|
Re: سر العلاقة... ما بين الحــــاج عبد المحمــود.... و بشـــاشـــه (Re: omar ali)
|
الحبيب ابو عمير تحياتي.
استاذنا شوقي بدري حتي الان، وياللخجلة ماقريت ليهو، لكن من دربي ده، ياني المحرك تلفونات للسودان بحثا عن مؤلفاتو.
اما صورة بشاشا فوالله اخوك في ورطة فعلا!
كيف؟
اعلنت عن مسابقة لرسم صورة لي بشاشا ولم اكملها، وذلك لاني حافقد وللابد الصورة الرسموها لي الجماعة اياهم.
اهمية اللوحة المرسومة لي، كفلاتي، اوغرابي حاقد..وفي نسخة اخري عب عديل كده او فرخ ذي مابتصورني العزيز كبسيبة.
اولا اوما عارف بالضبط ليه، الصورة المتخيلة عني دي، فعلا بتريحني خالص، او بتخليي فعلا اتقمص شخصيات هذه الصور النمطية في مجتمعنا، وانا بكتب!
عارف، سر زيادة "كهربتي" احينا في كتاباتي، هو الحضور الطاغي لهذه الشخصيات، وانا ولو لثواني بتخيل روحي فعلا واحد من هذه الشخصيات!
بالذات انو ذاكرتي مليئة لي درجة الاحتقان، ومنذ الطفولة بي مشاهد تفاصيل الحياة اليومية، لي مستعبدي الفور في اقصي الشمال.
لذلك صراحة ماعارف انشر صورتي ولا لا؟
عندي نشر الصورة حيآدي الي نضب مصدر الالهام النابع من الصورة المرسومة لي هنا في المنبر، المستوحاة بدورها من وحي كتاباتي!
انا بتكلم معاك بي صدق شديد، رغم ادراكي ان خصومي، سيستغلون لحظات الصدق مع النفس، هذه، اسوأ استغلال، كما حدث من قبل مرارا! ولكن علي الاقل كده بكون مهيئ نفسي مقدما، عشان لو ده حصل، فماحيفرق لاني سلفاافرغتو من عامل الصدمة المضمن في عدم توقع الواحد لي بعض الاشياء. خالص مودتي.
ترهاقا، صديقي في الهجرة والغار،
والله خرمانين ياراجل!
في حفلة كاربة في لوس انجلوس يوم 17. حفتقدك، ولكن سنحتفل بذكراك مع بقية الشلة.
|
|
|
|
|
|
|
|
|