الخارطة الشيعية في السودان -النسخة2-المخطط والاستراتيجية

Quote: Ahmed Alhadiالأخ عماد أنا سني الفيديو الفوق بتاع متصلة تحرج الشيخ بخصوص زواج المتعة، رأي الشيخ فيهو واضح ( مالم تاخد إذن وليها يبقى زواج باطل ) يعني زيو وزي الزواج العادي. بالنسبة للمتداخلة في النهاية ممكن يكون الزول الطلع الفتوى أخطأ، زيو وزي علماءنا البطلعوا فتاوي وبيجو ينكروها تاني يوم، أو بتثبت عدم صلاحيتها. بي صورة عامة يا أخ عماد في حاجات مرفوضة بالنسبة لينا نحن كسنة جوة بعض، يعني زواج المسيار لغاية اللحظة دي محرم عندنا في السودان، ومجاز في مناطق تانية. الأمانة بتقول يا أخ عماد نحن قريبين من بعض، والخلافات الموجودة بيناتنا خلافات بتحصل بين أصحاب المذهب الواحد فياريت الناس تحاول تلقى نقاط الإتفاق وتبعد من الخلاف. يا جماعة نحن بنصلي خمسة صلوات زي بعض، القرآن كتابنا نحن الإتنين، السنة النبوية للأمانة الصحيحين في رأيي يوجد ما يقدح في صحتهم، وبعيدا عن إننا ندخل في جدل في الموضوع دة، ما قادر أتخيل واحد بي طريقة الوثوقية المؤرخة بتاعة إنو كان بسافر في الزمن داك لا طيارة لا عربية لا قطر يمشي هنا وهنا عشان يتأكد من حديث يكون صحيحو فيهو أكتر من 10000 حديث، لأنو الطريقة أعلاه لو إتبعها 100 واحد ما ممكن ينجزوا أكتر من 2000 حديث. بالله عليك قادر تتخيل بلد ما يكون فيها إسم مدرسة أو جامعة أو شارع حتى بإسم الحسين بن علي ( رضي الله عنه ) ويكون فيها مدارس وشوارع في كل المدن بي إسم يزيد بن معاوية، يا جماعة الموضوع دة ما بخش عقل والله والخلاف مع الشيعة بخليكم تقعوا في المحظور بدون ما تحسوا عشان تنتصروا لرأيكم. ملحوظة آخيرة، قابلت سنة كتيرين جدا جدا بقوا شيعة، وشفت وقريت لكن من النادر جدا جدا أقابل شيعي بقى سني