|
تاني عن شناتي بقولكم
|
أول مرة أسمع بـ ما يطلبه المُصَلَّوُنْ
عندي صاحبي سوداني هنا في الصحراء بنتلاقى كل إسبوع بمشي ليهو في بيتو (بتصحَّر) معاهو وأبيت والدغش أخليهو نائم وافوت أها هو أظنه شايف فيني شوفة ودائما بقدمني في الصلاة إمام لكن بشروط أنا أفهم إنك تقول للإمام ما تطول في السورة أو ما تطول في الركوع والسجود لكن صاحبي دا مشى أكتر من كدا بعد ما يقيم الصلاة بقول لي عليك الله أقرا لينا في الركعة الأولى
يا أخوانا الكِشْكَة بتطلع في كم يوم؟؟؟
أنا ماشي السودان في العيد وهسع كرعي مكشِّكات وعايز أكرُشِن لأنو عندنا واحد قريبنا زعلان مني وعارف أنا شغال في مزرعة في عُمان أها لمن الجماعة العزابة بتونسوا في السعودية وقالوا بدرالدين شغال في عمان شغل مكتبي فيهو ترجمة وكمبيوتر وتقارير إسبوعية قال ليهم ترجمة شنو وكمبيوتر شنو؟؟؟ والله قالوا شغال في حواشة ويخدم من صُبح الرحمن للمغرب وبعد داك يغسل كرعيهو في (أبوعشرين) قال كمبيوتر قال
|
|
|
|
|
|
|
|
Re: تاني عن شناتي بقولكم (Re: garjah)
|
الحبيب القريب أحمد قرجة سلامي وإشتياقي ليك يا الحبيب
Quote: ياخي قول عن حلاتي اقول لكم |
اقول عن حلاتي كيف وإنت موجود؟؟؟
يا حليل الزمن الجميل يا قرجة
تحياتي الحارة
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
إزيك يا بدر التمام الهلا
شوق شديد والله
Quote: أنا ماشي السودان في العيد |
بتتكلم جد عليك الله
يعنى معناهو نتلاقى هناك
أنا برضو العيد هناك، مع الحبان والأهل
طبعا نحن فى دربك يعنى الغشوة اسهل ومافيها أى تعب النشوفك ساى بس ونمتع بيك الروح والعين
| |
|
|
|
|
|
|
Re: تاني عن شناتي بقولكم (Re: أبوذر بابكر)
|
صديقي المُترع السفرو بالمُشرع أبوذر بابكر سلامي وإحترامي وفرحتي باللقاء المرتقب إن شاء الله
Quote: بتتكلم جد عليك الله
يعنى معناهو نتلاقى هناك
أنا برضو العيد هناك، مع الحبان والأهل
طبعا نحن فى دربك يعنى الغشوة اسهل ومافيها أى تعب النشوفك ساى بس ونمتع بيك الروح والعين |
أنا هسع من الفرحة بقيت افكر في إنو إنت بتتكلم جد؟؟؟ لالالالالالالالا كان كدا دي إجازة إستثنائية بجيك في المسنجر
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
Quote: أنا هسع من الفرحة بقيت افكر في إنو إنت بتتكلم جد؟؟؟ لالالالالالالالا كان كدا دي إجازة إستثنائية
|
بدر الدين
ده لسان حالنا الان من خبر اجازتك
Quote: والله قالوا شغال في حواشة ويخدم من صُبح الرحمن للمغرب وبعد داك يغسل كرعيهو في (أبوعشرين) |
ابو عشرين شنو وابو عشرة شنو؟
انت جاي النيل عدييييييييييييييل كده
تغسل لاااااااااااااااامن تفتر
| |
|
|
|
|
|
|
Re: تاني عن شناتي بقولكم (Re: انعام عبد الحفيظ)
|
Quote: أنا أفهم إنك تقول للإمام ما تطول في السورة أو ما تطول في الركوع والسجود لكن صاحبي دا مشى أكتر من كدا بعد ما يقيم الصلاة بقول لي عليك الله أقرا لينا في الركعة الأولى |
بدر الدين دي بقت صلاه ما يطلبه المستمعين اجازه جميله وقدر ما تقدر عبي ليك ولينا من ريحة البلد ودالسر!
| |
|
|
|
|
|
|
Re: تاني عن شناتي بقولكم (Re: Aymen Tabir)
|
ود السر يا أيمن سلامي ليك وللقاعد جنبك في اللحظة دي
Quote: اجازه جميله وقدر ما تقدر عبي ليك ولينا من ريحة البلد |
بعبي ليك لكن دين ترجعو لي لمن تمش المرة الجاية سمح؟؟؟ لأنو أنا المكية الجايبها دي ما بتكفيني
حبي الكتير ليك يا ود السر
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
عزيزي الجميل ابو البدور
كل سنة و إنت بألف خير
شفتك قبال كم يوم تتاوق هني .. قلت سيبك يمكن ( قرفة من الكيبورد ) و هي حالة بتجي مرة مرة كدة. المهم بركة ال شفناك طيب و جميل كعادتك.
Quote: أنا ماشي السودان في العيد وهسع كرعي مكشِّكات وعايز أكرُشِن لأنو عندنا واحد قريبنا زعلان مني وعارف أنا شغال في مزرعة في عُمان أها لمن الجماعة العزابة بتونسوا في السعودية وقالوا بدرالدين شغال في عمان شغل مكتبي فيهو ترجمة وكمبيوتر وتقارير إسبوعية قال ليهم ترجمة شنو وكمبيوتر شنو؟؟؟ والله قالوا شغال في حواشة ويخدم من صُبح الرحمن للمغرب وبعد داك يغسل كرعيهو في (أبوعشرين) قال كمبيوتر قال |
عندي واحد ود خالتي قاعد في الشمالية في القرية مزارع ... و غير ما إنو مزارع طول اليوم في الموية يصيد سمك. هو الآن عمرو فوق الأربعين و إلى الآن مافي جزمة مقاس رجليهو .. يمشي الصرماطي و يقطع عندو جزمة من لستك العربات أو بقايا جلود الضحية .. تصدق الشق ال في كرعيهو مبالغة يا أبو البدور .. مرة قالو لقو جوة شق رجلو اليمين ( عقرب ) صغيرة ميتة إختناقاً .. و الله دة كلام جد.
| |
|
|
|
|
|
|
Re: تاني عن شناتي بقولكم (Re: ابو جهينة)
|
شقيقي أبوجهينة سلام غزييييييييييير كيف أخبارك وأخبار أسرتك وبنتك وراجلها؟؟؟
Quote: مرة قالو لقو جوة شق رجلو اليمين ( عقرب ) صغيرة ميتة إختناقاً .. و الله دة كلام جد. |
هههههههههههههههههههههه إنت عارف قريبك دا لو عرَّس إلا يحننوهو بي مسطرينة
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
والله يا بدر الدين الشوق ليك يعتر للجمل ويرمي خلي الركشة أو الأمجاد ، وسعيد جداً لا ما غيرت إسمي دي حالة كوني سعيداً وهي من الحالات النادرة والتي قد تحدث مرة كل أربعة أيام وهاأنذا أسعد وبرضو مش أسعد الإسم ، المهم يا البدري ضروري زولك البقدمك ويطلب منك قراية آية "وعباد الرحمن الذين يمشون على الأرض هوناً" أكيد عندو رأى وإن كان كلام الله ما عندنا فيهو رأي وبعدين لو إفترضنا جدلاً إنو زولك ده ربنا فتحها عليهو وبني ليهو جامع يفرض على الإمام قراءة سور معينة في الصلوات الجهر ولا حا يزيد لينا ركعات صلاة العشاء، وفي ذمتك يا بدر الهلال الهلا قاعد تقراها بالتشكيل ولا بتمسحها مسح يعني بتراعي حكاية الإدغام بغنه وقالو والمد البحري وجاءت الياء ساكنة عشوائياً بعد فتح مبين فحكمها 3 سنه سجن ، يا بدر الدين صاحبك ده بدقسك أوعك تصلي بيهو خليهو إمام عشان يشيل الشيله براهو وكان أبي كل واحد يصلي براهو وكيةً عليهو أقرأ وبترتيل لكم دينكم ولي دين. ومحل رهيفه تتقد.
قالوا يا بدر الدين الله يكفينا شر القواله إنو في عربي من أهل العوض سرق ليهو صره والعربي إسمو موسى ، أها الناس سكوهو والشفع جارين ويكوركو وراهو ياهو ياهو واحد فيهم ساكت قال قوقل ولا msn مافي أها العربي وكتين الجماعه ضايقو زردو توش إنقطع ليهو في جامع والناس بتصلي في المغرب الركعة الأولى يا دوب أها صاحبنا شاقق بين الصفوف لمن بقي في خطرات الأمام طوالي وماسك الصره في إيدو اليمين وسابل الإيد الشمال الإمام للتعتر موسى يقوم يقرأ وما تلك التي بيمينك يا موسى ، موسى قايل الكلام ليهو يقوم يرمى الصره ويقول للإمام والله إنك لساحر ويفرتق ويخلي الصلاة.
وفي كمان عربي قح إسمو مجرم ، قال يجرب يصلي مع الجماعة ، يقوم الإمام يقرأ جهراً ، الم نهلك الأولين ، صاحبك ترتر للصف التاني ، وواصل الإمام في قراءته ثم نتبعهم بالآخرين ، صاحبك عمل خلف للصف البعدو، يقوم الإمام يقول كذلك نفعل بالمجرمين ، صاحبنا يخت شباشبو تحت أباطو وطرف جلابيتو في خشمو وجري وهو يردد "والله ما المقصود غيري".
أما أيام طلوع الكشكه فهي تعتمد على الكائن الحي فكل كائن حي له كشكته المميزه وطلوعها عادة ما يكون قبل طلوع شمس الصباح بمقدار ذراع أو يزيد فإذا كنت من ذوات الدم البارد فكشكتك لا محال ستبقي أطول مما كان قريبك يتصور أما إذا كنت من ذوات الدم الحار أو ذوات الثدي فموضوعك يحتاج إلى خلطه سحرية أو قل سريه ناهيك عن الحاجة إلى لبس شراب قطني خالص وبدون شنكارات ودمت. === هي الكشكه دي شنو يا بدر الدين ، لأنني عكفت على قاموس الجونا والما جونا للحاجه بنونه ولم أجد أى معني للكلمة.
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
Quote: أول مرة أسمع بـ ما يطلبه المُصَلَّوُنْ
عندي صاحبي سوداني هنا في الصحراء بنتلاقى كل إسبوع بمشي ليهو في بيتو (بتصحَّر) معاهو وأبيت والدغش أخليهو نائم وافوت أها هو أظنه شايف فيني شوفة ودائما بقدمني في الصلاة إمام لكن بشروط أنا أفهم إنك تقول للإمام ما تطول في السورة أو ما تطول في الركوع والسجود لكن صاحبي دا مشى أكتر من كدا
|
بدرالدين الما شين
تحايا وتهاني بالعيد
ليهو حق صحبك ده ،لانه ما مضمون تقوم تقرا ليهو سورة ال عمران تقوم تنشف ليهو المصلاية
وبمناسبة ما يطلبه المصلون عندي اختي اول يوم في رمضان انفعلت ومشت صلاة التراويح في جامع جنبهم جات تاني يوم مبسوطة قالت ياخ ده زول فاهم قرا ليهم بسورة الكوثر والاخلاص بس تتخيل من اليوم التاني نهاااااااااااائي خلته، مالك قالت الامام عمل ليهم شرك وكان الموضوع اكرامية ، واليوم التاني قول كدا يا الامام وابدأالصلاة بال عمران لووووووووووول
اها وكل تصحر وانتوا بخير
| |
|
|
|
|
|
|
Re: تاني عن شناتي بقولكم (Re: تيسير عووضة)
|
تيسير بت عووضة أبو عِمَّة بيضا ومكوية كيفكم يا ناس؟؟؟
Quote: إزيك يا بدر الدين (سنا)
والله مشتاقييين.. |
وأنا مشتاق ليك ولي ابوك ذااااااااااتو حلوة (سنا) دي كناية عن الغياب
تقديري
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
شنا ..
مشتاقين والله وليك غيبه ..
احسن امام ال صلينا معه انحنا وبحكو عنه حكايات وقالو دا مره كان بخطب واظنه داقس ساي فقال : الرسول(ص) كان يتعذب وكانت قريش تضع له الاذي في الطريق وفي يوما من ذات الايام قام ابوجهل بسب الرسول(ص) وسب اهله وامه وابيه وعشيرته فغضب عمه ابن عبدالمطلب من ذلك وذهب غاضبا لابوجهل وقال ليهو اتسب ابن اخي يا ابوجهل وتسب اهله فقال ابوجهل: هون عليك اصبات يا ابن عبدالمطلب ..
واظن بعد داك صاحبك الامام خانو التعبير فقال رد عليهو ايوه صبات يلعن د... ود ... صبات زاتووو ياخ سابي ليه يا ابوجهل وقبقبو ..
الامام المسكين من غضبو سب الدين لابوجهل ..
كسره : هسه بشناتك دي في الاجازه بغني ليك اغنية راجل المرا كيف ..
منعم
| |
|
|
|
|
|
|
Re: تاني عن شناتي بقولكم (Re: طارق جبريل)
|
طارق جبريل يا جميل كيفك وكيف الإمتداد وأهل الإمتداد وعيال الجمري؟؟؟ سلامي وإحترامي
Quote: انت السماحة من بعدك تمشي لا وين |
تمش لأطفالك الحلوين الفي الصورة ديل ربنا يحفظهم من كل شر ومن كل عين
تحياتي وشكري
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
الجميل والجميل جداً جداً جداً .. بدر الدين حلاوة وطعامه
كل سنة وانت بالف خير .. والله العظيم اشتقنا لك ..
اولاً جيتك لألقاء التحية والسلام حيث الشوق بحر
ثانياً ارسلت لك رسائل على العام والخاص ومافي اجابة ولا حس ولا خبر
ثالثاً سألنا عنك في غيابك .. زي ما سألت عني في غيابي
رابعاً ارجو الاطلاع على البوست دا أين هولاء؟ واحوال التفقد يا حبيب
خامساً بدرين شغال كمبيوتر ولا في خلاء انشاء الله دكتور
ياهو بدر الدين الحلو اللي بنريدو وابداً ما تائه
سادساً ولا اقولك خلاص مافي كمل ...
لك الود والحب حتى درجة الاستغاثة ح تروح مني فين ..
ادام الله المحبة والتواصل يا صديقي ..
| |
|
|
|
|
|
|
Re: تاني عن شناتي بقولكم (Re: waleedi399)
|
حبيبي البريدو وليد399 سلام وحب ساااااااااااااااااي كدي
أشكرك أخي حتى تتجزع وتطلب النجدة لسؤالك الدائم عني أما بخصوص المسنجرات أنا برد أول بأول وبفرح شديد لمن زول يرسل مسنجر تكون ياربي مسنجراتك دي لقتني أوف لاين ورجعت؟؟؟ههههه
Quote: رابعاً ارجو الاطلاع على البوست دا أين هولاء؟ واحوال التفقد يا حبيب |
ايوااااااااا البوست دا إنت نزلتو بتاريخ 7/10/06 في رمضان وإتذكرت إنو أنا اليوم داك كنت صائم هههههههههههههه
أكرر شكري وتحياتي ليك وللمدام
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
Quote: حبيبي البريدو وليد399 سلام وحب ساااااااااااااااااي كدي
|
وعليك السلام يا بدري
بس وين انت؟ من يومها وما شوفناك تاني
اظهر يا صديقي .. ما تبقى زي قطر كريمي
يظهر يوم ويغيب سنة ..
يعلم الله بحبك حب كثير لا يعلمه الا هو ..
وليد
| |
|
|
|
|
|
|
Re: تاني عن شناتي بقولكم (Re: abuguta)
|
أحمد صديق يا رجل ابوقوتة القوي الأمين سلام ليك وللمدام (شنو؟؟؟)
Quote: غنمايك تيسها ملبلبا والتانية لبنها لبا ياحليل ايام الصبا المطر صابى صب صبا جزيرتنا قطنها شربا اضحكت الناس من غير جبا التمثيل والمسرح عندك هبه |
ظرف ونقاء سريرة وحب للآخرين إنت يا ابوقوتة بتشبه الزمن الجميل الله يديدك الفي مرادك يا صديقي
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
الله يجازي محنك يا بدرالدين حلا .. فاقدنك يا زول يا زين ..
بس عليك الله لما تمشي في الإجازة الحا تضيعوا علينا فيها اللمة الحلوة دي .. أمسك قوي في طرف أخوك المطر دا وأمشو زوروا ناس القلقالة وقولوا ليهم سلام ..
محبتي من هنا لي مناقزا ..
| |
|
|
|
|
|
|
Re: تاني عن شناتي بقولكم (Re: الملك)
|
ناجي الملك حبيبي سلامي وإشتياقي
Quote: كدى التجى الخرطوم
... ...
ونسمع بيك رجعتا صاد(بدون ما نتلاقى) |
بدون ما نتلاقى؟؟؟ إنت هدف إستراتيجي بالنسبة لي
بس إن شاء الله تفضى لي يا الحبيب
| |
|
|
|
|
|
|
Re: تاني عن شناتي بقولكم (Re: معتصم دفع الله)
|
معتصم دفع الله يا صديقي كيفك يا المحبوب؟؟؟
Quote: بس عليك الله لما تمشي في الإجازة الحا تضيعوا علينا فيها اللمة الحلوة دي .. أمسك قوي في طرف أخوك المطر دا وأمشو زوروا ناس القلقالة وقولوا ليهم سلام .. |
أنا حليفتك دي ما بضيعها تب بس إن شاء الله الجنا المطر يساعدني في ذلك وما ينشغل عني
أديني الوصف في المسنجر
مشتاق أشوفك
| |
|
|
|
|
|
|
Re: تاني عن شناتي بقولكم (Re: محمد ابراهيم قرض)
|
Quote: تاني عن شناتي بقولكم |
الأستاذ بدرالدين
رجل بهذا الكم من الظرف وخفة الدم
والسنس اوف هيومر SENSE OF HUMOR
البالغ الندرة والتي أستمتع بقراءتها
في هذا المنبر ..... وفي ظل الظروف
الراهنة وتحت عسف هذا الزمن المتخم
بالثقالة والثقلاء .. رجل بهذه الصفات
لا يمكن أن يكون ,,,,,,,,,,,,,,,,,,,,,,
شيــــــــــــــــــــــــــيـــنا
| |
|
|
|
|
|
|
Re: تاني عن شناتي بقولكم (Re: فاروق حامد محمد)
|
العزيز فاروق حامد سلامي وإحترامي وشكري على الـ و
Quote: رجل بهذا الكم من الظرف وخفة الدم
والسنس اوف هيومر SENSE OF HUMOR
البالغ الندرة والتي أستمتع بقراءتها
في هذا المنبر ..... وفي ظل الظروف
الراهنة وتحت عسف هذا الزمن المتخم
بالثقالة والثقلاء .. رجل بهذه الصفات
لا يمكن أن يكون ,,,,,,,,,,,,,,,,,,,,,,
شيــــــــــــــــــــــــــيـــنا |
تكفيني هذه الشهادة من عزيز مثلك ربنا يحفظك ويشرح صدرك وينثر الفرح في ديارك
تقديري
| |
|
|
|
|
|
|
Re: تاني عن شناتي بقولكم (Re: محمد ابراهيم قرض)
|
صديقي محمد قرض شقيق ود حجتي طارق قرض سلامي لآل قرض في حلهم وترحالهم
Quote: زي حلاتك دي ما قابلتني .. بطل تواضع يا رجل ... |
والله إنت الحلو ويشهد على ذلك بوست المحفظة والله أنا اليوم داك ضحكت ضحكت ضحكت كما لم اضحك من قبل ولكن فرحتي لم تتم وإنت عارف السبب
حبي وتقديري
| |
|
|
|
|
|
|
Re: تاني عن شناتي بقولكم (Re: Sana Khalid)
|
الغالية سناء خالد سلامي وفرحتي بالطلة البهية
Quote: و الله بشناتك دي فقدناك يا بدرالدين.. أكان سمح أكان سويت شنو؟! |
كان سمح ما كان كشَّكت ذاتووو أشكرك على الكلمات الطيبات و (الفِقدة)
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
( الشمـج الما خــمـج )
قلنا نجيكم بي جاي
ونشوف الحكاية كييييييف ؟؟؟
لقيت الحكاية بقت قدر ( حسن ودفان ) طويلة لمن غلط !!!!
وتمشي تجي ( وتشترك في قناة النيل الأزرق ) وتجي بالسلامة
الشمج
| |
|
|
|
|
|
|
Re: تاني عن شناتي بقولكم (Re: KalamSakit)
|
الشمج (النسيب) كلام ساكت مرحب بيك هنا وهناك وفي البلد كمان
Quote: وتمشي تجي ( وتشترك في قناة النيل الأزرق ) وتجي بالسلامة |
بالراحة ما يسمعوك الجماعة
تحياتي
| |
|
|
|
|
|
|
Re: تاني عن شناتي بقولكم (Re: بدرالدين شنا)
|
بدر البدور .. مشتاقين والله
Quote: أنا أفهم إنك تقول للإمام ما تطول في السورة أو ما تطول في الركوع والسجود |
عمي محمد حامد الجمري.. زمان في امام في شندي بشدهم ليك بالذات في صلاة العشاء المهم يا زول عمنا محمد جاء قبل الصلاة بي شوية وقال ليهو يا فلان ما تطول ياخ الناس تعبانين .. الراجل اقام الصلاة وخلّص الفاتحة وطوالي قال (ألف لام مييييييييييم) .. عمي قال ليهو (الف لام تكسر رقبتك) وطوالي قبّل شال شباشبو ومشى ..
امانة في ذمتك يا بدر الدين تمشي الامتداد عشان تشوف (العمرك ما شفتو) وبعد داك (مش حا تقدر تغمض عينيك)
مودتي يا انسان
| |
|
|
|
|
|
|
Re: تاني عن شناتي بقولكم (Re: امير عوض الجمري)
|
أمير الإمتداد أمير عوض الجمري كيفك وكيف حال الربع
لكن عمك محمد حامد باااااااااااااالغ دا معناها في رمضان بعضِّي عديل كدا
Quote: امانة في ذمتك يا بدر الدين تمشي الامتداد عشان تشوف (العمرك ما شفتو) وبعد داك (مش حا تقدر تغمض عينيك) |
أيواااااااا إنت ومعتصم دع الله الشَّبحتوني عايزين تكملوا لي إجازتي بين القلقالة والإمتداد خلاص أنا بمش الإمتداد لكن ما تقول لي خلِّس سيد الدكان وبعدين بنتحاسب ... سمح هههههههههههههه
| |
|
|
|
|
|
|
|