|
Re: أضواء على فعاليات في اليابان( توجد صور) (Re: الفاتح ميرغني)
|
إنعقد المؤتمر على خلفية مؤتمر بون والمؤتمرات اللاحقة وآخرها مؤتمر شيكاغو 2012 بمشاركة اكثر من 55 دولة ومنظمة دولية إضافة إلى الوكالات المتخصصة التابعة للامم المتحدة و25 منظمة تطوعية بجانب منظمات المجتمع المدني.. لقد تمحور الهدف الأساسي من المؤتمر حول إعادة تأكيد تعهدات المجتمع الدولي من أجل التنمية المستدامة( Sustainable development ) في افغانستان ما بعد رحيل القوات الدولية بنهاية العام 2014،فيما يعرف بـ " عقد التحول والإنتقال" والذي سيستمر حتى العام 2024، إستنادا على الإلتزامات و التعهدات التي بُذلت في مؤتمر بون الذي إنعقد في ديسمبر 2011 مقابل تعهدات الحكومة الافغانية الإلتزام بالديموقراطية والشفافية والحكم السديد( The good governance) ومحاربة الفساد وترسيخ ثقافة حقوق الإنسان، بما في ذلك حقوق المرأة والطفل.
| |
|
|
|
|
|
|
Re: أضواء على فعاليات في اليابان( توجد صور) (Re: صديق الموج)
|
Quote: الفاتح ابن اختى (البااااااااااااااار) انا ما داير اتكلم عن التجدع وكدة لكن اشهد الله بتشيل الزول وتختو فى قلب الحدث، وده توثيق مهم جداً ، يفيد كل من يمر من هنا.. لك التحايا النواضر وربنا يعدل خطوتك ويجعل ليك فى كل صورة بركة،،، |
واو "بين حمام ونسيم رسايلي محمولة! سلام يا خال يعلم الله مداخلاتم ما مفروض تبيت لانها بتجي طازجة من الفرن مباشرة. لكن العصر حاصل ويا داب الواحد شم نفسه! ودعواتكم دي هي الحافظة الواحد في البلد القاعده على " الهزاز"دي على قولة اساسي.
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: Abdlaziz Eisa)
|
الفاتح ابن اختى سلام وحاتك ترجمتك دى زكرتنى نكتة الزول الكتبو ليه الاورضحال وكان العرضحالجى بارعاً لدرجة ان قرأ الاورضحال لصاحبه فبكى الرجل وقال له: وحات الله ما قايل روحى مظلوم قدر ده.. هسه انت ترجمت كلام كلينتون احسن من ما هى كتبته ووشجته بقلائد الادب وحسنته بخضاب التهذيب حتى اصبح ليس بالامكان احسن من ما كان، وانا متاكد لو اطلعت عليه كلنتون لقالت: ( يقدد نظرى ويبقى لى بطلقة ما قايله انا قلت كلام سمح كده) وفقك الله،،،
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
Quote: الفاتح ابن اختى سلام وحاتك ترجمتك دى زكرتنى نكتة الزول الكتبو ليه الاورضحال وكان العرضحالجى بارعاً لدرجة ان قرأ الاورضحال لصاحبه فبكى الرجل وقال له: وحات الله ما قايل روحى مظلوم قدر ده.. هسه انت ترجمت كلام كلينتون احسن من ما هى كتبته ووشجته بقلائد الادب وحسنته بخضاب التهذيب حتى اصبح ليس بالامكان احسن من ما كان، وانا متاكد لو اطلعت عليه كلنتون لقالت: ( يقدد نظرى ويبقى لى بطلقة ما قايله انا قلت كلام سمح كده) وفقك الله،،، |
لووول يا خال ويسعد نهارك. يعلم الله انا ذاتي لحقت الزول الكتبو ليهو العرضحال!
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: عبدالمجيد المقابل)
|
Quote: رغم إدراكي التام بمقدرتك العالية في الترجمة ,لكن بعد إطلاعي علي الخطاب , زادت دهشتي ... يسلم يراعك يا حبيب |
النطاس الودود مجدي تحياتي مافي دهشة ولا حاجة.ده بس من ذوقك لانك إعتدت أن تسمع لحن الحياة قبل أن تزف للآخرين تباشير صرخة الميلاد الأولى.
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
ما شاء الله ما شاء الله وقل هو الله أحد ما غلبو حد يا الفاتح ود عمي ميرغني ,,
تسلم البطن الجابت,, ويسلم مخك وعقلك وفهمك,, ربنا يحفظك دخري للبلد , البلد الطفشت نورها ونوارها الزيك قعدوا لينا العواويير الله يكرمك, ناس أبو العفين وابو الحصين!! الله لا غز فيهم بركة بركة جاه النبي,, والله يا الفاتح إنت فخر لكل سوداني وتاج في جبين الشعب السوداني كلو محظوظين ناس الإمارات وفاااااااالحيــــــــن عرفوا يبحبتو الخبرات الثرة ويختفوها لي روحهم,, لو بفهوا الكيزان أولاد الهرمة,, الزيك حتى وظيفة سفير لبلاده شوية عليه قسما عظما المفروض إنت تكون وزير خارجية السودان وبجداااارة علم وفهم ورقي ,, وما شاء الله تبارك الله, وعين الحسود فيها عود مكسب إنت لحوش بكري ولينا نحن العرفناك عن قرب,, الواحد يقشر بيك في كل المحافل
النصيحة ليك يا الله إستفدت من آكسنت صاحبك ابو حمامة ما شاء الله في ترجمة بعد النضمي,, ده قبال ما أقرأ ترجمتك المعتبرة دي ,, والله صحي
| |
|
|
|
|
|
|
Re: أضواء على فعاليات في اليابان( توجد صور) (Re: مرتضي عبد الجليل)
|
غايتو يا الفاتح ود اختى ده كان طارق جبريل القرب منها قريب كده قطع شك كان جاب خبر الدلكة البتستعملها محلب هى واللا دلكة برتكان والا دلكة الله والرسول حقت العيش دى؟ انا المحيرنى وصلت لى عندها وما ادوك طلقه كيف؟ يا زول دى اوباما ما بخلوهو يتلصق عليها كده شكيتك على الله تشرف ود اختى ،،،
| |
|
|
|
|
|
|
Re: أضواء على فعاليات في اليابان( توجد صور) (Re: صديق الموج)
|
Quote: ما شاء الله ما شاء الله وقل هو الله أحد ما غلبو حد يا الفاتح ود عمي ميرغني ,,
تسلم البطن الجابت,, ويسلم مخك وعقلك وفهمك,, ربنا يحفظك دخري للبلد , البلد الطفشت نورها ونوارها الزيك قعدوا لينا العواويير الله يكرمك, ناس أبو العفين وابو الحصين!! الله لا غز فيهم بركة بركة جاه النبي,, والله يا الفاتح إنت فخر لكل سوداني وتاج في جبين الشعب السوداني كلو محظوظين ناس الإمارات وفاااااااالحيــــــــن عرفوا يبحبتو الخبرات الثرة ويختفوها لي روحهم,, لو بفهوا الكيزان أولاد الهرمة,, الزيك حتى وظيفة سفير لبلاده شوية عليه قسما عظما المفروض إنت تكون وزير خارجية السودان وبجداااارة علم وفهم ورقي ,, وما شاء الله تبارك الله, وعين الحسود فيها عود مكسب إنت لحوش بكري ولينا نحن العرفناك عن قرب,, الواحد يقشر بيك في كل المحافل
النصيحة ليك يا الله إستفدت من آكسنت صاحبك ابو حمامة ما شاء الله في ترجمة بعد النضمي,, ده قبال ما أقرأ ترجمتك المعتبرة دي ,, والله صحي |
شاعرتنا الودودة سوما. مشكورة يا ستي على الكلام البطيب الخاطر. وده من ذوقك. اهل الشعر دوما يتميزوا بحسن الكلم وجزيل العبارة وأنت ماشاء الله تملكين ناصيتها والاركان القصية زاتها، والله صحي. وابو حمامة صاحبي ده خايف اكتب عنه اقوم اسحرو( يا عين يا عنية يا حاسدة يا يابانية) لووول. زول مجضم الآكسنت الإيرلندي لدرجة الواحد بيشتهي الإنجليزي في خشمه. والإيرلنديون ديل بالذات معروف عنهم إنهم الوحيدين من بين كل الشعوب الأنجلوساكسونية البيجرو الكلام وبيموسقوه عشان كده قالوا ما في غير شعبين في الدنيا دي بيلحنوا الكلام: الشاقية في السودان والآيرش في اوروبا، واهو صاحبي طلع آيرش( لوووول) تحياتي له وللأسرة الكريمة وربنا يحفظكم من كل شر..
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
Quote: الشعوب الأنجلوساكسونية |
قلت لي شنو ؟ شعوب سكسكانية!! الفاتح يا خوي هوي انا حدي معاك الدبلوماسية الوااااحدة دي , والله صحي
ود الموج خالك ده وينو ؟ برضو إنجليزو مجضم ومجيه كدي اليجي يفرز لي دي سكسكانية ولا شعيرية ؟؟
ود شيقوق بطل حسادتك الأكلت عضيمك ده , بقيت تلولح بي هواء المكيف لوووولز والله صحي تعال مارق وريني كليمة الفاتح دي عنكوليب ولا قصب سكر محروق !!!!
أجشششششششش يا يمة حال سوما في بلاد التنقلش
| |
|
|
|
|
|
|
Re: أضواء على فعاليات في اليابان( توجد صور) (Re: الطيب شيقوق)
|
Quote: اها فتوحي ربنا اكرمك لحدى البروف المقابل جاك مارق من جحورو ويقول فيك كل ها الحكي
وتجي سوما ما فضل ليها علا تزغرد من كلامك المافي حد في الدنيا بيحسدك عليهو الا انا دا وبس اصلي حاسد نامن غلط |
حبيبنا ومستشارنا شيقا ياخ أنت حاشاك من الحسد. بعدين شاعرتنا سوما وبروفيسور مجدي ديل أنحنا دائما بنختهم تعويذة من ظلم الدهور. حاجة كده زي الـ " Hedge Fund" بتاع المستثمرين داك مش برضوا لليوم الأسود و تقلبات الدهر، ولا انا غلطان؟
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: Salah Ahmed Eisa)
|
الفاتح يا حلو ....
سلام من الزول الطَوَل منك كتير وما داير ترد على تلفوناتو ...
والله العظيم يا الفاتح بسمع فى كلام حاجة كلنتون دى و متابع ترجمتك، قلت بينى و بين نفسى الليله ود اللزين ده إلا أقبضو فى غلط و لو بسيط .. بعد شوية إكتشفت إنو أنا الغلطان ...
يا أخى ترجمة بى إحتراف، أما نقل الوقائع و بهذه الطريقة الجميلة خلتنى أحس إنه أنا ذاتى معاكم و حايم فى وسط الأكابر ديل... ما شاء الله و تبارك الله
| |
|
|
|
|
|
|
Re: أضواء على فعاليات في اليابان( توجد صور) (Re: Abdlaziz Eisa)
|
Quote: ود الموج خالك ده وينو ؟ برضو إنجليزو مجضم ومجيه كدي اليجي يفرز لي دي سكسكانية ولا شعيرية ؟؟ |
بت الجنيد انا زاتى زيك، الولد الفاتح ده بقانا زى مناديب اليمن فى الامم المتحدة سكسكانيته دى ما فرزتها ، وانا من زمان جنى وجن الانجليزى ابو صفارة ده لكن للضمان كده الداعى مدعى،،،
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
Quote: غايتو يا الفاتح ود اختى ده كان طارق جبريل القرب منها قريب كده قطع شك كان جاب خبر الدلكة البتستعملها محلب هى واللا دلكة برتكان والا دلكة الله والرسول حقت العيش دى؟ انا المحيرنى وصلت لى عندها وما ادوك طلقه كيف؟ يا زول دى اوباما ما بخلوهو يتلصق عليها كده شكيتك على الله تشرف ود اختى ،،، |
الولد خال، والله صحي.
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: عبدالمجيد المقابل)
|
Quote: قلت لي شنو ؟ شعوب سكسكانية!! الفاتح يا خوي هوي انا حدي معاك الدبلوماسية الوااااحدة دي , والله صحي
ود الموج خالك ده وينو ؟ برضو إنجليزو مجضم ومجيه كدي اليجي يفرز لي دي سكسكانية ولا شعيرية ؟؟
ود شيقوق بطل حسادتك الأكلت عضيمك ده , بقيت تلولح بي هواء المكيف لوووولز والله صحي تعال مارق وريني كليمة الفاتح دي عنكوليب ولا قصب سكر محروق !!!!
أجشششششششش يا يمة حال سوما في بلاد التنقلش |
لووول يا سوما ياخ. والله العظيم من كتبت تعليقك ده وانا: اعاين ليهو اضحك وامشي واجيهو راجع. قلتي لي الشعوب السكساكنية( أوسكار) المايك مع الخال والمستشار.
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
Quote: الفاتح يا حلو ....
سلام من الزول الطَوَل منك كتير وما داير ترد على تلفوناتو ...
والله العظيم يا الفاتح بسمع فى كلام حاجة كلنتون دى و متابع ترجمتك، قلت بينى و بين نفسى الليله ود اللزين ده إلا أقبضو فى غلط و لو بسيط .. بعد شوية إكتشفت إنو أنا الغلطان ...
يا أخى ترجمة بى إحتراف، أما نقل الوقائع و بهذه الطريقة الجميلة خلتنى أحس إنه أنا ذاتى معاكم و حايم فى وسط الأكابر ديل... ما شاء الله و تبارك الله |
حبيبنا محي الدين همس الشوق. والله إتصلت كم مرة لكن تلفونك أبى . بعدين يا جنابو حركات هركيول بوارو دي لسع ما نسيتا؟ كويس لقينا لينا شاهد إثبات. تحياتي للمدام والاولاد. معاكم في دبي قريبا. محبتي
| |
|
|
|
|
|
|
Re: أضواء على فعاليات في اليابان( توجد صور) (Re: بله محمد الفاضل)
|
حبيبنا الأديب الأريب الفاتح طليت وأسعدتنا بالحضور في بلاد الهان والكل ولهان مع تباشير الربيع وكأني بهم يرددون أتاك الربيع الطلق يختال ضاحكا من الحسن حتى كاد أن يتكلم نشكرك على الزيارة في عطلة نهاية الأسبوع والوقت الجميل الذي نستمتع به معك بالحوار والحكي ولكل أصدقائنا وأحباب الفاتح نهديكم نسمة من أرض الهان مع خالص الود
| |
|
|
|
|
|
|
Re: أضواء على فعاليات في اليابان( توجد صور) (Re: فضل الله خاطر)
|
Quote: سلام يا صاحب
أنظر ما لدينا إزاء معادلة دكتور المزروعي كل الطرق متاريس لكنهن قادمات قادمات |
" حتجي المن بدري جات من ظلامات السكات" حبيبنا بله تجدني لا أقل عنك تفاؤلا بمجيئهن، كما تفاءل من قبل مصطفانا، بل إستبق التفاؤل، عندما غرد للبت الحديقة في رمزيتها العجيبة ومدهشة!. دايما تدهشني قدراتك على الشوف في الظلام. فهي بمثابة تأكيد إضافي لمقولة: الشعر إلى جانب الإلهام نبض ضمير!
Quote: بك سعدت وأسعد أحسستني طائراً أرفرف في السماوات ولا يمسكني شيء |
شكرا يا فرح فنان ودافئ.
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
الأديب العزيز الفاتح أعجبتني الترجمة الاحترافية الدقيقة لخطاب سيدة البيت الأبيض الأولى السابقة والدبلوماسية الأنيقة وزيرة خارجية أمريكا السابقة هيلاري كلينتون، وأنا أتابع النص والترجمة والمعاني السامية ومضامين تعاون المجتمع الدولي من أجل رفاه الإنسان أينما وجد، أتذكر دائما حال بلادنا التي استحكم بها الضجر وبات الناس عنها يرحلون إلى وجهات مختلفة ليستمر مسلسل نزف العقول في وقت بات فيه كل العالم يشهد عصر عودة العقول المهاجرة لتبني أوطانها مرة أخرى ولتخلق وشائج تواصل واتصال معرفي لفائدة الطرفين تنهض بها ومتطلعة دوما إلى مستقبل زاهر. وما أتيح لك من تواصل مع رؤوس الدبلوماسية العالمية لم يتح للرأس الدبلوماسي الأول في بلادنا ومن يدري عسى ولعل يأتي يوم تتجه فيه البلاد للاستفادة من بنيها المهاجرين وأنت بالتأكيد أحد هؤلاء النفر الكريم من أبناء البلاد البررة.
ودام الود
| |
|
|
|
|
|
|
Re: أضواء على فعاليات في اليابان( توجد صور) (Re: فضل الله خاطر)
|
عزيزي الفاتح
Quote: حبيبنا ود خاطر بلاد الهان اضحت قاعدة وجدانية أتقهقر إليها كلما فاقمت طوكيو الضغوط وعملت على إذكاء الإحساس بالملل والرتابة! ملامح فرح واضحة احسستها هذه المرة في وجوه الكوريين وربما مردها إلى :إنتخاب اول إمرأة كرئيس لكوريا، وهو حدث غير مسبوق في التاريخ الشمال شرق آسيوي، ورقصة كنام إستايل التي اصبحت صرعة عالمية، والإقبال الشديد على سيارة هونداى في الولايات المتحدة وإنضمام كوريا لنادي الدول المانحة بعد أن بلغ حجم إقتصادها 1 تريليون دولار. وكل هذه العوامل مثيرة للفخر والفرح.وكان من الممكن أن يكون هذا الفرح عٌرسا كامل الدسم لولا " جاري وانا جارو". وهذه واحدة من محن الجغرافياالسياسية.! أن يرسل لك شخص في تلك الديار كسرة وملاح ام رقيقة وسلطة اسود كونك لم تتمكن من تلبية دعوته، فهذا منتهى المعزة.وأن يستضيفك آخرعلى مائدة سودانية كاملة الطقوس بما فيها وقوف ألاسرة في حالة إستعداد شبه عسكري، ولسان حالها يردد: " ساوا ليكم بي إيدنا الشاى"فذاك قمة المحبة! اما ليالي الانس اللذاذ بالحيل واحاديث السياسة في منزلكم العامر فهي لزوم ما يلزم، لكن الذي أدهشني حقا هو وجود طبق اللالوب حيث تملكني إحساس جارف أن امسك بحجر واقذف به الأنجاف علها تسقط المزيد منه.! لك ولشباب كوريا وافر التقدير والمحبة على الدفئ الذي أزاح عني زمهرير الشتاء.
محبتي |
لقد حبانا الله بأخوة كرام في هذه الديار البعيدة التي وصفتها جدتي عليها رحمة الله يوما ب " حد التراب" ولطالما ولدنا ونشأنا في ربوع البلد الجمالو خرافي " كردفان" فدائما نحمل معنا تبلدي وكديم ولالوب وكركدي ، حتى لا ننسى ولا ينسى بنونا وفوق هذا وذاك نعلق خريطة السودان القديمة وبجوارها الجديدة لتقيم الأجيال أين كنا وما صرنا إليه. مع خالص الود على هذا التعليق المميز. مع ودي
| |
|
|
|
|
|
|
Re: أضواء على فعاليات في اليابان( توجد صور) (Re: فضل الله خاطر)
|
Quote: الأديب العزيز الفاتح أعجبتني الترجمة الاحترافية الدقيقة لخطاب سيدة البيت الأبيض الأولى السابقة والدبلوماسية الأنيقة وزيرة خارجية أمريكا السابقة هيلاري كلينتون، وأنا أتابع النص والترجمة والمعاني السامية ومضامين تعاون المجتمع الدولي من أجل رفاه الإنسان أينما وجد، أتذكر دائما حال بلادنا التي استحكم بها الضجر وبات الناس عنها يرحلون إلى وجهات مختلفة ليستمر مسلسل نزف العقول في وقت بات فيه كل العالم يشهد عصر عودة العقول المهاجرة لتبني أوطانها مرة أخرى ولتخلق وشائج تواصل واتصال معرفي لفائدة الطرفين تنهض بها ومتطلعة دوما إلى مستقبل زاهر. وما أتيح لك من تواصل مع رؤوس الدبلوماسية العالمية لم يتح للرأس الدبلوماسي الأول في بلادنا ومن يدري عسى ولعل يأتي يوم تتجه فيه البلاد للاستفادة من بنيها المهاجرين وأنت بالتأكيد أحد هؤلاء النفر الكريم من أبناء البلاد البررة.
ودام الود |
حبيبنا ود خاطر. محبات كتار وشكر متدفق على حسن الظن الأعرض من المحيط الباسفيكي.! بمناسبة هجرة عصافير الخريف السوداني، ذكرتني مقولة منسوبة لفولتير:الرحيل هو ان تموت بعض الشيء ولكن إذا كان الإنسان سيرحل على أمل بدء حياة افضل فالرحيل هو ميلاد جديد. فولتير نفسه لم يستحمل البعاد عن فرنسا التي ضنت عليه ببعض حب، وظل يتنفسها ذكريات، شهيقا وزفيرا.! ويقيني أن كل اسراب العصافير التي هاجرت لا زالت تحمل السودان في وجدانها، برغم سفه الساسة والسياسة! في الدول المتقدمة يدرس طلبة العلوم السياسية مقولة لبسمارك: السياسة هي فن الممكن وعلم النسبية! في حين عرف عون شريف قاسم السياسة في بلادنا على أنها: مركب سفها.!!!! Quote: أتذكر دائما حال بلادنا التي استحكم بها الضجر وبات الناس عنها يرحلون إلى وجهات مختلفة ليستمر مسلسل نزف العقول في وقت بات فيه كل العالم يشهد عصر عودة العقول المهاجرة لتبني أوطانها مرة أخرى ولتخلق وشائج تواصل واتصال معرفي لفائدة الطرفين تنهض بها ومتطلعة دوما إلى مستقبل زاهر. |
"الموجة سامعة النم وتطانش القمرة والشاردة من اليم في حضنو منكسرة الجاي لو يعلم بالفاتو في المسرى قدام معاك يا عم والسايقة هي الحسرة" ( عاطف خيري).
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
Quote: فولتير نفسه لم يستحمل البعاد عن فرنسا التي ضنت عليه ببعض حب، وظل يتنفسها ذكريات، شهيقا وزفيرا.! ويقيني أن كل اسراب العصافير التي هاجرت لا زالت تحمل السودان في وجدانها، برغم سفه الساسة والسياسة! في الدول المتقدمة يدرس طلبة العلوم السياسية مقولة لبسمارك: السياسة هي فن الممكن وعلم النسبية! في حين عرف عون شريف قاسم السياسة في بلادنا على أنها: مركب سفها.!!!!
|
الفاتح سلامات ياخ عبارات قوية جدا والله يرجعنا دفء بلدنا من زمهرير الغربة قرشت عضامنا قرش بقينا بين امرين الغربة وودام بعلوووووو الهاناك ددة الله يصرفو
| |
|
|
|
|
|
|
Re: أضواء على فعاليات في اليابان( توجد صور) (Re: باسط المكي)
|
Quote: الفاتح سلامات ياخ عبارات قوية جدا والله يرجعنا دفء بلدنا من زمهرير الغربة قرشت عضامنا قرش بقينا بين امرين الغربة وودام بعلوووووو الهاناك ددة الله يصرفو |
آمين يا هندسة. "كل مانقول خلصنا الليل يطلع باكر ليلا أطول كل مانقول خلصنا الشيل تطلع شيلة باكر أتقل بس نتحمل ونصبر ونأمل إنو الجاي صباحا أجمل"
سائلين عنك ويوماتي رحيل لموانئ المدن النفطية!
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
الاستاذ الدبلوماسى الانيق الفاتح ميرغني متابعين بشغف شديد البوست الجميل ده لرجل متطلع جدا وفقكم الله ورعاكم تحياتى لزميل الدراسة بالمرحلة المتوسطة الاخ (محمد جعفر عثمان موسى)المقيم باليابان منذ فتره طويله شاهدت له صورة معكم فى هذا البوست.
سؤال: انطباعات غالبيةالناس المعااااك ديييل عن السودان والسودانيين شنو ؟؟
مودتى وتقديرى د. محمد الهادى - جده
| |
|
|
|
|
|
|
Re: أضواء على فعاليات في اليابان( توجد صور) (Re: محمد الهادى عبد الرحيم)
|
Quote: لقد حبانا الله بأخوة كرام في هذه الديار البعيدة التي وصفتها جدتي عليها رحمة الله يوما ب " حد التراب" ولطالما ولدنا ونشأنا في ربوع البلد الجمالو خرافي " كردفان" فدائما نحمل معنا تبلدي وكديم ولالوب وكركدي ، حتى لا ننسى ولا ينسى بنونا وفوق هذا وذاك نعلق خريطة السودان القديمة وبجوارها الجديدة لتقيم الأجيال أين كنا وما صرنا إليه. مع خالص الود على هذا التعليق المميز. مع ودي |
حبيبنا القاص ود خاطر. تحياتي النواضر كانت والدتي تقول - مثل جدتك - عليهما شأبيب الرحمة - " مرق في بلد طيرها عجمي" كناية عن بعد الديار.! الإحتفاظ بالخريطة القديمة مع الخريطة الجديدة للاجيال القادمة امر جميل وفيه -على مرارته - شيئا من الشفافية التي عجزنا ان ننزلها في فضائنا السياسي بمختلف مشاربه، وفي ذات الوقت تذكرة بالفشل والحسرة في المحافظة على وطن "حدادي مدادي"لاسباب سياسية ضيقة، وهي حسرة ، على إختلاف الملابسات، تقارب حسرة ابوعبدالله الصغير، آخر امراء الاندلس، والذي عندما إمتطى جواده ليغادر غرناطة مهزوما، طفرت منه دمعة.فما كان من أمه عائشة الحرة إلا ان قالت له " ابكي كانساء ملكا لم تستطع المحافظة عليه كالرجال"!!.
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: الفاتح ميرغني)
|
Quote: لقد حبانا الله بأخوة كرام في هذه الديار البعيدة التي وصفتها جدتي عليها رحمة الله يوما ب " حد التراب" ولطالما ولدنا ونشأنا في ربوع البلد الجمالو خرافي " كردفان" فدائما نحمل معنا تبلدي وكديم ولالوب وكركدي ، حتى لا ننسى ولا ينسى بنونا وفوق هذا وذاك نعلق خريطة السودان القديمة وبجوارها الجديدة لتقيم الأجيال أين كنا وما صرنا إليه. مع خالص الود على هذا التعليق المميز. مع ودي |
حبيبنا القاص ود خاطر. تحياتي النواضر كانت والدتي تقول - مثل جدتك - عليهما شأبيب الرحمة - " مرق في بلد طيرها عجمي" كناية عن بعد الديار.! الإحتفاظ بالخريطة القديمة مع الخريطة الجديدة للاجيال القادمة امر جميل وفيه -على مرارته - شيئا من الشفافية التي عجزنا ان ننزلها في فضائنا السياسي بمختلف مشاربه، وفي ذات الوقت تذكرة بالفشل والحسرة في المحافظة على وطن "حدادي مدادي"لاسباب سياسية ضيقة، وهي حسرة ، على إختلاف الملابسات، تقارب حسرة ابوعبدالله الصغير، آخر امراء الاندلس، والذي عندما إمتطى جواده ليغادر غرناطة مهزوما، طفرت منه دمعة.فما كان من أمه عائشة الحرة إلا ان قالت له " ابكي كانساء ملكا لم تستطع المحافظة عليه كالرجال"!!.
محبتي
| |
|
|
|
|
|
|
Re: أضواء على فعاليات في اليابان( توجد صور) (Re: Gaafar Ismail)
|
Quote: حبيبنا الفاتح أسعد الله أوقاتك (كلمة الوزيرة كلينتون في المؤتمر والتي حمُلتها وزارة الخارجية الامريكية )
ترجمة مميزة كعهدنا بك ، ومعذرة لدخولي المتأخر لهذا البوست القيم.
تحياتي ومحبتي |
عزيز اليابان والأرخبيل الآسيوي العم جعفر. تحياتي النواضر مرورك يشرح الخاطر.
محبتي
| |
|
|
|
|
|
|
|