|
قــــالت لي....... اريــدك
|
الوشي... مدور.... قمرة سبعتين... العيون روموشا تفك السكرة....الحواجب هلال شهر العيد.....كل يوم تلاقيني وانا سافي....ومدردم سفة كبيرة...تعاين لي وتبتسم...في الاول قايل البسمة مو لي..... قعدت اتلفت وراي..... ما لقيت زول اتيقنت انو انا المقصود.... وا...سجم رمادك يا سجيمان...اتاريك انت قاعد تعجب البنات وماك عارف يا الغبيان؟.....بقت تبتسم وتقول لي..... يا لزيز يا رايق..... سفتك مافي زيها... اجمل حاجة فيك لما تسف...وشلوفتك التحت لما تدلدل....والسفة متحكرة فيها.......بقيت كل يوم اكبر السفة واعيان لي نفسي في المراية في البيت الناس تقيف قدام المراية عشان تسرح شعرها انا اقيف عشان اشوف السفة وضعها كيف...و وامشي اقيف جنب العمود حق الكهرباء وانا مستنيها تجي...وتجي.... وتقول لي نفس النضم....ومعاهو غنية...
يا امو.... يا الشفة
اريد ولدك اب سفة
حلاتو وقتين يسف
وحلاتو وقتين يديها نفة
......وانا والله بقيت ما عندي شغلة غير اشتري السعوط........واستناها تجي وادردم السفة...وامد الشلوفة...واغز كوعي واعاين لها بي نظرة كلها هيام في هيام...وبقيت احترم عم حسن بتاع التمباك.....واكن ليه حب خاص...وبقيت اي زول كيّف بتاع تمباك... اوصف ليهو عم حسن وسعوطو الصاموطي..وعلبة الصعوط القدامو حلفت كان نزلت انتخابات علا اسويها رمزي..انتخبوا سجيمان رمز الحُقة......كلمت عثمان صاحبي بالقصة وبي قصة البنت الميتة والمكسرة فيني وفي سفتي السمحة دي.... ووصفتها ليهو..... ضحك وعاين لي وقال ..... يا داقس دي بنت عمك حسن بتاع الصعوط........... _________________
|
|
|
|
|
|
|
|
Re: قــــالت لي....... اريــدك (Re: سجيمان)
|
أخي سجيمان كل من عليها فان والله يا أخوي ينطبق عليك القول أعاين فيهو وأضحك وأمشي وأجيهو راجع وبعدد الجيات والرجعات والضحكات تكون قد أنفقت من دينارات في شراء التمباك بإسم المحبه
| |
|
|
|
|
|
|
Re: قــــالت لي....... اريــدك (Re: سجيمان)
|
Quote: فيصل
لا لا ...كان صعوط.. صرف...لكن حسي بقى كعب اوعى تشتري منو |
-------------------------------------------------------------------------------- C J Man
صـعوط .. صــرف صـحــى .. مش كدا .. عيييييييع
عـمك حسـن ما عندو بت تانية ؟؟
| |
|
|
|
|
|
|
Re: قــــالت لي....... اريــدك (Re: الطيب بشير)
|
الطيب
تشابة في البوستات وتشابة في الاشكال... تصدق انت تشبهني من غير سفة بس..... لكن لو سفيت تبقى سجيمان الخالق الناطق.....وبعدين الصعوط مالو ما بنسوي ليهو اسبوع؟.... عيبو لي؟
| |
|
|
|
|
|
|
Re: قــــالت لي....... اريــدك (Re: سجيمان)
|
الطيب بشير،
حرام عليكم هو من غير اسبوع انا بقيت لما اجى البورد بتجينى كحة اما البوست بتاعك حاولت مرة اقراه و افتكرت نفسى مريت باكشاك بيع الصعوط فى السوق الشعبى فاضطررت للهرب و بسرعة علشان عندى حساسية.
سجيمان،
لوووول
بس كنتو تشوفوا ليكم وقت تانى غير منتصف فبراير و عيد الحب. مثلا يوم 30 يونيو تاريخ مناسب جداً .
| |
|
|
|
|
|
|
|