|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: عطية المحسي)
|
Quote: اي زول قال (جوان ) يجي بي جاي..
|
هووووى ... ياعطية.! تسمو ساااااكت كدا.؟؟ جوان بنتى دى ماعاجباكم .؟ الأسم دا لبنتى ... لو ود الصائم داير يسمى بنتو جوان يجى الخرطوم هنا ... ويأخد الأذن مننا ... كلام الاسافير دة مابينفع معانا ... وبعدين الأسم دا اخترتوهو هنا قبل سنة... تانى تجوا تختارهو ..! ياعمكـ حقوق الأسم محفوظة عندى ... ولووو سمحتوا شوفوا ليكم اسم تانى غير اسم بنتى
اللذيذة ناس قرايبنا فى جبرة سموا بنتهم جوان ،، حبوبتها زعلت ومشت شاكلتهم وقالت ليهم ليييية تسموا على بت ولدى ... ياااا الله اقنعوها انو بنتهم اسمها جوانا ما جوان ... حتى بعد داك باركت ليهم بنتهم
| |
|
|
|
|
|
|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: محمد المسلمي)
|
Quote: اولاً بالتبادي الف الف الف الف الف مليون مبروك تتربى في عزكم بإذنه تعالى...
تانيا بالتواني... عيبو لي إسم إيمان... مالو ما إسم سمممممممممح... وكل الناس البتسمو بيهو بيكون سمحين خلقة واخلاقاً... |
ست البنيات .. ميادتنا! تسلمي والله يباركـ فيكـ! إيمان مية مية أصلوا ماف زيو زاتو! كـدي نشوف نوع الحلاوة بعدين نفصل في الموضوع دا! تسلمي والله ويديكـ العافية
| |
|
|
|
|
|
|
Re: الف الف مبروك (...ان محمد عبدالماجد الصايم) .. (مطلوب تكمله للاسم) (Re: jini)
|
بسم الله ماشاء الله ..
الف مبروك يا اخوى بنية السرور .. جعلها الله من الصالحات البارات العابدات .. اعنكم الله على الاحسان اليها واخواتها ..
فرحان ليك والله ..
سلامات يا داليا ..
Quote: ود الصايم عندو بنتين (روان وليان) .. مطلوب اسم ينتهي بالالف والنون .. ساعدونا بالصفقه والاقتراحات .. |
غايتو لو كان ولد كنا قلنا بمبان
عشان يطلع ولد حراااااق كدا زى ابوه ..
| |
|
|
|
|
|
|
|