|
هـــذا المنبــر....أم..... ام الحفــــر
|
المنبر الايام دي...ما يجي عليهو علا زولا قنعان من روحو...ان نضم وووووب وان سكت وووبين..... لا البينضم مخلنو...لا البي يسكت مخلنو....يفور ويفور...ويهمد...وتاني يفور .... وكل زول عندو زول لابت ليهو.... في اقرب زقاق ضلمة يروح مديهو في راسو..... انا قلت تاني اصلي ما بمشي بالزقاقات..... وفي الليل زاتو ما اطلع....ادخل البوست....واتلفت فيهو.. ان لقيت زول من ناسي الكايسين لي... برااااحة البس نعلاتي...وامرق منو.... فوق كم هو؟.... النصيبة بقت ان قحيت ساكت يجيك زول ناطي يقول لك ايواااااااا... انت قحتك دي قاصد بها فلان دااااااك.....وفلان دااك البيرشو بالموية نرشو بالدم ويقعد يشتم فيك ويسب وينعل ابو اليوم البقاك سوداني يا شيوعي يا جبهجي يا صعلوج....ويكون هو ما دفاعا عن فلان لكن كايس لك انت بس ولقاها فرصة.... انتو عارفين المنبر دا قاعد يجيب مرض الوسواس.....ويخلي الزول ينضم براهو...... حسي عليكم الرسول انا من دخلت قدر ما ادخل بوست الاقي شكلة....والقيامة رابطة....رجال شايلين عكاكيز ويتحجزو علي بعض..ونسوان تسكل ونساوين تزغرت...ونساوين كايسة لي شفعها دايرة تلمهم من الكبسيبة دي..وان جو ناس سجيمان سجمنا السكارى جونا..وبعدين في الزحمة والهيصة دي..في نشالين خلي بالكم....اصلك ما تغفل من جيبك ولاّ من محفضتك.... النسوان فرحانات مسكينات وقالن الليلة يومن.... لكن الرجال حالفين ما يخلوهن يتهنن بو...حسي انا من قبيل داير انزل بوست عن كنتوشة الداية... الطهرت الغنماية طهارة فرعونية..خفت تطلع كنتوشة دي قريبة زول هنا....... وادخل انا في حيص بيص وحليفة ....ولاّ..تطلع الغنماية زاتا صاحبة واحد....ولاّ مشتركة في المنبر.. واقعد في اكال اللحم والحشيّر في الضفور....وكمان ما انا براي حتى الناس البيجو يباركو الطهارة..يلمو فيهم ويعشكبوهم ويدشكبوهم.. غايتو ربنا داير يسترن الاتنين...كنتوشة الداية والغنماية المطهرة.... ان شاء الله اسيادا يحضرو كبيرتا.... وبكري اخوي.... يكوروكو لو... يجي يتاوق بي صورتو السمحة دي صلاتي علي حبيبي ...ويمرق برا ويقعد يعاين بي خرم الباب....
|
|
|
|
|
|
|
|
Re: هـــذا المنبــر....أم..... ام الحفــــر (Re: سجيمان)
|
انت يا سجيمان قصدك منو يالمتاوقه دي
والحوامه بالليل
البحوم بالليل حرامي
يا عمي خليك علي طبيعتك وما تشتغل بي زول
ووالله المنبر ده كلو من تكتب يجو ناطين عاوزين يشوفوك كتبت شنو
وارجو انو البيحصل ده ما ياسر علي الناس الرايعين هنا بننا
| |
|
|
|
|
|
|
Re: هـــذا المنبــر....أم..... ام الحفــــر (Re: abas)
|
Quote: انت يا سجيمان قصدك منو يالمتاوقه دي |
ان شاء الله ربنا يقلب الكي بورد حقي ماوس....والهارد ديسك يجيهو لين عضام..... كان قاصد زول..... قاصد رقبتي براااااااااي.....
اها يا عباس نبقى في جنس الحليفة دي؟
وشكرا للتشجيع.... يا صديقي و ود كومي
| |
|
|
|
|
|
|
Re: هـــذا المنبــر....أم..... ام الحفــــر (Re: Abureesh)
|
الأخ سجيمان
لم أكن أتخيل أن يصل بك التجنى لهذا الحد .. كما أنك لم تفى بوعدك بالأعتذار و علنا فى هذا البورد حتى يعرف الجميع ضحامة الجرم الذى إرتكبته فى حق هذا الرجل المسكين .. لقد خلت أن الموضوع قد إنتهى بعد محادثتنا الأخيرة .. و قد أكدت لى ذلك بنفسك فى الماسنجر .. فكيف تنكص العهد و تزيد الطين بلة.
أنا هنا لا أتجنى عليك .. فالكل يعرفنى خلال الأربع سنوات التى قضيتها فى هذا المنبر .. لم اسئ لأحد .. كما وصفنى أحد الأعضاء " الغنماية تاكل عشاى". لو كان هذا التشهير موجه لى شخصيا .. ربما سكت عنه عملا بالقول .. العفو عند المقدرة .. لكن أن تشهر بهذا الرجل .. وسط الليسوى و المايسواش .. هذا أمر خطير لا يقدر ذو بصيرة مثلى أن يسكت عليه.
لا أطيل عليك .. حتى لا أتهم بأستغلال الباندودث فى تصفية حساب شخصى كان بالأمكان مناقشته فى الماسنجر .. و حتى يعلم الكل بخلفية الموضوع ساورده بإختصار.
هذا السجيمان الذى أمامكم .. و الذى تبدو علية البراءة .. قد أساء لهذا الرجل المسكين .. الزين العنانى .. الشهير بالزين الأسيوطى "يقال أن أصوله من مدينة أسيوط" .. أعرف أن القليل منكم قد سمع عنه.
لولا العلاقة التى تربطنى بالزين . لما أتعبت نفسى بالرد عليكم .. و لما أتعبت هذا الباندودث .. ولو كان للزين عضوية فى هذا المنبر .. لكان له رأى آخر .. رأى يؤلب الجميع للمطالبة بسحب عضويتك .. و فورا.
أنك تعرف مسبقا أن الزين هو راجل خالتى نصــرة بت ســرور .. و ها أنت تضيف إساءة أخرى بإقحام إسم كنتوشة الداية .. و أنت بنفسك قد رأيت شهاداتها من مدرسة الدايات .. ر غم أنه لا تربطنى علاقة قرابة مباشرة بكنتوشة .. لكن بيننا عيش وملح و حبل ســرّى .. فهى الداية التى ولّدتنى .. فكيف لا أنبرى مدافعا عنها .... (.) (.) (.) (.) آآآآآآآآآآآخ .. آآآآآآآآآآآآخ .. دا أنا تعبت .. دا مو أنا .. دا وسواسى .. إيـه رايك يا سجومى .. مش أنفع بتاع مشاكل .. غايتو لو عندك شكلة فى بوستيك .. فى البوست الجنبك .. أو حتى فى أى سايت .. بس أندهنى .. إنتا أبعد بعيد هناك و أنا بتولاها .. فنحن كوم من لا كوم له.
بينى و بينك هسـع خايف .. يجى واحد قبال ما يصل لى النقطة البين قوسين أعلاه (.) تلقاهو مقبقبنى
تسلم يا سى جى مان .. الليلة الضحكة كانت قوية .. بس لمن تجى لى سيرة كنتوشة دايتنا .. أديها جوز فلسكاب زيادة .. معى ود عمى هنا .. قال مشبه الغنماية
| |
|
|
|
|
|
|
Re: هـــذا المنبــر....أم..... ام الحفــــر (Re: Ali Alhalawi)
|
الحلاوي
قليل الرجال الذين تاكل الغنماية عشاهم...وخصوصا لو كانت الغنماية دي مطهرة....طهارة سُنة...فتلك لعمري انها السعد بعينة...فهنيئا لمن خفض معزاه....وحفظ فرجها....قيل اخفضو الحلوب الولود.... اما تشبيه ابن عمك للغنماية...انها الصلبطة واللخبطة...وعدم الشغلة.. البي يباري الغنم بي يودنو وين يا الحلاوي اخوي؟
| |
|
|
|
|
|
|
Re: هـــذا المنبــر....أم..... ام الحفــــر (Re: Abureesh)
|
ابو الريش
انا سجيمان.. زووووول طول في عرض... الكلام الناس الشايفين نفسهم زرازير...
طيب نجيب سيرة منو يا ابو الريش...؟.. ابو الدردوق طلعو نسابتو معانا....الكُدنداية طلعت جارتنا الحيطة بالحيطة.... الفار... لقيتو دفعة...والله احترت....
| |
|
|
|
|
|
|
Re: هـــذا المنبــر....أم..... ام الحفــــر (Re: سجيمان)
|
.. . والله يا سى جى الله يخلى ليك مرتك فى عيد المراة والله بقيت لمن اجى افتح بوستيك فى المكتب بتاوق من خرم بابي عشان اطمن ما فى زول وكن فى الشقة والله الشرامه كلهم بجوا جاريين عارفنك دا انت ابو مصايب بس قالو انا جنيت وان شاء الله اجن وازيد فى الجن وانت تواصل كتابه ..
ما تقول امين ..
دمت
| |
|
|
|
|
|
|
Re: هـــذا المنبــر....أم..... ام الحفــــر (Re: Tabaldina)
|
Quote: .. . والله يا سى جى الله يخلى ليك مرتك فى عيد المراة والله بقيت لمن اجى افتح بوستيك فى المكتب بتاوق من خرم بابي عشان اطمن ما فى زول وكن فى الشقة والله الشرامه كلهم بجوا جاريين عارفنك دا انت ابو مصايب |
تبلدينا... الحالف ما يخلينا
بالله انا ختري للدرجة دي؟
| |
|
|
|
|
|
|
هههههههههههه...دا للزول الما متعود على الشقى..
| |
|
|
|
|
|
|
Re: هـــذا المنبــر....أم..... ام الحفــــر (Re: haneena)
|
Quote: انت بتعرف ام الحفر من وين ياسجيمان؟؟؟ |
اها خم وصر ياسجيمان انت بلا الشلاقة دى مافى شئ حيجيب خبرك اها ... (ام الحفر) طلعت شيوعية.. ودخلتك فى سين وجيم.. وبتعرفها من وين.. وعلاقتك بيها شنو.. واخر مرة لاقيتها وين.. شيل شيلتك.. بكرة حينط ليك واحد ويسألك .. نقد مدسى وين؟؟ منعم
| |
|
|
|
|
|
|
Re: هـــذا المنبــر....أم..... ام الحفــــر (Re: Osman Hamad)
|
Quote: يخسى عليها كنتوشة الداية...لى تطهر الغنماية طهارة فرعونية...ماكان تطهرها سُنة...لى يعنى!!..هى قايله الغنماية مابتعرف وللا شنو !!
|
عثمان حمد
ما تزعل ساكت يا اخوي...قالو طهرتا طهاره سنة... الغنماية باقي لك بتتحمل الفرعونية؟... علي اليمين ما يفضل فيها شطر واقف.. لا شطرين كبيرين ولا شطرين ضغيرين ولا شطرين حليبين
| |
|
|
|
|
|
|
Re: هـــذا المنبــر....أم..... ام الحفــــر (Re: سجيمان)
|
العزيز سجيمان قالوا امشي عديل يحتار فيك عدوك عشان ما تخش في الزقاقات والمشاكل احسن حاجة تعملها تحضر العقد وتمشي تنوم بدري مالك ومال السكارى ورقيص العروس لوووووول يكه عندنا صاحبنا بتاع مشاكل ماشي في نص شارع الظلط بتاع تاكسي ضرب ليهو بوري اها مشى شبك فيهو تضرب لي بوري لي شنو انا غنماية وبتاع التاكس قال اللي شبكنا يخلصنا وبس
زاتووو
| |
|
|
|
|
|
|
Re: هـــذا المنبــر....أم..... ام الحفــــر (Re: سجيمان)
|
أخي أبو سجيم ... سجيمان
مالك مسجمها
Quote: ونساوين كايسة لي شفعها دايرة تلمهم من الكبسيبة |
قاصد شنو يعني ... ياخي انا لي أربعين يوم ما هوبت في شارع من شوارعك دي لإني صراحة ما قنعان من باقي سنوني لان المنبر بقى مليان إرهاب أحسن كلو واحد يلم نفسو ويمسك لسانو...
| |
|
|
|
|
|
|