لكي لا ننسى

Quote: كان حا يكون عدد ضحاياكم اكتر انت قايل الشعب ما عارف انكم انتو النفذتو التخريب والسرقة دي طيب اذا كان ديل افراد متفلتين من الشعب عملو كدا تقدر تقول لي ولا ضحية واحدة سقطت في اليوم الاول وحتى لو سقطت ضحية في اليوم الاول لم تسقط في اماكن التخريب انتو يا وائل قايلنا لابسين قنابير وللا شنو. انتو ناسين الخطة الخبيثة الحصلت في يوم الاثنين الاسود (مقتل القائد جون قرنق) انتو ناسين انو حكومتكم الرسالية سبتت الشرطة في مراكزها واعطت تمنية ساعات لكي يحدث اكبر قدر من الخسائر في الارواح والممتلكات ودا غرضو كان معروف لانكم اخبث من الشيطان . لكن هناك الكثير من ابناء الشعب يعي تماماً ما تخططون له ولكم بالمرصاد في اليوم الاول يا وائل التخريب تم على ايدي عصاباتكم البتدربوها في ارض المعسكرات في سوبا. اذا عايز تنكر الكلام دا عليك بتبرير عدم سقوط اي ضحايا في مواقع التخريب في اليوم الاول. لماذا لم تقتلو المخربين مع انهم كانو مكشوفين للشرطة وكلاب الامن في محطات الوقود وفي اماكن اخرى زي امنجيتكم الكسرو الصراف الالي ودي كمان ما علقت عليها مالك خجلان.. هذا لانهم لحمكم ودمكم وينفذون اوامر اسيادهم المجرمين مثلهم وبعد اليوم الاول رجعو الى ثكناتهم بعد اداء المهمة بنجاح سالمين وقبضوا تمن اخلاصهم بالتاكيد وفرغتم انتم لقتل الشرفاء داخل الاحياء السكنية بدم بارد وبدون ضمير هذا ديدنكم ايها الجبناء تتخفون وراء الاسلحة وحينما تنزع منكم يحدث مثلما حدث في الحماداب الشهداء كلهم سقطو في الايام التالية وكلهم كانو وسط الاحياء السكنية في مظاهرات سلمية ولا يحملون في ايديهم مجرد حصحاصة . وبرضو عايز تبرر