|
|
|
 Re: خــالــدالــحــاج....انــت وييييييييييين؟؟؟ (Re: haneena)
|
خالد الحاج
حنينة
هالة قوتا
راوية ( يا داب جات )
تمبس
الجندرية
...
...
انت وين يا اخوي
مفتقدينك لينا زمن
كان اسبوع او اكتر
مالك
زعلان
ولا محنبك؟؟
ياخي ادينا طلة بس
وطمنا عليك
خالد رسلت ليهو مرتين عمل معاي طناش؟؟
سجيمان دا مشغول بي صاحبو الجاهو اب كباس ولا حمار النوم ما عارف
رحمابي
| |
 
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: haneena)
|
خالد الحاج العزيز جدا جدا جدا
يا اخى افتقدك كثيرا يا اخى اول شى تعال عشان نشكرك
ولعلم الجميع والله كان ما خالد ريحتى دى ما كان تشموها
وبعدين توكرنى جنس الوكيره دى وتفوت بى وشك.
هسع..كان فد دور يدوك لى تعال ..كان بالخسم انشاءالله تعال.
عشان راشد قال ما بيطهر.
اخو اخوانك....صديق ودالزين ود حامد كشك الشعله
| |
|
|
|
|
|
|
|
|
 Re: رجاء اختى وين (Re: haneena)
|
انتو فى دا ولا رجاء اختى وين
انا ما لاقيها ترى خالد عارفاه مالو
لكن ما عارفه ناس رجاء وين ...... كدا بقلق عليهم
| |
|
|
|
|
|
|
|
|
 Re: رجاء اختى وين (Re: Rawia)
|
خالد مالو يا راوية؟؟
اها نحنا مستنيين يجي يورينا الحاصل
عشان ما من عوايدو يغيب قدر دة من غير سبب وجيه
رجاء شايفاها ظهرت الليلة
وبرضو قاتل الله الطفاسة
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: haneena)
|
ايوة صحى اين الرجل الطيب خالد الحاج؟
و ايمان احمد؟
و غربة؟
راوية رجاء حاتكون لسة مصابة بالتخمة بعد عزومة عيد الأم فى المطعم الفاخر (طبعاً عاملة فيها مشت احتفاءً بالحاجة لكن كان لها مارب اخرى) – قاتل الله "الطفاسة"
وشكرا ياحنينة الخواجية ما بتقصرى
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: nada ali)
|
خالد الحاج
مختلف
متفرد
متميز
يجتهد في الخير مع الجميع
يشبه زمانآ ليس معاصرآ قطعآ
لذا ليس يرهقه العطاء... في زمن الأخاذين
لكنه {إنسان} تنتهي طاقته فيرضى بأضعف الإيمان و تزداد ضربات قلبه الكبير كلما إزداد عليه إستنساخ الزمان الأخرق لمواقف أضعف الإيمان!!
لا أدري أين خالد
لكني لا أستبعد أن يكون متضامنآ مع مقتل المسن الأعزل الكسيح رغم الخلاف الفكري شاسع البون.
أو ربما رأى منظر طفل سوداني يأكل من {الكوشة} فأغلق غرفته و أجهش باللوم و الحنق أو ........أو........لكن مسلسل التأويل سينتهي بظهور خالد أبا نابعآ كالماء الطهور من جوف موقف غاية في الإنسانية فهو حسب معطيات البورد الأخيرة ليس طرفآ في أي شيء يستدعي الغياب لكنه غاب إذن هنالك شيء آخر.
الأكثر أهمية أن يعود خالد.
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: hala guta)
|
"ووين عدد البوستات القديمة بتاعتك لما كنت بالانجليزي؟؟"
الأخت حنينــة،
أنا ياهـو أبوالريش زاتـو! Abureesh
الأخ بكـرى مشكــور، غيــر لغـة الإسـم للعـربيـة، حسـب طلبى، ولكن البوستــات بقيت تحت الإســم القـديـم..
وزى ما شـايفـة أنا هسى بادى من الصفــر.. ويلا لى قــدام!
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: haneena)
|
رجوية
نشرة الاخبار عندك والله 
رايك شنو في بيزنس
نعمل في البورد قناة اخبارية صوت و صورة لشئون البورداب
ويا ريت تكون صور حية..LIVE
والداير يشوف اخبار البورداب لازم يدفع وكدة
مش نديها ليهم ببلاش كدة
الكلام دة بيشمل بكري كمان
مش حيدفعنا للمكتبة؟؟
اها بتخريمتي دي..انا زاتي حادفع لي
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: haneena)
|
الأخت ال حنينة سلامات
تسأل عنك العافية والله فعلا غيابه طول وما معروف ليه مكان
وكل الناس شعرت بهذه الغيبة . لكن أنا قلت ربما قاعد بالأوفر أول فى الصيانة
ويكون معصلج معاه مسنجر واللآ المتوجدون فقاعد بفرتق فى ماكينته . أهو كلام بتاع
ميكانيكية يمكن برضه يمشى مع العلوم الكومبيوترية
وليه ياخالد لحد حسيع مارديت على الناس يا أخى رد وطمن ربنا يطمنا عليك ويطمنك
على الجميع
سلام لكم جميعا
صديق
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: haneena)
|
ياحنينه قبال ده الشاعر محمد ود الرضى لامن قال:
يعاينن توبتى فى كامن ضميرى ويمحن
والشاف كامل جمالن وافتتانن يمحن
قلوبن انشون بى نار حسارن قمحن
الله يكبرن الكبرنى وسمحن
قامن الحريم قومة رجل واحد قالن ليه يكبرنا عشان زول
يشتغل بينا مافى ،قام صاحبكم كب الزوغه وقال ليهن
نسوى شنو مع الفنانين البلفحوا ساكت ديل. انا قلت الله يكترن
الكبرنى وسمحن.
دحين انشاء الله انقص..و يقطعنى حته..حته..حته..حته...حته... قصدى
اقول الحرير هى طلعت كدى....احى انا من خشيمى المابنصم ده
وغلطان وسافى التراب والتوبه،،،،،،
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: haneena)
|
اصبرن لى يابنوت انكورك ليه
ياخااااااااااااااااااااااااااال
اها قال جاي
روقن ها
اصله الواحد مايشمي يعرس ؟؟
لووووووووووووووووووول
غايتو الشمار دا كان ماخلا اماني (دفرتو) جاي
مافي شيتن (بينكتو)
ياخال غيب وتعال
تلقانا نحن يانا نحن
(اها وصلنا كم) ؟؟
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: haneena)
|
Dear Khalid Elahag
sorry, My Arabic keyb- doesn't work , can you tell how to fexed it or you come to Brussels to do it you self,i hope this way i can get you online or live,
thanks for the photo, nice work as useual, i am expecting you as we said befor; greeting to the family & bye
Sadig
| |
|
|
|
|
|
|
|
|
|
Re: خــالــدالــحــاج....انــت وييييييييييين؟؟؟ (Re: Abu Mariam)
|
ياخالد يا اخوى معقول ما سامع الهتاف الحميم ده كلو.
ما اصلوا ياحنينه اختى الشوايقه ديل الواحد فيهم لما
يعصلج تكون حكايتو صعبه جدا لانهم راسهم ناشف نشاف شديد
اهلى وبعرفهم كويس .
خالد الجميل اجب حبيبى وبطل نشافت الراس
عود ياصديقى لتوزن ايقاع هذا البورد بطلتك البهيه
وصورتك ذات السفه المكرضمه, التى تذخل الطمأنينه الى النفس
عود لتملأ الفراغ الذى احدثته بغيابك
مازال مكانك شاغرا ولن يتجرأ احدا ان يملأ فيه سنتمترا.
نفتقدك كثيرا.
كاس من عصير الموده المركز فى انتظارك حين القدوم.
| |
|
|
|
|
|
|
| |
haneena
Rawia
بدرالدين شنا
سجيمان
AlRa7mabi
Ibrahim Algrefwi
صديق الموج
Osman Hamad
ابو جهينة
nada ali
الطيب بشير
Raja
يا بت يا نيل
حبيب نورة
ملكة سبأ
Tumadir
أحمد أمين
khider
Elawad
Abu Mariam
mohamed elshiekh
hanouf56
Outcast
Al-Masafaa
HAMZA SULIMAN
فيس بوك
تويتر
انستقرام
يوتيوب
بنتيريست