|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: صحاف المريخ يصرح : (برانكو كسب الرهان) ، من مباريتين !! هل هنالك جهل أكثر من هذا ؟؟؟ (Re: تاج السر حسن)
|
أخوي تاج السر .. مودتي
يا أخوي مسعول من الخير .. مسلسل حوووصة الفلاتي توقف في ثلاث حلقات لعل المانع خير.. ولا حتى اعتذار للمشاهدين الذي تابعوا بشغف بيه كده بس.. حتى الملاريا الصابت بيتر ما خصصوا ليها حلقة .. بس لو يفيدونا ليه توقف المسلسل
يمكن حووصة الفلاتي الحول راح منو .. ولا المسلسل تدخل فيه مخرج من المدينة الاعلامية بالقاهرة .. واستلم حقوق التصوير بقوة القانون.. لكن مستعدين نتابع حتى الحلقة الأخيرة
كمــل .. كمــل .. كمــل
| |
 
|
|
|
|
|
|
|
 Re: صحاف المريخ يصرح : (برانكو كسب الرهان) ، من مباريتين !! هل هنالك جهل أكثر من هذا ؟؟؟ (Re: saifkeli)
|
الحبيب تجتوج تحية وأحترام كل سنة وانت طيب وبعد كم دوري كده نشوفك منطط من بوست لي بوست يعني انسى من حسي وكلام مزمل هو عين الحقيقة فياسيدي انت تغربت سنينا عددا من سوداني الفي وجداني بريدوا وبتكتب من منازلكم عن مريخ هلال وصحاف المريخ كما يحلو لك ويحلونا ان نسميه الود الفلتة مزمل صاحب الاختراعات الاسمية لعجبكو الهندسية وخالدنا والمهندس وغيرها من الاسماء التي سطعت في سماء المريخ العظيم وتجي انت ياسيادتك بعد دا كلو وتتطلع مزملونا صحاف اختشي ياراجل فبدايات مزمل كانت في جريدة المشاهد وهو من المؤسسين الأوائل لها وكانت تنفد قبل السابعة صباحاً في جميع مكتبات الخرطوم بعموده المميزة كبد الحقيقة المقروة على اوسع نطاق
لي عودة بعد قليل
| |
|
|
|
|
|
|
|
|
 Re: صحاف المريخ يصرح : (برانكو كسب الرهان) ، من مباريتين !! هل هنالك جهل أكثر من هذا ؟؟؟ (Re: saifkeli)
|
أخوى سيف كلى
تلك (بالونه) فرقعت وبعدها عقدت صداقة بين وكيل اللاعبين وبين (الصحاف) الذى تهجم عليه كذبا، وبعدأن هدده فخاف وارتعشت يداه.
ذلك عمل استخباراتى لا يمارسه الا كل طابور خامس ، وكل خنجر مسموم مغروس على ظهر الوطن.
الهدف منه أرباك معسكر الهلال وأحباط اللاعبين لكى تحصل الهزيمه!!!
لقد أنتهت تلك المؤامرة ونحن فى انتظار مؤامرة جديده لتلك (القمه السامقه) التى لا تجيد الا التطاول على (الزعيم) ومنجزاته وانتصاراته فهى اقصر طريق لتحقيق الشهره.
| |
|
|
|
|
|
|
|
|
|
Re: صحاف المريخ يصرح : (برانكو كسب الرهان) ، من مباريتين !! هل هنالك جهل أكثر من هذا ؟؟؟ (Re: تاج السر حسن)
|
أخى ابراهيم تحياتى
| Quote: وتتطلع مزملونا صحاف اختشي ياراجل فبدايات مزمل كانت في جريدة المشاهد وهو من المؤسسين الأوائل لها وكانت تنفد قبل السابعة صباحاً في جميع مكتبات الخرطوم بعموده المميزة كبد الحقيقة المقروة على اوسع نطاق. |
*** هل نسيت يا ابراهيم انا جميعا كنا نتابع (صحاف) العراق ، من قناة فضائيه الى اخرى حتى شكى (الرموت كنترول) ؟؟؟ وكان يوعدنا بنصر وعمليات (نوعيه) لم تشهد مثيلها(الكوامر) الأمريكيه ؟؟ فماذا حدث ؟؟ بعد اقل من أسبوع كان يتحدث من تلفيون ابو ظبى بلسان آخر ولغة ليس فيها كلمة (علوج) التى كانت سببا لعتقه من الرق!!!
أما (صحافكم) فاخاف عليه من غضبة جمهوركم ، لو لا سمح الله كان هذا الموسم مثل سابقيه!!
| |
|
|
|
|
|
|
|
|
|
Re: صحاف المريخ يصرح : (برانكو كسب الرهان) ، من مباريتين !! هل هنالك جهل أكثر من هذا ؟؟؟ (Re: تاج السر حسن)
|
Quote: خالد عز الدين
اوعة الشرطة !!
ياسر رحمة ؟ ياسر رحمة ؟ الاسم ده ما غريب علي .. ياسر رحمة !!! ايوه اتذكرت كان بلعب في الهلال وانشطب ومشي لعب في حي العرب وانشطب وقبال كده كان بلعب في الرابطة مش كده .. كان لعاب والله مدافع متميز وعندو قدرات هجومية كبيرة وقبال كده راوغ المريخ كلو وعملوا معاه ضربة جزاء واتصدي ليها بنفسو واحرز منها هدف .. ياسر رحمة والله يا حليلو الزول ده وين هسة ؟؟ قاعد وبلعب كمان وغلب المريخ وجاب فيهو قونين ؟؟ يارجال قول كلام غير ده .. ياسر رحمة لعب ضد المريخ وغلبوا ! وين ؟ .. مع الشرطة الامنية .. والمريخ الوداهو دوري الشرطة شنو .. عسكروا خلاص !! لا مباراة ودية صباحية عملها مدربهم برانكو .. برانكو مدرب الهلال !! لا يا ياحاج برانكو ساب الهلال وبقي مدرب المريخ .. ماشاء الله ماشاء الله وكيف عامل معاهم .. والله عامل عمائل صعبة عايز يخلي الصادق النور زي ريتشاد يبدا الهجمة من الخلف وينظم الدفاع وعايز يلعب بمهاجم واحد لكن ما لاقي مهاجم زي معتز ولسه بفتش في صانع العاب زي هيثم مصطفي ولاعب وسط بمواصفات مجاهد طبعا الكرواتي ده عندو جن اسمو مجاهد تتخيل لما جاء يدرب المريخ ما سال عن العجب سال عن صحة مجاهد !! وقائل المريخ بنفس روح شباب الهلال بدرب اللاعبين في جبل طورية لمن فاروق جبرة وهيثم الرشيد اشتكوا !! طيب ما قلت لي الشرطة الامنية دي عملت مع المريخ شنو؟ ايوه ناس المريخ ديل عملوا معسكر في الاسماعيلية .. لعبوا مع ناشئ الاسماعيلي والقنطرة والقناة ولما جنو السودان اتعادلوا مع جزيرة الفيل وغلبوا الخرطوم3 بهدف وحيد قالوا نلعب مباريات سهلة احسن عشان ناس لوماني والنونو ديل يجيبو اقوان قاموا لعبوا مع امبده وبعد داك لعبوا بالصباح والشمس ساطعة بوضوح مع الشرطة الامنية .. قالوا ليك لاعبين الشرطة الامنية ديل لما يمسكو الكورة لاعبين المريخ بفتحو المجال تماما زي التقول سايقين ليهم عربات قدام عربية شرطة ضاربة صفارة انذار .. بحترموا الشرطة طبعا! .. مافي لاعب من الشرطة اعترضوا لاعب من المريخ وخصوصا ياسر رحمة لاعب قديم وكابتن طبعا ويبدو انو مسؤول عن اطلاق الرصاص .. رصاصة اولي رصاصة تانية لما غيروا القوون ..تلاثة اقوان من الشرطة الامنية ولو ما الحكم ابراهومة القصة كانت وصلت وين ما عارفنها .. لا ما تخاف يا ولدي الناس ديل عندهم خبرة في الحاجات دي .. ببساطة كان شالو الكورة بس .. دحين زيكو مش جابوا مدير كورة !! ناس المريخ ديل زمان سنة 68 لعبوا مباراة ودية في مدني قدام الاهلي وشارك مع الاهلي ثلاتة طلبة كل طالب من التلاتة جاب قون وفي لاعبين من الاهلي مدني جابو قونين النتيجة كانت خمسة واحد والكورة باقي ليها زي 24 دقيقة ناس المريخ قالوا اصلوا ما بنتمها المطرة شديدة !! ما قلت ليك الناس ديل شديدين .. ااي والله عارف بعد كورة الشرطة قالوا شنو ... قالوا المريخ انهزم في مباراة تفكيك العضلات !! وقالوا لاعبين بالاحتياطي ..عارف الاحتياطي منو .؟. لوماني هداف سيكافا وعلاء الدين فييرا وامير دامر وسفاري والشيخ ديوب ذاتو .. بعد داك عرفنا انو ناس الشرطة الامنية لاعبين بالاحتياطي .. المركزي !! حلوه دي .. في اعلاميين سافروا مع المريخ الاسماعيلية قالوا الفريق شكلوا غير مطمئن والمحترفين تعبانين خصوصا ديوب ولوماني .. وقالوا حمدتو لسه بدري عليهو واخطاء الصادق النور اكتر من 170 خطأ في المباراة !! خليك من قصة تسجيلو دي هسة !! وعمر تنقا ما عندو علاقة بتنقا الا اسمو .. كدي دقيقة الناس ديل ما لهم جنهم يحاكو الهلال حتي في اسماء اللاعبين .. هيثم الرشيد بقولوا ليهو البرنس وقبالهم سمو واحد الدحيش وعجبهم اسمهم الزعيم جننا بيهو اسماعيل حسن وبرانكو ومصطفي يونس .. نرجع لموضوعنا الاعلاميين قالوا اللاعبين ديل بحتاجوا لزمن كتير قاموا هاجمهوهم ووصفوهم بالطابور الخامس وفي مباراة الشرطة الامنية اتضحت الحقيقة تماما والدوري شغال والمباريات الصعبة جاية والموية حتكضب مليون غطاس ..
ومن الليلة انا حاشجع فريق الشرطة الامنية ومتبرع بالعمل الاعلامي ومليون تحية لرجال الشرطة السودانية ..
|
| |
|
|
|
|
|
|
|
|
|
Re: صحاف المريخ يصرح : (برانكو كسب الرهان) ، من مباريتين !! هل هنالك جهل أكثر من هذا ؟؟؟ (Re: تاج السر حسن)
|
باللون الأحمر هذه المرة:-
(صحاف) المريخ الذى برز وظهر خلال فترة الأنقاذ متسلقا قامة (الهلال) العظيم ، شتما واستهدافا ، لديه مثل (يذيل) به مقالته مستوحى من الفكر والتنطع الأنقاذى يقول:-
(لو القمت كل كلب عوى حجرا لأصبح الصخر مثقالا بدينار).
نريد أن نلفت أنتباهه ونقول له أن أبن الخاله (قرنق) قد بدل ذلك (الدينار) واصبح (جنيه)!!!!
خاطره أخيره:-
لى عم من الفرسان كانت وصيته لى (لا تسوى الشينه ولا تبارى الأضينه)!!!
(الأضينه) بحسب فهم اؤلئك هو (الذيل والتابع والطبال) مع أعتذارى وأحترامى لكل عازف (بنقز)، الذين لولا هم لما أزداد جمال الأغنيات العذبه لفنان مثل وردى أو مصطفى سيدأحمد.
| |
|
|
|
|
|
|
|
|
|
Re: صحاف المريخ يصرح : (برانكو كسب الرهان) ، من مباريتين !! هل هنالك جهل أكثر من هذا ؟؟؟ (Re: ود المايقوما)
|
ياهلا والف مرحب بود المايقوما
أكاد أن أقرأ الغيب كلما اشتقت لكم فتحت (بوست) عن (الصحاف) فلا يخيب ظنى حيث أجدكم على الفور.
من حقك أن ترمينى بالحقد ، لكن (الصحاف) حاقد وطابور خامس وعميل ، وذاك غير مستغرب لمن بنى أمجاده خلال فترة الأنقاذ.
يكفى أنه تحدث عن لاعب محترف بخبث وأن جوازه مزور وطلع كلامه كذب وتوع من الحرب النفسية القذره ، ولقد حدث ذلك الفعل الخائب يوم لقاء الهلال بالفريق الأثيوبى!!
مما يعنى أن حديثه حتى لو كان صحيحا ، فانه نوع من العماله وسلوك من يشبهونه وفعل لا يمارسه الا كل طابور خامس.
المبرر (آل ايه) حتى لا يفقد الهلال نتيجة المباراة !!! يا ود يا صحاف يا امين يا وطنى!!
| |
|
|
|
|
|
|
| |
saifkeli
ebrahim_ali
فيس بوك
تويتر
انستقرام
يوتيوب
بنتيريست