|
Re: باركوا للانيقة منى !!!!!! آية بقت أم (Re: مامون أحمد إبراهيم)
|
ياسلام ياحوا ,
تسلمى على الأخبار السعيده المفرحه ,
ألف ألف مبروك يامنى , وتهانينا ليكم كلكم ولى آيه وزوجها الكريم ,
وألف حمد على السلامه .
وربنا يسعدكم أيما سعاده , ويهنيكم.
يسعد ايامك مامون اخوي.. طبعا بعد الزول ما يولد وولده ولا بته تتزوج.. بيكون قايل المسئوليات خلاص اترفعت منه..ويفكر في خطط كتيره يملا بيه وقته بعد مافضي! لكن الحقيقه غير كده..اصلهم عيالك لا بتخف مسئوليتهم ولا حاجه.. بس بيختلف شكلها مرات.. واسه انا مع الاختلاف قاعده اعيد نفس المشوار الأخدناه أنا وآيه سوا.. في أول ايام بودي كان فظيع..ماعايز يزح من ياسين..وآيه افظع منه.. وأنا بيناتهم اكافح.. عايزين يعملوا لي حركات هو نايم..ولا اسه ما خلص رضاعه.. علشان يلعبوا معاه براهم.. لكن اختك فالحه.. اسه ياسين ماينوم الا انا احضنه وأغني ليه.. وهم من شدة مافتروا من السهر.. بقوا خالص ما بيسألوني..بيكونوا فترانين عايزين ينوموا
ربنا يفرحك بأحفادك..وشكرا ليك كتير..
| |
|
|
|
|
|
|
Re: باركوا للانيقة منى !!!!!! آية بقت أم (Re: zola123)
|
Quote: منى خوجلي ألف مبروك الحفيد, يتربى في عزكم وحمد الله على سلامة الأم
حواء شكرا عزيزتي على البوست الجميل |
مش عليك الله بوست ظريف يا زوله؟؟ بيعكس قدر شنو احنا بنفتش علي التانيين والحب مالي القلوب..
ربنا يحقق ليك كل الأماني يازوله123 ونهنيك احنا فرحانين بتحققها..
عليك الله ما تغيبي كده..المره الفاتت قلنا رجعتي خلاص..
تحياتي وحبي..
| |
|
|
|
|
|
|
Re: باركوا للانيقة منى !!!!!! آية بقت أم (Re: Imad Khalifa)
|
Quote: الف مبروك المولود يا منى وحمدا لله على سلامة آية وإن شاء الله يتربى في عزكم
أختنا في النيل الازرق حواء شكرا للاخبار الجميلة وعقبال للاولاد والبنيات تحياتي |
ازيك يا عماد..
الله يبارك فيك اخوي..وربنا يوعدك بأحفاد يملوا حياتك..
شكرا علي الأمنيات الغاليه وصالح الدعاء...
تسلم اخوي..
| |
|
|
|
|
|
|
Re: باركوا للانيقة منى !!!!!! آية بقت أم (Re: soma)
|
Quote: الف الف مبروك الحبيبة منى الحفيد يربى فى عزكم ان شاء الله والف حمد الله على سلامة آية
تحياتى اخت حواء على الخبر السار عقبال اولادك ان شاء الله
اسماء الجنيد/ مسقط |
سوما.. تاني اختفيتي.. احنا قلنا رجعتي خلاص وواظبتي معانا..
شكرا سوما..عقبال آيتك.. وعقبال ربنا ما يكرمك بأحفاد كتار يملوا حياتك ونسه جميله اكتر مما هي مليانه.. آيه زعلانه..قالت حرام ياسين بيبي صغير ليه يجيه مغص؟!
تسلمي اختي حبيبتي..
| |
|
|
|
|
|
|
Re: باركوا للانيقة منى !!!!!! آية بقت أم (Re: nourelhadi awad)
|
Quote: بت الخليفة مبرووووووووووووووووك وألف حمدا لله علي السلامة التهنئة موصولة للإبنة آية |
نورنا الغالي وينك اخوي؟؟ بقيت ما بتجي ولا بتلبس صورتي زي الهلال الأزرق؟ مالك يا زول؟
ربنا يكبر عيالك ويتزوجوا ويملوك أحفاد.. الوقت داك تكون مشيت المعاش_ده طبعا لأنه عيالك لسه شويه بدري عليهم_ ونزلت البلد سويتلك تكيه سمحه تقعد فيها وهم ينططوا حواليك..
تسلم نور..ربنا يحقق أمانيك..
| |
|
|
|
|
|
|
Re: باركوا للانيقة منى !!!!!! آية بقت أم (Re: nourelhadi awad)
|
Quote: بت الخليفة مبرووووووووووووووووك وألف حمدا لله علي السلامة التهنئة موصولة للإبنة آية |
نورنا الغالي وينك اخوي؟؟ بقيت ما بتجي ولا بتلبس صورتي زي الهلال الأزرق؟ مالك يا زول؟
ربنا يكبر عيالك ويتزوجوا ويملوك أحفاد.. الوقت داك تكون مشيت المعاش_ده طبعا لأنه عيالك لسه شويه بدري عليهم_ ونزلت البلد سويتلك تكيه سمحه تقعد فيها وهم ينططوا حواليك..
تسلم نور..ربنا يحقق أمانيك..
| |
|
|
|
|
|
|
Re: باركوا للانيقة منى !!!!!! آية بقت أم (Re: Mayada)
|
Quote: الف الف مبروك الوليد...
ويتربى في عزكم انشالله...
ست البنيـــــــــــــــات |
شكرا يا مياده يا ست البنات.. الأمنيات ليك كمان بانه ربنا يحقق ليك آمالك.. دي بتك الفي الصوره؟؟ انا زمان كان امنيتي بس آيه تولد بت..علشان نلبسها ونسرح ليها بمزاجنا.. لكن ياسين برضه حلو.. عارفه عنده بنطلونات اسه صغرت عليه..لو انا سافرت اي حته بشيل واحد فيهم معاي.. علشان شكلهم لذيذ جدا..زي اللعبه..
شكرا حبيبتي..دايما ملمومين علي الخير والحب باذن الله..
| |
|
|
|
|
|
|
Re: باركوا للانيقة منى !!!!!! آية بقت أم (Re: أبو الحسين)
|
Quote: آلااااااااااااااف مبروك البنية وإنشاء الله تتربى في عزكم...
وجعلها الله من بنات الوطن الصالحات يااااااااااارب...
قواسيب مودتي وتحية خاصة لحبوبة منى...
أبو الحُسين... |
ابو الحسين.. يباركولك البتتمناه.. عليي هو وليد ماهو بنيه ربنا يقبل دعائك لينا ودعائنا ليك اخوي..
ربنا يحفظك..
| |
|
|
|
|
|
|
Re: باركوا للانيقة منى !!!!!! آية بقت أم (Re: صباح حسين طه)
|
Quote: مبروك الصبي وإنشاءلله فال خير عليكن كلكن وإنشاءلله يطلع لحبوباته زهرات البورد مني وماجدة
الحب الكبير والشكر الكتير لأختنا حواء جالبة البشارات |
صبوحه كيفك.. في البوست التاني كتبت عن تعبنا ومعاناتنا علشان نرسي لأسم..والحمدلله اخيرا الاسم اتسجل ومافي طريقة تغيير تاني ..اسه بودي مجتهد يحفظ سورة ياسين.. انا بستعرض عليه وعامله فيها حافظة شكرا يا صباح علي تهنئتك الرقيقه.. عقبال ما نهنيك بتحقق امنياتك كلها..آمين
| |
|
|
|
|
|
|
Re: باركوا للانيقة منى !!!!!! آية بقت أم (Re: mamkouna)
|
Quote: ألف ألف ألف ألف ألف مبروووووووووووووووووك...
للحبوبة الحلوة..منى.. و ل..آية و عبودي..
و شكراً جزيلاً يا حواء...خشمك فيهو السُكَر. |
ممكونه..
ماشوفتي ياسين بيعمل شنو! اول امس عصر لي كرعيني..طبعا يدينه صغار وانا رجولي كبيره..لكن برضه كان بيعرف.. لذيذ ياسين موش؟؟
ياسين جه وجاب معاه فرح خرافي..عقبالك وعقبال ماتفرحي بكل ما يتمناه قلبك..
شكرا ممكونه..
| |
|
|
|
|
|
|
Re: باركوا للانيقة منى !!!!!! آية بقت أم (Re: Sabah Hussein)
|
Quote: الف مبروك المولود يا منى وحمدا لله على سلامة آية وإن شاء الله يتربى في عزكم
اها خلاس ارتحتى ياحبوبة منى |
كيف حالك صباح.. راحة شنو حبيبتي؟ اقول ليك مثل سلبي وان كان يجعلنا في مصاف الؤذيين لقضايانا النسويه؟؟ الجماعه قالوا
يا جايب البنات..ياعايش الهم للممات (او حاجه زي دي)
لكن نقوله من مدخل حنيه..فالأمثال لم تبني كلها علي السوء كما قال المفسرين يعني بتي دي مش لو عرست وولدت واحد..لوبقت هي ذاتها حبوبه أنا مابرتاح الا اشوفها هي مليون في الميه مرتاحه.. عارفه لما كتير ماتكون نامت علشان ياسين صاحي..وبودي يقول ليها .. سيحان الله نومي وخليه صاحي..ويستمر في نومه! أنا قلبي بيوجعني عليها ..بشاركها الصحيان وكتير بخليها هي تمشي تنوم.. شوفتي كيف؟ اها الجانب الأيجابي التاني في تفسير المثل.. انه البنت طوالي بتحب تكون قريبه من أهلها..وخاصه أمها.. بس الأولاد ما كده دايما..علشان كده الهم هو الحنيه
شكرا حبيبتي وعقبال عندك
| |
|
|
|
|
|
|
Re: باركوا للانيقة منى !!!!!! آية بقت أم (Re: Safa Fagiri)
|
Quote: حمد الله على سلامتك وسلامة آية يا منى مبروك البيبي وتحياتي العذبة لآية رببنا يحفظكم جميعا.. |
ويسلمك من كل شر ياصافية القلب والأسم.. أختك بقت في جانب حبوبه..بيبي سيتر! في الأول كنا نكابس علشان نشيله ونحضنه.. اسه آيه بقت ماقادره تنوم.. وتقول لي ماما ممكن تخلي بالك من ياسين شويه؟! كل أول وليه آخر
ربنا يحفظك يا صفاء..
| |
|
|
|
|
|
|
Re: باركوا للانيقة منى !!!!!! آية بقت أم (Re: عبدالوهاب همت)
|
Quote: خالتي منى بعد كدة راجيك الحج والباقي تمي من عندك التهاني الحارة بالمولود ويتربى في عزكم وان شاءالله على خطى اخواله وخالاته. وياناسينا يامجافينا.........ويا انعام حيمورة |
همت يا حليلك وحليل كمبالا..
الحج ما مشيناه اولي..عليي بركاته جات في بتي الله يوعدنا..نحج وبعد الحج نقعد نلعب مع أحفادنا.. ونخلي ليك انت امر الله
تسلم اخوي وتمر بالمراحل دي كلها..قول آمين
| |
|
|
|
|
|
|
Re: باركوا للانيقة منى !!!!!! آية بقت أم (Re: Sana Khalid)
|
Quote: To the most beautiful Grandma ,
CONGRATULATIONS |
سنويه والله شهيتيني اعيش في الكوتيج دي؟؟ جميله جدا..خاصه الضوء الطالع من شبابيكها..
شكرا يا جميله.. والليله كنتي فرحتي معاي لو كنتي شوفتي ياسين لابس كوردروي بيج سالوبت مع بلوفر مخطط بني ببيج وحذاء بني.. كنت عايزه آكله والله من شدة ما فور بطني!
فرحانه برجوعك شديد يا غاليه... نبارك ليك ولأخوك تفوقات مستمره وكل مايسعدكم..
| |
|
|
|
|
|
|
Re: باركوا للانيقة منى !!!!!! آية بقت أم (Re: محي الدين جبريل)
|
حواء .. دائما أخبار الخير منك لأنك أنت كل الخير
العزيزة منى أو بالأحرى ( الحبوبة منى ) ألف مبروك .. وتهانينا لآية وسيد بيتا ...
Quote: باقات من الود والورد معاهن شيالة ملااااااانة فول وتمر
محي الدين جبريل |
شكرا محي الدين ود جبريل..قراصتك اوعي تكون مدوري الليلي؟
اها كمان ما شوفت ياسين اليوم داك بالجينز العفريته! بس تقول دعاية لبس لعمال مصنح اسبيرات مكنات! حلو شديد والله.. والله مشروع طفل يكبر قدام عينك كده لغاية ما يبقي زول كبير مشروع حقيقي مدهش وممتع!
الله يبارك فيك محي الدين اخوي..ويسعدك.. وشكرا علي الشياله السمحه ومونسانا..
| |
|
|
|
|
|
|
Re: مبروك المولود (Re: حواء سليمان ابراهيم)
|
الاخت حواء
الاخبار الطيبة ..دائماً تُنمي عن اطياب ..طبتي ,,
معليش التهنئة ..متأخرة ...
الاخت مني
يس.. يتربي في عزكم يااخت( مني) , ويجعلة قرة أعين والديه
معتصم عبدالرحيم
| |
|
|
|
|
|
|
Re: مبروك المولود (Re: معتصم عبدالرحيم)
|
Quote: الاخت حواء
الاخبار الطيبة ..دائماً تُنمي عن اطياب ..طبتي ,,
معليش التهنئة ..متأخرة ...
الاخت مني
يس.. يتربي في عزكم يااخت( مني) , ويجعلة قرة أعين والديه
معتصم عبدالرحيم |
معتصم اخوي كيف حالك؟
تهنئتك دي تهنئتين في قلبي..منك ومن ولدك الحليوه ده.. شكرا يا معتصم..ربنا يدك العمر والصحه وتشيل أولاد أولادك وتتبارك ايامكم كلكم..
تسلم اخوي
| |
|
|
|
|
|
|
Re: مبروك المولود (Re: Waeil Elsayid Awad)
|
Quote: بارك لك الموهوب و شكرت الوتهب و بلغ اشده و رزقت بره
مبروك يامنى يتربى فى عزكم |
اللهم آمين يا وائل.. شكرا علي الدعاء الكريم والمباركه اللطيفه.. بتك ولا ولدك ماشاء الله عليه ربنا يحفظه..جميلظه خالص.. نبارك ليك كل الحاجات الحلوه باذن الله..
| |
|
|
|
|
|
|
Re: باركوا للانيقة منى !!!!!! آية بقت أم (Re: محمدين محمد اسحق)
|
Quote: معذرة في التاخر للمباركة ..
الف الف مبروك للابنة آية ..والف الف مبروك للاخت مني خوجلي ..
--------
اختي حواء ألف شكر علي نقل الاخبار السعيدة .. |
محمدين كيف حالك.. يارب يجي يوم نبارك ليك فيه الدايره كله علي مستوي الوطن وعلي صعيد الأسره.. اها ايه رايك في كلمات مستوي وصعيد ديل..مش حلوات؟؟
شكرا اخوي..تسلم
| |
|
|
|
|
|
|
Re: باركوا للانيقة منى !!!!!! آية بقت أم (Re: حواء سليمان ابراهيم)
|
ياما انا داقس عمري ده كلو كنت فاكر ان الجميلة منى خوجلي في سن ال 19 وانها لم تتزوج بعد
وكنت منتظر سانحة لكي أقنعها وأدخل بها
فإذا بها متموم حلوها بل ومتموم حلو بتها وهاهي تهديها الحفيد
يربى في عزكم يا منى
والعقبى بالبنية التي سوف ترث من حبوبتها الجمال والمجد والريق الحلو والشعر الغجري المجنون والظرافة واللطافة والثقافة
وتاني قلوب العشاق تجن وتئن
| |
|
|
|
|
|
|
Re: باركوا للانيقة منى !!!!!! آية بقت أم (Re: حاتم هاشم)
|
Quote: اسم الله الرحمن الرحيم
الاخت الفاضله مني : حمدا لله على السلامه ... و مبروك المولود ... وإن شاء الله يتربى في عزكم ...
شكرا اخت حواء . |
مرحب يا حاتم.. ياسين مالينا بركة دعوات الخليفه عوض خوجلي! الله يسلمك من كل شر .. ويوعدك بياسين الأبن الآيه..
تسلم اخوي..
| |
|
|
|
|
|
|
Re: باركوا للانيقة منى !!!!!! آية بقت أم (Re: أبو ساندرا)
|
Quote: ياما انا داقس عمري ده كلو كنت فاكر ان الجميلة منى خوجلي في سن ال 19 وانها لم تتزوج بعد
وكنت منتظر سانحة لكي أقنعها وأدخل بها
فإذا بها متموم حلوها بل ومتموم حلو بتها وهاهي تهديها الحفيد
يربى في عزكم يا منى
والعقبى بالبنية التي سوف ترث من حبوبتها الجمال والمجد والريق الحلو والشعر الغجري المجنون والظرافة واللطافة والثقافة
وتاني قلوب العشاق تجن وتئن |
يا سلام يا عبدالرحمن ود بركات! اليشوف كلامك ده يصدق فعلا انك ما كنت عارف شكرا علي رفع المعنويات والكلام الحلو ده.. ونفسي يا عبدالرحمن نعيد ايام الخرطوم الحلوه.. الضحكه النضيفه والونسه الجميله والتعارف المستمر.. يرجع العمده لعموديته وترجع معاه اللقاءات المليانه شوق.. رشيده الحلوه في النص فرحانه بالكل.. خلي بالك من عيونك وحافظ علي عموديتك.. ونحب نعلمكم انه قلوب العشاق بطلت تئن بعد ان اطمئنت لوجودي في حياتها اخت عزيزه وام اعز.. واصبح للعشق والشوق مدارات اخري فيه جمال الأستقرار وحنية الكلمه الطيبه...
مشتاقين كتير..
| |
|
|
|
|
|
|
Re: باركوا للانيقة منى !!!!!! آية بقت أم (Re: lana mahdi)
|
Quote: والله يا منى ما كنت دايرة أكتب في البوست قبل أتصل عليكي و لكن خجلت أن أقول ضيعت الرقم ألف مبروك و ربنا يسعدك إنتي كمان و يسعد آية وزوجها و الوليد محبتي و تقديري لنا |
لنا يا غاليه.. انا متأكده تماما من الفي قلبك حتي لو ما جيتي هنا.. وعارفه بتكوني قكرتي كيف.. لأنه البينا عشره وتجارب كتيره وكلها بتشرح..
أما بالمناسيه ضييع الرقم ده عادي جدا.. زمان كنت بفتكره اهمال.. لغاية ما بقيت انا ذاتي اضيع الحاجات
تسلمسي حبيبتي وربنا يسعدك بكل ما تحبي وتتمنين..
| |
|
|
|
|
|
|
Re: باركوا للانيقة منى !!!!!! آية بقت أم (Re: إسماعيل حميم)
|
Quote: "بورك لكم في الموهوب وشكرتم الواهب وزقتم بره"
زي ما بقولو أهل إحدى فروع الدمائكم
"أعز الولد ولد الولد"
فهنيئاً لكم وله بطيب الأسماء
مرفق مودتي
إسماعيل حميم |
كيفنك اسماعيل..
نعمة الله علينا واسعه والحمدلله.. نشكره عليها شكرا جزيلا.. وياسين ابن صالحين كانوا يقيموا الليل ولا يتعبوا من ترديد اسم الله ونبيه محمد.. ياسين اسم ياتي بسورة ياسين.. واصبحنا ننطق اسمه وبعده نقول.. ياسين والقرآن الحكيم .. ......... .........
لكن كله كوم وابتسامة ياسين كوم تاني.. تصدق يا اسماعيل..ياسين ماعنده سنون؟؟
تسلم أخوي..يخلي ليك اولادك ويحضرك أحفادهم..
| |
|
|
|
|
|
|
Re: باركوا للانيقة منى !!!!!! آية بقت أم (Re: Kamal Karrar)
|
Quote: منى يا أختي مبروك شديد.. وربنا يسعد آية وأسرتها الصغيرة ويسعدكم أنتو ماما وبابا...
لكن يا منو "عشنا وشفنا الحبوبات الحنكوشات" وطبعا الحنكشة موصولة برضو للأخت ماجدة "الحبوبة في الحسبة"
أجمل الأماني |
عارف ياكمال اخوي انا مشكلتي شنو؟ مشكلتي اني بحب اكاوي الأطفال.. يعني الحبوبات ما بيكاوا.. بس دايما حنينات بس وبيحكوا حكايات لذيذه.. وانا حافظه حكايات بتخوف ماممكن احكيها ليه.. شوفت كيف.. لكن في كتاب قصه..ادوه لآيه في المستشفي وقالوا ليها تقريه ليه كل يوه.. كل صفحه عن الحب.. وآخر صفحه فيها مرايه.. تختها قدام وشه وتقول ليه ودا الطفل البحبه أنا.. يشوف نفسه ويفهم! قدرته واسع!
شكرا يا ود كرار..وبركة سيدي محمد وليدك السمح ده يكبر ويجيب ليك عيال يحموك النوم.. وكان النوم ذاته جاك انت تقول ليه امشي بعيد..عايز العب مع العيال!
| |
|
|
|
|
|
|
|