|
جِِد لينا وجِد لينا أبوقوتة عريس
|
قولن يوي قولن يوي آ بنوت أنا هادي جيتي من هناك وبنوت أبوقوتة خليتن يغنن يا الجيتونا وشلتو (أحمد) وحيرتونا يا الجيناكم وشلنا (راضية) وحيرناكم
كرت الدعوة
Quote: الجمعة 19/ مايو 2006 تاريخ التحول من العذوبية للمسئولبة
العريس احمد الصديق ابقوتة على كريمة الخال نور الجليل الفحل الاستاذة راضية الفحل ..متطوعة فى مدرسة ابقوتة الثانوية خريجة تربية 2005 دا كله عن العروس..
الزمان 19 مايو المكان ابقوتة الحى الجنوبى |
ونحن الما بجينا في عرس أبوقوتة لا بينا لا بينو
والحفلة ما بنفوتة عشان عريسها ابوقوتة
ويلا افرحوا ييييييييييا حبان
|
|
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
بدر الدين الشين
ألف مبروك علي ولدنا أبو قوتة في عز الليل لكن مفروض تكون في عيزومة لي ناس برة واللا مو كدي ؟ حتى لو قلنا نمشي نلحق العرس بنصل مكتحين وحالتنا بالبلاء ..
إني هاو مبروك وبيت مال وعيال والما ضاقو إن شاء الله يضوقو ،،
بكري
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
الليل العديل والزين والليلة العديلة ويا عديلة الله الليل العديل والزين والليلة العديلة لي أحمد ابقوتة الليل العديل والزين والليلة العديلة لي راضية الرضية الليل العديل والزين والليلة العديلة وشكراً ليك يامنى الليل العديل والزين والليلة العديلة وشكراً لي تماضر الخنساء الليل العديل والزين والليلة العديلة وشكراً لي ود عجوج الدرب الليل العديل والزين والليلة العديلة وشكراً لي بكري إسماعيل ود الحلة الليل العديل والزين والليلة العديلة وشكراً لي طارق جبريل سوالوا الحريرة
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
ابو قوته قنبلة الحــب الموقوتة
مليار مليار مايار مبرووووووووووووووووووووووووووووووووووووووووووووووك والله يا ابو قوتة انا فرحان كانه انا العريس تاني يازول والله مبرووووك ومبروك ومبروووووووووك وربنا يتم علي خير وتغلبها بالمال وتغلبك بالعيال يعني يا ابو قوتة خليتني الان سكند هاند بالله الاغنية بتاعة البوست دا من الان يا بدر علي انا ما اشوف اي زول منزل ليهو اي اغنية في البوست دا مبروووووووووووووووووووووووووووووووووووووك لي عودات وعودات الي هذا الفرح الغامر
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
اخوي بدر الدين انت بالجد ابوقوته عريس هو سافر متين غايتو العربي غياظ بشكل يا سلام انا لو كنت بعرف ازغرد كنت زغردت ولكن معليش يقوم نيابة عني المفعوص دكين ويزغرد وأجري أبشر فوق أهلنا وأحضن أصحابي اللطاف ابوقوته نارك بقت وعرسانك نورهم ضوا احمد × راضية حلوين ذي دول وين وين وين تلقوا ذي دا مـــــبروك وبيت مال وعيال
| |
|
|
|
|
|
|
Re: جِِد لينا وجِد لينا أبوقوتة عريس (Re: معتصم دفع الله)
|
بدر الدين الحنين الشوق صحنين.. كمونية وضلعتين يا حليلك يا البتفرح وبتزرع الفرح لى غيرك يا حليلك ويا سماحة الخبر والبشاره عندك ابقوته عريس يا خوانا ايويويويويوىىىى ابقوته عشان بقول ليك اب قوته الخرزة والياقوته .. قلت اخير النتم الجرتق مره واحده .. عفيت منك وعفيت منها هى تب البنيه الرضيه الفنجريه . ياها البتستاهلك وحات الله عريسنا ابو قوته .. الخرزة والياقوته حريره وسيموته وعديلة وزين وفرحة والدين تبراك وين ما تقبل بيت مال وعيال ومبرووووووووووووووووك عليكم يابا مبروك عليكم يا البدرى .. اها ياخوى دحن الكشف مع منو ؟
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
العام الأول تجينا راضية شايلة سمؤال العام التاني تجينا راضية شايلة تهاني العام التالت تجينا راضية شايلة خالد العام الرابع تجينا راضية شايلة رافع العام الخامس تجينا راضية شايلة فارس العام السادس تجينا راضية شايلة فايز العام السابع ولا كفى؟؟؟
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
معتصم دفع الله إنت لي هسع ما زغردت؟؟؟ شكراً على حضورك البهي
سوما ست العيزوما كلماتك طيبات وفي ريحة البلد ومشكوووور يا بت أمي على الحريرة والضريرة
مصطفى محمود مشكور على الحضور والعاقبة عندكم في المسرات
متولي الرباطابي إنت ما تخت في الكشف يكفينا ظرفك وظرف جميع الرباطاب
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
ابّشر يل عــــــــــــــــــــــــــــــــــــــــــــوير قصدي ابشر يا عريس ... والله عجبنا ليك يا ابقوتة وبيت مال وموردة وعباسية .. وبعدين عليك الله شوف المغصة دي تلقى الناس بتنطط وتهجج بي قروشك وانت المسكين محبوس في الكوشة عشان تسلم على الشفع ...
تهانينا ليك يا زول يا حلو ..
تخريمة : عقبال ليك يا بدر الدين شنا ...(زول ما ناقش اي حاجة وعايز يتظارف)
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
العام الأول تجينا راضية شايلة سمؤال العام التاني تجينا راضية شايلة تهاني العام التالت تجينا راضية شايلة خالد العام الرابع تجينا راضية شايلة رافع العام الخامس تجينا راضية شايلة فارس العام السادس تجينا راضية شايلة فايز العام السابع ولا كفى؟؟؟
العام السابع يجينا اعلان بالتبرعات لابقوته وانه محمول.....ههههههه
تبرا وتستبرا يابقوته ..بس عجبنتنى الغنوة الكيدية العملها ليك شناة صاحبى ده..
| |
|
|
|
|
|
|
Re: جِِد لينا وجِد لينا أبوقوتة عريس (Re: Tumadir)
|
بدر الدين
الف مبروك لابو قوته وتهانينا له
Quote: العام الأول تجينا راضية شايلة سمؤال العام التاني تجينا راضية شايلة تهاني العام التالت تجينا راضية شايلة خالد العام الرابع تجينا راضية شايلة رافع العام الخامس تجينا راضية شايلة فارس العام السادس تجينا راضية شايلة فايز
|
لكن انت دحين الاعوام دي ما كترتها
(وش ضاحك)
مودتي واحترامي
| |
|
|
|
|
|
|
Re: جِِد لينا وجِد لينا أبوقوتة عريس (Re: ود عقاب)
|
ود عقاب صاحبي ياااااااااااااه شوقي ليك طال
Quote: اخبارك واحوالك يا بدرالدين وكيف عامل |
أخباري طيبة جزاك الله خير وناوي الاقيك في عيد الأضحى لو ربنا سهل الأمور لسع في محل شغلك داك؟؟؟ التلفون بطلبو منك في الوقت المناسب
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
أحي أنا هسع كان قلنا عرس فلانة ولا فلانة كان البوست عمل 3 صفحات لكن يا ابقوتة معليس المهم إنت تتهنا بزواجك الميمون وشكراً كتير لكل من عطر هذا البوست بكلمات طيبات وبارك للعروسين وبشَّر
إنت ذاتك غلطان تحرِّس بوست عرسك لي زول شين كان تخلي جنب العلبة والكشف وش يفرح
ياخ قولة مبروك في حاجة
والله أنا زعلان جد جد
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
قال عرس قال شايفك مبسوط يا بدر الدين انت وصاحبك اب قوته ياهو الضحك في الأسبوع الأول والله باقي الاجازة تاني كله طلبات مرات بعد طلبات ابوها وأمها الحكاية كمان تجيب ليها صديقات نحن واحدة كرهتنا حياتنا دي قالوا وزيرة العروس عليك أمان الله زي { السحلية } مارقين مارقة معانا طالعين طالعة معانا تيابنا كلها ضاقتها ياكافي البلاء لا خلت اخدر لا أحمر وكلما أطلع فتيل ريحة تقعد تنكرش كان ماضاقتها تتراجف كلها قول لي صاحبك { كتر } القروش ولو عاوز زواجه ينجح لازم يكسب أم العروس لأنك لو كسبت أمها تكون كسبت العروس وابو القدح بعدين صراحة المدرسات كلامهن كتيييييييير والنقة بتاعتهن كمان ما بتكتر الا بالليل تنقل للراجل المدرسة كلها في البيت عندي أخوي متزوج مدرسة الشفناهو فيها خلانا الواحد مما يسأل الواحدة وتقول ليك مدرسة تمسك جلابيتك في خشمك وتقوم صوووووووووووووف قال فائض تربوي قال !!!!
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
الففففففففففففف مبروك لاخونا العريس واتمنى له حياة زوجية سعيدة ؟؟ وتغلبو بالعيال ويغلبها بالريال ؟؟
اصالة عن نفسى ونيابة عن اهل العريس واهل العروس اتقدم بالشكر جله لاخونا وحبيبنا بدر الدين شنا ؟؟ الشين اسما والجميل والنقى والرايع والروعة تكتمل من روعتوا؛؛؛
وكل الشكر والامتنان لكل المتداخلون ؟؟؟
خلاص يا بدالدين امشى خد ليك نومه انا بمسك ليك الزمام لما تجى ؟؟
طبعا العريس مشغول اسبوعين كدا ويجى ؟؟ انت عارف اخوك العبدلله خال العروس وبن عم العريس يعنى من القون الى القون؟؟ ولك خالص الموده والاحترام
| |
|
|
|
|
|
|
Re: جِِد لينا وجِد لينا أبوقوتة عريس (Re: عبدالله ادريس محمد)
|
Quote: أحي أنا هسع كان قلنا عرس فلانة ولا فلانة كان البوست عمل 3 صفحات |
.. ووالله يا بدري .. حقو بكري يرفع البوست دا فوق في الصفحة الأولى عشان الحركة دي .. اصلو اهل العوض ديل مهمشين مهمشين
مبروك للهندسة أحمد صديق .. مع اني زعلان منو ود حلتنا في البلد الطيرة عجم دي وكان تاوق بالشباك بيشوفنا .. لا يكلمنا ولا يجيب لينا خبر .. حسع دي ما احي انا برضو ؟؟ .. اساسي .. ( كروتكم ) يا بدري .. انا سمعت ليكم الاغنية الاغنية الجابه دي لي مبارك حسن بركات .. غايتو شغلوها بعد العقد طوالي يا بعد صلاة الجمعة
اسمع المنقه دي ..
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
صديق رحمة نبارك ليك جديد الوليدات ناذر الحليو غني لينا ياخ عبدالله خال العروس ضبحتوا ولا لسع؟؟؟ تمبس العسل أحبك وأحب هداياك الحلوة عبدالله عقيد إحترامي ليك يا وسيم نهال كرار شكري وتقديري نصار حبيبي
only for her وبدرالدين شنا
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
ابوقوتة ... عشان فرحك بغنيلك ومعاي الدنيا تتغني واشيل شبال واهز كل الجريد بالفال واقول ليك بالعديل والزين من اعماق قلبي تتهني
الف الف مبرووك اخي احمد
ويا بدرالدين يا اخوي والله عاوز اهنيك واقول ليك عقبالك بس خايف اجيب ليك الهوي... تسلم يا عزيز
| |
|
|
|
|
|
|
Re: جِِد لينا وجِد لينا أبوقوتة عريس (Re: أبوذر بابكر)
|
عزيزنا وزينة عرسانا صديقنا احمد الصديق مبروك عليك راضية زينة بنات ابقوته وبيت مااااااال وعياااااال
وربنا يهنيكم ويسعد حالكم
يا ريت لو كنت في السودان كان تلاقيني اكفي في المعازيم لكن معليش معاك بالدعاء الصالح وبقلوبنا الشايلة ليك كل خير
مليون مبروك
وتشكر يا حبيبنا البدري على البشارة السارة
| |
|
|
|
|
|
|
Re: جِِد لينا وجِد لينا أبوقوتة عريس (Re: بدرالدين شنا)
|
Quote: ونحن الما بجينا في عرس أبوقوتة لا بينا لا بينو
والحفلة ما بنفوتة عشان عريسها ابوقوتة
ويلا افرحوا ييييييييييا حبان |
بدر الدين انا جيت
اشكرك على هذه الاحتفال الذى كلفك كثيرا من العناء قالو لى حارس البوست زى موية القمح وكل مرة تعتل فيه حتى الولد سمؤال ما جانا..بقى لى تانى نلوم زول عموما كتر خيرك وعقبان نجيك فى عرس البنات ولحظة وجايكم جميعا مع شكرى لكم
| |
|
|
|
|
|
|
Re: جِِد لينا وجِد لينا أبوقوتة عريس (Re: abuguta)
|
ابو قوته مبروك يا اخوي
وان شاء الله بيت مال وعيال
ومعليش لو متأخره لكن باركت لك 3 مرات الليله.
بعدين بوستات بدر الدين شنا دي فيها هواء كثير
تلقاه ماسك لك قلم احمر وعامل استاذ عربي...(وجه ضاحك)
شكرا يا بدرين على البوست,ومبروك لصحبك ابو قوته.
تراجي.
| |
|
|
|
|
|
|
|