقتراح لدخول بعض الأعضاء للمنبر العام
|
تاكد وبما لا يدع مجالا للشك في ناس هنا بتدخل المنبر وهي في حالة غير طبيعية وعليه اقترح عمل الاختبار الاتي : عند تسجيل دخول واحد منهم تظهر له الرسالة التالية
اذا اجتاز الاختبار تظهر له الرسالة التالية
واذا لم يجتاز الاختبار تظهر له الرسالة التالية
وبي كدا لا يمكنه الدخول الى المنبر و يغور طوالي
|
|
|
|
|
|
|
|
Re: اقتراح لدخول بعض الأعضاء للمنبر العام (Re: ناذر محمد الخليفة)
|
ابو النيذ يا عسللي تصدق انا بفكر جاد جدا اعمل لي نظام جديد للكمبيوتر هو يعني الناس العملت وندوز ولينكس وغيرهم احسن مننا في شنو ونظامي ح يتكون من عدة براماج اللمينز للطاشمين : ( ودا جاهز بي كل المعينات التي تعين اخوانا السكارى في استدخام البرنامج من ايقونات في شكل قزاز وكبابي وحلل ومزات وخلفيات ليلية قمرية ) يعني الواحد يجي داخل البرنامج يترتع طوالي ويقعد يجلط ويغلط في خلق الله) اللمينز للمسطولين : ( ودا برضو زي اخوه السابق مع تغير طفيف في الايقوانات واضافة تاثيرات واصوات غريبة ومربعات حوار طرشان وتحويل شكل مؤشر الماوس الى سجارة حمراء او خضراء - حسب الجو - مع خلفيات ورق برنسيس وظهور رسائل فجائية بدون داعي لزوم النطة والشوبير والشلاقة) اللمينز لقليلي الادب : ( ودا برضو زي اخوانه الفوق مع ميزات اضافية يعني مثلا من الاخ قليل الادب يفتح البرنامج مباشرة تجيهو رسالة مكتوب عليها - تفو عليك وعلى وشك - وهكذا من الموشحات والصور الفاضحة مع ميزة المسنجر وقوالب الشتائم الجاهزة للاستعمال عند اللزوم وربط هذه البرامج مع سيرفر لتسهيل تبادل الصور والشتائم والدعم الواطي ) وفي حزم اخرى من البرامج في طور الاعداد ربما تصدر في موسم قلة الادب القادم
ــــــــــــــــــــــــ وين ود البشرى يجي يوفر الباندودث فوق انظمتي دي
| |
|
|
|
|
|
|
Re: اقتراح لدخول بعض الأعضاء للمنبر العام (Re: saadeldin abdelrahman)
|
ابو السعود يا حبيب انت قايلني بهزر الانظمة خلاص على وشك الاصدار اولا في نظام التصوير الفوري في قسم الوثائق يعني زي مداخلتك الفوق دي يتم تصويرها تلقائيا بالثانية والدقيقة منو البعلم الغيب يمكن تنكر
ودي عينة نماذج من الصور والخلفيات والايقونات قعدة :
بعد القعدة :
هرشه:
شكلة :
شمار:
شلاقة :
بهجة :
حيرة :
زنقة :
ابقوا معنا نواصل بعد الفاصل
| |
|
|
|
|
|
|
Re: اقتراح لدخول بعض الأعضاء للمنبر العام (Re: الأمين عثمان صديق محمد)
|
الأمين ..
Quote: اللمينز للطاشمين : ( ودا جاهز بي كل المعينات التي تعين اخوانا السكارى في استدخام البرنامج من ايقونات في شكل قزاز وكبابي وحلل ومزات وخلفيات ليلية قمرية ) يعني الواحد يجي داخل البرنامج يترتع طوالي ويقعد يجلط ويغلط في خلق الله) اللمينز للمسطولين : ( ودا برضو زي اخوه السابق مع تغير طفيف في الايقوانات واضافة تاثيرات واصوات غريبة ومربعات حوار طرشان وتحويل شكل مؤشر الماوس الى سجارة حمراء او خضراء - حسب الجو - مع خلفيات ورق برنسيس وظهور رسائل فجائية بدون داعي لزوم النطة والشوبير والشلاقة) اللمينز لقليلي الادب : ( ودا برضو زي اخوانه الفوق مع ميزات اضافية يعني مثلا من الاخ قليل الادب يفتح البرنامج مباشرة تجيهو رسالة مكتوب عليها - تفو عليك وعلى وشك -
|
صدقني لو كان عندي النظام دا :
كنت حا افرض عليك أول زول تجربو بعد مداخلتك الفوق دي ..
وأكيد كانت النتيجة حا تجيك :
| |
|
|
|
|
|
|
Re: اقتراح لدخول بعض الأعضاء للمنبر العام (Re: bayan)
|
أخونا الأمين
سلامات
لما انت قلت ما بتهظر ، نتمنى ونحتاج كثيرا من الاختبارات ..
لسان ، اقلام وماوفارات ،اسلحه ، حليفة طلاقات ، طلبات إقصاء،عنصريات شلليات ولسته طويله..
مع ياهو ده السودان والمنبر لازم يكون صورة طبق الأصل ..
لك مودتى وتحياتى
| |
|
|
|
|
|
|
Re: اقتراح لدخول بعض الأعضاء للمنبر العام (Re: بشير دفع الله)
|
Quote: مع ياهو ده السودان والمنبر لازم يكون صورة طبق الأصل .. |
بشير اخوي كيف حالك يا خوي انحنا ما قلنا الناس ما تشرب تشرب وانشاء الله تقيف على رجل واحدة أي واحد حر ومسئول من تصرفاته بس الناس تحترم بعض ولمن الواحد يشعر انو ما طبيعي حتى لو تعبان ساكت يقفل الجهاز ويطلع
يا سيدي والله الواحد بقى يستحي من دخول المنبر
| |
|
|
|
|
|
|
Re: اقتراح لدخول بعض الأعضاء للمنبر العام (Re: bayan)
|
Quote: ما يقولو آه اصلو عندو وجع حلق يقول كه |
عشان تعرفي بس انا زول كيشه ساكت
Quote: كه دي بتخلي الجهاز ذاتو يطشم.. |
Quote: ما بلقاك مصور البوست؟ |
للاسف والله يا دكتورة انا امبارح غيرت النظام عندي من Xp الى Vista عشان كدا ما بكون في أي ملف ما عدا الملفات الجديدة
| |
|
|
|
|
|
|
Re: اقتراح لدخول بعض الأعضاء للمنبر العام (Re: الأمين عثمان صديق محمد)
|
الامين ياود مدينتي احبك كدي ساي لله و في الله. احب كسلا وناس كسلا. و الله انت اجمل ناس الله يخليكم لينا و ربنا يرجعنا لاهلنا سالمين غانمين نشرب جبنة مع بوش و موسى جنني و ادم سعد و في ام الحرف و كل اماكن اقفشة و الضحكة الحلوة.
ضحكتني و الله. انت عارف انا مساهر لمبارة الهلال (2:40 صباحا) و نعسان و حالتي الله لا يوريك, ضحكت لحدي المدام على بعد غرفتين صحت, ياخوي حجايب لينا الهوى البارد مالك, الله يجازي محنك.
واصل ابداع في هذا الجو الغاتم
| |
|
|
|
|
|
|
Re: اقتراح لدخول بعض الأعضاء للمنبر العام (Re: Alfarwq)
|
Quote: الامين ياود مدينتي احبك كدي ساي لله و في الله. احب كسلا وناس كسلا. و الله انت اجمل ناس الله يخليكم لينا و ربنا يرجعنا لاهلنا سالمين غانمين نشرب جبنة مع بوش و موسى جنني و ادم سعد و في ام الحرف و كل اماكن اقفشة و الضحكة الحلوة.
ضحكتني و الله. انت عارف انا مساهر لمبارة الهلال (2:40 صباحا) و نعسان و حالتي الله لا يوريك, ضحكت لحدي المدام على بعد غرفتين صحت, ياخوي حجايب لينا الهوى البارد مالك, الله يجازي محنك.
واصل ابداع في هذا الجو الغاتم |
الفاروق يا ولد بلدي وانا احبك واحب كسلا والقضارف هاك دي اسمعها مع انو الجو ما جو غناء وما تكلم زول اعمل حسابك الاغنية دي temporary ح اشيلها بعد شوية لانو عايز اعمل بيها بوست لي حالو
| |
|
|
|
|
|
|
Re: اقتراح لدخول بعض الأعضاء للمنبر العام (Re: الأمين عثمان صديق محمد)
|
من هذا البوست أرجو من الباشمهندس بكرى أبوبكر وليكن إقتراحا مني والإقتراح كالتالي :- 1- للعضو الحق فى فتح بوستين إثنين فقط في الشهر الواحد. 2- البوستات الخبرية ترسل إلي الإدارة لتنزل باسمها مع الإحتفاظ لصاحبها بحق السبق الصحفي. بهذا فقط تتنهي الهرجلة من شاكلة عضو واحد يفتح خمسة بوستات في اليوم الواحد, كما أن البوستات الجيدة تجد مكانها في الصفحات الأولي وأيضا يجد مدمني الكتابة (بطريقة أنظروا نحن هنا وبكثرة) الفرص الجيدة والزمن للمداخلات وإثراء الحوار. من يقتنع بوجهة نظرى ويمتلك كيبورد عربي أرجوه أن يفتح بوستا بهذا المعني علي أن يكون العنوان واضح ويشي ما بالداخل.
| |
|
|
|
|
|
|
Re: اقتراح لدخول بعض الأعضاء للمنبر العام (Re: Atif Makkawi)
|
يا الأمين جيناكا و جينا نوفر معاكا
كيفك يا معلم اولا مبروك الفيستا (قشير يا عمك) تانياعندي تعليق على السيستمز الجديدة دي طبعا ما كل الناس المصلحين بيخمجوا الكتابة هنا , بل بالعكس في ناس بعد ما يزبطوا الدماغ و الطاسة تشعشع بيبدعوا فالنظام مفروض يفرق . تاني حاجة لو ممكن تضيف اللمينز للشتر اللمينز للقشيرين (ناس شوفوني انا فاهم و مرطب) اللمينز لشركاء بكري (ناس يا بكري أفصل و يا بكري انذر) اللمينز للبيج بروذر (ناس قاطعوا و معا لـكدا وكدا و توقيعاتكم) اللمينز لــ
و لا اقوليك جضم لينا اللمينز يونيفيرسال و خت فيه كل التولز و الآيكونز المناسبة , وكل واحد يعمل الكستمايزيشن البريحوه و حقو تنزله بيتا ,عشان كان فيه ثغرات ما يشيلوا حالك
بتاعة.... أعمل واحد إسبشل اللمينز لهدر الباندودث (لي انا و إنت و آخرين )
| |
|
|
|
|
|
|
Re: اقتراح لدخول بعض الأعضاء للمنبر العام (Re: محمد البشرى الخضر)
|
دحين انت يالامين زمان كدا
ايام الثانوية..
ما كنت بتمشي معانا
شمال الحلنقة..
تذكر اليوم داك..لما
عمنا السروجي ..جاط المكان
وسيفو يلمع زي البرق ..بعدين
قام قال تعالوا يا أولادي
أمرقوا بي جاي انا
كايس لي ناس والليلة الا اوريهم
نجوم الضحي..
هسة .د. بيان دي ماكانت
في القعدة بتاعة بقة ديك
هسة لو قالت "كــــه"
البورد ده كلو تلقاهو لاطي
| |
|
|
|
|
|
|
Re: اقتراح لدخول بعض الأعضاء للمنبر العام (Re: عبد المنعم ابراهيم الحاج)
|
Quote: دحين انت يالامين زمان كدا
ايام الثانوية..
ما كنت بتمشي معانا
شمال الحلنقة.. |
منعم يا رفيق المنبت والصبا شمال الحلنقة براها مشينا مكرام واو نار ودشريفي تكروف ود الحليو عواض الماريا القرقف اكلة قلسيت اروما ملوية الشوك مشيناها خطا لكن عليك الله يا منعم انا كنت بعمل حاجة كدا وللا كدا ياخي دا انا كان انحرفت خالص بولع لي سيجارة حمراء طبعا موزون طبيعي
Quote: هسة .د. بيان دي ماكانت
في القعدة بتاعة بقة ديك |
خليني ارد عليك بي طريقة بيان
شوف يا ولدي يا منعم انا قريت في مدرسة اولاد يعني ما بخاف ولا بتخلع من البوستات الزي دي وانا اصلا دخلت عشان سري ذكرني بي دفعتي في المعهد ناس حياة طلسم وسلمى عرفت ليه ان دخلت البوست داك
بيان الفهمت منعم الفنان ــــــــــــــــــــ لقيتيني كيف يا دكتورة
| |
|
|
|
|
|
|
Re: اقتراح لدخول بعض الأعضاء للمنبر العام (Re: يسرى معتصم)
|
Quote: أخوى الكبير اللميييين السلام عليكم ورحمة الله وبركاته ياخى والله مشتاقييييييين |
يسري نضر الله وجهك ياجميل ازيك يا ولدنا كيف حالك من اشوفك طوالي يخطر على بالي العم ابراهيم وخالد وعاطف الله يرحمة واتذكر العم معتصم ومحمد وكل الرائعين عشرة سنين ياخي انا كنت هناك قبل شهرين
تسلم كتــــــــير
| |
|
|
|
|
|
|
Re: اقتراح لدخول بعض الأعضاء للمنبر العام (Re: محمد البشرى الخضر)
|
Quote: يا الأمين جيناكا و جينا نوفر معاكا |
ودي البشرى حبابك وحباب الجابك انت واعي ويسمح لك بدخول البوست
Quote: اللمينز للشتر اللمينز للقشيرين (ناس شوفوني انا فاهم و مرطب) اللمينز لشركاء بكري (ناس يا بكري أفصل و يا بكري انذر) اللمينز للبيج بروذر (ناس قاطعوا و معا لـكدا وكدا و توقيعاتكم) اللمينز لــ |
اصبر لي بس ديل جايهم ليك بي رواقة امبارح صممت لي نظام خطير اسمه اللميز دفندر سوف يتم شرحة لاحقا
Quote: اللمينز لهدر الباندودث (لي انا و إنت و آخرين ) |
عارف يا ود البشرى انا هنا بعمل جنس جنون ودرامات بس للاسف براي السوداني الوحيد وما لاقي زول يناولني ناقصني فردة زيك كدا والله كان نعلقها فوق
| |
|
|
|
|
|
|
Re: اقتراح لدخول بعض الأعضاء للمنبر العام (Re: Atif Makkawi)
|
Quote: من هذا البوست أرجو من الباشمهندس بكرى أبوبكر وليكن إقتراحا مني والإقتراح كالتالي :- 1- للعضو الحق فى فتح بوستين إثنين فقط في الشهر الواحد. 2- البوستات الخبرية ترسل إلي الإدارة لتنزل باسمها مع الإحتفاظ لصاحبها بحق السبق الصحفي. |
عاطف اخوي كيف حالك اثني على اقتراحك دا ويا ريت يجد اذن صاغية
ياخي المنبر بقى زي بنطون مروي
| |
|
|
|
|
|
|
Re: اقتراح لدخول بعض الأعضاء للمنبر العام (Re: الأمين عثمان صديق محمد)
|
السادة النظارة في المنبر الكبير السادة الحضور السادة الضيوف ناسف للانقطاع ونواصل اليوم المساء الساعة : 12 بتوقيت مكة المكرمة الساعة : سبعطاشر بتوقيت الساحل الشرقي جاتني عدة رسائل من عدة دول وبالمسنجر والايميلي من الاعضاء ومن غير الاعضاء تطالبني بالمواصلة ( وحات الله ما جاتني ولا رسالة واحدة ) بس وقفت براي لاني امبارح جيت المنبر وليقت رحيتو ما كويسة الظاهر الخور فتح المنبر وللا المنبر فتح في الخور ما عارف
ــــــــــ اليوم باذن الله سوف نقدم لكم برنامج اللمينز فور شوترز
| |
|
|
|
|
|
|
Re: اقتراح لدخول بعض الأعضاء للمنبر العام (Re: Muna Khugali)
|
ام آية كيف حالك يا ستي والله انا بحترمك انتي صاحبة قضية حقيقية وترفضي المتجارة بها وتمنعي الاخرين من المتجارة بها ارفعوا القبعات تحية لام آية
Quote: المجانيييييييييين؟ |
عارفه المجانين ديل امرهم هين لانه مرفوع عنهم القلم واصلو الجن دا ما شتارة و مشت بعيــــــــد فالنفرض انا وانتي قاعدين نتكلم عن ملاح الويكة ( هسه الموضوع دا فيهو حاجة ) تجي واحدة من الجميلات الشتراوات طوالي نازلة وتقول ليك امريكا مالها امريكا ما ست العالم ( بس الله الرحمن الرحيم هسه في زول جاب سيرة امريكا ؟ انحنا بنتكلم عن الويكه ) وتعلق ليك فيها بقى امريكا جاياكم يا الجلابة امريكا بلد الحريات واليوم داك مشينا امريكا وطلعنا مظاهرة في نيويورك وشوف عيني دي لمن جينا بي عند تمثال الحرية التمثال انبسط مننا لحدي ما ولع سيجارة
ومن نيويورك فرد طلعة مرقناها في فلوريدا ومن فلوريدا غشينا تكساس الجماعة الفي تكساس قابلونا بالترحاب وقالوا الا نقيل معاهم قولنا ليهم لا لا اسمحوا لينا ورانا بلد راجينا اها شربنا منهم موية بس فضلت خيرك واتوجهنا علي لوس انجليس وعاد كان تشوفي في لوس انجليس الاستقبالات والفضائيات ما تديك الدرب لحدي هوليود وهناك مرقت لينا انجلينا جولي انتي براك عارفها الزولة دي بتاعة امم متحدة وحقوق انسان وراجلها براد بيت قعد في البيت وقال انا ما بخلي البيت وانجلينا مرقت لكن كلم لينا دينزل واشنطون وجانا دينزل الراجل اخو اخوان اخد لينا كم صورة معاهو لزوم القشرة وكدي انجلينا قالت دايرة تمشي معانا وتخلي تصوير افلامها قولنا ليها لا يا اختي جولي انحنا موضوعنا كبير من جنداي فريز ولي فوق انتي ما قصرتي ( اها نقوم نوقفها ونقول ليها يا ولية الموضوع عن الويكة الجاب امريكا والكلام دا كلو شنو ) يقوم ينط لينا واحد مكابر من هناك ويقول ليك الويكة انتو قاعدين تاكلوا في الويكة واهلنا المهمشين ديل ما لاقين ويكة وللا تمليكة ( وندخل في قصص ومشاكل ما يعلم بيها الا الله ) مع انو الموضوع كان ويكة اتخيلي
| |
|
|
|
|
|
|
Re: اقتراح لدخول بعض الأعضاء للمنبر العام (Re: Alfarwq)
|
Quote: الامين ياخوي اغنيتك و الله ماقادر اسمعا ... اتمنى انها تكون احدى ابداعات ودمطر. و الل انت راجل عسل عديل كدة ... بالله عليك ما تورنا في منتديات كسلا |
الفاروق كيف حالك ياخي كتر خيرك بقيت تخجلنا ياخي بالنسبة للاغنية اضغط على الحتة المؤشر عليها بالسهم
وطوالي ح تلقى واحد من ابناء كسلا يقول ليك هلا يا هلا وين كسلا بدرو اصلها ازور جبلها اقابل اهلها اضوق عسلها وين كسلا جبل توتيل عظيم وجميل شموخ وعلا
ولو مااشتغلت معاك نزل برنامج الريل بلير وطوالي بتشتغل
و بالنسبة للمنتدى انا عضو فيهو والشباب ما مقصرين بس والله ما قاعد القى زمن والوقت القليل جدا البلقاهو بشارك بيهو هنا حتى تكون المشاركة قومية لكن وعد بجي بي هناك انشاء الله
| |
|
|
|
|
|
|
Re: اقتراح لدخول بعض الأعضاء للمنبر العام (Re: معتصم دفع الله)
|
Quote: يا الأمين انت نظامك دا اخد موافقة قبل ما يمر علينا كيف
بالله في أيقونات ناقصة يا أضيفة ولا تعال خلينا نشاور فيها |
والله يا معتصم شفتكم ما شغالين بي انت رحت مع الرحتو طولتو وتامبا مطولو مع الراحو ديك اها قلنا ننجر برانا لكن قالوا ما خاب من استشار كدي قول لي رايك في الشكل الاولي للبرنامج دا اذا محتاج لي تعديل وللا حاجة
طبعا شرح الايقونات بكون معاكم بعد الحلة المدنكلة من ايدين تامبا وكباية الشاي الساموطية منك
| |
|
|
|
|
|
|
Re: اقتراح لدخول بعض الأعضاء للمنبر العام (Re: الأمين عثمان صديق محمد)
|
السادة / ولا بلاش من السادة دي احسن المرة دي نخليها بي لبن
اها الليلة اتصل علي بل غيتس عديل اثناء ما انا قاعد براي وزهجان وروحي محرقاني من الكفيل اذا بي الموبايل يرن ويظهر لي رقم غريب كدا يبدأ بي 1 + اول مرة افتكرتو واحد من الفرد القاعدين في امريكا واقصى ما اتخيلته قلت دا يمكن بكري ابوبكر يكون في واحد اشتاكني ليهو اصلو اليومين ديل نظام دقني وابكي واسبقني واشكي المهم بعد تردد فتحت الخط لقيتك صوت واحدة خواجية سمح كدا ونضم جنس البلوكوهو الجماعة الفي السي ان ان والافلام الامريكية قالت لي هي من شركة مايكروسفت وعايزين يتفقوا معاي بخصوص انظمتي وبي انجليزية فيومية كدي قلت ليها ما معناتو يا مرا شوفي لي زول يتكلم عربي بعدين تجوا تقولوا انحنا قاصدين كدا وانت فهمتو كدا لا لا يا الخواجية حركات زي دي ما بتمشي علينا انحنا مارقين من منبر بكري يا اللخت اها جابوا لي واحد يتكلم عربي وقال هاك كلم بل غيتس لحدي ما نعلموا ليك العربي اول ما سمعت صوت بل غيتس في الخط طوالي شغلت ليك السماعات الخارجية عشان أي واحد يسمع اهو دا بل غيتس بكلم في اللمين ود عثمان نظام شوفوني وكدا
في المداخلة القادمة سوف نقدم لكم تسجيل كامل لما دار من حوار ساخن بين مالكي اكبر انظمة تشغيل في العالم مايكروسوفت واللمينز
ـــــــــــــــــــــــــ للاعلان اثناء الحلقة الرجاء الاتصال بابو النيذ للتنسيق والاتفاق على زمن واجر الاعلان
| |
|
|
|
|
|
|
Re: اقتراح لدخول بعض الأعضاء للمنبر العام (Re: الأمين عثمان صديق محمد)
|
Quote: اها الليلة اتصل علي بل غيتس عديل |
والله يا عمك دي قوية عديل ريحتني ليك راحة جد يازول إنت جادي كان كدا حقنا برة, انا اوحيت ليك بفكرة اليونيفيرسال ولا نسيت انا مصور البوست دا كلو - ما قدحا في ذمتك لا سمح الله - لكن يا بوي الموضوع جاب أبصلعة و عمك قيتس دفيع و يده سخية و كلامو بيبدا بي ستة اصفار و إنت طالع - اسالني منو انا
بالنسبة للصورة الجابتها كجامتك, عليك الله وري ناذر شابكني ديال اب و شنو , مسكين ما سمع بالفيستا
| |
|
|
|
|
|
|
Re: اقتراح لدخول بعض الأعضاء للمنبر العام (Re: الأمين عثمان صديق محمد)
|
يا يسري و ود البشرى انتو صدقتوا ولا شنو ؟!!!! عليكم الله بل غيتس فاضي لي انا الغلبان دا نضمي دا ناس الفنون بقولوا عليهو كوميديا لكن ماني عارفها كان سوداء وللا بيضاء طبعا انحنا ناس عنقالة ساكت تمعنوا في ما بين السطور بتفهموا الامور وكان ما فهمتوا قولوا الزول دا مسطول يا يسري كان الموضوع فيهو وكالة بوكلك تب انت اولى من الغريب ( الغريب دا ما انت يا ود البشرى ) انت الحبيب كدي تعال لي بي جاي يا الحبيب
Quote: بالنسبة للصورة الجابتها كجامتك, عليك الله وري ناذر شابكني ديال اب و شنو , مسكين ما سمع بالفيستا |
اولا النوريك كجامتي دي الكجامة الفضائية
تلف تلف كدا لحدي ما تلقى ليها بوست مطرف وترِك فوقو وكان ركت امانة ما الله قال قول بي البوست الركت فوقو بس لقت مداخلتك ديك مداخلة صديقة عشان كدا خلتك اما الكجامة الارضية فهي مدفونة في مكتبة ابو النيذ الله لا جاب يوم مروقها وعلاقة ابو النيذ بالديل اب زي علاقتي بي بل غيتس والسفن اب الزول دا زول غناء وضحك والباقي ما تسالوا منو لكن زول اخو اخوان اكتر من دينزل واشنطون
Quote: انا اوحيت ليك بفكرة اليونيفيرسال ولا نسيت انا مصور البوست دا كلو - ما قدحا في ذمتك لا سمح الله - لكن يا بوي الموضوع جاب أبصلعة |
مادام القصة جابت ليها إيحاءات وعايز تقاسمني في الكنجالات اها يا اخوي الاسم انا ذاتي غيرتو
ما تنسى تصور معاك المداخلة دي كمان
لقيتني كيف
اها ودعتكم الله النواصل قبل ما ينقطع حبل افكار كضبي
| |
|
|
|
|
|
|
Re: اقتراح لدخول بعض الأعضاء للمنبر العام (Re: ايوب عبدالرحيم)
|
أوهووووووووو نكرتنا يا عمك و غيرت اليونيفيرسال معليش أبصلعة يعمل أكتر من كدا دي سبقك عليها غيتس ذاتو, لما غير اللونج هورن و سماه فيستا ,أظنو كان داير يتخارج من واحد لايوق زيي كدا لكن ما مشكلة إحنا ما بنخسرك عشان الأخضر , حلال عليك يا عم و حنواصل مدك بألأفكار خد دي بمناسبة ديQuote: ياخي نساء كالفراشات |
اللمينز للبكايين
| |
|
|
|
|
|
|
Re: اقتراح لدخول بعض الأعضاء للمنبر العام (Re: محمد البشرى الخضر)
|
Quote: أوهووووووووو نكرتنا يا عمك و غيرت اليونيفيرسال معليش أبصلعة يعمل أكتر من كدا |
ود البشرى ياخ حرام عليك معقولة ابيعك بي حفنة دولارات لا يا اخوي بس انا شفت السرقات اليويمن ديل حايمة قلت اعمل حسابي من بدري قبل ما يجي واحد يتسلبط
Quote: دي سبقك عليها غيتس ذاتو, لما غير اللونج هورن و سماه فيستا |
ما هو انا الاديتو الفكرة دي انت قاعد وين ياخي انا لو بكاي ما كان قلت نساء ذاتو ولا قلت كالفراشات لكن بالله ما يشبهن الفراشات خصوصا الفنانة لاحظ للحتة المكتوب فيها كلمة شغل وشوف الشغل كيف وشوف اللبس وطريقة الرقص والتنقل من مكان الى مكان داخل الحقول الخضراء الجو دا ما بوحي اليك بأنهن فراشات بعدين تاني بدل ما تشكرني على الفيديو تقول لي اللمينز للبكايين !!! اوعا تكون متفكر الشغل المعمول في الفديو دا جاي من الشركة لا وحبك لا دي صناعة ماركة اللمينز زيها وزي ميرسدس بنز
هسه فرقي شنو من عصام الدين الصايغ وللا شكر الله خلف الله بس ما بتدي حريف
| |
|
|
|
|
|
|
Re: اقتراح لدخول بعض الأعضاء للمنبر العام (Re: ايوب عبدالرحيم)
|
Quote: ناذر ....
حلوة والله الزلاطيات دي
دي شكلها ماخوذة من ( احلام زلوط ) |
ايوب كيف حالك ما تصدق ناذر زلطيات شنو وبطيخ شنو وشمام وين انا بديك قصة الزول الوهم الجبته صورتو الفوق دي من طق طق للسلام عليكم الزول دا انا بعرفه من هو صغير وياهي دي صورتو
ومن زمان كلمت اهله قلت ليهم ولدكم دا ما عندو شغلة غير التلصق في الحيط ومباراة الضللة ولدكم دا لمن يكبر بركب الهوا ما سعموا كلامي شفت عدم سماع كلامي ياها دي نتيجته
| |
|
|
|
|
|
|
Re: اقتراح لدخول بعض الأعضاء للمنبر العام (Re: الأمين عثمان صديق محمد)
|
Quote: ابو السعود يا حبيب انت قايلني بهزر الانظمة خلاص على وشك الاصدار اولا في نظام التصوير الفوري في قسم الوثائق يعني زي مداخلتك الفوق دي يتم تصويرها تلقائيا بالثانية والدقيقة منو البعلم الغيب يمكن تنكر |
الامين أنا جيت البوست دا متين? و صورتني كمان!.. يا زول دا ما أنا كلو كلو عندك نمرة العربية? زول بيشبهني ساااي يا حاج --------------------
الامـيـن بيني بينك بقت منك جكة.. يعني الواحد كان دخل ليك بوست يبقى زي الوقف قدام كاميرا كونيكا فورية و بوليس يحمل جهاز الاستنكاه.. كان المتداخل ما طلع طاشم تظهر ليهو شناتو و شناة طبعو بوست ما حصل يا زول الناس اللذاذ ديل بنعرفهم من آخر الدنيا و اولا و نصاحبهم!
| |
|
|
|
|
|
|
Re: اقتراح لدخول بعض الأعضاء للمنبر العام (Re: عبد المنعم ابراهيم الحاج)
|
الامين / الامين صديق
Quote: تاكد وبما لا يدع مجالا للشك في ناس هنا بتدخل المنبر وهي في حالة غير طبيعية وعليه اقترح عمل الاختبار الاتي : عند تسجيل دخول واحد منهم تظهر له الرسالة التالية
اذا اجتاز الاختبار تظهر له الرسالة التالية
واذا لم يجتاز الاختبار تظهر له الرسالة التالية
وبي كدا لا يمكنه الدخول الى المنبر و يغور طوالي |
اقترح ان نحجز لك براءة الاختراع ويللا اسعى في الموضوع ده ونحن من خلفك نشد من اذرك
ناصر موسى
| |
|
|
|
|
|
|
Re: اقتراح لدخول بعض الأعضاء للمنبر العام (Re: عبدالكريم الامين احمد)
|
Quote: ياخ بوست عجيب وغريب ولذيذ شديد.. يا الامين بالله السيستم بتاعك ده احسن حتة للتجريب هي الدوحة.. (رغم انو الله اعلم يباصي الطشمة(ام جاكسون)) .. جاكسون ده شراب عجيب وغريب برضو كلب بوليسي ما يشموا فيك.. |
كيكي يا جميل الجماعة عاملين لينا فيها مجانين اها قلنا نوريهم الجن الاحمر الراكب محمود ولو زادوا في الجن زودنا في جاكسون وخليناها خلّ
| |
|
|
|
|
|
|
|