Quote: دا كله ما فصيح.. دا عامي بس جاي من عاميات تاريخية في حضانة العامية السودانية.. الكلمات العربية الغريبة على العامية السودانية العربية لا تعد أفصح منها.. إلا في حالة واحدة (ركز معاك لطفاً) أن تأتي معربة أي وفق قواعد النحو والصرف والإعراب (أنا لا أتحدث عن القاموس هنا غير مهم) المهم التعريب.. كل الكلمات الغريبة على العامية الوسطسودانية التي وردت في الحقيبة: غير معربة (عجمية بلغة إبن خلدون، كلمات عربية غير معربة) كلها مبنية على السكون (ذلك ما عناه إبن خلدون).. اللغة العربية مثلاً لا يوجد بها ساكنان في الحشو إلا الإستثناءات المعروفة ولا يلتقي بها ساكنان في الحشو وهذا يحدث في الحقيبة.
وجاء في المقدمة لابن خلدون: "لما شاع فنُّ التوشيح في أهل الأندلس، وأخذ به الجمهور لسلاسته وتنميق كلامه وترصيع أجزائه، نسجت العامة من أهل الأمصار على منواله، ونظموا في طريقتهم بلغتهم الحضرية من غير أن يلتزموا فيه إعراباً، واستحدثوا فناً سموه بالزجل، والتزموا النظم فيه على مناحيهم إلى هذا العهد فجاءوا فيه بالغرائب واتسع فيه للبلاغة مجال، بحسب لغتهم المستعجمة".
إبن خلدون يقول لغتهم المستعجمة. ويعني زجالي الأندلس آنذاك. وقلنا أن الحقيبة من نمط الزجل. فهل الحقيبة أيضاً مستعجمة!. نعم طبعاً، برغم الكلمات الفريدة الرنانة "الوافدة من التاريخ" فإنها غير معربة (لا تجري على قواعد النحو والإعراب في اللغة الفصيحة ولا على أوزان أبحر الخليل وتفاعيلها) كما أن كثير من تصاريفها غريبة على العربية كما أنها غريبة على العامية الوسطسودانية الحاضنة لشعر الحقيبة.
والكلام دا لسا فيه تفاصيل كتيرة.. فصبرا. --- إن صبرت (وأثق بك) بعد أن أنتهى من خطة البوست ح ارجع ليك بإستفاضة من أجل تلاقح الرؤى المختلفة لا الإصرار على شي.. هدفنا فقط إن اي زول يُفهم التاني وجهة نظره وبس.. كل الود
كترة التكرار مفيدة لبعضنا.. مادام ما بنقرا
10-31-2022, 11:47 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
أهلاً بكم رفاق كما كل العابرين من هنا "كل السلام والإحترام" ونحن في الصفحة 7 من هذا البوست الصعب والسمح بتفهمكم وحضوركم الجميل --- بس عندنا مقترح لخطة تفاصيلها في المداخلة المقبلة
10-31-2022, 11:52 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
يا محمد جمال، إنت بتكتب أي كلام والسلام عشان تخارج نفسك.
إنت أصلاً ما عندك أي علاقة باللغة العربية عشان تقعد تفتي بالجرأة دي. عشان كده ما تضيع زمن الناس في كلام قاطعه من رأسك.
كلام الأخ خالد بشير واضح وصريح. إنت بترمي الكلام ساي كده وعايز الناس ياخدوهو منك بكل ثقة وإنت الناس فقدوا الثقة في كلامك. الراجل جاب ليك دليل من سنة 1929 وإنت تقعد تقول أنا شايف أنه الكلمة الصحيحة هي "قزازة". إنت أصلاً ما من النوع اللي بيقول أنا غلطت وتصلح غلطك لأنك بتشوف الاعتراف بالخطأ بيهز شخصيتك ومكانتك وإنت ما عارف أنه مكابرتك دائمًا بتوقّعك في مشاكل أكبر.
The damage is done خلاص يا محمد جمال.
10-31-2022, 11:54 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
وهذه هي النقاط المقترحة لتأطير الحوار؟ ولا أدرى الأفضل أن نفتح بوست جديد أم نواصل هنا؟؟؟:
1- تعريف الزجل عموماً وزجل الحقيبة خصوصاً حسب نتيجة البحث
2- كلمة زجل لا ترد في شعر إلا أن يكون نوعه زجل وقد وردت في الزجل المعلوم ووردت في زجل الحقيبة.. سأشرح هذه النقطة تفصيلياً عبر النماذج التي وردت بها الكلمة (زجل) وتحليلها.
3- كيف عرفنا بالزبط أن الحقيبة تتبع نمطية الزجل (المملوكي/الحوزي) وما هي الأدلة؟. عبر طريقة النظم "بناء القصيدة" والكلمات المفتاحية والمخيال الشعري؟ شرح يتبع عبر النماذج المقارنة.
4- أسباب نشوء النظم الزجلي في السودان واسباب نهايته؟.
5- كيف إستخلصنا أن النمط الزجلي في السودان شجعه الإنجليز بطريقة مباشرة وغير مباشرة وبل شجعته أيضاً الحكومات التي تلت الإنجليز "الإستقلال"؟ ذلك حدث ولا يقدح في الإبداعية وفق نتيجة البحث.. شرح عبر الشهود!
6- كيف نستفيد من نتيجة البحث عملياً وفي أرض الواقع بغض النظر عن صحتها من عدمه؟ شرح يتبع عبر تطبيقات عملية.
و نقطة أخريرة
7: قصص الحقيبة التى رواها الرواة "تحقيق"!
ولكم أخوتي وأخواتي الأكارم هنا أو أينما ما كنتم أن تساعدوني بشئ بسيط قبل أن أعود لهذه النقاط متى ما شعرت أنها مقبولة بالقدر المعقول.. أن تتعرفوا على (الزجل) عموما بقدر الإمكان... إن كانت هناك مكتبات عامة أو مكتبات جامعات عربية متاحة.. امشي أسال من واحد من التلاتة كتب التالية: العاطل الحالي لصفي الدين الحلي أو الأمل في بلوغ الزجل لإبن حجة الحموي أو المستطرف في كل فن مستظرف الباب (أظن) 75 من الذاكرة قسم "الفنون السبعة" جزئية فن الزجل.
وإن كنت تعتمد على قوقول: فأكتب بين قوسين أو أنسخ هذا الجملة مع العلامات التي تحتويها: "الزجل الأندلسي" وضعها في محرك البحث.
وإن كنت تود أن تعرف المزيد عن نتيجة بحث الحقيبة: فهناك روابط جئنا بها أعلاه للنتيجة المعنية.
اطلب ذلك عشان الناس العايزة تفهم كلامي كويس تفهمو لما أرجع أعمل الملخص وفق النقاط الواردة أعلاه. وأقرو المقالة الفوق من جديد لطفا.
وبالتالي ربما نكون على بينا ونكون مشينا خطوة إلى الأمام مهما كانت الأراء مع أو ضد أو لا شي.. كل الود
والهدف الأبعد في تقديري هو مراجعة الذات والتراث!
--- شكراً أمين وكل الرفاق وإلى الأمام إن صح الكلام (مداخلة من الصفحة السابقة)
11-01-2022, 00:59 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
ساكي البوست دا من اول صفحة بكلام كتير Off point وما قصرنا معاه.. شرحت ليه زي والله حرفياً 150 مرة في البوست دا.. وجاني كمان في بوست القواعد (بوست تاني) وعمل نفس العوات دي وشطب كلامه الكتير هناك.. الرابط دا: مقدمة في قواعد العامية الوسطسودانية.. محاولة اولية!مقدمة في قواعد العامية الوسطسودانية.. محاولة اولية!
هسا والله الاخ دا سريع وغير موضوعي.. وانا زمني للعك الفارغ شوية زيكم كلكم.. فعايزو يزح من هنا لمدة شهر بس.. مضر ومزعج لتراسل البوست وشخصاني.. انا شخصياً ما عايزو يتداخل معاي في البوست دا.. لغاية ما انتهي.. بس تلاتة شهور بس.. وإذا ما رجع كلو كلو برضو ربنا يوفقو!. (ملاحظة: ليس بيننا شخصي ولا معرفة شخصية أبدا غير هذا البوست) فقط أشعره بغرق البوستات ومزعج وشخصاني.. غير ذلك له كل الإحترام كناس عندنا نفس الباسوورد في نفس المكان.
سؤال: في الحالات دي الناس بتشتكي وين ولي منو غير الله.. بكري أبو بكر خلاص بكون فتر :) .. تحيات له ولكم أجمعين.
أنا غايتو مشتكيه للإدارة ولله ولكن غافر ليه (لن تفهم الشكية أيها العابر الأمين إلا أن ترجع إلى أول مداخلات هذا الاخ في هذا البوست "من 1 إلى 7 والردود عليها وفي بوست القواعد).. شكراً لصبركم رفاق والجميع.. وبس الصبر!
--- برجع يوم الخميس 3 نوفمبر.. وفق الخطة المقترحة مهما كانت الظروف.. وعد.. كل الأمنيات
11-01-2022, 01:18 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
هسا دا شنو؟. والله فعلاً.. كل شيء عجيب في البوست دا على رأي البروف أمين.. برضو لاول مرة اشوف حاجة زي دي في البورد دا برغم كل أحداثه التاريخية ومأساته.. لكن دي مأساة المآسي.. بس تلك أقدارنا.
وتطلب قباني لو سمحت وطبعاً أنت حر.. هو نفس الطلب الذي طلبته م. ص أعلاه.. تهدأ شهر شهرين.. ليه لا؟.. ليه انت مستعجل.. في شنو خطير؟.. مافي.. معلوم عندك وعندنا كلنا.
عندنا خطة ح نفهم من خلالها بعض.. فقط تكتمل (بس دايرة شوية صبر.. انت خايف من حاجة لا قدر الله).. لا أعتقد!
لو عندك سبب وجيه غير الاستمتاع بتعذيب البشر عبر حرف وتغريق البوست وكدا ربما لأسباب نفسية.. قول لينا.. انا ما عارف!... ليك كل المساحات ولو غصباً عننا إذن.. إن كانت القصة كدا.
اهدا شوية Please.. كل الود
11-01-2022, 03:12 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
شخصيا على ثقة اننا كلنا بنقدر نصبر ونواصل البوست دا لقدام برقم العنت والعك الكتير دا واتوقع انه (العك) ح يتواصل لمدة من الزمن حتى تستبين الخيوط.. اخوكم جاهز.. همي انتو.. عشان كدا لسا طالب صبركم الجميل ليس الا!
--- ونواصل
11-01-2022, 08:51 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
Quote: اسمح لي دا كلام لا يصدر من زول واعي وفي كامل عقله ونحن له احترام.. حاول اهدا شوية Please
قلت لي لا يصدر عن زول واعي؟
والمحاضرة الأخلاقية دي بتصدر عن باحس زيّك؟
Quote: بالله شوف اللغة ومستوى الفهم والدحشنة الأنيقة.. الزول دا قايل نفسوا وين!. ارحل يا ثقيل او افتح بوست خاص بيك بالموضوع لو قادر.. قلت ليك من زمان بس ربنا ما فتح ليك.. انت إنسان جاهل وسافل ومدعي اي زول بدافع عن ترهاتك فهو جاهل مثلك او مغرض ولا أقول تافه.. انت كذلك وبعد دا كله بجوا ناس تتنطع وتقل أدبها كما تشاء.. والله يستاهلوا العكاز!. --التكرار ربما يعلم الدحوش الانيقة المتانقة زيفا راجع اعلاه.. حول تعب التفاعيل والاوزان من قبل سنة 2017.. ستغفر لي وصفي للبعض بالدحوش الانيقة او المتناقة.. ومعنا هنا شخص كوز ووسخان الضميروالاخلاق انا رقدت في المستشفى مرتين تلك الايام 2017 من التعب.. لن اجامل الدحوش الانيقة مرة تانية.. لا تفعلوا انتم كلكم.. وصية.. انا لن افعل.. عليهم اللعنة! كوز دي دي تعريف الناس له.. انا لا اعرفه.. ولسا عنده فرصة يعرف نفسه.. فهو من البداية بحاول يخرب البوست دا.. و لم يستطع تعريف نفسه حتى هذه اللحظة.. الناس البعرفوه (انا ما بعرفو ابدا) قالوا لي انو كوز معروف.. ودا تعريف سياسي غير مهم لنا هنا.. لكنه ايضا اخلاقي..
شكلك كنت في كامل وعيك لما اتحفتنا بهذه الأوصاف المحترمة: دحشنة أنيقة ومتأنقة زيفًا، وثقيل، وجاهل، وسافل، ومدّعي، وتافه، وأستاهل العكاز، ووسخان الضمير والأخلاق.
وكمان ختامه مسك بقولك "كوز معروف" بس عشان تستدر بيها عطف القراء وتفك زنقتك. أنا قلت ليك قبل كده، يا محمد جمال، إنت زول الغاية عندك تبرّر الوسيلة.
وبمناسبة كوز دي، ممكن تدينا فكرة عن ياتو لجنة شعبية أنا كنت أديرها؟ لأنه أنا لو كنت كوز "معروف" - وخليني اتطنقّع زي طنقعتك دي شوية - ما كنت حا أحوّجك تسألني أنا منو وتخصصي شنو. هو الواحد لو قبِل يكون سياسي منظّم في أي حزب، كان رضا بأنه يسألهو إنت منو؟ أهو إنت براك شايف "القياديين" اللي ماليين شاشات التلفزيون مستويات "معظمهم"عاملة كيف. بعدين أنا لو كنت كوز شنو بيخليني أنكر؟ هو إنت شايف ليك أي جهة أو حزب راكب عدله؟ ما كلها مصالح شخصية والبلد آخر اهتمامتهم.
شد حيلك وورينا كوزنتي كيفنها؟
11-01-2022, 10:47 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
Quote: شكلك كنت في كامل وعيك لما اتحفتنا بهذه الأوصاف المحترمة: دحشنة أنيقة ومتأنقة زيفًا، وثقيل، وجاهل، وسافل، ومدّعي، وتافه، وأستاهل العكاز، ووسخان الضمير والأخلاق.
احسبها انفعالات مضادة لانفعالات اخرين وللتغريق الذي احسبه متعمد للبوست ومنابذ كتيرة والفاظ ولا موضوعية كبيرة جللت هذا البوست وبوست القواعد.. وانسياق لاخبار من اخرين في ظل عدم التعارف المشترك والمعلن.. ولكن كله مهما كانت فداحته ليس بعذر لتلك الردود مني.. غير موفقة ولا مناسبة.. فبعتذر منها و لا اطلب الاعتذار منك ولا الاخرين.. فقط عدم التكرار ما امكن.
--- ولنسعى ان يتواصل البوست وفق هدفه وعنوانه وخطته المعلنة.. مع الصبر.. كل الاحترام
11-03-2022, 04:36 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
أهلاً مجدداً بكل الرفاق وكل متابعي البوست من كانوا ونحن في عهدنا الجديد .. وحسب ما هو مقرر قلنا أننا سنبدأ من جديد هذا المساء وفق الخطة المعلنة
--- وقبل أن أعود عوداً أتمناه مفيداً وموفقاً لينا أجمعين.. أضع امامكم مقارنة جديدة بين سيد عبد العزيز وإبن زيدون.. أظنها في غاية المتعة.. المداخلة المقبلة
11-03-2022, 04:38 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
سيد عبد العزيز وإبن زيدون .. مقارنة بين قصيدتي سنا القمر وحجبو القمر.
اتوقع ان تكون مدهشة او غير متوقعة للبعض منا!
في سنا القمر .. إبن زيدون النوع الشعر: رومانسي/عامودي/فصيح عدد الابيات : 51 من البحر البسيط
حجبو القمر: سيد عبد العزيز
النوع الشعر: رومانسي/زجل “حقيبة”/عامي.. مجاراة حسب هذا التصور. عدد الابيات 20 تاخد تفعيلة البسيط
تتكون الرواية في القصيدتين من خمس مشاهد رئيسة.. ولكل واحدة منها أربع أبطال.
البطل الأول الراوي في الحالين: إبن زيدون وسيد عبد العزيز.
البطل الثاني: المحبوبة المشبهة في الحالين بالقمر.
والبطل الثالث السجان وفي حالة إبن زيدون فهو الحاكم الأندلسي (ابو الحزم) الموصوف في القصيدة وفي حالة سيد عبد العزيز: "الأهل".. والسجان في الحاليين غير مذموم في السرد بل ممدوح عند إبن زيدون كونه الحاكم الذي أمنه الامانة ثم إتهمه بالخيانة وأصدر الأمر بسجنه وفي حالة سيد عبد العزيز هم "الأهل" من أصدر أمر "الحجب" وهو حق لا يمكن ذمه.. وذكر سيد عبد العزيز عبارة الأمر “الصدر” مرتين.. مما حدا بالرجلين لخلق بطل جديد لوضع الاحمال على أكتافه وهو: القضاء والقدر في صحبة كائن غامض خرافي إسمه: الدَّهر.
المشهد الأول: تنفيذ أوامر السجن مما قاد إلى غياب القمر في الحالين:
ما جالَ بَعدَكِ لَحظي في سَنا القَمَرِ إِلّا ذَكَرتُكِ ذِكرَ العَينِ بِالأَثَر (إبن زيدون)
جاروا أهلك وجورهم أمر بالبعاد والأمِر الأمَر في ديارهم حجبوا القمر (سيد عبد العزيز)
المشهد الثاني: وصف "القمر" أي المحبوب الغائب في الحالين ذلك الباهر الجمال وموصوف بكل الصفات البديعة ومشكور من البشر ومذكور بالخير والسؤدد ويوزن مليون نفر:
الجزع في الناس والصبر شفته طوع القدر أنجبر (سيد عبد العزيز)
وَسيلَة سَبَباً إِلّا تَكُن نَسَبا فَهُو الوداد.. صَفا مِن غير ما كدر (ابن زيدون)
وكل شئ إن صفا أو كدر في أيادي القضاء والقدر (سيد عبد العزيز)
ملاحظة: صدر البيت استشهاد من إبن زيدون بتفعيلته وقافيته وموضوعه.
من يسأل النّاس عن حالي فشاهدها مَحْض العِيَان يُغْني عَن خبَر (ابن زيدون)
حبي هاك القول الأبر العيان يغنيك عن خبر (سيد عبد العزيز).
ملاحظة: عجز البيت استشهاد من إبن زيدون بتفعيلته وقافيته وموضوعه.
تعليق ختامي: نظم باهر في الحالين وان كان ابن زيدون قد عرف بالمهارة والرقة والدقة وحسن النظم فسيد عبد العزيز ذو موهبة كبيرة ومقدرة جبارة بدوره في النظم الزجلي.. وخير مثال هنا انه استطاع في نكهة خاصة متفردة مجاراة ابن زيدون مع تحويل الفصيح الى زجل "غير معرب" تتكون ابياته من قافيتين واحدة للصدر واخرى للعجز مع ملاحظة ان تلك القوافي في جل المرات هي ذاتها فقط غير معربة عند سيد عبد العزيز عند مقارنتها بقافية إبن زيدون.
--- من النماذج المقارنة لبحث حقيبة الفن.. سينشر قريبا في كتاب
كيف نستطيع فرز الأنواع الشعرية عن بعضها البعض ومنها الحقيبة؟! .. النَّظم/الصًّنعة ( التفعيلة والوزن والقوافي وشكل بناء القصيدة) + المفردة/الكلمات المفتاحية = (النوع الشعري)
الناس في العروض ما تقيسه بي تيبانه ما يغرك لباسن والعروض عريانه ديل حراس رزق ذي التكنو امانه زي ابل الرحيل شايله السقى وعطشانه
زي إبل الرحيل شايله السقى وعطشانه كالعِيسِ في البيداء يقتلها الظما والماء فوق ظهورها محمولُ
البيتان الأخيران يحملان نفس الفكرة (لكنه مجرد تناص وليس مجاراة) إذ بعد ذلك يختلفان في كل شئ: من حيث النظم والتفعيلة والوزن وأهم شئ المفردة: هذا: كالعِيسِ في البيداء يقتلها الظما والماء فوق ظهورها محمولُ. بيت شعري عربي معرب كلاسيكي (عامودي) لغته معجمية وتفعيلته مختلفة ووزنه مختلف ونوعه الشعري مختلف. وهذا: زي إبل الرحيل شايله السقى وعطشانه. بيت شعري عامي قاموسه من العامية الوسطسودانية) غير معرب وتفعيلته ووزنه مختلفتين عن الأول كما بناءه الفني (وبنظره سريعة إليه في سياقه سنعرف أنه دوبيت = نوعه الشعري).
وهذا أيضاً دوبيت: نحن اولاد بلد نقعد نقوم على كيفنا في لقى في عدم دايما مخضر صيفنا نحن اب خرس بنملاه وبنكرم ضيفنا ونحن الفوق رقاب الناس دايما مجرب سيفنا وهذا؟: ﻣﺎ ﺩﺍﻳﺮﺍﻟﻚ ﺍﻟﻤﻴﺘﻪ ﺃﻡ ﺭﻣﺎﺩﺍ ﺷﺢ ﺩﺍﻳﺮﺍﻙ ﻳﻮﻡ ﻟﻘﻰ ﺑﺪﻣﻴﻚ ﺗﺘﻮﺷّﺢ ﺍﻟﻤﻴﺖ ﻣﺴﻮﻟﺐ ﻭﺍﻟﻌﺠﺎﺝ ﻳﻜﺘﺢ ﺃﺣﻲّ ﻋﻠﻲ ﺳﻴﻔﻪ ﺍﻟﺒﺴﻮﻱ ﺍﻟﺘﺢ
نوع هذا المقطع (مناحة) .. وعرفنا ذلك طبعاً من طريقة النظم والتفعيلة والوزن والبناء الفني والكلمات المفتاحية.
وهذا؟:
شدّولو وركب .... يا جرو الأسود أب قرناً يخرخر زيتْ
يا يوم العيد البفتحولو البيت
كسار قلم مكميك
نوع هذا المقطع (حماسة) .. وعرفنا ذلك طبعاً من طريقة النظم والتفعيلة والوزن والبناء الفني والكلمات المفتاحية.
وهناك أنواع كثيرة من الشعر نعرف نوعها (نمطيتها) يعني مرجعيتها الشعرية، يعني الشفرات الجينية مثل الدوبيت والمناحة والحماسة والمسدار والشعر العامودي الفصيح وشعر التفعيلة وقصيدة النثر مؤخراً وإلخ.
ونعرف مرجعية أشعار اسحاق الحلنقي وبازرعة وإسماعيل حسن وعندما نقرأها نعرف من أول سطر أن هذا ليس دوبيت ولا مسدار ولا مناحة ولا حماسة ولا (إيه تاني؟) ولا حقيبة.. شعر غزلي لطيف وخفيف الظل ونستطيع أن نعرفه من اول لمحة أنه ليس بحقيبة!.
كيف عرفنا ذلك من أول وهلة ولو أننا اول مرة نسمع؟:
ممكن يرحلوا النيلين ويمشوا يهاجروا مغتربين وممكن يجرح الياسمين والزيتون يجافي التين إلا الأصلو ما ممكن نعيش انا وانت مفترقين ممكن أي حاجة تكون وحرف النون يكون ما نون وممكن تاني يظهر لون يضيع لون دهب شيبون إلا الأصلو ما ممكن نعيش انا وانت مفترقين.
وفي القصيدة تين وزيتون وياسمين وعنده قافية مموسقة ورنين؟. صحيح.. لكن المقطع يفارق الحقيبة في النظم والتفعيلة والوزن وبناء القصيدة والطريقة السردية (القصصية) لا الوصفية وهو طبعاً (المقطع أعلاه) من صناعة إسحاق الحلنقي.
لكن هذا المقطع القادم مختلف.. أظن دا واضح وضوح الشمس (حقيبة)؟!.
يا قائد الأسطول تخضع لك الفرسان ياذو الفخار والطول أرحم بنى الإنسان مين لسماك يطول ما يطولك اللمسان معناك شرحه يطول والله يا إنسان أصدق كفانا مطول ياذو الحسن إحسان أنا عقلى بيك مختول والناس عقول ولسان ما بنكر المعقول آمنت بالأيمان بالطلسم المصقول بدل لخوفى أمان
يبدو لأول وهلة أن الأمر صعب أو معقد.. في الحقيقة ليس كذلك فأنت تعرف بالسليقة لكن السليقة وحدها ليست كافية وليست مضمونة دوماً.. لا بد أن نحاول إذن تلمس حل علمي وموضوعي لفرز الأنواع الشعرية ومنها الحقيبة طبعاً.. هذا الحل يكمن في هذه المعادلة البسيطة التالية: النَّظم/الصًّنعة ( التفعيلة والوزن والقوافي وشكل بناء القصيدة) + المفردة/الكلمات المفتاحية = (النوع الشعري).
الفصيح من أمثلته: العامودي "النمط الكلاسيكي" مثل المعلقات وأشعار أبو الطيب المتنبي والمعري وجل أشعار شوقي وحافط إبراهيم ومحمد المهدي المجذوب ومحي الدين فارس وفراج الطيب. كما الدوبيت "فصيح" فما يسمي بالدوبيت عندنا في السودان فهو ليس بدوبيت بل مواليا وقوما. والمسدار هو من نمطية الكان وكان “عامي”. وكذا المناحة والحماسة هي كانكان وقوما.
وشعر التفعيلة والشعر الحر أيضاً يقع في الصنف الأول "فصيح" كما قصيدة النثر.
العامي: من أنماطه المواليا والكان وكان والقوما والزجل.
لنقف قليلاً في "الزجل" موضوعنا هنا.. كيف إذاً يختلف الزجل عن كل الأنماط الشعرية الأخرى وكيف لنا أن نقول هذه القصيدة زجلية والأخرى لا؟!. للزجل طريقة نظم لا توجد في الفصيح ولا توجد في جميع الإنماط العامية الأخرى:
وأهم تلك الخواص هي خاصية النظم "بناء القصيدة": إذ لا بد أن يكون عامياً "غير معرب" و لا بد أن تتعد قوافيه وفي الغالب عنده مقدمة وخرجة وطلعة وقفلة ثم مرة تكون القافية ثلاثية أو رباعية (أحرموني لود الرضي مثال) وتتعد الأوزان بلا حساب ولا ضابط “راجع توصيف صفي الحلي للزجل” وسآتي به لاحقاً مع مراجع ومرجعيات أخرى تتحدث عن فن الزجل.. وهذه أمثلة زجلية سودانية:
ما هو عارف قدمه المفارق
يا محط أمالي السلام/
في سموم الصيف لاح له بارق/ لم يزل يرتاد المشارف كان مع الأحباب نجمة شارق/
ماله والافلاك/ في الظلام/
يا دهر اهوالك/ تسارق/ منها كم كم شابت مفارق/ ما علينا الفات كله فارق/
رقنا وله نعيد الملام/ (خليل فرح) تتعد القوافي مع خرجة/ طلعة وقفلة.
ا يا سمير بِي نظرتك اوفي المِعاد/
العيون الشافتك ما اسعدا/
من هواك انا جسمي دايماً في ارتعاد/ امّا نومي الفرّ ما منظور يُعاد/ يكفي وجدي ويكفي هجري والبُعاد/ ِرق وجود وانظر لي راحات قلبي عاد/ لو رضاك ينجز حظوظي يساعدا زاد غرامي و عيشي قط ماليّ لاد/ يانُسِّيم غيثني من الم الجلاَّد / جيب لي طيب الجسمو أحلي من الجلاَد/ تسري بين اكمام بساتين البِلاد/
مافي زهرة و الا عزمك قالدا
(أبو صلاح) تتعد القوافي في البيت الواحد مع خرجة/طلعة وقفلة.
احرموني ولا تحرموني
سنة الاسلام السلام/
عطفكم يا من الموني/
كالاشعة الاسهم رموني/
الشجون بالليل نادموني/
الانين والنوح علموني/
لو معنعن قول كلموني/
حبي طاهر لم تظلموني/
برضي قابل الظلم احترام/
يا النفوني/ كفى اعرفوني/
ساهي ساهر ساحات جفوني/
في هواكم يا من جفوني/
انعكاس الاحوال كفوني/
ايضا الايام عرفوني/
يوم سموما ويوما غمام/ (ود الرضي) مع قفلة وخرجة وقافية رباعية.
ﺻِﺮْﺕَ ﺃﺑْﻐَﺾْ ﻣَﻦْ ﻳَﻨْﺼَﺤُﻮﻧِﻰ/ ﻫَﻞْ ﺗَﺠَﺎﻣِﻞْ ﺗَﺮْﺳِﻞْ ﻟِﻰ ﻃَﻴﻒْ/ (العبادي) تتعد القوافي وقفلة/طلعة. يا قايد الأسطول ياذو الفخار والطول / أرحم بنى الإنسان/ مين لسماك يطول / ما يطولك اللمسان/ معناك شرحه يطول / والله يا إنسان/ أصدق كفانا مطول / ياذو الحسن إحسان/ أنا عقلى بيك مختول/ والناس عقول ولسان/ ما بنكر المعقول / آمنت بالأيمان/ بالطلسم المصقول / بدل لخوفى أمان/ (سيد عبد العزيز) تقفية الصدر والعجز بقوافي مختلفة مع تنويعها بين خرجة ودخلة (سنآتي في مستقبل السرد بالقصيدة كاملة لتتبين من ذلك)مع المزيد من النماذج المقارنة بين الحقيبة والزجلين المملوكي والحوزي.
تلك مجرد أمثلة صغيرة.
وذلك في العادة لا يحدث في أي نوع شعري آخر إلا شذوذاً عن القاعدة.
هذا وسآتي في مستقبل السرد بوافر الأمثلة النظمية المقارنة بين الحقيبة والزجلين اللملوكي والحوزي للأهمية.. وإن قلنا مرة أن طريقة النظم هي الفصيل في تحديد الشفرة الجينية للقصيدة وتمثل "51%”.. فإن الكلمات المفتاحية والمخيال الشعري هما المحددان إلى إي نوع من الأنواع الزجلية تنتمي القصيدة المحددة كون الزجل أنواع عديدة في عصور مختلفة وعند شعوب مختلفة وأن الحقيبة بناءاً على تلك المحددات تنتمي إلى الحوزي من جانب والمملوكي من الجانب الآخر.
سأقوم بشرح مستفيق لتلك النقاط المتعلقة بطريقة "نظم الشعر الزجلي" في مستقبل السرد.. كيف نستطيع معاً أن نفرز الأنواع الشعرية الفصيحة والعامية عن الزجل عموماً وزجل الحقيبة على وجه الخصوص.. فصبراً جميلاً
الجزع في الناس والصبر شفته طوع القدر أنجبر (سيد عبد العزيز)
كاتبني صديق في خاص الوسائط أنه قرأ المقطع دا 100 مرة وما زال يقراه وكل مرة ممتع عنده.. أو كما قال.
وانا والله اصدقه.. لانه فهم حكاية إبن زيدون (إعترافه وجرسته أمام سجانه).. وتلخيص سيد عبد العزيز لل"جرسة" في سطر واحد (الجزع في الناس والصبر شفت طوع القدر أنجبر) .. متعة!
والنكتة لا تشرح وهنا عندنا مأساة ولكن لقدام ح نشرحها إن لزم.. وإلا فإنها واضحة! --- تلك إنفلاتة صغيرة ونواصل مساء الغد.. كل الود
11-04-2022, 03:41 PM
Khalid Basheer Khalid Basheer
تاريخ التسجيل: 04-14-2013
مجموع المشاركات: 381
أبيات ابن زيدون في المشهد الثاني كان بعضها مدحا لشعره و بعضها مدحا لأبي الحزم بن جهور. في المشهد الثالث كان يستعطف ابا الحزم بن جهور و نذر أن يشكره وألا ينسى الوفاء بهذا النذر. في المشهد الرابع كان يمدح أبا الحزم بن جهور. لم يقصد ابن زيدون محبوبته في أي من هذه المشاهد.
11-04-2022, 05:07 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
Quote: أبيات ابن زيدون في المشهد الثاني كان بعضها مدحا لشعره و بعضها مدحا لأبي الحزم بن جهور. في المشهد الثالث كان يستعطف ابا الحزم بن جهور و نذر أن يشكره وألا ينسى الوفاء بهذا النذر. في المشهد الرابع كان يمدح أبا الحزم بن جهور. لم يقصد ابن زيدون محبوبته في أي من هذه المشاهد.
المجاراة ليست عملية نقل حرفي للموضوع وإنما عملية مرنة تستطيع أن تطوع كل شيء لمصلحتها كأن تحول الذم إلى مدح والموضوع إلى آخر مع الإحتفاظ بذات القالب النظمي أو المعنوي.. ولدينا تجارب عديدة من اشعار الماضي.
حتى أن هذه الإستشهادات أو الإقتباسات طبعاً معنى بها أيضاً أبو الحزم لكن تم تطويعها لمصلحة موضوع المجاراة:
Quote: وَسيلَة سَبَباً إِلّا تَكُن نَسَبا فَهُو الوداد.. صَفا مِن غير ما كدر (ابن زيدون)
وكل شئ إن صفا أو كدر في أيادي القضاء والقدر (سيد عبد العزيز)
ملاحظة: صدر البيت استشهاد من إبن زيدون بتفعيلته وقافيته وموضوعه.
من يسأل النّاس عن حالي فشاهدها مَحْض العِيَان يُغْني عَن خبَر (ابن زيدون)
حبي هاك القول الأبر العيان يغنيك عن خبر (سيد عبد العزيز).
ملاحظة: عجز البيت استشهاد من إبن زيدون بتفعيلته وقافيته وموضوعه.
وطبعاً لكل زول وجهة نظره.. ووجهة نظرك محترمة.. عندي تصور أن أكتمل وفق النقاط المطروحة أعلاه بالذات من 3 إلى 5 ستتضح الرؤية أكثر ولدينا المزيد من مجاراة سيد عبد العزيز وغيره.. ليس لدينا مثال واحد بل دائرة كاملة من الرؤية.. فقط عندما تكتمل أحب أن اسمع رأي الناس فيها ونقدها النقد البناء الذي يفيد الفكرة.. وذلك من غايات الأماني
11-04-2022, 06:51 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
Quote: البطل الثاني: المحبوبة المشبهة في الحالين بالقمر.
جاء يتخارج بقول:
Quote: المجاراة ليست عملية نقل حرفي للموضوع وإنما عملية مرنة تستطيع أن تطوع كل شيء لمصلحتها كأن تحول الذم إلى مدح والموضوع إلى آخر مع الإحتفاظ بذات القالب النظمي أو المعنوي.. ولدينا تجارب عديدة من اشعار الماضي. حتى أن هذه الإستشهادات أو الإقتباسات طبعاً معنى بها أيضاً أبو الحزم لكن تم تطويعها لمصلحة موضوع المجاراة
بالله ده كلام تلميذ في ابتدائي ممكن يقتنع بيهو؟ ما بتتقبض يا محمد جمال.
السؤال المهم هو: هل قصيدة ابن زيدون زجل؟
وسؤال تاني مهم: إذا قصيدة ابن زيدون ما زجل، الغرض من مقارنتها بشعر الحقيبة وموضوع البحث شنو؟
11-04-2022, 07:40 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
نحن عند النقطة 3 3- كيف عرفنا بالزبط أن الحقيبة تتبع نمطية الزجل (المملوكي/الحوزي) وما هي الأدلة؟. عبر طريقة النظم "بناء القصيدة" والكلمات المفتاحية والمخيال الشعري؟ شرح يتبع عبر النماذج المقارنة.
4- أسباب نشوء النظم الزجلي في السودان واسباب نهايته؟.
5- كيف إستخلصنا أن النمط الزجلي في السودان شجعه الإنجليز بطريقة مباشرة وغير مباشرة وبل شجعته أيضاً الحكومات التي تلت الإنجليز "الإستقلال"؟ ذلك حدث ولا يقدح في الإبداعية وفق نتيجة البحث.. شرح عبر الشهود
--- نستطيع أن نؤجل 6 و 7 إن لزم--- 6- كيف نستفيد من نتيجة البحث عملياً وفي أرض الواقع بغض النظر عن صحتها من عدمه؟ شرح يتبع عبر تطبيقات عملية.
7- قصص الحقيبة
11-04-2022, 07:34 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
الجزع في الناس والصبر شفته طوع القدر أنجبر (سيد عبد العزيز)
نعم ابن زيدون وسيد عبدالعزيز يتحدثان عن القضاء والقدر
- ابن زيدون يتحدث عن الضُر الذى اصابه ويقول : " وان شغله الرضى بالقدر عن كشف الضر الذي حاق به فانه حينها : لا عتب ولا لوم على القدر .
- سيد عبدالعزيز يتحدث عن رحيل محبوبته وعن احتجاب القمر فى ديارها . الجزع في الناس والصبر شفنا طوع القضاء انجبر~
والشاعر شرح البيتين اعلاه فيما يليه من ابيات بصورة واضحة جلية : كل شي ان صفا اوكدر في ايادي القضا والقدر
وأمير امراء شعراء السودان شاعر الجمال والانسانية والحب العُذري ( سيد عبدالعزيز ) فى قصيدته العصماء ( فى ديارهم حجبو القمر ) فانه يتحدث عن جمال محبوبته وحُسنها وعن جور اهلها بالابتعاد بالرحيل وعن دموعه المسكوبه لهذا الرحيل المُر .
سيد عبدالعزيز ... فى ديارهم حجبو القمر
جارو اهلك وجورم امر بالبعاد والامر الامر في ديارم حجبو القمر
البديع الساحر الفكر بالجمال والحياء انشكر حسنو يرمي الزول في وكر شوفتو تسكر من غير سكر للقلوب ياصحي احتكر كي يخلف خالد الذكر
مفخر الاجيال والدهر حسنو اعجب على ماظهر في خدودو الحياء ازدهر والطبيعه تناجي الزهر تدي منظر جذاب بهر زي نجوم السماء في النهر
نورو للبدرين احتقر البهيج النضر الاغر يزدري البراق بالثغر المحشم من الصغر منو كل الناس في بغر فيه شارد الحسن استقر
من عيونو كيف المفر كم بأفئده واعيات ظفر محيو فيه البدر السفر وجيدو جيد الظبي النفر كل عهد الحسن الوفر زول ويوزن مليون نفر
حبي هاك القول الابر والعيان يغنيك عن خبر كم نظرت في دهري العبر نظرة الي الحياة اعتبر
الجزع في الناس والصبر شفنا طوع القضاء انجبر~
لو بحجبو الامر الصدر مابحجبوا دمعي اللنحدر كل شي ان صفا اوكدر في ايادي القضا والقدر امادهري ان صد او غدركل شي ان صفا اوكدر في ايادي القضا والقدر البعرفوا الوفاء ماندر
الفنان والاديب والشاعر والاعلامي السرقدور قال فى الحلقة رقم 11 رمضان 2012م من الدقيقة 13 الى الدقيقة 19.20
قال بالقسم المغلظ ( والله )بعد ان ردد هذين البيتين : الجزع في الناس والصبر شفنا طوع القضاء انجبر~
والله فى أشعار العالم كله مافي بيت شعر زي دا والله لنا ان نفتخر .
الله يرحمك يا عم السر قدور
بيتي سيد عبدالعزيز اجود من بيتي ابن زيدون
11-04-2022, 08:21 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
نماذج زجلية منوعة كمقدمة لمحاولة تبيان نظم الحقيبة مقارنة بالزجلين المملوكي والحوزي الذين تأثرا مباشرة بطريقة إبن قزمان والزجل الأندلسي الأصيل بطريقة نظمه وقاموسه ومخياله الشعري:
فى الناس رأينا للخير معادن/ والدر يوجد فى كنز مثله/ وان رمت جوهر/ فى الشخص مكنون/ فجوهر الشخص أصل فعله/ وان كان تريد صحة المعانى/ وشرح ما فى البيان محرّر/ خد فرع بيدك من أصل/ حنضل/ وازرع جدوره فى أرض عنبر/ واسقيه بماء ورد ممزوج وعقد جلاّب وحلّ سكر/ وحين تشوفه عقد ثماره وأن أوانه و حلّ فصله/ دوقه تراه مر والسبب فيه ما يرجع الفرع اٍلاّ لأصله/
(خلف الغباري.. زجل مملوكي) تتعدد القوافي بلا حساب
بليس أب كل الطغيان/ نظر شعب مارون فرحان/ حسده ورماه في أحزان/ لأجل تنين كانوا رهبان/
كان الواحد من يانوح/ والآخر من دار نبوح/ كرزوا في السر الموضوح/
تكلم بهم روح الشيطان/
كتر الشر وصار غرضين/ وثار الانشقاق من أجل تنين/ في هالسبب بنيو برجين/ وقسمو الملك بتلك الآن/
سمع بذلك سلطان برقوق/ وانفتحلو باب كان مغلوق/ أرسل عساكر تحت وفوق/
حاصر في جبل لبنان/
جبرائيل بن بطرس حوالي 1500م (زجل شامي)
وهذه من الطرق المثلى للنظم الزجلي:
قلبي يحب تياه/ ... ليس يعشق إلا إياه / فاز من وقف وحياه/ ... يرصد على محياه/ بدر السما لو يطبع /... من رام وصالو يعطب/ صغير بحير في أمرو/ ... غزال قهر بسمرو/ ليث الهوى ونمرو/ ... فاعجب لصغر عمرو/ ريم ابن عشر وأربع/ ... أردى الأسود وأرعب/ (إبن مقاتل .. زجل مملوكي حوالي 1300م) لاحظ تعدد القوافي .. ففي الزجل تتعد القوافي في أنساق مختلفة بغير حدود كما تتعد الأوزان في القصيدة الواحدة كما أن أوزان الزجل لا حصرية إي غير محدودة.
يا قايد الأسطول/ ياذو الفخار والطول / أرحم بنى الإنسان/ مين لسماك يطول / ما يطولك اللمسان/ معناك شرحه يطول / والله يا إنسان/ أصدق كفانا مطول / ياذو الحسن إحسان/ أنا عقلى بيك مختول/ والناس عقول ولسان/ ما بنكر المعقول / آمنت بالأيمان/ بالطلسم المصقول / بدل لخوفى أمان/ (مثال واحد من للحقيبة وتوجد نماذج أخرى في المداخلات السابقة من هذه الصفحة 7) وسأواصل في سرد عددا من المقارنات في النظم والمفردة (القاموس) والمخيال الشعري في محاولة تبيان مرجعية الحقيبة من حيث نوعها الشعري ولكل نوع شعري مرجعية!
--- طريقة النظم هي المحدد الأول لللنوع الشعري "زجل أم لا" أما القاموس "المفردة" والمخيال تلك محددات التميييز بين أزجال الشعوب المختلفة وفق عامياتها المختلفة ومخيالاتها الشعرية المختلفة وفي لحظات تاريخية مختلفة.. ساشرح ذلك تفصيليا في المرات المقبلة
Quote: هناك إتفاق إنو نصل لأكمال النقاط المطروحة.. من جانبي وكل الناس وافقت على ذلك حد علمي. وإلا الفكرة الشاملة لن تصل وسيكون مجرد سبق للأحداث.. أرجو التفهم
--- الآن نحن في النقطة 3 وعندما ننتهي من 5 ستكون المساحة ناضجة لوجهات النظر والنقد البناء من أين جاء لكن ليس قبل ذلك.. وذلك إذاً هو ما نرجوه
الاتفاق ده وين ومع منو؟
غايتو الواحد لو غاب من بوستك ده سنة بيرجع ويلقى ما فاتته أي حاجة.
قصيدة ابن زيدون ما عندها أي علاقة بالزجل وعصرتها عصِر عشان تعمل مقارنة من ما في.
11-04-2022, 10:27 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: من النماذج المقارنة لبحث حقيبة الفن.. سينشر قريبا في كتاب
البحث أبو 6000 صفحة فجأة تحوّل إلى كتاب. يعني محمد جمال لغاية ما خلّص 6000 صفحة وبعد مكابرة شديدة حتى فهم أنه حكاية بحث بهذا العدد الضخم من الصفحات إنما هو وهم واستحالة.
السبب زي ما قلنا ليهو من الأول إنه ما في أي بحث أصلاً. بعدين الكتاب ممكن تكتب فيهو أي كلام والسلام.
هو عامل مقارنة بين قصيدة لابن زيدون وقصيدة لسيد عبد العزيز في بحثه الذي أصبح كتابًا عن "تأثر" الحقيبة بالزجل الأندلسي. ولما قلت ليهو قصيدة ابن زيدون ما زجل، عمل فيها رايح وواصل حصة القراءة الصامتة دي زي الترتيب.
يا محمد جمال، ما حا تبقى باحث حقيقي إلا لما تسيب استغباءك للناس وتعالمك عليهم. أسلوب أستاذ الابتدائي مع قراء وأعضاء متعلمين ومثقفين ما حا يقدّمك شبر.
11-05-2022, 08:10 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7274
لا حولااااااا يا أستاذنا العزيز محمد جمال الدين البوست بقى ممل شديد من كترة التكرار أقترح عليك كسر الملل والرتابة بعمل هجمة في مرمى قباني ومحمد صديق. شابكننا عيد الفصاح وطيور الصليب وتقطيع عروضي وشاغلنك من مهامك البحسية. تعمل عليهم هجمة وتجاوب اسئلتهم وتقعدهم في علبهم وبعدها يربعوا يديهم زيهم وزينا عشان يتعلموا أساليب البحوس. ونحن من خلفكم ونشد من أزركم.
لو إقتراحي دا ما عجبك عندي ليك إقتراح تاني متأكد حيعجبك وحيعجب عزيزك القارئ.
11-05-2022, 07:35 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
وشكراً لحضورك مجدداً وشكراً للمقترح.. فقط توقعتك أن تكون أعدل من كدا.
للتكرار اسباب بالذات في الصفحات السابقة وهي عدم موضوعية كثير من المداخلات منذ اول مداخلة في هذه البوست (راجع الصفحة الأولى ومداخلات هذه الصفحة الاخيرة 7).. البوست دا متابعنو معاي ناس من برا و كتير منهم بيكتب لي انه منزعج من كثرة المداخلات التي يرونها مربكة لتراسل الحديث.. عشان كدا قررت أجيب ليهم ما اراه من النقاط المهمة من البوست عندي كل مرة وأخرى.. وعندي فايدة من دا Feedback عبر الاميل والوسائط الأخرى.. آراء محايدة بعضها مهم جداً بالنسبة لي. ديل السببين. أما الصفحة رقم 7 هنا انا ما شايف فيها تكرار غير إعادة التذكير بنقاط البوست.. بل حديث مختلف عن نماذج مقارنة مختلفة في معظمها من حيث المفردة والنظم. أو هذا ما اراه واحترم تقديرك.
بالنسبة للاخوة الذين ذكرتهم واقترحت الرد على أسئلة طرحوها.. حاولت جهدي أن أشرح لهم ما عندي طوال هذا البوست.. وطوال هذا البوست وجميع بوستات الحقيبة منذ خمس سنوات وليس في هذا المنبر فحسب (منذ 2017 دارات في هذا المنبر عديد الحوارات حول ذات الموضوع) لم اسعى للدفاع عما إسميه (نتيجة بحث الحقيبة) بل الناس المستطيعة تشرفني بوجهة نظرها في مقابل وجهة النظر المطروحة ولا افعل غير شرح إضافي للتوضيح إن لزم لكن ليس دفاع. مثلاً: خلاصات البحث حول حقيبة الفن السودانية (الحقيبة أصلها زجل أندلسي) دا سنة 2017
وهذا البوست الجديد عنده عنوان محدد (رواد الحقيبة ومعرفتهم بالزجل "أم لا") وأرى أنهم كانوا يعرفون وجئت بما عندي من تصورات وما أزال أشرح وفق النقاط المطروحة التي ظلت تنقطع كل مرة وأخرى بسبب عدم إلتزام البعض بهدف وعنوان البوست.. البوست ليس هدفه مناقشة ما أسميه (بحث الحقيبة) لان هذا في شموله مستحيل لأن البحث لم ينشر بعد.
خلاصته أنني لست في جدل مع الناس في موضوع البوست.. ان هناك شخص يرى أن النماذج والأراء المطروحة مني غير مناسبة ولا موفقة بل أي كلام.. تمام.. والعكس صحيح.. الفائدة التي أجنيها شخصياً من ذلك أضيف معلومة جديدة مع أو ضد في محصلتي. لا أعتبر النتيجة التي توصلت لها صمدية.. أضعها أمام الناس ولهم الحق في تقييمها.. وهذا حدث ويحدث في منابر عديدة ليس هنا فحسب.. لحسن الحظ.
لست في حالة دفاع عن النماذج المطروحة هنا ولا اي شيء.. فقط أستطيع أن أشرح وجهة نظري حولها إن لزم.. لكن لا أدافع عنها ضد من يراها أي كلام.. ذلك رأي مخالف احترمه مهما كان.
وللأسف معظم المداخلات بالذات بداية بالصفحة الرابعة غير مفيدة لهدف البوست ومعظمها يصب في حرف البوست عن هدفه وعنوانه.. أتمنى ان لا يتكرر ذلك ولكن ليس بيدي.
وهناك طبعاً احكام قيمية كثيرة هنا وفي مناطق أخرى حول هذا الموضوع وصاحب الموضوع "شخصنة شاخصة" من نوع: دا كلام ساي.. مافي بحث.. زول موهوم.. عيان بالحقيبة.. حاجة ما مفيدة.. ما بعرف يتكلم في التلفزيون.. ما بعرف يكتب.. زول ساي..
تبع الموساد الإسرائيلي.. وكلام كتير زي دا (تلك ليس أمثلة خيالية بل حدث فعلاً). طبعا ما ممكن الزول يقول لا أنا كويس واحسن زول وعملت احسن بحث في العالم.. الطرف الآخر عنده قناعة منتهية.. وأنا دوما أشك في نفسي وفي كل شي.. فأعتبر تلك بدورها قناعات محترمة عندي.
وجميع الناس التي تتداخل هنا (ما عدا القليل) عندي معهم سوابق صعبة في هذا البورد حول هذا الموضوع تحديدأً ومواضيع أخرى مشابهة منذ العام 2017 وحتى تاريخه.. فلهم أن يقولوا ما شاءوا فيما اطرح هنا فقط أتمنى أن يلتزموا عنوان وهدف البوست لأحصل على الفائدة التي أنشد: نقد بناء دون اسعى لنقد النقد.. شكراً لجهدك المخلص
البوست ما للجدل زي ما شرحت من منذ الصفحة الأولى.. أي أنني لن ادخل في جدل مع أي راي مهما كان مخالف.. دا مطلوب ومفيد.. فقط ممكن أشرح إن كان عندي شرح.. ولكن حتى لو أن البوست لخد وهات.. فهلاء من تدعونا لحوارهم
دي أول مداخلة تشرفت بها في هذا البوست في صفحة 1 طبعاً
إن لم تظهر كصورة هنا إقتباس
Quote: يعني بعد اراقة كل ذلك المداد .. داير الناس تقول ده زجل سوداني ؟؟ و داير تخم الناس بوصفها بالجمال و الابهار !! لا ابينا .. العب غيرها ..
و النحدثك: الحقيبة شديده الابهار و في غاية الجمال قبل ما ينعم علينا الزمان بمولدك النبوي الشريف .. و حتى بعد ان تلاقي وجه ربك ..
و تالت و عاشر يا جمال .. انت مشكلتك ضليت الطريق و مصر انك فاهم رقبتك ماشي وين ..
عليك الله وقتك ده اصرفه في شي مفيد .. بدل (الدجل و الزجل) .. .. و واجه نفسك ( ولو لمره واحده ) .. بعدم فهمك و آهليتك للكتابه عن الحقيبه و اهلها ..
انت عيان عديل بموضوع الحقيبه ده .. شوف ليك therapist يشخص ليك حالتك دي .
ودي تاني مداخلة.. في صفحة 7 الأخيرة.. مجرد أمثلة وهناك المزيد في بوستات اخرى مشابهة
Quote: جابت ليها لزوجة مبالغ فوقها ..
من شدة افلاسك يا محمد جمال قلت اخير تبقى لزج ؟
برادتك زاتها مرقت من يدك ..
بقيت زي المجنون تطقع سااااي .. تشيل و تعمل في كوبي اند بيست من دقنو و افتلو ..
مقارنة جديدة (مسو نوركم) لسيد عبد العزيز وقصيدة حوزية لإبن سهل.. مقارنة في الجانبين 1- القاموس "المفردة 2- النظم.. تأتي المرة القادمة
--- نحن ما نزال في النقطة رقم 3 طريقة النظم المشتركة بين الزجلين المملوكي والحوزي من ناحية والحقيبة الناحية الأخرى.. ربما سناخذ بعض الوقت في هذه النقطة للأهمية
11-06-2022, 00:59 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
الليلة عشان ما ننسى مع الجوطة الجميلة دي .. نحن مع الوعد الجميل دا.. آخر اليوم.. مساء هذا اليوم المبارك
Quote: مقارنة جديدة (مسو نوركم) لسيد عبد العزيز وقصيدة حوزية لإبن سهل.. مقارنة في الجانبين 1- القاموس "المفردة 2- النظم.. تأتي المرة القادمة
--- نحن ما نزال في النقطة رقم 3 طريقة النظم المشتركة بين الزجلين المملوكي والحوزي من ناحية والحقيبة الناحية الأخرى.. ربما سناخذ بعض الوقت في هذه النقطة للأهمية
11-06-2022, 07:49 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
طلب مساعدة وتذكير تاني بمحتوى البوست دا وهدفه والإميل من جديد لمن أراد من القراء مشاركتي في الخاص برأيه:
1- هناك نماذج لرواد من شعراء الحقيبة ذكروا كلمة زجل بمعناها الإصطلاحي في قصائدهم (إي أنهم يعرفون أن النوع الشعري الذي يكتبون زجل، ونعرف أن شاعر الدوبيت مثلاً يقول فوقك أدوبي ولا يقول أزجل) .. اطلع على النماذج المطروحة في المقالة (المتعلقة بهذه الجزئية) صدر هذا البوست وقل برأيك.. عبر هذا الإميل: [email protected]
2- أن هناك نماذج مقارنة بين الحقيبة وأزجال من التاريخ فيما يتعلق ببالمفردة أي القاموس المشترك كما المخيال الشعري.. إحدى أهم خلاصات تلك النماذج أن الحقيبة من نمطية الزجل وتحديداً المملوكي والحوزي.
3- عطفاً على النقطة السابقة نمرة 2 وجدنا أن طريقة نظم الحقيبة (بناء القصيدة) مطابقة للزجل كفن شعري.. توجد نماذج مقارنة وسأواصل في طرح المزيد من النماذج النظمية المقارنة كلما أجد السوانح لأن هذه النقطة هي الأهم مطلقاً لأنها المحدد الأساس للنمط الشعري.
ذلك هو محتوى هذا البوست وما دونه فهو ثانوي.
نداء: اطلع على تلك النماذج المطروحة وقل برأيك الذاتي ووفق فهمك وذوقك الخاصين (يحبذ مع المبررات) عبر ذات الإميل
وإن تعثر أو تعذر هذا البوست في المستقبل.. سأُنشي صفحة خاصة في قوقل وأضم إليها الأشخاص الذين شرفوني بمساهمات واضحة مع أو ضد وربما أفعل في كل الأحوال.. كما أنني أحتاج البعض منكم أيضاً في المحاولة الجارية الآن في إستنباط قواعد العامية الوسطسودانية وهي الأهم في تقديري.. وهذا طبعاً عمل طوعي من إملاء الرغبة والهم المشترك والضمير.. ولو يذكر البعض منكم فإن بحث الحقيبة كان تفاعلياُ ومعلن لكل الممكن من الناس وشارك به العديد منكم وكانت تجربة على ما بها من رهق مفيدة ومتميزة بكم.. شكراً لذلك.. وشكراً مقدماً للمساعدة هذه المرة أيضاً
--- وأصالة عن نفسي ونيابة عمن رأى قيمة هذا الإعتذار.. آسف للألفاظ الصعبة التي جرت خلال هذا البوست من أي طرف جاءت (ليس بيدي) والعك الكثير الذي دعانا للتكرار.. كل معاني الإحترام
مقارنة سيد عبد العزيز (مسو نوركم) وقصيدة لإبن سهل (مقارنة في المفردة والنظم)
ظهر لي مثيل البرق إن لاح يخفق مثيل الورق يضوي مصبـاح الجبين كامل وضاح ... والوجه كما المصباح (إبن سهل)
شوفوا المن جبينة صباح والصباح لو لاح لا فايدة فى المصباح … مابتعيرنا محاسن محيها الوضاح (سيد عبد العزيز)
--- سآتي بالقارنة بين القصيدتين كاملة في مستقبل السرد.. وأظنك لن تلم بالصورة كاملة إلا أن تضع هذه المقارنة مع نسق المقارنات الأخرى فهي سلسلة متكاملة وليست حالة واحدة معزولة.. هذه النقطة في غاية الجوهرية.
11-06-2022, 10:07 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
والـبلبل الـغريد يـدور عـلي منبر الاغصان خطيب (سيد عبد العزيز)
---
لكل وَسيلَة سَبَباً إِلّا تَكُن نَسَبا فَهُو الوداد صَفا مِن غير ما كدر (ابن زيدون)
وكل شئ إن صفا أو كدر في أيادي القضاء والقدر
(سيد عبد العزيز)
من يسأل النّاس عن حالي فشاهدها مَحْض العِيَان يُغْني عَن خبَر (ابن زيدون)
حبي هاك القول الأبر العيان يغنيك عن خبر (سيد عبد العزيز).. (هذان المقطعان الآخيران إستشهاد من عامودي إلى نظم زجلي وهو معهود في انواع الشعر كافة).
تلك مجرد أمثلة لا حصرية.
--- نحن ما نزال في محاولة إيضاح النقطة رقم "3” المفردة (أي القاموس) كما المخيال.. والأهم هو طريقة النظم "بناء القصيدة" هي المحدد الحتمي للنوع الشعري.. وذلك وفق الأهداف المعلنة للبوست والنداء المعلن.. شكراً للصبر الجميل
والملاحظة المهمة غاية الأهمية: أن مثل هذه الحوارات/القراءات ليست بالضرورة هدف في حد ذاتها بقدر ما هي نافذة مهمة قد نرى من خلالها ذاتنا الجماعية بطريقة أكثر وضوحاً (عبر مراجعة الذات والتراث).. أو هي الخطة المأمولة. وربما نقف عبرها على أسباب فشلنا في صناعة سودان متحضر وموحد وفشل ثوراتنا حتى الآن من جراء شقاقاتنا القائمة على جهلنا بذاتنا الجماعية والبيئة الطبيعية المحيطة بنا. .. وإذاً عبر ذلك السبيل نمضي إلى الأمام بطريقة أكثر صحة!
--- خيال مني
11-07-2022, 01:04 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
سآخذ أيضاً قصيدة "النسيم هبالي" لأبوصلاح للمقارنة مع طريقة النظم الحوزية من الزجل الأندلسي:
خلى زاد إنحالى/ والعيون جارحالى/ بالشليخ مغروم/ ايش مغير حالي/ غير وريده الحالي/ زى قزاز الروم/ (شعر من الحقيبة)
لاحظ القافية تتكرر ثلاث مرات في البيت الواحد هنا وهناك (العلامة "/" تؤشر إلى القافية في الحالين:
لأن بحري بالمثال غــــــــــــــامق/ ياللان/ ماني عاجز في المعــــــــــــــاني/
ولذا من محــــــــــــــــــاني مقلق/ ياللان/ أش لزوا المغـــــــــــــــــــــاني/
عطروس قال لي كــــل من عشق/ ياللان/ بالمغرز مقهور فــــــــــــــــاني/ (شعر من النوع الحوزي)
---وهنا مثال آخر--- الحرير كل مطرز ألــــوان/ والعيـــون تسحر الغزلان/ الرقتى تقول غصن البـــان/
و خطيبو سيســـبـــان/ الفم دري عقيــــــــان/ بالتبر زايد مرجـــــان/
--- تلك مجرد أمثلة لا حصرية ولا تهتم بالمفردات هنا نحن هذه اللحظة همنا طريقة النظم (بناء القصيدة) هذه المرة.. ح أوضح طريقة النظم تفصيلاً عبر المزيد من النماذج المقارنة لأن طريقة النظم هي الفيصل في تحديد النمط الشعري
قد يقول قائل عجول غير مهتم ولا مطلع.. ماذا لو هذا حدث:
Quote: القافية تتكرر ثلاث مرات في البيت الواحد في الحالين
قرار: لا يوجد في العادة أي نوع شعري في العالم يمكن أن تتكرر فيه القافية ثلاث مرات او أكثر من المرات في البيت الواحد غير الزجل (دا من قوانينه أو حلاوته أو كما قال صفي الدين الحلي) راجع أوصاف صفي الحلي للزجل في المداخلات السابقة فهو مع إبن قزمان القرطبي أول من وضع قوانين فن الزجل وتبعهم الناس على مر القرون حتى تاريخ اليوم. وذلك ما يميز الزجل (سر تفوقه) على جميع الفنون الشعرية (الغنائية) الأخرى وعلى وجه الإطلاق.
--- تتواصل محاولة المقارنة النظمية بين الزجلين الحوزي والمملوكي.. والحقيبة.. فصبراً
Quote: وهنا بعض النماذج الإضافية الحصرية بالشاعر الحقيبي الكبير سيد عبد العزيز.. إذ جاء ذكره في المداخلة السابقة للتو:
حبّي عني حجبوه اهلو واسرفوا في جمع حفاظو حتي عني قيد الفاظو صفي الدين الحلي/زجل
جارو اهلك وجورم أمـر في ديارم حجبـو القمـر (سيد عبد العزيز.. متسقة مع مقدمة في سنا القمر لإبن زيدون).
سلمات يا محمد جمال الدين
وايه علاقة ابن زيدون بشعر الزجل ؟؟؟ يارجل ابن زيدون أعظم شعراء الاندلس وأشعرهم وأرفعهم شأناً وأجلهم مقاما . ونظم الشعر في كافة الأغراض . يارجل شعراء الزجل فى الاندلس هم : - ابن قزمان - أخطل بن ثمارة - ابوالحسن المقري - ابوعمرو الداني - يخلف الاسود - مدغلس - ابن جُحدر الاشبيلي - اليعيع - لسان الدين بن الخطيب - محمد بن عبدالعظيم - ابوعبدالله اللوشي - أخرون واشهر شعراء الزجل فى الاندلس هما : ابوبكر بن قزمان و احمد بن الحاج والمشهور ب مدغليس .
11-07-2022, 09:53 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
اهلا مجدداً علاء.. تقول إبن زيدون ليس بزجال.. طبعاً معلوم.. لكن قلنا أن سيد عبد العزيز جاراه في قصيدته (سنا القمر) ناظماً إياها إلى زجل (حجبو القمر) كما قلنا أنه أقتبس (استشهد في المصطلح) في هذه الأبيات:
Quote: لكل وَسيلَة سَبَباً إِلّا تَكُن نَسَبا فَهُو الوداد صَفا مِن غير ما كدر (ابن زيدون)
وكل شئ إن صفا أو كدر في أيادي القضاء والقدر (سيد عبد العزيز)
من يسأل النّاس عن حالي فشاهدها مَحْض العِيَان يُغْني عَن خبَر (ابن زيدون)
حبي هاك القول الأبر العيان يغنيك عن خبر (سيد عبد العزيز).
(هذان المقطعان الآخيران إستشهاد من عامودي إلى نظم زجلي وهو معهود في انواع الشعر كافة).تلك مجرد أمثلة لا حصرية.
إذ ذلك فوق المجاراة إستشهاد (إقتباس) مشروح كدا في تلك المداخلة وهو هنا أمامك اعلاه. وأيضاً العبادي كما أبو صلاح أقتبسو من الأعشي مقطع: ظبيات وجرة. ذلك مجرد مثال لا حصري.. راجع المداخلات السابقة إن شئت.
معلومة مهمة: أن المجاراة ليست عملية جامدة.. أنت تستطيع أن تجاري معلقة من المعلقات وتحولها إلى دوبيت وكذا زجل وإلى الخ.
فالمجاراة في إحدى معانيها تشبه عملية ال Recycling أي تحويل الشيء إلى نسخة منه جديدة مختلفة أو شيء من مادته مختلف كلياً عن نوعه.
كأن يكون لديك مثلاً سيارة مارسيدس قديمة فتصهر حديدها لتصنع منه نسخة جديدة أو يمكنك أن تصنع منه سكاكين أو أبر أو امواس حلاقة.. كله ممكن. مثال للبيان.
مجاراة سيد عبد العزيز لإبن خلدون في قصيدته العامودية الفصيحة التي حولها في مجاراته إلى زجل هي أمامك.. ولك أن تقبل تصوري أو ترفضه.. بما لك من حجج.. تمام.. ما بغالطك.. هذا ما عندي ولك تقديرك الذي أحترم.. وحتى تكتمل الفكرة.
ففي هذا التصور مافيش جدل.. كله زول عنده وجهة نظره المختلفة أحياناً مية المية.. كمان أنا لم أنتهي بعد من نهاية هذا التصور كما هو معلن.. فكل مرة إن صبرنا ستتضح الرؤية أفضل.. فارجو إنو الناس تصبر شوية .. وتحيات
النماذج المطروحة هنا بين الحقيبة والزجل دائرة كاملة غير مفصولة عن بعضها البعض من حيث القاموس والمخيال وطريقة النظم
هدف البوست ليس للجدل.. أي زول ووجه نظره.. أي كانت محترمة.. وعليه ليس من شأني الرد على كل متداخل مع أو مضاد.. فقط أفعل إن كان لدي توضيح إضافي مثل هذا.. كل الود
--- نحن ما نزال في إستبيان طريقة النظم المقارنة كلما سنحت الفرص
أنا كلمتك يا محمد جمال، إنت بعيد كل البعد عن البحوث، لأنك بتفتقد حساسية الباحث الذي يدرك معنى كل كلمة بيقولها وعلاقتها ببحثه. إنت عارف أنه من أهم أدوار المشرفين أنهم بيرجعوك إلى مسار البحث لما تشطح. ولما ما يكون عندك مشرف اعرض شغلك على من تثق في رأيهم بحكم معرفتهم بالموضوع وافتح إضنيك واسمع نقدهم ولو لقيتو منطقي اعمل بيهو، ولو ما اقتنعت انساهو، لكن ما تكابر وترفض كلام منتقديك لو لقيتو صاح.
هل فعلاً حقيبة الفن السودانية شديد الإبهار (من حيث المفردة وصرامة النظم)؟!
إن كانت الإجابة: نعم.. وهي كذلك.. فما السبب!
الحل عند إبن خلدون في كلامه (الزجل فيه متسع للبلاغة أكبر) والأهم في القواميس اللغوية الخمسة التي استخدمتها الحقيبة حسب هذا التصور.
جاء في المقدمة لابن خلدون: "لما شاع فنُّ التوشيح في أهل الأندلس، وأخذ به الجمهور لسلاسته وتنميق كلامه وترصيع أجزائه، نسجت العامة من أهل الأمصار على منواله، ونظموا في طريقتهم بلغتهم الحضرية من غير أن يلتزموا فيه إعراباً، واستحدثوا فناً سموه بالزجل، والتزموا النظم فيه على مناحيهم إلى هذا العهد فجاءوا فيه بالغرائب واتسع فيه للبلاغة مجال، بحسب لغتهم المستعجمة".
تهمنا هذه الجملة من كلام إبن خلدون: (واستحدثوا فناً سموه بالزجل، والتزموا النظم فيه على مناحيهم إلى هذا العهد فجاءوا فيه بالغرائب واتسع فيه للبلاغة مجال، بحسب لغتهم المستعجمة").
بل تهمنا بشكل أدق هذه الجملة: (فجاءوا فيه بالغرائب واتسع فيه للبلاغة مجال، بحسب لغتهم المستعجمة").
والسؤال هنا كيف يتسع باب للبلاغة مع العجمة؟!. ملاحظة: الحقيبة غير معربة طبعاً.
نعم، يتسع!.
إذ أن الموشح "المرصع بالحلي والديباج والحلل" في الأساس معرب "فصيح".. وبالتالي لغته محدودة بحدود القاموس المحدد وقواعد اللغة المحددة وكنتيجة أيضاً قوافيه "تضيق".
لكن تعال معي لنرى ماذا فعل إبن قزمان.. كان إنفجاراً داوياً في زمانه.. ثورة في القاموس والنظم والقافية حينما نقل الموشح إلى عامي "زجل".. لقد حدث شيئان في غاية الأهمية إذ أن:
القاموس العامي والعربي الإتنين يعملان في النص الزجلي (فقط دون تعريب “لا نحو وصرف وفق قواعد العربية”) فيحدث هنا شيء مهم جداً: عندك القاموس يصبح "دابول" باللغة الإنجليزية أي يتضاعف.
بالتالي هنا يصح كلام إبن خلدون إذ تنفتح مساحات جديدة للزجال فيكون لديه المزيد من المفردات من القاموسين العامي والفصيح ليصنع قصيدته ذات البلاغة الباهرة "فقط غير المعربة" وفرص أفضل ليجد قوافي كثيرة لينتقي منها. وهذا سبب في تعدد القوافي والأوزان في الزجل دون غيره من الأشعار الأخرى.
إذاً إبن قزمان عمل عملأً عظيماً في زمانه زلزل الشرق والغرب معاً.. كانت ثورة عظيمة أسس لها ووضع قواعدها (أهم تلك القواعد مطلقاً "لا تعريب") .. فهو المؤسس الحق.. لذا نحن نتحدث عنه حتى هذه اللحظة. فعمل للشعر الأندلسي لاول مرة قاموسين لا واحداً كما كان.
وبقفزة سريعة قلنا ان الحقيبة تنتمي إلى نمطية الزجلين "المملوكي والحوزي". كيف كانت القواميس هناك!.
كان للزجل المملوكي ثلاثة قواميس "قفزة بدورها" القاموسين الأندلسيين (العامي والفصيح “العامل الثابت”) واللغات العامية في العهد المملوكي في مصر والشام.
وكذا النوع الحوزي ثلاثة: القاموسين الأندلسيين (العامي والفصيح “العامل الثابت”) وقاموس العامية المغاربية الحاضنة للزجل الحوزي وغيره من انواع الأزجال في المغرب الكبير كالمألوف والصنعة.
والحقيبة السودانية "طفرة جديدة أبعد.. إذ جاءت فوق العادة بخمسة قواميس:
إذن لقد إتسع في زجل الحقيبة مجال أكبر للبلاغة بلغة إبن خلدون.. ولذا كانت أزجال الحقيبة شديدة الإبهار بالذات للمتكلمين بالأصالة العامية الوسطسودانية الحاضنة لنمطية الزجل الحقيبي. إذ اتسع للمفردة والقافية مجالات اوسع للتناول والإستخدام وبالتالي البلاغة مرة ثانية بحسب فهم إبن خلدون في زمانه إذ انت عندك خمسة قواميس بدلاً عن إثنين أو ثلاثة.. والزمان هو الزمان لأن كل تلك القواميس تعيش في جسد الحقيبة!.
سنقف على هذه النقطة المتعلقة بالقاموس والنظم بإستفاضة في مقبل الأيام عبر النماذج التطبيقية.
--- نحن ما نزال نحاول إستبيان القاموس وطريقة النظم في شعر الحقيبة (النوع الشعري وحده لا اللحن والغناء ذلك شأن آخر).. ربما ناخد بعض الوقت في هذا البوست المخصص لهذا الشأن وحده عبر النماذج التطبيقية المقارنة.
Quote: و عَجَبـــــــــــِــــــــــــــــــــــــــي .
معقول يا اخ الوطن تمشي كدا ساكت بدون ما تشتمنا وتنبذنا شوية في البوست المبارك دا.. حاول اجتهد شوية .. او اصبر المشوار لسا طويل ان كنت عايزنا مع بعض نعرف حاجة مشتركة... عارفك ما عايز تعرف لانك تظن ان عارف كل شي ومهدد بقية الناس بالتنمر.. الذي تمارسه هنا لظروفك في بوست ماحقك ولا فهمك.. دا خطا طبعا!
--- حاول ما تحرف البوست.. والا بنخليه ليك وامثالك.. مادام على كيفك تحرف على كيفك وامن من اي عقوبة.. حاول قلل الفارغة لو سمحت!
11-08-2022, 03:23 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
ما أزال أحاول إستبيان القاموس وطريقة النظم بين زجل الحقيبة والزجلين المملوكي والحوزي (وفق هذا التصور وحده)
--- لكن إذا الاجواء فارغة لأمثال الامثلة التي لا تريد السماع ولا عندها صبر لإكمال أي فكرة أي كانت.. فغالباً بخلي ليهم البوست.. لأنني غير مصر علي شي.. وبواصل في أمكنة أخرى.. دا جو بالجد مسمم وغير صحي.. أخونا الحقاني أمين محمد سليمان قال بذلك واتفق معه.. وطبعاً لا اعفي نفسي.. فقط اقول أنه محق. ولا اعفي نفسي لكنني استطيع أن أرحل.. هذه الساحة مسممة ومسمة عمداً أو سهواً لا ادري toxic في في اعلى درجاتها.. وأنا لا طاقة لي.. اعترف!
والله دا شيء بطال
--- ربما أغادر الايام المقبلة
11-08-2022, 07:05 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
Quote: ما أزال أحاول إستبيان القاموس وطريقة النظم بين زجل الحقيبة والزجلين المملوكي والحوزي (وفق هذا التصور وحده)---لكن إذا الاجواء فارغة لأمثال الامثلة التي لا تريد السماع ولا عندها صبر لإكمال أي فكرة أي كانت.. فغالباً بخلي ليهم البوست.. لأنني غير مصر علي شي.. وبواصل في أمكنة أخرى.. دا جو بالجد مسمم وغير صحي.. أخونا الحقاني أمين محمد سليمان قال بذلك واتفق معه.. وطبعاً لا اعفي نفسي.. فقط اقول أنه محق. ولا اعفي نفسي لكنني استطيع أن أرحل.. هذه الساحة مسممة ومسمة عمداً أو سهواً لا ادري toxic في في اعلى درجاتها.. وأنا لا طاقة لي.. اعترف!والله دا شيء بطال---ربما أغادر الايام المقبلة
يعني إنت عايز ترحل بس عشان نبّهوك أنه إنت بتقارن حقيبة بحاجة ما عندها علاقة بالزجل وشايف ده تنمُّر وأجواء مسمومة؟
سؤال ابن زيدون من صميم بحثك ورحيلك هروب من المواجهة ليس إلا.
إنت أي سؤال ما عندك ليهو إجابة يا طنّشته، أو جاوبت إجابة ما عندها علاقة بالسؤال، أو اتهمت السائل بأنه مستعجل وختّيته في الرّف.
Quote: ما أزال أحاول إستبيان القاموس وطريقة النظم بين زجل الحقيبة والزجلين المملوكي والحوزي (وفق هذا التصور وحده) ---
و كت ما زلت تحاول استبيان القاموس و ماك عارف .. بتكضب على الناس و تقول مسروق و اخفوا مصادرهم لي شنو ؟ لفت انظار ليس الا ؟؟؟ ده اضافة لي جهلك بكلمات و معاني كتيره .. زي طيور الفصاح .. متذكرهم ؟ قال انا و الطيب صالح قال .. و شنو .. (البحس) بدا 2017 و انتهى 2009 .. بحس بترتر و لا كيف !! خخخخخخخخخخخخخخخخخخخخخخخخخخ
Quote: لكن إذا الاجواء فارغة لأمثال الامثلة التي لا تريد السماع ولا عندها صبر لإكمال أي فكرة أي كانت.. فغالباً بخلي ليهم البوست..
بس قبل ما تشرد عليك الله قول انك كضاب .. او قول الروب و فوت .. حبة سمسم ما تعتر ليك ..
و بمناسبة الجري اهدي ليكم جميعا كلمات ( ما مسروقة ) ..
11-09-2022, 02:42 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
Quote: الزجل شعر ملحون تختلف تسميته من بلد إلى آخر توفيق ومان في حوار مع "الشعب": هدى بوعطيح نشر في الشعب يوم 16 - 02 - 2014
أكد الشاعر توفيق ومان في حوار مع "الشعب"، أن الزجل هو الشعر الشعبي أو الملحون الذي تختلف تسميته من بلد إلى آخر فقط، منها النبطي، الشعر المحكي والعامي والزجل في المغرب. وتحدث ومان عن الشعر الشعبي ودوره في خدمة الثورة الجزائرية، مؤكدا أنه أرّخ لحقب تاريخية هامة، حيث كان الشعراء آنذاك يقدمون رسائل مشفرة من خلال نصوصهم، وقال إنه بدأ يسترجع مكانته في سنة 2005، عند تأسيس الرابطة الوطنية للأدب الشعبي التي جاءت إلى الوجود نتيجة "حقرة" شعراء الفصيح لشعراء الشعبي، مشيرا إلى أننا بحاجة إلى الحداثة لإيصال شعرنا خارج الجزائر وتطويره. الشعب: بداية ما هو الزجل وعلى من يطلق إسم الزجال؟ توفيق ومان: " "الزجل" هو الشعر الشعبي، الملحون، النبطي، الشعر المحكي والعامي... هو تسميات عديدة لغرض إبداعي واحد، حيث تتفرق كلمة الزجل حسب الدول، فهناك من يطلق على الشعر الشعبي تسمية الزجل، ومن بينها المغرب ولبنان، في حين يسمى في مصر بالشعر العامي أو المحكي، وفي دول الخليج النبطي، أما في الجزائر فالزجل هو الشعر الشعبي. وبهذا يطلق اسم "الزجال" على الشاعر الشعبي
والاغرب من الخيال حتى ابن خلدون الذى استعان به اخونا محمد جمال يقول بأن شعر الزجل يطلق على الشعر الشعبي .
11-09-2022, 08:42 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
مشروح يا علاء أكثر من مرة ماهية الزجل وإختلافة من الفنون العامية الأخري والشعبية (تصنيف مختلف) الشعبي منتجه غير معلوم (زي غنا البنات) والعامي زي شعر الحلنقي وبنونة وحسان الحرك (أمثلة لا حصرية).. الزجل الأندلسي معروف من زمان إبن قزمان (أول من وضع قوانينه) ثم صفي الحلي (العاطل الحالي) وإبن حجة في كتابه بلوغ الأمل في فن الزجل وكتاب المستطرف في كل فن مستظرف ووثائق كثيرة لا حصر لها حتى تاريخ الساعة.. والحقيبة حسب نتيجة البحث من نمطية (الحوزي/المملوكي).. وخليك من دا كله.. بس أكتب في محرك البحث قوقول هذه العبارة من كلمتين:
وكمان ابحث: ابحث أيضاً عن شنو: زجل حوزي أبحث عن شنو: زجل مملوكي
وهناك كتب ودراسات عديدة حديثة حول الموضوع لكنها ليست مجانا من أراد شراءها بوريه بلقاها وين ورقية أو تحميل من النت.
--- بمناسبة الجزائر أنا ح اودي نماذج من الحقيبة لخبراء زجل معروفين مغاربة وجزائريين أهل الشي ذاتو.. وح نشوف.. زمان عملت في الخاص وح أعيد تاني بشكل معلن
11-09-2022, 08:43 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
يا اهلي الاكارم شنو جرى والمدفع السكلي وكلام الشفع دا.. معليش دي حقيقة.. دا نقاش لا يرقى لونسة شفع في مدرسة الاساس.
الإستهتار والتنمر الخارم بارمك والتبسيط ما ح ينفع. ممكن فقط ينفر بعض الأعضاء الراقيين في هذا البورد من الإدلاء برأيهم أي كان خشية الألفاظ النابية والشُّفعية السايدة. كمان برضو ممكن يضحك علينا العالمين هسا وفي المستقبل.. لانه دي طريقة بائسة للتداول في المنابر العامة. وبالتالي انا كم مرة وصلت مرحلة اليأس بأن لا فائدة من أي إضافة نقدية حقيقية وصبورة لذا أكتر من مرة ترددت في المواصلة وما أزال متردد لكن دوماً على أمل.
مرة تانية نحن هنا عندنا أشياء واضحة وبسيطة ومكررة عديد المرات:
دعوة أن الحقيبة من نمطية الزجل الأندلسي الحوزي /المملوكي لأن الزجل أنواع عديدة في الحاضر والماضي.. وعندنا نماذج مقارنة مطروحة هنا وفي كل مكان تتدعي تلك الدعوة.. ان كنت عايز تدلي برأي بناء قول برأيك مبرراً في تلك النماذج من حيث 1- المفردة (القاموس) 2- المخيال الشعري "الثقافي" 3- طريقة النظم. وكمان ممكن تجيب لينا نماذج مقارنة من أشعار السودان الأقدم (الكلام دا مشروح عشرات المرات) ولكن القليل يهتم.
وقلنا "دعها تكون زعمنا" أن شعراء الحقيبة كانوا يعرفون أن شعرهم زجل وجئنا بالحجج التي إستطعنا.. راجع صدر هذا البوست "أول مقالة به".. ممكن تقول رأيك بكل أدب وإحترام في ذلك (فكرتك وخلاص مهما كانت).. ودا المفيد لينا كلنا لأننا امام قضية عامة.. فالحقيبة مثلها والسياسة والإقتصاد ومؤتمر الخريجين والمهدية وعبد الله التعايشي والمك نمر وبنونة والأحزاب والمذاهب وغناء الطنبور والربابة وغناء الزنق (مجرد أمثلة).. كلها متاحة للنقد وللبت فيها.. شيء طبيعي.
دا الموضوع. لكن العك ما بنفع.. ممكن زي ما قلت ليك ينفر الناس الراقية هنا بس ما تدلي برأي بناء ويزهج القراء لوهلة جراء الكلمات النابية ليس إلا.. ولكن تظل الحقيقة هي الحقيقة مهما كتر العك والنبذ المجاني.. مجرد عبارات مرصوصة ممكن اي قونة أو أي شوارعي يرص ليك ألف زيها.
--- أعني طبعاً الأعضاء المحديين هنا.. وتحية للجميع
ما زال عندي أمل إن الأخوان (م. صديق و: ي. قباني و: ع سيد أحمد) ممكن يهدأوا شوية (المستعجل شنو؟ البلد مليان بوستات ومشاكل تانية) إذن ح لو حصل ح نواصل في توضيح طريقة النظم (كما القاموس) بين الحقيبة والزجلين الحوزي والمملوكي.
وعندنا مقارنة جديد كاملة بين قصيدة حوزية ومسو نوركم لسيد عبد العزيز (ستكون غير متوقعة للكثيرين.. وعد!)
كمان ممكن نقارن كل ذلك مع أشعار السودان الأقدم من الحقيبة وسناخذ ود الفراش مثال (1845-1883) من عهد التركية الأولى:
خمسة شهور تمام والهل طوبة روحي مشحتفة وياربي توبه عبلوجة الترى القلبت هبوب ردودة روحي أنا إن لافحه ثوب خمسة شهور تمام و الهل سايق روحي مشحتفة وأنا ماني فايق لهيج المشرق العند الشوايق ردودة روحي أنا وكت أبق ضايق خمسة شهور قاعد أعاين يبقن في نيران الغباين لهيج الفي االمحس جلب الزباين ردودة روحي يا عنب الجناين
ذلك مثال من ود الفراش.. مات 1883م.. يختلف في القاموس وأهم شي طريقة النظم عن الأزجال الثلاثة المملوكية والحوزية والحقيبة.. وكذا تكون كل أشعار السودان الأسبق للحقيبة وايضأً التي جاءت بعدها لا علاقة لها بها من حيث النظم والقاموس بل هي بنت ود الفراش وبنونة وشغبة المراغمابية وجسان الحرك والحردلو.
Quote: هل فعلاً حقيبة الفن السودانية شديد الإبهار (من حيث المفردة وصرامة النظم)؟!
لكنها ماتت كنظم بموت مؤسسيها!
--- تلك نقطة وجب النظر لها بروية.. لماذا لم يستمر نظم الحقيبة الشعري كما هو حال الشعوب الاخرى التي حولنا وكمان كل اشعار السودان الاخرى متواصلة بما في ذلك ما يسمى بالدوبيت وكذا المناحة والحماسة منذ عدة قرون وحتى الساعة.. ما السبب؟!
--- تتواصل محاولة التوضيح في القاموس والنظم بين الحقيبة والزجلين: الحوزي والمملوكي
11-10-2022, 01:58 AM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
Quote: يا دكتور .. زولك ده موضوع ما عنده .. فعدم الموضوع بخليو يسوي جنس العوارة دي ..
م. ج. يا قباني كان ممكن يكسب كتير لو احتفى بالنقد وجاوب على الأسئلة. تهرُّبه من الأسئلة المطروحة عليهو شكَّك في إمساكه بزمام بحثه، وتكراره الممل لكلامه وأستذته على محاوريه والقراء أضرَّ ببوسته.
اتهمنا بالشخصنة وهو من بادر بها. قعد يسُك فيني عشان يعرف أنا منو وتخصصي شنو، وفي النهاية جاء قال أنا كوز معروف. طبعًا حكاية كوز دي زي ما قلنا هو كان عايز يستدر بيها عطف الناس عشان يتخارج بيها من زنقته.
المهم، يا م. ج. ياهو ده أنا. منتظرين تورّينا أنا كوز كيف.
Quote: Mohamed Siddig Abdalla obtained a PhD in Linguistics from SOAS, University of London, in 2016, an MA in Bilingual Translation from the University of Westminster, UK, in 2000, and a BA in English language from the University of Khartoum, Sudan, in 1996. He taught English Language and English for Medical Purposes at King Abdulaziz University, Saudi Arabia, and King Khalid University, Saudi Arabia. His research interests revolve around English language teaching, translation studies, applied linguistics, news making and political analysis.
11-10-2022, 06:33 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: ما زال عندي أمل إن الأخوان (م. صديق و: ي. قباني و: ع سيد أحمد) ممكن يهدأوا شوية (المستعجل شنو؟ البلد مليان بوستات ومشاكل تانية) إذن ح لو حصل ح نواصل في توضيح طريقة النظم (كما القاموس) بين الحقيبة والزجلين الحوزي والمملوكي.
اركز يا محمد جمال بعد اكثر من عشرة بوستات عن ان شعر الحقيبة مسروق من الزجل الاندلسي وللآن ونحن فى البوست الاخير عند الصفحة رقم 7 وانت لم تستطيع اثبات دعواك . وبعد دا كوووووووووووووووووووووووولو جاي تقول المستعجلين ليه شنو ؟؟
1 -
Quote: لم أكن أعني أن ابحث في حقيبة الفن.. لا أهتم بها، لا أهتم بها، لا أعرفها إلا مثل كل مستمع غير جيد، علاقتي بالغناء عموماً عادية..
2-
Quote: ومن المادة الاولية التي توفرت لي “مقارنة بالحقيبة” ربما خرجنا بنتيجة مدهشة/مرعبة للبعض ذلك أن كثير من أشعار الحقيبة مستلفة/مسروقة بتصرف أو مباشرة من أغاني الزجل الاندلسي.. اليوم عرضت على عدد من الناس اشعار حقيبة واشعار زجلية فلم يستطع الكثير من الناس التمييز بينهما.
3-
Quote: هل يكون كل ذلك التشابه والتطابق صدفة أم هناك شيء ما غائبا عنا هذه اللحظة؟. ربما، سنرى عبر البحث العلمي المحايد، ولكن إن ثبت أن أغاني الحقيبة مستلفة أو مسروقة كلها أو بعضها وهناك أدلة قوية ترجح هذه الفرضية، فماذا سيكون موقف الناس منها ومن أصحابها؟. لا أدري!.
وفى النهاية فى الصفحة رقم 7 فى البوست الاخير دا لقيناك تقول وتكتب :
1-
Quote: استراحة 2: الحاج محمد احمد سرور - وأنشي شعري و زجلي وموالي في ثناك
Quote: م. ج. يا قباني كان ممكن يكسب كتير لو احتفى بالنقد وجاوب على الأسئلة. تهرُّبه من الأسئلة المطروحة عليهو شكَّك في إمساكه بزمام بحثه، وتكراره الممل لكلامه وأستذته على محاوريه والقراء أضرَّ ببوسته.
المصيبة انه لي يوم الليلة دي مستمر على نفس المنوال .. تهرب .. تكرار ممل .. عنجهية .. و براده ما حصلت ..
اها شوف السؤال الانا سالته 5 مرات ..
م ج كتب بتاريخ 18 سبتمبر 2022 :
Quote: وأهم شيء والذي ربما حيَّر الملاحظ المتأمل أن المناسبتين حدثتا في يوم مناسبة مسيحية وهي يوم عيد الصليب (الفصح أو الفصاح وأصلاً هي الفساح بالعبري) وأن في الحالين (الحبيبة مسيحية الديانة) وان الطيور كانت تغني منشرحة في هذا اليوم الاندلسي الصليبي العجيب الذي تكرر في ام درمان:
ما غنت على الأغصــــان طيور الفصــــــــــــاح (الفصح هو عيد الصليب) ابن قزمان
في الروض غنى العندليب ورددوا غناه الطيور ترتيل أناشيد الحبور وفتيانها يوم عيد الصليب (سيد عبد العزيز)
فجئته بالآتي في يوم 19 سبتمبر اي في اليوم التالي :
Quote: هات دليل ان المقصود بالفصاح هنا عيد الفصح ..
انا في اعتقادي المقصود الكناري و الهزار .. مالم تأتي بما يثبت ان المقصود عيد الفصح ..
و الدليل هنا ليس من وحي تفكيرك .. لانك تخيلت اشياء كثيرة و اعتبرتها ادله ..
هرب و لم يجب حتى تاريخه و نحن اليوم في 10 نوفمبر .. كما لا يخفى عليكم اني كررت نفس السؤال في كل صفحة من صفحات البوست المكرور و لم اجد اجابه ..
سالته ايضا في يوم 22 سبتمبر ما يلي:
Quote: هات دليلك على ما يلي: الدليل الاول اثبات ان طيور الفصاح مقصود بها عيد الفصح .. و ليست طيور الهزار و الكناري ..
ثم هات دليلك ان ابن قزمان كتب ما غنت على الأغصان طيور الفصاح في مناسبة مسيحية و يوم مسيحي و حبيبه مسيحية ..
محمد جمال .. الادلة بمراجع و ليس من خيالك ( الخصب) .. لو سمحت ..
مقارناتك كالقائل: اسرع الحصان و لا ابعد كوستي ؟
و لا حياة لمن تنادي .. كالميت تماما ..
ثم عدت و شرحت ما يلي في يوم 22 سبتمبر ايضا :
Quote: معلومة (جديدة عليك) يا محمد جمال ..
عيد الفصح و عيد الصليب مناسبتين مختلفتين تماما .. و في تواريخ مختلفة تماما ..
عيد الفصح في الربيع و عيد الصليب ١٤ سبتمبر تاريخ ثابت ..
فما تجوط ساكت .. عيد الفصح هو عيد القيامة حين دخول السيد المسيح لاورشليم قبل الصلب (الصلب حسب المعتقد) اما عيد الصليب فهو عيد اعلنته القديسة الملكه هلّانة في علم ٣٢٦ ميلاديه حين العثور على صليب السيد المسيح الذي كان مدفونا و مفقودا .. حينما عثروا عليه معه صليبين اخرين استطاعت القديسة هلّانة التعرف على الصليب و اعلنت ذلك اليوم يوم عيد الصليب و بالمناسبة سيد عبد العزيز لما قال يا مداعب الغصن الرطيب في بنانك ازدهـت الزهور زادت جمال ونضار وطيب
و اضاف
دنت الثريا بقت قريب بين السلوك في تاني دور في ثانية كم سطعت بدور واهلة كان نوعن غريب
السودانيين الاقباط الارثوزكس كانو بيحملو السعف و يمشو الكنيسة احتفالا بعيد الصليب و ثريا شاشاتي صاحبة القصيدة منزلهم مقابل الكنيسة تماما و مكون من طابقين لذلك كتب في تاني دور و اسرة شاشاتي كاثوليكية و لا يحتفلون بعيد الصليب فيبدو انها كانت تحمل فرع نيم من شبك غرفتها فرأها سيد عبد العزيز و كتب يا مداعب الغصن الرطيب
و دنت الثريا (ثريا شاشاتي)
عليك الله ابن قزمان كتب انوارها اخذه بدون سلوك !!
ياخي الشعر و الفن مخزون ثقافي لا يعيب ان يشبه به ..
سيد عبد العزيز كتب هي في الجمال زي يوسف ..
سرق كلام ربنا يعني ؟
و كالعادة يا دكتور .. لقد اسمعت لو ناديت حيا ..
الرجل مولود ميت ..
11-10-2022, 10:40 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
أخ علاء انت رجل محترم وموضوعي قدر ما تستطيع برغم أنني أعرف أن الضية غريبة عليك.. أفهمك وأقدر مشاعرك.
ولم احسبك فعلاً مثل البعض هنا.. لأن البعض اهدفه من أول مداخلة حتى الاخيرة حرف البوست وهي من عادات بعضنا التي لاحظتها في هذا المنبر وعلى وجه العموم.. لذا لا اعتبر ذلك مفيداً للفكرة بل مضر وأسعى بقدر ما أستطيع أن أتجاوز هؤلاء.
ومثال أخونا م. صديق هدفه شخصي كما لاحظت من بوست القواعد.. وقد أخبرته بذلك عديد المرات في ذلك وفي هذا البوست.
قال أنه مدرس لمناهج البحث العلمي في بوست (القواعد) وجاب مادة كتيرة Off point لجعل الآخرين اصحاب جهل بتلك المناهج (إعطاء شرعية للذات) وبعد لأي شديد شطب كلامه كله لانه خارج الموضوع.. شكراً له.
ذلك الزمان رفض يعرف تخصصه.. وسألته فقط لانه قال أنه متخصص في مناهج البحث العلمي وكل السودانيين جهلاء أو عندهم مشكلة مع منهجية البحوث دا سبب السؤال الذي لم يجب عليه غير تاريخ اليوم.. وطلع أنه عنده دكتوراة في اللانغويستك.. تمام.. عنده دكتوراة زي أي زول عنده دكتورارة ليست في مناهج البحث العلمي حصرياً. واضح. ولو مناهج البحث العلمي ليست أمر سري.. فهي متاحة للعموم.
كوز وما كوز.. قلت ليه لانه رفض يعرف نفسه طول الوقت.. ان في زول كتب لي أنو كوز لذا خايف يعرف نفسه.. وكتبت له أنني شخصياً اعتبر كوز تصنيف سياسي (الكوزنة عيبها شنو؟!).. لكن أهتم أكثر بالسلوك.. وقلت له أن سلوكك في بوست القواعد إنتهازي.. والدليل أنه شطب مداخلاته التي كانت خارج الموضوع وتمجد ذاته في المقام الاول.
لماذا اخاطبك انت أستاذ علاء بذلك لأن قباني وهذا م. صديق.. يسعون لحرف البوست بالشخصنة والكلمات النابية كلُ بطريقته وهدفه.
ولذا أنت أيضاً بحسن نية في تقديري منجر معاهم.
هدفهم ليس رفد البوست بفكرة أو رؤية وإنما تخريب وتعفين الأجواء تحت دواعي وبمررات كثيرة مع إدعاء موضوعية زائفة.
هذه المقدمة ضرورية لأنها متعلقة بالنقاط التي طرحتها هنا.. وسأقول ما عندي حولها في المداخلة المقبلة.
معليش دا كان توضيح ضروري لك ولمن يهتم حقاً.
11-10-2022, 10:42 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
1- نتيجة بحث الحقيبة منشورة في كل مكان.. وليس من ضمن نقاطها أن الحقيبة مسروقة أو مستلفة.. المقاطع التي جئت بها أعلاه كانت قبل البحث (كانت في أبريل 2017) والبحث أنتهى في نهاية أغسطس وأعلنت نتائجه في بداية سبتمبر 2017.
وإن وصل البحث إلى أن الحقيبة بعضها مسروق سنقول بذلك في ذات اللحظة والحين لأنه تلك من فرضيات البحث التي تم البت فيها بجانب خمس فرضيات أخرى. الحقيبة عنصر من عناصر الفضاء العام مثلها وكل شيء غير محصنة من النقد والنظر والفحص من أي زول.. طبعاً وأي زول وقناعته.
كان للبحث ست فرضيات معلنة تم إمتحانها جميعاً وفي الضوء وأمام أعين الناس إذ شارك في البحث 35 نفر.. إضافة إلى آلاف المتابعين مباشرة ويومياً.. كان البحث تفاعلياً. شوف إن شئت حيطتي على الفيسبوك ستحد بها آلاف البوستات والمداخلات من أناس ضد الفكرة مية المية والبعض معها ذلك الزمان "ايام البحث" وفي الصحف وفي كل مكان ممكن.
لو أنك أخي علاء قرأت فقط المقالة التي في صدر هذا البوست.. كتير من كلامك دا ما ح تقوله.. ولانه مكرر آلاف المرات ومردود عليه آلاف المرات حرفياً.. في هذا المنبر وفي منابر أخرى وفي التلفزيونات والإذاعات والصحف.. وأهم شيء توجد عديد الروابط في هذا المنبر وفي هذا البوست أيضاً تطرقت لكل النقاط التي ذكرتها الآن. أعرف أنك ممكن مشغول.. لذا أحاول أن أنبهك.
المهم هنا وربما فيه أضاءة لنقاطك:
نتيجة البحث حدثت عبر عدة إجراءات ومراحل مشروحة (ليس شيء واحد أو مرحلة واحدة):
1- ورود كلمة زجل بمعناها الإصطلاحي في أشعار الحقيبة ولم ترد في أي شعر آخر سوداني غيرها 2- النماذج المقارنة أثبتت لنا أن الحقيبة تنتمي لنمطية الزجل (الحوزي/المملوكي) 3- طريقة نظم القصيدة وضح لنا أنها تطابق نظم الزجل 4- المخيال الصور الشعرية هي ذاتها.
تلك الأربعة مراحل مشروحة عبر النماذج التطبيقية التي امامك ومنشورة في هذا البورد من اول يوم في سبتمبر 2017 وحتى تاريخ اليوم نتحدث عنها. ولم يكن بها أبداً أن الحقيبة كلها أو الزجلي منها مستلف أو مسروق بل إبنت على تأثر ومجاراة للزجلين المملوكي والحوزي وفق نتيجة البحث.. وهي منشورة هنا وفي كل مكان.
ولك أن تنظر إليها وتقول برأيك التفصيلي.. وتنقدها كما تشاء وهو المطلوب.. لكن لا الفرضيات التي تم نفيها.
11-10-2022, 10:42 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
ومعلومة مهمة أخرى مهمة أيضاً: أننا كلنا نعرف أن خلال ال 100 سنة التي هي عمر الحقيبة المفترض لم تقم ولا دراسة واحدة معلومة (لم أجد) نظرت في مرجعية الحقيبة من حيث النوع الشعري وبنياته وتفاعليه وأوزان وبحوره ومرجعياته المحتملة من قاموس ومخيال.
نسمع فقط كلامات بس وتصريحات ومقالات مدبجة أن مرجعية الحقيبة في شعر السافل أو المديح أو الخلاوي أو القرآن.. لكن لم يقل لنا أحدُ كيف هو ذلك ومتى إتعملت مقارنات بين الحقيبة وتلك المرجعيات المقول بها (إذن أين؟). مجرد كلام والسلام للأسف.
في حين أن الشعوب التي حولنا عندها دراسات كافية في أشعارها جميعاً.. نحن لا!.
وعبر البحث.. لم نجد للنوع الشعري الحقيبي أي علاقة تذكر بتك المصادر المقول بها كدا ساي بلا أي بت أو مقارنات تطبيقية.
لذا فإنني أعرف أن وجهة النظر التي جاءت في نتيجة بحث الحقيبة غير معهودة وغريبة على خواطر المسلمات السائدة والمكررة لمدة مية سنة.. وبالذات بعد العام 1952 بداية برنامج حقيبة الفن. تلك هي القضية التي أرجو الإنتباه لها.
11-10-2022, 10:49 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
ملاحظة: هذا الموضوع ذاته يناقش في أماكن أخرى أيضاً هذه اللحظة.. ليس هنا فحسب.. وذلك شي كويس.. وهناك بموضوعية أفضل --- لذا مرات زمني شوية.. ولكن هنا حتى أنتهي من النقاط المطروحة وفق الخطة إلا يتعذر الكلام
11-10-2022, 11:27 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
Quote: قال أنه مدرس لمناهج البحث العلمي في بوست (القواعد) وجاب مادة كتيرة Off point لجعل الآخرين اصحاب جهل بتلك المناهج (إعطاء شرعية للذات) وبعد لأي شديد شطب كلامه كله لانه خارج الموضوع.. شكراً له.
Quote: ذلك الزمان رفض يعرف تخصصه.. وسألته فقط لانه قال أنه متخصص في مناهج البحث العلمي وكل السودانيين جهلاء أو عندهم مشكلة مع منهجية البحوث دا سبب السؤال الذي لم يجب عليه غير تاريخ اليوم.. وطلع أنه عنده دكتوراة في اللانغويستك.. تمام.. عنده دكتوراة زي أي زول عنده دكتورارة ليست في مناهج البحث العلمي حصرياً. واضح. ولو مناهج البحث العلمي ليست أمر سري.. فهي متاحة للعموم.
إنت يا محمد جمال الجابرك على الكضب شنو؟
وين ومتين أنا قلت إني مدرس مناهج بحث؟
من الخبرة الطويلة الممتازة في المنابر ووسائط التواصل وفي التعامل مع أمثالك يا محمد جمال، أنا بكبشر أي حاجة عشان لما يكضبوا، أطلّع ليهم المكبشر طوالي. ياهو ده كلامي واضح في آخر جمل في الفقرة الأخيرة في الصورة المرفقة للزول اللي استشارني. قلت ليهو بكل وضوح أنا ما مشرف متخصص (I am not a professional supervisor)ـ، وإنه كلامي ليهو من تجربتي البسيطة كباحث مبتدئ (novice reseracher)، ونصحته يستشير مشرفين أصحاب خبرة (experienced supervisors)، لأنهم حا يدوهو إفادات موثوقة أكتر من تعليقاتي (more reliable supervision).
الكضب شين لي زول باحس زيّك، يا محمد جمال! بعدين إنت زول ما عندك مروءة، لأني شطبت مداخلاتي في بوست القواعد عشان أنتهي من ولولتك، وعشان قلت عايز تعرِد منو، لكن إنت عايز تعمل منها انتصار لذاتك.
Quote: كوز وما كوز.. قلت ليه لانه رفض يعرف نفسه طول الوقت.. ان في زول كتب لي أنو كوز لذا خايف يعرف نفسه.. وكتبت له أنني شخصياً اعتبر كوز تصنيف سياسي (الكوزنة عيبها شنو؟!).. لكن أهتم أكثر بالسلوك.. وقلت له أن سلوكك في بوست القواعد إنتهازي.. والدليل أنه شطب مداخلاته التي كانت خارج الموضوع وتمجد ذاته في المقام الاول. لماذا اخاطبك انت أستاذ علاء بذلك لأن قباني وهذا م. صديق.. يسعون لحرف البوست بالشخصنة والكلمات النابية كلُ بطريقته وهدفه.
ههههه بالله ده كلام يدخل العقل؟ ياها عادتك. إنت بس عشان أنا ما عرّفت نفسي تمشي تلفح كلام زول وتجي تكبّوا هنا وتتهمني بالكوزنة. طيب إنت لو ما شايف الكوزنة نبزة ذاكرها لي شنو أصلاً؟ قال عيبها شنو قال ههههههه ما جديدة عليك. إنت طلّعت شعراء الحقيبة حرامية وناس عقد الجلاد سرّاقين ألحان ما تطلعني أنا كوز؟
بعدين جيب لي كلمة واحدة نابية أنا قلتها ليك رغم ردحك وشتائمك لي المرصوصة في البوست ده. أما كضبك، فياهو مثبت بالدليل.
11-10-2022, 11:50 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
Quote: لم أكن أعني أن ابحث في حقيبة الفن.. لا أهتم بها، لا أهتم بها، لا أعرفها إلا مثل كل مستمع غير جيد، علاقتي بالغناء عموماً عادية.
البحث أستاذ علاء لم يكن في غناء الحقيبة (اللحن والأداء والموسيقى) بل فقط في النوع الشعري ومرجعياته والظروف الإجتماعية والسياسية والتي نشأ بها.. ودا من شغلي وإهتمامي وتخصصي .. والتقطيع العروضي منذ الصغر كان من هواياتي.. معليش للشرح المتعلق بالذات.. مضطر لان الكلام دا تكرر كتير من زمان.. وبرد عليه نفس الرد وتاني بتكرر بشكل مستمر.. تلك هي القضية
11-11-2022, 00:00 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
Quote: هو التقطيع العروضي ده مش مزّقنا فاتورته زمان وإنت أدّيته صفر%، وما قدرت تثبته؟ تاني جايب سيرته ليه؟
هسا نحن نجاوب ليك على حاجاتك الشخصية ولا الصفر!... دا ما سؤال .. مافي جدل معاك.. فقط طلب أدناه.
انت نجحت تغرق البوست بالمناسبة بطرح أي كلام شكلاني كتير مستمر وشخصاني.. لان بعد كل عكة فارغة زي دي.. بحاول أرجع النقطة الأساسية عبر التكرار وإجو الأبرياء يلوموني (دون جدوى).. بكرر عشان احاول أمتص تلك الطاقات السلبية التي تملأ الأفق.
طلب: حاول إتخارج من هنا مؤقتا.. ما عندي وقت ليك قلت ليك الكلام دا عدة مرات لو بتفهم من اول البوست دا حتى اللحظة.. دا بوست فاتحه أنا لهدف معلن.. امشى افتح بوست خاص بيك وسوي فيه الدايرو Please
11-11-2022, 00:33 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
تاااااااااااااااااني حقيبة الفن !؟ البوستات السابقة حاولت قدر الاستطاعة ان اجد لك مخرج ولكن لقيت منهجك لا هو : - منهج استقرائي - بمصادر للموضوع من شعر الزجل لنقارنه بالحقيبة . ولاهو : - منهج استنباطي - يمكن استخلاص المعاني والافكار من شعر الزجل للوصول الى نتيجة منطقية . حتى تصل لنتيجة منطقية فى المسألة لابد وان تتعمق فى دراسة الحقيبة اولاً من ناحية : المؤثرات الاجتماعية والسياسية والدينية والثقافية على شعراء الحقيبة . لان ذلك سيكون زاداً لك عند دراسة شعر الزجل ومقارنته بالحقيبة .
عزيزي الباحث محمد جمال بعيداً عن التكرار في محتوى البوست، في حاجات جانبية برضو ظللت تكررها وهي أشياء لا تليق بباحث في مقامك. مثلاً
Quote: لكن إذا الاجواء فارغة لأمثال الامثلة التي لا تريد السماع ولا عندها صبر لإكمال أي فكرة أي كانت.. فغالباً بخلي ليهم البوست
باحث في مقامك حري به أن يوضح فكرة البحث قبل تقديم الأدلة التي تدعم الفكرة. لأن الأدلة تقدم لدعم فكرة واضحة وليس من معنى لتقديم أدلة لدعم فكرة معتمة. بالنسبة لمعجبنك قد يكون شيء محبط جداً أن تقر وتعترف بفشلك في إيضاح فكرتك رغم كل المداد الذي أسلته (7 صفحات). وبالمناسبة الباحث الجيد هو من يوصل فكرته ويقدم الأدلة عليها بطريقة مختصرة تحترم زمن عزيزك القاريْ. يعني حكاية 6000 صفحة دي إذا إنت جادي فيها بتبقى عدم شغلة منك ساي.
Quote: لست في حالة دفاع عن النماذج المطروحة هنا ولا اي شي
أيضاً لا يليق بباحث في قامتك ومقامك أن يستعلي ويترفع عن الدفاع عن محتوى بحثه. فالأبحاث أصلاً تقوم على الفكرة والفكرة المضادة. وأيضاً لا يليق بباحث في قامتك ومقامك أن يسئ إختيار مكان نشر بحوثه.. هنالك العديد من المواقع التي تتيح لك نشر بحثك دون أن تتطلب منك التفاعل مع القارئ وكان بإمكانك أن تنشر بحثك فيها. أما منبرنا هذا فما يميزه هو التفاعل. فإذا كنت لا تريد الدخول في جدل مع القارئ وترى أنك في مقام أرفع منه وجدله لا يفيدك بشئ فقد أخطأت إختيار موقع النشر. وإختيار موقع النشر ومراعاة قواعده يعتبر من المهارات الأولية للباحث. إفتقارك للقدرة على إختيار موقع للنشر لا يليق بباحث في مقامك.
11-12-2022, 08:44 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
Quote: أيضاً لا يليق بباحث في قامتك ومقامك أن يستعلي ويترفع عن الدفاع عن محتوى بحثه. فالأبحاث أصلاً تقوم على الفكرة والفكرة المضادة.
للأسف دا غير صحيح.. لا توجد هنا فكرتين مطروحات من أي من الأعضاء.. بل هناك محاولة فقط مضادة للفكرة المطروحة.
ح أشرح النقطة دي تاني.. هنا عندنا فكرة مطروحة أن الحقيبة زجل مملوكي وجئت بأدلتي التي عندي وما أزال أفعل (لم أنتهي بعد) وأن رواد الحقيبة كانوا يعلمون وجئت بالأدلة التي عندي. دا محتوى البوست.
الطرف المضاد لم يأتي مثلاً بنماذج مقارنة مضادة للتي عندي مثلا: من أشعار السوداني القديمة أو المديح أو القرآن أو الخلاوي (الفكرة السائدة أن تلك هي مصادر الحقيبة).
الجدل يقوم بين فكرتين مطروحتين معا.. هنا فكرة واحدة وهناك أناس ضدها.. حق.. لكن أنا دوري في هذه الحالة أن أوضح فكرتي لا أن اتعارك مع الإتجاه المعاكس.
إن لم تفهمني ح أشرح تاني وأظنك تفعل!.
سأعود لاحقاً بالمزيد.. كل الود
11-12-2022, 08:48 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
لا أدعي مقام.. أصلاً أشتغل خارج أي مؤسسة أو دولة.. بفضل ظروف السودان المعلومة.. هو جهدي الخاص. مهما كانت فائدته أو مساهمته في إضاءة الموضوع.
Quote: باحث في مقامك حري به أن يوضح فكرة البحث قبل تقديم الأدلة التي تدعم الفكرة.
حاولت توضيح فكرة البحث كل الوقت هنا في هذا البورد وفي كل الأماكن الممكنة.. ثم حاولت تقديم الأدلة التي عندي ومازال أفعل هنا وفي كل الأمكنة الممكنة الأخرى: مثل الفيسبوك والواتساب والراكوبة زمان إلخ.. قبل الثورة وتحديداً بعد أبريل 2019 وحتى تاريخ الإنقلاب 25 أكتوبر العام المقبل.. بعدها طرحت الفكرة في تلفزيزن السودان وفي سودانية 24 وفي عدد من الصحف السودانية وعملت سلسلة ندوات في الخرطوم حضرها: كتاب سودانيين وشعراء ونقاد وأدباء وناقشوا الفكرة في حضور إعلامي كبير.. وكان سكرتير الكتاب السودانيين حضور وأعضاء اللجنة وغيرهم.
بحاول أوضح ليك أنني عملت جهدي وتعاون معي الكثيرين في توضيح فكرة البحث وكيفية الوصول إلى النتيجة.
وناقشني الحقبنجية الكبار (لهم التجلة والإحترام) زمن طويل أمثال عبد الحفيط محمد ومهند حامد ونسرين عبد الهادي (والدها عنده مؤلف عن الحقيبة).
كما ناقش نتيجة البحث شعراء وأدباء ومشتغلين بالموسيقى والفن وبالتاريخ والأنثروبولوجيا أمثل:
الشاعر عبد المنعم الكتيابي والطيب نور الله وعثمان حامد سليمان (يعرف دميتري البازار شخصيا) وحاتم الياس وعثمان عجبين (مثال).
وناقشني ثلة من المثقفين والإعلاميين منهم وزير الثقافة السابق فيصل محمد صالح (وشارك معه في تقطيع قصيدة بنونة ما هو الفافنوس) .. مجرد مثال لا حصري.
وفتحت آلاف البوستات "آلاف حرفياً" من أصدقاء ومهتمين وحقبنجية وأم درمانيين متطرفين:
لكنني لم أجد أبداً نقاش غير موضوعي مثلما هو حادث في هذا البوست.. منابذ وألفاظ وحرف للبوست وعك غير منتهي.
وقد أشار إلى ذلك أخونا أمين محمد سليمان في مداخلة سابقة وأقترح علينا مقترح محدد وأنا ما أزالاعمل به ما أمكنني.
11-12-2022, 08:53 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
Quote: باحث في مقامك حري به أن يوضح فكرة البحث قبل تقديم الأدلة التي تدعم الفكرة.
مثلاً حافظ دي أمثلة لمحاولة توضيح الفكرة:
نتيجة بحث الحقيبة دفعة واحدة من جديد.. ادناه 16 رابطا لعدد من الكتابات والفيديوهات واللقاءات التي تمت حول بحث حقيبة الفن دفعة واحدة هنا أدناه لمن سأل.. ولاثراء الحوار الجاري حول تراث وثقافات سكان السودان. مراجعة الذات والتراث:
4) قواعد اللغة العامية السودانية.. واهمية ذلك عشان نعرف نقرا شعرنا العامي صاح وعشان نغني غناوينا صاح ومنها الحقيبة وعشان نتكلم صاح وعشان نعبر عن نفسنا صاح وعشان العلم بالشيء.. فيديو عفوي: قواعد اللغة العامية الوسطسودانية
8) قراءة في مناحة رقية (بتريد اللطام) .. قصيدة سياسية ايديولوجية بجدارة! https://m.facebook.com/story.php؟story_fbid=10214000083179885andid=1344875921https://m.facebook.com/story.php؟story_fbid=10214000083179885andid=1344875921
12)- حلقة سودانية 24 كاملة حول حقيبة الفن (مراجعة الذات والتراث) وحول راهن الثورة ومستقبل السودان.. مع محمد جمال الدين ومشاعر عوض الكريم.. رابط مرفق من يوتوب: https://youtu.be/JCBY44wlEuIhttps://youtu.be/JCBY44wlEuI
13)- الحلقة التاسعة: أسرار حقيبة الفن السودانية ونظرة في نوعها الشعري وصراع الفنون من صراع السياسة والذات.. حديث لايف والرابط مرفق ملاحظة هااااامة: هناك فراغ في التلاتة دقايق الأولى ويبدأ الفيديو..
14)- الحلقة 14: نظرة فنية وتقنية في شعر وغناء شعوب السودان القديم والحديث وال"حقيبة" (أمة لا تعرف شعرها لا تعرف نفسها.. وذلك سبب ونتيجة للأزمة الوطنية والحضارية الشاملة)!.
15)- كارثة الحقيبة أفسدت زيارتي للسودان بعد 26 سنة من الغياب القسري.. ولكن ما أجمله من فساد https://m.facebook.com/story.php؟story_fbid=10221797067059609andid=1344875921https://m.facebook.com/story.php؟story_fbid=10221797067059609andid=1344875921
16)- حقيبة الفن السودانية شديدة الإبهار ومنوعة! إذاً كيف نفرز زجل حقيبة الفن السودانية من أشعار الحقيبة الأخرى وبل من الانواع الشعرية الاخرى مطلقا؟!.
وذلك على سبيل التحية ولعل المهتمين منا يثيرون حوارا بناءا نتعرف من خلاله على ادابنا وفنوننا وتراثنا بصورة اكثر موضوعية وعلمية بقدر المستطاع بعيدا عن الخرافة التي صبغت حياتنا العامة في جميع المجالات مما قاد الى الفشل المشهود .. شكرا لصبركم معي صحاب
11-12-2022, 09:02 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
من تجربتي 5 سنوات تعلمت أن الناس تلات أقسام حول نتيجة البحث:
1- أصحاب المسلمات (ديل جلهم قاعدين في حتتهم مكانك سر كل الوقت) وشغلهم كلو نبذ وإستهتار ولا موضوعية.. سمعت منه الآلاف.. حالة سودانية أظنها معلومة!
2- ناس لسا عايزة تفهم القصة (وديل الأنا بحاول أشرح ليهم كلما أستطيع)
3- ناس رأت الفكرة معقولة ومقبولة (وديل طالب منهم المضي بها إلى الأمام ونقد وتتميم الفكرة وإكمالها والمضي إلى الأمام في معاينة الذات والتراث.. وهو يحدث لحسن الحظ).
--- وأعرف أن الموضوع يحتاج مزيد من الصبر كمان الزمن هو الفيصل.. قبل خمس سنوات من الآن لم يكن هناك بحث حقيبة والآن أفضل من قبل خمس سنوات وبعد خمس سنوات مقبلة الرؤية ستتضح أفضل طبعاً.. فكل يوم يمر يصب في مصلحة جلاء الرؤية!
عبدالحفيظ مريود يكتب بدون زعل... بخاف أسأل عليك الناس..
في عهد التركية، كان هناك" شيخ" مسؤول عن الشواذ جنسيا، فى الخرطوم. أورد محمد سيد أحمد في ذلك في كتابه "تاريخ الخرطوم". كانوا منظمين وعندهم قضايا ومسائل مقلقة. فيما بعد تم حذف المعلومات من الطبعات الجديدة من الكتاب. بعضهم ذهب إلى أن أحفاد ذلك "الشيخ" تحسسوا من بقاء اسم جدهم بهذه الصفة في الكتاب. ثمة أضرار غير محتسبة. جري التعامل مع وثيقة مهمة بشيئ من التبعيض. وهى كتاب داوود روبيني، الذى زار مملكة سنار سنة ١٥٢٠م. أي بعد سنوات قليلة من تأسيسها. روبيني زار سوبا، وقابل فيها عمارة دنقس، وقام بوصفه، ووصف سيطرته الكاملة. وخلال شهرين قضاهما في سوبا، لم يلحظ ان لعمارة دنقس شركاء، ولم يأت على ذكر عبد الله جماع، ولا "عرب القواسمة" ،الذين - حسب ما درسنا من تأريخ - كانوا أصحاب الفكرة في تأسيس السلطنة، والقدح المعلي في ذلك الحلف. واجه يوسف بدري مشقة في إخراج كتاب "حياتي" لبابكر بدري. كان عليه أن يقوم بالتتقيح، حسب المتناقل بين الامدرمانيين. فالشيخ بابكر بدرى كان صادقا في كل شيئ، ومستقيما كالسيف. شهادته ستلحق أضرارا بأحفاد رجال ونساء وردت أسماؤهم في الكتاب. الجميع يذكر سرقة دار الوثائق القومية، قبل عام أو يزيد. المفقودات قوائم السودانيين الذين كانوا يتعاملون مع الإنجليز، ويتجسسون لصالحهم. شايف كيف؟ هل تشكلت ذاكرتنا، وتصوراتنا عن الماضي السوداني، وفقا للمناهج المتأثرة بإبعاد الأضرار الجانبية عن كل شيئ؟ الغناء الرفيع الذي كتبه الأفذاذ : عوض احمد خليفة، حسين بازرعة، حميدة ابو عشر، ود القرشي ما هي الحقائق والاسماء والحمولات التي تقف وراءه؟ هل هي مهمة، وإلى أي درجة، فى قراءة المجتمعات؟ ما هي الخسارات الفادحة التي تكبدناها، لأن ثمة أضرارا جانبية يجب أن نتجنبها؟ هل نحن بناء هش، بسبب تطييب الخواطر، المجاملات، المداراة على كافة الاصعدة : إجتماعيا، ثقافيا، سياسيا، وحتى أكاديميا؟ هل نحب تصديق الأوهام في كل شيئ، كشعب متسيب جدا، وكسول حدا؟ لماذا قامت الدنيا ولم تقعد لأن البروفسير سامية بشير دفع الله، مثلا، أستاذة التاريخ القديم بجامعة الخرطوم، أثبتت أن الحضارة كوشية، وليست نوبية، وأن النوبيين استقروا على النيل في القرن الأول الميلادي؟ لماذا نحب أن ندفن رؤوسنا في الرمال دائما؟ هل نخاف من اكتشاف حقيقة ذواتنا؟ هل تقلقنا صورتنا في المرآة إلى هذا الحد؟ ولماذا أخاف أن أسأل عليك الناس؟ إذا كنت تخشي العار في كل خلوة * فلم تتصباك الحسان الخرائد؟ أو كما قال المتنبى العظيم. *ملحوظة:- أمتلك النسخة الاولي للكتاب
11-12-2022, 09:30 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
Quote: الطرف المضاد لم يأتي مثلاً بنماذج مقارنة مضادة للتي عندي مثلا: من أشعار السوداني القديمة أو المديح أو القرآن أو الخلاوي (الفكرة السائدة أن تلك هي مصادر الحقيبة).
ياهو ده دليل على إنك ما عندك أي علاقة بالبحوث. الطرف التاني ما عنده أصلاً افتراضات عشان يثبتها.
Quote: لا أدعي مقام.. أصلاً أشتغل خارج أي مؤسسة أو دولة.. بفضل ظروف السودان المعلومة.. هو جهدي الخاص. مهما كانت فائدته أو مساهمته في إضاءة الموضوع.
ما عارف ليه إنت كل مرة بتقول إنك ما شغال بدعم من الدولة أو أي مؤسسة؟ وما عارف ده علاقته بالمقام شنو؟
معظم الباحثين شغالين بعيدًا عن الدولة المؤسسات وبتعمل بحوثها بمواردها الخاصة. أغلب السودانين في الخارج، على سبيل المثال، بيدرسوا في ظروف صعبة رغم إنهم بيعولوا عائلاتهم الصغيرة بالإضافة إلى عائلاتهم الكبيرة والممتدة في السودان.
Quote: حاولت توضيح فكرة البحث كل الوقت هنا في هذا البورد وفي كل الأماكن الممكنة.. ثم حاولت تقديم الأدلة التي عندي ومازال أفعل هنا وفي كل الأمكنة الممكنة الأخرى: مثل الفيسبوك والواتساب والراكوبة زمان إلخ.. قبل الثورة وتحديداً بعد أبريل 2019 وحتى تاريخ الإنقلاب 25 أكتوبر العام المقبل.. بعدها طرحت الفكرة في تلفزيزن السودان وفي سودانية 24 وفي عدد من الصحف السودانية وعملت سلسلة ندوات في الخرطوم حضرها: كتاب سودانيين وشعراء ونقاد وأدباء وناقشوا الفكرة في حضور إعلامي كبير.. وكان سكرتير الكتاب السودانيين حضور وأعضاء اللجنة وغيرهم.
بحاول أوضح ليك أنني عملت جهدي وتعاون معي الكثيرين في توضيح فكرة البحث وكيفية الوصول إلى النتيجة.
وناقشني الحقبنجية الكبار (لهم التجلة والإحترام) زمن طويل أمثال عبد الحفيط محمد ومهند حامد ونسرين عبد الهادي (والدها عنده مؤلف عن الحقيبة).
كما ناقش نتيجة البحث شعراء وأدباء ومشتغلين بالموسيقى والفن وبالتاريخ والأنثروبولوجيا أمثل:
الشاعر عبد المنعم الكتيابي والطيب نور الله وعثمان حامد سليمان (يعرف دميتري البازار شخصيا) وحاتم الياس وعثمان عجبين (مثال).
وناقشني ثلة من المثقفين والإعلاميين منهم وزير الثقافة السابق فيصل محمد صالح (وشارك معه في تقطيع قصيدة بنونة ما هو الفافنوس) .. مجرد مثال لا حصري.
وفتحت آلاف البوستات "آلاف حرفياً" من أصدقاء ومهتمين وحقبنجية وأم درمانيين متطرفين:
هههههه وشغلك وهيلمانتك دي كلها عملتها قبل ما تنشر بحثك؟ هل في بحث بيناقشوهو قبل ما يُنشر كاملاً؟ يعني الناس ديل كلهم ناقشوك على خرمجاتك المبعثرة دي؟
11-12-2022, 09:39 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
Quote: هههههه وشغلك وهيلمانتك دي كلها عملتها قبل ما تنشر بحثك؟ هل في بحث بيناقشوهو قبل ما يُنشر كاملاً؟ يعني الناس ديل كلهم ناقشوك على خرمجاتك المبعثرة دي؟
تصور الناس البليدة دي كلها عملت كدا يا أبو العلوم!
--- دا ما بحث أكاديمي عشان يأخدوا الول بيه درجة أكاديمية عبر نقاشه في قاعة الدرس.. المهم منه في المقام الاول نتيجته وأدلتها.. وهي أمام الناس.. والناس ناقشتها بالفعل.. حاول أخونا أهدأ شوية أو افتح بوست خاص بيك.. ما تسكنا بشوية الأوهام دي كل مرة وأنك عارف مناهج البحث لانك عملت دكتورة سنة 2016م.. بتستثمر جهلك في جهل الجاهلين.. حاول إتخارج شوية عليك الله كفاك عك في الفارغة
11-12-2022, 10:17 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
بمسك الناس ما يسمونه في العك السياسي (ضنب الككو) مثلاً أعترض على أن البحث 6000 صفحة بحجة أن مافي بحث كدا (دا وهم) هو بقصد البحث الأكاديمي لانه مصمم للتدريب على البحث العلمي لذا إسمه الأكاديمي وليس العلمي عشان تاخد عبره درجة أكاديمية تسمى دبلوما أو بكلريوس أو ماستر أو دكتوراة "ليس إلا" عشان تقدم بيها للشغل أو تبقى استاذ.
البحث المسمى علمي ما عنده عدد صفحات محددة ممكن يكون 100 وممكن يكون مليون (لا حدود). لا توج قاعدة محددة في عدد الصفحات.
ويحكم البحث العلمي بنتيجته.. يعني "مثلاً" نقول مثلاً إذا وكالة الفضاء الأمريكية عملت بحث في الغلاف الجوي لكوكب زحل (بدوك الخلاصة ما الإجراءات) أو هوبكنق في أمريكا عملت بحث في دماغ البشر بدوك برضو الخلاصة بناءاً على وعدد العينات التي فحصوها ما الإجراءات التي عملوها (ليست ذات أهمية) أو ذلك موضوع آخر فما يهم الناس هو الخلاصات لا الإجراءات.
لماذا عدد صفحات البحث كتيرة.. لأن القصيدة الواحدة من الحقيبة مع مقارنتها بزجلية حوزية مثلاً.. قد تاخد 50 صفحة:
1- القصيدتين معاً للقراءة (مثلاً في بنانك أزدهت الزهور لسيد عبد العزيز وفاح الزهر لإبن قزمان)
2- القصيدتين معاً مقارنتين في القاموس (المفردة) 3- القصيدتين معاً مقارنتين في حسب طريقة النظم.
4- تفاعيل قصيدة الحقيبة وبحرها المحتمل
أعني قصيدة واحدة ممكن تاخد 20 أو 70 صفحة في المتوسط 50.
دا السبب.. لان البحث في مجال نظري وليس في الفيزيا أو الكيمياء مثلا.. أثق أن الذين يعرفون يعرفون.
--- عشان كدا بقول لزي أخونا محمد صديق دا يفتح بوست خاص بيه يحلل ويفكك ويهدم فيه هذا البحث الوهمي "البسيط" في نظره.. لما لا.. بس هنا بحرف ويغرق البوست .. ولو أصر ما عندنا شي نعملو غير الصبر
11-12-2022, 10:44 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
Quote: تصور الناس البليدة دي كلها عملت كدا يا أبو العلوم! --- دا ما بحث أكاديمي عشان يأخدوا الول بيه درجة أكاديمية عبر نقاشه في قاعة الدرس.. المهم منه في المقام الاول نتيجته وأدلتها.. وهي أمام الناس.. والناس ناقشتها بالفعل.. حاول أخونا أهدأ شوية أو افتح بوست خاص بيك.. ما تسكنا بشوية الأوهام دي كل مرة وأنك عارف مناهج البحث لانك عملت دكتورة سنة 2016م.. بتستثمر جهلك في جهل الجاهلين.. حاول إتخارج شوية عليك الله كفاك عك في الفارغة
قررقرقرقر
برضو ما عندك أي علاقة بالبحوث، يا محمد جمال. معرفة مناهج البحث ما بتفاخروا بيها لأنها ضرورية لأي باحث زي ما قلنا ليك قبل كده. المشكلة إنك بتتشابى للبحوث وإنت قاعد كنب في طرائق إعدادها. إنت لو عايز تبقى نجّار وما عندك عدَّة النجارة عمرك ما حا تبقى نجّار. ياهو ده حالك ببساطة شديدة.
Quote: مثلاً أعترض على أن البحث 6000 صفحة بحجة أن مافي بحث كدا (دا وهم) هو بقصد البحث الأكاديمي لانه مصمم للتدريب على البحث العلمي لذا إسمه الأكاديمي وليس العلمي عشان تاخد عبره درجة أكاديمية تسمى دبلوما أو بكلريوس أو ماستر أو دكتوراة "ليس إلا" عشان تقدم بيها للشغل أو تبقى استاذ.
تصنيفك المنجور بتاع أكاديمي وعلمي ده هروب ساي منك يا محمد جمال زي ما قلنا قبل كده. أمشي أقرأ البحوث بيعملوها كيف في الأول، ونتمنى ليك محاولات موفقة في المرات الجاية.
11-12-2022, 11:18 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
البحث الأكاديمي هو أول خطوة للوصول للبحث العلمي، ولكن لا نُجزم بأن البحث الأكاديمي يمكن أن يرتقي للبحث العلمي، حيث إن فكرة البحث العلمي الذي يكون مختص في مجال معين غير فكر الطالب، فهدف الطالب خلال هذه المرحلة هو الاستفادة وتعلّم كل جديد، ولكن هدف المختص إفادة الجميع والاستفادة أيضاً.
هذا الرابط: https://www.bts-academy.com/blog_det.php؟page=1877andtitle=%D9%85%D9%81%D9%87%D9%88%D9%85_%D8%A7%D9%84%D8%A8%D8%AD%D8%AB_%D8%A7%D9%84%D8%A3%D9%83%D8%A7%D8%AF%D9%8A%D9%85%D9%8Ahttps://www.bts-academy.com/blog_det.php؟page=1877andtitle=%D9%85%D9%81%D9%87%D9%88%D9%85_%D8%A7%D9%84%D8%A8%D8%AD%D8%AB_%D8%A7%D9%84%D8%A3%D9...AF%D9%8A%D9%85%D9%8A
11-12-2022, 11:41 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1707
إنت عايز تبرطع على كيفك. نصيحتي ليك ما تضيّع زمنك وأحسن تمشي أتعلّم طرائق إعداد البحوث في الأول. لكن زي ما قلت ليك إنت مشكلتك ما في عدم إلمامك بطرائق البحث بس. إنت تفتقر إلى مهارات التفكير المنطقي، وأساليب الإبانة، والترتيب وتنظيم الأفكار. حاجاتك دائمًا جايطة وما ملمومة وأفكارك سطحية وساذجة في كتير من الأحيان.
11-12-2022, 11:51 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5472
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد جمال الدين
محمد صديق عبد الله
يحي قباني
Khalid Basheer
علاء سيداحمد
Hafiz Bashir
فيس بوك
تويتر
انستقرام
يوتيوب
بنتيريست