أرفع رأسك أنت مؤتمر وطني

Quote: إنتهازيّة الساعة 25، عجّب! يا عسكري! الله يسألني، إنت زول إنتهازي منزوع الحياء والهِمّة؛ يا جنابك ما تصبر شويّة لمان أورنيك إنضمامك ناس محمد فرح يودوهو لا جوّة؛ قلت تجيهم ناصح بأن يرفعوا رؤوسهم! يودوها وين يا كمندانك؟ الناس ديل ما عندهم رؤوس ذاتهم عشان يرفعوها ولّ يطأطئوها، وإنت كان جيتم برويس مطأطأ، برضك أحسن منهم عديمي الرؤوس ديل؛ وإنت وكتين أصلاً عندك جينات وخلايا إنتهازيّة، مالك صابر الزمن ده كلو، عشرين سنة!، ويا قول الجريفاوي: النكلمك ضحى، الإنقاذ دي كانت عربية ماشة، والبركب كلو بيلقى ليهو لُقمة، لكن الليلة البيركب فيها يشد حيلو لي رمي وجديع الصاجات، الطريق وعر وكلو رمال، الإنقاذ وكرانا يا جنابك، وإنت زول عسكري ساكت، ولا يحمل الله نفساً إلا وسعها، وربنا ذاتو، سبحانه وتعالى، ما وسعها عليكم كتير يا أهل الكاكي.. الله يسألني خجلت ليك، يازول بلدكم دي ما فيها خجالات؟ اللهم لا تمحنا ولا تبلينا.. ____ بالمناسبة يا جنابك، إنت تميت كم شهر من ما إتلميت على خائب الرجاء؟؟ كم شهر كده؟؟؟