|
بورداب الامارات.....مفاجأة أخرى!!
|
شهر مارس هذا العام أكثر من مميز تحمل الينا نسائمه أحلى رفقة وأجمل أصدقاء احببناهم وتعلقنا بهم في هذا المكان. أكثر من بوردابي يشرفون دولة الامارات بزيرتهم في خلال هذا الشهر. وحقيقة ما قدرت اكتم الشمار أكتر من كدة, وعشان احفزكم لتحضير استقبال يليق بالضيوف الرائعين ولمزيد من التنظيم بعد لقاءنا الحلم ببكري سيد الحوش الكبير. وأهي 3 شهور مرت وأكيد مشتاقين للمة تانية. الضيوف حتى الآن: - الموسيقار يوسف الموصلي - الصحفية اللامعة رجاء العباسي - صاحبة القلم الرشيق سارة حمزة - الباشمهندسة مريم بنت الحسين بعد ما تستوعبوا الحاصل وتفوقوا من المفاجأة جاياكم بمزيد من التنسيق والمتابعة. الناس ديل جاييين في توقيتات مختلفة من شهر مارس ولازم نعمل جهدنا اننا نخليهم كلهم يتلاقوا في وقت واحد. ودعوة مفتوحة لكل زوار الامارات اذا كان في الامكان يضبطوا معانا مواعيدهم لنقل مع منتصف شهر مارس لتكتمل فرحتنا.
تحياتي وحبي zola123
|
|
|
|
|
|
|
|
Re: بورداب الامارات.....مفاجأة أخرى!! (Re: zola123)
|
Quote: الموسيقار يوسف الموصلي - الصحفية اللامعة رجاء العباسي - صاحبة القلم الرشيق سارة حمزة - الباشمهندسة مريم بنت الحسين |
بس اقدرن/رو ، ما تعتبن مسقط ، كان أنتن ولا استاذ الموصلي . وتراني دي قجيت شركي
| |
|
|
|
|
|
|
Re: بورداب الامارات.....مفاجأة أخرى!! (Re: Rawia)
|
لؤي بتكون شمت الشمار في أوضتنا ( وجه ضاحك ممرق لسانة ببره)
راوية لني سماوي دي الا كان الفجيرةو قالوا شواطئها ساحرة تصدقي مع اني لي في الامارات 25 سنة لاكن ما زرت الا 3 امارات من 7 , الرابعة دي مريت بيها ساي ما محسوبة. الامارات دي دعاية, بعد عجمان ما تمرقي بتلقي نفسك في الكلاكلة
| |
|
|
|
|
|
|
Re: بورداب الامارات.....مفاجأة أخرى!! (Re: lana mahdi)
|
عشة بت فاطمة الموصلي في جولة خليجية كبرى حيبدأها بالبحرين وأظنه بكون على وصول سي. وأكيد حيمر بمسقط, أما الباقيين ديل فما أضمنهم اتصرفي معاهم بطريقتك
لنا مهدي تعرفي قلبي ما طاوعني ادس الخبر أكتر من كدة وقلت أكلم الناس تحضر نفسها الخامس ده شمهروش مش؟ لاكن اعتقد انه مسافر بكرة وكان مصر انه ما يكلم زول ما عارفة ليه. كان عندك زول تاني كلمينا وليكي الحلاوة
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
الغالية zoola 123 تحية وود كمية،، الــــــــف مرحبـا و حباب الضيفان ،،،
Quote: الموسيقار يوسف الموصلي - الصحفية اللامعة رجاء العباسي - صاحبة القلم الرشيق سارة حمزة - الباشمهندسة مريم بنت الحسين |
حبابكــم عشــره ،، وحــــأضرييييين ،،
| |
|
|
|
|
|
|
Re: بورداب الامارات.....مفاجأة أخرى!! (Re: Shalabi)
|
الأخت زولا....تشرفت بالانضمام لهذا البورد قريبا جدا ..وأرجو قبول عضويتى فى بورداب الامارات مع هذه الصدفة الجميلة لاستقبال الكوكبة المشار اليها و التعرف على بقية البورداب... الظاهر حاسة الشم عند النواعم أقوى...للتنسيق يرجى المهاتفة علىالتقال ( 050-8130850 )..سوف لن أسامح نفسى أو من يفوت على هذه السانحة..فأنا زول اجتماعى حتى الثمالة وعندى اضافة المعارف الانسانية هى الكنوز لا الذهب ولا الماس....
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
... والله يا زولة طلعتي خطره عديل كده.. انا فعلا جايه دبي كم يوم كده.. احتمال قبلها أغشى عمتي عشه.. (ده كلام خوف) .. لا لا جد ماشه مسقط غالبا الاسبوع البعد الجاي..
مشتاقييييييييين ليكم كلكم...
اوعى نتعقب مع استاذ الموصلي..
بنت الحسين
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
زولا واحد اتنين تلاتة يا عسل..
تحية ومحبة ليك ولكل بورداب الأمارات..
طبعا انا منتظرة بس اعرف موعد الجولة الجاية للمفاوضات التجمع والنظام.. وهسع سمعت انها يوم 12.. وتحت تحت عرفت انه ما يوم 12.. شفتي الحالة دي.. لكن قبل نهاية الشهر بإذن المولى بكون معاكم..
عشة يا غالية..
لو قلتي لي السلطنة جيتها ساهلة من هناك مافي شئ حيوقفني وحاة غلاوتك..
راوية واميمة..
ما قلتو لي الأمارة تكون توتال ولا حرير ..
مريوما..
ما تمشي قبل ما أمشي..
بورداب الأمارات: لنا الزنجي المسافر سيمباتيكو محمد سيداحمد سموأل شلبي يحيي عبدالكريم من الله وساري الليل..
أتطلع بشوق لرؤياكم ايها الأهل الذين يربطني بهم دم الود والأحترام..
| |
|
|
|
|
|
|
Re: بورداب الامارات.....مفاجأة أخرى!! (Re: Raja)
|
Quote: - الموسيقار يوسف الموصلي - صاحبة القلم الرشيق سارة حمزة - الباشمهندسة مريم بنت الحسين
|
الضيوف الرائعين..
أتمنى بحق ان التقي بكم جميعا على أرض الأمارات، وفي صحبة بوردابها الجميلين..
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
بورداب الامارات الحلوين وضيوف البوست الحلوين برضو كيف مع المفاجأة استوعبتوا ولا لسة؟؟ ازيدكم من الشعر بيت في اتنين بورداب اكس اكس لارج برضو جايين الشهر ده ولو قلت ليكم اساميهم في ناس ممكن يغمى عليها. فخلوها بالتقسيط. سبب البوست الأساسي هو تنسيق المواعيد يا رجاء لازم تحددي مواعيد مسبقة حاااولي , وما تعتمدي على مريم بت الحسين حتجي يومين تلاتة بس مهمة رسمية ولو استكردتنا وما ضربت زي جيتها السابقة أنا باحذرها من وعلي الشدييييييييييد من حسي؟ سارة حمزة بتكون في طريقها حسي وهي قاعدة 10 ايام فقط الموصلي سيبدأ كما ذكر بالبحرين ودي فركة كعب للامارات يا ريت برضو لو بقرا البوست ده يورينا مواعيد والاتنين التانيين قالوا لي ما أكلم زول لحد ما يتأكد حضورهم اللقاء في أبوظبي بشبه اجماع منذ لقاءنا السابق يعني 1 حددوا المواعيد 2 المكان؟ تحياتي وحبي
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
Quote: الضيوف حتى الآن: - الموسيقار يوسف الموصلي - الصحفية اللامعة رجاء العباسي - صاحبة القلم الرشيق سارة حمزة - الباشمهندسة مريم بنت الحسين
|
نحن في حلم ولا في علم
العزيزة د. إيناس
تحية وإحترام
مفاجآتك دائماً ( تتور) النفس غبطة .
مرحباً بالأحباب الذين عرفناهم في هذا المنبر فأضحوا لنا إخوان و أخوات نشتاق لهم و نسعد بهم. و نتكدر إن غابوا عنا .
في إنتظار الترتيبات .
الشكر مجدداً
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
العزيزة الغالية ست الناس زوله123 تحياتى لك الود
هلا ومرحبا البيت بيتهم وكلنا على استعداد
الخروف جاهز ماذى خروف محمد سيداحمد
مليـــــــــــون مرحبا الرجاء الاتصال
لك التحية والاحترام زوله
بت القبايل
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
يا زولة، نعزم ليك في جديدك.. قولي آمين...واضعاك في اول اللسته، ضروري اقول ليك كفارة.. وبعد الشر عن عيونك...
رجاء العباسي، انا زي ما قالت ليك زولة، سريع سريع ... لكن لو حصل ولاقيتك، حتكون اجمل رحلة... ولو ما لاقيتك، ادينا طلّه في قطر... رغم اني حوّامه لكن بقعد ليك...
سارة حمزة... اتمنى فعلا اتعرف عليها.. والاقيها..
عمو الموصلي... تعال لينا بي جاي، ناس عمو فايز ما ببطلوا كلام عنّك..
بنت الحسين
| |
|
|
|
|
|
|
Re: بورداب الامارات.....مفاجأة أخرى!! (Re: مريم بنت الحسين)
|
البجي الأمارات وما بيغشانا لا بينا لا بينو
العزيزة مريومة أقعدي ليهم "خصيم طاعم"، (خصميهم بالنبي، وأبو شرا إن لزم الأمر)، إنهم يغشونا وينوروا الدوحة ولو أيام....
العزيزة زولة ولنا رسلت ليكم "نادوس"، ولا إشتغلتوا بيهو الشغلة. "نظام غيرة".
الجميلة تماضر
Quote: كان نفسى امشى قطر ولا مسقط |
ونحن نفسنا نحقق ليك اللي في نفسك.
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
عشّةQuote: بس اقدرن/رو ، ما تعتبن مسقط ، كان أنتن ولا استاذ الموصلي
|
لناQuote: طبعا دى الدغالة العملت ليكي وجع عيون[وجه ضاحك]
|
زولةQuote: الامارات دي دعاية, بعد عجمان ما تمرقي بتلقي نفسك في الكلاكلة
|
تماضرQuote: جيبوا لينا معاكم كراسى جابر...
|
تاج السرQuote: ونرجو من مجلس التنسيق المحترم بقيادة زوله تأكيد ذلك الحضور قبل 48 ساعه حتى لا نروح (شماره فى مرقه)، لا أعرف معنى هذا المثل!!!
|
تاج السر تانيQuote: تخريمه:- أول مره أعرف لؤى (أعسر) حدى يراهن؟؟
|
تاج السر انا لاأعسر لاأيمن ، زمااااان غايتو كنت ماأعسر ، لكن هسّه ماعارف ..
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
العزيزه : زوله 123
تحياتي لك
نرحب بالضيوف الكرام الأعزاء
Quote: الموسيقار يوسف الموصلي - الصحفية اللامعة رجاء العباسي - صاحبة القلم الرشيق سارة حمزة - الباشمهندسة مريم بنت الحسين |
وجاهزين للأحتفال بهم في اي مكان وزمان
مع محبتي مهدي الأمين أحمد
| |
|
|
|
|
|
|
Re: بورداب الامارات.....مفاجأة أخرى!! (Re: mahdy alamin)
|
الدكتورة العزيزة الشكر الجزيل ليك وعلي مفاجاتك الحلوة دايما بورداب الامارات بجد خجلتوني ناس رايعين وانشاء الله الواحد يقابلكم كلكم الاخوات رجاء ومريم انشاء الله الواحد يلاقيكم ويتهنا بمعرفتكم الاستاذ العظيم الموصلي نتمني نقابلك بس زي ماعرفتا الوقت مختلف في تواجدنا هناك
دكتورتنا العزيزة انا كان مفروض اكون معاكم الان لكن الظروف
بس انشاء الله الاثنين نكون معاكم
| |
|
|
|
|
|
|
Re: بورداب الامارات.....مفاجأة أخرى!! (Re: سارة حمزة)
|
أحلى بورداب يا جماعة الأربعة الذكرتهم ليكم ديل شوفوا طريقة معاهم عشان نجيبهم في وقت واحد انشاء الله نقفلهم في أوضة ونتحفظ عليهم معانا هنا البورداب الجدد يا مية مرحب بيكم احتفظ بارقام الهاتف ومع اتضاح اخطوط البرنامج الرئيسية توقعوا مكالمة مني. أول تأكيد: سارة حمزة : متواجدة من 14 مارس لمدة عشرة أيام يا مريم بت الحسين أرجو تختي لينا تواريخ تواجدك وما تقولي ما عارفة, انا ما حخليك المرة دي. فضل الموصلي ورجاء في انتظار تأكيدهم برضو والاتنين التانيين ما عايزين يقولوا انهم جايين لحد ما يتأكدوا
يا أبنوسة والله أنا ما سمعت بجية نادوس, كان سمعت كان فرشت ليه الأرض من المطار, معقول يجينا بوردابي من قطر العزيزة وما نستقبله؟ أنا والله باحبكم كدة لله فلله كللللللللكم
سجيمان( ما تجينا انت كمان), سيد أحمد( عند قولك أكيد), شلبي( اجدع شباب وأحسن ناس تنسق لقاءات) , يحى عبد الكريم( مرحب بيك والبلد تنور), من الله( اكيد ابوظبي), ساري الليل( انت تعال بس) , عبد الله بابكر( ما بتقصر) , جوليا( يا مية مرحب بيكي), عاطف عمر(تستاهلوا كل جميل, تحياتي لمحمد), ود الأباسية( سويتا ظاهرة لاكن, يعني ما تعزمنا؟) , تماضر ( اديني أمثلة عشان ما بافهم في المسرح لاكن اي حاجة تطلبيها من عيوني), تاج السر( قمت ؟), بت القبايل( أكيييييييد), لؤي(خلي بالك أنا فتانة), محمد قرض( انت وين؟ ), مهدي الأمين( ما بتقصر أكيد), سارة حمزة( قولي انشاء الله بس وكلكم حتتلاقوا), رجاء الحبيبة( انتظرك بفارغ الصبر)
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
الدكتورة الفنانة زولا...أشكر لك الترحيب والبلد منورةبيك وبالبورداب الظرفاء ويشرفنى جدا أن ألحق بهذا القطار الجميل حتى ولو فى عربة الفرملة... وأنا جاهز ورهن الاشارة من لحظة الاستقبال وحتى ساعة الوداع....والشوق يغمرنا حتى النخاع للقاء الأحبة...
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
Quote: لؤي(خلي بالك أنا فتانة),
|
تعرفي انا من أمبارح قريت ((فتّانة)) دي "فنّانة" ، قلت زولة دي كمان بقت تغنّي ولا شنو ؟؟ هسّه لحسن الحظ جيت داخل تاني ، لقيت النقطة الكانت حاتقلب الدنيا لو كانت مافي .. غايتو كان الله حايكون في عون المستمعات والمستمعين ..
جابت ليها كمان فتن ؟؟ ، أخير الغُنا .. الله يستر ..
| |
|
|
|
|
|
|
بورداب الامارت .............. مفاجاة اخرى. (Re: zola123)
|
حبببببببببببببببببببببببباكم مليووووووووووووووووووون
في انتظار الضيوف على احر من الجمر
وبعدين نتفق من هسع عشان ما نتشاكل بعدين
الضيوف محجوزين لعزومة عندى في البيت تانى يوم الحفلة العامة على شرف الزميلة النجيبة رجاء
وطبعا معاهم اصدقاهم البورداب
المدام في البيت بدات التحضيرات من هسع
دكتورة زولا يا عظيمة بالله ما تنسونا في التنسيق
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
مرحب بيهم
مرحب بيهن
مرحب بيكم كلكم في الامارات
وقولو المواعيد متين تلاقونا جاهزين واول الواصلين انشاء الله
الاستاذ الموصلي يا مرحبا
رجاريجو منورة يا شيخه
مريومه اهليييييييين
سارة تشرفينا
دكتورة ايناس
حمدا لله علي السلامه متاخرة لانك ابيتي تردي علي التلفون
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
الأخوة البوردراب .. شكر كتييير لكل من رحب بي وكل من اتصل بي .. اكتشفت انو عندي اهل كتيرين في البلد دي والبودر كان سبب في معرفتي بيهم وتواصلي معهم .. وانشاء الله اكون عند حسن ظن الجميع.. الأخ عبد الله شكرا جزيلا لترحيبك .. لكن ( من ديييييك لا شفناك لا سمعناك)!! انا ما فهمت انت قاصد شنو !! ضيوفنا الأحباء واللله منتظرينكم على احر من الجمر ..
| |
|
|
|
|
|
|
Re: بورداب الامارات.....مفاجأة أخرى!! (Re: julia shawqi hamza)
|
عبد الله بابكر هرشوه قام سحب أقواله يا جوليا عبد الله زول طيب ومسكييين ما تاخدي على كلامه بكون بهظر كرحب بيكي وأكيد البورد نور, ولو عارفينك من بورداب الامارات ما كنت خليناكي قدر ده.
أنور ابو غيداء الامارات تنور بحضورك ويا مية مرحب , بقيتوا 6 وتاني في اتنين احتياط
عم موصلي راجع المسنجر
Quote: والمفاجاه انا عارفها يازوله (اقووووووووووووووووووووووول) |
لأ لسسسسسسسسسسسسسسة ود العباسية أيوة كدة معقول
لؤي
Quote: تعرفي انا من أمبارح قريت ((فتّانة)) دي "فنّانة" |
حسي الما بيشوف كويس منو؟ أديك عنوان الدكتور العمل عمليتي يركب ليك عيون جديدة؟
محمد كارة ما بتقصر أكيد وانشاء الله نقدر ننسق كل الضيوف يجوا في أوقات متقاربة
عجب الفيا أكيد حيكون لقاء جميل ومميز
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
عباس والله ما عارفاك ضربت, انت عارف تلفوني بيرن في اليوم كم مرة؟ حتحن علي أكيد. اعتبرها وصلت وربنا يديك العافية انشاء الله ما بتقصر أكيد.
شلبي المنسق النشيط بكرة نشوف حتعمل شنو بعد الدام ما تجي
حمزة سليمان مش حلوة بالله ولسة في اتنين تانيات
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
الدكتورة زولا 123
منتظرين التنسيق والتنظيم الجيد
وجاهزين لاي شي بس انت قولي ونحن ننفذ ربنا يديك العافية
Quote: عبد الله بابكر هرشوه قام سحب أقواله |
انا ما تهرشت بس انا اختلطت على الاسماء وكنت قاصد شخص تاني
Quote: يا جوليا عبد الله زول طيب ومسكييين ما تاخدي على كلامه بكون بهظر |
شكرا ليك يا زولا على الشهاده دي
ومرحب بالاخت جوليا وان شاء الله يطيب ليك المقام بينا
وبرداب الامارات احسن ناس اشوفهم من سنين
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
الغالى شلبي نحن جاهزين وحاضرين بس لكن انتو نمتو
ولو شغلتنا الظروف تلك الايام ... لكن حانرجع ذى اول واكتر
بالمناسبة وين الجريفاوى دا برضو ( محبوس داخل القفص الذهبي ) ؟؟؟؟؟؟
دكتور زولا123 نحن حاضرين وجاهزين وفى انتظار اعلامنا بمواعيد حضور الضيوف
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
الزنجي الى الان الموصلي وسارة حمزة أكدوا حضورهم مريم شكلها عايزة تعمل خيانات وتخلي المواعيد مفتوحة حسب الظروف ورجاء العباسي ما ردت لي خبر مع اصراري انه ما لازم نخلط الامور انا قاصدة بالبوست ده تزنقوهم وتحنسوهم يجوا سوا عشان يتقابلوا ونقابلهم اعتقد ان الموعد في العشرينات من هذا الشهر مناسب في ويك اند. تحياتي
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
الأعزاء الغاليين،،، أحـلى بـورداب،، تحية وشوق كمية،،
رائعتنا ارقـى زولـة 123،،، هــل مـن جـديد؟؟ اتمنى ان تطلعينا على التطورات وأرجـو ان تكون الامور (ماشية) كما اتفقنا ،، في الإنتظار... الاخت جوليا،، الـف مرحبا بك إضافة لمنظومة بورداب الامارات ومليون مليون هلا..
مـا اروع هذه الإضافة،، ولك منى تحية نوبية خالصة،،
حين خط المجد في الارض دروبا... عزم تهراقا وميلاد العروبة... عربا نحن حملناها ونوبة....
| |
|
|
|
|
|
|
Re: بورداب الامارات.....مفاجأة أخرى!! (Re: الزنجي)
|
الزنجي الاستاذ الموصلي مرتبط بحفل موسيقي تقرر اقامته يوم 31 مارس في البحين و لون يصل الامارات الى بعد هذا التاريخ. يجتمع البورداب يوم الخميس القادم 24 مارس بامارة الشارقة في الاحتفال بمناسبة زفاف فريد ود المسيد وسوف نلتقي الاخت سارة حمزة هناك والحضور اللذين سيصلون بذالك الوقت. وكما ترى فانه تعذر تنسيق مواعيد حضور الضيوف معا لنلتقي بهم مرة واحدة , وعشان خاطر عيونهم حتكون في جمعتين.
الاجتماع الثاني على الأغلب يوم 7 ابريل باذن الله في أبوظبي تحياتي ولو في اي تغيير حاكلمكم رجاء التنسيق مع مهدى الامين بخصوص يوم الخميس القادم.
| |
|
|
|
|
|
|
Re: بورداب الامارات.....مفاجأة أخرى!! (Re: zola123)
|
الدكتوره العزيزه : زوله 123
تحياتي لك وان تقومين بهذا المجهود الجميل للم البزرداب مره أخرى والأحتفال بزائر عزيز قادم أو زائرين
سنكون هناك وجاهزين وأكثر من المره الماضيه
اما عن التجهيزات فكما وعدتك سننجزها غدا انشاء الله ولنا لقاء
مع محبتي
مهدي الأمين
| |
|
|
|
|
|
|
Re: بورداب الامارات.....مفاجأة أخرى!! (Re: abdalla BABIKER)
|
الاخت زولا + بورداب الامارات
اشكرك على الدعوة وانا من بورداب السعودية - السودان
من المقيمين الجدد في دبي يعني بحتاج يوصفوا لي وما عاوز افوت الفرصة دي ياريت تدوني حق الانتساب الى ان تتفعل العضوية معكم الى 7 أبريل لكم كل التحايا
نواصل
| |
|
|
|
|
|
|
|