|
Re: رد (Re: محمد عمر الفكي)
|
Quote: يا حيدر مداخلتك سبقت، لكن الكيس دا سيم سيم كيس بدر الدين الامير بتاع امبارح |
ههههههههههههههههههههههههههههههههههههههههههه
عندنا عمنا نحن صغار وقت تسألوا تقول ليهو جبت لي معاك من السوق شنو يقولك .. اصبع ضوة طويل وملوة :)
دحين لو الظهري ولو بدر.. ياهو نصيبك اصبع ضوة
| |
|
|
|
|
|
|
Re: رد (Re: HAIDER ALZAIN)
|
Quote: في الحقيقة زي ما قلت ليك كدة انا من بعد بار القريبة دي متوجه في رحلة ىطوييييييييلة لشمال ووسط وغرب المملكة حتى بعد العيد .. وبعدين نحن في الشرقية عيدنا بيجي بدري احتمال بكرة
بالنسبة لرجعتك برضي ما ظنيتك تلقاني انا من هسع ولغاية نهاية السنة في إجازة بالسودان ..البركة في ود عمك بس.. وان بقى ود عمك معتمر برضو فانصحك بالعيييري للشقق وجنبهم في مطعم ثريد تقطع اصابعك وراهو |
اكتر حاجة هاماني في قصتك الطويلة دي هو موضوع وصولك للغربية، اما الباقي فلا يُعتد به
Quote: أمبارح اخونا ود الفكي ، ضيع فرصة غايتو ، تاني ما ح تتكرر ،
|
خير ان شاء الله الحصل شنو؟ التانجو حظروهو ولا الظهري حلف طلاق، ولا ادوك ياهن واكلتهن ولا قالو ليك ود الفكي في غيبوبة ولا شنو بالضبط عشان نفهم لغتك الجازمة دي مصدرها شنو؟
Quote: اصبع ضوة طويل وملوة |
ااي يا حيدر انا عربي، لكن ما للدرجة دي، فممكن الترجمة؟ اسمع في اخبار من بت سليمان؟
| |
|
|
|
|
|
|
Re: رد (Re: عزالدين عباس الفحل)
|
يا اخي انت ووجيهك دا خلو عندكم شوية دم، ضاربين لي الساعة تلاتة دايرين تصحوني للسحور؟ ديكة انتو؟ ثم ثانياً انا ذاتي رقم الحساب في وكت متاخر زي دا ما بكون حافظو وبخاف اغلط اديكم رقم حساب زول محظوظ بالمناسبة لاين ما عندي ولا حا انزله ملياردير شنو دا البضرب باللاين والتانجو دا؟
| |
|
|
|
|
|
|
Re: رد (Re: عزالدين عباس الفحل)
|
Quote: الوجيه قال لي ، زولك دا ، تب ما عندو ، معانا كلام ، شوف لي زول تاني ، |
إنت عشان تشوفلك زول دي دايرالآ رفع ضو ؟، ما نحن مدموسين هنا من سنة حفرو البحر. سيبك من العربي اب كرعيناً مشققات دا وأنا رقم حسابي جاهز. أصلي ما بقنع، قالوا، جحا الشُفع متلمين فوقو ويكوركوا عاملين ليهو إزعاج وغلبة. عشان يسيبوهو قالهم، اجرو ناس فِلآن عندهم وليمة، الشُفع اوووووووور، جرو. بعد شوية جحا إنطلق وراهم، قال يمكن صُح. دحين يمكن صُح...
| |
|
|
|
|
|
|
Re: رد (Re: معاوية المدير)
|
غايتو يا المدير وحيدر لقيتكم حاسدين حسادة؟ وعلى شنو ما عارف؟ الا عملاً بنظرية يحسدوا الأعمى على كُبر عيونه هو نحن شفنا حاجة، ما ترانا مطوطحين للصفحة العاشرة مع ود الفحل احذركم ان مثل هذه التصريحات من ود الفحل هدفها كسر صف وحدتنا ليس الا وتهييج الراي العام بتاع ناس الفيسبوك التحت ديل علينا. قلت يا الفحل الملياردير قال لك وين الرجال الطيب داك؟ يرجن عضامك انت وياهو بحق من صلى وقال يا الله ود المدير ذاتو معاكم
| |
|
|
|
|
|
|
Re: رد (Re: محمد عمر الفكي)
|
والله غايتو :)
عاين يا ود المدير .. صاحبك ود الفكي مشي يقابض ليهو في مليونير عريبي ساااي كدة من ناسو ديل في الدوحة ..
Quote: ويدك معانا بالدعاء وليك على نرسل ليك تجى تحضر نهايات كاس العالم 2022 |
دا احسن وعد واطلق شئ طلعبها منو .. والله صحي
بالله ما اخير بتيخة الفحل
| |
|
|
|
|
|
|
Re: رد (Re: HAIDER ALZAIN)
|
اريتو كان كدا بس يا حيدر كمان قال للناس ود الفكي فطرني؟ صدق فطر ب سيكار، بتعرف السيكار ولا اجيب الكتالوج واجي؟ انا الليلة مالي يا حيدر؟ ود الفحل وود الامير الاتنين اتفسحو فيني؟ يكون دا عدم تركيز بسبب الصيام ولا بسبب ناتالي؟
| |
|
|
|
|
|
|
Re: رد (Re: محمد عمر الفكي)
|
لالا صدقني دي ناتالي ... :)
الصيام عمرو ما عمل كدة..
يعني طال عمرو ترجاهو 8 سنة تنطح السنة .. بالمناسبة انت ماعندك ذنب صاحبك ابسيكار دا ظنيتو فاطر طبيعي
| |
|
|
|
|
|
|
Re: رد (Re: HAIDER ALZAIN)
|
Quote: بالمناسبة انت ماعندك ذنب صاحبك ابسيكار دا ظنيتو فاطر طبيعي |
دا ظني فيهو بالمناسبة، عينك وقعت في ابوحسين؟ من يوم سؤاله عن الشي دا عيني وعينو ما اتلاقن؟
| |
|
|
|
|
|
|
Re: رد (Re: محمد عمر الفكي)
|
ابو حسين بيكون كسير الاصابعين نشف ريقو :)
بعدين انت قلت عندك رحلة ستستغرق اسابيع بالوسطى والشرقية ودي براها كفيلة بانه الناس دي كلها تفحط من هنا
يىخي ود المدير الفي البرتا من سمعك مسافر اتعوذ واتخارج بقينا نشوفو رهاب رهاب :)
يا الفحل.. اها زولك عاوز من ود الفكي شنو.. لانه احذرك واحذر الملياردير اذا ود الفكي واصل رحلته حتى الامارات - ودي النية - فصدقوني حاتشوفوا شعاع شعاع .. ولا عذر لكم بحكاية نزلنا السودان او الدولاب وقع من ضهر الكرسي ..
| |
|
|
|
|
|
|
Re: رد (Re: HAIDER ALZAIN)
|
Quote: بعدين انت قلت عندك رحلة ستستغرق اسابيع بالوسطى والشرقية ودي براها كفيلة بانه الناس دي كلها تفحط من هنا |
الشي سيل؟ يا ود الفحل والظهري كلام حيدر دا اخدوهو على محمل الجد، انا ان وصلت هناك ياني الملحقكم حسين ديقول
| |
|
|
|
|
|
|
Re: رد (Re: محمد عمر الفكي)
|
Quote: يىخي ود المدير الفي البرتا من سمعك مسافر اتعوذ واتخارج بقينا نشوفو رهاب رهاب :) |
كدي سويتو لي شنو في العمرة ؟. يا ود الفكي عليك الله خلي التِضِهِب بالضاهري لا تبعزق القريشات، أنا باقي عليكم تب. كجنت المليارديرات وأصبحت مؤمن إيمان كامل بأنه يضع سرو في أضعف خلقو. الوليد الشيخ وين ؟...
| |
|
|
|
|
|
|
رد (Re: معاوية المدير)
|
ود المدير اوعي يكون حاسبني في اضعف خلقو ديل هههههههه الوليد داير بيهو شنو؟ وليد دا مداح معانا
| |
|
|
|
|
|
|
Re: رد (Re: محمد عمر الفكي)
|
Quote: يا اخي انت ووجيهك دا خلو عندكم شوية دم، ضاربين لي الساعة تلاتة دايرين تصحوني للسحور؟ ديكة انتو؟ |
أوسكار يا ود الفكي لكن حرام عليك ظلمت الديكة.Quote: كدي سويتو لي شنو في العمرة ؟. الوليد الشيخ وين ؟... |
موجود يا مدير تسأل منك العافية إنت بس أقطع تذكرتك و تعال عمرتك و فنادقك و إقامتك في مكة و المدينة و جدة كلها على و كان ماشالتك الواطة أشيلك فوق رأسي.
| |
|
|
|
|
|
|
رد (Re: ALWALEED ALSHEIKH)
|
يا وليد عليك الله توضح انه التزامك دا شخصي لا علاقة لنا به من بعيد او قريب. انا شخصيا مسافر في مهمة عمل تتعاقب فيها طيارتي الراجعة مع طيارة ود المدير المغادرة لمطار الملك عبدالعزيز هههههههه
| |
|
|
|
|
|
|
Re: رد (Re: عزالدين عباس الفحل)
|
Quote: يا رجالة ، ود المدير باعوهو |
ويشهد على ذلك الحمار الاخضر وبنطلون الجينز الازرق
ممكن اغنية مطار ابوظبي للاساتاذ الموسيقار طه سليمان؟
| |
|
|
|
|
|
|
Re: رد (Re: محمد عمر الفكي)
|
Quote:
قرحطب فور برنقا · طب الفاشر
ساس العروبه وعزه شندي و متمة دارجعل صالب السيوف مابحزها شندي ومتمة دار جعل القال قبيلتي بهزها بلقالو قول في دار جعل شم الجبال مابلزها قول الشقي الحاسدجعل .... ''سحب السحاب وكتين يشيل شاف الكرم في دارجعل برق البروق وكتين يكيل عاجبو الكرم في دارجعل مطر المطور وكتين يسيل في الجود يقارب لي جعل نيل السما البنزل بهيل اجواد وما بلحق جعل ...... اسالني مابسال طفيق من التواريخ في جعل لوك الصبرماتكون شفيق واسمع غناي فوق دارجعل سندالرهيف عون الرفيق نعم الارابيب في جعل أكرم من المطر الدفيق شندي ومتمة دارجعل
قرحطب فور برنقا · طب الفاشر ............ مشاهدة المزيد رد · · 24 يونيو، الساعة 10:17 مساءً ...
|
عزالدين عباس الفحل ابوظبي ...
| |
|
|
|
|
|
|
Re: رد (Re: عزالدين عباس الفحل)
|
يا شباب ، إتصل بي الآن ، المهندس الفاتح حبيب ، أبوظبي ، وبيسلم عليكم فرداً فرداً ، وقال ليكم رمضان كريم ، تصوموا وتفطروا ع خير ، أها سامع ، يا حيدر الزين ، ،،،، ...
عزالدين عباس الفحل ابوظبي ...
| |
|
|
|
|
|
|
Re: رد (Re: عزالدين عباس الفحل)
|
وعليكم السلام ورحمة الله وبركاته الباشمهندس الفاتح حبيب ورمضان كريم تصوم وتفطر على خير..
وينك مطول الغيبة يا هندسة :)
يا فحل وين قصيدة ود الكابس القلتها لي؟؟ انا بوست بتاع الجعلي الكضاب تاني ما بدخله الا اشوف رد ود الكابس شعراً .. والا بخلي ليك الارباب ناصر احمد الامين ينجضك وينشف ريقك
تحياتي
| |
|
|
|
|
|
|
Re: رد (Re: عزالدين عباس الفحل)
|
Quote: الشاعر الكلس ، محمد عبدالماجد ود الكابس ، بقي فردة عديل ، وأنا متواصل معاهوا ، بالآيفون ، ونظم فيك قصيدة ، ح تكون مفاجاءة الموسم ، القصيدة خطيرة ، |
يا مك سلام لازم تنزل لينا قصيدة ود الكابس هنا على الأقل تاني نقدر نفاخر و نقول عندنا واحد صاحبنا نظم فيهو شاعر الجعليين المشهور ود الكابس قصيدة بس يا مك ما وريتنا القصيدة مدح و لا فخر و لا كيف باقي زى ماعارف حيدر ده جعلي أصلي.
| |
|
|
|
|
|
|
Re: رد (Re: HAIDER ALZAIN)
|
Quote: *** مداخلة من الايفون
|
اتاريها ما مكتوبة بالظهري !!!.
الظهري تنقطع عيشتو، بركة اللآ نام لا أكل الطعام...
| |
|
|
|
|
|
|
Re: رد (Re: معاوية المدير)
|
تدافرو للصفحة العاشرة ومامرق من ودالفحل يتيما ممسح ها ناس حرم زمنكم دا كان زرعتو جرير بس كان لي هسي ايفوناتكم وكراسيكم الدوارة ماتدي الدرب
| |
|
|
|
|
|
|
Re: رد (Re: عزالدين عباس الفحل)
|
الفحل السنة دي ما جايي مكة انت والمليارديـر والا شنو :)
Quote: أكرر شوف الفيس بوك |
يآخي كل مرة بمشي اتاوق في الفيس بوك وما شايف حاجة .. ما تتعبنا معاك برانا عطشانيين وطفشانيين لو قاصد رقم حوالة الويسترن رسلها من الايفون على الجلاكسي وخلاص
| |
|
|
|
|
|
|
Re: رد (Re: HAIDER ALZAIN)
|
Quote: يآخي كل مرة بمشي اتاوق في الفيس بوك وما شايف حاجة .. ما تتعبنا معاك برانا عطشانيين وطفشانيين لو قاصد رقم حوالة الويسترن رسلها من الايفون على الجلاكسي وخلاص |
يآخي تاوق، إنت خسران شنو ؟.
كدي خليهو يجيب القصيدة هنا، واللآ لو إنت لقيتا جيبا هنا عشان أمعطو ليك هو والشاعر بتاعو بوآحدة زي بتاعت فتاة وادي السيليكون اخلي رويساتُن زي المراوح. امممممممممأ وا...
| |
|
|
|
|
|
|
Re: رد وين الفيسبوك يا فحل ؟؟ (Re: معاوية المدير)
|
ود المدير .. الفحل حِرة رمضان دي مافارقة معاهو... شكلو راكب الكرسي الدوار ويمزمز في السفرجل والحرجل والبنجر .. ويقولك شوف الفيسبوك..
القصيدة دي باقي لي حا تبقى زي دولارات الملياردير.. غايتو كان راجينها عشان بعدين نشوف ابداعاتك المابتغبانا ومربوعيت ود الفكي.. هييييع
| |
|
|
|
|
|
|
Re: رد وين الفيسبوك يا فحل ؟؟ (Re: عزالدين عباس الفحل)
|
Quote: ممكن نلقي فنان ، وملحن بارع ، والقصيدة تدخل عالم الغناء ، والعداد بيرمي ، طبعاً لحيدر الزين ، مش فكرة ،
|
ههههههههههههههههههههههههههههههه ياخي قطعت مصاريني بالضحك قسماً بالله لف ولف ولف ورجع لمديحي يا حيدر مقاس كرعيك كم عشان نشوف لك مركوب بالمناسبة المقترح اعلاه نعي رسمي لاحلام العشرة الف دولار
| |
|
|
|
|
|
|
|