|
Re: مليون مبروك يا شباب التحالف بجامعة الخرطوم (Re: Hadia Mohamed)
|
مبروك للتحالف الوطنى اتحادجامعة الخرطوم ... الجامعة الام التى علمتنا الشموخ
وابنى فى عيون الشمس مملكتى تناجيكم
نسوراً تعشق الترحال تبنى الكون حرية
وان شئتم تعالوا اليوم نرقص رقصة البداء
ونعلم ان نمد الكف نحو الشمس للدفْ ...
مبررررررررررررررررررررررررروك
| |
|
|
|
|
|
|
Re: مليون مبروك يا شباب التحالف بجامعة الخرطوم (Re: Hadia Mohamed)
|
قبل اسبوع كنت في الجامعة في مخاطبة للأتحادي الديمقراطي تحول بعد لحظات لمخاطبة تجمع وكانت لفتة بارعة إذ قدم صاحب المخاطبة المايكرفون لوائل طه وتعانقا بحميمية جعلت كل الحضور تصفيق وجعلت عيني تجود بسخاء ... تحدث وائل طه عن حاجة التحالف للدعم المادي والمعنوي من الطلاب وأن المعركة تحتاج لوقفة الجميع وكان طالبان قد حملا علم السودان القديم لجمع التبرعات ... تدافع الطلاب بصدق يجودون ما سمحت به ظروفهم برغم المعاناة وضيق ذات اليد .... مائة مائتين خمسمائة الف جنيه خمسات عشرات .... عشرينات .. ووائل أرضا يحسب الغلة ... 166 ألف جنيه وخمسين (براها) كما قالها وائل طه ووعد يومذاك أنهم سيرقصون صبيحة 19 أبريل وسيهدون هذا الفوز للشعب السوداني ووعد الطلاب بألا تذهب دماء الشهداء أدراج الريح وقال سنسلم راية هذه الجامعة ( الجميلة ومستحيلة) لأجيال القادمين مرفوعة لا تشوبها ذل ولا انكسار....
التحية لطلاب جامعة الخرطوم التحية لتحالف القوى التهنئة لهذا الوطن
___________ هاتفني صديق د. أسامة الآن من بوابة هندسة : سامر ... وردي بغني .. الشجر برقص .. الجامعة بتزغرد ... بكى أسامة وانقطع الاتصال
| |
|
|
|
|
|
|
Re: مليون مبروك يا شباب التحالف بجامعة الخرطوم (Re: Mustafa Mahmoud)
|
في جامعة الخرطوم هزم النظام اليوم شبابنا خاتي اللوم ماضاقوا طعم النوم ودحروا النظام اليوم ----------------- يا كوز!! خليك ملخوم وفي هزايم جاياك كوم وفي فضايح جاياك يوم ونهايتك في فد يوم ---------------------- في جامعة الخرطوم ياكوز اوعك!!! ماتحوم في شباب باين كنجوم ونضالم معروف معلوم وهناك امرك!! محسوم ياكوز يومك مشئووم!! ------------------ ياكوز دوما مهزووم ياكوز دربك ملغوم ياحاسد ويامزموم اليوم امرك محسوم -------------- في هزائم جايك بالكوم في شوارع الخرطوم في مدارس الخرطوم في مزارع الخرطوم في مساكن الخرطوم في مصانع الخرطوم هزائم جاياك بالكوم -------------------- اليوم اولادنا نجوم راقصين كيتة ومردووم ايقاع النصر اليوم والكوز ماشاف النوم والكوز مابشوف النوم الكوز مهزوم مهزوم --------------
| |
|
|
|
|
|
|
Re: مليون مبروك يا شباب التحالف بجامعة الخرطوم (Re: Ashraf el-Halabi)
|
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبّّ
وعبّّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
يوما فرهد فى عيونك غصن أخضر
وفرحة أكبر من شجونك
والسلاسل يا جميلة
يوما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلّّ قيدك
فى غضبنا الح و لافح
وياما باكر وفى زنازين العساكر
نبني مجدك ومهرجانك
وكل قطرة دم عشانك ولى جديدك يا جميلة
| |
|
|
|
|
|
|
Re: مليون مبروك يا شباب التحالف بجامعة الخرطوم (Re: أبو ساندرا)
|
الجبهجي الكضاب ال للحقوق نهــاب
أوع تقول شرع الله سميهاشريعة الغاب
********************
في اي كتاب مكتوب الشعب يعيش مغلوب حق الكلام مسلوب بالحقد شحنت قلوب
شهيتنا في اللالوب
******************** في دولة الأرزال الدين بقي إذلال المر بتقولوا ذلال وإتلموا الككو غزال ******************** الجبهجي النسناس الدين كرامة الناس الدين للعدل أساس الدين للعاري لباس ما قطع اليد والراس
******************** يا حاقد يا مهووس عملت الدين جــاسوس لكرامة الشعب يدوس حتــاخد يا منحوس من شعبنا أقصي دروس ********************
الجبهجي الكضاب ال للحقوق نهــاب
أوع تقول شرع الله سميهاشريعة الغاب
أوع تقول شرع الله سميهاشريعة الغاب
أوع تقول شرع الله سميهاشريعة الغاب
| |
|
|
|
|
|
|
|