|
|
|
 Re: الخلاصة الطلعت بيها بعد عضوية اسبوع (Re: هبة عبد الله عبد الرحمن)
|
يا هبة
انتي ما فهمتي اللعبة؟؟؟ قبل ما تخشي هنا كان مفروض أول حاجة تعمل ليك بودي قارد , وتشوفي ليك شلة كاربة كده عشان يوفرو ليك
اسناد سريع وقت الزنقة , بعدين دي عالم تخاف ما تختشيش , يعني مفروض كان عليك أول حاجة تضبحي ليك كم كديسة وترمي في وش
واحد من أفراد العصابة ( ويا حبذا لو كان الزعيم بتاعه) , بعدين انتي دقستي !!! قولي كيف ؟؟؟ يعني البوست بتاعك ده كلامو
كبير علي ناس هنا , يعني ما حتفهمو , يعني كان تفتحي ليك بوست بتاع شمار حااااار كده ومدقوق , كنت حتشوفي علي الطبيعة المقولة بتاعة : الرشاقة يا اشراقة. والقرقرة.
ما علينا: في كلمة كده واقفة لي في حلقي ما عايز أقولها عشان الخور ما يحمد بوستك الرهيب ده .... ( عليك الله يا ناذر تعال قول الكلمة دي بدالي عشان انت قالو ساكن هناك ..... ومتعوووووووووووده دايمن).
غرزة وطبزة: فوق الحلة دي انا تاني ما بجي ( يا ناذر لو سمحت الاغنية دي بالله" معليش طلباتي كترت عارف" , خليها تكون شغالة أول ما تفتح البوست)
| |
 
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: bayan)
|
سلامات يا هبة
و البورد منور بيك حقيقى ،، معليش أول حاجة أنا ما قريت ليك أى حاجة قبل كدة لأنى كنت مسافرة و أهم شئ الزول لمن يمشى إجازة يبعد من البورد لأنو بيوتر و يضيع للزول فرحة الHoliday  ،،
أها شفتى إنتى أسى ما إحتجت لى أكتر من إسبوع عشان "تنقشى" الحاصل بى جاى دة ،، و دة ياهو سودانا المصغر بكل إحباطاتو و إسقاطاتو ،، و برضو فيهو الناس الجميلين زيك و زى بيان ،ن و اللستة طويلة والله ،، بس أسى ما دايرة أقول لأنك براكى بتكونى عرفتي الناس من كتاباتا ،،
و ربنا يلهمك الصبر
و البوستات ما بتمشى الخور براها إلا زول يمشى "يفتن" لى بكرى
| |
|
|
|
|
|
|
|
|
 Re: الخلاصة الطلعت بيها بعد عضوية اسبوع (Re: هبة عبد الله عبد الرحمن)
|
| Quote: يا القراء نصيحتي ليكم الما لقى عضوية البورد دة اصلو لا يتأسف ولا يسعى ليها لانه فيهو عِبر ما بتعرفوها الا من جوة والعندو حبة صحة أولى بيها نفسه وأولاده. |
.. والله يا دكتورة كنت من الناس الكتبت علشان تشوفك هنا ده ليك عضوية كاملة الأهلية ..
لكن بعد كلامك التحتو خطين ده .. حقو ترجعي لي كلامي..
ياخي الواحد لما يشوف ليهو عضو جديد .. بيقوم يلاحظ ليهو بي فهم محدد أنو العضو الجديد ده جاي وخبرتو وتركيزو عالي خالص وبقدر يخلق نوع من التغيير في نظام الحوارات الشغالة .. ويسهم بقدر الأمكان في استمرارية البورد بي نفس القيمة العالية الفهيو .. طبعا حسب مكانو الأكاديمي أو الفني أو السياسي .. إلخ ..| Quote: حبة صحة أولى بيها نفسه وأولاده |
.. وجه نظر جميلة يا دكتورة .. لو كل واحد فينا بيحكم بالطريقة دي على أي تجربة جديدة عليهو بيمر بيها ويقعد فيها اسبوع بس ومهما كانت صعوبته .. الظاهر لي ما كان الدنيا دي مشت ..
بي صراحة..؟!
رايك شنو تطبقي الباص وورد بتاعك ده اسبوع زي اسبوعك ده . وتختيهو في الدرج لحدي ما تنسيهو .. وتجي تحاولي تدخلي يقوم يرفض يدخلك .. ياربي ح تجقلبي وتقولي ما قادره ادخل .. والا ح تقولي .. زي الكديسة مع اللبن .. هو زاتو ( عفــن ).
| |
|
|
|
|
|
|
|
|
 Re: الخلاصة الطلعت بيها بعد عضوية اسبوع (Re: Gafar Bashir)
|
Quote: في اتنين في البورد ده
واحد اسمو تمبس
وواحد اسمو محمد سليمان |
..| Quote: ما صل اتفقت معاهم في حياتي.... وهم من الد خصومي في البورد وخارج البورد... بنتناقش ودائما مختلفين ...لكن لاول مرة في حياتي(والفضل يرجع ليك) اتفق مع عبارات خاصة بي تمبس ... |
..
ههه ههــه.. والله الواحد بقى حاجة خطيرة جدا ( ومفــكر ) عظيم طالما أنو ( أرسطــو ) البورد بي جلالة قدرو اتفق معاهــو ..
تعرف يا جعفــر حقو امشي اضبح عديل الليلة ..
لكن يادكتـورة خليني اسحب كلامي الكتبتو قبيل .. يعني بعد إذنك .. طالما جعفر ارسطو معانا بي هنــا .. مش قلت ليك تختي الباص وورد في الدرج علشان تنسيهو ؟؟
لالالا .. ما تعملي كدا ويازولة كل كلامك الفوقاني ده صاح
فنجرية ساكت كدا مني
اهــا .. ياجعفــر خليت ليك محمد E سليمان .. إن شاء الله يضوي ليك
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: هبة عبد الله عبد الرحمن)
|
هبة الله
مرحب بيييييك كعضوة جديدة
سوال برى زى براتك فى بوستك...
انت مين العمل ليك عضوية..
لان شروط العضوية غير متوفرة فييك..
غير متصفحة جيدة لبورد والا كنت جيتى متخرجة..يس بتعرفى الخور ..معنى كدا متابعة
..اين عمى متصفح له سنتين ولسع لم ينال العضوية بعرف كل اعضاء البورد وشكلاتهم وتخصصاتهم..والحردان والرضيان والسليم منهم والمرضان...
اسى انا حارس البورد دا 10 ساعات يوميا ...مدة بكالريوس..4 سنوات تقريبا
ما بدخل الا بوستات معينة...او بوسات غريبة عشان كدا جيت داخل فى بوست دا..
لانى عارفهم عاوزين يقولو شنو..وعارف اراهم من اسم العضو..بعرف منهجو
حتى لو عاوز يحكى نكة لازم تكون تتوافق مع فكره...
عموما مرحب بيك..وما تغلبى نفيك كتير..شوفى مواضيع عواطف
ولنا ورجاء ومنى خوجلى ومن لف لفهم .وعمللى حسابك من بوستات ..المناضلات البشقن هامات الرجال..
ولقدام
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: هبة عبد الله عبد الرحمن)
|
يا هبة سلامات
في المنبر دا في ناس حيروا بكري ظااااااااااتو ( على طريقة هشام هباني الله يطراه بالخير .. اليومين دي غائب)، لذلك افضل وسيلة لتجنب الطلقات الطائشة هي عمل ساتر (على الطريقة العسكرية) بمجرد التفكير في كتابة بوست، ولا اقول ليك كوني بعيدة من مركز النيران واكتفي بالمناوشات والكر والفر في بوستات ( الداقسين) .
سلام ...
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: نعيم على حماد)
|
جميع المتداخلين فوق بلا استثناء.
بعد التحية وعذرا اذ سأشمل في الرد
يا اخوانا هي شروط نيل العضوية دي شنو؟ إني كان لازم اكون عارفة عنوان الخور؟ ولا عارفة الاعضاء كلهم العيان والشديد؟ ولا اقعد عشرة ساعات يوميا قدام الكمبيوتر؟ انا بصراحة كان على بالي حاجات تانية غير كدة!
وبعدين حرام اقول انطباعاتي بعد اسبوع؟ منو القال انو الحياة بتقيف بقول انطباعاتي الطلعت بيها واواصل هل من مانع؟
بعدين انا متين قلت تقييمي دة تصنيف لكل الاعضاء؟ انا قلت في ناس …. وفي ناس يعني دي عينات قابلتني وممكن يكون في غيرها في مانع في كدة؟
وذكرت في النية الخالصة الاستثناء (الا من رحم ربي) شفتوها ولا لأ؟
وبعدين قبل كل شي الكتبتو دة انطباعاتي انا انتو عاوزين تحجروا على الناس تفكيرها؟!
جعفر انشاء الله ما حينقصني أي شي لو ما تداخلت معاي ما عندك مشكلة الله معاك!
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: Nadia Elsir)
|
..
.
| Quote: عالم حاقدة بشكل لا بيجاملوا ولا بيخلوا غيرهم يجامل! |
ديل ما حاقدين لا سياسة التطبيل ما مجدية ..
Quote: كلماتك تحمل المنبر بشاعة و سوء بمن فيه بلا استثناء مما جعلت من نفسك ناصحة
وهادية لغير الاعضاء بعدم جدوى و نفع العضوية بل و تحذري و تنذرى من مغبة طلبها او السعى لها عجبا !!! ! |
عارفة يا نادية كلام النصيحة دا .. ما بتقبلو كل زول
_______________________
منتظرين ناس المجاملات يجوا داخلين..
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: Tabaldina)
|
Quote: البوست ده فعلاً كاتباهو مرا ..
والله بس ناقصاهو جملة :
أجي يا اخواني .. |
اها شفتى عينة كلامك حق بياض النية و ما عارفة حكاية المنبر ضار بالصحة و ننصحك بالامتناع عنه و اولادك فى انتظارك جاب لينا الكلام على صمة خشمنا !
نادية السر
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: ismeil abbas)
|
| Quote: هنا فى ناس رائعيين بمعنى الكلمة ..ولا أريد أن أذكر ليك أسماءهم وأكون مصنف....عليكى أن تكتشفيهم بنفسك..... |
مرحب بيك أختي هبه، نورتي البورد بمحبتك الدافقة للخير.
ومرحب بأخي إسماعيل عباس، الذي صدقك القول.
البورد زي البحر لازم تغطسي كويس عشان تلقي الدرر،
وأوعك من البوستات المسطحة.
في النهاية حيكون عندك أصحاب متميزين في الحق والحقيقة حتى لو لم تقابليهم.
(أنزل من السماء ماء فسالت أودية بقدرها فاحتمل السيل زبدا رابيا ومما يوقدون عليه في النار ابتغاء حلية أو متاع زبد مثله كذلك يضرب الله الحق والباطل فأما الزبد فيذهب جفاء وأما ما ينفع الناس فيمكث في الأرض كذلك يضرب الله الأمثال). (الرعد آية17).
صدق الله العظيم
أخوكم،،،
عوض الله أحمد الطيب
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: omar ali)
|
الاخت هبة سلام..
وكنا قبل مدة قليلة قد طالبنا ثم رحبنا بقدومك عشما في نقلة نوعية تضيف للجهد المعرفي شيئا يمكن
ان يفيدنا ويفيد القراء ويدعم دور هذا المنبر ...
من حقك تماما ابداء ملاحظاتك في امر المنبر في اسبوع او يوم من نيل عضويتك..ولكن ياتي القصور
في اختزال تقييم التجربة واطلاق الاحكام استنادا علي ذلك..
هذا المنبر العمل علي صفحاته والكتابة فيها تحتاج الي صبر طويل وقوة تحمل للكثير من الصدمات
والمنعرجات التي قد تطال حتي ادق التفاصيل الشخصية.
ويحتاج ايضا الي جهد وابراز (المواهب) وتعلم فن التعلم والاصغاء وليس هو ابدا رحلة ذات رفاهية في
منتجع سياحي..
بل يمكن لك ان تصبرين وتجتهدين وتسكبوا معينك وتدلي بدلوك .بكل الاحاسيس الانسانية من فرح وزعل
وجدية ومرح....
الطريق شاق وطويل ويحتاج الي نفس طويل
الرجاء لا تضعي الجميع في سلة واحدة فهنالك اروع الرائعين في هذا المنبر وان اختلفنا معهم في
كل الاشياء...
حتي ذلك الحين تعلمي ان تكوني (قارئة ثم كاتبة)في هذا المنبر وهذا الامر يحتاج الي جهد وصبر
وتقدير جهد الاخريين والاهتمام به دون ضجر..
والف سلام..
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: ابوبكر الامين يوسف)
|
الأخت هبه
تحياتى وترحيبى متبادل .. لأنى لسه لنج ..
المنبر يا هبه هو فعلا سودان مصغر .. بل يزيد كتير فى إنو فى المنبر .. يمكنك التواصل مع الكل بغض النظر عن نوعية ذاك الكل .. وأفتكر إنها ميزة هامة ومفيدة جدا..
ثانيا .. ما تنسى إنو نحن ليه فى مرحلة preliminary members والظاهر مطلوب مننا نروق شوية ..
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: ابوبكر الامين يوسف)
|
الأخت هبه
تحياتى وترحيبى متبادل .. لأنى لسه لنج ..
المنبر يا هبه هو فعلا سودان مصغر .. بل يزيد كتير فى إنو فى المنبر .. يمكنك التواصل مع الكل بغض النظر عن نوعية ذاك الكل .. وأفتكر إنها ميزة هامة ومفيدة جدا..
ثانيا .. ما تنسى إنو نحن ليه فى مرحلة preliminary members والظاهر مطلوب مننا نروق شوية ..
| |
|
|
|
|
|
|
|
|
|
Re: الخلاصة الطلعت بيها بعد عضوية اسبوع (Re: هبة عبد الله عبد الرحمن)
|
| Quote: الخلاصة الطلعت بيها بعد عضوية اسبوع |
| Quote: Quote: يا القراء نصيحتي ليكم الما لقى عضوية البورد دة اصلو لا يتأسف ولا يسعى ليها لانه فيهو عِبر ما بتعرفوها الا من جوة والعندو حبة صحة أولى بيها نفسه وأولاده. |
الحبيبة هبة
مساء الخير
حسب متابعتي لرحلة انضمامك للبورد فأنت قارئة لصيقة بأحوال البورد وعارفة مجريات الأمور فيه و كنت مشاركة عبر الإيميل قبل أن تنالي الباصوورد فالجديد شنو؟
الخلاصة الطلعتي بيها دي ما خلاصة عضوية أسبوع
| |
|
|
|
|
|
|
| |
bayan
Hussein Mallasi
Mohamed Abdelmotalib Hassan
نوسة
tmbis
abuguta
Ashraf el-Halabi
حسن الجيلى سعيد
محمد فرح
عمر الفاروق
يازولyazoalيازول
abubakr
هشام آدم
ismeil abbas
Elawad Eltayeb
omar ali
عبدالكريم الامين احمد
محمد علي ياسين
kamalabas
شهاب الفاتح عثمان
ابوبكر الامين يوسف
بشير دفع الله
lana mahdi
فيس بوك
تويتر
انستقرام
يوتيوب
بنتيريست