|
|
 !!! سأشتاقكــــم في كل لحظـــاتي
|
دعوني أقتبس جمل وحروف من علمني كيف اخط ولكم اجمل الحروف .. وعلمني كيف يكون الكلام .. عــاطف خيــري
فهو من بدأت به مشواري معكم ... الذي اتمنى ان يطول عمرا مديدا .. وأجيالا
ولكن هي الحياة .. محطات
** الآن السماء عارية وعلى أهبة الرسم **
** على أهبة الحنان الذي مظهره الإرتباك ، وباطنه وحشة وغربة **
** فأنت الغريق لا محالة ، وأنت آخر صيحة أطلها آدم حين حاورته حواء **
** بالدفء والرائحة المستحيلة **
** حينها فالحنان له وشائج لصيقه بالتأتأه والفأفأة والحبسة **
** أيضا الخرس ، لانه يلغي الكلام ويصيب الفرد بالتشتت **
** والحنان حين يشتد وتستعر أسبابه **
** يقف حائلا بين الافصاح ، عدوا لدودا والبيان **
** لذلك نحن لا نفهم لغة الطير **
لطالما زهجت وروحي حرقتني من الناس البقولوا انا خلاص بطلت اكتب تاني في البورد.. لكن الظاهر هي حتمية السيناريو.. وفرضية الحوار
طبعا ما حأقول إني ما حأكتب تاني .. ولكنني في رحلة سفر اتمنى ان لا تطول
واتمنى من لى عنده 1% معزه ان يدعو لي بالتوفيق والنجاح
فانا في امس الحاجه لكل دعواتكم .. فانا مرتبكه حتى الارتباك ومتلخبطه وحالتي بالبلاء والله .. والايام الفاتت دي كلها انا كنت متشجعه معاكم ساي
وحديثي هذا الآن كالطفل المتعلق في توب أمه علشان ما تخليه
لن يطول البعد .. فأنا لا أحتمل فراقكم يوما ولا حتى ساعه
سامحوني لو كنت اخطات في حق أي منكم .. اعذروني لو كنت سببت ألم لأي منكم
فما كان قصدي إلا الخير وكل الخير .. تغريد إنسانه اكتر من بسيطه .. أكتسبت إنسانيتها من وجودكم
ازدهرت بالحياة واخضرت بكم ومعكم ... فانا مديونة لكل منكم واتمنى من العلى القدير ان يوفقني واسدد كل ديوني لاناس قل ان أجد مثلهم
انتم أعـــزائي .. اهل بلادي .. عقرت كل البلاد والاوطان ان تلد مثلكم
خضر الله بنانكم .. أسعدكم بأيامكم .. سدد الله خطاكم .. ورفعك إلى اعلى الدرجات في الدنيا والآخرة
أحببتكم الامس .. بل عشقتكم كل العشق
وسأحبك اليوم وغدا وفي كل يوم
سأحبكم في دنيا الناس وآخرة الله
|
|
 
|
|
|
|
|
|
|
 Re: !!! سأشتاقكــــم في كل لحظـــاتي (Re: BitAlhana)
|
العزيزه تغريد
لو عزمتي علي السفر وليس هناك من مرتجع ما بنقدر نقول ليك غير ربنا يوفقك بقدر ما اسعدتي اهل البورد ومافي كلام بتقال بوفيك حقك علينا
لكن بروضو فراقك صعب يا ستي الرئيس وكدي راجعه حسباتك وقالو السفر ملحوق
| |
|
|
|
|
|
|
|
|
 Re: !!! سأشتاقكــــم في كل لحظـــاتي (Re: تغريـــد)
|
الغاليه تغريد
اصعب حاجه فى الدنيا الوداع واصعب انواع الوداع وداع انسان غالى
ما قلتى لينا الى اين المسير هل هى رحله دراسيه والى اى بلاد انتى ذاهبه
على كل حال بنتمنا ليك التوفيق فى رحلتك دى وبنكون فى انتظار اخبار ك بى الثانيه لانك زوله غاليه علينا كتير وما بنتحمل غيابك ولو للحظه من ما عرفنك ما سمعنا منك سوى الكلمات الطيبه وصدقينى من لحظة دوخولى عرفتا انك انسانه ممتازه وقلبك كبير وبيسع الكل وبنتاسف كتير لو فى لحظه عكرنا مزاجك او كده///تغريد ما عندى كلمات اقولها ليك سوى وفقك الله وسدد خطاك ونور طريقك ورجعك الى اهلك ولنا ما عارف كل ما احاول ان اكتب الى انسان غالى تخوننى الكلمات
لكن بستازن صلاح حاج سعيد فى رايعته عينيك مدن وبقول ليك انتى على بعضك مدن ومدن جميله ومدن رايعه
عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
واعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
منتظر وعدو الجميل
عشقك زمان جواى رحل
وإتناه فى الأعماق أمل
ضمَّخ رؤاى إحساس نبيل
اذهل طيوف خاطرى القبيل
جاشت ملامح روعتو
ضج السكون فى وحشتو
والكان أمل فى عيونى لاح
ذوب مدارات فرحة الوهج النضير
والمزدهر بالإرتياح
فجأة انحصد قبضة رياح
وسكت الكلام يا حلوة فى القول المباح
وغاب الصباح بعدك رحل
والكان أمل فى غيم سماك
ايقنت إنو عدم بلاك
وإنك قدر
وإنو البيحلم بى علاك
بختار ظروف أحلاها مر
عينيك لو تصدق معاى الأمنية
عينيك لو أعرف ختام الاغنيه
بدء الكلام والمنتهى
والمستطاب والمشتهى
كل المباهج فى المواويل والغنى
والعاشقين قلبى وأنا
هزتنا فى عينيك تصاوير المنى
يا امنيات من كم سنة
يا اغنيات كل الأماسى المستحيلة وممكنة
يا المستحيل عينيك تهون
والمستحيل قلبِك يخون
ما الغدر ما طبع الوفا
والصدق ما شرط إنتفى
وانا حالى من بعدك كفى
وأنا حالى فى بعدك
كفاهو المغنى والحب والشجن
والوحشة والشوق للوطن
ما العمر قبلك ضاع سدىً
والعمر بعدك ايه يكون
لو يبقى بحساب الزمن
وفقك الله يا تغريد
وصدقينى انا ما رايح اتزكرك
ما بتزكرك لاننى ما بنساك حتى ارجع لكى اتزكرك
| |
|
|
|
|
|
|
|
|
|
سأشتاقك في كل لحظة (Re: تغريـــد)
|
سلام تغريد سلام
وين ياماشي يا سيادة الرئيس
ولا يكون عايزة تلبسي الطاقية اياها
على العموم وبالرغم من انو الواحد ما فهم
حاجة من سفرتك دي لي شنو
ولا لي وين
ما عندنا غير نقول ليك ربنا يوفقك ويحفظك
وتزكري دائما انو مكانتك حتظل خالية
في نفوسنا وفي البورد
وربنا يعودك لينا تاني وبألف سلامة
| |
|
|
|
|
|
|
|
|
 Re: سأشتاقك في كل لحظة (Re: seventy)
|
اها ما قلتى لينا وين ماشه
طلقتى فينا الخبر وخليتنا متل المجانين
وين مســـــــــــــــــــــــــــــــــــــــافره
انا مسافر...
برغم صعوبة الاسفار
ورغم قساوة الاقدار
والراجينى من مشوار
عكس الموجه والتيار
أنا مسافر بعيد وبعيد
وشايلك يا جميل تذكار
***
أنا مسافر...
وخايف من عيونك أروح
وخايف يا جميل الروح
أعيش كل العمر مجروح
لانو عيونى ما بتنساك
وواهب عمرى شان اهواك
لانك يا ارق ملاك
ما كان الفرح لولاك
بشيلك فى صدى الخاطر
وانا مسافر
بجوب الدنيا بى طولا
وبصبح زى فراش تايه
محطات سفره مجهولا
وروحى الفى هواك صبحت
زمن ياغالى مقتولا
ريدك زادا فى الترحال
واغانىالشوق ومدلولا
اها ما قلتى لينا وين مسافره
| |
|
|
|
|
|
|
|
|
|
دى رحلة سفر ولا قرار مصيرى (Re: تغريـــد)
|
..
.
انت الزمن الماضى الطيب
وانت الامل الحاضر فينا
انت ثمار الرحلة القاسية
روح العودة الطالة علينا
بيك مشينا طريق للدنيا
من شرفاته النسمة تجينا
الازهار تتناثر فوقنا
والريحان بتشابي الينا
نحن وصلنا وديه الدنيا
مـد ايديك نشبك ايدينا
الكنار
كيفك حال ، ليك حقيقة طوله ووحشة
ما عارف انت مسافرة ولا عايزه تنتحرى ، وانت تبري من الانتحار ومن الالم
بس مالك علينا بتدينا احساس كأنك مقدمة على سفره ولا تجربة خطيرة جداً
قولى بسم الله وختلى الرحمن فى قلبك واقرى يسن
واعقليها وتوكلى على الله
انا شخصيا بدعو ليك من كل قلبي بالتوفيق
وارجو العفو والسماح لو اغضبتك يوما
وليك اطيب الامنيات والدعوات
واستودعك الله الذى لا تضيع وداعه
وفى امان الله
..
.
| |
|
|
|
|
|
|
|
|
|
Re: دى رحلة سفر ولا قرار مصيرى (Re: Pearl)
|
الغاليه تغريد
الحمد لله الذي جعل لنا بورد عالمي يعني محل ماتمشي ح تلاقينا ، المهم ربنا يسدد خطاك ويوفقك في سفرك ونحن عندنا عشم انو الواحد في المائه ح يكون اكتر من التسع وتسعون بالمائه 99% وغني ليك شنو طيب
لما ترجع بالسلامه وترجع ايامنا الجميله ياثناء الروح ويا ملاما وياعواطفنا النبيله
الله يصبرك ياقلبي من حالتك الفوقك الله يصبرك كل مايمر صباح زايد على شوقك الله يصبرك يامسافر بعيد بعيد قام سام الحبايب
استودعك الله الذي لاتضيع ودايعه
زاتو
___________________
القطر الشالك انت يتكسر حته حته
| |
|
|
|
|
|
|
|
|
|
Re: !!! سأشتاقكــــم في كل لحظـــاتي (Re: تغريـــد)
|
click on play to listen
بالرغم من أنى لأدري ماهية هذا السفر وبأي لون وبأي نكهة وبأي طعم ولكن تباينت عندي الرؤى أهو سفر أم ماذا؟
ولكن أيا كان فلك من قلب القلب كل الامنيات بالتوفيق والسداد
وصراحة كدا البورد ح يعيش حالة فراغ لانهائى مع إحترامي للبقية
فانت التي تملأينه حركة وبهجة
وسنفقد فراشتنا التى تنقل اللقاح بين ورود البورد
والله العظيم الكلام غالبني عديييييييييل
ربنا يوفقك
(عدل بواسطة suna on 04-06-2002, 08:00 AM)
(عدل بواسطة suna on 04-06-2002, 12:24 PM)
(عدل بواسطة suna on 04-06-2002, 05:56 PM)
| |
|
|
|
|
|
|
|
|
 Re: !!! سأشتاقكــــم في كل لحظـــاتي (Re: suna)
|
يا مسافر وناسى هواك
أرواحنا وقلوبنا معاك
ماشة وين يا تغريد
ان شاء الله خير؟؟؟
على كل الجميع هنا يكن لك مشاعر المحبة النبيلة
الكل هنا يدعو لك بالتوفيق
الكل هنا محتاجون اليك
الكل هنا لا يستغنى عنك
عشان كدة لازم ترجعى بسرعة
وتأكدى تأكدى تماما أنك موفقة فى كل خطوة
بسبب حب الناس
بسبب دعاء الناس
بسبب عناية رب الناس
الله يحفظك فى الحل والترحال
| |
|
|
|
|
|
|
|
|
|
ليه كده يا جاقو ؟ (Re: تغريـــد)
|
شوف يا رئيس (جاقو) بتاع انحنا ن لو انت بسافر سفر بعييييد كده من بورد دي ، أنا كمان بسافر و ما بيجي في بورد دي تاني، لأنو (جاقو تغريد) همن روح بتاع بورد دي ، و تغريد همن اول زول في بورد دي بيقول لمنوت (سلام9 و بيكلم (ولد بتاع رجب) عشان برسل انيه بتاع (ووووب ) لى منوت .
عليك جوك اتنق (الله) ما تسافر يا صاحب بتاع منوت
_________
و منقو قل لا عاش من يفصلنا
| |
|
|
|
|
|
|
|
|
|
تغريد (Re: تغريـــد)
|
الغالية تغريد
تحية طيبة
لكن مامعقول كراعنا حارة واللا شنو؟حالتو أنا قلت أخلص أشغالى واتلفت للبورد رغم ان الموجودين فيهم الخير لكن وجودك مهم مهم مهم
صدقينى ...ومن أى مكان ممكن تتواصلى معانا..لكن برضو بقول ليك انشاءالله يكون مشوارك مشوار خير وسفرك مكلل بالنجاح لكن برضو بصر انك تكونى معانا من أى مكان تمشيهو
تحياتى
ناهد
| |
|
|
|
|
|
|
|
|
|
Re: تغريد (Re: nahid)
|
يا ناهد انا نسيت ما رحبت بيك 1000000مليون اهلا
لكن والله كراعك مش حارة بس والله مكوة عدييييييييييل
ان شاء الله المكوة التهرد صلعة ود حبيب
&&&&&&
يا ود عزة دا كلامك عن تغريد(وتتدخل بأسلوب عصرى وراقى وبذكاء لفض المنازعات والاشتباكات التى تحدث فى هذا البورد )ونحن
دائما بنرسل النساء لفض النزاع عشان ما تلحقنا سيخة والا شلوت
وانتو طوالي بتجيبو رخوة
يعني العين الحمراء ما بتنفع معاكم
فتك بعافية
| |
|
|
|
|
|
|
|
|
|
Re: تغريد (Re: nahid)
|
العزيزةدومًا تغريد
امشي في الدرب البطابق فيهو خطوِك
صوت حوافرك
دومًا مظفرة
لكِ الفآل
وكل الامنيات الطيبة
ما تطولي الغيبة
| |
|
|
|
|
|
|
|
|
|
تغريد (Re: تغريـــد)
|
قلنا ما ممكن تسافر
ببوستاتك ومداخلاتك ياربس يادوب بوردينا بقى كويس
إنتو مالكم ياالرؤسا الجن الضربكم دا شنو واحدين يعرسوا وواحدين يشتتوا. الحاصل شنو.
وبعدين تسافري وتهملينا وتخلينا لمنو؟؟؟؟؟؟؟؟؟؟
وأوعك يكون سبب السفر زعل مننا وما يكون غلتنا عليك ولا وسخنا أيديك.
غايتو لو سبب السفر عريس مغترب تكوني دقستي واتخميتي ساكت وعلي اليمين تندمي جنس ندم وتسفي التراب وتاني اهلك كان شفتيهم تشوفي تشوفي حلمة أضانك
وتاني كان شفتي أهلك تشوفي الدولار بقى باتناشر جنيه زي لمن جوا ناطين فيها ناس الإنقاذ.
وتاني كان شفتي أهلك تشوفي أولاد المدارس عندنا كل واحد فيهم عندو طاولة وكرسي يقعد فوقهم وعندو سندوتش الفطور .
وتاني كان شفتي أهلك تشوفي اللحمة والخبز متوفرات في كل بيت سوداني.
وتاني كان شفتي أهلك تشوفي مافي شماشي حايم في السوق العربي يشحد في حق الفطور.
وتاني كان شفتي أهلك بتشوفي انقراض الملاريا في السودان وتشوفي اي مريض يمشي المستشفى ويتعالج وياخد الدواء ويجي ماشي بدون ما يدفع حاجة.
وتاني كان شفتي أهلك بتشوفي الصادق المهدي ومحمد عثمان الميرغني قالوا يا جماعة خلاص نحن شبعنا من السلطة وخليناها للغير. وتشوفي مبارك الفاضل قال لناس الحيكومة يا جماعة أنا الوزارة دي علي الطلاق ما دايرا.
وتاني كان شفتي أهلك بتشوفي الترابي جا واعلن اعتذارو للشعب السوداني عن كل الآلام والمواجع والمغس والضنك السواهو فيهم وطلب المغفرة من الشعب ومن رب العالمين.
أهــــــــا بعد كلو تقول مسافرة.
| |
|
|
|
|
|
|
|
|
|
السفر (Re: تغريـــد)
|
العزيزة تغريد ......
سفرك ده لكن ما عوجه عديييل ، على ارغم اني مقلة جدا في المشاركة في مواضيع البودر للإنشغال وقلة الوقت ولكني أجد الوقت للدخول للبورد و الاستمتاع بمواضيعك الشيقة .... وتجي هسه تقولينا مسافرة ؟!
طيب قولي ليناعلى وين النية ؟
تسافري كيف تخلينا؟
لشوقنا وذكرى ماضينا ...
وكيف بعدك يكون الحال؟
وكيف يصبح بوردينا ؟؟؟!!
بوردينا الكان منور بيك وعشا روعة تلاقينا..
صبح حزنان وما مصدق انك تخلينا ...
| |
|
|
|
|
|
|
|
|
|
اذاحضرت الشياطين يا رئيسه ولاكيف؟ (Re: تغريـــد)
|
عزيزتي المحترمه
فليكن لمعلومك ان اليوم هو يوم الاول معكم ولا اخفيك انك جديرة بالاحترام والمحبه من قبل الاصدقاء فكل حرف خطيتيه يكمن بداخله اسمى المعاني واحلاها
وليتني قدمت وبدرت بالمجيىء اليكم لني كنتوا حظيت بمعرفتك
ولكن نحن فيها فلا تحزني ولايحزنوا اصحابك فانتي معهم وبهم وهم هم معكي واياك دائما طالما لديكم هذا الصرح من المساحه التي اتاحها لكم الفاضل بكري ابو بكر
فقط رجاء وان كان لايحق لي الطلب فأنا بالكاد عرفتك اليوم ولكن سأطلب رفقا بأصدقاءك فقط اريحي واوضحي اي سفر مجهول مرغمه عليه فأذاكنتا انا التي لا اعرفك انتابتني الحيره والخوف من المجهول الذي تحدثتي عنه فمابال اصدقاءك ومن عرفوك
ولك مني العتبى حتى ترضي
مع خالص تقديري لكي ولكل من عرفك واراد معرفتك
الطير المهاجر
elnjma
| |
|
|
|
|
|
|
|
|
|
Re: !!! سأشتاقكــــم في كل لحظـــاتي (Re: تغريـــد)
|
يا تغريد يا عسل انا ما حاقول حاشتاق ليك..لانوا ما حيكون ليها معني مع اللي بشعور بيهو...لانك بصراحة كنت اعسل وحدة هنا...كنت صديقتي الصدوقة...معلمتي الذكية التي استطاعت ان توصل المعلومة الي بدون محاولات ذكاء..فقط ارادت ان تساعدني..لولاك لكنت للان اضيع لا اعرف اين المخرج..
اشتقت ليك...و مشتاقة ليك..و حاشتاق ليك
انا راضين ..امشي سافري بس ما تغيبي كتير..لاننا بصراحة ما حنصبر..
لك الاشواق اهدي..و احلي التمنيات بالنجاح...يا بت ما ترتبكي انت دخلت قلوبنا كلنا...فمهما اللي انت خاشة عليهو اللة يثبت قلبك و يساعدك..
و اللة علي كل شي قدير...في النهاية يا تغريد..اقول لا اله الا الله...
the_girl
| |
|
|
|
|
|
|
|
|
|
أنحن متين عرفناك؟؟؟ (Re: تغريـــد)
|
انحن متين عرفناك
ومتين الكنا ما عايزنو يحصل
داس مشاعرنا وحصل
أمانة عليك يا تاية الخصل
تغريد الغالية ...قطعت مذاكرتى عشان أرد عليك بعد ما عرفت سفرك وانا طبعا غايبة من البورد فترة عشان المذاكرة وامتحانات الشهر الجايى
ومعقول كده نحن كراعنا حاره واللا شنو ...يا تغريد..وحياتك كل الناس رغم انهم ماشافوك لكن بتكلمو عنك زى الانتى معاهم وتكفينا كتاباتك الراقية وتعليقات اللطيفةحتى شكل البوست بتاعك أنيق ومزروع ابتسامات وفيهو نبض حى زى ما بقول ودعزة..المهم سفر سعيد ورحلة مباركةوفاتحة مستقبل سعيد وعمر مديد وتجينا وكلنا أحضان شوق
تحياتى
وودى الشدييييييد ليك
غزال المسالمة
| |
|
|
|
|
|
|
|
|
|
Re: في حب يا اخوانا اكثر من كدا (Re: ahmed)
|
الريسة الغالية تغريد
لست ادرى فقد استعصى على البورد لايام وعدت اليوم اقلب فى الماضى وما فاتنى ولشد فاجعتى حين رأيت هذا البوست..
حقا الكلام هنا يتسرب ويتبخر ويتلاشى من فرط الصدمة
انتى حقا هنا ليس ريسة وبس بل انتى هنا روح هذا البورد يستمد عظمته وشموخه واباءه من وجودك فيه فكيف يكون هذا..
وما هو السفر الذى يمنعك ان تتواصلى مع الكمبيوتر ؟؟؟
لقد اسهب الاحباب اعلاه ولكنى أجد اننى ولأول مرة تستعصى على الحروف وتتركنى صامتاً صمت البلهاء لست ادرى ماذا اقول..
سأعود للمعتاد والمكرر واقول لك تمشى وتجى بالسلامة وانصياعا لك أدعو لك من قلبى ان توفقى فى رحلتك تلك وان تكون ملؤها السعادة والفرح وان تعودى لنا قريبا وانتى اكثر أملا وتفاؤلا واشراقا
والى لقاء ...
| |
|
|
|
|
|
|
|
|
|
Re: في حب يا اخوانا اكثر من كدا (Re: قرشـــو)
|
اقاسمك فى السفر بالروح ... سعيد انت وشقانى سفر
الاخت تغريد او كما يطلق عليك اهل البلد
الريسه
اولا لك تحايا بلون البنفسج وطعم النعناع ورائحة غابريلا
يقولون ما اقسى وداع الاحبه واقول ما اقسى وداع من احببت ان تتعرف عليه
فما كتبه الجميع لك وعنك من كلام جميل مموسق يدفعنى للتحسر على تاخرى فى متابعة البورد والتعرف عليك ويقينى ان انسان بكل تلك الصفات لاخوف عليه ولا هم يحزنون .. ولعمرى ماتركتيه من اثر رائع فى نفوس اهل البورد يجعل دعواتهم وامنياتهم لك تفرش طريق النجاح بكل خير ولا املك الا ان ادعوا لك الله بالتوفيق .. وان كان فى العمر بقيه اكيد سنلتقى
يا واقفه بين جرح السحاب وشهقة الارض البكر ماكان ده ريد
ديك الجن
_______________________________________________
مازنب جلد الطار لو غنو بيهو شتر
ماتخافى الله معاك وكل الملايكه سمر
| |
|
|
|
|
|
|
|
|
|
أكادُ...... لا أصدقُ (Re: تغريـــد)
|
كم هي كانت تلك الدعوة الرقيقة التي وصلتني من صديقتنا ... تلك التي لم نرها.. وربما لا نراها.... كان ذلك قبل رمضان الماضي وأنا أتأهب للسفر ميمماً شطر الوطن.. الوطن الحدادي مدادي للحاق بباقي أيام من صيام رمضان هناك.. ثم العيد فالإجازة الطويلة .. وما أجمل الصيام في بلادنا وما أجمل الأعياد فيها أيضاً.المهم - رحلتَ وجيت - كما يقول شاعرنا التجاني سعيد ، علي أمل تلبية دعوة الزميلة تغريد للإنضمام للبورد، ثم أردفها الأخ الزميل أبوبكر كي أستعجل خطاوي الإنضمام .. فإنضممت بكل الشوق والفرحة، وفي الواقع كنت في بعض المناقشات الخاصة والجادة أيضا مع الأستاذة تغريد كانت تقول لي أرجو يا باشا أن تدعو لي الله عند كل صلاة .. فالدعاء الخالص مستجاب.. قلت لها .. لعل الداعي خير .. فكانت تقول أنها تتوقع حدثاً جميلا يحتاج خالص الدعوات .. لم أضغط عليها .. ولم أكن فضولياً لمعرفة أسباب طلب الدعاء .. كنت فقط أقول لها مداعباً .. بأننا أولاد فقرا .. ودعواتنا إنشاء الله مستجابة .. بس عايزين العمولة عند تحقق الدعوات .. وأعتقد أن أوان المطالبة بالعمولة قد أزف
شكرا لك يا تغريد .. شكراً لأنك كنت تجهدين نفسك بلاهوادة في جلب السعادة الإبداعية للآخرين.. رأيتهم هنا والله كيف يتعلقون بك وإنت دوما تسبحين مع التيار وليس عكسه .. كنت عظم لوحة كتف البورد وسداه .. بل وشحمه ولحمه
كم يكون الإنسان في هذه الدنيا رهن إشارة الظروف.. وكم هي الظروف في ذاتها تتقلب..تارة في أقصي اليمين .. وتارة في أقصي اليسار .. وأخري بلا إتجاه محدد
ونأمل أن تكون جميع الإتجاهات في صالحك.. نأمل أن يكون غيابك هذا يكتنز بجبال من الدفء في إنتظارك
ولا نملك غير خالص الدعوات الصالحات بأن تكون كل نتائج الغياب ممعنة في الإيجابية.. لكننا نشعر بأن التواصل كما قالت صديقتنا الأستاذة ناهد بشير ممكن .. فقط اضيف أن التواصل ممكن ولكن بعد حين .. بعد أن تكتمل كل الخطاوي الممكنة .. بعد أن يحدث الإشتياق لإدارة مفاتيح الكمبيوتر حين تهدأ رياح الأمل المرتجي .. إنه أمل عظيم وغالي وثمين .. ذلك الذي يمنعك الكتابة .. إلي حين إشعار آخر . وليس إلي الأبد
مع عاطر الأمنيات إن وجدت الزمن الذي يمنحك فسحة الإطلاع علي ما يكتبه أهلك في البورد من كل أركان الدنيا
وإلي لقاء متجدد . معطون في رائحة تراب بلادنا
أبوالباشا .. الدوحة
| |
|
|
|
|
|
|
|
|
|
تغريد (Re: تغريـــد)
|
صدقت ياود الباشا فتغريد محل اعجابنا واحترامنا جميعا وربنا يرجعها بالسلامة عشان تضوى لينا البورد
تحياتى
ناهد
| |
|
|
|
|
|
|
| |
7abib_alkul
waleed500
rummana
yasiko
ALZOLZATOO
banadieha
wadazza
يازولyazoalيازول
منوت
bob
khider
Elmosley
ahmed
قرشـــو
Abulbasha
فيس بوك
تويتر
انستقرام
يوتيوب
بنتيريست