كبيرة وفي بيت عزاء ولازمه السرير وبتتحرك بالمشايه ..جابو ليها الفطور ولانهم ضابحين ادوها صحن كبده ناولتو ليها واديته كبايه مويه قالت لي اتفضلي قلت ليها افطري انتي انا بفطر حلفتني شلته من صحنه لقمه قالت لي جيبي لي حته قراصه انا الكبده دايره المها لي مرة ولدي ..قلت ليها اكلي انتي مرة ولدك بتفطر قالت لي لا انا كفي الاكلتو زمان ..حشت الكبده في عيشه وجبته ليها فطور ومشيت علي شغلتي مع النسوان وجات مرة ولدها والاوضه صغيره ونسيبته مافي زول شايفه الا عيني انا الشافته ..وربنا سبحانه وتعالي يشهد ..سلمت علي نسيبته ومسحت يدها بي موية ورجعت لي نسيبتها شعره لي ورا ..وطلعت خمار ربطت ليها شعره .. طلعت جلباب نضيف وملصت منها قميصه وغيرت ليها ..شالت زيت بيبي اويل كبت شويه وانا غضيت طرفي وبقيت اعاين بعيد مسحت ليها جسمه جوه وهي بتتونس معاها ..انا الدموع غطت عيوني دنقرت تحت قشت ليها شبشبه بالمنديل يسالني الله الشبشب فيه بزقه بس قشتو وجدعت المنديل في السله ..نفضت ليها السرير وبتسا ل فيها مشيتي الحمام اللليله وتناجي فيها التقول بتتكلم مع والدته ..مشيت لي حلتي وجيت سلمته عليها قالت لي تعالي سلمي دي مرة ولدي سلمته عليها قلت ليها الحاجه دي خالتك او عمتك خلاف نسيبتك قالت لي والله امي دي جابتني ليها القسمه لكن مافي قرابه بتقول ليها امي ..مافي محبه بتجي ساي المحبه عندها اسبابه ..الحب مامحتاج اعياد وزهور وورود والوان حمراء الحب بنزرعو جوانا محبه ورحمه والوان من الايثار ونكران الزات والانسانيه الصرفه ..اعجبتني رفقتها واصريت اتغدي معاها في الغرفة الصغيرة وبصحبت نسيبته ودي اجمل رفقة بعض الاشخاص يمنحونا قبسات تضيء دواخلنا وترقق مشاعرنا وتمنحنا الكثير لنفكر به ..الحب ليس يوما نحتفي به مع شخص جمعتنا به القسمه بل مشاطرة الود والرحمه مع من يخصه اقرب الاشخاص اليه من انجبته وصار محبوبا نتسابق للاحتفال معه في يوم واحد من العام .. الحب فعل يرافق الاخرين ويمنحهم الق وبريق وثواب وحسنات عند المولي عز وجل .. منقول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة