|
بناديها..تنقو..تمبس..شتات..المطر..وليد399
|
آه يا أميرة .. إستنيتك .. عشان الشوق غلب جواي .. يصارع في سكة المجهول .. ينادي .. متين تمتد .. زغاريد الفرح .. عشان ألقاك .. بشارة وزاد .. وتبقى الرجعة هي الأجمل ..
إلى التي حملت قلبي في كفها .. وإلى كل الأحبة الرائعين .. بناديها .. عمك تنقو .. تمـــبس .. شـــتات .. المــطر .. وليد 399 .. ولكم أحبتي جمــــــــــيعاً ..
|
|
|
|
|
|
|
|
Re: بناديها..تنقو..تمبس..شتات..المطر..وليد399 (Re: معتصم دفع الله)
|
معتصم
الولد الأريج
زمان كنا بنقول
لو ما دموعى من نيرانى كنت حرقت
هسه يا كافى البلا الدموع ذاتا قطت بقت كُرّاد
بتعرف الكٌرّاد
أرتب ليك القائمة دى تصاعديا، ولا تنازليا
حسب البكاء طبعا
ولا أقول ليك خليها بى تحت تحت
ذكرتنا ايام الأغنيات الندية والله يا معتصم وايام لمة الحبان
إجيك تمبس متأبطا لحنا بعد شويه تجى رجاء وبعدها مراويد وبعده تجى راوية
الخ عقد الجمال
شكرا ليك يا حلو
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: THE RAIN)
|
تمبس رجل لطيف..وهميم..وفي بروفايله مسجل تلفونين للإتصال به، وعلل لي ذلك عندما سألته عن ذلك، أنه يريد أن يضمن الوصول إليه لكل من يريد الوصول إليه..وليد 399 قابلته في بوست له عن عمر الفاروق وهو ودود..وتنقو وشتات لم اتقاطع معهما إلا قراءة هنا وهناك..أما هذا المطر فهو العام كله وليس موسم يزيد أو ينقص وليس سنة من السنين تشهد جفاف..ولكن من ذا بناديها؟ الإنسحابي!..حمد الله على سلامة عودتك للمنبر..ترمومتر المنبر يقرأ أن المنبر الآن بدأ يكون في أحسن حالاته.
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: banadieha)
|
Quote: تمبس رجل لطيف..وهميم..وفي بروفايله مسجل تلفونين للإتصال به، وعلل لي ذلك عندما سألته عن ذلك، أنه يريد أن يضمن الوصول إليه لكل من يريد الوصول إليه..وليد 399 قابلته في بوست له عن عمر الفاروق وهو ودود..وتنقو وشتات لم اتقاطع معهما إلا قراءة هنا وهناك..أما هذا المطر فهو العام كله وليس موسم يزيد أو ينقص وليس سنة من السنين تشهد جفاف..ولكن من ذا بناديها؟ |
الحبيب بناديها .. أنت كل هؤلاء الرائعون يا صديقي .. شكراً لأنك تمنحنا كل جميل ..
سيعود المنبر إلى عهده الجميل .. وستعود كل الطيور .. لتغرد في سمائه ..
عميق ودي ..
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: THE RAIN)
|
آآآآآآآخ يا مطر .. إنت كده زدت المواجع .. قلت لي الزمن الجميل ؟ .. والناس الحلوة دي .. بالله متين ترجع وتعود ؟..
عبرك أنادي .. رجاء .. راوية .. مراويد ..
تصدق أنا ناوي أستدعي الناس دي كلها هنا .. اللستة طويلة يا صديقي .. بس إنت خليك معاي عشان تذكرني إذا نسيت ..
شكراً يا مطر العشم .. إزداد هطول .. وخلي الغيم رزاد .. لتعود العصافير .. ويعود الإخضرار ..
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: ود عقاب)
|
Quote: مع انو ما معزوم لكن جاى ضهب وضهب جميل |
ضهب لزيز وحنك سنين يا ودعقاب .. يا زول يا رائع وشفيف .. نفسي أقيف وسط الدارة .. وأنده وأصيح .. تعالوا يا أحباب .. عشان تكتمل فرحتنا .. ويعمر بيتنا الكبير ..
شكراً يا ودعقاب يا صديق .. خليك معانا البيت بيتك أدخل لا جوة ..
محبتي الخالصة ..
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: THE RAIN)
|
الخطة جاهزة يا مطر ..
وكلمة السر .. عصابة القناع الأسود ..
Quote: أما تمبس هسه أنا ومن دربى ده عايز اشوف ليهو "فكى"
الزول ده "معيون" عديل |
بيني وبينك كده دبرسته دي فكي ما بحلها .. أنا عارف سره وكاشفه ليك .. اليومين ديل مكسر تلج في الشارع .. والسخانة درجة حرارته 1000
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: معتصم دفع الله)
|
معتصم دفع الله ..
جيتك تاني عندي ملاحظة موسيقية صغييييييرة .. بحكم علاقتي الوطيدة بالموسيقى ومجال الفن والاغاني ..
الملاحظة هي بالاضافة إلى صوت المبدعين وليد ونسرين .. وخاصة وليد .. شكلت آلة الفلوات وهذا العازف الماهر ابعاد موسيقي رائعة .. أعطت الاغنية خلفية موسيقية عالية التأثير وعالية التطريب .. وآلة الفلوات من الالات الموسيقية المؤثرة والحزينة الطابع في الاداء ..
عشان كدا خلت الدموع تتشتت قدر دا
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: waleedi399)
|
معتصم .. يا غـزال .. تنساب الموسيقى في أوصالنا كالمياه العذبة في سراب الحقول هذه المرة .. كانت ممزوجة بلونك الشفاف نجدك دائماً بقرب شواطئ الأصيل .. تنتظر الأحبة .. قلب ونبض .. اشواق وآفاق .. طيف وسحابة صيف .. .. لك الود وانت تعشق عصافير الجنة ولا تبغض طيور الأشجان ودمتم جميلاً ..
والتحية لكل من بالجوار هنا .. بناديها .. وهو يعزم كل زول لضحكة عيون فيها .. عمك تنقو .. خالداً على رصيف الأخوة وبيادر الود .. تمبس .. في غيابه ومناجاته وأشواقه .. أبوذر المطر .. بين السحب والبروق وأقواس قزح .. وليد أحمد .. هلالاً في انتظار نجمة الفجـر .. محمد الشيخ .. وهو يزرع زهرة بين السـور والمنفي .. ودعقاب .. بين الأبيض والأزرق النشوان .. معتز تروتسكي .. وهو يطل حكيماً من سور الصين العظيم
والتحية لك يا موو وأنت تحمل قلبها النورس بين كفيك .. وتحملك وعداً بين عينيها ..
صلاح / شتات
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: شتات)
|
شتات يا إبن عمي
ها أنا أتوسد حرفك .. وأنام عليه .. مطمئن البال .. أنتظرك عند فجر كل يومٍ جديد .. أستقي منك الضياء .. وأبدأ يومي مرتاح البال .. رغم عواصف الزمان .. وعاديات الأيام .. شكراً لأنك دوماً بجانبي ..
ولك من الحب ما لا نهاية له ..
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: معتصم دفع الله)
|
ود دفع الله ........ الله يدك العافية....... وترجعوا سالمين وغانمين انتا والحبان البعاد
Quote:
آه يا أميرة .. إستنيتك .. عشان الشوق غلب جواي .. يصارع في سكة المجهول .. ينادي .. متين تمتد .. زغاريد الفرح .. عشان ألقاك .. بشارة وزاد .. وتبقى الرجعة هي الأجمل ..
|
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: معتز تروتسكى)
|
معتز شقيقي الأصغر ..
وأنا زيك غلبني عديل أكتب عن الناس دي .. ولكن بحاول ليتني أفعل ..
معاك نسير خطاوي الشوق .. لا بتغلبنا المسافة .. ولا بتعجزنا .. نعدي لي وطن النجوم .. وطن الأمان .. نطرز في جيد الزمان .. أحلى عنوان .. أنا وإنت والمكان ..
في إنتظارك ..
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: معتصم دفع الله)
|
العزيز شمهروش
انا كتبت الكلام دا الصباح وطلعت مشيت شغل بره واتذكرته حا تجى ناطى
وتكتب الكلام دا لكن ما اتفقرنا حتى اقابلك وما واصلت معاك عشان ظروف المرض فى
اليومين الفاتوا وبجى راجع
معتصم معليش على التقله دى لكن دايما شمهروش يخش فى الاتجاه العكس ويقع عكس
سلام لكل الحولين تانى
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: معتصم دفع الله)
|
الاخ ود دفع الله تحيه طيبه
الشكر لك اجزله لافتقادك لي عبر المنبر الحر حيث كان الغياب بسبب مرض والدي العزيز ثم لزمت انا فراش المرض من بعده
وكي اثبت لك تمام عافيتي اهدي اليك هذا المقطع:
ثم ماذا بعد? ماذا يبقى لي من دونك لا تسالني اكثر و لا تدعوني " للتعقل " فانت لا تعرف قيمة الحياة بعيدا عمن تحب بعيدا و هو قريب و قريبا و هو بعيد!
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: رانيا بابكر)
|
الغالية زهرة المنتدى ..
ألـ1000ــف حمداً لله على سلامتك وسلامة الوالد .. إن شاء الله ما تشوفي شر وكل من تحبين ..
إلى الذي صاغ الرؤى .. عبقاً وإيماناً .. بمبدأئه المجيد .. غداً نلتقي .. وسننتصر .. وسيكون مجمعنا قريب .. لتعود كل الأغنيات الضائعة .. إلى موطن العشق الفريد .. مهلاً ستخبرك كل المضامين البليغة .. بأن نبضك ماليئاً كل المسام .. متوشحاً كل ألوان المطر .. أتدري .. بأن الصحبة الأخيار .. ستفترش الورود .. فرحاً بمقدمك السعيد .. عندها سأرتشف نخب التلاقي .. وإن تكن .. سأدق أجراس المعابد .. فرحاً بمولدك الجديد ..
سعيد أنا بهذه العودة الجميلة .. وشكراً لسرعة الإستجابة ..
مودتي ..
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: معتصم دفع الله)
|
الاخ / نشأت الامام
وحتى يعود معتصم دفع الله نيابة عن معتصم وعنهم جميعاً اقول لك سلمت وسلمت يداك وانت أيضاً واحد من رهط هذا الابداع لك الود والتحية على الحضورك الجميل
..........
معتز تروتسكي،،
مالك يا أخوي غلبك الكلام ولا شنو شايفك قلت ماشي وجاي منتظرنك إلى الان عموماً ما تتأخر علينا نتحرق شوقاً لكم
خالص ودي ..
ولــيـد
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: معتصم دفع الله)
|
معتصم يا دفع الله اديك العافية لعدة اسباب اما السبب الاول لانك معتصم والثاني لانو في زول جواك شكلو بينمو بصورة صحية اما الثالث والاهم لنك خليت عمنا صلاح يكتب وده بعني حاجة واحدة بس انك هبشتو في محل بوجعو...وما اكثر الاوجاع وامكنتها عند مولانا شتات ربنا يشفيهو من وجع الضرس واللوزتين فبلا حدود ليك التحية وللحبيب جدا سيدي صلاح بس خلينا نشوف قلمو مرات ومرات ولو تعب منك جناح في السرعة زيد....في بلادنا بترتاح ضل الدليب اريح سكن ولكما الله
| |
|
|
|
|
|
|
Re: بناديها..تنقو..تمبس..شتات..المطر..وليد399 (Re: الطيب حسن جميل)
|
مولانا الطيب جميل
أنا أصلو عايز لي فيكم يوم إنت والمدعو شتات .. ألمكم في بوست خاص تتجادعو فيه إن شاء الله تتفلقو .. عشان تطلعو لينا الكلام الجميل البيدخل توووووش جوة القلب .. أها دي يلمو فيها كيف ما عارف .. شتات داك عامل نائم اليومين ديل .. بيحاكم نفسه فينا .. ويحرمنا من إبداعاته .. عشان كده لازم نعمل ليهو رباطية عشان نجيبو تاني ..
هكذا دوماً أنت يا صديقي .. تتحفنا بروائع كلمك .. وإبداعات قلمك الأنيق ..
محبتي لك بلا حدود ..
| |
|
|
|
|
|
|
|