|
Re: عريس ..... و لكن !!! (Re: sudania2000)
|
Quote: ايوة عريس ... بس بقناعة زيرو و الله |
سودانية 2000 كيفك نحن لا ناقة لنا لكن عشان خاطرك ندلى بدلونا اذا كان مافى اساس متين الحكاية دى مابتمشى لى قدام لانوالزواج فى عضمو بعد زمن قصير حسب بيئتنا وطريقة حياتنا,(ولولوتنا) متعلمين وغير متعلمين ومع مرعاة فروق الازمنة (طبعا) يتحول الى مشروع شكل لاينتهى اقفلى الشباك انت مجنون الدنيا حر ماجبت الرغيف ماعندى قروش انتى مش صرفتى امبارح ودى نعليك النقلتى عاجبانى كدة امى قالت جاية حبابها الف لكن دحين مابالغت دايرين هدوم عشان عرس بت خالتى مافى داعى الليلة عازم لى جماعة غداء أأأأه منكم الولد عامل شكلة مع اولاد فلان تشيل عكازك وتجرى البكيات , المجاملات الزيارات الدايمة مفروض ندفع قروش الروضة جدا والمدرسة ؟؟ المرة دى عليك اختك زعلانة ما من عمايلك حبوبتك مشت باركت لى مرة اخوك وماجاتنا يجيك الدقر وخليك من نقة الشاى مسيخ, والحلة دى مافيها بصل مكادة,وطبيق الهدوم, والمكوة(الله لا كسب المكوة) , غسيل العدة ...الخ والعجب كان جابت ليها مرقة من السودان عييييييك اها اذا مافى ود ومعرفة وتقارب فى الحاجات الاساسية اهمها القناعة والانسجام النفسى من البداية -ما بالضرورة المؤهلات الاكاديمية والوضع المادى- الامور دى بتبقى جحيم, ونار الله الموقدة لانو انجازهااو التحايل على تاجيلها, يحتاج الى الفة ومودة وصداقة وتفاهم .. والله اعلم الزواج من اجل الزواج ومهما كانت الاسباب يوفرها صاحبتك دى قولى ليها واحد معرس من زمن حفرو البحر قال ليك مبروك والسلام عليكم
| |
|
|
|
|
|
|
Re: عريس ..... و لكن !!! (Re: عمر ادريس محمد)
|
سودانية تحية وتقدير ونشكرك لموضوعك الجميل وصاحبة الموضوع نقول ليها مبروك وربنا يهنئهم ويرزقهم الذرية الصالحة .
وأختنا دى طالما تزوجت برضاها وبقروشها ذى ما تفضلتى برضو بيدها ممكن تحول حياتهم الزوجية الى جحيم ان لم تقدم تنازلات وتفاهمت مع زوجها على تكوين أسرة من شخصين بتفكير مشترك ورغبة جادة للتفاهم بدون نظرة دونية للاخر وأعطاء زوجها دور الزوج الكامل
| |
|
|
|
|
|
|
Re: عريس ..... و لكن !!! (Re: sudania2000)
|
الأخت سودانية لك التحية ذكرت:
Quote: بس قول لينا
كيف يكون الاختيار من اجل ما تنعم به من سعادة؟؟؟
|
صدقيني المسألة في منتهى البساطة: بس يجب أن تتوفر في الشريك بعض الأساسيات ألا وهي: من أسرة كويسة يكون على خلق يكون بصلي ويصوم (يعني يؤدي حق الله) أولا وأخيرا يجب أن يقتنع كل منهما بالآخر (خصوصا بالشكل والوضع المادي والأدبي) ثم الإبتعاد عن التجمّل (ولا بدّ من إظهار الحقائق والناس لسه في البر) يعني فترة الخطوبة يجب أن تكون لقاءات مكاشفة وليست لقاءات رومانسية وفي النهاية المسألة تعتبر توفيق من الله سبحانه وتعالى
وذكرت دينا فيصل:
Quote: والله يا سمارت انتي شكلك زي سامي دة, يعني من القلائل الناجحين في زيجاتهم عشان كدة حايمين يشكروا. انا ما مشكلتي الزواج الفاشل او الناجح, وباتمنى انو النجاح يكون مصير كل اتنين يرتبطوا. لكن دة ما بمنع انو الرجل غالبا ما يكون عامل مثبط لهمة المراة وعزيمتها, يعني اول المراة ما تبدى تنجح وتشتهر تلقى الراجل عفاريت الدنيا ركبتو باعتبار انو بقى "جوز الست", بعكس المراة التي تصر على نجاح زوجها وتفضل وراهو لغاية ما يكبر ويمشي يعرس فيها.
|
لك التحية أخت دينا بأي منظار قاتم تنظرين إلى الرجل؟ وهل هناك نماذج بهذا الشكل؟ وهل يجوز التعميم فيما ذهبت إليه؟ والله ياخي شوفي لا في إمرأة بترفع ليها راجل ولا في راجل بقدر يتسبب في إيقاف نجاح إمراة... وكل واحد بياخد قدر ما بيعطي... بمعنى: لو عايز تنجح/ي دا شئ منوط بيك/ي وحدك وإذا في راجل (عفاريت الدنيا بتركبو) عشان زوجتو نجحت في حياتها العملية أو العلمية يبقى دا... ما راجل (وعفوا على التعبير دا) وتحياتي
| |
|
|
|
|
|
|
Re: عريس ..... و لكن !!! (Re: Ahmed Hamza)
|
الاخت سودانية2000
السلام عليكم
Quote: الذي لم يستوعب القفزة الكبيرة التي رفعت المرأة في السودان الي باحات علمية و اقتصادية بعيدة
وهل استوعبت المراة السودانية "القفزة الكبيرة التي رفعت المرأة في السودان الي باحات علمية و اقتصادية بعيدة"?
واقع الحال الذي اراه اليوم يقول عكس ذلك تماما الا من قلة. شى جميل ان تدافعي عن اخواتك واخواتنا ولكن الاندفاع العاطفي الشديد يخرج احيانا من الموضوعية
لك الود
| |
|
|
|
|
|
|
Re: عريس ..... و لكن !!! (Re: ensana)
|
الاخت انسانة
التحية
Quote: الصراحة من الطرف الاخر في النقد مثلا على عيوبه...و النقاش و الحوار الهادف لتطوير العلاقة |
ده بعتمد علي مدي وعي الطرفين وادراكهما لضرورة الصراحة حتى تستمر العلاقة وتنمو في جو صحي. المشكلة تكمن في انو الكثير من الزيجات والعلاقات السودانية تخلو من التكافؤ الفكري والاجتماعي والديني فتصبح الامور مجرد " عيشة" و "روتين" و"عشان الاولاد" الشي التاني والمؤسف انو نحن كسودانين نري الصراحة والنقد علي انها نقة وكلامها اوكلامو كتير وقلة ادب احيانا وتخلو حياتنا من اشياء جميلة كالصراحة والنقد المهذب البناء للاسف
لك ودي
احمد
| |
|
|
|
|
|
|
Re: عريس ..... و لكن !!! (Re: عبد المطلب خضر عبد المطلب)
|
الاخت ensana ,, نقطة نظام بالله :
Quote: عندي صديق تزوج من غير ما يشوف زوجته...بس قال شافها في صورة و كانت الصورة بعيدة و ما واضحة...و لمن جات في واقع حياته "قال دي ماهي" هاها...الزول دا حسي بفتش في زوجة تانية ...لان الزوجة الاولى و المرسلة عن طريق" DHL" الاسلوب المفضل للزواج بين شباب اليوم المغترب...بفتش في زوجة تانية لانه بحث عن الحب لم يجده...كانت لديه النية ان يحبها...لم يعرف...لمن حكى لي ...حزنت ...و خفت اكون في مكانه او مكانها....تخيل ان تشارك تفاصيل حياتك مع شخص ما قادر تقول ليه "بحبك" و انت اخترته...او تكون انت عايش مع شخص بتحبه بس ما بحبك"طرف واحد"..سالت الصديق و هل ستتركها لتذهب و تبدأ حياة جدية..قال لا هناك طفل بيننا...و هكذا الحياة حتبقى واجب ..هذا و الله اعلم...
|
صديقك دة كان ما حب زوجته جاب منها طفل كيف ؟ و حسى جاي يتشكى و يتبكى و يقول ما حباها .. غايتو ,, جنس كضب و لولوة...
سودانية 2000 :
رغم صعوبة الاختيار الا ان صديقتك ليس لها حق فى إزدارء زوجها بسبب وظيفته ..
وأهلنا العاقلين زمان قالوا "القلم ما بزيل بلم" ..
ليك التحية
| |
|
|
|
|
|
|
|