|
Re: ومرة تانية بنعيد اسماءهم..عساهم يعودوا (Re: Elkhawad)
|
سلامات يا شباب ... وشكرا يا قرشو علي السؤال انا يوميا باشوف البوستات ...بس احيانا ما باقدر اشارك علشان المشغولية وكدة ... بس دة ما يمنع من التمتع بما تكتبونه ...أو في الحقيقة ...انا ما باقدر انوم من غير ما ادخل اشوف البورد فيه شنو ..بس مع التعب المشاركة في البوستات صعبة احيانا وربنا يوفق الجميع
الاخ الخواض سلامات يا الغالي عايز اسألك ...فرانكلي ده زعلان مننا وللا شنو ...قول ليه الشباب بيقولوا ليك ادينا طلة مرة مرة كدة ...وللا يكون عايز يعمل زي الصادق...يغطس ويظهر عريس
3bdo
| |
|
|
|
|
|
|
Re: ومرة تانية بنعيد اسماءهم..عساهم يعودوا (Re: 7abib_alkul)
|
سلام ياشباب وشكرا ليك يا عم رامي اقصد قرشو لووووووووووووووووووووووول والله انا الايام دي سافرت لي سفرة صغيرونة كدا واسع داخل من كمبيوتر حبيبنا سوناوهو بسلم عليكم ولكن اعزرونا شوية الشغل بالكوووووم الله يعين وسلامنا ليكم فرد طقة كدا
| |
|
|
|
|
|
|
Re: ومرة تانية بنعيد اسماءهم..عساهم يعودوا (Re: رومانسي)
|
العزيز abdo والله سعدنا بمعرفة اخبارك والحمد لله انك بخير بس ادينا طلة كل مرة والثانية بالله
حبيبب الكل انت لسه فاكر مش شايف البورد كله بقى ناس جداد هسع يقولوا حبيب الكل ده فوت ولا شنو .. الفه شنو يعنى .. هاااى
رومانسى الحمد لله العرفنا ليك بلد بس يعنى فى العاصمة يا فردة مش كان تقول ياخى عشان اوصيك للحنان عموما انا كل يوم بتصل واترك ليك رسالة تمشى وتجى بالسلامة وسلم على سونا كثير بالله
| |
|
|
|
|
|
|
Re: ومرة تانية بنعيد اسماءهم..عساهم يعودوا (Re: قرشـــو)
|
ســــلام يا كل الشباب هنا
قرشو في ناس من الذكرتهم فعلا بظهروا بس عاملين زي العملة النادرة مرة تلقاهم ومرات لا...أما ناس عبده ديل فما بيظهروا الا تشرك ليهم نص الليل يعني نص ليلهم هم . أما كيوت ليدي دي بس عملتها حجة وزوغة من الحج وتاني ما ظهرت
| |
|
|
|
|
|
|
Re: ومرة تانية بنعيد اسماءهم..عساهم يعودوا (Re: rummana)
|
شكرا على السؤال يا أعز أحباب ، كل لحظة وأنا في داخل حوش البورد ، ما يمنعني من الكتابة هو كثرة المشغوليات ، حتما سنعود ومرحبا بالإخوة الجدد أبو الجعافر وحمزة ومزيدا من الاستقطاب يا بكري وما زلنا في انتظار بشرى الفاضل وصلاح الزين وأسامة الخواض وعالم عباس ووغيرهم
| |
|
|
|
|
|
|
Re: ومرة تانية بنعيد اسماءهم..عساهم يعودوا (Re: rummana)
|
الغالية رمانة بحق ادهشتينى بمقدرتك الفائقة على تذكر اشياء قد لا يكون لاحظها الا قليلون امثال ناس نص الليل وامثال حجة الحاجة كيوت ليدى وعدم ظهورها بعد اخطارنا بالحجة ... يا ربى الناس دى وين بس ؟؟؟ واقول ليهم
غيب وتعال .. غيب وتعال تعال لينا يا.. مافى زول يتم لى الاغنية بتاعت هاشم ميرغنى دى ؟؟
| |
|
|
|
|
|
|
|