|
Re: بورداب الخرطوم انتم وضيوفكم من بورداب الخارج ضيوف على شرف الدكتورة زول (Re: almohndis)
|
امجد انا لحد قريب ده ما باطلع الا مع زول عشان ما اتوه لاكن اتمنى وصفي يكون صح بعد ما تصل شارع القصر في اخره اعتقد اي شخص تساله حيدلك حدائق الشهدا البوابة الفاتحة على بنك الخرطوم وزالجماعة يكملوا الباقي
ود عقاب بالغت كيف يعني تجوا ماكلين؟
نصار العزيز انا والله ترددت في كتابة السنة وكنت حاسة في زول حخيقول لي نسيتيها طلعت انت يا ريت تزودناباي وصيلة للاتصال بابايزيجد ومرحب بيه
| |
|
|
|
|
|
|
Re: بورداب الخرطوم انتم وضيوفكم من بورداب الخارج ضيوف على شرف الدكتورة زول (Re: almohndis)
|
خطابات في حَمى الوطن
فتَّحت جوابك الأول لقيتّك لسَّه يا وطني بتكتب بالعَّمار والدم ولسَّه بتسْكَر أم درمان علي الشارع.. وتتْكوم وتمْرُ ق من صدر مسْلول نهودهْا تدُوسِن العربات ترضَّع في الكلاب مشنوقةْ من عينيهّا في الساحات وتضْحك في زمن مسموم ولسَّه بترقُّد الخرطوم تبيع أوراكها للماشين تطل من فوق عمارتهْا وتلز أطفالها في النيلين وترجع للرقاد تأني فتحت جوابك الأول أشوفك في جوابك الأول
مشيت أتمشْى فوق همَّك وصلني جوابك التانى يحيض الغيم على سطورك يقطر من سماكْ دمّك
بشوف في جوابك التاني مُدُن مبنيّه متكيّهْ بتمْرق من شبابيكا عيون برموشه مطفيَّهْ شرك لي ّ كُلّ قمريه وأماني كتيرهْ مخصيَّةْ شوارع بالنهار والليل مدبّسهْ بالحراميَّهْ معلُقّهْ في صدور الناس كلاب أسنانهْا مبريَّهْ على مرِّ السنين تحْسب شهور أيامها عِبريّهْ مشيتْ اتمشَّي فوق همَّك وصلني جوابك الدمّك رقدتَّ على البحر غنيتْ مليت أحزاني بالأمواج جرحْتَّ الدنيا بالدوبيت جريت لي ساحة الشُهداء لقيتُم لا وطن لا بيت دخلت منازل الاُمّات وطليتْ لي شقاء الاخوات مرقتَ كأني زولاَّ مات لقيت أطفالي في الشارع بيجروا على أمل واقع رقدتَّ على البحر غنيتْ واتذكرت أهلن لي ساكنين في سجن كوبر مليت أفراحي بالأمواج وشدَيت الرحال قُمْتَ إ لحدَّ الليلّهْ ماعُدْت شبابيك فتَّحَتْ أبواب أبواب فتَّحَتْ حارات
وكنتَ معاكَ يا وطني على حُمَّى الجواب الفات صحيتْ ولقيتَّك الشارع وكِتْ تتْمايل النخلات وترْمي على التُراب ضْلّك على أيامك الجايات وفي جوابك الرابع لقين الناس على الشارع وصوتَك من كهوف طالِع كّوارٍيك للسماء السابع كّوارٍيك للسماء السابع عمر الدوش
| |
|
|
|
|
|
|
|